Marko 15

1Na hʼikingilima vahozya vahanya vavezaja ndaka hamohene na vanamhala na vamanicha fitabu na vʼivanza lyose na vamutungaga Yesu, vamufilaga na vamutavulaga kumwa Pilato. 2Na Pilato wamuvuzaja, Hoveve uli mutemi wa Vayahudi? Na Yesu 3wamwitavukaga na wamuwila, Veve uliyomba. Na vahozya vahanya vamuvulaga mihayo mingi. 4Na Pilato wamuvuzaja hangi, Ukavile kwitavuka muhayo gumo ngʼo? Degelekaga genaya mingi valikuvula. 5Alisi Yesu akitavukile ninga muhayo gumo ngʼo, syenisyo Pilato wakumaja.

6Alisi ha sikukulu uyu akuvatungulilaga uyo mutungwa vamulombaga. 7Na wavagiho umo, lina lyakwe Baraba, atungilwe hamohene na vagome hovene vavulagile mugati na vugome. 8Na mbuto ya vanhu vifitaga valivukizya kumulomba avavezezye kitisi chavage kitilwe chakwe kuvezya. 9Na Pilato wavitavukaga uyomba, Mulikova namutungulile inwe mutemi wa 10Vayahudi? Kwisi wamanikaja ati vahozya vahanya vamutavulaga kwivuva. 11Alisi vahozya vahanya vayigomesaja mbuto ati sisoga avatungulile Baraba. 12Na Pilato witavukaga hangi uvavuzya, Mulikova niteki na mwenuyu homwene mulimwitana mutemi wa Vayahudi? 13Alisi vahamukaga hangi, Umukomele! 14Alisi Pilato wavawilaga, Uyu witaga kavi ki? Navo vaha-mukaga munogwene, 15Umukomele! Na kunguno Pilato wakovaga kuyitogezya mbuto wavatungulilaga Baraba; na hanuma na kumutula Yesu milanga, wamufumaja akomelwe.

16Na valugaluga vamutongekaga mugati na ngomwa, wikalo wa valugaluga, na vayivilingaga mbuto yose ya valugaluga hamohene. 17Na vamuzwikaga mwenda gwa za, na vayigovengʼhanaja ngata ya mingʼhwa na vamuzwikaga ku mutwe. 18Na vavukizaja kumugisya, Tulikugisya veve mutemi wa Vayahudi! 19Na vamutulaga ku mutwe na musununu, vamutugilaga, vamusukambilaga kumukuvila. 20Na aho vamalaga kumuyeya, vamuzulaga mwenda gwa za na vamuzwikaga hangi myenda yakwe. Na vamutongekaga hanze kumukomela ku musigiti.

21Na vamukungilizaja umo homwene wavagi alivita, afumile mwihala, Simoni muna Kirene, ise wamwa 22Aleksandro na Rufu, aguvuche musigiti gwakwe. Na vamufilaga henaho halitanwa Golgata, nguno yago: Hakapanga. 23Na vamupaga mvinyo yisangilizivilwe 24na manemane, alisi akanwile. Na vamukomelaga na vagavanaga myenda yakwe mu kwesa kavale kuvona uyo akusola guhe. 25Na yavagi saa tatu aho vamukomelaga. 26Vutone wa mbulano yakwe watonagwa higulya: 27Mutemi wa Vayahudi. Na vavakomelaga hamohene nawe vasambo vavili, umo ha mulila gwakwe, na umo ha lumoso lwakwe. 28Na muhayo hogwene gwatonwa gwafikilaga, Wasolozivilwe hamohene na vakenaguzi. 29Na avo valivita vamufusaga na vatinginaja mitwe zyavo, vuhaya, Ka! veve homwene alilibomola 30isengelo na ulilizenga mu nsiku idatu, wipizye veve mwenekili na usoke ku musigiti. 31Na sisyo sisyene vahozya vahanya hamohene na vamanicha fitabu vamufusaga, vuhaya, Wavapizaja vangi, na akakovolile kwipizya mwenekili. 32Uyu Kristo, mutemi wʼIsraeli, asoke ku musigiti lelo, kigele tuvone na tusanizye. Na venava vene vakomelilwe hamohene nawe vamuyeyaga.

33Na aho yavagi saa sita hilavulaga ku nsi yose kusika saa kenda. 34Na saa kenda Yesu wahamukaga na muzwi muhanya, Eloi, Eloi, lama sabaktani, nguno yayo: Mulungu wane, Mulungu wane, kuki wandekaga nene? 35Na vamo va venava vimile bihi vigagwa na vayombaga, 36Lekagi, tuvone ulu Elia akwiza kumusocha. 37Alisi Yesu wahamukaga na kilaka na wadahaja moyo. 38Na mukingo gwʼisengelo gwatandukaga mapande avili kufuma higulya kusika hasi. 39Na muteko, homwene imile ha welekela wakwe, aho wavonaga isi wadahaja moyo, wayombaga, Loleyene, munhu mwenuyu wavage Mwana wa Mulungu. 40Na vakima vene vavagi valilolela kufuma kule, mugati navo Maria Magdalena, na Maria, nina wamwa Yakobo Mudo na Yose, na Salome, 41hovene, aho wavage mu Galilaya, vamulondage na vamuvonekaje, na vangi vene hovene valinaga nawe kusika ku Yerusalema.

42Na limi lya mhindi, kunguno lwavagi lusiku lwa kwivezelezya, 43lusiku hambele ya sikukulu, wizaga Yosefu muna Arimatia, munachalo wʼisima wʼivanza, nawe mwene wavulindilaga vutemi wa Mulungu, wagimaga kwingila kumwa Pilato kukamulomba muvili gwamwa Yesu. 44Alisi Pilato wakumaja ati wamalaga kufwa, wamwitanaga muteko na wamuvuzaja ulu wafwaga kale. 45Na aho wigagwa ku muteko wamupaga Yosefu mulambo. 46Na uyu wagugulaga mwenda gwa pe, na wagusokaja muvili, na waguvimbilaga mu mwenda gwa pe, na wagutulaga mu kivimbi, hochene chadulilwe hʼitale, na walipilingitizaja iwe ha muzigo gwa kivimbi. 47Alisi Maria Magdalena, na Maria, nina wamwa Yose, vavagi valilolela henaho watulagwa.

Currently Selected:

Marko 15: Nym51

Highlight

Copy