Matayi 17
17
Ukwanduha kwa Yesu
1-13: Mal. 9,2-13. Luk. 9,28-36.
1Ilelo lwe gashilinkinʼamandʼumutanda, pʼuYesu ahasenda avaPeteli nuYakobu nuYohani umuzuna wakwe, ahazuva navo pigambʼitali, pʼahayeleleha navo. 2Pʼahanduha lwe vakwenya, pʼisheni shakwe shihalangalila ngati lizuva, namenda gakwe gahanyengʼenyela fwe luhozyo. 3Yenyi, vahitushila uMose nuEliya vakuyanga nawo. 4NuPeteli ahamula ahamuvuzyʼuYesu ahati: Mwene, hinzʼukuva panapʼiswe. Ingʼukasimʼiwe pe nkuzengʼinkambi zitatu, yoka yive yaho wenewe, yoka yive ya Mose, yoka yive ya Eliya. 5Lwʼamakuyanga zinizi, pe vahitushilʼivingʼizelu nkani livagwinchiye, vahaga nizwi Ukufuma mwivingo mumwo likuti: Uno we Mwana wanʼunkundwa kukwane we nkuseshela muli wuyo, we mumutejelezyaje wuyo. 6Ilelo pe lwe viṿuye linili avasundikwa pe vahakupama pansi, vahatetema nkani. 7PʼuYesu ahavala pe vali, ahavapalamansya ahati: Simuvushe mutatetemaje. 8Ilelo lwe vakuvusyʼaminso, pe vahaga atalipo numo uwamwavo, alipo we Yesu weka. 9Ilelo pe lwe vakwiha pigamba, pʼaha-vindʼuYesu ahati: Mutamuvuzyaje numʼumuntu suti ishitushizya she muwenyi, muhafishe pala pʼuMwanamuntu alizyuha kuvafwe. 10Pʼavasundikwa vahamuvuzilizya vahati: Zili vuli zye vakuyangʼavamanyokalata vakuti alitalihʼuEliya ukwinza? 11Uwenʼahamula ahati: Kwe nalyoli UEliya we wa kutalihʼukwinza, we wa kuyananya zyonti. 12Nkandʼine nkuvavuzya nkuti: Ukwinza kwʼayinzile, avene nyene vatahamumanya, vahamwizizya, inza she vakasime vuvo. Zye zizyo nawe Mwanamuntu valimupelela ukuyimṿilwa zizyo wope. 13Pʼavasundikwa vahamanyinsanya ukuti akumutahʼuYohani umwozyi.
Ukuzuzuvuha kwa mulumendo wa mpepo imbivi
14-21: Mal. 9,14-29. Luk. 9,37-42.
14Ilelo lwe vavazilʼukuhomana nimpuga ya vantu, pʼumuntu ahinza kuli wuyo, ahasugamila pansi 15ahati: Umufwilʼumwana wane shʼali nishizilisi, akuyimba nahavwila, akuyitaga namumwoto namuminzi havili havili. 16Ilelo nkamuleta kuvasundikwa vaho, nkandi vahapotwʼukumuzuzuvushizya. 17PʼuYesu ahamula ahati: Ye mwe, avantu vashinishʼiva avasitakwitiha navagombanu, impele poshi ukuva namwe? Impele poshi ukuti: Sangapa sangapa? Simumuletʼipa. 18PʼuYesu ahapililʼimpepʼimbivʼino, pʼihafuma kuli wuyo. Pʼumulumendo ahazuzuvuha pahavalilizyo huho. 19Pe vahapalamila kwa Yesu avasundikwa vakwe lwe vayelelesile nawo, vahati: Iswe yituposite vuli ukuyifumwa? 20Uwenʼahati: Shʼulwitiho lwinyu lupupusu. She nkuvavuzyʼine nkuti: Nalyoli inga muli nalwʼulwitiho nashenga luli fwe hasanga ha muzimwa uvunsi, inga mukulivuzyʼigamba mukuti: Yepaga uku, uvale kula, pe likuvuha, pe naṿimo ṿitalivapotʼimwe. 21[Izyene zinizi nyene zye zitakufuma vwelele, peka pengʼukuputa nukufungʼiṿintu, pe zikufuma.]
Ukukuvwa kwa Yesu kwa vuvili ukwa vufwe vwakwe
22-23: Mal. 9,30-32. Luk. 9,43-45.
22Ilelo lwe vadiliye poka mu-Galilayi, pʼuYesu ahavavuzya ahati: UMwanamuntu akuvalʼukutwalwa munyove zya vantu. 23Ve valimugoga, nkandi pisiku lya vutatu pʼalizyuha. Pʼavene vahaswimililwa nkani.
Akusonka umusonko wa tempeli
24Ilelo lwe vavazilʼukufiha mu-Kapelinahumu, pe vahapalamila kwa Peteli ve vakusanguzyʼididelakima, vahamuvuzilizya vahati: Vuli umusambilizi winyu amwʼatakufumwʼamadidelakima? 25Uwenʼahati: Akufumwa. Ilelo lwʼakwinjila munyumba lwʼashili nukuyanga nalimo pʼuYesu ahataliha nzila ahati: Vuli we Simoni, avamwene va munsʼumu vakusenda kwa nanu umusonko nuwa pampaho? Amwe vakusonkola ve vana vavo amwe avantʼavanji? 26Uwene lwʼahati: Vakusonkola ve vantʼavanji, pʼuYesu ahamula ahati: Pe fwane lelʼavenʼavana vatakusonkolʼumusonko. 27Iswe nyene tutavapelelaje nahamʼaha kupunula, pe valaga lelʼiwe kwa sumbi, uhatajilʼuvusikulo vwaho. Ilelʼinswʼintanzi yengʼuyazilʼusikuye, yʼubagatule kwilomu mwʼuliyagʼishekeli zivili yʼuhavapanje yivanje ya kusangula swe vavili nawe nane.
Currently Selected:
Matayi 17: NYi1965
Highlight
Share
Copy
Want to have your highlights saved across all your devices? Sign up or sign in
Nyiha New Testament © British and Foreign Bible Society, 1965.
Matayi 17
17
Ukwanduha kwa Yesu
1-13: Mal. 9,2-13. Luk. 9,28-36.
1Ilelo lwe gashilinkinʼamandʼumutanda, pʼuYesu ahasenda avaPeteli nuYakobu nuYohani umuzuna wakwe, ahazuva navo pigambʼitali, pʼahayeleleha navo. 2Pʼahanduha lwe vakwenya, pʼisheni shakwe shihalangalila ngati lizuva, namenda gakwe gahanyengʼenyela fwe luhozyo. 3Yenyi, vahitushila uMose nuEliya vakuyanga nawo. 4NuPeteli ahamula ahamuvuzyʼuYesu ahati: Mwene, hinzʼukuva panapʼiswe. Ingʼukasimʼiwe pe nkuzengʼinkambi zitatu, yoka yive yaho wenewe, yoka yive ya Mose, yoka yive ya Eliya. 5Lwʼamakuyanga zinizi, pe vahitushilʼivingʼizelu nkani livagwinchiye, vahaga nizwi Ukufuma mwivingo mumwo likuti: Uno we Mwana wanʼunkundwa kukwane we nkuseshela muli wuyo, we mumutejelezyaje wuyo. 6Ilelo pe lwe viṿuye linili avasundikwa pe vahakupama pansi, vahatetema nkani. 7PʼuYesu ahavala pe vali, ahavapalamansya ahati: Simuvushe mutatetemaje. 8Ilelo lwe vakuvusyʼaminso, pe vahaga atalipo numo uwamwavo, alipo we Yesu weka. 9Ilelo pe lwe vakwiha pigamba, pʼaha-vindʼuYesu ahati: Mutamuvuzyaje numʼumuntu suti ishitushizya she muwenyi, muhafishe pala pʼuMwanamuntu alizyuha kuvafwe. 10Pʼavasundikwa vahamuvuzilizya vahati: Zili vuli zye vakuyangʼavamanyokalata vakuti alitalihʼuEliya ukwinza? 11Uwenʼahamula ahati: Kwe nalyoli UEliya we wa kutalihʼukwinza, we wa kuyananya zyonti. 12Nkandʼine nkuvavuzya nkuti: Ukwinza kwʼayinzile, avene nyene vatahamumanya, vahamwizizya, inza she vakasime vuvo. Zye zizyo nawe Mwanamuntu valimupelela ukuyimṿilwa zizyo wope. 13Pʼavasundikwa vahamanyinsanya ukuti akumutahʼuYohani umwozyi.
Ukuzuzuvuha kwa mulumendo wa mpepo imbivi
14-21: Mal. 9,14-29. Luk. 9,37-42.
14Ilelo lwe vavazilʼukuhomana nimpuga ya vantu, pʼumuntu ahinza kuli wuyo, ahasugamila pansi 15ahati: Umufwilʼumwana wane shʼali nishizilisi, akuyimba nahavwila, akuyitaga namumwoto namuminzi havili havili. 16Ilelo nkamuleta kuvasundikwa vaho, nkandi vahapotwʼukumuzuzuvushizya. 17PʼuYesu ahamula ahati: Ye mwe, avantu vashinishʼiva avasitakwitiha navagombanu, impele poshi ukuva namwe? Impele poshi ukuti: Sangapa sangapa? Simumuletʼipa. 18PʼuYesu ahapililʼimpepʼimbivʼino, pʼihafuma kuli wuyo. Pʼumulumendo ahazuzuvuha pahavalilizyo huho. 19Pe vahapalamila kwa Yesu avasundikwa vakwe lwe vayelelesile nawo, vahati: Iswe yituposite vuli ukuyifumwa? 20Uwenʼahati: Shʼulwitiho lwinyu lupupusu. She nkuvavuzyʼine nkuti: Nalyoli inga muli nalwʼulwitiho nashenga luli fwe hasanga ha muzimwa uvunsi, inga mukulivuzyʼigamba mukuti: Yepaga uku, uvale kula, pe likuvuha, pe naṿimo ṿitalivapotʼimwe. 21[Izyene zinizi nyene zye zitakufuma vwelele, peka pengʼukuputa nukufungʼiṿintu, pe zikufuma.]
Ukukuvwa kwa Yesu kwa vuvili ukwa vufwe vwakwe
22-23: Mal. 9,30-32. Luk. 9,43-45.
22Ilelo lwe vadiliye poka mu-Galilayi, pʼuYesu ahavavuzya ahati: UMwanamuntu akuvalʼukutwalwa munyove zya vantu. 23Ve valimugoga, nkandi pisiku lya vutatu pʼalizyuha. Pʼavene vahaswimililwa nkani.
Akusonka umusonko wa tempeli
24Ilelo lwe vavazilʼukufiha mu-Kapelinahumu, pe vahapalamila kwa Peteli ve vakusanguzyʼididelakima, vahamuvuzilizya vahati: Vuli umusambilizi winyu amwʼatakufumwʼamadidelakima? 25Uwenʼahati: Akufumwa. Ilelo lwʼakwinjila munyumba lwʼashili nukuyanga nalimo pʼuYesu ahataliha nzila ahati: Vuli we Simoni, avamwene va munsʼumu vakusenda kwa nanu umusonko nuwa pampaho? Amwe vakusonkola ve vana vavo amwe avantʼavanji? 26Uwene lwʼahati: Vakusonkola ve vantʼavanji, pʼuYesu ahamula ahati: Pe fwane lelʼavenʼavana vatakusonkolʼumusonko. 27Iswe nyene tutavapelelaje nahamʼaha kupunula, pe valaga lelʼiwe kwa sumbi, uhatajilʼuvusikulo vwaho. Ilelʼinswʼintanzi yengʼuyazilʼusikuye, yʼubagatule kwilomu mwʼuliyagʼishekeli zivili yʼuhavapanje yivanje ya kusangula swe vavili nawe nane.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nyiha New Testament © British and Foreign Bible Society, 1965.