Eziptɩ tẽw yib 34
34
A Moyiir na pɛnɩ a wulu kʋsɛ-pan-yoru a
1A Sore tɩ yel'ɩ a Moyiir: «Pɛnɩ kʋsɛ-pamɛ ayi mɛ̃ a dãw-niwn dem al fʋ na lɔb kar bɛr a. Ɩ̃ na sɛb'ɩ a nɛ-ƴãwnɩ na tɩ be a dãw-niwn dem zu a, ƴãw a zu. 2Cɔbrɩ gù a bio biɓaara. Do biɓaaralɛ a Sinayi tãw nyʋɔrɩ́ tɩ gùre mɛ̃ a be. 3Nɩr za taa bɩɛlɛ fʋ ɛ! Nɩr za mɩ̀ taa bere a tãw zu zie za ɩ. A píir, a bʋʋr nɩ a nĩi tɛɛ za, a taa 'wɔbr mʋ̃ɔ pɩɛlɩ a be ɩ!»
4A Moyiir tɩ pɛnɩ nɩ kʋsɛ-pamɛ ayi mɛ̃ a dãw-niwn dem a, ɛ́ dãwnɩ ìru tɛr a kʋsɛ-pamɛ ayi do n a Sinayi tãw zu, mɛ̃ a lɛ a Sore na tɩ yel kʋ̀ ʋ a. 5A Sore tɩ siw nɩ a zũzuwr pʋɔ wa àr a be kɔw a Moyiir. Ʋ tɩ bʋɔl'ɩ a ʋ yúor kɛ́: «Sore.» 6Al pùorí, ʋ tɩ tɔl'ɩ a Moyiir niŋé, ɛ́ yel kpɛ̃w za: «Mãa n'ɩ a Sore! Ɩ̃ ɩ n Naaŋmɩn na ɩ pʋ-pɩɛlʋ sob, ɛ́ zɔrɛ nɩbaalʋ a, a suur na bɛ pawr, ɛ́ a nɔ̃wfʋ bɛ dɩ vuo, ɛ́ ŋmɛ̃ ʋ ŋmɛ̃a a. 7Ɩ̃ mɩ́ wul'ɩ a ɩ̃ nɔ̃wfʋ a nɩsaalbɛ tɩ ta bɛ na dɔw tu taa gb'aa túr a, ɩ̃ mɩ́ nyɛrɛ nɩ a yel-bebe, a nɛ́ɛ-zawrʋ nɩ a sãwna kɛ́ bɛrɛ. Ɛcɛ ɩ̃ bɛ yere k'aa sãwna sob bɛ tɛr sãwna ɩ. Nɩr na maalɩ yel-bier a, ɩ̃ mɩ́ dɔwr'ʋ na, ʋlɛ nɩ a ʋ bibiir nɩ a ʋ bʋʋrɛ, tɩ ta bɛ na dɔw tu taa gb'a ata bɩɩ gb'a anaar a.»
8A Moyiir tɩ gbĩ n dume daadaalɛ, gũu tɩ tɔ tẽw. 9Al pùorí ʋ yel: «Sore e, a fʋ pʋɔ na pɛlɩ a ɩ̃ ƴãw a, ɩ̃ zɛlɛ fʋ na, wa bɩɛlɛ tɩ. Ɩ̃ bãwnɩ a na a nɩbɛ bɛ ŋa zuru na kpɛmɛ a, ɛcɛ dɩ a tɩ yel-bebe nɩ a tɩ sãwna suur kʋ̀ tɩ, ɛ́ ɩ tɩ ɩ a fʋ sób.»
A Naaŋmɩn lɛb'a maalɩ a wõ-taa
10A Sore tɩ yel'ɩ a Moyiir: «Ɩ̃ na maal'ɩ nyɩ nɩ wõ-taa. Ɩ̃ na maal'ɩ nɔ-ɓãa-yele a fʋ nɩbɛ za niŋé, nɔ-ɓãa-yele nɩr na bɛ dãw nyɛ̃ a tẽw zu zie kãw za, nɩ tẽw kãw za pʋɔ a. A Ɩsɩrayɛl nɩbɛ na jil koli fʋ a na nyɛ̃ nɩ a lɛ a tome na bɛ tɛr dɩ̃ɛnʋ ɩ̃ na na lãwnɩ fʋ tõ a.
11Nyɩ tuur a lɛ ɩ̃ na yere kʋ̀rɛ nyɩ a dɩ̃a a vla. Ɩ̃ na diw nɩ a Amoritɩ mɩnɛ, a Kanãa tẽw dem, a Hititɩ mɩnɛ, a Perizitɩ mɩnɛ, a Hivitɩ mɩnɛ nɩ a Zebizitɩ mɩnɛ a nyɩ niŋé. 12Nyɩ gù vla taa maalɛ nɩ wõ-taa a tẽw nyɩ na cere a nɩbɛ ɩ. A na ɩ n bɛra pʋɔ nyɩ lo. 13Nyɩ na nɩ̃ɛ na mɩ́ ŋmɛr a bɛ bàwr-maal-kube bɛr, ŋmɛ a bɛ kʋsɛ-teli kar, ɛ́ cɛ̀ a bɛ dà-barɩ ŋma#34:13 Nyɛ̃ Wl-ayi 16.21-22.. 14Nyɩ kʋ̃ gbĩ dume gũu tɩ tɔ tẽw ŋmɩn-yũo niŋé ɩ, bʋ̃ʋ n'ʋ vɛ̃, a mãa Sore a, a ɩ̃ yúor dɩ na kɛ́ “Nyuur sob#34:14 Nyuur sob: Nyɛ̃ 20.5 nɩ a manʋ na manɩ a be a.”, ɩ̃ ɩ n Naaŋmɩn na kpɛ nyuur a. 15A na ɩ à ŋá a, nyɩ taa maalɛ nɩ wõ-taa a tẽw nɛ nɩbɛ ɩ. Alɛ bɛ ɩ lɛ, bɛlɛ wa maalɛ a bɛ tɩbɛ a, bɛ nãà mab'a bʋɔlɩ nyɩ, nyɩ tɩ mab dɩ a bɛ bàwr-maal-bome. 16Nyɩ nãà mab'a de pɔwbɛ a bɛ pʋɔ kʋ̀ a nyɩ bibiir, a pɔwbɛ bɛ ŋa mɩ̀ taw bɛ tu n a tɩbɛ maalʋ pùor.
17Nyɩ kʋ̃ nyɩl kure maal'ɩ ŋmɩmɛ dasuli ɛ.
18Nyɩ na mɩ́ maal'ɩ a dipɛ̃ na bɛ ƴãw dãbɩl a cuw. Nyɩ na mɩ́ 'wɔb'ɩ dipɛ̃ na bɛ ƴãw dãbɩl a, bibie ayopõi a Abɩb cuw pʋɔ, mɛ̃ a lɛ ɩ̃ na ƴãw a nʋɔr kʋ̀ nyɩ a. Bʋ̃ʋ n'ʋ vɛ̃, a Abɩb cuw pʋɔ n'a nyɩ yi a Eziptɩ.
19Mãa so bidɛb-dãw-dɔwra za, lãwnɩ a dʋn bil-dãw-dɔwrɩ. Náab, pɛ́rʋ bɩɩ bʋɔ bil-dãw na ɩ bʋ̃-daa a, a fɛr'a kɛ́ bɛ de ʋ kʋ̀ m#34:19 Nyɛ̃ 13.2, Sɔr-n 3.13, Luk 2.23.. 20Ɛcɛ a bõw-nyãw bil-daa dãw-niwn sob a, nyɩ na tɛw nɩ ʋ nɩ pele bɩɩ bʋle, bɩɩ nyɩ na ŋmɛ ʋ nɩ a kpalimí#34:20 Ŋmɛ a kpalimí kʋ: Nyɛ̃ 13.13. kʋ. A nyɩ nɩbɛ dɛbli-dãw-dɔwrɩ bɛl a, nyɩ na mɩ́ ya na de bɛ.
Nyɩ bɛ waar a ɩ̃ zi-sõw pʋɔ nɩ nũ-zawlɛ ɩ. 21Nyɩ na mɩ́ tõ n bibie ayʋɔb, ɛ́ a bibie ayopõi sob nyɩ bɛr a tome. A kɔb daar bɩɩ a bʋ̃-dieri-deb daar saa n'a a, nyɩ na mɩ́ bɛr'ɩ a tome.
22Nyɩ na mɩ́ maal'ɩ a Dàrʋ cuw cuw, a lɛn daar nyɩ na ŋmarɛ a ble zu-dan a, ɛ́ maalɩ a Bʋ̃-dieri-deb cuw a yũon baarʋ daar.
23A nyɩ dɛbr za na mɩ́ wa n gb'a ata a yũon pʋɔ a ɩ̃ niŋé, a mãa na ɩ a Sore, a Ɩsɩrayɛl Naaŋmɩn a. 24Ɩ̃ na diw nɩ tẽ-ɓile nɩbɛ a nyɩ niŋé, ɛ́ ɩ a nyɩ tẽw ʋ kpɛ kpɛ̃ɛ, ɛ́ nɩr za kʋ̃ mɩ́ bɔbr k'ʋʋ de a nyɩ tẽw, a gb'a ata al nyɩ na na mɩ́ cen a ɩ̃ zi-sõw pʋɔ a yũon pʋɔ a ɩ.
25Nyɩmɛ wa kʋrɛ dʋn kʋ̀rɛ mɛ̃ a, nyɩ bɛ lãwnɛ nɩ dipɛ̃ na ƴãw dãbɩl a ɩ. A Tɔl-gãw bàwr nɛn bɛ vɩɛrɛ bio ɛ. 26Nyɩ na mɩ́ wa n nɩ a nyɩ póru bʋ̃-dan a Sore nyɩ Naaŋmɩn yir. Nyɩ bɛ dʋwr bʋle a ʋ mã bʋ̀rʋ pʋɔ ɩ.»
27A Sore tɩ cãà na yel a Moyiir: «Sɛb a nɛ-ƴãwnɩ á ŋá. Bʋ̃ʋ n'ʋ vɛ̃, a al zũu n'a ɩ̃ maalɛ nɩ fʋ a wõ-taa, ɛ́ mɩ̀ maalɛ nɩ a Ɩsɩrayɛl nɩbɛ.» 28A Moyiir tɩ maal'ɩ bibie lɩz'a ayi nɩ tɩ̃ɩsɔwr lɩz'a ayi a Sinayi tãw zu be, ʋlɛ nɩ a Sore, ɛ́ bɛ dɩ bom bɛ nyũ bom ɛ. Ʋ tɩ sɛb'ɩ a wõ-taa ƴɛ̀r-bie ƴãw a kʋsɛ-pamɛ zu, a nɛ-ƴãwnɩ pie.
A Moyiir yi n a tãw zu lɛb siw
29A Moyiir tɩ yi n a tãw zu lɛb siw, ɛ́ tɛr a wõ-taa kʋsɛ-pamɛ ayi a ʋ nuru pʋɔ. Ʋ bɛ tɩ bãw k'aa ʋ niwn nyɩwrɛ na, ʋlɛ nɩ a Naaŋmɩn na tɩ lãw ƴɛ̀r a ƴãw ɛ. 30A Aarɔ̃ nɩ a Ɩsɩrayɛl nɩbɛ za na tɩ nyɛ̃ a Moyiir niwn ʋ nyɩwrɛ a, bɛ tɩ zɔrɛ nɩ dɛ̃bɩ̃ɛ a ʋ taw-pɩɛlʋ ƴãw. 31A Moyiir tɩ bʋɔlɩ bɛ na, lɛ n'a a Aarɔ̃ nɩ a nɩbɛ nɩ-bɛrɛ za tɩ wa a ʋ zie, ʋ wa ƴɛ̀r'ɩ bɛ. 32Al pùorí, a Ɩsɩrayɛl nɩbɛ za na cɛ a tɩ taw na ta. A Moyiir tɩ manɩ nɩ a nɛ-ƴãwnɩ za a Sore na kʋ̀ ʋ a Sinayi tãw zu a kʋ̀ bɛ.
33A Moyiir na wa ƴɛ̀r a bɛ zie baarɩ a, ʋ de nɩ pɛn pàw a ʋ niwn. 34A lɛ dɛ n'a, a Moyiir mɩ́ wa kpɩɛr a Sore niŋé k'ʋʋ tɩ ƴɛ̀r'ɩ ʋ a, ʋ mɩ́ ír'ɩ a pɛn bɛr. Ɛ́ ʋlɛ wa yire k'ʋʋ tɩ yel a lɛ a Sore na yel a kʋ̀ a Ɩsɩrayɛl nɩbɛ a, 35bɛ mɩ́ nyɛ̃ nɩ a ʋ niwn na nyɩwrɛ a. Al pùorí, a Moyiir mɩ́ tɩ lɛb'a de a pɛn pàw nɩ a ʋ niwn, ɛ́ gù ʋ wa tɩ lɛb cen tɩ ƴɛ̀r'ɩ a Naaŋmɩn.
Currently Selected:
Eziptɩ tẽw yib 34: DBDC
Highlight
Share
Copy
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Eziptɩ tẽw yib 34
34
A Moyiir na pɛnɩ a wulu kʋsɛ-pan-yoru a
1A Sore tɩ yel'ɩ a Moyiir: «Pɛnɩ kʋsɛ-pamɛ ayi mɛ̃ a dãw-niwn dem al fʋ na lɔb kar bɛr a. Ɩ̃ na sɛb'ɩ a nɛ-ƴãwnɩ na tɩ be a dãw-niwn dem zu a, ƴãw a zu. 2Cɔbrɩ gù a bio biɓaara. Do biɓaaralɛ a Sinayi tãw nyʋɔrɩ́ tɩ gùre mɛ̃ a be. 3Nɩr za taa bɩɛlɛ fʋ ɛ! Nɩr za mɩ̀ taa bere a tãw zu zie za ɩ. A píir, a bʋʋr nɩ a nĩi tɛɛ za, a taa 'wɔbr mʋ̃ɔ pɩɛlɩ a be ɩ!»
4A Moyiir tɩ pɛnɩ nɩ kʋsɛ-pamɛ ayi mɛ̃ a dãw-niwn dem a, ɛ́ dãwnɩ ìru tɛr a kʋsɛ-pamɛ ayi do n a Sinayi tãw zu, mɛ̃ a lɛ a Sore na tɩ yel kʋ̀ ʋ a. 5A Sore tɩ siw nɩ a zũzuwr pʋɔ wa àr a be kɔw a Moyiir. Ʋ tɩ bʋɔl'ɩ a ʋ yúor kɛ́: «Sore.» 6Al pùorí, ʋ tɩ tɔl'ɩ a Moyiir niŋé, ɛ́ yel kpɛ̃w za: «Mãa n'ɩ a Sore! Ɩ̃ ɩ n Naaŋmɩn na ɩ pʋ-pɩɛlʋ sob, ɛ́ zɔrɛ nɩbaalʋ a, a suur na bɛ pawr, ɛ́ a nɔ̃wfʋ bɛ dɩ vuo, ɛ́ ŋmɛ̃ ʋ ŋmɛ̃a a. 7Ɩ̃ mɩ́ wul'ɩ a ɩ̃ nɔ̃wfʋ a nɩsaalbɛ tɩ ta bɛ na dɔw tu taa gb'aa túr a, ɩ̃ mɩ́ nyɛrɛ nɩ a yel-bebe, a nɛ́ɛ-zawrʋ nɩ a sãwna kɛ́ bɛrɛ. Ɛcɛ ɩ̃ bɛ yere k'aa sãwna sob bɛ tɛr sãwna ɩ. Nɩr na maalɩ yel-bier a, ɩ̃ mɩ́ dɔwr'ʋ na, ʋlɛ nɩ a ʋ bibiir nɩ a ʋ bʋʋrɛ, tɩ ta bɛ na dɔw tu taa gb'a ata bɩɩ gb'a anaar a.»
8A Moyiir tɩ gbĩ n dume daadaalɛ, gũu tɩ tɔ tẽw. 9Al pùorí ʋ yel: «Sore e, a fʋ pʋɔ na pɛlɩ a ɩ̃ ƴãw a, ɩ̃ zɛlɛ fʋ na, wa bɩɛlɛ tɩ. Ɩ̃ bãwnɩ a na a nɩbɛ bɛ ŋa zuru na kpɛmɛ a, ɛcɛ dɩ a tɩ yel-bebe nɩ a tɩ sãwna suur kʋ̀ tɩ, ɛ́ ɩ tɩ ɩ a fʋ sób.»
A Naaŋmɩn lɛb'a maalɩ a wõ-taa
10A Sore tɩ yel'ɩ a Moyiir: «Ɩ̃ na maal'ɩ nyɩ nɩ wõ-taa. Ɩ̃ na maal'ɩ nɔ-ɓãa-yele a fʋ nɩbɛ za niŋé, nɔ-ɓãa-yele nɩr na bɛ dãw nyɛ̃ a tẽw zu zie kãw za, nɩ tẽw kãw za pʋɔ a. A Ɩsɩrayɛl nɩbɛ na jil koli fʋ a na nyɛ̃ nɩ a lɛ a tome na bɛ tɛr dɩ̃ɛnʋ ɩ̃ na na lãwnɩ fʋ tõ a.
11Nyɩ tuur a lɛ ɩ̃ na yere kʋ̀rɛ nyɩ a dɩ̃a a vla. Ɩ̃ na diw nɩ a Amoritɩ mɩnɛ, a Kanãa tẽw dem, a Hititɩ mɩnɛ, a Perizitɩ mɩnɛ, a Hivitɩ mɩnɛ nɩ a Zebizitɩ mɩnɛ a nyɩ niŋé. 12Nyɩ gù vla taa maalɛ nɩ wõ-taa a tẽw nyɩ na cere a nɩbɛ ɩ. A na ɩ n bɛra pʋɔ nyɩ lo. 13Nyɩ na nɩ̃ɛ na mɩ́ ŋmɛr a bɛ bàwr-maal-kube bɛr, ŋmɛ a bɛ kʋsɛ-teli kar, ɛ́ cɛ̀ a bɛ dà-barɩ ŋma#34:13 Nyɛ̃ Wl-ayi 16.21-22.. 14Nyɩ kʋ̃ gbĩ dume gũu tɩ tɔ tẽw ŋmɩn-yũo niŋé ɩ, bʋ̃ʋ n'ʋ vɛ̃, a mãa Sore a, a ɩ̃ yúor dɩ na kɛ́ “Nyuur sob#34:14 Nyuur sob: Nyɛ̃ 20.5 nɩ a manʋ na manɩ a be a.”, ɩ̃ ɩ n Naaŋmɩn na kpɛ nyuur a. 15A na ɩ à ŋá a, nyɩ taa maalɛ nɩ wõ-taa a tẽw nɛ nɩbɛ ɩ. Alɛ bɛ ɩ lɛ, bɛlɛ wa maalɛ a bɛ tɩbɛ a, bɛ nãà mab'a bʋɔlɩ nyɩ, nyɩ tɩ mab dɩ a bɛ bàwr-maal-bome. 16Nyɩ nãà mab'a de pɔwbɛ a bɛ pʋɔ kʋ̀ a nyɩ bibiir, a pɔwbɛ bɛ ŋa mɩ̀ taw bɛ tu n a tɩbɛ maalʋ pùor.
17Nyɩ kʋ̃ nyɩl kure maal'ɩ ŋmɩmɛ dasuli ɛ.
18Nyɩ na mɩ́ maal'ɩ a dipɛ̃ na bɛ ƴãw dãbɩl a cuw. Nyɩ na mɩ́ 'wɔb'ɩ dipɛ̃ na bɛ ƴãw dãbɩl a, bibie ayopõi a Abɩb cuw pʋɔ, mɛ̃ a lɛ ɩ̃ na ƴãw a nʋɔr kʋ̀ nyɩ a. Bʋ̃ʋ n'ʋ vɛ̃, a Abɩb cuw pʋɔ n'a nyɩ yi a Eziptɩ.
19Mãa so bidɛb-dãw-dɔwra za, lãwnɩ a dʋn bil-dãw-dɔwrɩ. Náab, pɛ́rʋ bɩɩ bʋɔ bil-dãw na ɩ bʋ̃-daa a, a fɛr'a kɛ́ bɛ de ʋ kʋ̀ m#34:19 Nyɛ̃ 13.2, Sɔr-n 3.13, Luk 2.23.. 20Ɛcɛ a bõw-nyãw bil-daa dãw-niwn sob a, nyɩ na tɛw nɩ ʋ nɩ pele bɩɩ bʋle, bɩɩ nyɩ na ŋmɛ ʋ nɩ a kpalimí#34:20 Ŋmɛ a kpalimí kʋ: Nyɛ̃ 13.13. kʋ. A nyɩ nɩbɛ dɛbli-dãw-dɔwrɩ bɛl a, nyɩ na mɩ́ ya na de bɛ.
Nyɩ bɛ waar a ɩ̃ zi-sõw pʋɔ nɩ nũ-zawlɛ ɩ. 21Nyɩ na mɩ́ tõ n bibie ayʋɔb, ɛ́ a bibie ayopõi sob nyɩ bɛr a tome. A kɔb daar bɩɩ a bʋ̃-dieri-deb daar saa n'a a, nyɩ na mɩ́ bɛr'ɩ a tome.
22Nyɩ na mɩ́ maal'ɩ a Dàrʋ cuw cuw, a lɛn daar nyɩ na ŋmarɛ a ble zu-dan a, ɛ́ maalɩ a Bʋ̃-dieri-deb cuw a yũon baarʋ daar.
23A nyɩ dɛbr za na mɩ́ wa n gb'a ata a yũon pʋɔ a ɩ̃ niŋé, a mãa na ɩ a Sore, a Ɩsɩrayɛl Naaŋmɩn a. 24Ɩ̃ na diw nɩ tẽ-ɓile nɩbɛ a nyɩ niŋé, ɛ́ ɩ a nyɩ tẽw ʋ kpɛ kpɛ̃ɛ, ɛ́ nɩr za kʋ̃ mɩ́ bɔbr k'ʋʋ de a nyɩ tẽw, a gb'a ata al nyɩ na na mɩ́ cen a ɩ̃ zi-sõw pʋɔ a yũon pʋɔ a ɩ.
25Nyɩmɛ wa kʋrɛ dʋn kʋ̀rɛ mɛ̃ a, nyɩ bɛ lãwnɛ nɩ dipɛ̃ na ƴãw dãbɩl a ɩ. A Tɔl-gãw bàwr nɛn bɛ vɩɛrɛ bio ɛ. 26Nyɩ na mɩ́ wa n nɩ a nyɩ póru bʋ̃-dan a Sore nyɩ Naaŋmɩn yir. Nyɩ bɛ dʋwr bʋle a ʋ mã bʋ̀rʋ pʋɔ ɩ.»
27A Sore tɩ cãà na yel a Moyiir: «Sɛb a nɛ-ƴãwnɩ á ŋá. Bʋ̃ʋ n'ʋ vɛ̃, a al zũu n'a ɩ̃ maalɛ nɩ fʋ a wõ-taa, ɛ́ mɩ̀ maalɛ nɩ a Ɩsɩrayɛl nɩbɛ.» 28A Moyiir tɩ maal'ɩ bibie lɩz'a ayi nɩ tɩ̃ɩsɔwr lɩz'a ayi a Sinayi tãw zu be, ʋlɛ nɩ a Sore, ɛ́ bɛ dɩ bom bɛ nyũ bom ɛ. Ʋ tɩ sɛb'ɩ a wõ-taa ƴɛ̀r-bie ƴãw a kʋsɛ-pamɛ zu, a nɛ-ƴãwnɩ pie.
A Moyiir yi n a tãw zu lɛb siw
29A Moyiir tɩ yi n a tãw zu lɛb siw, ɛ́ tɛr a wõ-taa kʋsɛ-pamɛ ayi a ʋ nuru pʋɔ. Ʋ bɛ tɩ bãw k'aa ʋ niwn nyɩwrɛ na, ʋlɛ nɩ a Naaŋmɩn na tɩ lãw ƴɛ̀r a ƴãw ɛ. 30A Aarɔ̃ nɩ a Ɩsɩrayɛl nɩbɛ za na tɩ nyɛ̃ a Moyiir niwn ʋ nyɩwrɛ a, bɛ tɩ zɔrɛ nɩ dɛ̃bɩ̃ɛ a ʋ taw-pɩɛlʋ ƴãw. 31A Moyiir tɩ bʋɔlɩ bɛ na, lɛ n'a a Aarɔ̃ nɩ a nɩbɛ nɩ-bɛrɛ za tɩ wa a ʋ zie, ʋ wa ƴɛ̀r'ɩ bɛ. 32Al pùorí, a Ɩsɩrayɛl nɩbɛ za na cɛ a tɩ taw na ta. A Moyiir tɩ manɩ nɩ a nɛ-ƴãwnɩ za a Sore na kʋ̀ ʋ a Sinayi tãw zu a kʋ̀ bɛ.
33A Moyiir na wa ƴɛ̀r a bɛ zie baarɩ a, ʋ de nɩ pɛn pàw a ʋ niwn. 34A lɛ dɛ n'a, a Moyiir mɩ́ wa kpɩɛr a Sore niŋé k'ʋʋ tɩ ƴɛ̀r'ɩ ʋ a, ʋ mɩ́ ír'ɩ a pɛn bɛr. Ɛ́ ʋlɛ wa yire k'ʋʋ tɩ yel a lɛ a Sore na yel a kʋ̀ a Ɩsɩrayɛl nɩbɛ a, 35bɛ mɩ́ nyɛ̃ nɩ a ʋ niwn na nyɩwrɛ a. Al pùorí, a Moyiir mɩ́ tɩ lɛb'a de a pɛn pàw nɩ a ʋ niwn, ɛ́ gù ʋ wa tɩ lɛb cen tɩ ƴɛ̀r'ɩ a Naaŋmɩn.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.