GIING'EETA 25
25
Jeacheenga suuk bea Abrahamu
(1 Dam 1:32-33)
1Muchu ghaghi Abrahamu gatmu nuut, siguura gheawungaaschi Getura. 2Gwaji orjoagaaschi was Simrani ea Yokshani, ea Medani, ea Midiyani, ea Ishbaki, ea Shuwa. 3Nea Yokshani ea ghweanda Sheba gil ea Dedani. Orjooga Dedani Ashurimu gil ea Letushimu ea Leumimu. 4Orjooga Midiyani ea Eefa gil, ea Eferi, ea Hanoki, ea Abiida, ea Elda. Fiisu seaniin diibiga Geturahi. 5Hean ghoadaw Abrahamu Isaka haleanjeeda sean mideawa. 6Nea orjooga gwealajeegaschi ghoadaw haleanjeeda nea damanda duu gwandeewa ghwanung' gaweay gwaheeli sea orjeedaanyi was Isaka, ak gaweay ng'eanyiida duukusa heeda ghayeawa.
Miyeeda ea bunyita Abrahamu
7Abrahamu ghami nea gaba gweanyeew bughala ea laadam ea damanamuut. 8Iimuchu ghami Abrahamu nea niwaasiit muuchi aba gweanyeeka saang'a, ak ghami ak gwandeayi sea buweadeagaaschi ghayi asheeda gameewa. 9Gabung'sa orjoogaschi was Isaka ea Shumwaheeli jeeda gwaleeda Makpela, mida jeeda madamnyeanda Efroni was orjeeda Soheeda bea eemeeda Hiti, aba gayeewda Mamre, 10was madamnyeanda ghayi shaaha Abrahamu heeda eemeeda Hiti. Ak geebung'sa Abrahamu hoowa, heeda sibung'sa gatmoadaanyi was Sara. 11Iing'ata miyeeda Abrahamu ghoadaw ASEETA ghawooda orjeedaanyi was Isaka. Ak goobiida Isaka ng'eanyiida Beer-lahai-roi.
Jeacheenga Shumwaheeli
(1 Dam 1:28-31)
12Suh jeata Shumwaheeli, was orjeeda Abrahamu, ghayi jiilu soomjeanda Sara leabu ng'eanyiida Misri ak gwajiilsheesa Abrahamu. 13Suh gheawunga orjooga Shumwaheeli, ak geejipta gidaghayi sijiiliida: Nebayoti gil, was duweacheeda Shumwaheeli; ea Geeda, ea Adbeeli, ea Mibsamu, 14ea Mishma, ea Duma, ea Masa, 15ea Hadadi, ea Deema ea Yetu, ea Nafishi ea Gedema, 16Suh orjooga Shumwaheeli nea suh ea gheawunga nyaawa, aba gharang'weaka nyaawa ea manyuutka nyaawa, sugoodi damaniyeenya bea nih bea eemeenyaawa. 17Suh gweanyeeka eaweega Shumwaheeli, gweanyeakaaschi ea bughala ea diktam ea damanispwa; ak ghami, ak geebung'sa heeda sibung'sa buweadeagaaschi. 18Goobiida jeacheenga Shumwaheeli dageascheeda ng'eanyiida Hafila ea dea Ashuru, deaschi sea ng'eanyiida Misri gal geat sea Ashuru; goobiida hoowa nea dardaawaat sea diibiga suurja bea Abrahamu.
Jeata Esawu ea Yakobo
19Suh jeacheenga Isaka gil was orjeeda Abrahamu, 20nea abeeda Isaka gaba gweanyeew haradam damanda gheana Rebeka, hudeaba Betueli was siida eemeeda siyi Arami mida ng'eanyiida Badan-aramu bea geenyea Labani. 21Hean ghamwaash Isaka NG'UTAMIIDA ghawooda aba badayda gatmoadaanyi, aba gideaba gwanya jeat; ng'ata ghamwas NG'UTAMIIDA mooshtaanyi bea ghawooda, ak gagweayiit gatmoadaanyi was Rebeka. 22Iidu gang'uchi saleahooga mida jih; ak gwayi, “Asi iisunu, ghwasaan inyas gwasunu ng'asheesu aba heedeanyu?” Hean gawa ak ghamwaash NG'UTAMIIDA. 23Hean gwayeesha NG'UTAMIIDA gatmooda,
“Jeadaang'u gwanda eemooji iyeenya,
gayjiila fih iyeenya jea gwaheeli,
nea akaleala gaygaburdeawa niirja uurda,
nea orjeeda haw gaygagadiyeesa dea mwanang'.”
24Iimuchu nea ghwahita damanda jea gwajiila, ng'ula, gwaji saleahooga. 25Jeepta madeeda siji ea areara saseesean gawuurji hang'da mideawa buudeega; ak geeguura gheawungaaschi Esawu. 26Iidu geeji orjeeda ghaamwat, nea ghoang'waanya geatindaanyi diding'da Esawu; ak geeguura gheawungaaschi Yakobo. Abeeda Isaka gaba gweanyeew laadam damanda sijiila diibisu.
Esawu ghwashaayda hawundaanyi
27Iimuchu nea gwahitiisa heeda orjooga, ghoah Esawu shageadoocheanda huumwa was siida dareabeeta, nea Yakobo ea siida siindeawoodi, ak goobiita ghoah. 28Ghabwariiy Isaka Esawu, aba gideaba gweaga banyeega diyeanga bara Esawu; nea Rebeka ghabwariiy Yakobo.
29Eaweecha nea ghoawu Yakobo sagharooda, ghwahidu Esawu nea gwaleabu dareabeeta, nea abeeda ea nisawan jalooda. 30Ghwalamda Esawu ak gwayeesha Yakobo, “Nung' daak sagharooni areeri iiwaaliin, aba gideaba ghwayeadan jih!” (Ng'ata geeguura gheawungaaschi Edomu.) 31Ghwalamda Yakobo ak gwayeesha, “Nung' ghanyi dasha hawundaang'u bea jeata.” 32Gwayeesha Esawu, “Aniini niriikghta dami; gwarachi naaha hawunda aba heedeanyu?” 33Gwayeesha Yakobo, “Nyoh ghanyi asheeda aga habeawooda.” Hean ghwaak habeawooda, ak ghwashaayda hawundaanyi bea jeata ak ghoadaw Yakobo. 34Ng'ata ghoadaw Yakobo, Esawu mukaate ea sagharooda, ak ghwaak ak gwaleeshi, ak hean ghang'eat gawa. Hean gafool Esawu hawundaanyi.
Currently Selected:
GIING'EETA 25: BG15
Highlight
Share
Copy
Want to have your highlights saved across all your devices? Sign up or sign in
The Bible in Datooga © Bible Society of Tanzania, 2015.
GIING'EETA 25
25
Jeacheenga suuk bea Abrahamu
(1 Dam 1:32-33)
1Muchu ghaghi Abrahamu gatmu nuut, siguura gheawungaaschi Getura. 2Gwaji orjoagaaschi was Simrani ea Yokshani, ea Medani, ea Midiyani, ea Ishbaki, ea Shuwa. 3Nea Yokshani ea ghweanda Sheba gil ea Dedani. Orjooga Dedani Ashurimu gil ea Letushimu ea Leumimu. 4Orjooga Midiyani ea Eefa gil, ea Eferi, ea Hanoki, ea Abiida, ea Elda. Fiisu seaniin diibiga Geturahi. 5Hean ghoadaw Abrahamu Isaka haleanjeeda sean mideawa. 6Nea orjooga gwealajeegaschi ghoadaw haleanjeeda nea damanda duu gwandeewa ghwanung' gaweay gwaheeli sea orjeedaanyi was Isaka, ak gaweay ng'eanyiida duukusa heeda ghayeawa.
Miyeeda ea bunyita Abrahamu
7Abrahamu ghami nea gaba gweanyeew bughala ea laadam ea damanamuut. 8Iimuchu ghami Abrahamu nea niwaasiit muuchi aba gweanyeeka saang'a, ak ghami ak gwandeayi sea buweadeagaaschi ghayi asheeda gameewa. 9Gabung'sa orjoogaschi was Isaka ea Shumwaheeli jeeda gwaleeda Makpela, mida jeeda madamnyeanda Efroni was orjeeda Soheeda bea eemeeda Hiti, aba gayeewda Mamre, 10was madamnyeanda ghayi shaaha Abrahamu heeda eemeeda Hiti. Ak geebung'sa Abrahamu hoowa, heeda sibung'sa gatmoadaanyi was Sara. 11Iing'ata miyeeda Abrahamu ghoadaw ASEETA ghawooda orjeedaanyi was Isaka. Ak goobiida Isaka ng'eanyiida Beer-lahai-roi.
Jeacheenga Shumwaheeli
(1 Dam 1:28-31)
12Suh jeata Shumwaheeli, was orjeeda Abrahamu, ghayi jiilu soomjeanda Sara leabu ng'eanyiida Misri ak gwajiilsheesa Abrahamu. 13Suh gheawunga orjooga Shumwaheeli, ak geejipta gidaghayi sijiiliida: Nebayoti gil, was duweacheeda Shumwaheeli; ea Geeda, ea Adbeeli, ea Mibsamu, 14ea Mishma, ea Duma, ea Masa, 15ea Hadadi, ea Deema ea Yetu, ea Nafishi ea Gedema, 16Suh orjooga Shumwaheeli nea suh ea gheawunga nyaawa, aba gharang'weaka nyaawa ea manyuutka nyaawa, sugoodi damaniyeenya bea nih bea eemeenyaawa. 17Suh gweanyeeka eaweega Shumwaheeli, gweanyeakaaschi ea bughala ea diktam ea damanispwa; ak ghami, ak geebung'sa heeda sibung'sa buweadeagaaschi. 18Goobiida jeacheenga Shumwaheeli dageascheeda ng'eanyiida Hafila ea dea Ashuru, deaschi sea ng'eanyiida Misri gal geat sea Ashuru; goobiida hoowa nea dardaawaat sea diibiga suurja bea Abrahamu.
Jeata Esawu ea Yakobo
19Suh jeacheenga Isaka gil was orjeeda Abrahamu, 20nea abeeda Isaka gaba gweanyeew haradam damanda gheana Rebeka, hudeaba Betueli was siida eemeeda siyi Arami mida ng'eanyiida Badan-aramu bea geenyea Labani. 21Hean ghamwaash Isaka NG'UTAMIIDA ghawooda aba badayda gatmoadaanyi, aba gideaba gwanya jeat; ng'ata ghamwas NG'UTAMIIDA mooshtaanyi bea ghawooda, ak gagweayiit gatmoadaanyi was Rebeka. 22Iidu gang'uchi saleahooga mida jih; ak gwayi, “Asi iisunu, ghwasaan inyas gwasunu ng'asheesu aba heedeanyu?” Hean gawa ak ghamwaash NG'UTAMIIDA. 23Hean gwayeesha NG'UTAMIIDA gatmooda,
“Jeadaang'u gwanda eemooji iyeenya,
gayjiila fih iyeenya jea gwaheeli,
nea akaleala gaygaburdeawa niirja uurda,
nea orjeeda haw gaygagadiyeesa dea mwanang'.”
24Iimuchu nea ghwahita damanda jea gwajiila, ng'ula, gwaji saleahooga. 25Jeepta madeeda siji ea areara saseesean gawuurji hang'da mideawa buudeega; ak geeguura gheawungaaschi Esawu. 26Iidu geeji orjeeda ghaamwat, nea ghoang'waanya geatindaanyi diding'da Esawu; ak geeguura gheawungaaschi Yakobo. Abeeda Isaka gaba gweanyeew laadam damanda sijiila diibisu.
Esawu ghwashaayda hawundaanyi
27Iimuchu nea gwahitiisa heeda orjooga, ghoah Esawu shageadoocheanda huumwa was siida dareabeeta, nea Yakobo ea siida siindeawoodi, ak goobiita ghoah. 28Ghabwariiy Isaka Esawu, aba gideaba gweaga banyeega diyeanga bara Esawu; nea Rebeka ghabwariiy Yakobo.
29Eaweecha nea ghoawu Yakobo sagharooda, ghwahidu Esawu nea gwaleabu dareabeeta, nea abeeda ea nisawan jalooda. 30Ghwalamda Esawu ak gwayeesha Yakobo, “Nung' daak sagharooni areeri iiwaaliin, aba gideaba ghwayeadan jih!” (Ng'ata geeguura gheawungaaschi Edomu.) 31Ghwalamda Yakobo ak gwayeesha, “Nung' ghanyi dasha hawundaang'u bea jeata.” 32Gwayeesha Esawu, “Aniini niriikghta dami; gwarachi naaha hawunda aba heedeanyu?” 33Gwayeesha Yakobo, “Nyoh ghanyi asheeda aga habeawooda.” Hean ghwaak habeawooda, ak ghwashaayda hawundaanyi bea jeata ak ghoadaw Yakobo. 34Ng'ata ghoadaw Yakobo, Esawu mukaate ea sagharooda, ak ghwaak ak gwaleeshi, ak hean ghang'eat gawa. Hean gafool Esawu hawundaanyi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Datooga © Bible Society of Tanzania, 2015.