Matayo 7
7
Muu mu sakwasleemuutara'
(Lk 6:37-38, 41-42)
1“Muu mu sakwasleemuutara' as kuungá' mutunduwa sakwaaleemuút. 2Asma sakwasleemadá' kuungá' muu kura sakwasleemuté', kingi kuungár sakwasleemuut. Harqoomaydá' ta qoomeemesa', kungu kuungár qoomeemees sleeme. 3Kuúng mas suwito'ór baraá iltá heewók an ga/eér, ala waaqaasír baraá iltók a tsatsahhaandaaká? 4Laqaá adór heewók kur beer, ‘Xáda, suwito'oosír baraá iltók án ngi hingeés’, bar waaqaasi i baraá iltók i dirí'. 5Kuúng adoosinge a hhaahhafusmo. Waaqaasír baraá iltók ala geerí hingeeseek. Daqaní suwito'oodár baraá iltá heewók i dirii' a tsaahha hhe'és nee kawa hinges.
6“Gár hhoohhoo' ma seeaawér i hanmiisara', asma inooín kuungá' nu i warqayá' nuwa kikiihhiya'. Slám miisli ma baynuú i kwakwaahhara', asma inooín mingiwa yaamí adaraahiyé'.”
Firo
(Lk 11:9-13)
7“Firiiriimé', nee kuungá' tundu qáy, leelehhiitaak nee kuungá' a sleerá', ateetimé' afér maráy wa ale, nee piindo ka duux. 8Asma umuúqo heé firiiriím, ku qáy, nee kudá' leelehhiít, ga sláy, nee kudá' afkuú doó wa ateetiím, piindo ka duux. 9Baraá tla/angwhunge hee i deéro oo na/aywós gu tlaa/anoó i haniís mukatmo burngwa firín? 10Laqaá siyó burngwa firín, dayshimo gu haniísi? 11Ala kuungaásingá' tlakw muruú hhó' u xuá' kuwa na/'iihúng i hanmisa'. Xáy, Baabuúhúng oo gawaá doorí dirií' i ak waaraáhhiíke muruú hhó' nguwa haniisi dír kudá' inós ngu firiiriimá'.
12“Gawaá adoorihe umuúqo gaaro ar kuungá' ta sla'a' muu ni kuungí tleehhi, kuungá' adoodá' tleehhaak sleeme dir'ine. Asma hara'ayár Musa nee gooír aaruuse adoorí gan kát.”
Afkuú iiraákw
(Lk 13:24)
13“Daraahé' ar waarahhamuú afkuú iiraákw#7:13 Afkuú iiraákw Gídaabá Tsufáy iiraáw., asma afkuú iintlaáxw nee loohír iintlaaxw an tidár baraá qwanoó kaw. Nee múk loohidá' ga óh ku úr. 14Ala afkuú iiraákw nee loohír iiraakw an tidár baraá slafíngw kaw. Nee múk loohidá' ga ár ku niiná.”
Xa'ano nee na/'iiwós
(Lk 6:43-44)
15“Ti harmagahhe' nee mukdá' káh, ‘Atén a aaruuse,’ ala a loeeká, kudá' tlabaá bee/aangw nga tsiitiye', ala laatí baraaine a tawerú xaraásl. 16Mukwí uqo tsahhá' ar muruudá' taa tleehhi. Xáy, muu sabiíbu gu gawaá xaa'aá laqayaá wa búi? 17Gawaá adoorihe umuúqo xa'anoó hhoó' na/'aá hho' gin laqwaal. Nee xa'anoó tlaákw na/'aá tlakw gin laqwaal. 18Xa'anoó hhoó' na/'aá tlakw gi laqwaaliiká. Slám xa'anoó tlaákw na/'aá hho' gi laqwaaliiká. 19Umuú xa'anoó na/'aá hhó' laqwaliimaaká, kun tsaat, kway kwaahh baraá asltí ale. 20Gawaá adoorihe kuungá' mukdaádá' u tsahhá' ar tlehhmi'ii'ín kudá' ta tlehhiiti.”
Án nu baloó xuaaká
(Lk 13:25-27)
21“Heé aní tawó babáw, ‘Aáko, Aáko,’ i dahiiká baraá waawuti'iimár dooriiwo. Heé dáh a kudá' sla'aarír Baabuúeé' oo gawaá doorí dirií', ga tlehhiít. 22Baldá' múk yaariír aníng i bay, ‘Aáko, Aáko, aaru'uuma aga tleehhániíke, nee neetlaame aga gusisimániíke, tam muruú yaariír oo waa/oo/amo ugwa tlehhiitániíke ar /uuruuwók kudá' naa atén i hanís.’ 23Aluuwo án ngiri baw ar gwa/ateema, ‘Án kuungá' nu baloó xuaaká. Quutlé' dir'eene, kuungaásingá' muruú tlákw tlehhahhitá'.’”
Maraá tsár
(Lk 6:47-49)
24“Umuúqo heé axweesanay'eé' kwí gwa axaas nee gway tleéhh, a slaqás nee heé fuqurángw koóm, oo do'ós gwa tleehh gawaá daanduú tlaa/a. 25Tluwaay iri tluúw, yau niri wa/iyé' amór doó i alé, nee fur'a guri i fukuukú', ala do'dá' aa huuiiká, asma koo/irós kaa tleéhh gawaá daanduú tlaa/a.
26“Nee heé axweesanay'eé' kwí gwa axaas, ala gway tleehhiiká, a slaqás nee heé daktani, oo do'ós gwa tleehh gawaá daanduú hhasaangw. 27Tluwaay iri tluúw, yau nay wa/iyé' amór doó i alé, nee fur'a guri i fukuukú', do'dá' guri diingís iri huú'. Nee adór do'dá' ira huú' ka ló'wa slasla/aar.”
Aleesleemuú Yesu
28Yesu /aymi'iiká' ngiwa hhe'eés axweesanto, boo/oó yaariír oo muu ina waa/oó/ ló'wa aleeró asma intsaahhatimisuuwós. 29Asma gina intsaahhatimís adór heé hara'ayár koóm, tam a adór intsaahhatuusér hara'ayár Musawooká.
Currently Selected:
Matayo 7: IQWNT
Highlight
Share
Copy
Want to have your highlights saved across all your devices? Sign up or sign in
Iraqw New Testament © Bible Society of Tanzania, 1977.
Matayo 7
7
Muu mu sakwasleemuutara'
(Lk 6:37-38, 41-42)
1“Muu mu sakwasleemuutara' as kuungá' mutunduwa sakwaaleemuút. 2Asma sakwasleemadá' kuungá' muu kura sakwasleemuté', kingi kuungár sakwasleemuut. Harqoomaydá' ta qoomeemesa', kungu kuungár qoomeemees sleeme. 3Kuúng mas suwito'ór baraá iltá heewók an ga/eér, ala waaqaasír baraá iltók a tsatsahhaandaaká? 4Laqaá adór heewók kur beer, ‘Xáda, suwito'oosír baraá iltók án ngi hingeés’, bar waaqaasi i baraá iltók i dirí'. 5Kuúng adoosinge a hhaahhafusmo. Waaqaasír baraá iltók ala geerí hingeeseek. Daqaní suwito'oodár baraá iltá heewók i dirii' a tsaahha hhe'és nee kawa hinges.
6“Gár hhoohhoo' ma seeaawér i hanmiisara', asma inooín kuungá' nu i warqayá' nuwa kikiihhiya'. Slám miisli ma baynuú i kwakwaahhara', asma inooín mingiwa yaamí adaraahiyé'.”
Firo
(Lk 11:9-13)
7“Firiiriimé', nee kuungá' tundu qáy, leelehhiitaak nee kuungá' a sleerá', ateetimé' afér maráy wa ale, nee piindo ka duux. 8Asma umuúqo heé firiiriím, ku qáy, nee kudá' leelehhiít, ga sláy, nee kudá' afkuú doó wa ateetiím, piindo ka duux. 9Baraá tla/angwhunge hee i deéro oo na/aywós gu tlaa/anoó i haniís mukatmo burngwa firín? 10Laqaá siyó burngwa firín, dayshimo gu haniísi? 11Ala kuungaásingá' tlakw muruú hhó' u xuá' kuwa na/'iihúng i hanmisa'. Xáy, Baabuúhúng oo gawaá doorí dirií' i ak waaraáhhiíke muruú hhó' nguwa haniisi dír kudá' inós ngu firiiriimá'.
12“Gawaá adoorihe umuúqo gaaro ar kuungá' ta sla'a' muu ni kuungí tleehhi, kuungá' adoodá' tleehhaak sleeme dir'ine. Asma hara'ayár Musa nee gooír aaruuse adoorí gan kát.”
Afkuú iiraákw
(Lk 13:24)
13“Daraahé' ar waarahhamuú afkuú iiraákw#7:13 Afkuú iiraákw Gídaabá Tsufáy iiraáw., asma afkuú iintlaáxw nee loohír iintlaaxw an tidár baraá qwanoó kaw. Nee múk loohidá' ga óh ku úr. 14Ala afkuú iiraákw nee loohír iiraakw an tidár baraá slafíngw kaw. Nee múk loohidá' ga ár ku niiná.”
Xa'ano nee na/'iiwós
(Lk 6:43-44)
15“Ti harmagahhe' nee mukdá' káh, ‘Atén a aaruuse,’ ala a loeeká, kudá' tlabaá bee/aangw nga tsiitiye', ala laatí baraaine a tawerú xaraásl. 16Mukwí uqo tsahhá' ar muruudá' taa tleehhi. Xáy, muu sabiíbu gu gawaá xaa'aá laqayaá wa búi? 17Gawaá adoorihe umuúqo xa'anoó hhoó' na/'aá hho' gin laqwaal. Nee xa'anoó tlaákw na/'aá tlakw gin laqwaal. 18Xa'anoó hhoó' na/'aá tlakw gi laqwaaliiká. Slám xa'anoó tlaákw na/'aá hho' gi laqwaaliiká. 19Umuú xa'anoó na/'aá hhó' laqwaliimaaká, kun tsaat, kway kwaahh baraá asltí ale. 20Gawaá adoorihe kuungá' mukdaádá' u tsahhá' ar tlehhmi'ii'ín kudá' ta tlehhiiti.”
Án nu baloó xuaaká
(Lk 13:25-27)
21“Heé aní tawó babáw, ‘Aáko, Aáko,’ i dahiiká baraá waawuti'iimár dooriiwo. Heé dáh a kudá' sla'aarír Baabuúeé' oo gawaá doorí dirií', ga tlehhiít. 22Baldá' múk yaariír aníng i bay, ‘Aáko, Aáko, aaru'uuma aga tleehhániíke, nee neetlaame aga gusisimániíke, tam muruú yaariír oo waa/oo/amo ugwa tlehhiitániíke ar /uuruuwók kudá' naa atén i hanís.’ 23Aluuwo án ngiri baw ar gwa/ateema, ‘Án kuungá' nu baloó xuaaká. Quutlé' dir'eene, kuungaásingá' muruú tlákw tlehhahhitá'.’”
Maraá tsár
(Lk 6:47-49)
24“Umuúqo heé axweesanay'eé' kwí gwa axaas nee gway tleéhh, a slaqás nee heé fuqurángw koóm, oo do'ós gwa tleehh gawaá daanduú tlaa/a. 25Tluwaay iri tluúw, yau niri wa/iyé' amór doó i alé, nee fur'a guri i fukuukú', ala do'dá' aa huuiiká, asma koo/irós kaa tleéhh gawaá daanduú tlaa/a.
26“Nee heé axweesanay'eé' kwí gwa axaas, ala gway tleehhiiká, a slaqás nee heé daktani, oo do'ós gwa tleehh gawaá daanduú hhasaangw. 27Tluwaay iri tluúw, yau nay wa/iyé' amór doó i alé, nee fur'a guri i fukuukú', do'dá' guri diingís iri huú'. Nee adór do'dá' ira huú' ka ló'wa slasla/aar.”
Aleesleemuú Yesu
28Yesu /aymi'iiká' ngiwa hhe'eés axweesanto, boo/oó yaariír oo muu ina waa/oó/ ló'wa aleeró asma intsaahhatimisuuwós. 29Asma gina intsaahhatimís adór heé hara'ayár koóm, tam a adór intsaahhatuusér hara'ayár Musawooká.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iraqw New Testament © Bible Society of Tanzania, 1977.