Maliko 4
4
Ishiholanyo sha mupesambeyu
1-20: Mat. 13,1-23. Luk. 8,4-15.
1Pʼahavuyizya nohavili ahavasambilizyʼavantu kushipuma sha sumbi. Pe vahavungana pʼali avantʼavinjʼimpuga. Mwe mumwo ahayipashila mwivoti lye lyali muminzi, mwʼahatendama. Avenʼavantʼimpuga yonti vahazinga kushipuma sha sumbi. 2Pʼuwenʼahavasambilizyʼinyinji, ahayanjila muṿiho-lanyo. Ilelʼapene lwʼakuvavuzya munsambilizyo zyakwe pʼahati: 3Simutejelezyaje. Yenyi, lumʼumupesambeyu ahavalʼukupesʼimbeyu yakwe. 4Ayazile lelo lwʼakupesa pe yokʼimbeyu yihagwa mwidala. Pʼinyunyi zihafiha zihamalilizya nzila. 5Yokʼiyamwavo yihagwa pansi ya mavwe mwʼintopʼitalʼinyinji. Yʼihamela luvilo luvilo, shʼintopʼitalʼinyinji. 6Ilelo lwe litukuyʼizuva, pʼihafwoha, ihuma shʼitali namazi. 7Yokʼiyamwavo yihagwa mulwangwa, lwe luhamelʼulwangwa luhajenda nukuyibuda, pʼihasita nukuhomʼinsanga. 8Izyamwavo nyene zihagwa pansʼinyinza, zihamela, zihaṿula, zihahomʼinsanga; yokʼamashumi gatatu, yokʼamashumʼumutanda, yokʼamashumʼishumi. 9Pʼuwenʼahati: Uno wengʼamakutwi ali nago, wʼatejelezyaje. 10Ilelo lwʼayelelesile, pʼavene ve vali nawo poka navishumi navavili vahamuvuzilizyʼizya ṿiholanyo. 11Uwenʼahavavuzya ahati: Mwemwe mupelilwe ukuti muzimanye nizya vuzigizigi izya vumwene vwa Mulungu, avenʼavakunzi vala nyene zyonti zikuvinzila muṿiholanyo, ukuti
12Nashenga vali nagʼaminso aga kwenyelezya,
pope pakuti vatangalola nazimo,
nashenga vali nagʼamakutwi aga kutejelezya,
pope vatangazimanyinsanya nazimo,
nukupinduha vatangapinduha nalumo,
nimbivi zyavo ukuti zitaswilwaje nalumo.
13Havili ahavavuzya ahati: Inga shivapositʼukushimanyʼishiholanyo shinishi, pʼiṿwamwavo muliṿimanyinsanya vuli? 14Ywʼakupesʼumupesi lye lizwi. 15Ve vali mupipi nidala mwʼizwi lipesilwe, ve vuvo ve viṿuye, pʼatakuhavʼuSetano ukwinza ukusompolʼizwi lye lipesilwe mumoyo gavo. 16Nava nyene ve vaholine naye yʼipesilwe pansi ya mavwe, ve vuvo venga viṿuyʼizwi, pe vakujenda nuluseshelo ukuliposhela luvilo luvilo. 17Nkandi amazi ga muhati vate nagamo, Ilelo vakudila hansi vwelele. Pisinda ingʼizwi livapeleyʼuvupatwe nuvuṿwimilwa she vali nalyo, pe luvilo vakupunula. 18Avamwavo ve vapesilwe mulwangwa, ve vuvo ve vakwiṿwʼizwi, 19pe havili nulukutano lwa munsʼino, nuvusheṿu vwa vudumbwe, nuvupapila ṿwonti vwe vukwinjila muhati yavo, vwe vukubudʼizwi, ilelo pe ninsanga zikusitʼukwela. 20Avene nyene ve vapesilwe pansʼinyinza, ve vuvo ve vakutejelezyʼizwi nukuliposhela, ilelo pe vakujenda nukuhomʼinsanga; wokʼamashumi gatatu, wokʼamashumʼumutanda, wokʼamashumʼishumi.
Insambilizyo ukufuma mushiholanyo sha nyale nisha mbeyu
21-25: Luk. 8,16-18.
21Havili ahayanga navo ahati: Inyale yikwinza amwe ikupishililwe mushitundu amwe yivisilwe mwizyungululu lya shitala? Yitakuvikwa pashilemo sha nyale? 22She zyonti zyenga ziṿwamile ziliṿumbuha inga lumo, Zyope nazye zili kukwilu zyonti zililolehʼapazelu. 23Uno wengʼali nagʼamakutwi aga kutejelezya, wʼatejelezyaje.
24Havili ahavavuzya ahati: Mwandaje zye mukwiṿwa. Ishifinjilo shisho she mukulinjilʼimwʼavanji, she mulilinjilwa shisho namwenemwe, havili muliyonjelezelwa. 25Shʼuno wengʼali naṿwo yimo, wʼalipelwʼiṿwamwavo. Nkandʼuno wengʼate naṿwo naṿimo, we shikusompolwa nashʼali nasho.
26Havili ahati: She vuhonzizye vovulo uvumwene vwa Mulungu, vuli fwe muntu wʼakupesʼimbeyu yakwe mumugunda wakwe. 27Pʼuwenʼahakata nukudamuha nashavusiku nashamusanya. Iyenʼimbeyu ihamela nukukula uwene lwʼatayiwenyi. 28Shʼinsʼikuvomba yeka lwʼikupelʼinsanga; isutʼumulemṿwe, pʼikupwanizyʼamatwe, ilelo pʼikupela ninsanga zye zikwizula mumatwe. 29Apene nyene pengʼayazilʼinsanga zyeleye, pʼatahavʼukutumʼumufwu, shʼimṿuno yifisile.
30-34: Mat. 13,31-34. Luk. 13,18. 19.
30Havili ahati: Uvumwene vwa Mulungu tutinji vuli fwe shonu? Tushaje kwi ishiholanyo isha kuyanjila mumwo? 31Vuli fwe hasanga ha muzimwa. Shʼahene lwʼumuntu akuvwala mumugunda, pe hakuva hansi kunsanga zyonti munsʼumu. 32Nkandi lwʼumuntu ahavwaye, pe hakukula, hakulusya ṿwontʼiṿiyavo ṿwamwavo, hakutenga ninsambʼimpiti, ilelo pe ninyunyi zya kumwanya zikujenda nukutenjelʼiṿisanzo munzunda yakwe. 33Lwʼahavavuzya vovulʼinongwa, pʼahayanjila muṿiholanyo ṿwe ṿwinji, ahalinga panjele zyavo izya kuzimanyinsanya. 34Ukwenʼukuyanga vwelele, kwʼatahayanga nazimo. Zyonti zyʼahavavuzyaga zyʼahaziyanjila muṿiholanyo. Avenʼavasundikwa vakwe nyene vʼahavilulila zyonti lwʼayelelesile navo.
UYesu akupililʼinkungu 35-41: Mat. 8,18-27. Luk. 8,22-25.
35Musanya wuyo shamazuva, pʼahavavuzyʼavasundikwa vakwe ahati: Tulambʼisyila lila. 36Pe vahaleha pupʼimpuga ya vantu. Vahavala navʼuwene shʼali mwivoti, vahavuhʼukulamba. Gope naganjʼamavoti gahajenda nawo. 37Pʼihavuhʼinkungu impiti nkani. Amavilingwa gahadomoshela mwivoti, lihizula naminzi. 38Uwene shʼakasitʼutulo kushipulo asagamiyʼumusago. Pʼavene vahamuyinzya vahati: We Musambilizi, umwoyʼiwe utwaye kwi iwe, utakusajila she tukudwivʼiswe? 39Pʼuwenʼahavuha ahapililʼinkungu ahayanga nakwa sumbi ahati: Pumaga, uve mwa. Pʼinkungu yihategama nusumbi ahatehama. 40Ahayanga navo ahati: Lye lyoga vulʼimwe? Muli nishonu ukuva nulwitiho? 41Pe vahatetema ishitetemwi ishipiti nkani, vahavuzilizanya vahati: Mwatinji wʼunanu wununo? She naye nkungu yikumusajila nusumbi vwelele.
Currently Selected:
Maliko 4: NYi1965
Highlight
Share
Copy
Want to have your highlights saved across all your devices? Sign up or sign in
Nyiha New Testament © British and Foreign Bible Society, 1965.
Maliko 4
4
Ishiholanyo sha mupesambeyu
1-20: Mat. 13,1-23. Luk. 8,4-15.
1Pʼahavuyizya nohavili ahavasambilizyʼavantu kushipuma sha sumbi. Pe vahavungana pʼali avantʼavinjʼimpuga. Mwe mumwo ahayipashila mwivoti lye lyali muminzi, mwʼahatendama. Avenʼavantʼimpuga yonti vahazinga kushipuma sha sumbi. 2Pʼuwenʼahavasambilizyʼinyinji, ahayanjila muṿiho-lanyo. Ilelʼapene lwʼakuvavuzya munsambilizyo zyakwe pʼahati: 3Simutejelezyaje. Yenyi, lumʼumupesambeyu ahavalʼukupesʼimbeyu yakwe. 4Ayazile lelo lwʼakupesa pe yokʼimbeyu yihagwa mwidala. Pʼinyunyi zihafiha zihamalilizya nzila. 5Yokʼiyamwavo yihagwa pansi ya mavwe mwʼintopʼitalʼinyinji. Yʼihamela luvilo luvilo, shʼintopʼitalʼinyinji. 6Ilelo lwe litukuyʼizuva, pʼihafwoha, ihuma shʼitali namazi. 7Yokʼiyamwavo yihagwa mulwangwa, lwe luhamelʼulwangwa luhajenda nukuyibuda, pʼihasita nukuhomʼinsanga. 8Izyamwavo nyene zihagwa pansʼinyinza, zihamela, zihaṿula, zihahomʼinsanga; yokʼamashumi gatatu, yokʼamashumʼumutanda, yokʼamashumʼishumi. 9Pʼuwenʼahati: Uno wengʼamakutwi ali nago, wʼatejelezyaje. 10Ilelo lwʼayelelesile, pʼavene ve vali nawo poka navishumi navavili vahamuvuzilizyʼizya ṿiholanyo. 11Uwenʼahavavuzya ahati: Mwemwe mupelilwe ukuti muzimanye nizya vuzigizigi izya vumwene vwa Mulungu, avenʼavakunzi vala nyene zyonti zikuvinzila muṿiholanyo, ukuti
12Nashenga vali nagʼaminso aga kwenyelezya,
pope pakuti vatangalola nazimo,
nashenga vali nagʼamakutwi aga kutejelezya,
pope vatangazimanyinsanya nazimo,
nukupinduha vatangapinduha nalumo,
nimbivi zyavo ukuti zitaswilwaje nalumo.
13Havili ahavavuzya ahati: Inga shivapositʼukushimanyʼishiholanyo shinishi, pʼiṿwamwavo muliṿimanyinsanya vuli? 14Ywʼakupesʼumupesi lye lizwi. 15Ve vali mupipi nidala mwʼizwi lipesilwe, ve vuvo ve viṿuye, pʼatakuhavʼuSetano ukwinza ukusompolʼizwi lye lipesilwe mumoyo gavo. 16Nava nyene ve vaholine naye yʼipesilwe pansi ya mavwe, ve vuvo venga viṿuyʼizwi, pe vakujenda nuluseshelo ukuliposhela luvilo luvilo. 17Nkandi amazi ga muhati vate nagamo, Ilelo vakudila hansi vwelele. Pisinda ingʼizwi livapeleyʼuvupatwe nuvuṿwimilwa she vali nalyo, pe luvilo vakupunula. 18Avamwavo ve vapesilwe mulwangwa, ve vuvo ve vakwiṿwʼizwi, 19pe havili nulukutano lwa munsʼino, nuvusheṿu vwa vudumbwe, nuvupapila ṿwonti vwe vukwinjila muhati yavo, vwe vukubudʼizwi, ilelo pe ninsanga zikusitʼukwela. 20Avene nyene ve vapesilwe pansʼinyinza, ve vuvo ve vakutejelezyʼizwi nukuliposhela, ilelo pe vakujenda nukuhomʼinsanga; wokʼamashumi gatatu, wokʼamashumʼumutanda, wokʼamashumʼishumi.
Insambilizyo ukufuma mushiholanyo sha nyale nisha mbeyu
21-25: Luk. 8,16-18.
21Havili ahayanga navo ahati: Inyale yikwinza amwe ikupishililwe mushitundu amwe yivisilwe mwizyungululu lya shitala? Yitakuvikwa pashilemo sha nyale? 22She zyonti zyenga ziṿwamile ziliṿumbuha inga lumo, Zyope nazye zili kukwilu zyonti zililolehʼapazelu. 23Uno wengʼali nagʼamakutwi aga kutejelezya, wʼatejelezyaje.
24Havili ahavavuzya ahati: Mwandaje zye mukwiṿwa. Ishifinjilo shisho she mukulinjilʼimwʼavanji, she mulilinjilwa shisho namwenemwe, havili muliyonjelezelwa. 25Shʼuno wengʼali naṿwo yimo, wʼalipelwʼiṿwamwavo. Nkandʼuno wengʼate naṿwo naṿimo, we shikusompolwa nashʼali nasho.
26Havili ahati: She vuhonzizye vovulo uvumwene vwa Mulungu, vuli fwe muntu wʼakupesʼimbeyu yakwe mumugunda wakwe. 27Pʼuwenʼahakata nukudamuha nashavusiku nashamusanya. Iyenʼimbeyu ihamela nukukula uwene lwʼatayiwenyi. 28Shʼinsʼikuvomba yeka lwʼikupelʼinsanga; isutʼumulemṿwe, pʼikupwanizyʼamatwe, ilelo pʼikupela ninsanga zye zikwizula mumatwe. 29Apene nyene pengʼayazilʼinsanga zyeleye, pʼatahavʼukutumʼumufwu, shʼimṿuno yifisile.
30-34: Mat. 13,31-34. Luk. 13,18. 19.
30Havili ahati: Uvumwene vwa Mulungu tutinji vuli fwe shonu? Tushaje kwi ishiholanyo isha kuyanjila mumwo? 31Vuli fwe hasanga ha muzimwa. Shʼahene lwʼumuntu akuvwala mumugunda, pe hakuva hansi kunsanga zyonti munsʼumu. 32Nkandi lwʼumuntu ahavwaye, pe hakukula, hakulusya ṿwontʼiṿiyavo ṿwamwavo, hakutenga ninsambʼimpiti, ilelo pe ninyunyi zya kumwanya zikujenda nukutenjelʼiṿisanzo munzunda yakwe. 33Lwʼahavavuzya vovulʼinongwa, pʼahayanjila muṿiholanyo ṿwe ṿwinji, ahalinga panjele zyavo izya kuzimanyinsanya. 34Ukwenʼukuyanga vwelele, kwʼatahayanga nazimo. Zyonti zyʼahavavuzyaga zyʼahaziyanjila muṿiholanyo. Avenʼavasundikwa vakwe nyene vʼahavilulila zyonti lwʼayelelesile navo.
UYesu akupililʼinkungu 35-41: Mat. 8,18-27. Luk. 8,22-25.
35Musanya wuyo shamazuva, pʼahavavuzyʼavasundikwa vakwe ahati: Tulambʼisyila lila. 36Pe vahaleha pupʼimpuga ya vantu. Vahavala navʼuwene shʼali mwivoti, vahavuhʼukulamba. Gope naganjʼamavoti gahajenda nawo. 37Pʼihavuhʼinkungu impiti nkani. Amavilingwa gahadomoshela mwivoti, lihizula naminzi. 38Uwene shʼakasitʼutulo kushipulo asagamiyʼumusago. Pʼavene vahamuyinzya vahati: We Musambilizi, umwoyʼiwe utwaye kwi iwe, utakusajila she tukudwivʼiswe? 39Pʼuwenʼahavuha ahapililʼinkungu ahayanga nakwa sumbi ahati: Pumaga, uve mwa. Pʼinkungu yihategama nusumbi ahatehama. 40Ahayanga navo ahati: Lye lyoga vulʼimwe? Muli nishonu ukuva nulwitiho? 41Pe vahatetema ishitetemwi ishipiti nkani, vahavuzilizanya vahati: Mwatinji wʼunanu wununo? She naye nkungu yikumusajila nusumbi vwelele.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nyiha New Testament © British and Foreign Bible Society, 1965.