Mateo 19
19
1Na yakwilaga aho Yesu wamalaga mihayo yeniyi, wafumaga ku Galilaya na wafikaga kwigunguli lya Uyahudi kumwambu na Yordani. 2Na mbuto ningi zya vanhu vamulondaga, na wavapizaja kwenuko.
3Na vamwegelaga Vafarisayo, vamugemaga, vuhaya, Kinahe, mugosya ali na luhusa kumutavula muke wakwe ku nguno zyose? 4Alisi witavukaga, uhaya, Mukasomile ati Mutundi hambuki watundaga mugosya na mukima? na wahaya,
5Kunguno yeniyi mugosya akumuleka ise na nina na akudimana na muke wakwe, navo vavili vakuvi muvili gumo.
6Sisyo vakavile hangi vavili, sumbwa muvili gumo. Kunguno yeniyi genayo Mulungu wagadimanaja, munhu 7akagalekanye ngʼo. Valimuwila, Kungunoki haho Mose walagilaga kumupa cheti cha kutina vukwele na 8kumutavula? Alivawila, kunguno ya vulambu wa myoyo yinwe Mose wamutavulilaga inwe kuvaleka vake vinwe; alisi kufuma mbuki yavage yikakwilile sisyo. 9Alisi ndimuwila inwe, homwene akumutavula muke wakwe, kolaga kunguno ya vusihya, na akumutola ungi alisihya; na homwene alimutola mukima atavulilwe alisihya. 10Vahemba valimuwila, Ulu yili syenisyo na mugosya na muke wakwe yikavelile kutola. 11Nawe wavawilaga, Vakavile vose valikovola kugumanicha muhayo gwenugu sumbwa venava vapivagwa kugumanicha. 12Kwisi valiho vagumba va vugumba wa mbyalanwa, na valiho hovene vagumbahiwa na vanhu, na valiho vangi hovene vigumbahya venekili kunguno ya vutemi wʼilunde. Homwene alikovola kuyimanicha nguno, ayimaniche.
13Haho vamuletelaga vana vado kigele avatulile makono na avalombele. 14Alisi vahemba vavadakilaga. Alisi Yesu wayombaga, Muvaleke vana vado na mukavahangilizye ngʼo kwiza kuwane, kwisi ku va mutindo 15gwenugu vutemi wʼilunde vuliho. Na wavatulilaga venava makono, na wafumagako.
16Na umo wamwegelaga na wahaya, Muhembeki musoga, nite kasoga ki, kigele napiwe vuzuvuku wa 17hanahana? Alisi wamuwilaga, Kuki ulimbuzya kunguno ya kasoga? Aliho umo duhu musoga. Alisi ulu ulikova kwingila mu vuzuvuku, uzimazye ngʼhama. 18Alimuwila, Ngʼhama ki? Yesu wayombaga, Ukavulage ngʼo, ukasihye ngʼo, ukive ngʼo, ukave ngʼo musangilwaho wa vulamba, 19umukuzye nso na noko, na umutogwe mwiyo kitisi uliwitogwa veve mwenekili. 20Musumba alimuwila, Gose genaya nagamazaja, nasigazyaki? 21Yesu wamuwilaga, Ulu ulikova kuvi mumazya gose, uje ukaguzye gose ago uli nago na uvape vapina, na ukuvi na nsavo nhanya mwilunde; na wize undonde. 22Alisi aho musumba wigagwa muhayo gwenugu, wajaga na misayo, kwisi wavagi na nsavo ningi. 23Alisi Yesu wavawilaga vahemba vakwe, Loleyene ndimuwila inwe ati, kili kitimbu ku musavi kwingila 24mu vutemi wʼilunde. Hangi ndimuwila inwe ati, kili changu ku ntwangavulende yingile mu linso lya lusindano kukila musavi ingile mu vutemi wa Mulungu. 25Alisi aho vahemba vigagwa muhayo gwenugu, vakumaja munogwene na vayombaga, Haho nani alikovola 26kupiziwa? Alisi Yesu wavalolaga, uvawila, Ku vanhu kili kigaka, alisi kumwa Mulungu yose yilikovolwa. 27Haho Petro witavukaga na wamuwilaga, Lolaga, iswe twagalekaga gose na twakulondaga veve, haho tulapiweki? 28Yesu wavawilaga, Yalole ndimuwila inwe ati ha vutundwa vupya wa liwelelo, aho Mwana wa Munhu akwikala kwisumbi lya lukumo lwakwe, inwe hovene mwandondile mukwikala ku masumbi ikumi na avili na kuvayangula va magongo ikumi na avili ga Israeli. 29Na homwene walekaga manumba ninga vaduguye ninga valumbuye ninga ise ninga nina ninga vana ninga migunda kunguno ya lina lyane, akongeziwa kingi muno na akusalika vuzuvuku wa hanahana. 30Alisi vingi va mbele vakuvi va mhelo, na va mhelo vakuvi va mbele.
Currently Selected:
Mateo 19: Nym51
Highlight
Share
Copy
Want to have your highlights saved across all your devices? Sign up or sign in
Nyamwezi New Testament © Bible Society of Tanzania, 1951.
