Marko 2
2
1Hanuma na nsiku zimo wingilaga hangi mu Kapernaumu, na vanhu vigagwa kitisi alimo mu numba. 2Na vanhu vingi vivilingaga, syenisyo hakwikala ninga 3ha muzigo hadohaga, na uyu wavawilaga Muhayo. Na vizaga valimuletela mulema, avukivilwe na vagosya vanne. 4Na aho vavagi vakakovolile kumuficha bihi nawe kunguno ya mbuto ya vanhu, vahasambulaga higulya na numba henaho uyu wavagiho; na aho vasambulaga vawikaja vulili uvo alalile mulema. 5Na aho Yesu waluvonaga luhigi lwavo, wamuwilaga mulema, 6Mwana, mavukenaguzi gako gatondolilwe. Na vavagiho vamanicha fitabu vamo, vavagi valikala na 7valiganika mu myoyo yavo, Lumehoki uyu aliyomba sisyo? alifusa. Nani ali na vukovozi wa kutondola 8mavukenaguzi, sumbwa umo: Mulungu? Na itungo lili Yesu wamanikaja mu roho yakwe kitisi viganikaga miganiko genaya, na alivawila, Kuki muliganika miganiko mu myoyo yinwe? 9Muhayo ki mubuhu, kumuwila mulema, Mavukenaguzi gako gatondolilwe, ninga kumuwila, Uvuke na uvuche vulili wako na usimize? 10Alisi kigele mumaniche ati Mwana wa Munhu ali na vukovozi mu liwelelo wa kugatondola mavukenaguzi, 11alimuwila mulema, Ndikuwila, uvuke, uvuche vulili wako na uje ku numba yako. 12Na wavukaga, na itungo lili wavuvukaja vulili wakwe na wafumaga hambele na vose, syenisyo vose vakumaja na vamugongolaga Mulungu vuhaya, Tutali kuvona mutindo gwenugu na hado ngʼo.
13Na wafumaga na wajaga hangi ku nyanza, na mbuto yose ya vanhu vizaga kuwakwe, nawe wavahembekaga. 14Na aho wavitaga, wamuvonaga Lefi, mwana Alfayo, ikalile hʼihongo, na alimuwila, Undonde! Nawe wavukaga na wamulondaga. 15Na yakwilaga uyu wikalaga hakulila mu numba yakwe, na vʼihongo vingi na vakenaguzi vikalaga na Yesu na vahemba vakwe, kwisi vingi va mutindo gwenugu vamulondaga. 16Na aho vamanicha fitabu na Vafarisayo vavonaga kitisi uyu alilya hamohene na vʼihongo na vakenaguzi, vavawilaga vahemba vakwe, 17Uyu alilya hamohene na vʼihongo na vakenaguzi! Na aho Yesu wigagwa, uvawila, Vapanga vakafundile mufumu, sumbwa vasatu; nene nkizile kuvitana vagololoku, sumbwa vakenaguzi.
18Na vahemba vamwa Yohana na Vafarisayo vavagi valifunga. Na valiza na valimuwila, Kunguno yaki vahemba vamwa Yohana na va Vafarisayo vakufungaga, alisi vahemba vako vakafungaga? 19Na Yesu wavawilaga, Viye va mutozi valivela kufunga aho mutozi atali aliho hamohene navo? Itungo ilo vali nawe mutozi vakakovolile kufunga. 20Alisi nsiku zikwiza aho mutozi akwingiwa kuwavo, na haho valafunge lusiku lwenulo. 21Kuduhu munhu alisumilizya chomolo cha mwenda mupya kwikama, ninga chomolo kipya chulitandula ikama, na idululu lyukula munogwene. 22Na kuduhu munhu aliditila mvinyo mpya mu mbogolo ndala, ninga mvinyo yutandula mbogolo, na mvinyo yuseseka na mbogolo yuvipa; sumbwa validitila mvinyo mpya mu mbogolo mpya.
23Na yakwilaga aho uyu wavitaga mu mugunda ha lusiku lwa sabato, vahemba vakwe aho vavagi vajile vavukizaja kugakolola mangala. 24Na Vafarisayo vamuwilaga, Lolaga, venava valita yeniyi yili mwiko kwita ha lusiku lwa sabato. 25Na uyu wavawilaga, Inwe mukasomile yeniyo Davidi witaga, aho wadukaga 26na wavagi na nzala uyu na viye? Kitisi wingilaga mu numba ya Mulungu hʼitungo lya muhozya muhanya Abiyatala, na wazilyaga mikate zya kolecha hozyene mwiko kulya, sumbwa ku vahozya duhu, na viye vene 27wavapaga? Na wavawilaga, Sabato yiliho kunguno ya munhu, alisi ngʼo munhu kunguno ya sabato. 28Kunguno yeniyi Mwana wa Munhu ali Guku wa lusiku lwa sabato.
Currently Selected:
Marko 2: Nym51
Highlight
Share
Copy
Want to have your highlights saved across all your devices? Sign up or sign in
Nyamwezi New Testament © Bible Society of Tanzania, 1951.
Marko 2
2
1Hanuma na nsiku zimo wingilaga hangi mu Kapernaumu, na vanhu vigagwa kitisi alimo mu numba. 2Na vanhu vingi vivilingaga, syenisyo hakwikala ninga 3ha muzigo hadohaga, na uyu wavawilaga Muhayo. Na vizaga valimuletela mulema, avukivilwe na vagosya vanne. 4Na aho vavagi vakakovolile kumuficha bihi nawe kunguno ya mbuto ya vanhu, vahasambulaga higulya na numba henaho uyu wavagiho; na aho vasambulaga vawikaja vulili uvo alalile mulema. 5Na aho Yesu waluvonaga luhigi lwavo, wamuwilaga mulema, 6Mwana, mavukenaguzi gako gatondolilwe. Na vavagiho vamanicha fitabu vamo, vavagi valikala na 7valiganika mu myoyo yavo, Lumehoki uyu aliyomba sisyo? alifusa. Nani ali na vukovozi wa kutondola 8mavukenaguzi, sumbwa umo: Mulungu? Na itungo lili Yesu wamanikaja mu roho yakwe kitisi viganikaga miganiko genaya, na alivawila, Kuki muliganika miganiko mu myoyo yinwe? 9Muhayo ki mubuhu, kumuwila mulema, Mavukenaguzi gako gatondolilwe, ninga kumuwila, Uvuke na uvuche vulili wako na usimize? 10Alisi kigele mumaniche ati Mwana wa Munhu ali na vukovozi mu liwelelo wa kugatondola mavukenaguzi, 11alimuwila mulema, Ndikuwila, uvuke, uvuche vulili wako na uje ku numba yako. 12Na wavukaga, na itungo lili wavuvukaja vulili wakwe na wafumaga hambele na vose, syenisyo vose vakumaja na vamugongolaga Mulungu vuhaya, Tutali kuvona mutindo gwenugu na hado ngʼo.
13Na wafumaga na wajaga hangi ku nyanza, na mbuto yose ya vanhu vizaga kuwakwe, nawe wavahembekaga. 14Na aho wavitaga, wamuvonaga Lefi, mwana Alfayo, ikalile hʼihongo, na alimuwila, Undonde! Nawe wavukaga na wamulondaga. 15Na yakwilaga uyu wikalaga hakulila mu numba yakwe, na vʼihongo vingi na vakenaguzi vikalaga na Yesu na vahemba vakwe, kwisi vingi va mutindo gwenugu vamulondaga. 16Na aho vamanicha fitabu na Vafarisayo vavonaga kitisi uyu alilya hamohene na vʼihongo na vakenaguzi, vavawilaga vahemba vakwe, 17Uyu alilya hamohene na vʼihongo na vakenaguzi! Na aho Yesu wigagwa, uvawila, Vapanga vakafundile mufumu, sumbwa vasatu; nene nkizile kuvitana vagololoku, sumbwa vakenaguzi.
18Na vahemba vamwa Yohana na Vafarisayo vavagi valifunga. Na valiza na valimuwila, Kunguno yaki vahemba vamwa Yohana na va Vafarisayo vakufungaga, alisi vahemba vako vakafungaga? 19Na Yesu wavawilaga, Viye va mutozi valivela kufunga aho mutozi atali aliho hamohene navo? Itungo ilo vali nawe mutozi vakakovolile kufunga. 20Alisi nsiku zikwiza aho mutozi akwingiwa kuwavo, na haho valafunge lusiku lwenulo. 21Kuduhu munhu alisumilizya chomolo cha mwenda mupya kwikama, ninga chomolo kipya chulitandula ikama, na idululu lyukula munogwene. 22Na kuduhu munhu aliditila mvinyo mpya mu mbogolo ndala, ninga mvinyo yutandula mbogolo, na mvinyo yuseseka na mbogolo yuvipa; sumbwa validitila mvinyo mpya mu mbogolo mpya.
23Na yakwilaga aho uyu wavitaga mu mugunda ha lusiku lwa sabato, vahemba vakwe aho vavagi vajile vavukizaja kugakolola mangala. 24Na Vafarisayo vamuwilaga, Lolaga, venava valita yeniyi yili mwiko kwita ha lusiku lwa sabato. 25Na uyu wavawilaga, Inwe mukasomile yeniyo Davidi witaga, aho wadukaga 26na wavagi na nzala uyu na viye? Kitisi wingilaga mu numba ya Mulungu hʼitungo lya muhozya muhanya Abiyatala, na wazilyaga mikate zya kolecha hozyene mwiko kulya, sumbwa ku vahozya duhu, na viye vene 27wavapaga? Na wavawilaga, Sabato yiliho kunguno ya munhu, alisi ngʼo munhu kunguno ya sabato. 28Kunguno yeniyi Mwana wa Munhu ali Guku wa lusiku lwa sabato.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nyamwezi New Testament © Bible Society of Tanzania, 1951.