Marko 14
14
1Alisi zyasigalaga nsiku ivili kusika ha sikukulu ya Pasaka na ya mikate zikatumbile, na vahozya vahanya na vamanicha fitabu vakovaga nzila ya kumudima mu lwiviso na kumuvulaga. 2Kwisi vayombaga, Ngʼo ha sikukulu, kwigela ngʼo vugome vuvuke mugati na vanhu.
3Na aho wavagi mu Betania mu numba yamwa Simoni wa mbizi, na wikalaga hakulila, wizaga mukima na nsupa ya alabastro yokalile maguta masoga malambu mupango; wayibutaga nhingo ya nsupa ya alabastro na wagapumpumulilaga ku mutwe gwakwe. 4Alisi vavagiho vamo hovene vingʼungʼulaga muwavo 5na vayombaga, Vutagaguzi wa kinahe wa maguta genaya? Kwisi maguta genaya gakovolaga kuguziwa ku madenari magana adatu na kukila, na kupanwa ku 6vapina, na vamuhilimilaga muno. Alisi Yesu wayombaga, Mumuleke, kuki mulimusatya? wanitilaga mulimo musoga. 7Kwisi nsiku zyose muli navo vapina hamohene ninwe, na ulu mulikova mulikovola kuvavezezya tusoga, alisi nene mukavile nane nsiku zyose. 8Uyu wavezaja kitisi wakovolaga; watongelaga kuguvila muvili gwane kunguno ya kuzikwa kwane. 9Loleyene ndimuwila inwe, Kosekose uko Mhola ya Chelu yikutaniziwa mu liwelelo lyose, gakuyombwa na genaya uyu witaga kumwizukila.
10Na Yudasi Iskariote, umo wa ikumi na vavili, wajaga ku vahozya vahanya kigele amugambe kuwavo. 11Na aho vayigagwa vadehaga na vamulaganaja kumupa mapesa; na uyo wakovaga nzila ya kumugamba mwitungo isoga.
12Na ha lusiku lwa mbele lwa mikate yikatumbile ha lusiku lwa kuyisika Pasaka, vahemba vakwe vamuwilaga, Kuhe ulikova iswe tuje tukavezelezye, kigele 13ulye Pasaka? Na wavatumizaja vavili va vahemba vakwe, uvawila, Muje mu kaya, na akusanja ninwe 14munhu avukizye muzoga gwa minzi, mumulonde, na umo akwingila, mumuwile mwene numba, Muhembeki aliyomba, Kuhe chumba cha kupanga, umo nalye 15Pasaka na vahemba vane? Na uyu mwenekili akumolecha chumba kihanya cha higulya chavezelezivilwe 16vuliko, na mwenumo mutuvezezye. Na vahemba vajaga na vingilaga mu kaya na vavonaga kitisi wavawilaga, na vavezaja Pasaka.
17Na aho limi lyaloka aliza na va ikumi na vavili. 18Na aho vikalaga hakulila valilya, Yesu wayombaga, Loleyene ndimuwila inwe, umo mugati ninwe homwene alilya hamohene nane akungamba. 19Na vavukizaja 20kusaya na kumuwila umo na umo, Imba nene? Alisi uyu wavawila, Umo wa va ikumi na vavili uyu alikozya hamohene na nene mu kiseme. 21Mwana wa Mulungu alija nzila yakwe kitisi yatonwa kunguno yakwe, alisi musyolo kwigulya na munhu mwenuyo Mwana wa munhu aligambwa nawe, yilimuvelela uyu ulu mbe akavyalilwe.
22Na aho valilya wagusolaga mukate, wagudosaja, wagumegulaga na wavapaga vahemba vakwe, uhaya, Solagi ugu guli muvili gwane. 23Na wakisolaga kineneko, walumbilaga kalumbilo na wavapaga, na vose vanwelaga cheniki. 24Na wavawilaga, Aga gali magazi gane ga kuswana kupya, hogene galizwikiwa ku vingi. 25Loleyene ndimuwila inwe, Nene kunwa ngʼo hangi ku fisumo fya muzabibu kusika lusiku lwenulo nkunwa fipya mu vutemi wa Mulungu.
26Na aho vamalaga kwimba, vafumaga kuja ku Lugulu lwa Maguta.
27Na Yesu alivawila, Inwe vose mukugayilizya, kwisi yatonwa, Nkumutulagula mudimi, na ngʼholo zikusambaziwa. 28Alisi hanuma na kuhembukiwa kwane nkumutongela inwe kuja ku Galilaya. 29Alisi Petro wamuwilaga, Nulu vose vakugayilizya, alisi nene ngʼo. 30Na Yesu wamuwila, Loleyene ndikuwila veve ati, lelo vuziku wenuvu hambele ikungulume likuhila kavili, veve ukunikana kadatu. 31Alisi uyu wayombaga muno, Ninga ulu nene nafwe hamohene naʼho, nene kukwikana ngʼo na hado ngʼo. Na sisyo sisyene vose vayombaga.
32Na valiza henaho halitanwa Getsemane, na alivawila vahemba vakwe, Mwikale henaha kusika namalaga kulomba. 33Na alivasola Petro na Yakobo na Yohana hamohene nawe, na wavukizaja kukangwa na kusaya 34na alivawila, Myuye yane yilikindwa muno na misayo kusika ha kufwa, mwikale henaha na mudile minso. 35Na wajaga kumbele hado, wagwaga hasi na walombaga, ulu yakovolwa itungo lyenili limwingikile. 36Na wayombaga, Abba, Vava, gose galikovolwa naʼho; ukinje kineneko iki kuwane, alisi ngʼo genaya nene ndikova, sumbwa genaya veve ulikova. 37Na wizaga, uvasanga valalile tulo, na alimuwila Petro, Simoni, ulilala tulo? 38Ukakovolile kudila minso saa yimo? Mudile minso na mulombe, kwigela ngʼo mwingile mu mahumbiko; Roho yilitogwa, alisi muvili gukavile na nguzu. 39Na wajaga hangi na walombaga, na wayombaga muhayo gwenugu gwene. 40Na wasyokaga hangi, wavasangaga valilala tulo, kwisi minso gavo gatimbaga, na 41vakamanikizye cha kumwitavuka, Na wizaga ka vudatu, uvawila, Mulale tulo duhu na mwisuhye, yakwila, itungo lyafika; lolagi, Mwana wa Munhu alifumiwa mu makono ga vakenaguzi. 42Muvuke, tuje, lolagi, mugambi wane wegelaga bihi.
43Na itungo lyenilo aho wavagi atali aliyomba, Yudasi, umo wa va ikumi na vavili, wizaga, na hamohene nawe mbuto ya vanhu vizanile malupanga na mavuhili, vafumile ku vahozya vahanya na vamanicha fitabu na vanamhala. 44Alisi uyu mugambi wavapaga lumeho, wayombaga, Uyu nkumunonela, sanga homwene, mumudime na mumutongeke na mumulindile sisoga. 45Na aho wizile, itungo lili wamwegela, uhaya, Muhembeki! na wamunonelaga. 46Na avo vagololaga makono gavo kuwakwe na vamudimaga. 47Alisi mugati navo vimile bihi umo walusopolaga lupanga na wamutulaga mukumba wa muhozya muhanya na wamutinaga itwi. 48Alisi Yesu witavukaga, wavawila, Mwafumaga kitisi ha musambo na malupanga na mavuhili kundima nene. 49Nsiku zyose navage hamohene ninwe mwisengelo ndihembeka, na mukandimile, alisi vutone kolaga vufikile. 50Na vose vamulekaga na vapelaga.
51Na umo musumba mbati wamulondaga, azwalile mwenda gumo duhu gwa bafuta ku muvili, 52na vamudimaga, alisi nawe wagulekaga mwenda mu makono gavo na wapelaga zule.
53Na vamutongekaga Yesu ku muhozya muhanya. Na vahozya vahanya na vanamhala na vamanicha fitabu vivilingaga hamohene. 54Na Petro wamulondaga kufuma kule kusika mugati na ngomwa ya muhozya muhanya, na wikalaga hamohene na vatumami aliwotela moto. 55Alisi vahozya vahanya na va ivanza lyose vakovaga vusangilwaho kwigulya na Yesu kigele vamuvulage, alisi vakavuwine. 56Kwisi nulu vingi vasangilagwa cha vulamba kwigulya nawe, alisi mavusangilwaho gavo gakagelanilile. 57Na vamo vavukaga na vasangilagwa cha vulamba kwigulya nawe na vayombaga, 58Twamwigilwe uyu aliyomba, Nkulibomola isengelo lyenili lyazengilwe na makono, na mu nsiku idatu nkulizenga lingi likazengilwe na makono. 59Alisi hangi vusangilwaho wavo wenuvu vukagelanilile. 60Na muhozya muhanya wavukaga, wimaga hagati na wamuvuzaja Yesu, uhaya, Veve ukavile kwitavuka ku 61genaya valisangilwaho kwigulya naʼho? Alisi uyu wahulikaga sele na akitavukile muhayo ninga gumo ngʼo. Hangi muhozya muhanya wamuvuzaja, wamuwila, Hoveve uli Kristo, Mwana wa Mulungu, mwene 62lukumo luhanya? Yesu wayombaga, Honene mwene, na mukumuvona Mwana wa Munhu ikalile ha mulila 63gwa nguzu na izile mu malunde gʼilunde. Alisi muhozya muhanya wayitandulaga myenda yakwe na wayombaga, Tulifunda hangi vasangilwaho vangi? 64Inwe mwigagwa ifusano lyakwe, muliganikaki? Alisi vose vamuyangulaga atemelwe kitanga cha lufu. 65Na vamo vavukizaja kumutugila na kumukumba ku vusyu na kumutula mapi, vumuwila, Ufumbule! Na vanikulu vamwanukulaga na mapi.
66Na aho Petro wavagi ikalile kunsilili mu ngomwa aliza umo wa vatumami vakima va muhozya muhanya, 67na aho wamuvonaga Petro aliwotela, wamulolaga na wayombaga, Veve mwene wavagi hamohene na Yesu Munazareti. 68Alisi uyu wakanaga na wayombaga, Nene nkamanikizye na nkigilwe yeniyi uliyomba. Na wafumaga hanze ha vukumbo, na ikungulume lyahilaga. 69Na aho mukima wamuvonaga wavukizaja hangi kuvawila avo vimile bihi, Uyu ali umo wa venavo. Alisi uyo wakanaga hangi. 70Na hanuma na katungo avo vavagi vimile bihi vamuwilaga Petro hangi, Loleyene, veve uli umo wa venavo, kwisi veve mwene uli Mugalilaya. 71Alisi uyo wavukizaja kwilahilizya na mulahi, Nene nkamumanikizye munhu mwenuyu homwene muliyomba. 72Na itungo lili ikungulume lyahilaga ka vuvili. Na Petro wagwizukilaga muhayo ugo Yesu wamuwilaga, Hambele ikungulume likuhila kavili, veve ukunikana kadatu. Na aho wagwizukilaga, walilaga minsozi.
Currently Selected:
Marko 14: Nym51
Highlight
Share
Copy
Want to have your highlights saved across all your devices? Sign up or sign in
Nyamwezi New Testament © Bible Society of Tanzania, 1951.
Marko 14
14
1Alisi zyasigalaga nsiku ivili kusika ha sikukulu ya Pasaka na ya mikate zikatumbile, na vahozya vahanya na vamanicha fitabu vakovaga nzila ya kumudima mu lwiviso na kumuvulaga. 2Kwisi vayombaga, Ngʼo ha sikukulu, kwigela ngʼo vugome vuvuke mugati na vanhu.
3Na aho wavagi mu Betania mu numba yamwa Simoni wa mbizi, na wikalaga hakulila, wizaga mukima na nsupa ya alabastro yokalile maguta masoga malambu mupango; wayibutaga nhingo ya nsupa ya alabastro na wagapumpumulilaga ku mutwe gwakwe. 4Alisi vavagiho vamo hovene vingʼungʼulaga muwavo 5na vayombaga, Vutagaguzi wa kinahe wa maguta genaya? Kwisi maguta genaya gakovolaga kuguziwa ku madenari magana adatu na kukila, na kupanwa ku 6vapina, na vamuhilimilaga muno. Alisi Yesu wayombaga, Mumuleke, kuki mulimusatya? wanitilaga mulimo musoga. 7Kwisi nsiku zyose muli navo vapina hamohene ninwe, na ulu mulikova mulikovola kuvavezezya tusoga, alisi nene mukavile nane nsiku zyose. 8Uyu wavezaja kitisi wakovolaga; watongelaga kuguvila muvili gwane kunguno ya kuzikwa kwane. 9Loleyene ndimuwila inwe, Kosekose uko Mhola ya Chelu yikutaniziwa mu liwelelo lyose, gakuyombwa na genaya uyu witaga kumwizukila.
10Na Yudasi Iskariote, umo wa ikumi na vavili, wajaga ku vahozya vahanya kigele amugambe kuwavo. 11Na aho vayigagwa vadehaga na vamulaganaja kumupa mapesa; na uyo wakovaga nzila ya kumugamba mwitungo isoga.
12Na ha lusiku lwa mbele lwa mikate yikatumbile ha lusiku lwa kuyisika Pasaka, vahemba vakwe vamuwilaga, Kuhe ulikova iswe tuje tukavezelezye, kigele 13ulye Pasaka? Na wavatumizaja vavili va vahemba vakwe, uvawila, Muje mu kaya, na akusanja ninwe 14munhu avukizye muzoga gwa minzi, mumulonde, na umo akwingila, mumuwile mwene numba, Muhembeki aliyomba, Kuhe chumba cha kupanga, umo nalye 15Pasaka na vahemba vane? Na uyu mwenekili akumolecha chumba kihanya cha higulya chavezelezivilwe 16vuliko, na mwenumo mutuvezezye. Na vahemba vajaga na vingilaga mu kaya na vavonaga kitisi wavawilaga, na vavezaja Pasaka.
17Na aho limi lyaloka aliza na va ikumi na vavili. 18Na aho vikalaga hakulila valilya, Yesu wayombaga, Loleyene ndimuwila inwe, umo mugati ninwe homwene alilya hamohene nane akungamba. 19Na vavukizaja 20kusaya na kumuwila umo na umo, Imba nene? Alisi uyu wavawila, Umo wa va ikumi na vavili uyu alikozya hamohene na nene mu kiseme. 21Mwana wa Mulungu alija nzila yakwe kitisi yatonwa kunguno yakwe, alisi musyolo kwigulya na munhu mwenuyo Mwana wa munhu aligambwa nawe, yilimuvelela uyu ulu mbe akavyalilwe.
22Na aho valilya wagusolaga mukate, wagudosaja, wagumegulaga na wavapaga vahemba vakwe, uhaya, Solagi ugu guli muvili gwane. 23Na wakisolaga kineneko, walumbilaga kalumbilo na wavapaga, na vose vanwelaga cheniki. 24Na wavawilaga, Aga gali magazi gane ga kuswana kupya, hogene galizwikiwa ku vingi. 25Loleyene ndimuwila inwe, Nene kunwa ngʼo hangi ku fisumo fya muzabibu kusika lusiku lwenulo nkunwa fipya mu vutemi wa Mulungu.
26Na aho vamalaga kwimba, vafumaga kuja ku Lugulu lwa Maguta.
27Na Yesu alivawila, Inwe vose mukugayilizya, kwisi yatonwa, Nkumutulagula mudimi, na ngʼholo zikusambaziwa. 28Alisi hanuma na kuhembukiwa kwane nkumutongela inwe kuja ku Galilaya. 29Alisi Petro wamuwilaga, Nulu vose vakugayilizya, alisi nene ngʼo. 30Na Yesu wamuwila, Loleyene ndikuwila veve ati, lelo vuziku wenuvu hambele ikungulume likuhila kavili, veve ukunikana kadatu. 31Alisi uyu wayombaga muno, Ninga ulu nene nafwe hamohene naʼho, nene kukwikana ngʼo na hado ngʼo. Na sisyo sisyene vose vayombaga.
32Na valiza henaho halitanwa Getsemane, na alivawila vahemba vakwe, Mwikale henaha kusika namalaga kulomba. 33Na alivasola Petro na Yakobo na Yohana hamohene nawe, na wavukizaja kukangwa na kusaya 34na alivawila, Myuye yane yilikindwa muno na misayo kusika ha kufwa, mwikale henaha na mudile minso. 35Na wajaga kumbele hado, wagwaga hasi na walombaga, ulu yakovolwa itungo lyenili limwingikile. 36Na wayombaga, Abba, Vava, gose galikovolwa naʼho; ukinje kineneko iki kuwane, alisi ngʼo genaya nene ndikova, sumbwa genaya veve ulikova. 37Na wizaga, uvasanga valalile tulo, na alimuwila Petro, Simoni, ulilala tulo? 38Ukakovolile kudila minso saa yimo? Mudile minso na mulombe, kwigela ngʼo mwingile mu mahumbiko; Roho yilitogwa, alisi muvili gukavile na nguzu. 39Na wajaga hangi na walombaga, na wayombaga muhayo gwenugu gwene. 40Na wasyokaga hangi, wavasangaga valilala tulo, kwisi minso gavo gatimbaga, na 41vakamanikizye cha kumwitavuka, Na wizaga ka vudatu, uvawila, Mulale tulo duhu na mwisuhye, yakwila, itungo lyafika; lolagi, Mwana wa Munhu alifumiwa mu makono ga vakenaguzi. 42Muvuke, tuje, lolagi, mugambi wane wegelaga bihi.
43Na itungo lyenilo aho wavagi atali aliyomba, Yudasi, umo wa va ikumi na vavili, wizaga, na hamohene nawe mbuto ya vanhu vizanile malupanga na mavuhili, vafumile ku vahozya vahanya na vamanicha fitabu na vanamhala. 44Alisi uyu mugambi wavapaga lumeho, wayombaga, Uyu nkumunonela, sanga homwene, mumudime na mumutongeke na mumulindile sisoga. 45Na aho wizile, itungo lili wamwegela, uhaya, Muhembeki! na wamunonelaga. 46Na avo vagololaga makono gavo kuwakwe na vamudimaga. 47Alisi mugati navo vimile bihi umo walusopolaga lupanga na wamutulaga mukumba wa muhozya muhanya na wamutinaga itwi. 48Alisi Yesu witavukaga, wavawila, Mwafumaga kitisi ha musambo na malupanga na mavuhili kundima nene. 49Nsiku zyose navage hamohene ninwe mwisengelo ndihembeka, na mukandimile, alisi vutone kolaga vufikile. 50Na vose vamulekaga na vapelaga.
51Na umo musumba mbati wamulondaga, azwalile mwenda gumo duhu gwa bafuta ku muvili, 52na vamudimaga, alisi nawe wagulekaga mwenda mu makono gavo na wapelaga zule.
53Na vamutongekaga Yesu ku muhozya muhanya. Na vahozya vahanya na vanamhala na vamanicha fitabu vivilingaga hamohene. 54Na Petro wamulondaga kufuma kule kusika mugati na ngomwa ya muhozya muhanya, na wikalaga hamohene na vatumami aliwotela moto. 55Alisi vahozya vahanya na va ivanza lyose vakovaga vusangilwaho kwigulya na Yesu kigele vamuvulage, alisi vakavuwine. 56Kwisi nulu vingi vasangilagwa cha vulamba kwigulya nawe, alisi mavusangilwaho gavo gakagelanilile. 57Na vamo vavukaga na vasangilagwa cha vulamba kwigulya nawe na vayombaga, 58Twamwigilwe uyu aliyomba, Nkulibomola isengelo lyenili lyazengilwe na makono, na mu nsiku idatu nkulizenga lingi likazengilwe na makono. 59Alisi hangi vusangilwaho wavo wenuvu vukagelanilile. 60Na muhozya muhanya wavukaga, wimaga hagati na wamuvuzaja Yesu, uhaya, Veve ukavile kwitavuka ku 61genaya valisangilwaho kwigulya naʼho? Alisi uyu wahulikaga sele na akitavukile muhayo ninga gumo ngʼo. Hangi muhozya muhanya wamuvuzaja, wamuwila, Hoveve uli Kristo, Mwana wa Mulungu, mwene 62lukumo luhanya? Yesu wayombaga, Honene mwene, na mukumuvona Mwana wa Munhu ikalile ha mulila 63gwa nguzu na izile mu malunde gʼilunde. Alisi muhozya muhanya wayitandulaga myenda yakwe na wayombaga, Tulifunda hangi vasangilwaho vangi? 64Inwe mwigagwa ifusano lyakwe, muliganikaki? Alisi vose vamuyangulaga atemelwe kitanga cha lufu. 65Na vamo vavukizaja kumutugila na kumukumba ku vusyu na kumutula mapi, vumuwila, Ufumbule! Na vanikulu vamwanukulaga na mapi.
66Na aho Petro wavagi ikalile kunsilili mu ngomwa aliza umo wa vatumami vakima va muhozya muhanya, 67na aho wamuvonaga Petro aliwotela, wamulolaga na wayombaga, Veve mwene wavagi hamohene na Yesu Munazareti. 68Alisi uyu wakanaga na wayombaga, Nene nkamanikizye na nkigilwe yeniyi uliyomba. Na wafumaga hanze ha vukumbo, na ikungulume lyahilaga. 69Na aho mukima wamuvonaga wavukizaja hangi kuvawila avo vimile bihi, Uyu ali umo wa venavo. Alisi uyo wakanaga hangi. 70Na hanuma na katungo avo vavagi vimile bihi vamuwilaga Petro hangi, Loleyene, veve uli umo wa venavo, kwisi veve mwene uli Mugalilaya. 71Alisi uyo wavukizaja kwilahilizya na mulahi, Nene nkamumanikizye munhu mwenuyu homwene muliyomba. 72Na itungo lili ikungulume lyahilaga ka vuvili. Na Petro wagwizukilaga muhayo ugo Yesu wamuwilaga, Hambele ikungulume likuhila kavili, veve ukunikana kadatu. Na aho wagwizukilaga, walilaga minsozi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nyamwezi New Testament © Bible Society of Tanzania, 1951.