Luka 1
1
1Ni veengyi veefo valeipoo maako vandevika mbony ta Yesu ando amwi, tyeende ntere, yeto ta findo fileutika kunu kweru, 2shaasa lulefityo ni vandu valya valellollya irero yelyo na miso awo wo veni kumya yoo mapookyony a vayo, na ilyirundya. 3Kimmba ni indo, na yeny shavelollya ni kisha shiiduve mbele mbony yeto udongo kipookya yoo mapookyony a vayo shitisununde nisha, shikwekye-ny itireiya Teofilo wakwa nsuri. 4Naambo kukooye imanya mbony yeto kuleloshwa mmbo titiri ukureekyi lwa vayo.
Mawonikyony a Yohane aambawa
5Naasa meendi alya Herode akee mangyi ya kulya Yudaya kweefo nndu nkohani evaangwa Sakaria akee wa ufyari lwa Abia. Erie nka wa efo vefuny va Aron, na irina lyakwe ni Elisabeti. 6Nawo vee vavii vekee vandu va usumanu efo usanguny lwa Iruva; veevallya na mavavaso moose a Nndumi na ngyufundo takwe valatiri nta mbese. 7Nawo mmbetiri mwana-fo mashika Elisabeti ekee nka kyuumba nawo vee vavii vemmikwa deny. 8Naasa Sakaria eefo arundaa mashora akwe a ukohani efo kisanguny kya Iruva kikwaani na ikamba lyakwe lya irunda. 9Naasa na vakohani veeshivye ikapa kura, nalyo kawuiyo ni kura nandeanga neefo mmba ya Nndumi nandekora ubani. 10Na vandu vakuumbye-u mamwiingyi moose veefo vaterevaa efo poo kyeeri ekyo ubani lwakorwa. 11Naasa nsu wa Nndumi kasha ikoora nawe asalalyi yoo woko usha lwa mesa eekorya ubani. 12Sakaria kallollya kaising'ang'a kawoywa mmbwerei. 13Naasa nsu ulya wa Iruva kammbia, “Nta kulairyee-fo Sakaria! Kimmba kiterewo kyafo kyammirikywa, na nka wafo Elisabeti akaa nakwiirye mwana wa womi. Neewe kushemfishya irina lyakwe ni Yohane. 14Nawe ashekuniinga ifura na ikyesa, neelyi awonikaa veengyi vashuuta-u nsia. 15Mashika akaa nave nniini yoo kisanguny kya Nndumi, nta nalashenaa mfinyo nta kindo kinangaa, na kipookyaa elyi awonikaa naveva nndu aishwe Mumuyo Mweele. 16Na vana va Israeli veengyi ashevaviiraa vawuye yaalukya Nndumi Iruva waawo. 17Nawe muni ashemwiiryaa mbee akee na Mumuyo wa Elia na finya yakwe nandealwa ngoo ta vandeye va vandu tiwuye yaalukya vana vawo, na yewo vatiri kiila navevaalwa vakooye itira makusaro a vandu va usumanu, naambo vakooye ideesya Nndumi vandu vakwe vakee vasongosye.” 18Nalyo Sakaria kavia nsu ulya wa Iruva: “A kindo ekyo mmbo shikyimanyaa inda? Mashika yeny shammba mmiku, na nka wakwa ni nkyeku wa suku shiingi.” 19Nalyo nsu ulya wa iruva kaallwa kammbia: “Yeny ni Gabrieli shisalalyi mwirumwa yoo kisanguny kya Iruva. Sharumwa shisherera neewe shivekufitya nrumi yeyo ya nsia. 20Neewe llate kushevaa mbimbi kulashiidimaa irera kufike nkonu yeto elyi kisheutikaa indo. Kimmba kwanra kulakusirya na marero yoo akwa. Nang'u ashiinukyaa elyi kyeeri kya vayo kyamfika.” 21Naasa na vandu valya vakuumbye-fo vee-fo vavereyaa Sakaria. Vakatambiswa elyi akyeeywa indo efo mmba ya Iruva. 22Naasa kasomuka na poo nta naleedimi irera nawo. Nawo vakamanya paa mmbo amwoorwa kindo efo mmba ya Iruva. Nawe kava avasinya-sinyaany. Kakaa akee mbimbi. 23Kikava elyi mikonu ya mashora akwe yansia alya a ukohani lwakwe, kakwiipoo keenda kyeny kwakwe. 24Naasa elyi numa ya mikonu ilya nka ulya wakwe, we Elisabeti kakufinga. Kandekusuruma efo kyeny ando a miiri iraanu. 25Kaamba, “Ni indo Nndumi aleshitannya mikonu yei annyisauwa, nashyuute nayo usutu lwakwa kunu vanduny.”
Mawonikyony a Yesu aambawa
26Naasa elyi kwamfika mwiiri wa karindaru nsu ulya Gabrieli karumwa ni Iruva nandefika kulya muriny wa Galilaya uvangwaa Nasareti, 27kulya kwa mwana wa kyeny umwi akee mfinge ni nsero umwi avangwaa Yosefu, akee wa mmba ya Davidi. Na irina lya mwana ulya wa kyeny ni Maria. 28Nalyo nsu ulya wa Iruva kaanga na efo kwakwo kaamba, “Shakuidikira yewe kukee nkyiiye! Ni Nndumi akee neewe!” 29Naasa elyi eeta avio indo, kaising'ang'a. Kava aswaangyany kya kyiidikiro kyilya nkya ngata-kyi? 30Nalyo nsu ulya wa Iruva kammbia, “Nta kulairyee-fo Maria! Mmbo kwawona ikyiiyo efo kwa Iruva. 31Neewe llate kushekufingaa kwiire mwana wa womi, na irina lyakwe kushemmbangaa Yesu. 32Nawe akaa nave nniini navevaangwa ni Mwana wa yeto akee uve ya findo fyoose. Na Nndumi Iruva nanniinge kitima kya umangyi kya ndeye we Davidi. 33Nawe asheshillya mmba ya Yakobo nafike llung'anu na umangyi lwakwe lulakooyaa nta ando lwamanda-fo.” 34Naasa Maria kavia nsu ulya wa Iruva, “A kindo ekyo kyishutikaa inda elyi yeny shilaishi nta mmi?” 35Nsu ulya wa Iruva kaallwa kambia, “Ni Mumuyo Mweele ashekusokyaa na finya ya yeto akee uwe ya findo fyoose ishekukayaa. Nkyo kyaniinga ekyo kyeele kyishirwaa kyivaangwa ni ‘Mwana wa Iruva.’ 36Neewe llate, mfyari ulya wafo Elisabeti nawe-da avekufingye lya mwana wa womi lla ndesa akee nkuu. Na mwiiri yeu wakwe mbwa karindaru. Nawe alevaangwa kyuumba. 37Mashika efo kwa Iruva nkwiifo kindo kyilashiidimikaa-fo.” 38Naasa Maria kaamba, “Akakau yeny shikee kyishinga kya Nndumi, ekyo kyakwa kyivekuviiyany indo shaasa kwaamba.” Naasa nsu ulya wa Iruva kakwiipoo keenda.
Maria andesaiya Elisabeti
39Naasa Maria kawara shia mikonu ilya myeni. Kandefika kulya mafumbu-u na ngeta, kulya muri wa Yuda. 40Kasha yaanga neefo mmba kwa Sakaria. Kaidikira Elisabeti. 41Kyikavaany elyi Elisabeti aita kyiidikiro kilya kya Maria, nalyo kimwana kilya kyikashonga efo nsangeny wa maye. Na Elisabeti kaishwa Mumuyo Mweele. 42Kaonisa unyanga uniini kaamba, “Yewe kulelimyo mbora nnang'ani ya vaka! Na ekyo kyeendwa ni nsanga wafo kyivekee kyilimyi mbora! 43Na kindo ekyo kyashukya na kwi, elyi shakusheyo ni maye wa Nndumi wakwa? 44Mashika elyi mangelele a kiidikiro kyafo aanga maarwiny akwa, nalyo kyimwana ekyo kikashonga kunu nsangen mbwakwa kiitirwa ni nsia. 45Na ngoma yewe kulekusirya-u, mashika ekyo kulevio kyuuka kwa Nndumi mmbo kyikaa kiutike indo.”
Kiimbo kya Maria
46Nalyo Maria kaamba,
“Nrima wakwa wang'anisa Nndumi
47na ngoo yakwa ikakyesa kyimaruma kya Iruva akee nkira wakwa.
48Mashika elyi alelola ufwafwa lwa kyishinga kyakwe.
Mashika kipookya ulaalu
Marika moose asheshivia,
‘Ngoma ni yewe!’
49Kimmba yeto Mwaafinya anshitanya findo finiini.
Na irina lyakwe lyikava yeele.
50Kalunga isarya vandu marika na marika
a yewo vamweereiye.
51Kava mwiitana fya wiidimi na woko lwakwe
Katarakanisa yewo vatiri kyiila efo makusarony a mirima yaawo.
52Yewo valyimbye kavakuna efo fitiminy fyawo.
Karosa yewo vafwafwa.
53Yewo vatirwa nshaa kavawutisa findo fya muye
na yewo masimba kavasama vakeenda ruu,
54Kasheekya kyishinga kyakwe we Israeli.
Nandekummbwa ivasarya.
55Ndesa alevia vande valya veru
we Abrahamu na ufyari lwakwe kufike llung'anu.”
56Naasa Maria kakaa na Elisabeti kafika ando a mikonu iraru. Kawuya na kulya kyeny kwakwe.
Mawonikyony a Yohane Mmbatisi
57Naasa Elisabeti kafita kyeeri kyakwe kya iira mwana. Kaira mwana wa womi. 58Nalyo vandu va nnyanu sanda na va ufyari lwakwe vakaita mmbo Nndumi allilya kyikang'ana. Vakasanga nawe vakafura. 59Kyikavaany elyi kwamfika nkonu wa nyanya vakasha nafo vanderina kimwana kilya. Vakakunda ikyifishya irina lya ndeye Sakaria. 60Nalyo maye karouwa kaamba, “Ode! Mmbo avaangwa Yohane!” 61Nawo vakambia, “A elyi efo ufyariny lwafo kuleefo nndu avaangwaa irina elyi!” 62Naasa vakasinnya ndeye kya immbesa irina akundye imfishya. 63Nawe kakunda ipoo lya ireiya. Kareiya-u kyeamba Irina lyakwe ni Yohane. Vakasongololo woose. 64Naasa kyaangu naakyo kana kakwe kakatambashuka kiwo na ulimi lwakwe. Karera ashaarafumaa Iruva. 65Nalyo valya vafiiti nawo nnyanuny vakawoywa mbweerei woose. Na mbony tilya toose tikaenda ikwaana kulya mafumbuny a Yudaya tikakwaana koose. 66Na valya vaita vakatisuruma efo ngoony tawo vakaamba, “A Mwana yeu mmbo akaa nave wa ngata ingai? Nyeli woko lwa Nndumi lunkaaye.”
Kyiimbo kya Sakaria
67Na ndeye, we Sakaria kaishwa Mumuyo Mweele kaawuya kisuku kaamba,
68“Kundearafumwa Nndumi,
we Iruva wa Israeli.
Kimmba ansaiya vandu vakwe na ivawouwa.
69Kaluseleesya ngo ya ukiro
lwa efo mmba ya nsero wakwe, we Davidi.
70Shaasa alerera na kana ka vakisuku
valya vakwe veele kyipookya elyo mbee.
71Kya iluniinga ikirwa misa eru
na ilwauwa efo maakony a yewo valusuuye woose.
72Natani indo kya isarya vande valya veru
na ikummbwa nkundanu ulya wakwe mweele.
73Mboo ilya alelyiiya nde ulya weeru,
we Abrahamu naluniinge,
74ando lushenndundyaa lulakitiri weerei
lukee valete maakony a misa.
75Lukooye ikaafo lukee na uvaramu na usumanu
efo kisanguny kyakwe fyeeri fyeru fyoose.
76Na yewe kyimwana kukaa kuvaangwa,
‘Nkisuku wa eto akee uwe ya findo fyoose,’
mashika kushiryaa Nndumi mbee efo kisanguny kyakwe
kundesongosia shia takwe.
77Kya iniinga vandu vakwe urango usha,
lweemanya shaasa vakooyaa ikirwa
kyikee kyeefwaayo ngyulyamari tawo.
78Nnyelyi Iruva weeru avavyo mmuu kya ilulyilya.
Nkyo kimaruma lukasheyo ni sa yuuka efo uuwe.
79Naambo ishevaiya yewo valele ireeminy na
nruveny wa ufu.
Nakooye yoorisa marende eru na efo shieny ya ufoo.”
80Naasa kimwana kyilya kyikaenda kyiing'ana-ng'anaa na yeengera itumaa efo nriminy. Nawe kandekaa kundo kwa kasa katana afika nkonu ulya alendekoora na Israeli paa.
Currently Selected:
Luka 1: MASNT00
Highlight
Share
Copy
Want to have your highlights saved across all your devices? Sign up or sign in
New Testament in Kimashami © Bible Society of Tanzania, 2000.
Luka 1
1
1Ni veengyi veefo valeipoo maako vandevika mbony ta Yesu ando amwi, tyeende ntere, yeto ta findo fileutika kunu kweru, 2shaasa lulefityo ni vandu valya valellollya irero yelyo na miso awo wo veni kumya yoo mapookyony a vayo, na ilyirundya. 3Kimmba ni indo, na yeny shavelollya ni kisha shiiduve mbele mbony yeto udongo kipookya yoo mapookyony a vayo shitisununde nisha, shikwekye-ny itireiya Teofilo wakwa nsuri. 4Naambo kukooye imanya mbony yeto kuleloshwa mmbo titiri ukureekyi lwa vayo.
Mawonikyony a Yohane aambawa
5Naasa meendi alya Herode akee mangyi ya kulya Yudaya kweefo nndu nkohani evaangwa Sakaria akee wa ufyari lwa Abia. Erie nka wa efo vefuny va Aron, na irina lyakwe ni Elisabeti. 6Nawo vee vavii vekee vandu va usumanu efo usanguny lwa Iruva; veevallya na mavavaso moose a Nndumi na ngyufundo takwe valatiri nta mbese. 7Nawo mmbetiri mwana-fo mashika Elisabeti ekee nka kyuumba nawo vee vavii vemmikwa deny. 8Naasa Sakaria eefo arundaa mashora akwe a ukohani efo kisanguny kya Iruva kikwaani na ikamba lyakwe lya irunda. 9Naasa na vakohani veeshivye ikapa kura, nalyo kawuiyo ni kura nandeanga neefo mmba ya Nndumi nandekora ubani. 10Na vandu vakuumbye-u mamwiingyi moose veefo vaterevaa efo poo kyeeri ekyo ubani lwakorwa. 11Naasa nsu wa Nndumi kasha ikoora nawe asalalyi yoo woko usha lwa mesa eekorya ubani. 12Sakaria kallollya kaising'ang'a kawoywa mmbwerei. 13Naasa nsu ulya wa Iruva kammbia, “Nta kulairyee-fo Sakaria! Kimmba kiterewo kyafo kyammirikywa, na nka wafo Elisabeti akaa nakwiirye mwana wa womi. Neewe kushemfishya irina lyakwe ni Yohane. 14Nawe ashekuniinga ifura na ikyesa, neelyi awonikaa veengyi vashuuta-u nsia. 15Mashika akaa nave nniini yoo kisanguny kya Nndumi, nta nalashenaa mfinyo nta kindo kinangaa, na kipookyaa elyi awonikaa naveva nndu aishwe Mumuyo Mweele. 16Na vana va Israeli veengyi ashevaviiraa vawuye yaalukya Nndumi Iruva waawo. 17Nawe muni ashemwiiryaa mbee akee na Mumuyo wa Elia na finya yakwe nandealwa ngoo ta vandeye va vandu tiwuye yaalukya vana vawo, na yewo vatiri kiila navevaalwa vakooye itira makusaro a vandu va usumanu, naambo vakooye ideesya Nndumi vandu vakwe vakee vasongosye.” 18Nalyo Sakaria kavia nsu ulya wa Iruva: “A kindo ekyo mmbo shikyimanyaa inda? Mashika yeny shammba mmiku, na nka wakwa ni nkyeku wa suku shiingi.” 19Nalyo nsu ulya wa iruva kaallwa kammbia: “Yeny ni Gabrieli shisalalyi mwirumwa yoo kisanguny kya Iruva. Sharumwa shisherera neewe shivekufitya nrumi yeyo ya nsia. 20Neewe llate kushevaa mbimbi kulashiidimaa irera kufike nkonu yeto elyi kisheutikaa indo. Kimmba kwanra kulakusirya na marero yoo akwa. Nang'u ashiinukyaa elyi kyeeri kya vayo kyamfika.” 21Naasa na vandu valya vakuumbye-fo vee-fo vavereyaa Sakaria. Vakatambiswa elyi akyeeywa indo efo mmba ya Iruva. 22Naasa kasomuka na poo nta naleedimi irera nawo. Nawo vakamanya paa mmbo amwoorwa kindo efo mmba ya Iruva. Nawe kava avasinya-sinyaany. Kakaa akee mbimbi. 23Kikava elyi mikonu ya mashora akwe yansia alya a ukohani lwakwe, kakwiipoo keenda kyeny kwakwe. 24Naasa elyi numa ya mikonu ilya nka ulya wakwe, we Elisabeti kakufinga. Kandekusuruma efo kyeny ando a miiri iraanu. 25Kaamba, “Ni indo Nndumi aleshitannya mikonu yei annyisauwa, nashyuute nayo usutu lwakwa kunu vanduny.”
Mawonikyony a Yesu aambawa
26Naasa elyi kwamfika mwiiri wa karindaru nsu ulya Gabrieli karumwa ni Iruva nandefika kulya muriny wa Galilaya uvangwaa Nasareti, 27kulya kwa mwana wa kyeny umwi akee mfinge ni nsero umwi avangwaa Yosefu, akee wa mmba ya Davidi. Na irina lya mwana ulya wa kyeny ni Maria. 28Nalyo nsu ulya wa Iruva kaanga na efo kwakwo kaamba, “Shakuidikira yewe kukee nkyiiye! Ni Nndumi akee neewe!” 29Naasa elyi eeta avio indo, kaising'ang'a. Kava aswaangyany kya kyiidikiro kyilya nkya ngata-kyi? 30Nalyo nsu ulya wa Iruva kammbia, “Nta kulairyee-fo Maria! Mmbo kwawona ikyiiyo efo kwa Iruva. 31Neewe llate kushekufingaa kwiire mwana wa womi, na irina lyakwe kushemmbangaa Yesu. 32Nawe akaa nave nniini navevaangwa ni Mwana wa yeto akee uve ya findo fyoose. Na Nndumi Iruva nanniinge kitima kya umangyi kya ndeye we Davidi. 33Nawe asheshillya mmba ya Yakobo nafike llung'anu na umangyi lwakwe lulakooyaa nta ando lwamanda-fo.” 34Naasa Maria kavia nsu ulya wa Iruva, “A kindo ekyo kyishutikaa inda elyi yeny shilaishi nta mmi?” 35Nsu ulya wa Iruva kaallwa kambia, “Ni Mumuyo Mweele ashekusokyaa na finya ya yeto akee uwe ya findo fyoose ishekukayaa. Nkyo kyaniinga ekyo kyeele kyishirwaa kyivaangwa ni ‘Mwana wa Iruva.’ 36Neewe llate, mfyari ulya wafo Elisabeti nawe-da avekufingye lya mwana wa womi lla ndesa akee nkuu. Na mwiiri yeu wakwe mbwa karindaru. Nawe alevaangwa kyuumba. 37Mashika efo kwa Iruva nkwiifo kindo kyilashiidimikaa-fo.” 38Naasa Maria kaamba, “Akakau yeny shikee kyishinga kya Nndumi, ekyo kyakwa kyivekuviiyany indo shaasa kwaamba.” Naasa nsu ulya wa Iruva kakwiipoo keenda.
Maria andesaiya Elisabeti
39Naasa Maria kawara shia mikonu ilya myeni. Kandefika kulya mafumbu-u na ngeta, kulya muri wa Yuda. 40Kasha yaanga neefo mmba kwa Sakaria. Kaidikira Elisabeti. 41Kyikavaany elyi Elisabeti aita kyiidikiro kilya kya Maria, nalyo kimwana kilya kyikashonga efo nsangeny wa maye. Na Elisabeti kaishwa Mumuyo Mweele. 42Kaonisa unyanga uniini kaamba, “Yewe kulelimyo mbora nnang'ani ya vaka! Na ekyo kyeendwa ni nsanga wafo kyivekee kyilimyi mbora! 43Na kindo ekyo kyashukya na kwi, elyi shakusheyo ni maye wa Nndumi wakwa? 44Mashika elyi mangelele a kiidikiro kyafo aanga maarwiny akwa, nalyo kyimwana ekyo kikashonga kunu nsangen mbwakwa kiitirwa ni nsia. 45Na ngoma yewe kulekusirya-u, mashika ekyo kulevio kyuuka kwa Nndumi mmbo kyikaa kiutike indo.”
Kiimbo kya Maria
46Nalyo Maria kaamba,
“Nrima wakwa wang'anisa Nndumi
47na ngoo yakwa ikakyesa kyimaruma kya Iruva akee nkira wakwa.
48Mashika elyi alelola ufwafwa lwa kyishinga kyakwe.
Mashika kipookya ulaalu
Marika moose asheshivia,
‘Ngoma ni yewe!’
49Kimmba yeto Mwaafinya anshitanya findo finiini.
Na irina lyakwe lyikava yeele.
50Kalunga isarya vandu marika na marika
a yewo vamweereiye.
51Kava mwiitana fya wiidimi na woko lwakwe
Katarakanisa yewo vatiri kyiila efo makusarony a mirima yaawo.
52Yewo valyimbye kavakuna efo fitiminy fyawo.
Karosa yewo vafwafwa.
53Yewo vatirwa nshaa kavawutisa findo fya muye
na yewo masimba kavasama vakeenda ruu,
54Kasheekya kyishinga kyakwe we Israeli.
Nandekummbwa ivasarya.
55Ndesa alevia vande valya veru
we Abrahamu na ufyari lwakwe kufike llung'anu.”
56Naasa Maria kakaa na Elisabeti kafika ando a mikonu iraru. Kawuya na kulya kyeny kwakwe.
Mawonikyony a Yohane Mmbatisi
57Naasa Elisabeti kafita kyeeri kyakwe kya iira mwana. Kaira mwana wa womi. 58Nalyo vandu va nnyanu sanda na va ufyari lwakwe vakaita mmbo Nndumi allilya kyikang'ana. Vakasanga nawe vakafura. 59Kyikavaany elyi kwamfika nkonu wa nyanya vakasha nafo vanderina kimwana kilya. Vakakunda ikyifishya irina lya ndeye Sakaria. 60Nalyo maye karouwa kaamba, “Ode! Mmbo avaangwa Yohane!” 61Nawo vakambia, “A elyi efo ufyariny lwafo kuleefo nndu avaangwaa irina elyi!” 62Naasa vakasinnya ndeye kya immbesa irina akundye imfishya. 63Nawe kakunda ipoo lya ireiya. Kareiya-u kyeamba Irina lyakwe ni Yohane. Vakasongololo woose. 64Naasa kyaangu naakyo kana kakwe kakatambashuka kiwo na ulimi lwakwe. Karera ashaarafumaa Iruva. 65Nalyo valya vafiiti nawo nnyanuny vakawoywa mbweerei woose. Na mbony tilya toose tikaenda ikwaana kulya mafumbuny a Yudaya tikakwaana koose. 66Na valya vaita vakatisuruma efo ngoony tawo vakaamba, “A Mwana yeu mmbo akaa nave wa ngata ingai? Nyeli woko lwa Nndumi lunkaaye.”
Kyiimbo kya Sakaria
67Na ndeye, we Sakaria kaishwa Mumuyo Mweele kaawuya kisuku kaamba,
68“Kundearafumwa Nndumi,
we Iruva wa Israeli.
Kimmba ansaiya vandu vakwe na ivawouwa.
69Kaluseleesya ngo ya ukiro
lwa efo mmba ya nsero wakwe, we Davidi.
70Shaasa alerera na kana ka vakisuku
valya vakwe veele kyipookya elyo mbee.
71Kya iluniinga ikirwa misa eru
na ilwauwa efo maakony a yewo valusuuye woose.
72Natani indo kya isarya vande valya veru
na ikummbwa nkundanu ulya wakwe mweele.
73Mboo ilya alelyiiya nde ulya weeru,
we Abrahamu naluniinge,
74ando lushenndundyaa lulakitiri weerei
lukee valete maakony a misa.
75Lukooye ikaafo lukee na uvaramu na usumanu
efo kisanguny kyakwe fyeeri fyeru fyoose.
76Na yewe kyimwana kukaa kuvaangwa,
‘Nkisuku wa eto akee uwe ya findo fyoose,’
mashika kushiryaa Nndumi mbee efo kisanguny kyakwe
kundesongosia shia takwe.
77Kya iniinga vandu vakwe urango usha,
lweemanya shaasa vakooyaa ikirwa
kyikee kyeefwaayo ngyulyamari tawo.
78Nnyelyi Iruva weeru avavyo mmuu kya ilulyilya.
Nkyo kimaruma lukasheyo ni sa yuuka efo uuwe.
79Naambo ishevaiya yewo valele ireeminy na
nruveny wa ufu.
Nakooye yoorisa marende eru na efo shieny ya ufoo.”
80Naasa kimwana kyilya kyikaenda kyiing'ana-ng'anaa na yeengera itumaa efo nriminy. Nawe kandekaa kundo kwa kasa katana afika nkonu ulya alendekoora na Israeli paa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Kimashami © Bible Society of Tanzania, 2000.