Nɩ-tʋnɩsɩ tʋmɔ Sɛbɛ 8
8
A SOL NA HƲƆLƆ A DUO-PUORBO
1A ʋna bibir bõ-ƴen naa pʋɔ, ba nyɔw na ɩ̃ hʋɔlɔ a Jerujalɛm *duo-puorbo, a ba jaa jɔ ŋma kpee kpee cen a Jude nɩ a Samari, ɩ̃ cɛ a *nɩ-tʋnɩsɩ tɛw bar a ba jɛ a Jerujalɛm. 2A nɩbɛ ŋmɛɛ na jɔrɔ a Naaŋmɩn de na a Ɩtɩɛn naa ba kõ ʋ yayaw ũu. 3Ɩ̃-cɛ a Sol ʋlɔ ƴɔ̃w na kpɛ̃w bʋɔrɔ ʋ bũburĩ a duo-puorbo. Ʋ yʋɔrɔ na a yie nyɔwrɔ a dabsɩ lãa nɩ a pɔɔbɔ, ƴɔnɔ a kasu pʋɔ.
A FƖLƖPƖ NA ƳƐRƐ A ƳƐR-SON A SAMARI
4A bala na dãa jɔ ŋma a kpee kpee yʋɔrɔ na a ten ten ƴɛrɛ a Naaŋmɩn ƴɛr-son. 5A Fɩlɩpɩ cenʼã a *Samari-tẽw na ƴɛr a *Kirisi ƴɛrɩ̃ kʋ a nɩbɛ. 6A mɩnɛ a nɩ-yaw na wõ a ʋ ƴɛrɩ̃ ɩ̃ mɩ nyɛ a nɔ-kofʋ tʋmɔ ʋ na maala, ba nyɩrɩ̃ na ƴɔ̃w a toor cɛlɛ a ala ʋ na yele. 7A-na-ɩ a kɔ̃tɔn-kpansɩ yire na a nɩ-yaw jie wuure nɩ kpɛ̃w, ɩ̃ a gbɛɛ nɩ a kpɩkpɩl-sãwsɩ deme yaw kpɛmɛ, 8a ba nyɛ nʋ̃ɔ kpɛ̃ɛ a ʋna tẽw naa pʋɔ.
9A be, daba dãa na be be na dɩ Sɩmɔ̃, na ma maala a tɩsɔɔlʋ̃ʋ a korĩ-cɛ jaa, a nʋɔr ko a Samari nɩbɛ. Ʋ yel ba na á nɩ-kpɛ̃ɛ ʋ ɩ, 10a bibiir wa de nɩ a nɩ-bɛrɛ jaa sɔw na ma ƴɔ̃w a toor cɛlɛ ʋ. Ba yelʼã áa daba na, a Naaŋmɩn fãw ʋ tɛrɛ, a ʋlɔ ba na bʋɔlɔ a Fãgã Kpɛ̃ɛ Sʋbɔ.
11Ɩ̃ ba nyɩrɩ̃ na ƴɔ̃w toor cɛlɛ ʋ a-na-ɩ korĩ-cɛ jaa ʋ dãa maal a tɩsɔɔlʋ̃ʋ a ko ba a nɔɛ. 12Ɩ̃-cɛ a Fɩlɩpɩ mana ba na a Naaŋmɩn fãw ƴɛrɩ̃ miile nɩ ba a *Jeeju-Kirisi yuor, ɩ̃ a lɛ ba na sɔw a ʋna ƴɛr-son, a dabsɩ nɩ a pɔɔbɔ ɩ na a ba mʋr ba a kʋ̃ɔ. 13A Sɩmɔ̃ mɩ̃ɛ mɩ sɔw na, a ba mʋr ʋ a kʋ̃ɔ, ʋ ɩraa a Fɩlɩpɩ sɛ̃, a nʋɔr nyɩrɩ̃ kpaw ʋ a mɩnɛ ʋ na nyɛ a nɔ-kofʋ tʋ̃-bɛrɛ na miile a Naaŋmɩn kpɛ̃w a Fɩlɩpɩ na maala.
14A *nɩ-tʋnɩsɩ na be a Jerujalɛm wõ na áa Samari nɩbɛ sɔw na a Naaŋmɩn ƴɛrɩ̃ ɩ̃ tʋ̃ a Pɩɛr nɩ a Jã a be. 15Ɩ̃ a lɛ ba na ta a Samari, ba sʋɔrʼã a Naaŋmɩn ƴɔ̃w a popuorbo a ba pɔw a ʋ Sɩɛ, 16a-na-ɩ a Naaŋmɩn Sɩɛ ma dãa suu a bana nɩbɛ jie sɛr wa, a Nɩ-kpɛ̃ɛ *Jeeju yuor tɛw ba dãa de mʋrʼɩ̃ ba a kʋ̃ɔ. 17A lɛ, a Pɩɛr nɩ a Jã dɔɔl ba na a nur a ba pɔw a Naaŋmɩn Sɩɛ.
18A lɛ a Sɩmɔ̃ na nyɛ a nɩ-tʋnɩsɩ na dɔɔl a nɩbɛ a nur a ba pɔw a Naaŋmɩn Sɩɛ, ʋ irʼã libie kʋ a Pɩɛr nɩ a Jã 19ɩ̃ yel:
“Nyɩ́ mɩ kʋ ma a ʋna fãw, a maa wa dɔɔl nɩrɛ a nuu ʋ mɩ pɔw a Naaŋmɩn Sɩɛ.” 20Ɩ̃-cɛ a Pɩɛr yel ʋ na:
“A fʋ̃ʋ nɩ a fʋ libie jaa, nyɩ́ bɔr, a-na-ɩ fʋ tɩɛrɛ na áa Naaŋmɩn bom pɔrɔ ɩ na bom fʋ na tʋɔrɔ daara nɩ a libie! 21Faa tɛrɛ sɔr fɩ̃ɩ na lãa tʋ̃ nɩ sɩ a tʋn na wa, a-na-ɩ a fʋ suur ma tor a Naaŋmɩn nii-sɔw wa. 22Ala-ɩ̃-sɔ lɩɛb a fʋ yɛ̃ a fʋ tɩɛrʋ̃ bier ɩnɛ, ɩ̃ sʋɔr a Nɩ-kpɛ̃ɛ; a nʋmɔ wa sɔw ʋ na de na a ʋna tɩɛrʋ̃ bar fʋ. 23A-na-ɩ ɩ̃ nyɛ na bɔ̃w ka a fʋ pʋɔ ulĩ na ma ɩ wa, ɩ̃ a fʋ mɩ be a maal-fãa kasu pʋɔ.” 24A Sɩmɔ̃ yel a Pɩɛr nɩ a Jã:
“A nyɩmɩ nyɩ mɩ̃ɛ, nyɩ́ sʋɔr a Nɩ-kpɛ̃ɛ ƴɔ̃w ma a ana yele nyɩ na yel ma kɔ̃ wa ta ma wa.”
25A lɛ a nɩ-tʋnɩsɩ bala ayi na man a Nɩ-kpɛ̃ɛ ƴɛrɩ̃ baar, ba lɩɛbʼã kule a Jerujalɛm, ƴɛrɛ nɩ a Naaŋmɩn ƴɛr-son a Samari ten yaw ala pʋɔ na be a ba sɔr juu.
A ETIYOPI DABA A FƖLƖPƖ NA TUORʼƖ̃
26A Nɩ-kpɛ̃ɛ sɩ-tʋnaa kãw yelʼã a Fɩlɩpɩ:
“Ir cen a gʋbaa loor a sɔr ʋlɔ pʋɔ na ɩ a wɛkar sɔr, na yi a Jerujalɛm ɩ̃ cere a Gajaa.” 27-28A Fɩlɩpɩ irʼã cen ɩ̃ a be a sɔr juu, ʋ tuorʼɩ̃ na a Etiyopi daba na dãa cen a Jerujalɛm na puor a Naaŋmɩn ɩ̃ lɩɛb kule. Ʋ ɩ na a Etiyopi pɔw-jamana ba na bʋɔlɔ a Kãdasɩ tʋ̃tʋ̃-nɩ-kpɛ̃ɛ ba na maal ʋ ab#8.27-28 A korĩ-cɛ, a dabsɩ bala na tʋɔrɔ tʋnɔ a tʋn a jamana yir ɩ na a bala ba na maal a ba ab. na mɩ ɩ a ʋ libi-ꞌwuoro. Ʋ jɛ na a ʋ kaar pʋɔ a wiir na ma tawra, ɩ̃ ꞌwuoro a sɛbɛ ʋlɔ a Naaŋmɩn ƴɛr-hiere Ejayi na dãa sɛb. 29A Naaŋmɩn Sɩɛ yelʼã a Fɩlɩpɩ:
“Cen na pɩɛlʼɩ̃ a kaar ʋlɔ.” 30A Fɩlɩpɩ jɔ na ta a kaar par, ɩ̃ wõ a daba ʋ ꞌwuoro a Ejayi sɛbɛ, ʋ soor ʋ:
“Fʋ bɔ̃w na a ƴɛrɩ̃ na fʋ na ꞌwuoro par mɩɩ?” 31A daba yel ʋ: “Mɩnɛ ɩ̃ na ɩ ɩ̃ bɔ̃w a par ɩ̃ a ala ma ɩ nɩrɛ ɩ̃ miil ma wa?” A lɛ, ʋ sʋɔrʼã a Fɩlɩpɩ ʋ do kpɛ a ba lãa jɛ. 32A Naaŋmɩn Sɛbɛ ƴɛrɩ̃ ʋlɔ ʋ na dãa ꞌwuoro yelʼã:
“Ba taw ʋ na cenʼɩ̃ wɔ̃ taa nɩ pɛr
ba na cere nɩ a kúfʋ jie.
Ʋ mɩ sine na wɔ̃ taa nɩ a péle
ba na pũono a kɔbɔ. ꞌWaa haa nʋɔr wa.
33Ba sũkpurĩ ʋ na;
baa guor a ʋ ƴɛrɩ̃ a tor wa.
Nɩrɛ kɔ̃ wa ƴɛr a ʋ bal par ƴɛrɩ̃ wa,
a-na-ɩ a ʋ baafʋ ŋmaa na a ka a tẽw pʋɔ.”
34A Etiyopi daba yel a Fɩlɩpɩ:
“Ɩ̃ sʋɔr fʋ na, yel ma: ala a ƴɛr-hiere yele a lɛ? Ʋlɔ ɩ̃ yele ƴɔnɔ a ʋ mɩ̃ɛ, mɩɩ nɩ-kpee ʋ yele?” 35A Fɩlɩpɩ nyɔw na a jie ʋlɔ ʋ na dãa ꞌwuoro a sɛbɛ pʋɔ ɩ̃ man ʋ a *Jeeju ƴɛr-son. 36Ɩ̃ a lɛ ba na cere, ba ta na jie kʋ̃ɔ na be, a daba yel a Fɩlɩpɩ:
“Nyɛ kʋ̃ɔ; bom be na be vara ma a faa tʋɔrɔ mʋrɔ ma a kʋ̃ɔ wa mɩɩ?” [ 37A Fɩlɩpɩ yel ʋ:
“A fʋ̃ʋ sɔw nɩ a fʋ pʋɔ ʋ jaa, ɩ̃ na tʋɔ na mʋr fʋ a kʋ̃ɔ.”
A daba yel:
“Ɩ̃ sɔw na ka a *Jeeju-Kirisi ɩ na a Naaŋmɩn Bie.”] 38Ɩ̃ ʋ ƴɔ̃w na a ba ɩraa nɩ a kaar, a ʋlɔ nɩ a Fɩlɩpɩ suu kpɛ a kʋ̃ɔmɩ, a Fɩlɩpɩ mʋr ʋ. 39A lɛ ba na yi a kʋ̃ɔ pʋɔ baar, a Nɩ-kpɛ̃ɛ Sɩɛ jalʼã a Fɩlɩpɩ cenʼɩ̃, a daba ma lɛ nyɛ ʋ wa. Ɩ̃ a nʋɔ nyɔw ʋ na ʋ de a sɔr cere. 40Ɩ̃ a Fɩlɩpɩ ʋlɔ wa ꞌwuorʼã nyɛ ʋ be a Ajɔtɩ-tẽw pʋɔ, ɩ̃ de a sɔr cere, ƴɛrɛ a Naaŋmɩn ƴɛrɩ̃ a ten a jaa pʋɔ wa ta nɩ a Sejare.
Currently Selected:
Nɩ-tʋnɩsɩ tʋmɔ Sɛbɛ 8: BNT93
Highlight
Share
Compare
Copy
Want to have your highlights saved across all your devices? Sign up or sign in
Le Nouveau Testament en langue birifor © Alliance Biblique au Burkina Faso, 1993.
Nɩ-tʋnɩsɩ tʋmɔ Sɛbɛ 8
8
A SOL NA HƲƆLƆ A DUO-PUORBO
1A ʋna bibir bõ-ƴen naa pʋɔ, ba nyɔw na ɩ̃ hʋɔlɔ a Jerujalɛm *duo-puorbo, a ba jaa jɔ ŋma kpee kpee cen a Jude nɩ a Samari, ɩ̃ cɛ a *nɩ-tʋnɩsɩ tɛw bar a ba jɛ a Jerujalɛm. 2A nɩbɛ ŋmɛɛ na jɔrɔ a Naaŋmɩn de na a Ɩtɩɛn naa ba kõ ʋ yayaw ũu. 3Ɩ̃-cɛ a Sol ʋlɔ ƴɔ̃w na kpɛ̃w bʋɔrɔ ʋ bũburĩ a duo-puorbo. Ʋ yʋɔrɔ na a yie nyɔwrɔ a dabsɩ lãa nɩ a pɔɔbɔ, ƴɔnɔ a kasu pʋɔ.
A FƖLƖPƖ NA ƳƐRƐ A ƳƐR-SON A SAMARI
4A bala na dãa jɔ ŋma a kpee kpee yʋɔrɔ na a ten ten ƴɛrɛ a Naaŋmɩn ƴɛr-son. 5A Fɩlɩpɩ cenʼã a *Samari-tẽw na ƴɛr a *Kirisi ƴɛrɩ̃ kʋ a nɩbɛ. 6A mɩnɛ a nɩ-yaw na wõ a ʋ ƴɛrɩ̃ ɩ̃ mɩ nyɛ a nɔ-kofʋ tʋmɔ ʋ na maala, ba nyɩrɩ̃ na ƴɔ̃w a toor cɛlɛ a ala ʋ na yele. 7A-na-ɩ a kɔ̃tɔn-kpansɩ yire na a nɩ-yaw jie wuure nɩ kpɛ̃w, ɩ̃ a gbɛɛ nɩ a kpɩkpɩl-sãwsɩ deme yaw kpɛmɛ, 8a ba nyɛ nʋ̃ɔ kpɛ̃ɛ a ʋna tẽw naa pʋɔ.
9A be, daba dãa na be be na dɩ Sɩmɔ̃, na ma maala a tɩsɔɔlʋ̃ʋ a korĩ-cɛ jaa, a nʋɔr ko a Samari nɩbɛ. Ʋ yel ba na á nɩ-kpɛ̃ɛ ʋ ɩ, 10a bibiir wa de nɩ a nɩ-bɛrɛ jaa sɔw na ma ƴɔ̃w a toor cɛlɛ ʋ. Ba yelʼã áa daba na, a Naaŋmɩn fãw ʋ tɛrɛ, a ʋlɔ ba na bʋɔlɔ a Fãgã Kpɛ̃ɛ Sʋbɔ.
11Ɩ̃ ba nyɩrɩ̃ na ƴɔ̃w toor cɛlɛ ʋ a-na-ɩ korĩ-cɛ jaa ʋ dãa maal a tɩsɔɔlʋ̃ʋ a ko ba a nɔɛ. 12Ɩ̃-cɛ a Fɩlɩpɩ mana ba na a Naaŋmɩn fãw ƴɛrɩ̃ miile nɩ ba a *Jeeju-Kirisi yuor, ɩ̃ a lɛ ba na sɔw a ʋna ƴɛr-son, a dabsɩ nɩ a pɔɔbɔ ɩ na a ba mʋr ba a kʋ̃ɔ. 13A Sɩmɔ̃ mɩ̃ɛ mɩ sɔw na, a ba mʋr ʋ a kʋ̃ɔ, ʋ ɩraa a Fɩlɩpɩ sɛ̃, a nʋɔr nyɩrɩ̃ kpaw ʋ a mɩnɛ ʋ na nyɛ a nɔ-kofʋ tʋ̃-bɛrɛ na miile a Naaŋmɩn kpɛ̃w a Fɩlɩpɩ na maala.
14A *nɩ-tʋnɩsɩ na be a Jerujalɛm wõ na áa Samari nɩbɛ sɔw na a Naaŋmɩn ƴɛrɩ̃ ɩ̃ tʋ̃ a Pɩɛr nɩ a Jã a be. 15Ɩ̃ a lɛ ba na ta a Samari, ba sʋɔrʼã a Naaŋmɩn ƴɔ̃w a popuorbo a ba pɔw a ʋ Sɩɛ, 16a-na-ɩ a Naaŋmɩn Sɩɛ ma dãa suu a bana nɩbɛ jie sɛr wa, a Nɩ-kpɛ̃ɛ *Jeeju yuor tɛw ba dãa de mʋrʼɩ̃ ba a kʋ̃ɔ. 17A lɛ, a Pɩɛr nɩ a Jã dɔɔl ba na a nur a ba pɔw a Naaŋmɩn Sɩɛ.
18A lɛ a Sɩmɔ̃ na nyɛ a nɩ-tʋnɩsɩ na dɔɔl a nɩbɛ a nur a ba pɔw a Naaŋmɩn Sɩɛ, ʋ irʼã libie kʋ a Pɩɛr nɩ a Jã 19ɩ̃ yel:
“Nyɩ́ mɩ kʋ ma a ʋna fãw, a maa wa dɔɔl nɩrɛ a nuu ʋ mɩ pɔw a Naaŋmɩn Sɩɛ.” 20Ɩ̃-cɛ a Pɩɛr yel ʋ na:
“A fʋ̃ʋ nɩ a fʋ libie jaa, nyɩ́ bɔr, a-na-ɩ fʋ tɩɛrɛ na áa Naaŋmɩn bom pɔrɔ ɩ na bom fʋ na tʋɔrɔ daara nɩ a libie! 21Faa tɛrɛ sɔr fɩ̃ɩ na lãa tʋ̃ nɩ sɩ a tʋn na wa, a-na-ɩ a fʋ suur ma tor a Naaŋmɩn nii-sɔw wa. 22Ala-ɩ̃-sɔ lɩɛb a fʋ yɛ̃ a fʋ tɩɛrʋ̃ bier ɩnɛ, ɩ̃ sʋɔr a Nɩ-kpɛ̃ɛ; a nʋmɔ wa sɔw ʋ na de na a ʋna tɩɛrʋ̃ bar fʋ. 23A-na-ɩ ɩ̃ nyɛ na bɔ̃w ka a fʋ pʋɔ ulĩ na ma ɩ wa, ɩ̃ a fʋ mɩ be a maal-fãa kasu pʋɔ.” 24A Sɩmɔ̃ yel a Pɩɛr nɩ a Jã:
“A nyɩmɩ nyɩ mɩ̃ɛ, nyɩ́ sʋɔr a Nɩ-kpɛ̃ɛ ƴɔ̃w ma a ana yele nyɩ na yel ma kɔ̃ wa ta ma wa.”
25A lɛ a nɩ-tʋnɩsɩ bala ayi na man a Nɩ-kpɛ̃ɛ ƴɛrɩ̃ baar, ba lɩɛbʼã kule a Jerujalɛm, ƴɛrɛ nɩ a Naaŋmɩn ƴɛr-son a Samari ten yaw ala pʋɔ na be a ba sɔr juu.
A ETIYOPI DABA A FƖLƖPƖ NA TUORʼƖ̃
26A Nɩ-kpɛ̃ɛ sɩ-tʋnaa kãw yelʼã a Fɩlɩpɩ:
“Ir cen a gʋbaa loor a sɔr ʋlɔ pʋɔ na ɩ a wɛkar sɔr, na yi a Jerujalɛm ɩ̃ cere a Gajaa.” 27-28A Fɩlɩpɩ irʼã cen ɩ̃ a be a sɔr juu, ʋ tuorʼɩ̃ na a Etiyopi daba na dãa cen a Jerujalɛm na puor a Naaŋmɩn ɩ̃ lɩɛb kule. Ʋ ɩ na a Etiyopi pɔw-jamana ba na bʋɔlɔ a Kãdasɩ tʋ̃tʋ̃-nɩ-kpɛ̃ɛ ba na maal ʋ ab#8.27-28 A korĩ-cɛ, a dabsɩ bala na tʋɔrɔ tʋnɔ a tʋn a jamana yir ɩ na a bala ba na maal a ba ab. na mɩ ɩ a ʋ libi-ꞌwuoro. Ʋ jɛ na a ʋ kaar pʋɔ a wiir na ma tawra, ɩ̃ ꞌwuoro a sɛbɛ ʋlɔ a Naaŋmɩn ƴɛr-hiere Ejayi na dãa sɛb. 29A Naaŋmɩn Sɩɛ yelʼã a Fɩlɩpɩ:
“Cen na pɩɛlʼɩ̃ a kaar ʋlɔ.” 30A Fɩlɩpɩ jɔ na ta a kaar par, ɩ̃ wõ a daba ʋ ꞌwuoro a Ejayi sɛbɛ, ʋ soor ʋ:
“Fʋ bɔ̃w na a ƴɛrɩ̃ na fʋ na ꞌwuoro par mɩɩ?” 31A daba yel ʋ: “Mɩnɛ ɩ̃ na ɩ ɩ̃ bɔ̃w a par ɩ̃ a ala ma ɩ nɩrɛ ɩ̃ miil ma wa?” A lɛ, ʋ sʋɔrʼã a Fɩlɩpɩ ʋ do kpɛ a ba lãa jɛ. 32A Naaŋmɩn Sɛbɛ ƴɛrɩ̃ ʋlɔ ʋ na dãa ꞌwuoro yelʼã:
“Ba taw ʋ na cenʼɩ̃ wɔ̃ taa nɩ pɛr
ba na cere nɩ a kúfʋ jie.
Ʋ mɩ sine na wɔ̃ taa nɩ a péle
ba na pũono a kɔbɔ. ꞌWaa haa nʋɔr wa.
33Ba sũkpurĩ ʋ na;
baa guor a ʋ ƴɛrɩ̃ a tor wa.
Nɩrɛ kɔ̃ wa ƴɛr a ʋ bal par ƴɛrɩ̃ wa,
a-na-ɩ a ʋ baafʋ ŋmaa na a ka a tẽw pʋɔ.”
34A Etiyopi daba yel a Fɩlɩpɩ:
“Ɩ̃ sʋɔr fʋ na, yel ma: ala a ƴɛr-hiere yele a lɛ? Ʋlɔ ɩ̃ yele ƴɔnɔ a ʋ mɩ̃ɛ, mɩɩ nɩ-kpee ʋ yele?” 35A Fɩlɩpɩ nyɔw na a jie ʋlɔ ʋ na dãa ꞌwuoro a sɛbɛ pʋɔ ɩ̃ man ʋ a *Jeeju ƴɛr-son. 36Ɩ̃ a lɛ ba na cere, ba ta na jie kʋ̃ɔ na be, a daba yel a Fɩlɩpɩ:
“Nyɛ kʋ̃ɔ; bom be na be vara ma a faa tʋɔrɔ mʋrɔ ma a kʋ̃ɔ wa mɩɩ?” [ 37A Fɩlɩpɩ yel ʋ:
“A fʋ̃ʋ sɔw nɩ a fʋ pʋɔ ʋ jaa, ɩ̃ na tʋɔ na mʋr fʋ a kʋ̃ɔ.”
A daba yel:
“Ɩ̃ sɔw na ka a *Jeeju-Kirisi ɩ na a Naaŋmɩn Bie.”] 38Ɩ̃ ʋ ƴɔ̃w na a ba ɩraa nɩ a kaar, a ʋlɔ nɩ a Fɩlɩpɩ suu kpɛ a kʋ̃ɔmɩ, a Fɩlɩpɩ mʋr ʋ. 39A lɛ ba na yi a kʋ̃ɔ pʋɔ baar, a Nɩ-kpɛ̃ɛ Sɩɛ jalʼã a Fɩlɩpɩ cenʼɩ̃, a daba ma lɛ nyɛ ʋ wa. Ɩ̃ a nʋɔ nyɔw ʋ na ʋ de a sɔr cere. 40Ɩ̃ a Fɩlɩpɩ ʋlɔ wa ꞌwuorʼã nyɛ ʋ be a Ajɔtɩ-tẽw pʋɔ, ɩ̃ de a sɔr cere, ƴɛrɛ a Naaŋmɩn ƴɛrɩ̃ a ten a jaa pʋɔ wa ta nɩ a Sejare.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Le Nouveau Testament en langue birifor © Alliance Biblique au Burkina Faso, 1993.