Yele-za-pɛr-tib 14
14
A Abram zɛb'a tʋ̃ɔ́ na-mɩnɛ
1A ʋlɩ daar nɛ, Mezopotami nãà Amirafɛl, Elasaar nãà Ariyɔkɩ, Elam nãà Kedoor-Lawomɛɛr nɩ Goyim nãà Tidal 2tɩ ìr'a zɛbr'ɩ Sodɔm nãà Bera, Gomɔɔr nãà Bɩrsa, Adima nãà Sɩnaavʋ, Sevoyim nãà Semevɛɛr nɩ Sowaar nãà Bɛla. 3A na-mɩnɛ anũu bɛ ŋa tɩ ɓã n taa a Sidim bà-fʋɔla pʋɔ, a kʋ̃ɔ-kpɛ̃ɛ-kũu na paalɩ pàw dɩ̃a a. 4Yome pie nɩ ayi ƴãw a, a Kedoor-Lawomɛɛr tɩ so bɛ na, ɛcɛ a yome pie nɩ ata sob a, bɛ tɩ gaarɩ na bɛ cãà sàwr ʋ na so bɛ ɩ. 5A yome pie nɩ anaar sob a, a Kedoor-Lawomɛɛr tɩ ìr'a wa, ʋlɛ nɩ a na-mɩnɛ bɛl na wõ taa a. Bɛ tɩ zɛb'a tʋ̃ɔ́ a Erefayitɩ mɩnɛ Asɩtarɔtɩ-Karnayim, tʋ̃ɔ́ a Zuzitɩ mɩnɛ Ham, ɛ́ tʋ̃ɔ́ a Emitɩ mɩnɛ Save-Kiriyatayim tɩ̃tal pʋɔ. 6Horitɩ mɩnɛ bɛl a, a bɛ tẽw pʋɔ n'a bɛ tɩ zɛb tʋ̃ɔ́ bɛ, a Seyiir tan pʋɔ. Bɛ tɩ diw bɛ na tɩ sãá nɩ Ɛl-Paran na pɩɛlɩ a wɛja-kpalɛ a. 7Al pùorí, bɛ tɩ lɛb'a wa Ɛɩn-Mɩsɩpatɩ lowr, a pɛr lɛ kɛ́ a Kadɛsɩ. Bɛ tɩ sãw nɩ a Amalesitɩ mɩnɛ tẽw bʋ̃-zaalɛ, ɛ́ mɩ̀ zɛb tʋ̃ɔ́ a Amoritɩ mɩnɛ na tɩ kpɩɛr a Hasason-Tamaar a. 8A Sodɔm, a Gomɔɔr, a Adima, a Sevoyim nɩ a Bɛla, a pɛr lɛ kɛ́ a Sowaar na tɩ ɩ a tẽ-bɛrɛ a, a bɛ na-mɩnɛ tɩ ɩ n a bɛ zɛbr-nɩbɛ bɛ yi. Bɛ tɩ pɩɛrɩ nɩ a Sidim fʋɔla pʋɔ, 9kɛ́ bɛ zɛb'ɩ a Elam nãà Kedoor-Lawomɛɛr, a Goyim nãà Tidal, a Mezopotami nãà Amirafɛl, a Elasaar nãà Ariyɔkɩ: na-mɩnɛ anũu nɩ na-mɩnɛ anaar'a tɩ tuori taa. 10Gudurɔ̃ buli#14:10 Nyɛ̃ 11.3. tɩ yãwmɛ nɩ a Sidim fʋɔla pʋɔ. A Sodɔm nɩ a Gomɔɔr na-mɩnɛ tɩ zɔrɛ na tɩ lo a buli pʋɔ. A bɛl na tɩ cɛ a tɩ zɔ na kpɛ a tan pʋɔ. 11A bɛlɩ dem na tɩ zɛb tʋ̃ɔ́ a tɩ wob'ɩ a Sodɔm nɩ a Gomɔɔr bome za, nɩ a bʋ̃-dɩrɩ za, tɔl cen nɩ. 12A Abram yɛb bidɛb Lɔtɩ tɩ kpɩɛr'ɩ a Sodɔm. Bɛ mɩ̀ tɩ tɛr ʋ na, lãwnɩ a ʋ bʋ̃-tɛrɩ za cen nɩ.
13Nɩr kãw na zɔ cɩ̃ɛ a tɩ wa na wa yel a yel kʋ̀ a Abram na ɩ ebre ɛ́ tɩ kpɩɛr a Amoritɩ dɔɔ Mamire sɛn tɩɩr pɛr a. A Mamire tɩ ɩ n Ɛsɩkɔl nɩ Anɛɛr yɛb. Bɛ za ata nɩ a Abram tɩ maal'ɩ wõ-taa. 14A Abram na wa wõ kɛ́ bɛ nyɔw nɩ a ʋ yɛb bidɛb a, ʋ cɔbr'ɩ a ʋ nɩbɛ na ɩ a ʋ dɔwlʋ nɩbɛ a, a zɛbr ƴãw, nɩbɛ kɔbr ata dɔwlɩ nɩbɛ pie nɩ ani (318), ta tu n a dɔ̃ dem tɩ sãá nɩ Dan. 15A Abram tɩ bʋ́r bʋ́r'ɩ a ʋ nɩbɛ tɩ lo n a ʋ dɔ̃ dem zu tɩ̃ɩsɔw. Ʋ tɩ pɔb bɛ na, ɛ́ diw bɛ tɩ ta n Hova na be a Damasɩ saa-pɛrɩ́-gʋba-lowr a. 16Ʋ tɩ lɛb'a de a bome za wa n. Ʋ mɩ̀ tɩ tɛr'ɩ a ʋ yɛb bidɛb Lɔtɩ lɛb wa n, lãwnɩ a ʋ bʋ̃-tɛrɩ nɩ a pɔwbɛ nɩ a nɩbɛ bɛ na nyɔw cen nɩ a.
17A Abram na tɩ zɛb tʋ̃ɔ́ a Kedoor-Lawomɛɛr nɩ a na-mɩnɛ na wõ taa nɩ ʋ, ɛ́ lɛb waar a, a Sodɔm nãà tɩ wa na wa tuor'ʋ a Save fʋɔla pʋɔ, a pɛr lɛ kɛ́ a Nãà fʋɔla.
18Mɛlkɩsedɛkɩ#14:18 Mɛlkɩsedɛkɩ: A yúor ŋa pɛr'ɩ “nãà na ɩ nɩ-mɩŋa a, bɩɩ mɩnʋ nãà”. Nyɛ̃ Ssy 110.4, Eb 7.1-10. — Salɛm: A Zerizalɛm yúor kãw n'ʋ. Nyɛ̃ Ssy 76.3. Nɩbɛ bɛ mɩnɛ tɩ́ɛrɛ k'aa Salɛm pɩɛl'ɩ a Sɩsɛm tẽw. na tɩ ɩ Salɛm tẽw nãà a ɛ́ ɩ a Naaŋmɩn-na-do-saa-bɛ-pɩɛl-a bàwr-maalɛ a, tɩ wa n nɩ dipɛ̃ nɩ divɛ̃. 19Ʋ tɩ ƴɛ̀r'ɩ nɔ-vla ƴãw a Abram yel à ŋá: «A Naaŋmɩn-na-do-saa-bɛ-pɩɛl-a na ír a salom nɩ a tẽw a, ʋ maalɩ a Abram! 20A Naaŋmɩn-na-do-saa-bɛ-pɩɛl-a tɛr'ɩ danʋ, ʋl na ƴãw a fʋ dɔ̃ dem a fʋ nuru pʋɔ a!» A Abram tɩ põ nɩ a bome za ʋ na zɛb fa a ziir pie, ír zi-been kʋ̀ ʋ.
21A Sodɔm nãà tɩ yel'ɩ a Abram: «Kʋ̀ m a nɩbɛ, ɛ́ tɛr a bome fʋ na zɛb fa a.» 22A Abram tɩ sɔw ʋ na: «Ɩ̃ tur'ɩ nũu cɔw a Sore, a Naaŋmɩn-na-do-saa-bɛ-pɩɛl-a na ír a salom nɩ a tẽw a: 23Ɩ̃ pɔ na k'ɩ̃ɩ bɛ dier a fʋ bʋ̃-sora been kãw za ɩ, ʋlɛ mɩ̀ saa ɩ fomiwr bɩɩ nafawr bʋ̃-'lena a. A lɛ pʋɔ a, fʋ kʋ̃ tʋ̃ɔ́ yel: “Mãa n'ʋ ɩ a Abram ʋ kpɛ naalʋ.” 24Ɩ̃ bɛ dier bom za mãa mɩŋa ƴãw ɛ. A al a ɩ̃ nɩbɛ na dɩ a tɛwr'a ɩ̃ sàw. Ɛ́ a Anɛɛr, a Ɛsɩkɔl nɩ a Mamire na lãwnɩ mɛ̃ zɛb a dem a, bɛl mɩŋa nɛbɛ na de a.»
Currently Selected:
Yele-za-pɛr-tib 14: DBDC
Highlight
Share
Copy
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Yele-za-pɛr-tib 14
14
A Abram zɛb'a tʋ̃ɔ́ na-mɩnɛ
1A ʋlɩ daar nɛ, Mezopotami nãà Amirafɛl, Elasaar nãà Ariyɔkɩ, Elam nãà Kedoor-Lawomɛɛr nɩ Goyim nãà Tidal 2tɩ ìr'a zɛbr'ɩ Sodɔm nãà Bera, Gomɔɔr nãà Bɩrsa, Adima nãà Sɩnaavʋ, Sevoyim nãà Semevɛɛr nɩ Sowaar nãà Bɛla. 3A na-mɩnɛ anũu bɛ ŋa tɩ ɓã n taa a Sidim bà-fʋɔla pʋɔ, a kʋ̃ɔ-kpɛ̃ɛ-kũu na paalɩ pàw dɩ̃a a. 4Yome pie nɩ ayi ƴãw a, a Kedoor-Lawomɛɛr tɩ so bɛ na, ɛcɛ a yome pie nɩ ata sob a, bɛ tɩ gaarɩ na bɛ cãà sàwr ʋ na so bɛ ɩ. 5A yome pie nɩ anaar sob a, a Kedoor-Lawomɛɛr tɩ ìr'a wa, ʋlɛ nɩ a na-mɩnɛ bɛl na wõ taa a. Bɛ tɩ zɛb'a tʋ̃ɔ́ a Erefayitɩ mɩnɛ Asɩtarɔtɩ-Karnayim, tʋ̃ɔ́ a Zuzitɩ mɩnɛ Ham, ɛ́ tʋ̃ɔ́ a Emitɩ mɩnɛ Save-Kiriyatayim tɩ̃tal pʋɔ. 6Horitɩ mɩnɛ bɛl a, a bɛ tẽw pʋɔ n'a bɛ tɩ zɛb tʋ̃ɔ́ bɛ, a Seyiir tan pʋɔ. Bɛ tɩ diw bɛ na tɩ sãá nɩ Ɛl-Paran na pɩɛlɩ a wɛja-kpalɛ a. 7Al pùorí, bɛ tɩ lɛb'a wa Ɛɩn-Mɩsɩpatɩ lowr, a pɛr lɛ kɛ́ a Kadɛsɩ. Bɛ tɩ sãw nɩ a Amalesitɩ mɩnɛ tẽw bʋ̃-zaalɛ, ɛ́ mɩ̀ zɛb tʋ̃ɔ́ a Amoritɩ mɩnɛ na tɩ kpɩɛr a Hasason-Tamaar a. 8A Sodɔm, a Gomɔɔr, a Adima, a Sevoyim nɩ a Bɛla, a pɛr lɛ kɛ́ a Sowaar na tɩ ɩ a tẽ-bɛrɛ a, a bɛ na-mɩnɛ tɩ ɩ n a bɛ zɛbr-nɩbɛ bɛ yi. Bɛ tɩ pɩɛrɩ nɩ a Sidim fʋɔla pʋɔ, 9kɛ́ bɛ zɛb'ɩ a Elam nãà Kedoor-Lawomɛɛr, a Goyim nãà Tidal, a Mezopotami nãà Amirafɛl, a Elasaar nãà Ariyɔkɩ: na-mɩnɛ anũu nɩ na-mɩnɛ anaar'a tɩ tuori taa. 10Gudurɔ̃ buli#14:10 Nyɛ̃ 11.3. tɩ yãwmɛ nɩ a Sidim fʋɔla pʋɔ. A Sodɔm nɩ a Gomɔɔr na-mɩnɛ tɩ zɔrɛ na tɩ lo a buli pʋɔ. A bɛl na tɩ cɛ a tɩ zɔ na kpɛ a tan pʋɔ. 11A bɛlɩ dem na tɩ zɛb tʋ̃ɔ́ a tɩ wob'ɩ a Sodɔm nɩ a Gomɔɔr bome za, nɩ a bʋ̃-dɩrɩ za, tɔl cen nɩ. 12A Abram yɛb bidɛb Lɔtɩ tɩ kpɩɛr'ɩ a Sodɔm. Bɛ mɩ̀ tɩ tɛr ʋ na, lãwnɩ a ʋ bʋ̃-tɛrɩ za cen nɩ.
13Nɩr kãw na zɔ cɩ̃ɛ a tɩ wa na wa yel a yel kʋ̀ a Abram na ɩ ebre ɛ́ tɩ kpɩɛr a Amoritɩ dɔɔ Mamire sɛn tɩɩr pɛr a. A Mamire tɩ ɩ n Ɛsɩkɔl nɩ Anɛɛr yɛb. Bɛ za ata nɩ a Abram tɩ maal'ɩ wõ-taa. 14A Abram na wa wõ kɛ́ bɛ nyɔw nɩ a ʋ yɛb bidɛb a, ʋ cɔbr'ɩ a ʋ nɩbɛ na ɩ a ʋ dɔwlʋ nɩbɛ a, a zɛbr ƴãw, nɩbɛ kɔbr ata dɔwlɩ nɩbɛ pie nɩ ani (318), ta tu n a dɔ̃ dem tɩ sãá nɩ Dan. 15A Abram tɩ bʋ́r bʋ́r'ɩ a ʋ nɩbɛ tɩ lo n a ʋ dɔ̃ dem zu tɩ̃ɩsɔw. Ʋ tɩ pɔb bɛ na, ɛ́ diw bɛ tɩ ta n Hova na be a Damasɩ saa-pɛrɩ́-gʋba-lowr a. 16Ʋ tɩ lɛb'a de a bome za wa n. Ʋ mɩ̀ tɩ tɛr'ɩ a ʋ yɛb bidɛb Lɔtɩ lɛb wa n, lãwnɩ a ʋ bʋ̃-tɛrɩ nɩ a pɔwbɛ nɩ a nɩbɛ bɛ na nyɔw cen nɩ a.
17A Abram na tɩ zɛb tʋ̃ɔ́ a Kedoor-Lawomɛɛr nɩ a na-mɩnɛ na wõ taa nɩ ʋ, ɛ́ lɛb waar a, a Sodɔm nãà tɩ wa na wa tuor'ʋ a Save fʋɔla pʋɔ, a pɛr lɛ kɛ́ a Nãà fʋɔla.
18Mɛlkɩsedɛkɩ#14:18 Mɛlkɩsedɛkɩ: A yúor ŋa pɛr'ɩ “nãà na ɩ nɩ-mɩŋa a, bɩɩ mɩnʋ nãà”. Nyɛ̃ Ssy 110.4, Eb 7.1-10. — Salɛm: A Zerizalɛm yúor kãw n'ʋ. Nyɛ̃ Ssy 76.3. Nɩbɛ bɛ mɩnɛ tɩ́ɛrɛ k'aa Salɛm pɩɛl'ɩ a Sɩsɛm tẽw. na tɩ ɩ Salɛm tẽw nãà a ɛ́ ɩ a Naaŋmɩn-na-do-saa-bɛ-pɩɛl-a bàwr-maalɛ a, tɩ wa n nɩ dipɛ̃ nɩ divɛ̃. 19Ʋ tɩ ƴɛ̀r'ɩ nɔ-vla ƴãw a Abram yel à ŋá: «A Naaŋmɩn-na-do-saa-bɛ-pɩɛl-a na ír a salom nɩ a tẽw a, ʋ maalɩ a Abram! 20A Naaŋmɩn-na-do-saa-bɛ-pɩɛl-a tɛr'ɩ danʋ, ʋl na ƴãw a fʋ dɔ̃ dem a fʋ nuru pʋɔ a!» A Abram tɩ põ nɩ a bome za ʋ na zɛb fa a ziir pie, ír zi-been kʋ̀ ʋ.
21A Sodɔm nãà tɩ yel'ɩ a Abram: «Kʋ̀ m a nɩbɛ, ɛ́ tɛr a bome fʋ na zɛb fa a.» 22A Abram tɩ sɔw ʋ na: «Ɩ̃ tur'ɩ nũu cɔw a Sore, a Naaŋmɩn-na-do-saa-bɛ-pɩɛl-a na ír a salom nɩ a tẽw a: 23Ɩ̃ pɔ na k'ɩ̃ɩ bɛ dier a fʋ bʋ̃-sora been kãw za ɩ, ʋlɛ mɩ̀ saa ɩ fomiwr bɩɩ nafawr bʋ̃-'lena a. A lɛ pʋɔ a, fʋ kʋ̃ tʋ̃ɔ́ yel: “Mãa n'ʋ ɩ a Abram ʋ kpɛ naalʋ.” 24Ɩ̃ bɛ dier bom za mãa mɩŋa ƴãw ɛ. A al a ɩ̃ nɩbɛ na dɩ a tɛwr'a ɩ̃ sàw. Ɛ́ a Anɛɛr, a Ɛsɩkɔl nɩ a Mamire na lãwnɩ mɛ̃ zɛb a dem a, bɛl mɩŋa nɛbɛ na de a.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.