Embandizo 19
19
Abantu ba Sodoma nibatabara omwa Loti
1Abamalaika bombili bagoba Sodoma bwaigoro; Loti akaba ashuntamire aha kihigi ky'ekigo. Loti orwo yababoine aimuka kubakiilira, abandama ainama obuso bukanga aha itaka, 2agamba ati, “Bakama bange, nimbatagiliza murabe omw'omwiru wanyu, munabe amaguru, muraremu, mwije mwimuke karai mugendelere n'orugendo rwanyu.” Bagamba bati, “Chei, turarara aheru.” 3Kyonkai Loti abazigilira n'amani, aho bataha omwe, abakolera obugenyi. Achumba omukate ogutainamu itumbyo, balya. 4Kyonkai kababaire batakabyamire, abanyakigo bona, abantu ba Sodoma, abato n'abakuru, baruga embaju zona, bazingora enju; taliho yasigaireyo. 5Beta Loti, bamubaza bati, “Abashaija abaija omwawe omu kiro balihai? Batuletere aheru tubamanye.” 6Loti aturuka nagaruramu orwigi, agenda ayolekeire ekihigi nabatahamu, 7agamba ati, “Barumuna bange nimbatagiliza mutakora kubi mutyo. 8Leba, nyina bahara bange babili abatakamanyire mushaija, kambabaletere aheru mubakore okwo murayenda, ekiliho abashaija aba mutabakora kyona kyona aha rw'okuba bashura omwange.” 9Kyonkai abanyakigo bagamba bati, “Rugamu kuli.” Bashuba bati, “Omushaija ogu akaija ali mufuruki, mbwenu nayenda kwekora muramuzi! Mbwenu turakukora kubi kushaga bonene.” Aho bamiga muno Loti baralira n'agahenda orwigi. 10Kyonkai abagenyi ba Loti baturukya emikono, bamutahya omu nju, bakinga orwigi. 11Kandi bahumisa amaisho g'abantu boa ababaire bali aheru aha rwigi, abajege n'abahango, bahigahiga orwigi balemesibwa.
Loti naruga Sodoma
12Aho abashaija ababili babaza Loti bati, “Oina ow'oinawe wena wena munu? Abakoi, batabani bawe, bahara bawe anga ow'oinawe wea wea omu kigo, obashohoze obaihye omu kigo omu. 13Aha rw'okuba tuli haihi kukisilikya, aha rw'enshonga orujojobo aha bantu bakyo rwakanya omu maisho g'Omukama, mara Omukama yatutweka kukisilikya.” 14Nikwo Loti kushohora akagambira abakoi, ababaire nibaija kushwera abahara ati, “Imuka, mushohore muruge munu; aha rw'okuba Omukama ali haihi kusilikya ekigo.” Kyonkai abakoi baboneka oti nabashanzira.
15Obwire kabwakeire abamalaika bakaka Loti nibagamba bati, “Imuka otware mukazi wawe na bahara bawe bombili abali aha, otaija okasilikirana omu kibonabonyio ky'ekigo.” 16Kyonkai wenene azengelera. Aho bamukwata omukono, wene na mukaziwe n'abahara bombili, aha rw'Omukama kumuganyira. Bamuturukya bamutwara enjai y'ekigo. 17Orwo babaire babaturukize bagamba bati, “Iruka ohunge, otaleba nyuma kandi otayemelera hona hona mu ruhanga. Irukira omu mabanga otaija okasilika.” 18Loti abagambira ati, “Waitu chei, bakama bange. 19Omwiru wanyu mwamusingira mwamukolera eky'amani mwamukiza. Kyonkai tinakwirukira mu mabanga, akabi kataija kakanshangayo nkagwayo. 20Lea, Ekigo kike kilinya nimukibona? Kili haihi bwoli. Kike, kambe nimwo mpungira, mara aho ndarokoka!” 21Omukama amuhorora ati, “Nikwo n'aha nakwikiliza. Ekigo kike ekyo wagamba tinkisilikye. 22Yanguha obe niyo ohungira; aha rw'okuba tinshobora kukora kantu kuhika orwo oragobayo.” Enshonga ekigo ekyo Loti akagamba okwo kili kike, nikyo bakyeteire Zoari.
Okusosotoka kwa Sodoma na Gomora
23Eizoba likaba lyashabukire aha iguru orwo Loti yagobire Zoari. 24Aho Omukama ayema omw'iguru asheshera Sodoma na Gomora obuganga n'omuliro. 25Asosotora ebigo bilinya n'oruhanga rwona n'abatuzi b'ebigo ebyo n'ebyabaire bimezire aha itaka. 26Kyonkai muka Loti akaba ali enyuma ya mushaijawe, akebuka, ahinduka nyomyo y'omwonyu. 27Aburahamu agenda bwankya karai mbali yabaire ayemeleire omu maisho g'Omukama. 28Aleba obugyaifo, niyo Sodoma na Gomora n'oruhanga rwona, abona ensi nechunka omwika nk'ekikomi.
29Nikwo byabaire bityo orwo Ruhanga yasosotoire ebigo by'omu ruhanga. Ruhanga aijuka Aburahamu, aihya Loti omu kibundo, orwo yasosotoire ebigo ebyo yaturagamu.
Entabuko y'Abamoabu n'Abaamoni
30Aho Loti aruga Zoari, atura omu mabanga omu mpako hamoi n'abahara bombili, ahakuba akaba natina kutura Zoari. 31Omuzigaijo agambira omuto ati, “Tataichwe mugurusi, n'omu nsi talimu mushaija wa kugenda na ichwe nk'okwo emigilire y'ensi yona eli. 32Ija tumunyoise edivai mara tubyame nawe, tushobore kumuzaraho abaana.” 33Aho balenga omu kiro omwo banyoisa ishebo edivai. Omuzigaijo atahamu abyama na ishe. Loti tiyamumanyire mibyamireye anga mimukireye. 34Bukeire omuzigaijo agambira omuto ati, “Omu kiro mbyamire na tata, mbwenu na kir'eki tushube tumunyoise edivai, aho otahemu obyame nawe tumuzareho abaana.” 35Aho omu kiro ekyo bashuba bamunyoisa edivai; omuto aimuka abyama nawe; Loti tiyamumanyire mibyamireye anga mimukireye. 36Nikwo Loti kutweka abahara bombili enda. 37Omuzigaijo azara omwana w'obwojo, eibara amweta Moabu; niwe ishenkuru Abamoabu kugoba kir'eki. 38N'omuto azara omwana w'omwojo, eibara amweta Benami, niwe ishenkuru Abaamoni kugoba kir'eki.
Currently Selected:
Embandizo 19: RHAY01
Highlight
Share
Copy
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
Embandizo 19
19
Abantu ba Sodoma nibatabara omwa Loti
1Abamalaika bombili bagoba Sodoma bwaigoro; Loti akaba ashuntamire aha kihigi ky'ekigo. Loti orwo yababoine aimuka kubakiilira, abandama ainama obuso bukanga aha itaka, 2agamba ati, “Bakama bange, nimbatagiliza murabe omw'omwiru wanyu, munabe amaguru, muraremu, mwije mwimuke karai mugendelere n'orugendo rwanyu.” Bagamba bati, “Chei, turarara aheru.” 3Kyonkai Loti abazigilira n'amani, aho bataha omwe, abakolera obugenyi. Achumba omukate ogutainamu itumbyo, balya. 4Kyonkai kababaire batakabyamire, abanyakigo bona, abantu ba Sodoma, abato n'abakuru, baruga embaju zona, bazingora enju; taliho yasigaireyo. 5Beta Loti, bamubaza bati, “Abashaija abaija omwawe omu kiro balihai? Batuletere aheru tubamanye.” 6Loti aturuka nagaruramu orwigi, agenda ayolekeire ekihigi nabatahamu, 7agamba ati, “Barumuna bange nimbatagiliza mutakora kubi mutyo. 8Leba, nyina bahara bange babili abatakamanyire mushaija, kambabaletere aheru mubakore okwo murayenda, ekiliho abashaija aba mutabakora kyona kyona aha rw'okuba bashura omwange.” 9Kyonkai abanyakigo bagamba bati, “Rugamu kuli.” Bashuba bati, “Omushaija ogu akaija ali mufuruki, mbwenu nayenda kwekora muramuzi! Mbwenu turakukora kubi kushaga bonene.” Aho bamiga muno Loti baralira n'agahenda orwigi. 10Kyonkai abagenyi ba Loti baturukya emikono, bamutahya omu nju, bakinga orwigi. 11Kandi bahumisa amaisho g'abantu boa ababaire bali aheru aha rwigi, abajege n'abahango, bahigahiga orwigi balemesibwa.
Loti naruga Sodoma
12Aho abashaija ababili babaza Loti bati, “Oina ow'oinawe wena wena munu? Abakoi, batabani bawe, bahara bawe anga ow'oinawe wea wea omu kigo, obashohoze obaihye omu kigo omu. 13Aha rw'okuba tuli haihi kukisilikya, aha rw'enshonga orujojobo aha bantu bakyo rwakanya omu maisho g'Omukama, mara Omukama yatutweka kukisilikya.” 14Nikwo Loti kushohora akagambira abakoi, ababaire nibaija kushwera abahara ati, “Imuka, mushohore muruge munu; aha rw'okuba Omukama ali haihi kusilikya ekigo.” Kyonkai abakoi baboneka oti nabashanzira.
15Obwire kabwakeire abamalaika bakaka Loti nibagamba bati, “Imuka otware mukazi wawe na bahara bawe bombili abali aha, otaija okasilikirana omu kibonabonyio ky'ekigo.” 16Kyonkai wenene azengelera. Aho bamukwata omukono, wene na mukaziwe n'abahara bombili, aha rw'Omukama kumuganyira. Bamuturukya bamutwara enjai y'ekigo. 17Orwo babaire babaturukize bagamba bati, “Iruka ohunge, otaleba nyuma kandi otayemelera hona hona mu ruhanga. Irukira omu mabanga otaija okasilika.” 18Loti abagambira ati, “Waitu chei, bakama bange. 19Omwiru wanyu mwamusingira mwamukolera eky'amani mwamukiza. Kyonkai tinakwirukira mu mabanga, akabi kataija kakanshangayo nkagwayo. 20Lea, Ekigo kike kilinya nimukibona? Kili haihi bwoli. Kike, kambe nimwo mpungira, mara aho ndarokoka!” 21Omukama amuhorora ati, “Nikwo n'aha nakwikiliza. Ekigo kike ekyo wagamba tinkisilikye. 22Yanguha obe niyo ohungira; aha rw'okuba tinshobora kukora kantu kuhika orwo oragobayo.” Enshonga ekigo ekyo Loti akagamba okwo kili kike, nikyo bakyeteire Zoari.
Okusosotoka kwa Sodoma na Gomora
23Eizoba likaba lyashabukire aha iguru orwo Loti yagobire Zoari. 24Aho Omukama ayema omw'iguru asheshera Sodoma na Gomora obuganga n'omuliro. 25Asosotora ebigo bilinya n'oruhanga rwona n'abatuzi b'ebigo ebyo n'ebyabaire bimezire aha itaka. 26Kyonkai muka Loti akaba ali enyuma ya mushaijawe, akebuka, ahinduka nyomyo y'omwonyu. 27Aburahamu agenda bwankya karai mbali yabaire ayemeleire omu maisho g'Omukama. 28Aleba obugyaifo, niyo Sodoma na Gomora n'oruhanga rwona, abona ensi nechunka omwika nk'ekikomi.
29Nikwo byabaire bityo orwo Ruhanga yasosotoire ebigo by'omu ruhanga. Ruhanga aijuka Aburahamu, aihya Loti omu kibundo, orwo yasosotoire ebigo ebyo yaturagamu.
Entabuko y'Abamoabu n'Abaamoni
30Aho Loti aruga Zoari, atura omu mabanga omu mpako hamoi n'abahara bombili, ahakuba akaba natina kutura Zoari. 31Omuzigaijo agambira omuto ati, “Tataichwe mugurusi, n'omu nsi talimu mushaija wa kugenda na ichwe nk'okwo emigilire y'ensi yona eli. 32Ija tumunyoise edivai mara tubyame nawe, tushobore kumuzaraho abaana.” 33Aho balenga omu kiro omwo banyoisa ishebo edivai. Omuzigaijo atahamu abyama na ishe. Loti tiyamumanyire mibyamireye anga mimukireye. 34Bukeire omuzigaijo agambira omuto ati, “Omu kiro mbyamire na tata, mbwenu na kir'eki tushube tumunyoise edivai, aho otahemu obyame nawe tumuzareho abaana.” 35Aho omu kiro ekyo bashuba bamunyoisa edivai; omuto aimuka abyama nawe; Loti tiyamumanyire mibyamireye anga mimukireye. 36Nikwo Loti kutweka abahara bombili enda. 37Omuzigaijo azara omwana w'obwojo, eibara amweta Moabu; niwe ishenkuru Abamoabu kugoba kir'eki. 38N'omuto azara omwana w'omwojo, eibara amweta Benami, niwe ishenkuru Abaamoni kugoba kir'eki.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.