GIING'EETA 32
32
Yakobo goodiing'diing'da aba roonyeeda Esawu
1Ghang'eat Yakobo gawa ak gwaroonyi sea malaykajeega ASEETA; 2hean nea ghwadaah Yakobo malaykajeegiga gwayi, “Suh lugooda ASEETA!” Ak gaguura gheawungeaba ng'eanyiita Mahanaimu.
3Ak goojeakta Yakobo giijasoodiga goosheeda gaweay heeda Esawu was orjeeda ghaamwat aba ng'eanyiida Seyiri, was ng'eanyiida Edomu. 4Ak ghoanaal gideaba, “Asi ayeeshiina ng'utamiideanyu was Esawu: Gwayi soomjeandaang'u was Yakobo, ‘Neandeawi Labani nea geawooschi rabascheanda ea ghoah ghamneawa; 5ak geandeawi heewga, ea digeeniga, ea gisilga, ea nooga, ea soomjooga was headiga, ea gadeemga was soomjooga, ak geajeakti gwarukusa ng'utamiideanyu iita, ak abeeda ghaanyaschi alooheeda aba madeadaang'u.’”
6Hit gabiigu fuga siicheakta heeda Yakobo ak gwayeesha, “Geeleabu heeda orjeeda geamadu was Esawu, nea ghwaan roonyeadaang'u, nea goodeana fih bughalaji ang'wan.” 7Hean ghabeal Yakobo muuchi nea gagiisan; ak gageanu ghwalach bugusta fuga mideawa niba iyeenya ea hawanda, ea dugwa ea ngamiyajeega, nea gwayi, 8“Iihidu Esawu ak ghabwar geeda madeeda, abeeda geeda abit gaygamng'aw.”
9Ak gwayi Yakobo, “Ea ASEETA bwaabwa was Abrahamu ea ASEETA bwaabwa was Isaka, Ea NG'UTAMIIDA eeshiinean, ‘Biikta ng'eang'deang'wa ea heeda buweadeagaagu, ak gaydasineey gidamiy’, 10Mamiisean eara gilimwanang' aba alooheeda isinnean aniineeda was soomjeandaang'u, aba gideaba aniini ghaaghaawi Yordani nea ghaaghuschi bileangida; ak ghamneawa ea naang'achi niba iyeenya. 11Geamuscheey lealnean ang'iing'i, aba geatinda orjeediyya, aba geatinda Esawu, aba gideaba aniini ghaawali niny aba gideaba gajiidu ghwahidu ak ghabwareasa eesa sean, gheamadiga ea diibiga. 12Amadu giyeeni, ‘Gaydasin ng'asheega miyaas, ak ghaanung' gwadeena jeacheangaagu iseaskweanda basooda, mwoamu eeyiida aba seang'ayda.’”
13Hean gwalla hoowa eaweedida, ak ghwaat gidamideawa jea ghoadaw orjeeda ghaamwat was Esawu ghoah haleanjeeda guskuseega, 14nooga seaweadi bughalaji iyeenya ea ghwaray diktam, gisilga seaweadi bughalaji iyeenya ea lagweendi diktam, 15ngamiyajeega eanooga diktam ea damanamughuush ea dayeega nyaawa, dugwa seaweadi haradam ea jiiru damanamughuush, digeeniga seaweadi diktam ea jiiru damanamughuush bea digeeniga. 16Ghwayiin haleanjeeni seaniin geatinga soomjoagaaschi, ak gaba hawanyeanji bwaageaw, ak gwayeesha soomjoagaaschi, “Oosheedeawanean ak goosinyi dageascheeda gooheeli hawaniga.” 17Ak gwarukusa siida haweewa soomjooga gideaba, “Iihidu orjeeda giyeanya was Esawu roonyeedeang'wa, ak ghoanyaasheagwa gideaba, ‘Goobeayiing'a? Googali yeenu? Ak gaba ng'eaha haleanjeeni oondeawiin?’ 18Abeeda gooyeeshi, ‘Gaba soomjeandaang'u was Yakobo; suh gaba guskuseega siyaat heeda ng'utamiideanya was Esawu; nea niny ghwaan gweadu geeshteanya.’” 19Ak gwarukusa siideaba iyeenya ea deaba samwagu ea fuga sean adeayi hawaniga, “Gajarukusiina ng'asheandida Esawu iyooroonyeewi, 20ak gajayeeshiina, ‘Ak eara soomjeandaang'u was Yakobo ghwaan gweadu geeshteanya.’” Aba gideaba ghaghay gili jea “ghahawda nyarasta aba haleanjeeda guskuseega mida madeedeanyu, ak abeeda ghaadaayi gheanyangaaschi; gwadeepa abeeda ghamwasan.” 21Hean ghwaat haleanjeeda guskuseega; ak gwalla eaweedida jeeda maheemajeanda.
Yakobo gabeanyi aba Benueli
22Eaweedida ghang'eat ak ghwaat gadeamgaaschi asiyeenya, ea haweagaaschi asiyeenya was gwealajeega sea diibigaaschi attamwanagi, ak ghoaghaawa eenda Yaboki. 23Ghwaat sean ea ghoaghaawa ghealooda, sea haleanjeeda sean mideawa. 24Ak geanung'wa heeda Yakobo nea gaba geaw; sea siida beanyi sea niny ea ghwariikghta gaweeshiit. 25Daah siidida gideaba moamu ghwajoar Yakobo ghawaas dughulumda; hean ghwaliy geeshta Yakobo damanda beanyeewa sea niny. 26Ak gwayeesha, “Nung' dawa, aba gideaba niweeshiit.” Ghwalamda Yakobo ak gwayeesha, “Maydanung' una, ea eaghus goonean ghawooda.” 27Ng'ata gwayeesha niny, “Gheawungaagu ng'eaha?” Gwayeesha, “Geeguureewanean Yakobo.” 28Hean gwayeesha, “Gheawungaagu maygudu eeguureewaneey Yakobo, gajeeguureewaneey Israeli, aba gideaba ning'alealeewi ASEETA ea buuneeda, ak ea nijooriischi.” 29Ng'ata ghoanyaash Yakobo niny nea gwayeesha, “Geamuscheey rukunean gheawungaagu.” Gwayeesha niny, “Ghwasaan anda giinyaashti gheawungeasu?” Ng'ata ghoadaw ghawooda Yakobo. 30Iimuchu gaguura Yakobo gheawungeaba ng'eanyiita Benueli, nea gwayi, “Naadaayi ASEETA aba gheanyangeasu, ak ea nukwa gutanda.” 31Goorearu aseeta damanda beawa Yakobo Benueli, nea gwajikta aba gideaba ghwaak gibeesta. 32Ak eara ghamneawa fuga Israeli mayghwaak biyeeyda jeeda riirda, aba gideaba ghwasat gibeesta Yakobo nooschi sea mananda.
Currently Selected:
GIING'EETA 32: BG15
Highlight
Share
Copy
Want to have your highlights saved across all your devices? Sign up or sign in
The Bible in Datooga © Bible Society of Tanzania, 2015.
GIING'EETA 32
32
Yakobo goodiing'diing'da aba roonyeeda Esawu
1Ghang'eat Yakobo gawa ak gwaroonyi sea malaykajeega ASEETA; 2hean nea ghwadaah Yakobo malaykajeegiga gwayi, “Suh lugooda ASEETA!” Ak gaguura gheawungeaba ng'eanyiita Mahanaimu.
3Ak goojeakta Yakobo giijasoodiga goosheeda gaweay heeda Esawu was orjeeda ghaamwat aba ng'eanyiida Seyiri, was ng'eanyiida Edomu. 4Ak ghoanaal gideaba, “Asi ayeeshiina ng'utamiideanyu was Esawu: Gwayi soomjeandaang'u was Yakobo, ‘Neandeawi Labani nea geawooschi rabascheanda ea ghoah ghamneawa; 5ak geandeawi heewga, ea digeeniga, ea gisilga, ea nooga, ea soomjooga was headiga, ea gadeemga was soomjooga, ak geajeakti gwarukusa ng'utamiideanyu iita, ak abeeda ghaanyaschi alooheeda aba madeadaang'u.’”
6Hit gabiigu fuga siicheakta heeda Yakobo ak gwayeesha, “Geeleabu heeda orjeeda geamadu was Esawu, nea ghwaan roonyeadaang'u, nea goodeana fih bughalaji ang'wan.” 7Hean ghabeal Yakobo muuchi nea gagiisan; ak gageanu ghwalach bugusta fuga mideawa niba iyeenya ea hawanda, ea dugwa ea ngamiyajeega, nea gwayi, 8“Iihidu Esawu ak ghabwar geeda madeeda, abeeda geeda abit gaygamng'aw.”
9Ak gwayi Yakobo, “Ea ASEETA bwaabwa was Abrahamu ea ASEETA bwaabwa was Isaka, Ea NG'UTAMIIDA eeshiinean, ‘Biikta ng'eang'deang'wa ea heeda buweadeagaagu, ak gaydasineey gidamiy’, 10Mamiisean eara gilimwanang' aba alooheeda isinnean aniineeda was soomjeandaang'u, aba gideaba aniini ghaaghaawi Yordani nea ghaaghuschi bileangida; ak ghamneawa ea naang'achi niba iyeenya. 11Geamuscheey lealnean ang'iing'i, aba geatinda orjeediyya, aba geatinda Esawu, aba gideaba aniini ghaawali niny aba gideaba gajiidu ghwahidu ak ghabwareasa eesa sean, gheamadiga ea diibiga. 12Amadu giyeeni, ‘Gaydasin ng'asheega miyaas, ak ghaanung' gwadeena jeacheangaagu iseaskweanda basooda, mwoamu eeyiida aba seang'ayda.’”
13Hean gwalla hoowa eaweedida, ak ghwaat gidamideawa jea ghoadaw orjeeda ghaamwat was Esawu ghoah haleanjeeda guskuseega, 14nooga seaweadi bughalaji iyeenya ea ghwaray diktam, gisilga seaweadi bughalaji iyeenya ea lagweendi diktam, 15ngamiyajeega eanooga diktam ea damanamughuush ea dayeega nyaawa, dugwa seaweadi haradam ea jiiru damanamughuush, digeeniga seaweadi diktam ea jiiru damanamughuush bea digeeniga. 16Ghwayiin haleanjeeni seaniin geatinga soomjoagaaschi, ak gaba hawanyeanji bwaageaw, ak gwayeesha soomjoagaaschi, “Oosheedeawanean ak goosinyi dageascheeda gooheeli hawaniga.” 17Ak gwarukusa siida haweewa soomjooga gideaba, “Iihidu orjeeda giyeanya was Esawu roonyeedeang'wa, ak ghoanyaasheagwa gideaba, ‘Goobeayiing'a? Googali yeenu? Ak gaba ng'eaha haleanjeeni oondeawiin?’ 18Abeeda gooyeeshi, ‘Gaba soomjeandaang'u was Yakobo; suh gaba guskuseega siyaat heeda ng'utamiideanya was Esawu; nea niny ghwaan gweadu geeshteanya.’” 19Ak gwarukusa siideaba iyeenya ea deaba samwagu ea fuga sean adeayi hawaniga, “Gajarukusiina ng'asheandida Esawu iyooroonyeewi, 20ak gajayeeshiina, ‘Ak eara soomjeandaang'u was Yakobo ghwaan gweadu geeshteanya.’” Aba gideaba ghaghay gili jea “ghahawda nyarasta aba haleanjeeda guskuseega mida madeedeanyu, ak abeeda ghaadaayi gheanyangaaschi; gwadeepa abeeda ghamwasan.” 21Hean ghwaat haleanjeeda guskuseega; ak gwalla eaweedida jeeda maheemajeanda.
Yakobo gabeanyi aba Benueli
22Eaweedida ghang'eat ak ghwaat gadeamgaaschi asiyeenya, ea haweagaaschi asiyeenya was gwealajeega sea diibigaaschi attamwanagi, ak ghoaghaawa eenda Yaboki. 23Ghwaat sean ea ghoaghaawa ghealooda, sea haleanjeeda sean mideawa. 24Ak geanung'wa heeda Yakobo nea gaba geaw; sea siida beanyi sea niny ea ghwariikghta gaweeshiit. 25Daah siidida gideaba moamu ghwajoar Yakobo ghawaas dughulumda; hean ghwaliy geeshta Yakobo damanda beanyeewa sea niny. 26Ak gwayeesha, “Nung' dawa, aba gideaba niweeshiit.” Ghwalamda Yakobo ak gwayeesha, “Maydanung' una, ea eaghus goonean ghawooda.” 27Ng'ata gwayeesha niny, “Gheawungaagu ng'eaha?” Gwayeesha, “Geeguureewanean Yakobo.” 28Hean gwayeesha, “Gheawungaagu maygudu eeguureewaneey Yakobo, gajeeguureewaneey Israeli, aba gideaba ning'alealeewi ASEETA ea buuneeda, ak ea nijooriischi.” 29Ng'ata ghoanyaash Yakobo niny nea gwayeesha, “Geamuscheey rukunean gheawungaagu.” Gwayeesha niny, “Ghwasaan anda giinyaashti gheawungeasu?” Ng'ata ghoadaw ghawooda Yakobo. 30Iimuchu gaguura Yakobo gheawungeaba ng'eanyiita Benueli, nea gwayi, “Naadaayi ASEETA aba gheanyangeasu, ak ea nukwa gutanda.” 31Goorearu aseeta damanda beawa Yakobo Benueli, nea gwajikta aba gideaba ghwaak gibeesta. 32Ak eara ghamneawa fuga Israeli mayghwaak biyeeyda jeeda riirda, aba gideaba ghwasat gibeesta Yakobo nooschi sea mananda.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Datooga © Bible Society of Tanzania, 2015.