Lukasi 4
4
1Na Yesu okalile na Roho Nsondo, wasyokaga kufuma ku Yordani na watongagwa na Roho kwibalangu nsiku makumi anne agemwe na Shetani. 2Na akalile kinhu mu nsiku zyenizyo, na aho zyamalaga wavonaga nzala. 3Na Shetani wamuwilaga, Ulu veve uli Mwana 4wa Mulungu, uliwile iwe lyenili live mukate. Na Yesu wamwitavukaga, Yitonilwe,
Munhu akavile kuzuvuka ku mukate duhu, sumbwa ku mihayo yose ya Mulungu.
5Na Shetani wamulinaja ku lugulu na mu katungo kado wamolekaja mavutemi gose ga liwelelo, na wamuwilaga, 6Nene nkukupa veve vukovozi wenuvu vose na lukumo lwavo, kwisi watavulilwe kuwane, na ndimupa umo wenuvu kitisi nditogwa. 7Ulu ukunkuvila, gose genaya gakuvi gako. 8Na Yesu witavukaga na wamuwila, Yitonilwe,
Umukuvile Guku Mulungu wako, na umutumamile mwenuyu inene.
9Na wamutongekaga ku Yerusalema na wamwimikaga 10ku kansonge kʼisengelo na wamuwila, Ulu veve uli
Mwana wa Mulungu, witikile hasi, kwisi yitonilwe Akuvalagila vamalaika vakwe kunguno yako,
11Vakulindile na vakuvuche mu makono gavo,
Kwigela ngʼo wikumpe kugulu kwako hʼiwe.
12Na Yesu witavukaga, wamuwila, Yiyombilwe,
Uleke kumugema Guku Mulungu wako.
13Na aho Shetani wamalaga magemelo gose, wafumaga kuwakwe mbela.
14Na Yesu wasyokaga ku Galilaya mu nguzu ya Roho, na vukumuku wakwe wasambalaga mwigunguli lyose. 15Nawe wahembekaga mu masinagogo gavo na wakumukivagwa na vose. 16Na wafikaga ku Nazareti uko walelelagwa, na wingilaga ha lusiku lwa sabato ha kitilwe chakwe mu sinagogo, wavukaga asome. 17Na chapanagwa kuwakwe kitabu cha mufumbuzi Yesaya, na aho wakikundukulaga kitabu wahavonaga henaho hatonilwe,
18Roho yamwa Guku yiliho kwigulya na nene,
Kunguno wambwilaga nene kuvatanizya vapina Mhola ya Chelu;
Wantumizaja kuvatanizya vatungwa ha kutungulwa kwavo,
Na vahofu vavone hangi,
Vakomolwe avo vadukivilwe,
19Na kutanizya mwaka Guku wagudehelile na kisa.
20Na aho wakikundikilaga kitabu wamusyokezaja musimamizi, wikalaga, na vose mu sinagogo vamugomaga minso. 21Na wavukizaja kuvawila, Lelo vutone wenuvu vufikilile mu matwi ginwe. 22Na vose vasangilagwa kuwakwe na vakumaja kunguno ya mihayo ya vusoso hoyene yafumaga ku mulomo gwakwe, na vayombaga, 23Mwenuyu akavile mwana wamwa Yosefu? Na wavawilaga, Loleyene, mukumbwila mugelegenzo gwenugu, Mufumu, wipizye veve mwenekili. Gose genaya twigagwa kitisi gakwilaga mu Kapernaumu, ugite na henaha mu kaya yako mwenekili. 24Alisi wayombaga, Loleyene, ndimuwila inwe ati kuduhu mufumbuzi alidehelwa mu kaya yakwe mwenekili. 25Yalole ndimuwila inwe ati, vasimbe vakima vingi vavagiho mugati nʼIsraeli mu nsiku zyamwa Elia, aho ilunde lyalugalilwe myaka idatu na myezi mkaga na nzala nhanya 26yavagiko ku nsi yose, alisi akatumizivilwe ku ungi sumbwa ku musimbe mukima mu Sarepta mu nsi ya Sidoni. 27Va mbizi vingi vavagiko mugati nʼIsraeli mwitungo lya mufumbuzi Elisa, na kuduhu ungi wa venava wapizivilwe, sumbwa Naemani wa Siria duhu. 28Na aho vayigagwa yeniyi, vose mu sinagogo vokalaga 29na kisila, vavukaga na vamupezezaja hanze na kaya, na vamutongekaga kusika nyombe ya lugulu kwigulya nalo kaya yavo yazengilwe, kigele vamusindikilemo. 30Alisi uyu wavitaga hagati navo na wajaga.
31Na watelemukaga kusika ku Kapernaumu, kaya yimo ya Galilaya, na wavagi alivahembeka ha lusiku 32lwa sabato; na vakumaja muno kunguno ya vuhembeki wakwe, kunguno mihayo yakwe yavagi na vukovozi. 33Na mu sinagogo wavagimo mugosya homwene wavagi na mugavo gwa zoma, na ugu gwalilaga na muzwi, 34Lekaga, uli na muhayo ki niswe, Yesu wa Nazareti, wizaga kutuzimizya? Ndikumanicha, Veve Musondo wamwa Mulungu. 35Na Yesu wagudakilaga na wahaya, Hulikaga na umufume. Na mugavo gwamusindikilaga hagati na gwamufumaga vuduhu kumugulazya. Na 36kukumya kwavadimaga vose, vitozaja hamohene na vayombaga, Muhayo ki gwenugu ati alizilagila migavo zya zoma mu vukovozi na mu nguzu, nazyo zilifuma? Na vukumuku wakwe wasambalaga hosehose mwigunguli lyenilo.
37Na wafumaga mu sinagogo na wingilaga mu numba yamwa Simoni. 38Na nina vukwi wamwa Simoni wadimagwa na homa ndaki, na vamulombaga kunguno yakwe. 39Na wamukundamilaga na wayidakilaga homa, nayo yamulekaga. Na itungo lili wavukaga na wavatumamilaga.
40Na aho limi lyalokaga, vose hovene vavagi na valwile va mitindo na mitindo vavaletaga kuwakwe, nawe wamutulilaga kila umo makono gakwe na wavapizaja. 41Na migavo yene yavafumaga vingi, yalilaga na yayombaga, Veve uli Mwana wa Mulungu. Na wayidakilaga yileke kuyomba, kunguno yamanikaja ati ali Kristo. 42Alisi aho wangalukaga wafumaga na wajaga uko kuduhuko vanhu; mbuto ya vanhu vamukovaga, vafikaga kuwakwe na vagemaga kumuhangilizya aleke kufuma kuwavo. 43Alisi wavawilaga, Yandima kutanizya Mhola ya Chelu ya vutemi wa Mulungu.
44Na wayitanizaja mu masinagogo ga Galilaya.
Currently Selected:
Lukasi 4: Nym51
Highlight
Share
Copy
Want to have your highlights saved across all your devices? Sign up or sign in
Nyamwezi New Testament © Bible Society of Tanzania, 1951.
Lukasi 4
4
1Na Yesu okalile na Roho Nsondo, wasyokaga kufuma ku Yordani na watongagwa na Roho kwibalangu nsiku makumi anne agemwe na Shetani. 2Na akalile kinhu mu nsiku zyenizyo, na aho zyamalaga wavonaga nzala. 3Na Shetani wamuwilaga, Ulu veve uli Mwana 4wa Mulungu, uliwile iwe lyenili live mukate. Na Yesu wamwitavukaga, Yitonilwe,
Munhu akavile kuzuvuka ku mukate duhu, sumbwa ku mihayo yose ya Mulungu.
5Na Shetani wamulinaja ku lugulu na mu katungo kado wamolekaja mavutemi gose ga liwelelo, na wamuwilaga, 6Nene nkukupa veve vukovozi wenuvu vose na lukumo lwavo, kwisi watavulilwe kuwane, na ndimupa umo wenuvu kitisi nditogwa. 7Ulu ukunkuvila, gose genaya gakuvi gako. 8Na Yesu witavukaga na wamuwila, Yitonilwe,
Umukuvile Guku Mulungu wako, na umutumamile mwenuyu inene.
9Na wamutongekaga ku Yerusalema na wamwimikaga 10ku kansonge kʼisengelo na wamuwila, Ulu veve uli
Mwana wa Mulungu, witikile hasi, kwisi yitonilwe Akuvalagila vamalaika vakwe kunguno yako,
11Vakulindile na vakuvuche mu makono gavo,
Kwigela ngʼo wikumpe kugulu kwako hʼiwe.
12Na Yesu witavukaga, wamuwila, Yiyombilwe,
Uleke kumugema Guku Mulungu wako.
13Na aho Shetani wamalaga magemelo gose, wafumaga kuwakwe mbela.
14Na Yesu wasyokaga ku Galilaya mu nguzu ya Roho, na vukumuku wakwe wasambalaga mwigunguli lyose. 15Nawe wahembekaga mu masinagogo gavo na wakumukivagwa na vose. 16Na wafikaga ku Nazareti uko walelelagwa, na wingilaga ha lusiku lwa sabato ha kitilwe chakwe mu sinagogo, wavukaga asome. 17Na chapanagwa kuwakwe kitabu cha mufumbuzi Yesaya, na aho wakikundukulaga kitabu wahavonaga henaho hatonilwe,
18Roho yamwa Guku yiliho kwigulya na nene,
Kunguno wambwilaga nene kuvatanizya vapina Mhola ya Chelu;
Wantumizaja kuvatanizya vatungwa ha kutungulwa kwavo,
Na vahofu vavone hangi,
Vakomolwe avo vadukivilwe,
19Na kutanizya mwaka Guku wagudehelile na kisa.
20Na aho wakikundikilaga kitabu wamusyokezaja musimamizi, wikalaga, na vose mu sinagogo vamugomaga minso. 21Na wavukizaja kuvawila, Lelo vutone wenuvu vufikilile mu matwi ginwe. 22Na vose vasangilagwa kuwakwe na vakumaja kunguno ya mihayo ya vusoso hoyene yafumaga ku mulomo gwakwe, na vayombaga, 23Mwenuyu akavile mwana wamwa Yosefu? Na wavawilaga, Loleyene, mukumbwila mugelegenzo gwenugu, Mufumu, wipizye veve mwenekili. Gose genaya twigagwa kitisi gakwilaga mu Kapernaumu, ugite na henaha mu kaya yako mwenekili. 24Alisi wayombaga, Loleyene, ndimuwila inwe ati kuduhu mufumbuzi alidehelwa mu kaya yakwe mwenekili. 25Yalole ndimuwila inwe ati, vasimbe vakima vingi vavagiho mugati nʼIsraeli mu nsiku zyamwa Elia, aho ilunde lyalugalilwe myaka idatu na myezi mkaga na nzala nhanya 26yavagiko ku nsi yose, alisi akatumizivilwe ku ungi sumbwa ku musimbe mukima mu Sarepta mu nsi ya Sidoni. 27Va mbizi vingi vavagiko mugati nʼIsraeli mwitungo lya mufumbuzi Elisa, na kuduhu ungi wa venava wapizivilwe, sumbwa Naemani wa Siria duhu. 28Na aho vayigagwa yeniyi, vose mu sinagogo vokalaga 29na kisila, vavukaga na vamupezezaja hanze na kaya, na vamutongekaga kusika nyombe ya lugulu kwigulya nalo kaya yavo yazengilwe, kigele vamusindikilemo. 30Alisi uyu wavitaga hagati navo na wajaga.
31Na watelemukaga kusika ku Kapernaumu, kaya yimo ya Galilaya, na wavagi alivahembeka ha lusiku 32lwa sabato; na vakumaja muno kunguno ya vuhembeki wakwe, kunguno mihayo yakwe yavagi na vukovozi. 33Na mu sinagogo wavagimo mugosya homwene wavagi na mugavo gwa zoma, na ugu gwalilaga na muzwi, 34Lekaga, uli na muhayo ki niswe, Yesu wa Nazareti, wizaga kutuzimizya? Ndikumanicha, Veve Musondo wamwa Mulungu. 35Na Yesu wagudakilaga na wahaya, Hulikaga na umufume. Na mugavo gwamusindikilaga hagati na gwamufumaga vuduhu kumugulazya. Na 36kukumya kwavadimaga vose, vitozaja hamohene na vayombaga, Muhayo ki gwenugu ati alizilagila migavo zya zoma mu vukovozi na mu nguzu, nazyo zilifuma? Na vukumuku wakwe wasambalaga hosehose mwigunguli lyenilo.
37Na wafumaga mu sinagogo na wingilaga mu numba yamwa Simoni. 38Na nina vukwi wamwa Simoni wadimagwa na homa ndaki, na vamulombaga kunguno yakwe. 39Na wamukundamilaga na wayidakilaga homa, nayo yamulekaga. Na itungo lili wavukaga na wavatumamilaga.
40Na aho limi lyalokaga, vose hovene vavagi na valwile va mitindo na mitindo vavaletaga kuwakwe, nawe wamutulilaga kila umo makono gakwe na wavapizaja. 41Na migavo yene yavafumaga vingi, yalilaga na yayombaga, Veve uli Mwana wa Mulungu. Na wayidakilaga yileke kuyomba, kunguno yamanikaja ati ali Kristo. 42Alisi aho wangalukaga wafumaga na wajaga uko kuduhuko vanhu; mbuto ya vanhu vamukovaga, vafikaga kuwakwe na vagemaga kumuhangilizya aleke kufuma kuwavo. 43Alisi wavawilaga, Yandima kutanizya Mhola ya Chelu ya vutemi wa Mulungu.
44Na wayitanizaja mu masinagogo ga Galilaya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nyamwezi New Testament © Bible Society of Tanzania, 1951.