Matayo 21
21
Yesu aanga Yerusalemu
(Mar 11:1-11; Luk 19:28-40; Yoh 12:12-19)
1Naasa elyi Yesu na vakiloshyony kyakwe veefo vashaafukyaa Yerusalemu vamfika kulya Betifage, alya ifumbuny lya miri itiri ndunda tikamwaa mafura, nalyo Yesu karuma-u vakiloshyony vavii. 2Kavavia, “Endeny efo muriny usumani na yaa mukai. Mukamfika-fo llyo yeni mushekooyaa-fo nshungu wa kyika ukee mfingye ando uryani na ngashe ya vayo. Endeny muuporommwi, musheenngye. 3Na kwakooya nndu amuvesa, mmbieny, ‘Ni Nndumi aukunndye, nalyo asheweekeyaa.’ 4Na kimaruma kikaenda indo ni kilya kikee kirere na kana ka nndu ulya mwaauya kisuku naambo kikooye iinukya-u kyeamba,
5‘Endevieny muri wa Sion,
akakato mangyi yafo eefo ashaa na kwafo akee mfoo,
asaammyi mungo wa nshungu na ngashe ya vayo,
ikee mwana wa kindo kyeenga mario.’ ”
6Naasa valya vakiloshyony vakakweengya vakavetana indo, shaasa Yesu avavavasya. 7Vakeende nshungu ulya na ngashe ya vayo. Vakawuya vakaala soori tawo ta uwe efo myungony ya vayo. Vakansaamisa-u. 8Naasa vandu valya vakuummbye-u vaifo mamwiingyi, veengyi vakakuuta soori tawo ta uwe. Vakaala efo shia. Na valya maata vakandemanya maramba a miriny, vakaveala efo shia. 9Na valya vaifo mamwiingyi, valya vaira mbee vakasanga na valya valatya efo numa, vekapa ukoru veshaambaa, “Hosiana yewe kukee mwana wa Davidi! Kundearafumwa yeu asha arumwa ni Nndumi! Hosiana efo kukee uwe ya findo fyoose!” 10Na elyi amaanga na kulya Yerusalemu vandu va muri woose vakasavaa, vakaamba, “A nndu yeu ni vi?” 11Na mamwiingyi ulya wa vandu ukaallwa, “Mmbwe Yesu, we nkisuku wa Nasareti ya kulya Galilaya.”
Yesu aanta vekapa mbusha efo mmba ya Iruva
(Mar 11:15-19; Luk 19:45-48; Yoh 2:13-22)
12Naasa Yesu kaanga neefo mmba ya Iruva, kaanta-fo woose valya vekummbyaa-fo na yuurya-fo findo. Kafullwa mesa ta valya veshaalashaa fesa na fitima fya valya veekumbaa mbeta. 13Kavavia, “Mmbo kikee kireiye kyeamba, ‘Mmba yakwa mmbo ivaangwaa mmba yeeterevya,’ lyo yeni mukayaallwa mbanga ya veala shia.” 14Nalyo kasheywa ni vandu vafu miso na yewo vakee miketekete ekee alya poo ya mmba ya Iruva, nawe kavakira woose. 15Naasa vakohani valya vaniini na vaarya va fitabu elyi valollya efyo atana filandelollyo lyingyi, na vana vekapaa ukoru efo mmba ya Iruva vashaambaa, “Hosiana yewe mwana wa Davidi, nalyo vakasswa.” 16Vakammbia, “Kwiitye-ndi ndesa vakeamba? Indi Yesu kavavia, ‘Ee-da!’ A mmbo mulasommyi kilya kikee kyaambe, ‘Ni efo kaniny ka vakoku, na yewo vashoonga nng'u kukudeesye nnduma wafo?’ ” 17Nalyo kavara-u kaenda kipoo auka kulya muriny. Kafika kulya Betania, kandelala-fo.
Nkuu ulavikaa ndunda
(Mar 11:12-14, 20-24)
18Na elyi lya ndesi ngama arie shia yeewuya na kulya muriny katirwa nshaa. 19Kalollya nkuu umwi yoo mbai ya shia. Kandeulola, nalakooye-u nta kindo kuuta maru meni. Nawe kauvia, “Yewe kulakivike-se ndunda-fo na kufike llung'anu.” Na nkuu ulya nalyo yeni ukariika. 20Naasa yewo vakiloshyony valollya kive indo, vakasongololo. A kyava inda elyi nkuu yeu wariika indo na lyimwi nsi? 21Na Yesu kaallwa kavavia, “Ni kya dede shamuvia, ‘Kwakooya mutiri kikusiryo, nta mulatirwa nnyinyira, nshi ekyo kya nkuu mushekitanaa-da-fo.’ Naakwa mwavia ifumbu yelyi, ‘Iluka yaa kukai kundekweera efo yeeveny, mmbo kisheutikaa-da.’ 22Na wo findo mwamfifuuya Iruva yoo ando mwaterevya mukusirye nawe mmbo mushefiwaryaa.”
Yesu aveswa kundo autye finya
(Mar 11:27-33; Luk 20:1-8)
23Naasa elyi vamfika efo poo ya mmba ya Iruva, eefo aloshaa, kasheywa ni Vakohani vaniini na masiingo a vandu, vakaamba, “A mmbo kutiri mumu wa ngata ingai elyi kwatana findo sha efyo? Na yeto akuniinga mumu yeto ni vi?” 24Na Yesu kaallwa kavavia, “A neeny shimuvese mbony imwi, mukanshivia neeny shimuvie kya mumu yeto shatana nato findo efyo mmbwa ngata ingai.” 25“A ubatiso lulya lwa Yohane luukye kwi ndesa? Ni efo iruveeu ao ni kunu vanduny? Naasa vakarera-rera kikwawo veni.” Vakaamba, 26“Kwakooya lwaamba, ‘Ni lwa efo iruveeu, mmbo asheluviaa, kikavakyi-se mulakunde ikusirya na Yohane?’ Indi kwakooya lwaamba, ‘Ni lwa kunu vanduny, ekakato nkuka yeto wa vandu mmbo walweerese mashika mmbo valollye Yohane ni nkisuku.’ ” 27Naasa vakaallwa Yesu vakammbia, “Yese llwiishi-fo.” Nawe kavavia, “Nta yeny nshikimuviaa kya mumu yeto ntanaa nato efyo mmbwa ngata ingai-fo.”
Kyaaso kya vana vavii
28“Mwakusara inda?” Kweefo nndu etiri vana vavii. Kaenda kwa ulya wa mbee kaamba, “Mwana-akwa, inu enda kunderunda efo nndeny wa misabibu.” 29Nawe kaallwa kaamba, “Nshikunndye-fo. Elyi numa kakuria, keenda.” 30Naasa keenda kwa ulya wa kavii, kavemmbia kiwo-da. Nawe kaallwa kaamba, “Nkisha mbee! Lyo nalaende. 31A vandu yewo vavii nndu aletana ekyo kisenyi ndeye ni ungau ndesa?” Vakaamba, “Ni ulya wa mbee-te!” Yesu kavavia, “Nkya dede shamuvia, ‘Vandu vadedemi na vaka va shia mmbo vakeemusongoya yaanga efo umangyi ny lwa Iruva.’ 32Mashika llya Yohane Mwiibatisa alesha na kunu kwany aira shia ya usumanu, neeni nta mulakunde inkusirya. Indi vadedemi wo sanda na vaka va shia mmbo valekunda inkusirya. Na yeni mukalollya kive indo, nta elyi numa mulakurie mukunde inkusirya.”
Kyaaso kya nnda wa misabibu na varundi
(Mar 12:1-12; Luk 20:9-19)
33Kyevearannyiny kyaaso kingyi, “Kweefo nndu muni kyeny aleronga nnda wakwe wa misabibu. Kauringitya na uvare. Kasuma-u ando eekammya misabibu. Katannya-fo nnara weeringa. Kaara-fo varemi. Kaenda kyaaro. 34Naasa elyi kwamfika kyeeri kya yaaya ndunda karuma mashinga akwe kulya kwa varemi valya vandewarya waavi yelo lwakwe lwa ndunda. 35Naasa varemi valya vakatira mashinga akwe. Ulya umwi vakambondora, ulya ungyi vakammbwaa, ulya ungyi vakankapa na mawe. 36Kawuya karuma mashinga engyi meengyi mmwasi ya valya va mbee, nawo vakavevatannya indo-da. 37Elyi lyefurummya kavarumya mwana wakwe, kaamba, ‘Ni mwana wakwa muni, mmbwe vashenreremyaa!’ 38Naasa elyi varemi valya valollya mwana ulya ashe vakarera kikwawo, vakaamba, ‘Akakau muya ding'u! Ndifony-te lummbwae, yese luve veni ding'u!’ 39Vakantira vakansomuta kipoo ya nnda ulya vakambwaa. 40A mwaambany inda? Elyi muni nnda ulya wa misabibu ashaa, mmbo ashetanaa inda na varemi valya ndesa? 41Vakammbia, ‘Vammba indo vakasha mmbo ashevarumataa, na nnda yeto wa misabibu naare-fo varemi vengyi, yewo vashenrwaayaa waavi lwakwe lwa ndunda elyi fyeeri fya vayo fyamfika.’ ” 42Yesu kavavia, “A mmbo mulandesomi kindo kikee kirere efo mareiyony kyeamba, ‘Iwe yelyo vetana mmba valelyimina, llyo lyilewuya iva iwe lya ndumbeny. Mmbo kileva indo kyuuka kwa Nndumi muni, kikava kindo kyeesongololo elyi lukilollye na miso eru.’ 43Elyi kikeeny indo neeny shamuvia, ‘Mmbo mwiikaa musokwa umangyi lwa Iruva lumuuke lundeniingwa vandu va uruka yelo luvikaa ndunda tikwaani nalo.’ [ 44Na wo nndu awa iweny yelyo mmbo afika-fikaa. Na nndu kalyiwoya mmbo lyishensaa-saa.]” 45Naasa vakohani valya vaniini veefo na Vafarisayo elyi vamiita fyaaso efyo, vakamanya mmbo arera kikee nkyawo veni. 46Vakasia mwaanya weentira, lyo vakairyaa mamwiingyi ulya wa vandu, mashika to neelyi wiirikye sheelyi Yesu ni nndu nkisuku.
Currently Selected:
Matayo 21: MASNT00
Highlight
Share
Copy
Want to have your highlights saved across all your devices? Sign up or sign in
New Testament in Kimashami © Bible Society of Tanzania, 2000.
Matayo 21
21
Yesu aanga Yerusalemu
(Mar 11:1-11; Luk 19:28-40; Yoh 12:12-19)
1Naasa elyi Yesu na vakiloshyony kyakwe veefo vashaafukyaa Yerusalemu vamfika kulya Betifage, alya ifumbuny lya miri itiri ndunda tikamwaa mafura, nalyo Yesu karuma-u vakiloshyony vavii. 2Kavavia, “Endeny efo muriny usumani na yaa mukai. Mukamfika-fo llyo yeni mushekooyaa-fo nshungu wa kyika ukee mfingye ando uryani na ngashe ya vayo. Endeny muuporommwi, musheenngye. 3Na kwakooya nndu amuvesa, mmbieny, ‘Ni Nndumi aukunndye, nalyo asheweekeyaa.’ 4Na kimaruma kikaenda indo ni kilya kikee kirere na kana ka nndu ulya mwaauya kisuku naambo kikooye iinukya-u kyeamba,
5‘Endevieny muri wa Sion,
akakato mangyi yafo eefo ashaa na kwafo akee mfoo,
asaammyi mungo wa nshungu na ngashe ya vayo,
ikee mwana wa kindo kyeenga mario.’ ”
6Naasa valya vakiloshyony vakakweengya vakavetana indo, shaasa Yesu avavavasya. 7Vakeende nshungu ulya na ngashe ya vayo. Vakawuya vakaala soori tawo ta uwe efo myungony ya vayo. Vakansaamisa-u. 8Naasa vandu valya vakuummbye-u vaifo mamwiingyi, veengyi vakakuuta soori tawo ta uwe. Vakaala efo shia. Na valya maata vakandemanya maramba a miriny, vakaveala efo shia. 9Na valya vaifo mamwiingyi, valya vaira mbee vakasanga na valya valatya efo numa, vekapa ukoru veshaambaa, “Hosiana yewe kukee mwana wa Davidi! Kundearafumwa yeu asha arumwa ni Nndumi! Hosiana efo kukee uwe ya findo fyoose!” 10Na elyi amaanga na kulya Yerusalemu vandu va muri woose vakasavaa, vakaamba, “A nndu yeu ni vi?” 11Na mamwiingyi ulya wa vandu ukaallwa, “Mmbwe Yesu, we nkisuku wa Nasareti ya kulya Galilaya.”
Yesu aanta vekapa mbusha efo mmba ya Iruva
(Mar 11:15-19; Luk 19:45-48; Yoh 2:13-22)
12Naasa Yesu kaanga neefo mmba ya Iruva, kaanta-fo woose valya vekummbyaa-fo na yuurya-fo findo. Kafullwa mesa ta valya veshaalashaa fesa na fitima fya valya veekumbaa mbeta. 13Kavavia, “Mmbo kikee kireiye kyeamba, ‘Mmba yakwa mmbo ivaangwaa mmba yeeterevya,’ lyo yeni mukayaallwa mbanga ya veala shia.” 14Nalyo kasheywa ni vandu vafu miso na yewo vakee miketekete ekee alya poo ya mmba ya Iruva, nawe kavakira woose. 15Naasa vakohani valya vaniini na vaarya va fitabu elyi valollya efyo atana filandelollyo lyingyi, na vana vekapaa ukoru efo mmba ya Iruva vashaambaa, “Hosiana yewe mwana wa Davidi, nalyo vakasswa.” 16Vakammbia, “Kwiitye-ndi ndesa vakeamba? Indi Yesu kavavia, ‘Ee-da!’ A mmbo mulasommyi kilya kikee kyaambe, ‘Ni efo kaniny ka vakoku, na yewo vashoonga nng'u kukudeesye nnduma wafo?’ ” 17Nalyo kavara-u kaenda kipoo auka kulya muriny. Kafika kulya Betania, kandelala-fo.
Nkuu ulavikaa ndunda
(Mar 11:12-14, 20-24)
18Na elyi lya ndesi ngama arie shia yeewuya na kulya muriny katirwa nshaa. 19Kalollya nkuu umwi yoo mbai ya shia. Kandeulola, nalakooye-u nta kindo kuuta maru meni. Nawe kauvia, “Yewe kulakivike-se ndunda-fo na kufike llung'anu.” Na nkuu ulya nalyo yeni ukariika. 20Naasa yewo vakiloshyony valollya kive indo, vakasongololo. A kyava inda elyi nkuu yeu wariika indo na lyimwi nsi? 21Na Yesu kaallwa kavavia, “Ni kya dede shamuvia, ‘Kwakooya mutiri kikusiryo, nta mulatirwa nnyinyira, nshi ekyo kya nkuu mushekitanaa-da-fo.’ Naakwa mwavia ifumbu yelyi, ‘Iluka yaa kukai kundekweera efo yeeveny, mmbo kisheutikaa-da.’ 22Na wo findo mwamfifuuya Iruva yoo ando mwaterevya mukusirye nawe mmbo mushefiwaryaa.”
Yesu aveswa kundo autye finya
(Mar 11:27-33; Luk 20:1-8)
23Naasa elyi vamfika efo poo ya mmba ya Iruva, eefo aloshaa, kasheywa ni Vakohani vaniini na masiingo a vandu, vakaamba, “A mmbo kutiri mumu wa ngata ingai elyi kwatana findo sha efyo? Na yeto akuniinga mumu yeto ni vi?” 24Na Yesu kaallwa kavavia, “A neeny shimuvese mbony imwi, mukanshivia neeny shimuvie kya mumu yeto shatana nato findo efyo mmbwa ngata ingai.” 25“A ubatiso lulya lwa Yohane luukye kwi ndesa? Ni efo iruveeu ao ni kunu vanduny? Naasa vakarera-rera kikwawo veni.” Vakaamba, 26“Kwakooya lwaamba, ‘Ni lwa efo iruveeu, mmbo asheluviaa, kikavakyi-se mulakunde ikusirya na Yohane?’ Indi kwakooya lwaamba, ‘Ni lwa kunu vanduny, ekakato nkuka yeto wa vandu mmbo walweerese mashika mmbo valollye Yohane ni nkisuku.’ ” 27Naasa vakaallwa Yesu vakammbia, “Yese llwiishi-fo.” Nawe kavavia, “Nta yeny nshikimuviaa kya mumu yeto ntanaa nato efyo mmbwa ngata ingai-fo.”
Kyaaso kya vana vavii
28“Mwakusara inda?” Kweefo nndu etiri vana vavii. Kaenda kwa ulya wa mbee kaamba, “Mwana-akwa, inu enda kunderunda efo nndeny wa misabibu.” 29Nawe kaallwa kaamba, “Nshikunndye-fo. Elyi numa kakuria, keenda.” 30Naasa keenda kwa ulya wa kavii, kavemmbia kiwo-da. Nawe kaallwa kaamba, “Nkisha mbee! Lyo nalaende. 31A vandu yewo vavii nndu aletana ekyo kisenyi ndeye ni ungau ndesa?” Vakaamba, “Ni ulya wa mbee-te!” Yesu kavavia, “Nkya dede shamuvia, ‘Vandu vadedemi na vaka va shia mmbo vakeemusongoya yaanga efo umangyi ny lwa Iruva.’ 32Mashika llya Yohane Mwiibatisa alesha na kunu kwany aira shia ya usumanu, neeni nta mulakunde inkusirya. Indi vadedemi wo sanda na vaka va shia mmbo valekunda inkusirya. Na yeni mukalollya kive indo, nta elyi numa mulakurie mukunde inkusirya.”
Kyaaso kya nnda wa misabibu na varundi
(Mar 12:1-12; Luk 20:9-19)
33Kyevearannyiny kyaaso kingyi, “Kweefo nndu muni kyeny aleronga nnda wakwe wa misabibu. Kauringitya na uvare. Kasuma-u ando eekammya misabibu. Katannya-fo nnara weeringa. Kaara-fo varemi. Kaenda kyaaro. 34Naasa elyi kwamfika kyeeri kya yaaya ndunda karuma mashinga akwe kulya kwa varemi valya vandewarya waavi yelo lwakwe lwa ndunda. 35Naasa varemi valya vakatira mashinga akwe. Ulya umwi vakambondora, ulya ungyi vakammbwaa, ulya ungyi vakankapa na mawe. 36Kawuya karuma mashinga engyi meengyi mmwasi ya valya va mbee, nawo vakavevatannya indo-da. 37Elyi lyefurummya kavarumya mwana wakwe, kaamba, ‘Ni mwana wakwa muni, mmbwe vashenreremyaa!’ 38Naasa elyi varemi valya valollya mwana ulya ashe vakarera kikwawo, vakaamba, ‘Akakau muya ding'u! Ndifony-te lummbwae, yese luve veni ding'u!’ 39Vakantira vakansomuta kipoo ya nnda ulya vakambwaa. 40A mwaambany inda? Elyi muni nnda ulya wa misabibu ashaa, mmbo ashetanaa inda na varemi valya ndesa? 41Vakammbia, ‘Vammba indo vakasha mmbo ashevarumataa, na nnda yeto wa misabibu naare-fo varemi vengyi, yewo vashenrwaayaa waavi lwakwe lwa ndunda elyi fyeeri fya vayo fyamfika.’ ” 42Yesu kavavia, “A mmbo mulandesomi kindo kikee kirere efo mareiyony kyeamba, ‘Iwe yelyo vetana mmba valelyimina, llyo lyilewuya iva iwe lya ndumbeny. Mmbo kileva indo kyuuka kwa Nndumi muni, kikava kindo kyeesongololo elyi lukilollye na miso eru.’ 43Elyi kikeeny indo neeny shamuvia, ‘Mmbo mwiikaa musokwa umangyi lwa Iruva lumuuke lundeniingwa vandu va uruka yelo luvikaa ndunda tikwaani nalo.’ [ 44Na wo nndu awa iweny yelyo mmbo afika-fikaa. Na nndu kalyiwoya mmbo lyishensaa-saa.]” 45Naasa vakohani valya vaniini veefo na Vafarisayo elyi vamiita fyaaso efyo, vakamanya mmbo arera kikee nkyawo veni. 46Vakasia mwaanya weentira, lyo vakairyaa mamwiingyi ulya wa vandu, mashika to neelyi wiirikye sheelyi Yesu ni nndu nkisuku.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Kimashami © Bible Society of Tanzania, 2000.