Yele-za-pɛr-tib 18
18
A Naaŋmɩn yere na k'aa Saara na tɛr'ɩ bidɛb
1A Sore tɩ ɩ na a Abraham nyɛ̃ ʋ a Mamire sɛn tɩɩr pɛr. A Abraham tɩ zɩ̃ n a ʋ pɛn-sɛw dɩ̃dɔrɩ́, a tʋl-hɛ̃hɛ̃ daar. 2Ʋ wa dʋɔ nɩ zu nyɛ̃ nɩbɛ ata bɛ àr a ʋ nidaa. Ʋ na wa nyɛrɛ bɛ wa báarɛ a, ʋ yi n a pɛn-sɛw dɩ̃dɔrɩ́ zɔ tuori bɛ, tɩ gũu tɩ tɔ tẽw, 3ɛ́ yel: «Nɩ-kpɛ̃ɛ ɛ, a fʋ pʋɔ wa pɛlɩ a ɩ̃ ƴãw a, fʋ̃ʋ sàw tɛw àr a mãa fʋ tõ-tõ-bie zie. 4Bɛ na wa n nɩ kʋ̃ɔ blã nyɩ wa pɛ́w gbɛ́ɛ, ɛ́ pɩ̃ɛnɩ a tɩɛ ŋa pile. 5Ɩ̃ na wa n nɩ bʋ̃-kãw nyɩ wa dɩ tʋ̃ɔ́ lɛb tɛr fãw, al pùorí, nyɩ na cãà na lo a nyɩ sɔ́r cere. Lɛ n'a nyɩ kʋ̃ tu yi a ɩ̃ zie zawlalɛ ɩ.» A sɔr-cenbɛ tɩ sɔw na: «A vɩɛl'a! Ɩ a lɛ fʋ na yel a.» 6Lɛ n'a a Abraham tɩ paw cen a pɛn-sɛw pʋɔ tɩ yel a Saara: «Paw fɔ̃w! De kilo#18:6 Kilo: A kilogɩram'ʋ bɛ pʋ̃ɔ bʋɔlɛ a kilo a ka. A kilogɩram been ɩ n gɩram túr. A kilo ɩ n tɩbrʋ bʋ̃-mána. lɩzɛr'ɩ anũu zɔ̃-bàalʋ bàalʋ bu maal'ɩ sɛ̃sɛ̃.» 7Al pùorí ʋ zɔ cen a dʋn pʋɔ tɩ kaa ír náli-'wɔr a nɛn na bɛ varmɛ̃ a, wa kʋ̀ a ʋ tõ-tõ-bie ʋ cɔbrɩ fɔ̃wlɛ.
8A nɛn na wa bɩ baar'a, a Abraham de ʋ na wa bin a bɛ niŋé, lãwnɩ bʋ̀r-kũu nɩ bʋ̀r-kʋ̃ɔ. Bɛ tɩ dɩrɛ na, ɛ́ a Abraham àr kɔw bɛ a tɩɛ pile. 9Bɛ tɩ sowr'ʋ na: «Nyɩnɛ n'a a fʋ pɔw Saara be?» Ʋ sɔw: «Ʋ be n a pɛn-sɛw pʋɔ.» 10A bɛ kãw tɩ yel'a: «Vɩɛr, ɩ̃ na lɛb'a wa a fʋ zie à à ŋá tɔ-won, ɛ́ a fʋ pɔw Saara na tɛr'ɩ dɛble.»
A Saara tɩ be n a pɛn-sɛw dɩ̃dɔr nʋɔr a Abraham zikurí ɛ́ bɛrɛ wone. 11A Abraham nɩ a Saara tɩ kor'ɩ bɛ za, ɛ́ a Saara bɛ tɩ cãà lore sɩɛ ɩ. 12A Saara tɩ laar'ɩ gbililɛ ɛ́ tɩ́ɛrɛ ʋ pʋɔ: «À à ŋá ɩ̃ na kor a, bʋ̃ʋ nʋ̃ɔ̀ na ɩ̃ pãa na lɛb tʋ̃ɔ́ wõ? Ɛ́ a ɩ̃ sɩr'ɩ ŋan kor tɩ kor!» 13A Sore tɩ yel'ɩ a Abraham: «Bʋ̃ʋ n'ʋ so a Saara la? Bʋ̃ʋ n'ʋ so ʋ tɩɛr'ɩ ʋ pʋɔ: “Ɩ̃ na tʋ̃ɔ́ na lɛb tɛr bie e, mãa na kor sɛw à ŋá a?” 14Bom be n be a Sore kʋ̃ tʋ̃ɔ́ ɩ ɛ? Mãa wa lɛb wa a fʋ zie a vɩɛr à à ŋá tɔ-won a, a Saara na tɛr'ɩ dɛble.» 15Dɛ̃bɩ̃ɛ tɩ kpɛ n a Saara, ʋ ciiri yel: «Ɩ̃ bɛ la ɩ.» A Sore sɔw: «Ziri, fʋ la na!»
A Abraham zɛlɛ nɩ a Naaŋmɩn a Sodɔm tẽw ƴãw
16A nɩbɛ bɛl tɩ ìr'a lo a sɔ́r, ɛ́ jɩ́rɛ Sodɔm lowr. A Abraham tɩ páw bɛ na cere, k'ʋʋ ƴãw bɛ sɔ́rɩ́. 17A Sore tɩ tɩɛr'ɩ ʋ pʋɔ: «Ɩ̃ bɛ bɔbr k'ɩ̃ɩ sɔwlɩ a Abraham a ʋlɩ bom nɛ ɩ̃ na na ɩ a ɩ. 18Ʋ na lɩɛb'ɩ nɩ-bʋʋrɛ na yãwmɛ ɛ́ tɛr fãw a sãàkʋm. A ʋ ƴãw n'a ɩ̃ na maalɩ a tẽw zu nɩ-bʋʋrɛ za. 19Ɩ̃ kaa na ír ʋ k'ʋʋ yel a ʋ bidɛbr nɩ a ʋ yir dem a ʋ pùorí, kɛ́ bɛ sàwr a ɩ̃ nɛ-ƴãwnɩ, tuur a mɩnʋ nɩ a yel-na-tu-sɔr-a. Lɛ n'a ɩ̃ na kʋ̀ ʋ a ʋlɩ bom nɛ ɩ̃ na yel k'ɩ̃ɩ na kʋ̀ ʋ na a.» 20Lɛ n'a a Sore tɩ yel a Abraham: «A Sodɔm nɩ a Gomɔɔr sãwna bɛ na yere a kpɛ n faa yaga, ɛ́ a bɛ yel-bebe bɛrmɛ yaga za. 21Ɩ̃ na siw na tɩ nyɛ̃ bɛlɛ wa sɩrɩ ɩ mɛ̃ a lɛ ɩ̃ na wone bɛ yere a. Lɛ bɛ wa n'a a, ɩ̃ mɩ̀ na cãà na bãw.»
22A sãanbɛ ayi tɩ yi n a be cere Sodɔm lowr, ɛ́ a Abraham tɩ cãà àr a Sore niŋé. 23A Abraham tɩ taw na pɩɛlɩ ɛ́ yel: «Sore e, sɩza n'a fʋ na kʋ a nɩ-mɩŋa lãwnɩ a sãwna sob bɩɩ? 24Kapaw, nɩ-mɩn lɩz'a ayi nɩ pie be n a Sodɔm, fʋ na cãà na sãw a tẽ-kpɛ̃ɛ ŋa bɛr bɩɩ? Fʋ kʋ̃ dɩ suur kʋ̀ ʋ, a nɩ-mɩn lɩz'a ayi nɩ pie na be a ʋ pʋɔ a ƴãw ɛ? 25Fʋ ɩ a nɩ-mɩŋa ʋ kpi lãwnɩ a sãwna sob i? Aɩ, fʋ kʋ̃ tʋ̃ɔ́ ɩ à à ŋá ɩ! Fʋ ɩ a nɩ-mɩŋa mɛ̃ a sãwna sob a? A ɩb ŋa tɔ a, ʋ zãá nɩ fʋ! A tẽw za ƴɛ̀r-maalɛ kʋ̃ ɩ a lɛ-na-tu-sɔr-a bɩɩ?» 26A Sore tɩ sɔw na: «Mãa wa nyɛ̃ nɩ-mɩn lɩz'a ayi nɩ pie a Sodɔm a, ɩ̃ na dɩ n suur kʋ̀ a tẽw za a bɛ ƴãw.»
27A Abraham lɛb yel: «Fʋ gaafara Sore e, ɩ̃ na sʋ̃ɔmɩ sàw ƴɛ̀rɛ a fʋ zie, mãa na bɛ ɩ bom za a. 28Kapaw, nɩbɛ anũu nɛbɛ kʋ̃ ka be bɛ na ɩ a lɩz'a ayi nɩ pie ɩ. A nɩbɛ anũu ƴãw, fʋ na sãw nɩ a tẽw za bɛr bɩɩ?» A Sore sɔw: «Mãa wa nyɛ̃ nɩ-mɩn lɩz'a ayi nɩ anũu a ʋ pʋɔ a, ɩ̃ bɛ sãwnɛ ʋ bɛrɛ ɩ.»
29A Abraham tɩ lɛb'a de a ƴɛ̀rʋ yel: «Kapaw, nɩbɛ lɩz'a ayi tɛwr'a bɛ na nyɛ̃.» A Sore yel: «A nɩbɛ lɩz'a ayi ƴãw a, ɩ̃ bɛ ɩrɛ bom za ɩ.»
30A Abraham yel: «Ɩ̃ zɛlɛ fʋ na Sore e, taa nyɛrɛ suur ɛ, mãa wa cãà ƴɛ̀rɛ a. Kapaw, bɛ na ɩ n lɩzɛr'ɩ pie tɛwr a be.» A Sore sɔw: «Mãa wa nyɛ̃ nɩ-mɩn lɩzɛr'ɩ pie a tẽw pʋɔ a, ɩ̃ bɛ ɩrɛ bom ɛ.»
31A Abraham yel: «Sore e, fʋ gaafara, mãa wa kpɛ pʋra cãà ƴɛ̀rɛ a. Kapaw, lɩzɛr tɛwr'a bɛ na nyɛ̃.» A Sore sɔw: «A nɩ-mɩn lɩzɛr bɛ ŋa ƴãw a, ɩ̃ bɛ sãwnɛ a tẽw bɛrɛ ɩ.»
32A Abraham tɩ lɛb'a yel: «Ɩ̃ zɛlɛ fʋ na Sore e, taa nyɛrɛ suur ɛ, ɩ̃ pãa na baa na ƴɛ̀r. Kapaw, pie tɛwr'a bɛ na nyɛ̃ a be.» A Sore sɔw: «A nɩ-mɩn pie bɛ ŋa ƴãw a, ɩ̃ bɛ sãwnɛ a tẽw bɛrɛ ɩ.»
33A Sore na tɩ ƴɛ̀r a Abraham zie baar'a, ʋ tɔl'a cen, ɛ́ a Abraham lɛb kul.
Currently Selected:
Yele-za-pɛr-tib 18: DBDC
Highlight
Share
Copy
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Yele-za-pɛr-tib 18
18
A Naaŋmɩn yere na k'aa Saara na tɛr'ɩ bidɛb
1A Sore tɩ ɩ na a Abraham nyɛ̃ ʋ a Mamire sɛn tɩɩr pɛr. A Abraham tɩ zɩ̃ n a ʋ pɛn-sɛw dɩ̃dɔrɩ́, a tʋl-hɛ̃hɛ̃ daar. 2Ʋ wa dʋɔ nɩ zu nyɛ̃ nɩbɛ ata bɛ àr a ʋ nidaa. Ʋ na wa nyɛrɛ bɛ wa báarɛ a, ʋ yi n a pɛn-sɛw dɩ̃dɔrɩ́ zɔ tuori bɛ, tɩ gũu tɩ tɔ tẽw, 3ɛ́ yel: «Nɩ-kpɛ̃ɛ ɛ, a fʋ pʋɔ wa pɛlɩ a ɩ̃ ƴãw a, fʋ̃ʋ sàw tɛw àr a mãa fʋ tõ-tõ-bie zie. 4Bɛ na wa n nɩ kʋ̃ɔ blã nyɩ wa pɛ́w gbɛ́ɛ, ɛ́ pɩ̃ɛnɩ a tɩɛ ŋa pile. 5Ɩ̃ na wa n nɩ bʋ̃-kãw nyɩ wa dɩ tʋ̃ɔ́ lɛb tɛr fãw, al pùorí, nyɩ na cãà na lo a nyɩ sɔ́r cere. Lɛ n'a nyɩ kʋ̃ tu yi a ɩ̃ zie zawlalɛ ɩ.» A sɔr-cenbɛ tɩ sɔw na: «A vɩɛl'a! Ɩ a lɛ fʋ na yel a.» 6Lɛ n'a a Abraham tɩ paw cen a pɛn-sɛw pʋɔ tɩ yel a Saara: «Paw fɔ̃w! De kilo#18:6 Kilo: A kilogɩram'ʋ bɛ pʋ̃ɔ bʋɔlɛ a kilo a ka. A kilogɩram been ɩ n gɩram túr. A kilo ɩ n tɩbrʋ bʋ̃-mána. lɩzɛr'ɩ anũu zɔ̃-bàalʋ bàalʋ bu maal'ɩ sɛ̃sɛ̃.» 7Al pùorí ʋ zɔ cen a dʋn pʋɔ tɩ kaa ír náli-'wɔr a nɛn na bɛ varmɛ̃ a, wa kʋ̀ a ʋ tõ-tõ-bie ʋ cɔbrɩ fɔ̃wlɛ.
8A nɛn na wa bɩ baar'a, a Abraham de ʋ na wa bin a bɛ niŋé, lãwnɩ bʋ̀r-kũu nɩ bʋ̀r-kʋ̃ɔ. Bɛ tɩ dɩrɛ na, ɛ́ a Abraham àr kɔw bɛ a tɩɛ pile. 9Bɛ tɩ sowr'ʋ na: «Nyɩnɛ n'a a fʋ pɔw Saara be?» Ʋ sɔw: «Ʋ be n a pɛn-sɛw pʋɔ.» 10A bɛ kãw tɩ yel'a: «Vɩɛr, ɩ̃ na lɛb'a wa a fʋ zie à à ŋá tɔ-won, ɛ́ a fʋ pɔw Saara na tɛr'ɩ dɛble.»
A Saara tɩ be n a pɛn-sɛw dɩ̃dɔr nʋɔr a Abraham zikurí ɛ́ bɛrɛ wone. 11A Abraham nɩ a Saara tɩ kor'ɩ bɛ za, ɛ́ a Saara bɛ tɩ cãà lore sɩɛ ɩ. 12A Saara tɩ laar'ɩ gbililɛ ɛ́ tɩ́ɛrɛ ʋ pʋɔ: «À à ŋá ɩ̃ na kor a, bʋ̃ʋ nʋ̃ɔ̀ na ɩ̃ pãa na lɛb tʋ̃ɔ́ wõ? Ɛ́ a ɩ̃ sɩr'ɩ ŋan kor tɩ kor!» 13A Sore tɩ yel'ɩ a Abraham: «Bʋ̃ʋ n'ʋ so a Saara la? Bʋ̃ʋ n'ʋ so ʋ tɩɛr'ɩ ʋ pʋɔ: “Ɩ̃ na tʋ̃ɔ́ na lɛb tɛr bie e, mãa na kor sɛw à ŋá a?” 14Bom be n be a Sore kʋ̃ tʋ̃ɔ́ ɩ ɛ? Mãa wa lɛb wa a fʋ zie a vɩɛr à à ŋá tɔ-won a, a Saara na tɛr'ɩ dɛble.» 15Dɛ̃bɩ̃ɛ tɩ kpɛ n a Saara, ʋ ciiri yel: «Ɩ̃ bɛ la ɩ.» A Sore sɔw: «Ziri, fʋ la na!»
A Abraham zɛlɛ nɩ a Naaŋmɩn a Sodɔm tẽw ƴãw
16A nɩbɛ bɛl tɩ ìr'a lo a sɔ́r, ɛ́ jɩ́rɛ Sodɔm lowr. A Abraham tɩ páw bɛ na cere, k'ʋʋ ƴãw bɛ sɔ́rɩ́. 17A Sore tɩ tɩɛr'ɩ ʋ pʋɔ: «Ɩ̃ bɛ bɔbr k'ɩ̃ɩ sɔwlɩ a Abraham a ʋlɩ bom nɛ ɩ̃ na na ɩ a ɩ. 18Ʋ na lɩɛb'ɩ nɩ-bʋʋrɛ na yãwmɛ ɛ́ tɛr fãw a sãàkʋm. A ʋ ƴãw n'a ɩ̃ na maalɩ a tẽw zu nɩ-bʋʋrɛ za. 19Ɩ̃ kaa na ír ʋ k'ʋʋ yel a ʋ bidɛbr nɩ a ʋ yir dem a ʋ pùorí, kɛ́ bɛ sàwr a ɩ̃ nɛ-ƴãwnɩ, tuur a mɩnʋ nɩ a yel-na-tu-sɔr-a. Lɛ n'a ɩ̃ na kʋ̀ ʋ a ʋlɩ bom nɛ ɩ̃ na yel k'ɩ̃ɩ na kʋ̀ ʋ na a.» 20Lɛ n'a a Sore tɩ yel a Abraham: «A Sodɔm nɩ a Gomɔɔr sãwna bɛ na yere a kpɛ n faa yaga, ɛ́ a bɛ yel-bebe bɛrmɛ yaga za. 21Ɩ̃ na siw na tɩ nyɛ̃ bɛlɛ wa sɩrɩ ɩ mɛ̃ a lɛ ɩ̃ na wone bɛ yere a. Lɛ bɛ wa n'a a, ɩ̃ mɩ̀ na cãà na bãw.»
22A sãanbɛ ayi tɩ yi n a be cere Sodɔm lowr, ɛ́ a Abraham tɩ cãà àr a Sore niŋé. 23A Abraham tɩ taw na pɩɛlɩ ɛ́ yel: «Sore e, sɩza n'a fʋ na kʋ a nɩ-mɩŋa lãwnɩ a sãwna sob bɩɩ? 24Kapaw, nɩ-mɩn lɩz'a ayi nɩ pie be n a Sodɔm, fʋ na cãà na sãw a tẽ-kpɛ̃ɛ ŋa bɛr bɩɩ? Fʋ kʋ̃ dɩ suur kʋ̀ ʋ, a nɩ-mɩn lɩz'a ayi nɩ pie na be a ʋ pʋɔ a ƴãw ɛ? 25Fʋ ɩ a nɩ-mɩŋa ʋ kpi lãwnɩ a sãwna sob i? Aɩ, fʋ kʋ̃ tʋ̃ɔ́ ɩ à à ŋá ɩ! Fʋ ɩ a nɩ-mɩŋa mɛ̃ a sãwna sob a? A ɩb ŋa tɔ a, ʋ zãá nɩ fʋ! A tẽw za ƴɛ̀r-maalɛ kʋ̃ ɩ a lɛ-na-tu-sɔr-a bɩɩ?» 26A Sore tɩ sɔw na: «Mãa wa nyɛ̃ nɩ-mɩn lɩz'a ayi nɩ pie a Sodɔm a, ɩ̃ na dɩ n suur kʋ̀ a tẽw za a bɛ ƴãw.»
27A Abraham lɛb yel: «Fʋ gaafara Sore e, ɩ̃ na sʋ̃ɔmɩ sàw ƴɛ̀rɛ a fʋ zie, mãa na bɛ ɩ bom za a. 28Kapaw, nɩbɛ anũu nɛbɛ kʋ̃ ka be bɛ na ɩ a lɩz'a ayi nɩ pie ɩ. A nɩbɛ anũu ƴãw, fʋ na sãw nɩ a tẽw za bɛr bɩɩ?» A Sore sɔw: «Mãa wa nyɛ̃ nɩ-mɩn lɩz'a ayi nɩ anũu a ʋ pʋɔ a, ɩ̃ bɛ sãwnɛ ʋ bɛrɛ ɩ.»
29A Abraham tɩ lɛb'a de a ƴɛ̀rʋ yel: «Kapaw, nɩbɛ lɩz'a ayi tɛwr'a bɛ na nyɛ̃.» A Sore yel: «A nɩbɛ lɩz'a ayi ƴãw a, ɩ̃ bɛ ɩrɛ bom za ɩ.»
30A Abraham yel: «Ɩ̃ zɛlɛ fʋ na Sore e, taa nyɛrɛ suur ɛ, mãa wa cãà ƴɛ̀rɛ a. Kapaw, bɛ na ɩ n lɩzɛr'ɩ pie tɛwr a be.» A Sore sɔw: «Mãa wa nyɛ̃ nɩ-mɩn lɩzɛr'ɩ pie a tẽw pʋɔ a, ɩ̃ bɛ ɩrɛ bom ɛ.»
31A Abraham yel: «Sore e, fʋ gaafara, mãa wa kpɛ pʋra cãà ƴɛ̀rɛ a. Kapaw, lɩzɛr tɛwr'a bɛ na nyɛ̃.» A Sore sɔw: «A nɩ-mɩn lɩzɛr bɛ ŋa ƴãw a, ɩ̃ bɛ sãwnɛ a tẽw bɛrɛ ɩ.»
32A Abraham tɩ lɛb'a yel: «Ɩ̃ zɛlɛ fʋ na Sore e, taa nyɛrɛ suur ɛ, ɩ̃ pãa na baa na ƴɛ̀r. Kapaw, pie tɛwr'a bɛ na nyɛ̃ a be.» A Sore sɔw: «A nɩ-mɩn pie bɛ ŋa ƴãw a, ɩ̃ bɛ sãwnɛ a tẽw bɛrɛ ɩ.»
33A Sore na tɩ ƴɛ̀r a Abraham zie baar'a, ʋ tɔl'a cen, ɛ́ a Abraham lɛb kul.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.