Marko 11

Na aho valegela Yerusalema bihi na Betifage. 1na Betania ha Lugulu lwa Maguta, alivatongezya vavili 2va vahemba vakwe na alivawila, Muje ku kakaya kali ha welekela winwe, na ulu mwingila mwenumo mukuyivona mpunda ndogosa yitungilwe, yitali kudamilwa 3na munhu, muyitungule na muyilete. Na ulu umo alimuwila, Kuki mulita sisyo? Haho muyombe, Guku aliyifunda na akuyisyocha henaha itungo lili. 4Na vajaga na vayivonaga mpunda ndogosa yitungilwe hanze na muzigo gumbati ha nzila, na vayitungulaga. 5Na vamo va venava vimile henaho vavawilaga, Mulitaki kuyitungula mpunda ndogosa? 6Alisi ava vavawilaga kitisi Yesu wayombile, na vavatavulilaga. 7Na vayiletaga mpunda ndogosa kumwa Yesu, na vazyanzaga myenda zyavo kwigulya nayo, na uyu wayidamilaga. 8Na vingi vazyanzaga myenda zyavo mu nzila, alisi vangi vaganzaga matambi mu nzila vagabutile mu migunda. 9Na avo vatongelile na avo valondile vahamukaga, 10Hosana, adosiwe luvango homwene aliza mu lina lya Guku; vudosiwe luvango vutemi vulakiza wamwa vava wiswe Davidi! Hosana kusika kwigulya!

11Na wingilaga mu Yerusalema na mwisengelo lya Mulungu; na aho wamalaga kugalola gose na kunguno limi lyaloka, wafumaga kuja ku Betania hamohene na va ikumi na vavili.

12Na hawangaluke aho vafumaga ku Betania wavagi na nzala. 13Na aho waguvonaga mukuyu kufuma kule hogwene gwavagi na madutu, wajaga avone ulu kisumo kiliko kugo. Na aho wafikaga akakiwine kinhu sumbwa madutu duhu, kwisi lyavagi likavile itungo lya makuyu. 14Na haho wayomba, uguwila, Kusika hanahana kuduhu munhu alye hangi kisumo kuwako. Na vahemba vakwe vayigagwa. 15Na vafikaga mu Yerusalema. Na wingilaga mwisengelo lya Mulungu na wavukizaja kuvapezya vaguzya na vaguzi mwisengelo, na wazikunulaga. meza zya vabadila mapesa na masumbi ga 16vaguzya nhunda, na akazumizye umo afisombe fiseme afivitye mwisengelo. 17Na wahembekaga na wavawilaga, Kinahe, yikatonilwe ati numba yane yikwitanwa 18numba ya kulomba ku va machalo gose! Alisi inwe mwayivezizye ipilinga lya vasambo. Na vahozya vahanya na vamanicha fitabu vayigagwa na valomaga lumehoki vamuzimizye, kwisi vogohaga kunguno mbuto ya vanhu vavukumaja vuhembeki wakwe.

19Na hanahana ulu limi lyaloka, wafumage mu kaya.

20Na handiyu aho vavagi valivita, vaguvonaga mukuyu gwanyalile kufuma ha mizi. 21Na Petro wizukilaga na alimuwila, Muhembeki, lolaga, mukuyu ugu wagufwizilile gwanyalile. 22Na Yesu witavukaga, uvawila, 23Muve na isanizyo kumwa Mulungu! Loleyene, ndimuwila inwe, Homwene akuluwila lugulu lwenulu, Vukaga na wiponezye mu nyanza, vuduhu kususinhanya mu moyo gwakwe alisi alisanizya ati, genaya aliyomba gakukwila, 24genaya gakumukwilila uyo. Kunguno yeniyi ndimuwila inwe, Gose genaya muligalomba na muligongela musanizye ati mukuganukula, na gakumukwilila inwe. 25Na ulu mwimile mu kulomba, ulu muli na muhayo kwigulya na umo, mumutondole kigele Vava winwe mwilunde amutondole mapuvyo ginwe. 26Alisi ulu inwe kutondola ngʼo, Vava winwe mwilunde kumutondola ngʼo mapuvyo ginwe.

Na vafikaga hangi mu Yerusalema. 27Na aho wavagi aliyumbayumba mwisengelo lya Mulungu, vahozya vahanya na vamanicha fitabu na vanamhala vizaga 28kuwakwe, vumuwila, Ku vukovozi ki ulita genaya? Ninga nani wakupaga vukovozi wenuvu wa kwita 29genaya? Yesu wavawilaga, Nkumuvuzya inwe muhayo gumo, haho munitavuke, nane nkumuwila ku vukovozi ki ndita genaya. 30Kogiwa kwamwa Yohana kwafumile kwilunde ninga ku vanhu? Munitavuke! 31Na vikomaja hamohene na vayombaga, Ulu tuliyomba, Kufuma kwilunde, haho akuyomba, Kuki haho mukamusanizizye? 32Ulu tukuyomba, Kufuma ku vanhu— vavogohaga vanhu, kwisi vose vamulolaga Yohana ati wavage mufumbuzi loleyene. 33Na vamwitavukaga Yesu, vuyomba, Tukamanikizye. Na Yesu alivawila, Syenisyo nene mwene kumuwila inwe ngʼo na vukovozi ki ndita genaya.

Currently Selected:

Marko 11: Nym51

Highlight

Copy