Marko 1

1Mbuki ya Mhola ya Chelu yamwa Yesu Kristo, 2kitisi yatonilwe na mufumbuzi Yesaya,

Lolaga, nene ndimutumizya mutumwa wane hambele naʼho,

Homwene akuyigelanizya nzila yako.

3Muzwi gwa umo alihamuka mwibalangu,

Muyivezelezye nzila yamwa Guku,

Mutugelanizye tufufuyila twakwe.

4Yohana wigelaga mwibalangu alitanizya kogiwa kwa kupiluka moyo kwa kutondolwa mavukenaguzi. 5Na vizaga kuwakwe vose va nsi ya Uyahudi na vana Yerusalema vose, na vogivagwa nawe mu mongo Yordani, aho valigazumilizya mavukenaguzi gavo. 6Na Yohana wavage azwalile mwenda gwa vuyenze wa twangavulende na musipi gwa ndili mu mukimbili gwakwe, na walyage nzige na vuki wa mwipolu. 7Na watanizaja, uhaya, Aliza hanuma nane homwene ali muhanya kukila nene, nkasikile isima kukundama kumutungula mikova ya filatu fyakwe. 8Nene namogaja inwe na minzi, alisi uyo akumoja inwe na Roho Nsondo.

9Na yakwilaga mu nsiku zyenizyo Yesu wafumaga ku Nazareti ya Galilaya na wogivagwa na Yohana mu Yordani. 10Na itungo lyenilo wafumaga mu minzi wavonaga ilunde lilitanduka, na Roho wikaga kwigulya 11nawe kitisi nhunda yilimudemela, na muzwi kufuma kwilunde gulihaya, Hoveve uli Mwana wane, Mutoneke, nene ndikudehela.

12Na itungo lyenilo Roho wamutongekega mwibalangu; 13na wavagi mwibalangu nsiku makumi anne na wagemagwa na Shetani; na wavagi hamohene na manwele, na vamalaika vamuvonekaja.

14Hanuma na kutungwa kwamwa Yohana, Yesu wizaga mu Galilaya na wayitanizaja Mhola ya Chelu ya 15Mulungu, uhaya, Itungo lyafikile na vutemi wa Mulungu wegelile bihi; mupiluke moyo na muyisanizye Mhola ya Chelu.

16Na aho wayumbayumbaga ha nguka ya nyanza ya Galilaya, wavavonaga Simoni na Andrea, muduguye, vavagi valigaponezya mavukila mu nyanza, kwisi vavage valovi. 17Na Yesu wavawila, Mundonde, nane nkumuvezya inwe kuvi valova vanhu. 18Na itungo lili vagalekaga mavukila na vamulondaga. 19Na aho watongelaga kumbele hado, wamuvonaga Yakobo, mwana Zebedayo, na Yohana, muduguye, hovene vavagimo 20mu wato, vavagi valigasumilizya mavukila. Na itungo lili wavitanaga, navo vamulekaga nsavo Zebedayo mu wato hamohene na vatumami, na vamulondaga.

21Na vingilaga mu Kapernaumu na ha lusiku lwa sabato wahembekaga mu sinagogo. 22Na vakumaja kunguno ya vuhembeki wakwe, kwisi wavahembekaga kitisi umo wa vukovozi na ngʼo kitisi vamanicha fitabu. 23Na itungo lyenilo wavagi mu sinagogo yavo munhu wa 24mugavo gwa zoma wahamukaga, uhaya, Tuli na muhayo ki naʼho, Yesu wa Nazareti? Veve wizaga kutuzimizya; tulikumanicha, Veve Musondo wa Mulungu. 25Na Yesu wagudakilaga, uhaya, Hulikaga na umufume. 26Na mugavo gwa zoma gwamusulungutaja, gwalilaga na kilaka na gwamufumaga. 27Na vose vakumaja na vagengemalaga na vayombaga, Muhayo ki gwenugu? Vuhembeki vupya wa vukovozi? Kwisi aliyilagila 28migavo ya zoma nayo yilimudonhoka! Na mhola yakwe yakumukaga itungo lyenilo hosehose mu nsi yose ya Galilaya.

29Itungo lyenilo aho vafumaga mu sinagogo vafikaga mu numba yamwa Simoni na Andrea hamohene na Yakobo na Yohana. 30Alisi nina vukwi wamwa Simoni wavagi alalile, alwalile homa, na itungo lili vamupozezaja. 31Na wegelaga, wamudimaga kukono kwakwe, wamwikazaja, na homa yamulekulaga, nawe wavavonekaja.

32Alisi hamhindi aho limi lyalokaga vamuletelaga 33vasatu vose na vanhu va migavo, na va mukaya vose vavagi vivilingile ha muzigo. 34Na wavapizaja vingi hovene valwalaga mavulwile mitindo na mitindo, na wayifumaja migavo mingi na akazumizye migavo yiyombe, kunguno yamumanikaja.

35Na hʼikingilima muno wavukaga, wafumaga na wajaga uko kuduhu vanhu, na kwenuko walombaga. 36Na Simoni na avo vavagi nawe vamulondezaja, na aho 37vamuvonaga vamuwilaga, Vose valikukova. Nawe 38wavawilaga, Tuje kungi ku makaya ga bihi, kigele kwenuko kwene nayitanizye Mhola, kwisi kunguno yeniyi nizile. 39Na wajaga, wayitanizaja Mhola mu masinagogo gavo mu nsi yose ya Galilaya, na wayifumaja migavo.

40Na wizaga kuwakwe wa mbizi, alimwigongela, alimusukambila, alimuwila, Ulu ulikova, veve ulikovola kumpizya. 41Na wasativagwa lusungu kuwakwe, wagololaga kukono kwakwe na wamukumaja, uhaya, Ndikova, upile. 42Na itungo lili mbizi zyafumaga kuwakwe na wapilaga. 43Na wamuhilimilaga na nguzu, wamufumaja itungo lili hibala na wamuwilaga, 44Ulole, ukamuwile ngʼo ungi, sumbwa uje ukiyoleche ku muhozya na kunguno ya kupiziwa kwako ufile mhezi yeniyo yalagilagwa na Mose, 45yive vusangilwaho kuwavo. Alisi uyu wafumaga, wagukumukaja muhayo ugo hose, syenisyo Yesu wavagi akakovolile kwingila mu kaya hangi hawelekela, alisi wavagi hanze uko kuduhu vanhu, na vizaga kuwakwe kufuma kosekose.

Currently Selected:

Marko 1: Nym51

Highlight

Copy