MATAYO 23
23
Yesu evasua vaandiki na Vafarisayo
(Mrk. 12:38-40; Luk. 11:37-54; 20:45-47)
1Niho Yesu akavavwira mavungano na varateri vakwe ekiti, 2“Vaandiki na Vafarisayo veikaiye kichumbi chakwe Mose. 3Vyose venemuvwira, vigureni na kuviketa; mira musiraterije mirongire yavo; ambu vo veteta mira teveketa. 4Vo vechunga mijigho yeemea na kuvavikia vantu he vituro vyavo, mira vo venye tevekunda neri kuikunta na kichaa chavo. 5Kangi ndima javo jose veronga nesa vavonwe ni vantu, ambu vearamija mpingu javo na kuongeja maeso avo; 6vekunda vichumbi vya mozya he kula mbao, na kuikaa mozya he masinagogi, 7na kukeziwa uko he viete, na kuitangwa ni vantu, ‘Rabi!’ 8Mira unywi musiitangwe, ‘Rabi;’ ambu mcheji wenyu ni mmwe, na unywi vose mu vandughu. 9Neri musimwitange mntu vava aha he masanga, ambu Vava wenyu ni mmwe e wa uko wanga. 10Neri musiitangwe varongori, ambu mrongori wenyu ni mmwe, eye Kristo. 11Na ula e m’baha wenyu, eneoka mndima wenyu. 12Na ula ekughosha m’baha ye mwenye, eneduishwa; na ula ekuduisha, eneghoshwa m’baha.
13“Vwasi vwenyu vaandiki na Vafarisayo, valung’ong’o! ambu mufingia vantu vufumwa vwa uko wanga; unywi venye temuingia hevwo, na vala veenda kuingia temuvakundija kuingia.
[ 14“Vwasi vwenyu vaandiki na Vafarisayo, valung’ong’o! ambu muheleja nyumba ja vache vefwiiwe ni vome, na he vuntu vwa lung’ong’o muomba lunde; heicho muneketa masa mabaha kukela.]
15“Vwasi vwenyu vaandiki na Vafarisayo, valung’ong’o, ambu muanga he bahari na he isanga ijomu, nesa mumghoshe mntu mmwe kuoka mrateri; na ekinagharuka mumghosha mwana wa gehena kumukela kantu keri.
16“Vwasi vwenyu varongori matuntu, unywi mweti, Mntu ekikurigha na nyumba ya mtaso si kintu, mira mntu eikikurigha na dhahabu ya nyumba ya mtaso, akuchunga na kirigho. 17Unywi virundu na matuntu; kibaha ni kihi? ni dhahabu kana ni nyumba ya mtaso yezerija iyo dhahabu? 18Kangi muti, Ula ekurigha na meza ya mtaso, si kintu; mira ula ekurigha na itasi leho wanga heyo, akuchunga na kirigho. 19Unywi mumatuntu, ambu kibaha ni kihi, ni itasi kana ni meza ya mtaso eyo yezerija itasi? 20Heicho, ula ekurigha na meza ya mtaso, ekurigha nayo na he vila vyeho wanga heyo vyose. 21Na ula ekurigha na nyumba ya mtaso, ekurigha nayo na he ula eikaa heyo. 22Na ula ekurigha na uko wanga, ekurigha na kichumbi cha Mrungu cha kifumwa na he ula ekiikaie.
23“Vwasi vwenyu vaandiki na Vafarisayo, valung’ong’o! ambu mufunya ifungu la ikumi la mburuja na mpirimpiri na bizari, mira mushigha vila vintu vibaha vya he myomongwa, evyo singisirya, mbonea na mwitikijo! Ivyo nivyo vyemutara kuviketa, mira na vila vingi musivishighe. 24Unywi varongori matuntu, mweerereja sirori na kumija ngamia.
25“Vwasi vwenyu vaandiki na Vafarisayo, valung’ong’o! ambu muoja vikombe na sahani nze, mira uko ndeni heizue vintu vya kibonda, na kusaketa kiringanyo. 26We Mfarisayo ituntu, ronga oja he kikombe na sahani ndeni, nesa kive iti nze naho haele.
27“Vwasi vwenyu vaandiki na Vafarisayo, valung’ong’o! ambu mwefwanane na mbira jeharishwe chokaa, kunu nze jivoneke iti ni jedi, mira uko ndeni jeizue mavindi a vefwie na mavoje ose. 28Na unywi nirevwo, kunu nze muvoneka he vantu iti mu venye kitea, mira uko ndeni mweizue lung’ong’o na lubero.
29“Vwasi vwenyu vaandiki na Vafarisayo, valung’ong’o! ambu mujenga mbira ja varoti na kuhamba jila ja venye kitea, 30na kuti, ‘Nanga uswi twekiho igheri la vazima vetu, twesekisankana navo he kugura sakame ya varoti.’ 31Huvo mukutetia vuonwa venye iti mu vana va vala vevakomie varoti. 32Izujani ra kiringanyo cha vazima venyu. 33Unywi nyoka, vana va majoka! muneaha ze ala masa a gehena? 34Heicho, rerehani, nimutumia varoti na venye viugho na vaandiki; va kumwe hevo munevakoma na kuvavamba he msalaba, na kumwe munevabighia he sinagogi jenyu, na kuvarieriesha he mizi yose; 35nesa sakame yose yesina nzune yeitike he isanga, imuhundukie, kuvokia sakame yakwe Abeli, ula mwenye kitea, mhaka sakame yakwe Zakaria mwana Barakia, ula mwemkomiie ghati ya hala hantu hezerire na meza ya mtaso. 36Kididi nimutio, ‘Ivyo vyose vinezia ulu lukolo.’”
Kuiia Yerusalemu
(Luk. 13:34-35)
37“Ee Yerusalemu, Yerusalemu! we mrekoma varoti na kuvabigha na mabwe vala vetumiwe hako! Ni kantu kangahi nanaenda kuvunganya vana vako hantu hamwe, sa vuntu nkuku yevunganya vusio vwayo he mazaghu ayo, neri musikunde. 38Rerehani, nyumba yenyu yashighwa isamo. 39Ambu nimutio, Kuvokia yoo temukanivone kangi neri, mhaka mwekineti, ‘Mwenye lutelwedi ni ula eza he izina la Mfumwa.’”
Currently Selected:
MATAYO 23: CHSUNT67
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.
MATAYO 23
23
Yesu evasua vaandiki na Vafarisayo
(Mrk. 12:38-40; Luk. 11:37-54; 20:45-47)
1Niho Yesu akavavwira mavungano na varateri vakwe ekiti, 2“Vaandiki na Vafarisayo veikaiye kichumbi chakwe Mose. 3Vyose venemuvwira, vigureni na kuviketa; mira musiraterije mirongire yavo; ambu vo veteta mira teveketa. 4Vo vechunga mijigho yeemea na kuvavikia vantu he vituro vyavo, mira vo venye tevekunda neri kuikunta na kichaa chavo. 5Kangi ndima javo jose veronga nesa vavonwe ni vantu, ambu vearamija mpingu javo na kuongeja maeso avo; 6vekunda vichumbi vya mozya he kula mbao, na kuikaa mozya he masinagogi, 7na kukeziwa uko he viete, na kuitangwa ni vantu, ‘Rabi!’ 8Mira unywi musiitangwe, ‘Rabi;’ ambu mcheji wenyu ni mmwe, na unywi vose mu vandughu. 9Neri musimwitange mntu vava aha he masanga, ambu Vava wenyu ni mmwe e wa uko wanga. 10Neri musiitangwe varongori, ambu mrongori wenyu ni mmwe, eye Kristo. 11Na ula e m’baha wenyu, eneoka mndima wenyu. 12Na ula ekughosha m’baha ye mwenye, eneduishwa; na ula ekuduisha, eneghoshwa m’baha.
13“Vwasi vwenyu vaandiki na Vafarisayo, valung’ong’o! ambu mufingia vantu vufumwa vwa uko wanga; unywi venye temuingia hevwo, na vala veenda kuingia temuvakundija kuingia.
[ 14“Vwasi vwenyu vaandiki na Vafarisayo, valung’ong’o! ambu muheleja nyumba ja vache vefwiiwe ni vome, na he vuntu vwa lung’ong’o muomba lunde; heicho muneketa masa mabaha kukela.]
15“Vwasi vwenyu vaandiki na Vafarisayo, valung’ong’o, ambu muanga he bahari na he isanga ijomu, nesa mumghoshe mntu mmwe kuoka mrateri; na ekinagharuka mumghosha mwana wa gehena kumukela kantu keri.
16“Vwasi vwenyu varongori matuntu, unywi mweti, Mntu ekikurigha na nyumba ya mtaso si kintu, mira mntu eikikurigha na dhahabu ya nyumba ya mtaso, akuchunga na kirigho. 17Unywi virundu na matuntu; kibaha ni kihi? ni dhahabu kana ni nyumba ya mtaso yezerija iyo dhahabu? 18Kangi muti, Ula ekurigha na meza ya mtaso, si kintu; mira ula ekurigha na itasi leho wanga heyo, akuchunga na kirigho. 19Unywi mumatuntu, ambu kibaha ni kihi, ni itasi kana ni meza ya mtaso eyo yezerija itasi? 20Heicho, ula ekurigha na meza ya mtaso, ekurigha nayo na he vila vyeho wanga heyo vyose. 21Na ula ekurigha na nyumba ya mtaso, ekurigha nayo na he ula eikaa heyo. 22Na ula ekurigha na uko wanga, ekurigha na kichumbi cha Mrungu cha kifumwa na he ula ekiikaie.
23“Vwasi vwenyu vaandiki na Vafarisayo, valung’ong’o! ambu mufunya ifungu la ikumi la mburuja na mpirimpiri na bizari, mira mushigha vila vintu vibaha vya he myomongwa, evyo singisirya, mbonea na mwitikijo! Ivyo nivyo vyemutara kuviketa, mira na vila vingi musivishighe. 24Unywi varongori matuntu, mweerereja sirori na kumija ngamia.
25“Vwasi vwenyu vaandiki na Vafarisayo, valung’ong’o! ambu muoja vikombe na sahani nze, mira uko ndeni heizue vintu vya kibonda, na kusaketa kiringanyo. 26We Mfarisayo ituntu, ronga oja he kikombe na sahani ndeni, nesa kive iti nze naho haele.
27“Vwasi vwenyu vaandiki na Vafarisayo, valung’ong’o! ambu mwefwanane na mbira jeharishwe chokaa, kunu nze jivoneke iti ni jedi, mira uko ndeni jeizue mavindi a vefwie na mavoje ose. 28Na unywi nirevwo, kunu nze muvoneka he vantu iti mu venye kitea, mira uko ndeni mweizue lung’ong’o na lubero.
29“Vwasi vwenyu vaandiki na Vafarisayo, valung’ong’o! ambu mujenga mbira ja varoti na kuhamba jila ja venye kitea, 30na kuti, ‘Nanga uswi twekiho igheri la vazima vetu, twesekisankana navo he kugura sakame ya varoti.’ 31Huvo mukutetia vuonwa venye iti mu vana va vala vevakomie varoti. 32Izujani ra kiringanyo cha vazima venyu. 33Unywi nyoka, vana va majoka! muneaha ze ala masa a gehena? 34Heicho, rerehani, nimutumia varoti na venye viugho na vaandiki; va kumwe hevo munevakoma na kuvavamba he msalaba, na kumwe munevabighia he sinagogi jenyu, na kuvarieriesha he mizi yose; 35nesa sakame yose yesina nzune yeitike he isanga, imuhundukie, kuvokia sakame yakwe Abeli, ula mwenye kitea, mhaka sakame yakwe Zakaria mwana Barakia, ula mwemkomiie ghati ya hala hantu hezerire na meza ya mtaso. 36Kididi nimutio, ‘Ivyo vyose vinezia ulu lukolo.’”
Kuiia Yerusalemu
(Luk. 13:34-35)
37“Ee Yerusalemu, Yerusalemu! we mrekoma varoti na kuvabigha na mabwe vala vetumiwe hako! Ni kantu kangahi nanaenda kuvunganya vana vako hantu hamwe, sa vuntu nkuku yevunganya vusio vwayo he mazaghu ayo, neri musikunde. 38Rerehani, nyumba yenyu yashighwa isamo. 39Ambu nimutio, Kuvokia yoo temukanivone kangi neri, mhaka mwekineti, ‘Mwenye lutelwedi ni ula eza he izina la Mfumwa.’”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.