Nɩ-tʋnɩsɩ tʋmɔ Sɛbɛ 3
3
A DAB-GBƐR BA NA MAAL Ʋ KPƐMƐ
1Bibir kãw, a Pɩɛr nɩ a Jã cenʼã a Naaŋmɩn puor-yir kpɛ̃ɛ a mɔtɔ̃w gɔrfʋ daar a puorfʋ. 2Daba dãa na be be ba na dɔw ʋ ɩ gbɛr. A bibie a jaa ba ma ɓɔw ʋ na cenʼɩ̃ na bin a Naaŋmɩn puor-yir kpɛ̃ɛ dɔ̃dɔrɩ̃ ba na bʋɔlɔ a “Dɔ̃dɔr vɩlaa,” ʋ sʋɔrɔ a yele a bala jie na waara a Naaŋmɩn puor-yir kpɛ̃ɛ. 3A ʋna daba nyɛ na a Pɩɛr nɩ a Jã na tɔl kpɛɛrɛ ɩ̃ sʋɔr ba a libie, 4a Pɩɛr nɩ a Jã ꞌwuor ʋ kir-kir-kir ɩ̃ a Pɩɛr yel ʋ:
“ꞌWuoro sɩ!” 5A daba mʋrʼã a mimie cɔw ba cɛlɛ nɩ bɔ̃w ka bom ba kʋrɔ ʋ. 6Ɩ̃ a Pɩɛr yel ʋ na:
“Maa tɛrɛ libie mɩɩ sɛlmɛ kʋrɔ fʋ wa, ɩ̃-cɛ a ala ɩ̃ na tɛrɛ, ala ɩ̃ na kʋ fʋ. Ir cere nɩ a Najarɛtɩ *Jeeju-Kirisi yuor!” 7Ɩ̃ na ʋ nyɔw ʋ a dʋrɩ̃ nuu jɛw ʋ ir. A jie naan a ʋ gbɛ-cerisɩ nɩ a ʋ nakɔɔtɩɛ kpɛmɛ na 8ʋ aw ir cere, lãa kpɛ nɩ ba a Naaŋmɩn puor-yir kpɛ̃ɛ, cere awra nɩ pɛwrɛ a Naaŋmɩn. 9A nɩbɛ ba jaa na be a be nyɛ ʋ na ʋ cere pɛwrɛ nɩ a Naaŋmɩn, 10a ba bɔ̃w ʋ ʋ ɩ a ʋlɔ na ma dãa jɛ a Naaŋmɩn yir “Dɔ̃dɔr vɩlaa” nʋɔr sʋɔrɔ a libie, a tɩɛrɩ̃sɩ bɔr ba a ba ha nɔɛ a ala ɩnɛ na ta a gbɛr jie.
A PƖƐR ƳƐRƖ̃ Ʋ NA ƳƐR KƲ A NƖBƐ A NAAŊMƖN YIR
11Ɩ̃ a mɩnɛ ʋ na cãa pɔw a Pɩɛr nɩ a Jã, a nɩbɛ ba jaa nɔɛ ko ba na a ba jɔrɔ wɩɛrɛ a jɛ̃bɛrɩ̃ ʋlɔ pʋɔ ba na bʋɔlɔ a “Salʋmɔ̃ jɛ̃bɛrɩ̃”. 12A Pɩɛr nyɛ na a lɛ ɩ̃ yel a nɩbɛ:
“Ɩ̃ bal nɩbɛ, bõ ɩ a nɔɛ ko nyɩ a ala na ta ɩnɛ? Bõ ɩ a nyɩ ꞌwuoro sɩ a lɛ, wɔ̃ taa nɩ a sɩ mɩ̃ɛ kpɛ̃w, mɩɩ a sɩ torfʋ sɩ maalʼɩ̃ a daba na ʋ ir cere? 13A Naaŋmɩn ʋlɔ na ɩ a Abʋraham Naaŋmɩn nɩ a Ɩjakɩ nɩ a Jakɔb nɩ a sɩ sãa-kʋnbɔ Naaŋmɩn, a ʋlɔ ɩ̃ maal a ʋ tʋ̃tʋnɔ *Jeeju yuor ʋ yire. A nyɩmɩ, nyɩ dãa na nyɔw a Jeeju ʋlɔ tɩɩr a ba na kú, ɩ̃ a lɛ a jamana *Pɩlatɩ na dãa bʋɔrɔ ʋ bar ʋ, nyɩ jɛ ʋ na bar. 14A nyɩmɩ, nyɩ jɛ na a ʋlɔ na ɩ a Son Sʋbɔ nɩ a Yel-mɩ̃ɛ Sʋbɔ bar, ɩ̃ sʋɔr a ba bar a nɩ-kúrɔ kʋ nyɩ. 15Nyɩ dãa na ɩ a ba kú a ʋlɔ na ɩ a Baafʋ Sʋbɔ, ɩ̃ a Naaŋmɩn ir ʋ na yi nɩ a kũu pʋɔ, A sɩmɩ, sɩ nyɛ na a lɛ ɩ̃ mana kʋrɔ nyɩ. 16A Jeeju fãw nɩ a ƴɔ̃w-nyãa a ʋ ɩnɛ, ala ɩ̃ maal a daba na nyɩ na nyɛ ɩ̃ mɩ bɔ̃w ʋ pɔw a kpɛ̃w. A Jeeju yuor nɩ a ƴɔ̃w-nyãa a ʋ jie, ala ɩ̃ maal a daba na ʋ kpɛmɛ a cɛcɛ a nyɩ jaa nii-sɔw.
17“Ɩ̃-cɛ, ɩ̃ yɛɛr, ɩ̃ bɔ̃w ka a nyɩmɩ nɩ a nyɩ ni-dierbe dãa na maal a lɛ a Jeeju jie a-na-ɩ nyaa dãa bɔ̃w buon wa. 18A nɔhɔ̃, a Naaŋmɩn maalʼã a ala ʋ na dãa de nĩe ƴɔ̃w a ʋ ƴɛr-hierbe ba jaa a ba hier, áa *Kirisi sɛw na na nyɛ hʋʋr. 19Ala-ɩ̃-sɔ nyɩ́ lɩɛb a nyɩ yɛ̃ ɩ̃ lɩɛb wa a Naaŋmɩn jie, ʋ de a nyɩ maal-faar fɛ bar nyɩ. 20A lɛ a Nɩ-kpɛ̃ɛ na bar a ʋ pɩɛnfʋ ʋ wa, ɩ̃ mɩ tɩɩr a Jeeju ʋlɔ na ɩ a Kirisi ʋ na dãa de nĩe biin a nyɩ ɩnɛ. 21A Kirisi ʋlɔ, ʋ sɛw na na be be a saꞌlon wa ta nɩ a lɛdaar a yele jaa na lɩɛbɛ ɩrɛɛ a yel-paala, a mɩnɛ a Naaŋmɩn na dãa ƴɔ̃w a ʋ ƴɛr-hier-sono a ba ƴɛr a korĩ-cɛ, 22a mɩnɛ a Mowisi na dãa yel: ‘A Nɩ-kpɛ̃ɛ na ɩ a nyɩ Naaŋmɩn nɔɔ kʋ nyɩ na a ƴɛr-hiere a ɩ̃ kaarɩ̃ na ɩrɛɛ a nyɩ mɩ̃ɛ nɩrɛ ƴen sʋbɔ, ɩ̃ nyɩ na cɛlɛ na a ala a jaa ʋ na yele nyɩ. 23Ɩ̃-cɛ a nɩrɛ lɛ na mɔɔ cɛlɛ a ʋna ƴɛr-hiere wa, ba na ir ʋ na a nɩbɛ pʋɔ yi nɩ kú bar.’ 24Ɩ̃ a Naaŋmɩn ƴɛr-hierbe ba jaa, wa nyɔw nɩ a Samɩɛl, a ba jaa bõ-ƴene-ƴene mɩ manʼã a ala nɔɔ tara a ana daarʼãa. 25A pʋlɩ̃fʋ ʋlɔ a Naaŋmɩn na de a ƴɛr-hierbe pʋlɩ̃ nɩ ɩ na a nyɩ ben, ɩ̃ nyɩ mɩ be na tɔ a *pʋlɩ̃-taa ʋlɔ pʋɔ a Naaŋmɩn na pʋlɩ̃ nɩ a sɩ sãa-kʋnbɔ, a mɩnɛ ʋ na yel a Abʋraham: ‘Ɩ̃ na sũo na a tẽw bal-bʋrɔ bʋrɔ nɩbɛ ba jaa a fʋ bal nɩbɛ ɩnɛ.’ 26Ala-ɩ̃-sɔ a Naaŋmɩn irʼã a ʋ tʋtʋnɔ tʋ ʋ de nĩe wa a nyɩ jie, a mɩnɛ ʋ na sũo a nyɩ jaa bõ-ƴene-ƴene a nyɩ lɩɛb ɩ̃ bar a nyɩ tʋ̃-faar.”
Currently Selected:
Nɩ-tʋnɩsɩ tʋmɔ Sɛbɛ 3: BNT93
Highlight
Share
Copy
Want to have your highlights saved across all your devices? Sign up or sign in
Le Nouveau Testament en langue birifor © Alliance Biblique au Burkina Faso, 1993.
Nɩ-tʋnɩsɩ tʋmɔ Sɛbɛ 3
3
A DAB-GBƐR BA NA MAAL Ʋ KPƐMƐ
1Bibir kãw, a Pɩɛr nɩ a Jã cenʼã a Naaŋmɩn puor-yir kpɛ̃ɛ a mɔtɔ̃w gɔrfʋ daar a puorfʋ. 2Daba dãa na be be ba na dɔw ʋ ɩ gbɛr. A bibie a jaa ba ma ɓɔw ʋ na cenʼɩ̃ na bin a Naaŋmɩn puor-yir kpɛ̃ɛ dɔ̃dɔrɩ̃ ba na bʋɔlɔ a “Dɔ̃dɔr vɩlaa,” ʋ sʋɔrɔ a yele a bala jie na waara a Naaŋmɩn puor-yir kpɛ̃ɛ. 3A ʋna daba nyɛ na a Pɩɛr nɩ a Jã na tɔl kpɛɛrɛ ɩ̃ sʋɔr ba a libie, 4a Pɩɛr nɩ a Jã ꞌwuor ʋ kir-kir-kir ɩ̃ a Pɩɛr yel ʋ:
“ꞌWuoro sɩ!” 5A daba mʋrʼã a mimie cɔw ba cɛlɛ nɩ bɔ̃w ka bom ba kʋrɔ ʋ. 6Ɩ̃ a Pɩɛr yel ʋ na:
“Maa tɛrɛ libie mɩɩ sɛlmɛ kʋrɔ fʋ wa, ɩ̃-cɛ a ala ɩ̃ na tɛrɛ, ala ɩ̃ na kʋ fʋ. Ir cere nɩ a Najarɛtɩ *Jeeju-Kirisi yuor!” 7Ɩ̃ na ʋ nyɔw ʋ a dʋrɩ̃ nuu jɛw ʋ ir. A jie naan a ʋ gbɛ-cerisɩ nɩ a ʋ nakɔɔtɩɛ kpɛmɛ na 8ʋ aw ir cere, lãa kpɛ nɩ ba a Naaŋmɩn puor-yir kpɛ̃ɛ, cere awra nɩ pɛwrɛ a Naaŋmɩn. 9A nɩbɛ ba jaa na be a be nyɛ ʋ na ʋ cere pɛwrɛ nɩ a Naaŋmɩn, 10a ba bɔ̃w ʋ ʋ ɩ a ʋlɔ na ma dãa jɛ a Naaŋmɩn yir “Dɔ̃dɔr vɩlaa” nʋɔr sʋɔrɔ a libie, a tɩɛrɩ̃sɩ bɔr ba a ba ha nɔɛ a ala ɩnɛ na ta a gbɛr jie.
A PƖƐR ƳƐRƖ̃ Ʋ NA ƳƐR KƲ A NƖBƐ A NAAŊMƖN YIR
11Ɩ̃ a mɩnɛ ʋ na cãa pɔw a Pɩɛr nɩ a Jã, a nɩbɛ ba jaa nɔɛ ko ba na a ba jɔrɔ wɩɛrɛ a jɛ̃bɛrɩ̃ ʋlɔ pʋɔ ba na bʋɔlɔ a “Salʋmɔ̃ jɛ̃bɛrɩ̃”. 12A Pɩɛr nyɛ na a lɛ ɩ̃ yel a nɩbɛ:
“Ɩ̃ bal nɩbɛ, bõ ɩ a nɔɛ ko nyɩ a ala na ta ɩnɛ? Bõ ɩ a nyɩ ꞌwuoro sɩ a lɛ, wɔ̃ taa nɩ a sɩ mɩ̃ɛ kpɛ̃w, mɩɩ a sɩ torfʋ sɩ maalʼɩ̃ a daba na ʋ ir cere? 13A Naaŋmɩn ʋlɔ na ɩ a Abʋraham Naaŋmɩn nɩ a Ɩjakɩ nɩ a Jakɔb nɩ a sɩ sãa-kʋnbɔ Naaŋmɩn, a ʋlɔ ɩ̃ maal a ʋ tʋ̃tʋnɔ *Jeeju yuor ʋ yire. A nyɩmɩ, nyɩ dãa na nyɔw a Jeeju ʋlɔ tɩɩr a ba na kú, ɩ̃ a lɛ a jamana *Pɩlatɩ na dãa bʋɔrɔ ʋ bar ʋ, nyɩ jɛ ʋ na bar. 14A nyɩmɩ, nyɩ jɛ na a ʋlɔ na ɩ a Son Sʋbɔ nɩ a Yel-mɩ̃ɛ Sʋbɔ bar, ɩ̃ sʋɔr a ba bar a nɩ-kúrɔ kʋ nyɩ. 15Nyɩ dãa na ɩ a ba kú a ʋlɔ na ɩ a Baafʋ Sʋbɔ, ɩ̃ a Naaŋmɩn ir ʋ na yi nɩ a kũu pʋɔ, A sɩmɩ, sɩ nyɛ na a lɛ ɩ̃ mana kʋrɔ nyɩ. 16A Jeeju fãw nɩ a ƴɔ̃w-nyãa a ʋ ɩnɛ, ala ɩ̃ maal a daba na nyɩ na nyɛ ɩ̃ mɩ bɔ̃w ʋ pɔw a kpɛ̃w. A Jeeju yuor nɩ a ƴɔ̃w-nyãa a ʋ jie, ala ɩ̃ maal a daba na ʋ kpɛmɛ a cɛcɛ a nyɩ jaa nii-sɔw.
17“Ɩ̃-cɛ, ɩ̃ yɛɛr, ɩ̃ bɔ̃w ka a nyɩmɩ nɩ a nyɩ ni-dierbe dãa na maal a lɛ a Jeeju jie a-na-ɩ nyaa dãa bɔ̃w buon wa. 18A nɔhɔ̃, a Naaŋmɩn maalʼã a ala ʋ na dãa de nĩe ƴɔ̃w a ʋ ƴɛr-hierbe ba jaa a ba hier, áa *Kirisi sɛw na na nyɛ hʋʋr. 19Ala-ɩ̃-sɔ nyɩ́ lɩɛb a nyɩ yɛ̃ ɩ̃ lɩɛb wa a Naaŋmɩn jie, ʋ de a nyɩ maal-faar fɛ bar nyɩ. 20A lɛ a Nɩ-kpɛ̃ɛ na bar a ʋ pɩɛnfʋ ʋ wa, ɩ̃ mɩ tɩɩr a Jeeju ʋlɔ na ɩ a Kirisi ʋ na dãa de nĩe biin a nyɩ ɩnɛ. 21A Kirisi ʋlɔ, ʋ sɛw na na be be a saꞌlon wa ta nɩ a lɛdaar a yele jaa na lɩɛbɛ ɩrɛɛ a yel-paala, a mɩnɛ a Naaŋmɩn na dãa ƴɔ̃w a ʋ ƴɛr-hier-sono a ba ƴɛr a korĩ-cɛ, 22a mɩnɛ a Mowisi na dãa yel: ‘A Nɩ-kpɛ̃ɛ na ɩ a nyɩ Naaŋmɩn nɔɔ kʋ nyɩ na a ƴɛr-hiere a ɩ̃ kaarɩ̃ na ɩrɛɛ a nyɩ mɩ̃ɛ nɩrɛ ƴen sʋbɔ, ɩ̃ nyɩ na cɛlɛ na a ala a jaa ʋ na yele nyɩ. 23Ɩ̃-cɛ a nɩrɛ lɛ na mɔɔ cɛlɛ a ʋna ƴɛr-hiere wa, ba na ir ʋ na a nɩbɛ pʋɔ yi nɩ kú bar.’ 24Ɩ̃ a Naaŋmɩn ƴɛr-hierbe ba jaa, wa nyɔw nɩ a Samɩɛl, a ba jaa bõ-ƴene-ƴene mɩ manʼã a ala nɔɔ tara a ana daarʼãa. 25A pʋlɩ̃fʋ ʋlɔ a Naaŋmɩn na de a ƴɛr-hierbe pʋlɩ̃ nɩ ɩ na a nyɩ ben, ɩ̃ nyɩ mɩ be na tɔ a *pʋlɩ̃-taa ʋlɔ pʋɔ a Naaŋmɩn na pʋlɩ̃ nɩ a sɩ sãa-kʋnbɔ, a mɩnɛ ʋ na yel a Abʋraham: ‘Ɩ̃ na sũo na a tẽw bal-bʋrɔ bʋrɔ nɩbɛ ba jaa a fʋ bal nɩbɛ ɩnɛ.’ 26Ala-ɩ̃-sɔ a Naaŋmɩn irʼã a ʋ tʋtʋnɔ tʋ ʋ de nĩe wa a nyɩ jie, a mɩnɛ ʋ na sũo a nyɩ jaa bõ-ƴene-ƴene a nyɩ lɩɛb ɩ̃ bar a nyɩ tʋ̃-faar.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Le Nouveau Testament en langue birifor © Alliance Biblique au Burkina Faso, 1993.