Eziptɩ tẽw yib 21
21
Wulu na càarɩ a Ɩsɩrayɛl nɩbɛ na ɩ gbãgbaar a
1A Sore tɩ yel'a ƴãw pʋɔ: «Nyɛ̃ a wulu a mɩnɛ fʋ na na tɩ ƴɛ̀r wul a Ɩsɩrayɛl nɩbɛ a: 2Nyɩmɛ wa dà gbãgbaa ʋ ɩ Ebre nɩr a, ʋ na tõ n yome ayʋɔb. A yome ayopõi sob a, ʋ na tʋ̃ɔ́ na yi so ʋ tʋɔra cere, ɛ́ bɛ tɛr nɩr za san ɛ. 3A gbãgbaa nɛ wa ɩ dɛ-kʋɔr a ʋ waa daar a, ʋ na yi n ʋ yõ. Ɛ́ ʋlɛ wa kul pɔw a ʋ waa daar a, bɛ na lãw na yi. 4A ʋ zu-sob wa n'ʋ kʋ̀ ʋ pɔw, a pɔw dɔw bidɛbr bɩɩ pɔwyaar a, a ʋ zu-sob na so a pɔw nɩ a bibiir, ɛ́ a ʋl yi ʋ yõ. 5Ɛcɛ a gbãgbaa wa yel: “Ɩ̃ nɔnɛ nɩ a ɩ̃ zu-sob, a ɩ̃ pɔw nɩ a ɩ̃ bibiir, ɩ̃ bɛ bɔbr k'ɩ̃ɩ bɛr bɛ ɛ́ yi so ɩ̃ tʋɔra ɩ”, 6a ʋ zu-sob na ɩ na k'ʋ taw pɩɛlɩ a Naaŋmɩn, ʋ na ɩ na k'ʋ taw pɩɛlɩ a dɩ̃dɔr bɩɩ a dɩ̃dɔr dàa, ʋʋ vʋr ʋ a tobr nɩ bʋ̃-cɩlʋ. A lɛn daar a, a sob nɛ na ɩ n a ʋ gbãgbaa kʋralɛ.
7Nɩr wa nyɔw a ʋ pɔwyaa kʋ̀ɔrɩ ʋ ɩ gbãgbaa a, a ʋ pɔwyaa ŋa kʋ̃ mɩ́ lɛb yi so ʋ tʋɔra, mɛ̃ a lɛ a na mɩ́ tu dɛbr na ɩ gbãgbaar a ƴãw ɛ. 8A ʋ zu-sob wa dà ʋ k'ʋʋ ɩ a ʋ pɔw kãw, ʋʋ bɛ wa pɛlɩ a ʋ pʋɔ a, ʋ na ɩ na bɛ ya de ʋ. Ʋ bɛ tɛr sɔ́r na kʋ̀ɔrɩ a powle kʋ̀ nɩ-bʋʋr-yoru ɛ: a na ɩ n zub ʋ zu a powle. 9Ʋlɛ wa dà ʋ a ʋ bidɛb ƴãw a, ʋ na tu n a powle zie mɛ̃ a lɛ bɛ na mɩ́ tu a powli kul-taa ƴãw a. 10A zu-sob wa de pɔw ƴãw pʋɔ a, ʋ na cãà na kʋ̀rɛ a dãw-niwn sob a bʋ̃-dɩrɩ, a bʋ̃-suuri, ɛ́ cãà lãwnɛ nɩ ʋ mɛ̃ a dãwdãw a. 11Ʋlɛ bɛ wa kʋ̀rɛ ʋ a bome ata á ŋá a, a pɔw na tʋ̃ɔ́ na yi so ʋ tʋɔra mɔlɛ, ɛ́ bɛ tɩr libir ɛ.»
A sãwna al na sɛwnɩ kũu a
12«Nɩr na ŋmɛ nɩr kʋ a, a fɛr'a kɛ́ bɛ kʋ ʋ#21:12 Nyɛ̃ Lev 24.17.. 13Ɛcɛ ʋlɛ bɛ wa jɩɛrɩ ʋ, ɛ́ ɩ Naaŋmɩn n'ʋ ɩ k'ʋ lo a ʋ nuru pʋɔ a, ɩ̃ na wul nyɩ nɩ zie a sob na na tʋ̃ɔ́ zɔ tɩ kpɛ naayir a. 14Ɛcɛ nɩr na bãw kɛ́ maalɩ yã kʋ a ʋ tɔ sob a, nyɩ na vɩr ʋ na faa a ɩ̃ bàwr-maal-kuur tɔr za ƴãw, kʋ ʋ#21:14 A bàwr-maal-kube nɩ a zi-son tɩ ɩ n naayir zɔ-kpɛb ziir sãwnɩ dem yaga ƴãw. Nyɛ̃ 1Na 1.50-53, 2.28-34..»
15«Nɩr na ŋmɛ ʋ sãà bɩɩ ʋ mã a, a fɛr'a bɛ kʋ ʋ.»
16«Nɩr na nyɔw nɩr a, ʋ kʋ̀ɔr'ʋ na bɩɩ ʋ cãà na tɛr ʋ a, a fɛr'a kɛ́ bɛ kʋ ʋ#21:16 Nyɛ̃ Wl-ayi 24.7..»
17«Nɩr na tʋ ʋ sãà bɩɩ ʋ mã a, a fɛr'a kɛ́ bɛ kʋ ʋ#21:17 Nyɛ̃ Lev 20.9, Mat 15.4, Mark 7.10..»
Nɩr bɛ na ŋmɛ ƴãw bàalʋ a yele
18«Nɩbɛ wa zɛbr taa, a kãw wa gùr nũu ŋmɛ n a ʋ tɔ sob, bɩɩ lɔb'ɩ ʋ kʋsɩɛr ʋ bɛ kpi ɛ́ gã bàalʋ a, 19ʋlɛ wa tʋ̃ɔ́ mɩ́ lɛb dĩ dàa ìr yi yẽw a, a sob nɛ na ŋmɛ ʋ a kʋ̃ nyɛ̃ dɔwrʋ ɛ. Ɛcɛ a na fɛr'a ʋ ya ʋ a ʋ gaa ʋ na gã bɛ tõ a, ɛ́ ƴãw bɛ sanɩ ʋ, ʋ tɩ kpɛ̃w.»
20«Nɩr wa de dàa ŋmɛ n a ʋ gbãgba-dɛb bɩɩ a ʋ gbãgba-pɔw ʋ kpi a, a fɛr'a kɛ́ bɛ ƴãw ʋ dɔwrʋ. 21Ɛcɛ a sob ʋ na ŋmɛ a wa maalɩ bibi-been bɩɩ bibie ayi ɛ́ bãw kpi a, bɛ bɛ ƴãwnɛ ʋ dɔwrʋ ɛ. Bʋ̃ʋ n'ʋ vɛ̃, ʋlɛ so ʋ gbãgbaa.»
22«Nɩbɛ wa zɛbr taa mʋɔr tɩ ŋmɛ pɔw-púor, a ɩ ʋ pʋ̃ɔ̀ dɔw, ɛ́ a bɛ ɩ ʋ faa a, a sãwna sob na ya n a san a pɔw sɩr na ŋmãa a, mɛ̃ a lɛ a yel-jielbɛ na jieli yel a. 23Ɛcɛ alɛ wa ɩ faa a pɔw zie a, a sãwna sob na nyɛ̃ nɩ dɔwrʋ: nyɔ-vʋʋrʋ ya nyɔ-vʋʋrʋ, 24mimir ya mimir, nyɩ́ɩm ya nyɩ́ɩm, nũu ya nũu, gbɛ́r ya gbɛ́r, 25bʋ̃-tʋlʋ na vaarɩ a ya bʋ̃-tʋlʋ na vaarɩ a, natɩr ya natɩr, ŋmɩɛrʋ ya ŋmɩɛrʋ.»
26«Nɩr wa ŋmɛ a ʋ gbãgbaa mimir kpol a, dɛb ʋ bɩɩ pɔw n'ʋ a, ʋ na bɛr ʋ na ʋ so ʋ tʋɔra, yaa a ʋ mimir san. 27A ʋ nyɩ́ɩm wa n'ʋ ʋ ŋmɛ ka a, ʋ mɩ̀ na bɛr ʋ na ʋ so tʋɔra, yaa a ʋ nyɩ́ɩm san.»
28«Nadɛr wa cɔ̀r dɛb bɩɩ pɔw kʋ a, bɛ na lɔb'ɩ ʋ nɩ kʋsɛbɛ kʋ, ɛ́ nɩr bɛ 'wɔbr a ʋ nɛn ɛ. A náab sob ʋl kʋ̃ tɛr sãwna ɩ. 29Ɛcɛ a nadɛr wa dãw ɩ na-wobra, bɛ yel kʋ̀ a náab sob ʋ bãwnɩ a, ɛ́ bɛ piwre ʋ, ʋʋ wa kʋ nɩr a, bɛ na lɔb'ɩ a nadɛr nɩ kʋsɛbɛ kʋ, ɛ́ bɛ mɩ̀ na kʋ n a náab sob. 30Bɛlɛ wa ŋmãa san kʋ̀ a nadɛr sob a, ʋ na tɩr'ɩ bom nɛ za bɛ na yel k'ʋʋ tɩr a, ya de nɩ a ʋ nyɔ-vʋʋrʋ. 31A nadɛr wa cɔ̀r dɛble bɩɩ powle kʋ a, a alɩ tub-been nɛ n'a bɛ na tu. 32A nadɛr wa cɔ̀r gbãgba-dɛb bɩɩ gbãgba-pɔw kʋ a, a nadɛr sob na kʋ̀ n a gbãgbaa sob salm-pla libie lɩzɛr'ɩ pie, ɛ́ bɛ lɔb a nadɛr nɩ kʋsɛbɛ kʋ.»
33Nɩr wa yuo sa-bie-kʋ̃ɔ-bɔw bɛr, bɛ pàw, bɩɩ ʋlɛ wa tuw a bɔw ŋa ɛ́ bɛ pàw, ɛ́ náab bɩɩ bõw wa lo a, 34ʋ na kʋ̀ n libie a dʋ̃w sob yaa a dʋ̃w san. A lɛn daar a, ʋlɛ na so a dʋ̃-kũu.
35«Nɩr nadɛr wa cɔ̀r ʋ tɔ sob nadɛr kʋ a, bɛ na kʋ̀ɔr'ɩ a nadɛr-mimir põ a libie, ɛ́ mɩ̀ cãà lãw a dʋ̃-kũu. 36Ɛcɛ bɛlɛ wa dãw bãw a nadɛr ʋ ɩ na-wobra, ɛ́ a náab sob bɛ piwri ʋ a, ʋ na tɩr'ɩ nadɛr-mimir lɩɛr'ɩ a nadɛr-kũu. A lɛn daar a, ʋlɛ na so a dʋ̃-kũu ʋ za.»
A dʋn zub yele
37«Nɩr wa zu náab, pɛrʋ bɩɩ bʋɔ a, al pùorí ʋ kʋ bɩɩ kʋ̀ɔrɩ a dʋ̃w a, ʋ na kʋ̀ n a dʋ̃w sob nĩi anũu, bɩɩ píir anaar, bɩɩ bʋʋr anaar yáa a san.»
Currently Selected:
Eziptɩ tẽw yib 21: DBDC
Highlight
Share
Copy
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Eziptɩ tẽw yib 21
21
Wulu na càarɩ a Ɩsɩrayɛl nɩbɛ na ɩ gbãgbaar a
1A Sore tɩ yel'a ƴãw pʋɔ: «Nyɛ̃ a wulu a mɩnɛ fʋ na na tɩ ƴɛ̀r wul a Ɩsɩrayɛl nɩbɛ a: 2Nyɩmɛ wa dà gbãgbaa ʋ ɩ Ebre nɩr a, ʋ na tõ n yome ayʋɔb. A yome ayopõi sob a, ʋ na tʋ̃ɔ́ na yi so ʋ tʋɔra cere, ɛ́ bɛ tɛr nɩr za san ɛ. 3A gbãgbaa nɛ wa ɩ dɛ-kʋɔr a ʋ waa daar a, ʋ na yi n ʋ yõ. Ɛ́ ʋlɛ wa kul pɔw a ʋ waa daar a, bɛ na lãw na yi. 4A ʋ zu-sob wa n'ʋ kʋ̀ ʋ pɔw, a pɔw dɔw bidɛbr bɩɩ pɔwyaar a, a ʋ zu-sob na so a pɔw nɩ a bibiir, ɛ́ a ʋl yi ʋ yõ. 5Ɛcɛ a gbãgbaa wa yel: “Ɩ̃ nɔnɛ nɩ a ɩ̃ zu-sob, a ɩ̃ pɔw nɩ a ɩ̃ bibiir, ɩ̃ bɛ bɔbr k'ɩ̃ɩ bɛr bɛ ɛ́ yi so ɩ̃ tʋɔra ɩ”, 6a ʋ zu-sob na ɩ na k'ʋ taw pɩɛlɩ a Naaŋmɩn, ʋ na ɩ na k'ʋ taw pɩɛlɩ a dɩ̃dɔr bɩɩ a dɩ̃dɔr dàa, ʋʋ vʋr ʋ a tobr nɩ bʋ̃-cɩlʋ. A lɛn daar a, a sob nɛ na ɩ n a ʋ gbãgbaa kʋralɛ.
7Nɩr wa nyɔw a ʋ pɔwyaa kʋ̀ɔrɩ ʋ ɩ gbãgbaa a, a ʋ pɔwyaa ŋa kʋ̃ mɩ́ lɛb yi so ʋ tʋɔra, mɛ̃ a lɛ a na mɩ́ tu dɛbr na ɩ gbãgbaar a ƴãw ɛ. 8A ʋ zu-sob wa dà ʋ k'ʋʋ ɩ a ʋ pɔw kãw, ʋʋ bɛ wa pɛlɩ a ʋ pʋɔ a, ʋ na ɩ na bɛ ya de ʋ. Ʋ bɛ tɛr sɔ́r na kʋ̀ɔrɩ a powle kʋ̀ nɩ-bʋʋr-yoru ɛ: a na ɩ n zub ʋ zu a powle. 9Ʋlɛ wa dà ʋ a ʋ bidɛb ƴãw a, ʋ na tu n a powle zie mɛ̃ a lɛ bɛ na mɩ́ tu a powli kul-taa ƴãw a. 10A zu-sob wa de pɔw ƴãw pʋɔ a, ʋ na cãà na kʋ̀rɛ a dãw-niwn sob a bʋ̃-dɩrɩ, a bʋ̃-suuri, ɛ́ cãà lãwnɛ nɩ ʋ mɛ̃ a dãwdãw a. 11Ʋlɛ bɛ wa kʋ̀rɛ ʋ a bome ata á ŋá a, a pɔw na tʋ̃ɔ́ na yi so ʋ tʋɔra mɔlɛ, ɛ́ bɛ tɩr libir ɛ.»
A sãwna al na sɛwnɩ kũu a
12«Nɩr na ŋmɛ nɩr kʋ a, a fɛr'a kɛ́ bɛ kʋ ʋ#21:12 Nyɛ̃ Lev 24.17.. 13Ɛcɛ ʋlɛ bɛ wa jɩɛrɩ ʋ, ɛ́ ɩ Naaŋmɩn n'ʋ ɩ k'ʋ lo a ʋ nuru pʋɔ a, ɩ̃ na wul nyɩ nɩ zie a sob na na tʋ̃ɔ́ zɔ tɩ kpɛ naayir a. 14Ɛcɛ nɩr na bãw kɛ́ maalɩ yã kʋ a ʋ tɔ sob a, nyɩ na vɩr ʋ na faa a ɩ̃ bàwr-maal-kuur tɔr za ƴãw, kʋ ʋ#21:14 A bàwr-maal-kube nɩ a zi-son tɩ ɩ n naayir zɔ-kpɛb ziir sãwnɩ dem yaga ƴãw. Nyɛ̃ 1Na 1.50-53, 2.28-34..»
15«Nɩr na ŋmɛ ʋ sãà bɩɩ ʋ mã a, a fɛr'a bɛ kʋ ʋ.»
16«Nɩr na nyɔw nɩr a, ʋ kʋ̀ɔr'ʋ na bɩɩ ʋ cãà na tɛr ʋ a, a fɛr'a kɛ́ bɛ kʋ ʋ#21:16 Nyɛ̃ Wl-ayi 24.7..»
17«Nɩr na tʋ ʋ sãà bɩɩ ʋ mã a, a fɛr'a kɛ́ bɛ kʋ ʋ#21:17 Nyɛ̃ Lev 20.9, Mat 15.4, Mark 7.10..»
Nɩr bɛ na ŋmɛ ƴãw bàalʋ a yele
18«Nɩbɛ wa zɛbr taa, a kãw wa gùr nũu ŋmɛ n a ʋ tɔ sob, bɩɩ lɔb'ɩ ʋ kʋsɩɛr ʋ bɛ kpi ɛ́ gã bàalʋ a, 19ʋlɛ wa tʋ̃ɔ́ mɩ́ lɛb dĩ dàa ìr yi yẽw a, a sob nɛ na ŋmɛ ʋ a kʋ̃ nyɛ̃ dɔwrʋ ɛ. Ɛcɛ a na fɛr'a ʋ ya ʋ a ʋ gaa ʋ na gã bɛ tõ a, ɛ́ ƴãw bɛ sanɩ ʋ, ʋ tɩ kpɛ̃w.»
20«Nɩr wa de dàa ŋmɛ n a ʋ gbãgba-dɛb bɩɩ a ʋ gbãgba-pɔw ʋ kpi a, a fɛr'a kɛ́ bɛ ƴãw ʋ dɔwrʋ. 21Ɛcɛ a sob ʋ na ŋmɛ a wa maalɩ bibi-been bɩɩ bibie ayi ɛ́ bãw kpi a, bɛ bɛ ƴãwnɛ ʋ dɔwrʋ ɛ. Bʋ̃ʋ n'ʋ vɛ̃, ʋlɛ so ʋ gbãgbaa.»
22«Nɩbɛ wa zɛbr taa mʋɔr tɩ ŋmɛ pɔw-púor, a ɩ ʋ pʋ̃ɔ̀ dɔw, ɛ́ a bɛ ɩ ʋ faa a, a sãwna sob na ya n a san a pɔw sɩr na ŋmãa a, mɛ̃ a lɛ a yel-jielbɛ na jieli yel a. 23Ɛcɛ alɛ wa ɩ faa a pɔw zie a, a sãwna sob na nyɛ̃ nɩ dɔwrʋ: nyɔ-vʋʋrʋ ya nyɔ-vʋʋrʋ, 24mimir ya mimir, nyɩ́ɩm ya nyɩ́ɩm, nũu ya nũu, gbɛ́r ya gbɛ́r, 25bʋ̃-tʋlʋ na vaarɩ a ya bʋ̃-tʋlʋ na vaarɩ a, natɩr ya natɩr, ŋmɩɛrʋ ya ŋmɩɛrʋ.»
26«Nɩr wa ŋmɛ a ʋ gbãgbaa mimir kpol a, dɛb ʋ bɩɩ pɔw n'ʋ a, ʋ na bɛr ʋ na ʋ so ʋ tʋɔra, yaa a ʋ mimir san. 27A ʋ nyɩ́ɩm wa n'ʋ ʋ ŋmɛ ka a, ʋ mɩ̀ na bɛr ʋ na ʋ so tʋɔra, yaa a ʋ nyɩ́ɩm san.»
28«Nadɛr wa cɔ̀r dɛb bɩɩ pɔw kʋ a, bɛ na lɔb'ɩ ʋ nɩ kʋsɛbɛ kʋ, ɛ́ nɩr bɛ 'wɔbr a ʋ nɛn ɛ. A náab sob ʋl kʋ̃ tɛr sãwna ɩ. 29Ɛcɛ a nadɛr wa dãw ɩ na-wobra, bɛ yel kʋ̀ a náab sob ʋ bãwnɩ a, ɛ́ bɛ piwre ʋ, ʋʋ wa kʋ nɩr a, bɛ na lɔb'ɩ a nadɛr nɩ kʋsɛbɛ kʋ, ɛ́ bɛ mɩ̀ na kʋ n a náab sob. 30Bɛlɛ wa ŋmãa san kʋ̀ a nadɛr sob a, ʋ na tɩr'ɩ bom nɛ za bɛ na yel k'ʋʋ tɩr a, ya de nɩ a ʋ nyɔ-vʋʋrʋ. 31A nadɛr wa cɔ̀r dɛble bɩɩ powle kʋ a, a alɩ tub-been nɛ n'a bɛ na tu. 32A nadɛr wa cɔ̀r gbãgba-dɛb bɩɩ gbãgba-pɔw kʋ a, a nadɛr sob na kʋ̀ n a gbãgbaa sob salm-pla libie lɩzɛr'ɩ pie, ɛ́ bɛ lɔb a nadɛr nɩ kʋsɛbɛ kʋ.»
33Nɩr wa yuo sa-bie-kʋ̃ɔ-bɔw bɛr, bɛ pàw, bɩɩ ʋlɛ wa tuw a bɔw ŋa ɛ́ bɛ pàw, ɛ́ náab bɩɩ bõw wa lo a, 34ʋ na kʋ̀ n libie a dʋ̃w sob yaa a dʋ̃w san. A lɛn daar a, ʋlɛ na so a dʋ̃-kũu.
35«Nɩr nadɛr wa cɔ̀r ʋ tɔ sob nadɛr kʋ a, bɛ na kʋ̀ɔr'ɩ a nadɛr-mimir põ a libie, ɛ́ mɩ̀ cãà lãw a dʋ̃-kũu. 36Ɛcɛ bɛlɛ wa dãw bãw a nadɛr ʋ ɩ na-wobra, ɛ́ a náab sob bɛ piwri ʋ a, ʋ na tɩr'ɩ nadɛr-mimir lɩɛr'ɩ a nadɛr-kũu. A lɛn daar a, ʋlɛ na so a dʋ̃-kũu ʋ za.»
A dʋn zub yele
37«Nɩr wa zu náab, pɛrʋ bɩɩ bʋɔ a, al pùorí ʋ kʋ bɩɩ kʋ̀ɔrɩ a dʋ̃w a, ʋ na kʋ̀ n a dʋ̃w sob nĩi anũu, bɩɩ píir anaar, bɩɩ bʋʋr anaar yáa a san.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.