YOHANA 2
2
Nyeangiida mida Gana
1Iimuchu eaweeteaba samwagu gwanda nyeangiida Ganeeda mida Galilaya, eara gheamata Yesu abeeda gwanda hoowa; 2nea eara Yesu ea ginealangaaschi ea siguursa ghapka nyeangiini. 3Iidu nea ning'at difaayi gwayeesha gheamata Yesu niny, “Mudugwandeawa difaayi.” 4Gwayeesha Yesu ghaamwat, “Ea iyya, ang'iing'i geendeayeesi naaha? Damandeanyu miighwahidu.” 5Ghwalamda gheamata ak gwayeesha soomjooga, “Agooga asina gilinyoo gwarugu niny.” 6Abeeda gwanda hoowa sirbaji lah ghayi sisna lagheanga, ak geeyiina beega ahuuniida fuga Yahudi aba giimiinoodeaba geat, aba heesinyeeka jeesinga nyaawa gwalassa galaanajeega diktam ghana diktam ea damanamughuush. 7Gwayeesha Yesu saawa, “Oanyiida sirbajeesu beega.” Hean geanyiit ea ghwanaawnaawda. 8Ng'ata gwayeesha saawa, “Asi aramni ak gooyeasi siida haw ang'aata buuneeda.” Hean geeyeassa. 9Iidu nea gwasamu Siidida ang'aata buuneedean beegiga, ea niyamwa ghoah difaayi, nea abeeda niny ea mwanala heeda leabu, (nea soomjoogiga ghwanyawa ramu beegean ghwanal), gaguursa Siidida ang'aata buuneedean siida geeshi 10ak gwayeesha, “Eawoojisu buuneeda inyeesa ghanyi gooshoohu difaayi miyaas; ama daah beadi nileeshi buuneeda muuchi, hean gabiissa gooruudu gea munyas; ang'iing'i nukwa gudumideawana difaayi miyaasiin eara ghamneawa.” 11Gwadeagooni diita ghayi sin Yesu bea madeedean gil aba Ganeeda Galilaya nea abeeda ghwanung' eadaah giigheambiitaanyi; eara ginealangaaschi hean gabiissa ghamwas niny.
12Iing'ata ghang'eat ghwararang'aada gawa Gapernaumu nea goodeayi ghaamwat ea orjooga ghaamwat ea ginealangaaschi; goobiida hoowa askwearjoojisu ng'ay.
Yesu gawa jeeda gheeda sibata ASEETA
(Mat 21:12-13; Mar 11:15-17; Luk 19:45-46)
13Abeeda gwaneekiidean ghweelmeeda Basaaka bea fuga Yahudi, hean ghwascheang'da Yesu gawa Yerusalemu. 14Ghwanyasa jeeda gheeda sibata ASEETA buuneeda; heeda mwashaayda heewga suurja ghwashaayda gisilga nea suurja ghwashaayda ghariibajeega, ea gea nyarja lapiyeeda gadiyeata. 15Hean gwasin ghealooda, amahit ghahoan buuneesean mideawa gisilga ea heewga aba jeeda gheeda sibata ASEETA; ak ghoahiida lapiyeeda fuga nyarja lapiya nea goobimbiineada measajeega nyaawa. 16Gwayeesha fugiga ghwanyawa sheahiida ghariibajeegean, “Oang'aamwana dugusu hiji; adoonung' ghoah ghooriida Bwaabwa ghooriida siikeakshacheewa.” 17Ghoapkaat ginealangaaschi gideaba geang'waar, “Bariinyeegeasu aba gheang'u gayghwaagan.” 18Ghoanyaash fuga Yahudi nea gwayeesha, “Gaysina ana gwadeagu jea eadaaha gideaba gisini ng'asheesu?” 19Ghwasha Yesu nea gwayeesha, “Anyarja gheawi sibata ASEETEAN ak gaydadeas aba jeemba askwearjooji asamwagu.” 20Hean gwayeesha fuga Yahudi, “Gheawi sibata ASEETEAN ghayi deestaanyi gageanu gweanyeew haradam ea lah, ak gaydeasa aba jeemba askwearjooji samwagu?” 21Nea abeeda gheeda sibata ASEETA rugu ea saseadaanyi gil. 22Iidu nea niduuna miyeeda, ghoapkaat ginealangaaschi gideaba ghayi nirugu ng'asheesu, ak ghamwas ng'ooruutka ea ng'asheega ghayi rugu Yesu.
Yesu ghwanal ng'asheega mida jeesinga buuneeda
23Damanda mideewa Yerusalemu aba jeeda ghweelmeeda Basaaka, ghamwas fuga saang'a gheawungaaschi iidaah gwadeagooda sin; 24nea Yesu ea mamwasa fugiga aba gideaba nisikiideawa sean, 25aba gideaba niny ghwanal buuneassean ak ea magassa gideaba gaygamuuwu sih; aba gideaba niny ghwanal gidamida jeesiida.
Currently Selected:
YOHANA 2: BG15
Highlight
Share
Copy
Want to have your highlights saved across all your devices? Sign up or sign in
The Bible in Datooga © Bible Society of Tanzania, 2015.
YOHANA 2
2
Nyeangiida mida Gana
1Iimuchu eaweeteaba samwagu gwanda nyeangiida Ganeeda mida Galilaya, eara gheamata Yesu abeeda gwanda hoowa; 2nea eara Yesu ea ginealangaaschi ea siguursa ghapka nyeangiini. 3Iidu nea ning'at difaayi gwayeesha gheamata Yesu niny, “Mudugwandeawa difaayi.” 4Gwayeesha Yesu ghaamwat, “Ea iyya, ang'iing'i geendeayeesi naaha? Damandeanyu miighwahidu.” 5Ghwalamda gheamata ak gwayeesha soomjooga, “Agooga asina gilinyoo gwarugu niny.” 6Abeeda gwanda hoowa sirbaji lah ghayi sisna lagheanga, ak geeyiina beega ahuuniida fuga Yahudi aba giimiinoodeaba geat, aba heesinyeeka jeesinga nyaawa gwalassa galaanajeega diktam ghana diktam ea damanamughuush. 7Gwayeesha Yesu saawa, “Oanyiida sirbajeesu beega.” Hean geanyiit ea ghwanaawnaawda. 8Ng'ata gwayeesha saawa, “Asi aramni ak gooyeasi siida haw ang'aata buuneeda.” Hean geeyeassa. 9Iidu nea gwasamu Siidida ang'aata buuneedean beegiga, ea niyamwa ghoah difaayi, nea abeeda niny ea mwanala heeda leabu, (nea soomjoogiga ghwanyawa ramu beegean ghwanal), gaguursa Siidida ang'aata buuneedean siida geeshi 10ak gwayeesha, “Eawoojisu buuneeda inyeesa ghanyi gooshoohu difaayi miyaas; ama daah beadi nileeshi buuneeda muuchi, hean gabiissa gooruudu gea munyas; ang'iing'i nukwa gudumideawana difaayi miyaasiin eara ghamneawa.” 11Gwadeagooni diita ghayi sin Yesu bea madeedean gil aba Ganeeda Galilaya nea abeeda ghwanung' eadaah giigheambiitaanyi; eara ginealangaaschi hean gabiissa ghamwas niny.
12Iing'ata ghang'eat ghwararang'aada gawa Gapernaumu nea goodeayi ghaamwat ea orjooga ghaamwat ea ginealangaaschi; goobiida hoowa askwearjoojisu ng'ay.
Yesu gawa jeeda gheeda sibata ASEETA
(Mat 21:12-13; Mar 11:15-17; Luk 19:45-46)
13Abeeda gwaneekiidean ghweelmeeda Basaaka bea fuga Yahudi, hean ghwascheang'da Yesu gawa Yerusalemu. 14Ghwanyasa jeeda gheeda sibata ASEETA buuneeda; heeda mwashaayda heewga suurja ghwashaayda gisilga nea suurja ghwashaayda ghariibajeega, ea gea nyarja lapiyeeda gadiyeata. 15Hean gwasin ghealooda, amahit ghahoan buuneesean mideawa gisilga ea heewga aba jeeda gheeda sibata ASEETA; ak ghoahiida lapiyeeda fuga nyarja lapiya nea goobimbiineada measajeega nyaawa. 16Gwayeesha fugiga ghwanyawa sheahiida ghariibajeegean, “Oang'aamwana dugusu hiji; adoonung' ghoah ghooriida Bwaabwa ghooriida siikeakshacheewa.” 17Ghoapkaat ginealangaaschi gideaba geang'waar, “Bariinyeegeasu aba gheang'u gayghwaagan.” 18Ghoanyaash fuga Yahudi nea gwayeesha, “Gaysina ana gwadeagu jea eadaaha gideaba gisini ng'asheesu?” 19Ghwasha Yesu nea gwayeesha, “Anyarja gheawi sibata ASEETEAN ak gaydadeas aba jeemba askwearjooji asamwagu.” 20Hean gwayeesha fuga Yahudi, “Gheawi sibata ASEETEAN ghayi deestaanyi gageanu gweanyeew haradam ea lah, ak gaydeasa aba jeemba askwearjooji samwagu?” 21Nea abeeda gheeda sibata ASEETA rugu ea saseadaanyi gil. 22Iidu nea niduuna miyeeda, ghoapkaat ginealangaaschi gideaba ghayi nirugu ng'asheesu, ak ghamwas ng'ooruutka ea ng'asheega ghayi rugu Yesu.
Yesu ghwanal ng'asheega mida jeesinga buuneeda
23Damanda mideewa Yerusalemu aba jeeda ghweelmeeda Basaaka, ghamwas fuga saang'a gheawungaaschi iidaah gwadeagooda sin; 24nea Yesu ea mamwasa fugiga aba gideaba nisikiideawa sean, 25aba gideaba niny ghwanal buuneassean ak ea magassa gideaba gaygamuuwu sih; aba gideaba niny ghwanal gidamida jeesiida.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Datooga © Bible Society of Tanzania, 2015.