Lukasi 2
2
1Alisi yakwilaga mu nsiku zyenizyo mukumo gwafumaga kumwa Kaisari Augusto ati vanhu vose va liwelelo vatonwe. 2Kutonwa kwenuku kwavagi kwa mbele mwitungo lyenilo Kurenio wavagi munachalo mu Siria. 3Na vose vajagako kutonwa, kila umo ku kaya yavo. 4Na Yosefu mwene wafumaga ku Galilaya ku kaya Nazareti kuja ku Uyahudi ku kaya yamwa Davidi, hoyene yilitanwa Betlehemu, kunguno wavagi 5ku numba na kwigongo lyamwa Davidi, kigele atonwe hamohene na Maria, homwene walahagwa nawe, nawe wavagi na mwitungo. 6Na yakwilaga aho vavagi 7kwenuko, itungo lya kuvyala lyafikaga. Na wamuvyalaga mwana wakwe wa mbele, mwana mugosya, wamukumbaga na wamulalikizaja mwipango, kunguno vagayivagwa hakupanga mu numba ya vageni.
8Na mwigunguli lyenili vavagiko vadimi uko ku malale, hovene vavagi valigalindila madale gavo havuziku. 9Na malaika wamwa Guku wavegelaga, na lukumo lwamwa Guku lwelaga kuwavo, na vogohaga munogwene. 10Na malaika wavawilaga, Muleke kogoha, kwisi lolagi, ndimuletela inwe mhola nsoga ya kwihalala munogwene, 11hoyene yikufikako ku vanhu vose, kwisi lelo mu kaya yamwa Davidi mwavyalilagwa 12Mupizya, homwene ali Kristo Guku. Na lwenulu luveho lumeho: Mukukavona kana kado kakumbilwe na kalilala mwipango. 13Na itungo lili yavagiho mbuto nhanya ya vʼilunde valimugongola Mulungu, vuhaya,
14Lukumo kumwa Mulungu kwigulya,
Na kuhola ku liwelelo mugati na vanhu hovene Mulungu alivadehela.
15Na yakwilaga aho vamalaika vafumaga kuwavo kusyoka kwilunde, vadimi vayombaga hamohene, Tuje ku Betlehemu tukaguvone muhayo ugu gwakwilaga, 16hogwene Guku watutanizaja! Na vizaga wanguwangu na vamuvonaga Maria na Yosefu na kana kalilala mwipango. 17Na aho vakavonaga, vagupozaja muhayo hogwene gwayombilwe kuwavo kunguno ya mwana mwenuyu. 18Na vose hovene vigagwa, vakumaja kunguno ya genaya gayombilwe kuwavo na vadimi. 19Alisi Maria wayidimaga mihayo yeniyi na wayikomekezaja mu moyo gwakwe. 20Na vadimi vasyokaga na vamukumukaja na vamugongolaga Mulungu kunguno ya gose genaya vagigagwa na vagavonaga, kitisi gayombilwe kuwavo.
21Na aho nsiku mnane zyavitaga vamutahiri, haho witanagwa Yesu, kitisi yakanivagwa na malaika aho atali kusombwa nda.
22Na aho nsiku zya kwivezelezya kwavo zyamalaga, kitisi yalagilagwa mu ngʼhama yamwa Mose, vamufilaga ku Yerusalema kumolecha hamwa Mulungu, 23kitisi yitonilwe mu ngʼhama yamwa Guku ati, kila 24kagosya ka vuhala kitanwe kasondo hamwa Guku, na hangi kigele vafumye kitambo, kitisi yilagililwe mu ngʼhama yamwa Guku, Mapula avili ninga makune avili ga nhunda. 25Na lolaga, mu Yerusalema wavagiho munhu umo, lina lyakwe Simeoni, nawe wavagi mugololoku na mufula, wakulindilaga kuhulikiwa kwa Israeli, na Roho Nsondo wavagi hamohene nawe. Na 26uyu wafumbulilagwa na Roho Nsondo ati kuvona ngʼo lufu kusika wamuvonaga Kristo wamwa Guku. 27Na wasemezivagwa na Roho, wizaga mwisengelo; na aho vavyazi vamuletaga mwana Yesu, kigele vamuvezye 28ha kitilwe cha ngʼhama, haho uyo wamwanukulaga mu makono gakwe, wamugongolaga Mulungu, uhaya,
29Guku, lelo umutavule mu kuhola mukumba wako hanuma na muhayo gwako,
30Kwisi minso gane gavuvonaga vupizya wako,
31Howene veve wavuvezaja hambele na vusyu wa va machalo gose,
Lumole lwa kuvezya vapagani na lukumo lwa va chalo chako Israeli.
32Na ise na nina vakumaja kunguno ya genaya gayombagwa kunguno yakwe. 33Na Simeoni wavadosaja na 34wamuwilaga Maria, nina wa mwana, Lolaga, uyu watulagwa hakugwila na hakuvukila kwa vingi mugati na 35Israeli na ha lumeho lwa kwiyanilizya;—na veve mwene lupanga lukuyichima myuye yako—kigele gafumbulwe miganiko ga myoyo mingi.
36Na wavagiho mufumbuzi mukima, lina lyakwe Anna, wa Fanueli, kwivanza lya Aseri, wakulaga myaka mingi muno, homwene kufuma vuhala wakwe wikalaga 37na mugosi myaka mpungati, na wavagi musimbe wa myaka makumi mnane na inne. Nawe akafumaga mwisengelo, sumbwa watumamaga halimi na havuziku mugati na kufunga na kulomba. 38Na mwitungo lyenili wegelaga, wamugongolaga Mulungu, na wayombaga kunguno yakwe ku vose hovene valindilaga vukomolwa wa Yerusalema.
39Na aho valivamalizaja malagilizyo gose ga ngʼhama yamwa Guku, vasyokaga ku Galilaya ku kaya yavo Nazareti. 40Alisi muyanda wakulaga na wajamaga nguzu, wokalaga na ngelo, na kisa cha Mulungu chavagi kwigulya nawe.
41Vavyazi vakwe vajage myaka yose ku Yerusalema ku sikukulu ya Pasaka. 42Na aho wakulaga myaka 43ikumi nʼivili vajaga ha kitilwe cha sikukulu; na aho vamalizaja nsiku mwitungo lya kusyoka mwana Yesu wadilaga mu Yerusalema, na vavyazi vakwe vavagi Vakamanikizye. 44Alisi viganikaga ati alimo mugati na vakwavi, vajaga lugendo lwa lusiku lumo, vamukovaga mugati na vadugu vavo na vichavo. 45Na aho vakamuwine, vasyokaga hangi ku Yerusalema, valimukova. 46Na yakwilaga hanuma na nsiku idatu vamuvonaga mwisengelo, ikalile hagati na vahembeki alivadegeleka na alivavuzya. 47Alisi vose hovene vamwigagwa vakumaja muno kunguno ya wenge wakwe na kwitavuka kwakwe. 48Na aho vamuvonaga, vakumaja na nina wamuwilaga, Mwana, kuki watwitilaga iswe syenisi? Lolaga, nso na nene twakukovaga veve 49na misayo! Na wavawilaga, Kuki mwankovaga? Mukamanikizye ati yandima nene kuvimo mu genaya 50gamwa Vava wane? Na vavagi vakagumanikizye muhayo ugo wavawilaga. 51Na wikaga hamohene navo kusika Nazareti na witunaja mwenekili kuvadonhoka. Na nina wayitulaga mihayo yose mu moyo gwakwe. 52Na Yesu watongelaga mu ngelo na ha musimo na ha kisa hambele na Mulungu na hambele na vanhu.
Currently Selected:
Lukasi 2: Nym51
Highlight
Share
Copy
Want to have your highlights saved across all your devices? Sign up or sign in
Nyamwezi New Testament © Bible Society of Tanzania, 1951.
Lukasi 2
2
1Alisi yakwilaga mu nsiku zyenizyo mukumo gwafumaga kumwa Kaisari Augusto ati vanhu vose va liwelelo vatonwe. 2Kutonwa kwenuku kwavagi kwa mbele mwitungo lyenilo Kurenio wavagi munachalo mu Siria. 3Na vose vajagako kutonwa, kila umo ku kaya yavo. 4Na Yosefu mwene wafumaga ku Galilaya ku kaya Nazareti kuja ku Uyahudi ku kaya yamwa Davidi, hoyene yilitanwa Betlehemu, kunguno wavagi 5ku numba na kwigongo lyamwa Davidi, kigele atonwe hamohene na Maria, homwene walahagwa nawe, nawe wavagi na mwitungo. 6Na yakwilaga aho vavagi 7kwenuko, itungo lya kuvyala lyafikaga. Na wamuvyalaga mwana wakwe wa mbele, mwana mugosya, wamukumbaga na wamulalikizaja mwipango, kunguno vagayivagwa hakupanga mu numba ya vageni.
8Na mwigunguli lyenili vavagiko vadimi uko ku malale, hovene vavagi valigalindila madale gavo havuziku. 9Na malaika wamwa Guku wavegelaga, na lukumo lwamwa Guku lwelaga kuwavo, na vogohaga munogwene. 10Na malaika wavawilaga, Muleke kogoha, kwisi lolagi, ndimuletela inwe mhola nsoga ya kwihalala munogwene, 11hoyene yikufikako ku vanhu vose, kwisi lelo mu kaya yamwa Davidi mwavyalilagwa 12Mupizya, homwene ali Kristo Guku. Na lwenulu luveho lumeho: Mukukavona kana kado kakumbilwe na kalilala mwipango. 13Na itungo lili yavagiho mbuto nhanya ya vʼilunde valimugongola Mulungu, vuhaya,
14Lukumo kumwa Mulungu kwigulya,
Na kuhola ku liwelelo mugati na vanhu hovene Mulungu alivadehela.
15Na yakwilaga aho vamalaika vafumaga kuwavo kusyoka kwilunde, vadimi vayombaga hamohene, Tuje ku Betlehemu tukaguvone muhayo ugu gwakwilaga, 16hogwene Guku watutanizaja! Na vizaga wanguwangu na vamuvonaga Maria na Yosefu na kana kalilala mwipango. 17Na aho vakavonaga, vagupozaja muhayo hogwene gwayombilwe kuwavo kunguno ya mwana mwenuyu. 18Na vose hovene vigagwa, vakumaja kunguno ya genaya gayombilwe kuwavo na vadimi. 19Alisi Maria wayidimaga mihayo yeniyi na wayikomekezaja mu moyo gwakwe. 20Na vadimi vasyokaga na vamukumukaja na vamugongolaga Mulungu kunguno ya gose genaya vagigagwa na vagavonaga, kitisi gayombilwe kuwavo.
21Na aho nsiku mnane zyavitaga vamutahiri, haho witanagwa Yesu, kitisi yakanivagwa na malaika aho atali kusombwa nda.
22Na aho nsiku zya kwivezelezya kwavo zyamalaga, kitisi yalagilagwa mu ngʼhama yamwa Mose, vamufilaga ku Yerusalema kumolecha hamwa Mulungu, 23kitisi yitonilwe mu ngʼhama yamwa Guku ati, kila 24kagosya ka vuhala kitanwe kasondo hamwa Guku, na hangi kigele vafumye kitambo, kitisi yilagililwe mu ngʼhama yamwa Guku, Mapula avili ninga makune avili ga nhunda. 25Na lolaga, mu Yerusalema wavagiho munhu umo, lina lyakwe Simeoni, nawe wavagi mugololoku na mufula, wakulindilaga kuhulikiwa kwa Israeli, na Roho Nsondo wavagi hamohene nawe. Na 26uyu wafumbulilagwa na Roho Nsondo ati kuvona ngʼo lufu kusika wamuvonaga Kristo wamwa Guku. 27Na wasemezivagwa na Roho, wizaga mwisengelo; na aho vavyazi vamuletaga mwana Yesu, kigele vamuvezye 28ha kitilwe cha ngʼhama, haho uyo wamwanukulaga mu makono gakwe, wamugongolaga Mulungu, uhaya,
29Guku, lelo umutavule mu kuhola mukumba wako hanuma na muhayo gwako,
30Kwisi minso gane gavuvonaga vupizya wako,
31Howene veve wavuvezaja hambele na vusyu wa va machalo gose,
Lumole lwa kuvezya vapagani na lukumo lwa va chalo chako Israeli.
32Na ise na nina vakumaja kunguno ya genaya gayombagwa kunguno yakwe. 33Na Simeoni wavadosaja na 34wamuwilaga Maria, nina wa mwana, Lolaga, uyu watulagwa hakugwila na hakuvukila kwa vingi mugati na 35Israeli na ha lumeho lwa kwiyanilizya;—na veve mwene lupanga lukuyichima myuye yako—kigele gafumbulwe miganiko ga myoyo mingi.
36Na wavagiho mufumbuzi mukima, lina lyakwe Anna, wa Fanueli, kwivanza lya Aseri, wakulaga myaka mingi muno, homwene kufuma vuhala wakwe wikalaga 37na mugosi myaka mpungati, na wavagi musimbe wa myaka makumi mnane na inne. Nawe akafumaga mwisengelo, sumbwa watumamaga halimi na havuziku mugati na kufunga na kulomba. 38Na mwitungo lyenili wegelaga, wamugongolaga Mulungu, na wayombaga kunguno yakwe ku vose hovene valindilaga vukomolwa wa Yerusalema.
39Na aho valivamalizaja malagilizyo gose ga ngʼhama yamwa Guku, vasyokaga ku Galilaya ku kaya yavo Nazareti. 40Alisi muyanda wakulaga na wajamaga nguzu, wokalaga na ngelo, na kisa cha Mulungu chavagi kwigulya nawe.
41Vavyazi vakwe vajage myaka yose ku Yerusalema ku sikukulu ya Pasaka. 42Na aho wakulaga myaka 43ikumi nʼivili vajaga ha kitilwe cha sikukulu; na aho vamalizaja nsiku mwitungo lya kusyoka mwana Yesu wadilaga mu Yerusalema, na vavyazi vakwe vavagi Vakamanikizye. 44Alisi viganikaga ati alimo mugati na vakwavi, vajaga lugendo lwa lusiku lumo, vamukovaga mugati na vadugu vavo na vichavo. 45Na aho vakamuwine, vasyokaga hangi ku Yerusalema, valimukova. 46Na yakwilaga hanuma na nsiku idatu vamuvonaga mwisengelo, ikalile hagati na vahembeki alivadegeleka na alivavuzya. 47Alisi vose hovene vamwigagwa vakumaja muno kunguno ya wenge wakwe na kwitavuka kwakwe. 48Na aho vamuvonaga, vakumaja na nina wamuwilaga, Mwana, kuki watwitilaga iswe syenisi? Lolaga, nso na nene twakukovaga veve 49na misayo! Na wavawilaga, Kuki mwankovaga? Mukamanikizye ati yandima nene kuvimo mu genaya 50gamwa Vava wane? Na vavagi vakagumanikizye muhayo ugo wavawilaga. 51Na wikaga hamohene navo kusika Nazareti na witunaja mwenekili kuvadonhoka. Na nina wayitulaga mihayo yose mu moyo gwakwe. 52Na Yesu watongelaga mu ngelo na ha musimo na ha kisa hambele na Mulungu na hambele na vanhu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nyamwezi New Testament © Bible Society of Tanzania, 1951.