GIING'EETA 11
11
Gidingeanda Babeli
1Abeeda buuneesean mida ng'eanyiida gabaloola iidagi ak ea ng'ay ng'asheega nyaawa. 2Iimuchu nea gabalakna buuneeda heeda ghayeawa, ghwanyas mooheeda aba ng'eanyiida Shinari ak goobiida. 3Ak gaba siisi eesha niirja, “Beeni eesna matafwaari, ak geaghwardi muuchi.” Hean ghoaghiisa hoorgeeda lagheanga matafwaari, ak ghoaghiisa hideeda roonghooda. 4Ng'ata gwayeesha geat, “Eesisiina geat mujiini, ea gidingeanda hita humng'eeda, ak abeeda geedeegu gheawungaasa, ak ea meedarsiini muunda ng'eanyiisean.” 5Iimuchu ghwararang'aan NG'UTAMIIDA ghwadaah mujiini ea gheeda geaw, sin buuneeda. 6Ng'ata gwayi NG'UTAMIIDA, “Ng'ula, fiisu ea agi, ak gabaloola iidagi; ak ghamneawa nih ea giing'eeta gichea gwasin galanya; ak ea manda gichea gagasa gwasin ak ghwaraay. 7Asi apkaani, eararang'aada, ak geabwari darari iita nyaawa, ak ea mwayiinya iiteaba geat.” 8Hean ghoadaarda NG'UTAMIIDA damandida ak gaweay ng'eanyiisean, ak ghwanung'waada deesta mujiini. 9Ak geeng'assa mujiineedida gheawunga ak geeguura Babeli, aba gideaba heeda bwara darari NG'UTAMIIDA iita fuga muunda ng'eanyiisean; ghang'eada damandida ghoadaarda NG'UTAMIIDA gaweay muunda ng'eanyiisean.
Jeacheenga Shemu
(1 Dam 1:24-27)
10Suh jeacheenga Shemu. Ghayi nea gaba Shemu gweanyeew bughala, gwaji Arpakshadi iing'ata gweanyeew iyeenya asheala guldeayda haw; 11Goobiida Shemu ng'eanyiida iing'ata jeata jih Arpakshadi gweanyeew bughalaji muut, ak gwaji orju suuk ea haweega.
12Gwayi bwak aba bea Arpakshadi ng'eanyiida gweanyeew diktam ea damanamuut, gwaji Shela; 13hean goobiida Arpakshadi ng'eanyiida iing'ata jeata jih Shela gweanyeew bughalaji ang'wan ea samwagu, ak gwaji orju suuk ea haweega.
14Gwayi bwak aba bea Shela gweanyeew diktam ea damanamughuush, gwaji Eberi; 15goobiida Shela ng'eanyiida iing'ata jeata jih Eberi gweanyeew bughalaji ang'wan ea samwagu, ak gwaji orju suuk ea haweega.
16Gwayi bwak aba bea Eberi gweanyeew diktam ea damanang'wan, gwaji Belegi; 17ak goobiida ng'eanyiida Eberi iing'ata jeata jih Belegi gweanyeew bughalaji ang'wan ea diktam ea damanamughuush, ak gwaji orju suuk ea haweega.
18Gwayi bwak aba bea Belegi gweanyeew diktam ea damanamughuush, gwaji Rewu; 19goobiida Belegi ng'eanyiida iing'ata jeata jih Rewu gweanyeew bughalaji iyeenya ea shageash, ak gwaji orju suuk ea haweega.
20Gwayi bwak ama bea Reu gweanyeew diktam ea damaniyeenya, gwaji Serugi; 21goobiida ng'eanyiida Rewu iing'ata jeata jih Serugi gweanyeew bughalaji iyeenya ea ispwa, ak gwaji orju suuk ea haweega.
22Gwayi bwak aba bea Serugi ng'eanyiida gweanyeew diktam ea damanamughuush, gwaji Nahori; 23ak goobiida ng'eanyiida Serugi iing'ata jeata jih Nahori gweanyeew bughalaji iyeenya, ak gwaji orju suuk ea haweega.
24Gwayi bwak aba bea Nahori gweanyeew diktam ea shageash, gwaji Dera; 25goobiida Nahori ng'eanyiida iing'ata jeata jih Dera gweanyeew bughala ea damashageash, ak gwaji orju suuk ea haweega.
26Gwayi bwak aba bea Dera gweanyeew laadam ea damanamughuush, gwaji Abramu, ea Nahori ea Harani.
Jeacheenga Dera
27Suh jeacheenga Dera gil. Dera gwaji Abramu ea Nahori ea Harani; nea Harani ea ghweanda Lutuhi. 28Harani goosheedeawa ghweandaanyi was Dera miyeeda aba ng'eang'da nyaawa sijiilsa, was Uru mida ng'eanyiida Galdayo. 29Muchu gageeshi Abramu ea Nahori; gheawunga gatmooda Abramu geeguura Sarayi nea gheawunga gatmooda Nahori geeguura Milka, was hudeaba Harani was ghweanda Milka sea Iska. 30Abeeda Sarayi soonooda gil; miighwanyas baleanda.
31Hean ghwaat Dera orjeedaanyi was Abramu ea Lutu ea Sarayiheeda was gatmooda orjeedaanyi, ea gatmooda orjeedaanyi was Abramu, ak goodeayi ghabeawa ng'eanyiida Uru mida ng'eanyiida Galdayo ak gaweay ng'eanyiida Ganaani; muchu nea ghwahita ng'eanyiida Harani, goobiida. 32Gweanyeeka Dera ea bughalaji iyeenya ea muut; ak gameewsa Dera ng'eanyiida Harani.
Currently Selected:
GIING'EETA 11: BG15
Highlight
Share
Copy
Want to have your highlights saved across all your devices? Sign up or sign in
The Bible in Datooga © Bible Society of Tanzania, 2015.
GIING'EETA 11
11
Gidingeanda Babeli
1Abeeda buuneesean mida ng'eanyiida gabaloola iidagi ak ea ng'ay ng'asheega nyaawa. 2Iimuchu nea gabalakna buuneeda heeda ghayeawa, ghwanyas mooheeda aba ng'eanyiida Shinari ak goobiida. 3Ak gaba siisi eesha niirja, “Beeni eesna matafwaari, ak geaghwardi muuchi.” Hean ghoaghiisa hoorgeeda lagheanga matafwaari, ak ghoaghiisa hideeda roonghooda. 4Ng'ata gwayeesha geat, “Eesisiina geat mujiini, ea gidingeanda hita humng'eeda, ak abeeda geedeegu gheawungaasa, ak ea meedarsiini muunda ng'eanyiisean.” 5Iimuchu ghwararang'aan NG'UTAMIIDA ghwadaah mujiini ea gheeda geaw, sin buuneeda. 6Ng'ata gwayi NG'UTAMIIDA, “Ng'ula, fiisu ea agi, ak gabaloola iidagi; ak ghamneawa nih ea giing'eeta gichea gwasin galanya; ak ea manda gichea gagasa gwasin ak ghwaraay. 7Asi apkaani, eararang'aada, ak geabwari darari iita nyaawa, ak ea mwayiinya iiteaba geat.” 8Hean ghoadaarda NG'UTAMIIDA damandida ak gaweay ng'eanyiisean, ak ghwanung'waada deesta mujiini. 9Ak geeng'assa mujiineedida gheawunga ak geeguura Babeli, aba gideaba heeda bwara darari NG'UTAMIIDA iita fuga muunda ng'eanyiisean; ghang'eada damandida ghoadaarda NG'UTAMIIDA gaweay muunda ng'eanyiisean.
Jeacheenga Shemu
(1 Dam 1:24-27)
10Suh jeacheenga Shemu. Ghayi nea gaba Shemu gweanyeew bughala, gwaji Arpakshadi iing'ata gweanyeew iyeenya asheala guldeayda haw; 11Goobiida Shemu ng'eanyiida iing'ata jeata jih Arpakshadi gweanyeew bughalaji muut, ak gwaji orju suuk ea haweega.
12Gwayi bwak aba bea Arpakshadi ng'eanyiida gweanyeew diktam ea damanamuut, gwaji Shela; 13hean goobiida Arpakshadi ng'eanyiida iing'ata jeata jih Shela gweanyeew bughalaji ang'wan ea samwagu, ak gwaji orju suuk ea haweega.
14Gwayi bwak aba bea Shela gweanyeew diktam ea damanamughuush, gwaji Eberi; 15goobiida Shela ng'eanyiida iing'ata jeata jih Eberi gweanyeew bughalaji ang'wan ea samwagu, ak gwaji orju suuk ea haweega.
16Gwayi bwak aba bea Eberi gweanyeew diktam ea damanang'wan, gwaji Belegi; 17ak goobiida ng'eanyiida Eberi iing'ata jeata jih Belegi gweanyeew bughalaji ang'wan ea diktam ea damanamughuush, ak gwaji orju suuk ea haweega.
18Gwayi bwak aba bea Belegi gweanyeew diktam ea damanamughuush, gwaji Rewu; 19goobiida Belegi ng'eanyiida iing'ata jeata jih Rewu gweanyeew bughalaji iyeenya ea shageash, ak gwaji orju suuk ea haweega.
20Gwayi bwak ama bea Reu gweanyeew diktam ea damaniyeenya, gwaji Serugi; 21goobiida ng'eanyiida Rewu iing'ata jeata jih Serugi gweanyeew bughalaji iyeenya ea ispwa, ak gwaji orju suuk ea haweega.
22Gwayi bwak aba bea Serugi ng'eanyiida gweanyeew diktam ea damanamughuush, gwaji Nahori; 23ak goobiida ng'eanyiida Serugi iing'ata jeata jih Nahori gweanyeew bughalaji iyeenya, ak gwaji orju suuk ea haweega.
24Gwayi bwak aba bea Nahori gweanyeew diktam ea shageash, gwaji Dera; 25goobiida Nahori ng'eanyiida iing'ata jeata jih Dera gweanyeew bughala ea damashageash, ak gwaji orju suuk ea haweega.
26Gwayi bwak aba bea Dera gweanyeew laadam ea damanamughuush, gwaji Abramu, ea Nahori ea Harani.
Jeacheenga Dera
27Suh jeacheenga Dera gil. Dera gwaji Abramu ea Nahori ea Harani; nea Harani ea ghweanda Lutuhi. 28Harani goosheedeawa ghweandaanyi was Dera miyeeda aba ng'eang'da nyaawa sijiilsa, was Uru mida ng'eanyiida Galdayo. 29Muchu gageeshi Abramu ea Nahori; gheawunga gatmooda Abramu geeguura Sarayi nea gheawunga gatmooda Nahori geeguura Milka, was hudeaba Harani was ghweanda Milka sea Iska. 30Abeeda Sarayi soonooda gil; miighwanyas baleanda.
31Hean ghwaat Dera orjeedaanyi was Abramu ea Lutu ea Sarayiheeda was gatmooda orjeedaanyi, ea gatmooda orjeedaanyi was Abramu, ak goodeayi ghabeawa ng'eanyiida Uru mida ng'eanyiida Galdayo ak gaweay ng'eanyiida Ganaani; muchu nea ghwahita ng'eanyiida Harani, goobiida. 32Gweanyeeka Dera ea bughalaji iyeenya ea muut; ak gameewsa Dera ng'eanyiida Harani.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Datooga © Bible Society of Tanzania, 2015.