Maliko 2
2
Ukupola kwa washulu
1-12: Mat. 9,1-8. Luk. 5,17-26.
1Ilelo lwe gashilinkinʼamanda gamo, pʼahavuyizyʼukuvala mu-Kapelinahumu. Ahakumuha ukuti ali munyumba. 2Pe vahavunganʼavantʼavinji. Pope napashilyango pahasova pavwimo avantu. Uwenʼahavavuzyʼinongwa. 3Pe vahamwinzilʼavantu vane, ve vamunyatuye wokʼuwashulu. 4Vazile lelo vatapazilʼapa kumwinjizya lwe vakuti tupalamile kukwakwe, she vali vinji nkanʼavantu, pe vahapangulʼinyumba pamwanya pupo pʼalʼuwene. Ilelo lwe vapanguye, pe vahamwisya poka namazagala gakwe, pʼalambalayʼuwashulu. 5UwenʼuYesu lwʼawenyʼulwitiho lwavo, pʼahamuvuzyʼuwashulu ahati: We mwana wane we, nswiliyʼamalandu gaho. 6Mwe vali vamʼa-vamanyakalata ve vatendime mumwo. Ve vahakumbuha muhati zyavo vahati: 7Zyʼakuyanga vuli vovulo? AkumusamulʼuMulungu. Swe vantu amwʼalipo wokʼuwa kuswilʼamalandu umuntu wamwavo? We Mulungu weka wʼamanyilʼukuswilʼamalandu. 8UwenʼuYesu ahazimanya nzila mumwoyo wakwe, ukuti zye vakusiva zinizi muhati zyavo, pʼahavuzilizya ahati: Zye mukusiva zyashi zinizi mumoyo ginyu? 9Lye lipupusu lili kwi ilya kumuvuzyʼuwashulʼuno nilya kuti: Nswiliyʼamalandu gaho, nilya kuti: Vuhaga, nyatulagʼamazagala gaho, uvalaje? 10She nkuti mumumanyʼuMwanamuntu ukuti ali namaha ga kuswilʼamalandu munsʼumu,—lyʼahayanga kuwashulu, ahati: 11Nkukuvuzyʼine nkuti: Vuhaga, nyatulagʼamazagala gaho, uvale kuhaya. 12Pʼuwenʼahavuhʼapashezi, ahanyatulʼamazagala gakwe, ahafuma kunzi lwe vonti vakwenya. Pe vonti vahatentwa, vahamutimʼuMulungu, vahati: Zye tutaziwenyi nalumo zinizi.
Ukwitwa kwa Leṿi
13-17: Mat. 9,9-13. Luk. 5,27-32.
13Ahavala kwa sumbi nohavili. Pʼavantʼimpuga yonti vahamwinzila pʼali, pʼuwenʼahavasambilizya. 14Ilelo lwʼakujenda, pʼahamwenyʼuLeṿi umwana-Alifayi, ahaga atendime pavusonkolamusonko. Wʼahamwita, ahati: Nzagaga, undandatʼiwe. Pʼuwenʼahavuha, ahamulandata. 15Ayazile lelo lwʼatendimʼukulyʼiṿintu munyumba yakwe, pe navasonkolamusonko navatalamalandu ve vinji vahavalʼukutendama nuYesu navasundikwa vakwe ukulyʼiṿintu. She vali vinji ve vahajendaga nawo. 16Avene navamanyakalata navaFalisayi lwe vamuwenyi akutendama navasonkolamusonko navatalamalandu ukulyʼiṿintu, pe vahayanga navasundikwa vakwe vahati: Akulyʼiṿintu poka navasonkolamusonko navatalamalandu? 17UwenʼuYesu ahiṿwa. Pʼahavavuzya ahati: Avapuma vatakumwanzʼumuganga, nkandʼavavinu. Ntinzilʼukuvitʼavagolosʼine ndali, nkandʼavatalamalandu.
Ukuvuzilizyʼizya kusitakulyʼiṿintu
18-22: Mat. 9,14-17. Luk. 5,33-38.
18Ilelo navasundikwa va Yohani navaFalisayi vahalinga. Pe vahavalʼukumuvuzya vahati: Yenya, avasundikwa va Yohani navasundikwa va vaFalisayi vakulinga, nkandʼavasundikwa vaho vatakufunga shonu? 19UwenʼuYesu ahamula ahati: Pe vatinji vafungaje vuli avalyaṿintu ṿwa pavusendelo lwe suti vali nawo numusendamwantanda? Isuti lwe vali nawo umusendamwantanda, pe vatahondeyʼukufunga. 20Nkandi gakwinzʼamanda lwʼanyatulilwe kuli vuvo umusendamwantanda. Pala nyene valifungʼiṿintu pamanda gugo. 21Numʼatakupatihʼahapatikwa ha mwendʼumupwa pamwendʼumukali. She hatakuyanana pamwendʼumukali, ndali, hakuzepulanya vwelele, ilelo pʼuwenʼumwenda pʼakwonjezyʼukuzepuha. 22Numʼatakusotʼishinyanya sha mampensya mumafukʼamakali ga mampensya. She ingʼumuntʼasosite mumwo, pʼishinyanya shikulepulanyʼamafuko ga mampensya, ilelo pʼamampensya gajende nukwitiha, gope namafuko gajende nukunanjiha. Ndali ishinyanya she pakuti umuntu asotaje mumafukʼamapwa.
Ukuvuzilizya izya kwimishilwa kwʼisabati
23-28: Mat. 12,1-8. Luk. 6,1-5.
23Lumo lelo pisabati lwʼakujenda mwidala lya mumagunda, pʼavasundikwa vakwe vahaṿwanulʼamatwe lwe vakujenda. 24PʼavaFalisayi vahayanga nawo vahati: Yenya, avasundikwa vaho vakuvomba hashi he mwihʼukuvomba pisabati? 25Uwenʼahamula ahati: Mutazyazilʼimwe mwa kalata zila zyʼahavombʼuDavidi pala pe ṿihasovʼiṿwa kulya, pala pʼihamulumʼinzala nuno nava ve vali nawo? 26Pala pʼayinjiye munyumba ya Mulungu pamwaha wa kuvʼuwashiputʼumupiti uAbiyatali, pala pʼahalyangʼamakati ga lulolesyo, ge gali mwiho ukulya, ge vahalyanga veka ve vashiputo, palʼuwenʼahavapa navuvo vʼali navo. 27Havili ahavavuzya ahati: Isabati limwinziyʼumuntu, umuntu atinziyʼisabati ndali. 28Pe lyope nisabati uMwanamuntu wʼuMwene wakwe.
Currently Selected:
Maliko 2: NYi1965
Highlight
Share
Copy
Want to have your highlights saved across all your devices? Sign up or sign in
Nyiha New Testament © British and Foreign Bible Society, 1965.
Maliko 2
2
Ukupola kwa washulu
1-12: Mat. 9,1-8. Luk. 5,17-26.
1Ilelo lwe gashilinkinʼamanda gamo, pʼahavuyizyʼukuvala mu-Kapelinahumu. Ahakumuha ukuti ali munyumba. 2Pe vahavunganʼavantʼavinji. Pope napashilyango pahasova pavwimo avantu. Uwenʼahavavuzyʼinongwa. 3Pe vahamwinzilʼavantu vane, ve vamunyatuye wokʼuwashulu. 4Vazile lelo vatapazilʼapa kumwinjizya lwe vakuti tupalamile kukwakwe, she vali vinji nkanʼavantu, pe vahapangulʼinyumba pamwanya pupo pʼalʼuwene. Ilelo lwe vapanguye, pe vahamwisya poka namazagala gakwe, pʼalambalayʼuwashulu. 5UwenʼuYesu lwʼawenyʼulwitiho lwavo, pʼahamuvuzyʼuwashulu ahati: We mwana wane we, nswiliyʼamalandu gaho. 6Mwe vali vamʼa-vamanyakalata ve vatendime mumwo. Ve vahakumbuha muhati zyavo vahati: 7Zyʼakuyanga vuli vovulo? AkumusamulʼuMulungu. Swe vantu amwʼalipo wokʼuwa kuswilʼamalandu umuntu wamwavo? We Mulungu weka wʼamanyilʼukuswilʼamalandu. 8UwenʼuYesu ahazimanya nzila mumwoyo wakwe, ukuti zye vakusiva zinizi muhati zyavo, pʼahavuzilizya ahati: Zye mukusiva zyashi zinizi mumoyo ginyu? 9Lye lipupusu lili kwi ilya kumuvuzyʼuwashulʼuno nilya kuti: Nswiliyʼamalandu gaho, nilya kuti: Vuhaga, nyatulagʼamazagala gaho, uvalaje? 10She nkuti mumumanyʼuMwanamuntu ukuti ali namaha ga kuswilʼamalandu munsʼumu,—lyʼahayanga kuwashulu, ahati: 11Nkukuvuzyʼine nkuti: Vuhaga, nyatulagʼamazagala gaho, uvale kuhaya. 12Pʼuwenʼahavuhʼapashezi, ahanyatulʼamazagala gakwe, ahafuma kunzi lwe vonti vakwenya. Pe vonti vahatentwa, vahamutimʼuMulungu, vahati: Zye tutaziwenyi nalumo zinizi.
Ukwitwa kwa Leṿi
13-17: Mat. 9,9-13. Luk. 5,27-32.
13Ahavala kwa sumbi nohavili. Pʼavantʼimpuga yonti vahamwinzila pʼali, pʼuwenʼahavasambilizya. 14Ilelo lwʼakujenda, pʼahamwenyʼuLeṿi umwana-Alifayi, ahaga atendime pavusonkolamusonko. Wʼahamwita, ahati: Nzagaga, undandatʼiwe. Pʼuwenʼahavuha, ahamulandata. 15Ayazile lelo lwʼatendimʼukulyʼiṿintu munyumba yakwe, pe navasonkolamusonko navatalamalandu ve vinji vahavalʼukutendama nuYesu navasundikwa vakwe ukulyʼiṿintu. She vali vinji ve vahajendaga nawo. 16Avene navamanyakalata navaFalisayi lwe vamuwenyi akutendama navasonkolamusonko navatalamalandu ukulyʼiṿintu, pe vahayanga navasundikwa vakwe vahati: Akulyʼiṿintu poka navasonkolamusonko navatalamalandu? 17UwenʼuYesu ahiṿwa. Pʼahavavuzya ahati: Avapuma vatakumwanzʼumuganga, nkandʼavavinu. Ntinzilʼukuvitʼavagolosʼine ndali, nkandʼavatalamalandu.
Ukuvuzilizyʼizya kusitakulyʼiṿintu
18-22: Mat. 9,14-17. Luk. 5,33-38.
18Ilelo navasundikwa va Yohani navaFalisayi vahalinga. Pe vahavalʼukumuvuzya vahati: Yenya, avasundikwa va Yohani navasundikwa va vaFalisayi vakulinga, nkandʼavasundikwa vaho vatakufunga shonu? 19UwenʼuYesu ahamula ahati: Pe vatinji vafungaje vuli avalyaṿintu ṿwa pavusendelo lwe suti vali nawo numusendamwantanda? Isuti lwe vali nawo umusendamwantanda, pe vatahondeyʼukufunga. 20Nkandi gakwinzʼamanda lwʼanyatulilwe kuli vuvo umusendamwantanda. Pala nyene valifungʼiṿintu pamanda gugo. 21Numʼatakupatihʼahapatikwa ha mwendʼumupwa pamwendʼumukali. She hatakuyanana pamwendʼumukali, ndali, hakuzepulanya vwelele, ilelo pʼuwenʼumwenda pʼakwonjezyʼukuzepuha. 22Numʼatakusotʼishinyanya sha mampensya mumafukʼamakali ga mampensya. She ingʼumuntʼasosite mumwo, pʼishinyanya shikulepulanyʼamafuko ga mampensya, ilelo pʼamampensya gajende nukwitiha, gope namafuko gajende nukunanjiha. Ndali ishinyanya she pakuti umuntu asotaje mumafukʼamapwa.
Ukuvuzilizya izya kwimishilwa kwʼisabati
23-28: Mat. 12,1-8. Luk. 6,1-5.
23Lumo lelo pisabati lwʼakujenda mwidala lya mumagunda, pʼavasundikwa vakwe vahaṿwanulʼamatwe lwe vakujenda. 24PʼavaFalisayi vahayanga nawo vahati: Yenya, avasundikwa vaho vakuvomba hashi he mwihʼukuvomba pisabati? 25Uwenʼahamula ahati: Mutazyazilʼimwe mwa kalata zila zyʼahavombʼuDavidi pala pe ṿihasovʼiṿwa kulya, pala pʼihamulumʼinzala nuno nava ve vali nawo? 26Pala pʼayinjiye munyumba ya Mulungu pamwaha wa kuvʼuwashiputʼumupiti uAbiyatali, pala pʼahalyangʼamakati ga lulolesyo, ge gali mwiho ukulya, ge vahalyanga veka ve vashiputo, palʼuwenʼahavapa navuvo vʼali navo. 27Havili ahavavuzya ahati: Isabati limwinziyʼumuntu, umuntu atinziyʼisabati ndali. 28Pe lyope nisabati uMwanamuntu wʼuMwene wakwe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nyiha New Testament © British and Foreign Bible Society, 1965.