Yele-za-pɛr-tib 31
31
1Ʋ tɩ wõ na k'aa Labã bidɛbr yere na: «A Zakɔb faa nɩ a tɩ sãà bome za, alɛ n'a ʋ kpɛ n a naalʋ sɛw à à ŋá.» 2A Zakɔb tɩ jɩ́r'ɩ a Labã niwn, ɛ́ nyɛ̃ k'ʋʋ bɛ cãà ɩrɛ a ʋ zie mɛ̃ a dãwdãw a ɩ. 3Lɛ n'a a Sore tɩ yel a Zakɔb: «Lɛb cen a fʋ sãà mɩnɛ tẽw, a fʋ yir dem zie: ɩ̃ na be n a fʋ zie.»
4A Zakɔb tɩ ƴãw na a Arasɛl nɩ a Leya wa a póru pʋɔ ʋ na tɩ be nɩ a dʋn a, 5ʋ wa yel bɛ: «Ɩ̃ nyɛ̃ na k'aa nyɩ sãà bɛ cãà ɩrɛ a ɩ̃ zie mɛ̃ a koro za a ɩ, ɛcɛ a ɩ̃ sãà Naaŋmɩn bɛ bɛr mɛ̃ ɩ. 6Nyɩ bãwnɩ a na ɩ̃ na ƴãw a ɩ̃ fãw za tõ a nyɩ sãà tome a, 7ɛcɛ ʋ bɛlɩ mɛ̃ na, lɩɛbɩ a ɩ̃ sã-ya bɛr gb'aa pie. Ɛcɛ Naaŋmɩn bɛ bɛr ʋ màl mɛ̃ ɩ. 8Ʋlɛ wa yel: “A dʋn na ɩ kpɛrɛ a n'a na ɩ a fʋ sã-ya a”, a dʋ̃-nyan za mɩ́ dɔw nɩ bili na ɩ kpɛrɛ a. Ɛ́ ʋlɛ mɩ̀ lɛb wa yel: “A dʋ̃-cʋɔrɛ na ɩ n a fʋ sã-ya a”, a dʋ̃-nyan za mɩ́ dɔw nɩ bili na ɩ cʋɔrɛ a. 9A Naaŋmɩn n'ʋ faa a nyɩ sãà dʋn kʋ̀ m. 10A lɛ a dʋn na mɩ́ man kɛ́ dúor taa a, bom ŋa n'ʋ ɩ̃ gã zanɩ nyɛ̃: a pʋ́rɩ na tɩ dúor a pi-nyan nɩ a bʋʋr a tɩ ɩ n cʋɔrɛ, kpɛrɛ nɩ ɓalɛ. 11A Naaŋmɩn malkɩ tɩ bʋɔlɩ mɛ̃ nɩ zánʋ pʋɔ: “Zakɔb i!” Ɩ̃ sɔw: “Mãa n'ɩ ŋan.” 12Ʋ yel mɛ̃: “A pʋ́rɩ za na dúor a pi-nyan bɩɩ a bʋ-nyan a, a ɩ n cʋɔrɛ, kpɛrɛ bɩɩ ɓalɛ. Ɩ̃ na nyɛ̃ a lɛ a Labã na ɩ b a n'a so a ɩ à à ŋá. 13Mãa n'ɩ a Naaŋmɩn ʋl na ɩ fʋ nyɛ̃ m a Betɛl, a be fʋ na maalɩ kʋsɛ-tela ɛ́ kõ nʋɔr a ɩ̃ zie a. Ƴɛrɛŋa a, ìr, bɛr a tẽw ŋa ɛ́ lɛb cen a fʋ tẽw”.» 14A Arasɛl nɩ a Leya tɩ sɔw nɩ a Zakɔb à ŋá: «Tɩ cãà na tɛr gbã-dɩ-bom a tɩ sãà yir pʋɔ ɔ? 15Ʋ nyɛ̃ tɩ na tɩ ɩ sãanbɛ. Bʋ̃ʋ n'ʋ vɛ̃, ʋ kʋɔrɩ tɩ na, ɛ́ cãà lɛb dɩ a libie ʋ nãá tɩ kʋ̀ tɩ a. 16Lɛ so, a na-bome za a Naaŋmɩn na faa a tɩ sãà zie a, tɩɩm nɩ a tɩ bibiir so a. Ƴɛrɛŋa a, ɩ a lɛ za a Naaŋmɩn na yel kʋ̀ b a.»
17A Zakɔb tɩ ìr'a ƴãw a ʋ bidɛbr nɩ a ʋ pɔwbɛ zɔm a nyɔ̃wmɩ. 18Ʋ tɩ tɛr'ɩ a ʋ dʋn za nɩ a ʋ bome za ʋ na páw a Mezopotami tẽw Saa-zu a, lɛb cere nɩ a ʋ sãà Ɩzaakɩ zie, a Kanãa tẽw. 19A Labã tɩ cen na tɩ ŋmarɛ a ʋ píir kɔblʋ, ɛ́ a Arasɛl zu wob a sãà tɩbɛ#31:19 Tɩbɛ: A tɩ ɩ n bʋ̃-son, ɛ́ tɩ ɩ a ŋmɩmɛ na gùre a yir a.. 20A Zakɔb tɩ zu n a Aram tẽw dɔɔ Labã, ʋ na tɩ zɔrɛ ɛ́ bɛ yel yel kʋ̀ ʋ a. 21Ʋ tɩ zɔ n nɩ a ʋ bʋ̃-tɛrɩ za. Ʋ tɩ ìr'a lo gãw a Efaratɩ man, ɛ́ tu Galaadɩ tan lowr cere.
22A deyere daarɩ́ a, bɛ tɩ yel'a kʋ̀ a Labã k'aa Zakɔb zɔ na. 23A Labã tɩ ír'ɩ a ʋ yir nɩbɛ, ɛ́ tɩ diw bɩɛr'ɩ a Zakɔb bibie ayopõi, tɩ páw ʋ a Galaadɩ tan pʋɔ. 24Ɛcɛ a Naaŋmɩn tɩ ɩ na a Aram tẽw dɔɔ Labã nyɛ̃ ʋ a tɩ̃ɩsɔw zánʋ pʋɔ, ʋʋ yel ʋ: «Taa wa ƴɛ̀rɛ ƴɛ̀rʋ za, ƴɛ̀r-vla bɩɩ ƴɛ̀r-faa, a Zakɔb zie ɩ.»
25A Labã tɩ ta na páw a Zakɔb na maalɩ a ʋ pɛn-sɛw a Galaadɩ tan pʋɔ a. A Labã nɩ a ʋ nɩbɛ mɩ̀ tɩ ɩ a lɛ. 26A Labã tɩ sowr'ɩ a Zakɔb: «Bʋ̃ʋ n'ʋ fʋ ɩ à à ŋá? Fʋ zu m'a, fʋ na tɛr a ɩ̃ pɔwyaar zɔ n mɛ̃ gbãgbaar fʋ na nyɔw zɛbr zie a. 27Bʋ̃ʋ n'ʋ so fʋ sɔwlɩ zɔ, bɛlɩ mɛ̃ à ŋá? Fʋ̃ʋ tɩ yel kʋ̀ m a, ɩ̃ nãá tɩ bɩɛlɩ fʋ na nɩ nʋ̃ɔ̀ yielu, yielu bɛ na ŋmɛ kʋɔr nɩ korijom ƴãw a. 28Fʋ mɩ̀ bɛ bɛr mɛ̃ ɩ̃ weri a ɩ̃ pɔwyaar nɩ a ɩ̃ yan ɛ. Yel-mɩŋa sa ziri, fʋ ɩ n a ɩb mɛ̃ dãbol a! 29Ɩ̃ tɛr'ɩ fãw na ɩ a kpɛ nyɩ, ɛcɛ a nyɩ sãà mɩnɛ Naaŋmɩn yel mɛ̃ nɩ a tɩ̃ɩsɔw: “Taa wa ƴɛ̀rɛ ƴɛ̀rʋ za, ƴɛ̀r-vla bɩɩ ƴɛ̀r-faa, a Zakɔb zie ɩ.” 30A vɩɛl'a fʋ na yi kule, a fʋ sãà yir vʋla na kʋrɛ fʋ a ƴãw. Ɛcɛ bʋnʋ ƴãw n'a fʋ zu a ɩ̃ ŋmɩmɛ?» 31A Zakɔb tɩ sɔw nɩ a Labã: «Ɩ̃ zɔ n dɛ̃bɩ̃ɛ, ɛ́ tɩ́ɛr'ɩ ɩ̃ pʋɔ: “Ʋ na faa nɩ a ʋ pɔwyaar.” 32Ɛcɛ fʋ̃ʋ wa nyɛ̃ a fʋ ŋmɩmɛ nɩr zie a, a sob kpiir'a! Bɛ́l a bome za na be a ɩ̃ zie a kaa, a tɩ nɩbɛ niŋé, ɛ́ de a fʋ dem.» Bʋ̃ʋ n'ʋ vɛ̃, a Zakɔb bɛ tɩ bãw k'aa Arasɛl zu n a ŋmɩmɛ ɩ.
33A Labã tɩ kpɛ n a Zakɔb pɛn-sɛw pʋɔ, kpɛ a Leya dem pʋɔ, ɛ́ kpɛ a tõ-tõ-bi-pɔwbɛ ayi dem pʋɔ, ɛ́ bɛ tɩ nyɛ̃ bom za ɩ. Ʋ tɩ yi n a Leya pɛn-sɛw pʋɔ kpɛ a Arasɛl dem pʋɔ. 34Zɩ̃ k'aa Arasɛl tɩ de nɩ a tɩbɛ ƴãw nyɔ̃wmɛ kɔw pʋɔ ɛ́ do zɩ̃, ɛ́ a Labã bɔ a pɛn-sɛw ziir za bɛ nyɛ̃ bom ɛ. 35A Arasɛl tɩ yel'ɩ a sãà: «Ɩ̃ sãà a, ta nyɛ̃ nɩ mɛ̃ suur mãa bɛ wa tʋ́ɔr ìre a fʋ niŋé a ɩ, ɩ̃ sɛ n váar#31:35 Ɩ̃ sɛ n váar: A ƴɛ̀rʋ ŋa pɛr'ɩ k'ɩ̃ɩ lo n sɩɛ..»
A Labã tɩ bɔ na bɛ nyɛ̃ a tɩbɛ ɩ. 36A Zakɔb tɩ nyɛ̃ nɩ suur, ɛ́ nyɔw a Labã yere. Ʋ tɩ yel ʋ na: «A ɩ̃ sãwna n'ɩ buor? A ɩ̃ yel-bier'ɩ buor fʋ ìr ta tu m? 37Fʋ na jɛl a ɩ̃ bome za a, fʋ nyɛ̃ nɩ a fʋ yir bʋ̃-been yõ a pʋɔ ɔ? Wul ʋ a ɩ̃ nɩbɛ nɩ a fʋ nɩbɛ, bɛ bãw a yel a tɩɩm ayi cara pʋɔ. 38Yome lɩzɛr'ɩ à ŋá ɩ̃ na be a fʋ zie a, ɛ́ a fʋ pi-nyan nɩ a fʋ bʋ-nyan bɛ dãw dɔw cɔr ɛ! Ɩ̃ bɛ dãw 'wɔb a pʋ́rɩ na be a fʋ dʋn pʋɔ a ɩ! 39Ɩ̃ bɛ dãw wa n dʋ̃w wɛ-dʋ̃-faa na kʋ a wa kʋ̀ b ɛ, mãa n'ʋ mɩ́ ya ʋ#31:39 A koro za a, a dʋ̃-cɩ̃ɩnɛ mɩ́ tɩ ya n a dʋ̃w na bɔr a san. Ɛcɛ, ʋlɛ wa tʋ̃ɔ́ wa n a dʋ̃w zarmɛ wa wul kɛ́ wɛ-dʋ̃w n'ʋ nyɔw a, alɛ pʋɔ a, ʋ bɛ yarɛ bom za ɩ. Nyɛ̃ Ety 22.12 nɩ Am 3.12.. Fʋ mɩ́ tɩ sowri mɛ̃ nɩ a dʋn bɛ na zu a san, alɛ saa ɩ mʋ̃tɔ̃w n'a bɛ zu bɩɩ tɩ̃ɩsɔw n'a a. 40A tʋlʋ mɩ́ tɩ kʋrɛ mɛ̃ nɩ a mʋ̃tɔ̃w, ɛ́ a tɩ̃ɩsɔw a ƴawr bɛ bɛrɛ mɛ̃ ɩ, ɩ̃ bɛ mɩ́ tɩ bãw gʋ̃ɔ ɩ. 41Yome lɩzɛr'ɩ à ŋá ɩ̃ na kpɛ a fʋ yir a: ɩ̃ tõ n a fʋ tome yome pie nɩ anaar, a fʋ pɔwyaar ayi ƴãw, ɛ́ tõ yome ayʋɔb, a dʋn páwfʋ ƴãw. Ɛcɛ a fʋ̃ʋ a, gb'aa pie n'a fʋ lɩɛbɩ a ɩ̃ sã-ya bɛr! 42A ɩ̃ sãàkʋm Abraham Naaŋmɩn, a Naaŋmɩn na tɩ ɩ a ɩ̃ sãà Ɩzaakɩ ʋ màwr a, ʋlɛ bɛ tɩ sõw mɛ̃ a, fʋ nãá bɛr mɛ̃ na ɩ̃ lɛb kul nũ-zawlɛ. Ɛcɛ a Naaŋmɩn nyɛ̃ nɩ a ɩ̃ kpɩɛrʋ nɩ a tome ɩ̃ na tõ wõ tuo a. A tɩ̃ɩsɔw a, ʋ ƴɛ̀r'a kpɛ m.» 43A Labã tɩ sɔw nɩ a Zakɔb yel: «A powli bɛ ŋa ɩ n a ɩ̃ pɔwyaar, a bɛ bibiir ɩ n a ɩ̃ bibiir, a dʋn á ŋá ɩ n a ɩ̃ dʋn, ɛ́ a bome á ŋá za fʋ na nyɛ̃ a, mãa so a. Ɛcɛ dɩ̃a na ta a, ɩ̃ kʋ̃ lɛb tʋ̃ɔ́ ɩ bom za a ɩ̃ pɔwyaar ƴãw, bɩɩ a bibiir bɛ na dɔw a ƴãw ɛ. 44Pãa wa tɩ maalɩ wõ-taa, mãa nɩ a fʋ̃ʋ, ɛ́ dãsɩɛ sob be a tɩ cara pʋɔ.»
45Lɛ n'a a Zakɔb tɩ ɓáw kʋsɩɛr bin teli. 46Al pùorí ʋ yel a ʋ nɩbɛ: «Nyɩ wob kʋsɛbɛ.» Bɛ tɩ wob'ɩ kʋsɛbɛ gbõ taa, ɛ́ dɩ a kʋsɛbɛ na gbõ taa a zu. 47A Labã tɩ por'ɩ a zie ʋl yúor Yegaar Sahaduta, ɛ́ a Zakɔb por ʋ Galɛdɩ. 48A Labã tɩ yel'a: «A dɩ̃a a, a kʋsɛbɛ á ŋá na gbõ taa a ɩ n dãsɩɛ bom mãa nɩ a fʋ̃ʋ cará.» Al ƴãw n'a bɛ bʋɔlɛ ʋ Galɛdɩ, a pɛr lɛ kɛ́ “kʋsɛbɛ na gbõ taa ɩ dãsɩɛ bom a”. 49Bɛ mɩ̀ tɩ bʋɔlɛ ʋ nɩ Misɩpa, a pɛr lɛ kɛ́ “Àr-piwru-zie”. Bʋ̃ʋ n'ʋ vɛ̃, a Labã tɩ yel'ɩ à ŋá mɩ̀: «A Sore, ʋ piwre tɩ, tɩmɛ bɛ wa cãà nyɛrɛ taa a. 50Fʋ̃ʋ wa dɔwrɛ a ɩ̃ pɔwyaar a, fʋ̃ʋ wa de pɔwbɛ dɔwlɩ a bɛ zu a, bãwnɩ a, nɩsaal bɛ n'ʋ ɩ a dãsɩɛ sob a tɩ cara pʋɔ ɩ, a Naaŋmɩn mɩŋa n'ʋ.»
51A Labã tɩ cãà na yel a Zakɔb: «Jɩ́r a kʋsɛbɛ á ŋá ɩ̃ na gbõ taa a tɩ cara pʋɔ a, jɩ́r a kʋsɩɛr ŋa na teli a. 52A kʋsɛbɛ á ŋá na gbõ taa a nɩ a kʋsɩɛr ŋa na teli a ɩ n dãsɩɛ bome a tɩ zie. Ɩ̃ kʋ̃ gãw a bɛr, ɛ́ tɛr tɩɛr-faa waar'ɩ a fʋ zie ɩ. Fʋ mɩ̀ kʋ̃ gãw a bɛr ɛ́ waar a ɩ̃ zie ɩ, alɛ bɛ ɩ lɛ, faa na páw tɩ na. 53A Abraham Naaŋmɩn nɩ a Nahɔɔr#31:53 Nahɔɔr: Ʋ tɩ ɩ n a Abraham yɛb (11.26) ɛ́ ɩ a Labã sãàkʋm (24.24,29). Naaŋmɩn, bɛ bãw a yel a tɩ cara pʋɔ.»
Lɛ n'a a Zakɔb tɩ pɔ n a Naaŋmɩn na tɩ ɩrɛ a ʋ sãà Ɩzaakɩ ʋ màwr a. 54Al pùorí, ʋ tɩ maal'ɩ bàwr a tãw zu, ɛ́ bʋɔlɩ a ʋ nɩbɛ a dɩb ƴãw. Bɛ tɩ dɩ na ɛ́ gã a tãw zu be ìr.
Currently Selected:
Yele-za-pɛr-tib 31: DBDC
Highlight
Share
Copy
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Yele-za-pɛr-tib 31
31
1Ʋ tɩ wõ na k'aa Labã bidɛbr yere na: «A Zakɔb faa nɩ a tɩ sãà bome za, alɛ n'a ʋ kpɛ n a naalʋ sɛw à à ŋá.» 2A Zakɔb tɩ jɩ́r'ɩ a Labã niwn, ɛ́ nyɛ̃ k'ʋʋ bɛ cãà ɩrɛ a ʋ zie mɛ̃ a dãwdãw a ɩ. 3Lɛ n'a a Sore tɩ yel a Zakɔb: «Lɛb cen a fʋ sãà mɩnɛ tẽw, a fʋ yir dem zie: ɩ̃ na be n a fʋ zie.»
4A Zakɔb tɩ ƴãw na a Arasɛl nɩ a Leya wa a póru pʋɔ ʋ na tɩ be nɩ a dʋn a, 5ʋ wa yel bɛ: «Ɩ̃ nyɛ̃ na k'aa nyɩ sãà bɛ cãà ɩrɛ a ɩ̃ zie mɛ̃ a koro za a ɩ, ɛcɛ a ɩ̃ sãà Naaŋmɩn bɛ bɛr mɛ̃ ɩ. 6Nyɩ bãwnɩ a na ɩ̃ na ƴãw a ɩ̃ fãw za tõ a nyɩ sãà tome a, 7ɛcɛ ʋ bɛlɩ mɛ̃ na, lɩɛbɩ a ɩ̃ sã-ya bɛr gb'aa pie. Ɛcɛ Naaŋmɩn bɛ bɛr ʋ màl mɛ̃ ɩ. 8Ʋlɛ wa yel: “A dʋn na ɩ kpɛrɛ a n'a na ɩ a fʋ sã-ya a”, a dʋ̃-nyan za mɩ́ dɔw nɩ bili na ɩ kpɛrɛ a. Ɛ́ ʋlɛ mɩ̀ lɛb wa yel: “A dʋ̃-cʋɔrɛ na ɩ n a fʋ sã-ya a”, a dʋ̃-nyan za mɩ́ dɔw nɩ bili na ɩ cʋɔrɛ a. 9A Naaŋmɩn n'ʋ faa a nyɩ sãà dʋn kʋ̀ m. 10A lɛ a dʋn na mɩ́ man kɛ́ dúor taa a, bom ŋa n'ʋ ɩ̃ gã zanɩ nyɛ̃: a pʋ́rɩ na tɩ dúor a pi-nyan nɩ a bʋʋr a tɩ ɩ n cʋɔrɛ, kpɛrɛ nɩ ɓalɛ. 11A Naaŋmɩn malkɩ tɩ bʋɔlɩ mɛ̃ nɩ zánʋ pʋɔ: “Zakɔb i!” Ɩ̃ sɔw: “Mãa n'ɩ ŋan.” 12Ʋ yel mɛ̃: “A pʋ́rɩ za na dúor a pi-nyan bɩɩ a bʋ-nyan a, a ɩ n cʋɔrɛ, kpɛrɛ bɩɩ ɓalɛ. Ɩ̃ na nyɛ̃ a lɛ a Labã na ɩ b a n'a so a ɩ à à ŋá. 13Mãa n'ɩ a Naaŋmɩn ʋl na ɩ fʋ nyɛ̃ m a Betɛl, a be fʋ na maalɩ kʋsɛ-tela ɛ́ kõ nʋɔr a ɩ̃ zie a. Ƴɛrɛŋa a, ìr, bɛr a tẽw ŋa ɛ́ lɛb cen a fʋ tẽw”.» 14A Arasɛl nɩ a Leya tɩ sɔw nɩ a Zakɔb à ŋá: «Tɩ cãà na tɛr gbã-dɩ-bom a tɩ sãà yir pʋɔ ɔ? 15Ʋ nyɛ̃ tɩ na tɩ ɩ sãanbɛ. Bʋ̃ʋ n'ʋ vɛ̃, ʋ kʋɔrɩ tɩ na, ɛ́ cãà lɛb dɩ a libie ʋ nãá tɩ kʋ̀ tɩ a. 16Lɛ so, a na-bome za a Naaŋmɩn na faa a tɩ sãà zie a, tɩɩm nɩ a tɩ bibiir so a. Ƴɛrɛŋa a, ɩ a lɛ za a Naaŋmɩn na yel kʋ̀ b a.»
17A Zakɔb tɩ ìr'a ƴãw a ʋ bidɛbr nɩ a ʋ pɔwbɛ zɔm a nyɔ̃wmɩ. 18Ʋ tɩ tɛr'ɩ a ʋ dʋn za nɩ a ʋ bome za ʋ na páw a Mezopotami tẽw Saa-zu a, lɛb cere nɩ a ʋ sãà Ɩzaakɩ zie, a Kanãa tẽw. 19A Labã tɩ cen na tɩ ŋmarɛ a ʋ píir kɔblʋ, ɛ́ a Arasɛl zu wob a sãà tɩbɛ#31:19 Tɩbɛ: A tɩ ɩ n bʋ̃-son, ɛ́ tɩ ɩ a ŋmɩmɛ na gùre a yir a.. 20A Zakɔb tɩ zu n a Aram tẽw dɔɔ Labã, ʋ na tɩ zɔrɛ ɛ́ bɛ yel yel kʋ̀ ʋ a. 21Ʋ tɩ zɔ n nɩ a ʋ bʋ̃-tɛrɩ za. Ʋ tɩ ìr'a lo gãw a Efaratɩ man, ɛ́ tu Galaadɩ tan lowr cere.
22A deyere daarɩ́ a, bɛ tɩ yel'a kʋ̀ a Labã k'aa Zakɔb zɔ na. 23A Labã tɩ ír'ɩ a ʋ yir nɩbɛ, ɛ́ tɩ diw bɩɛr'ɩ a Zakɔb bibie ayopõi, tɩ páw ʋ a Galaadɩ tan pʋɔ. 24Ɛcɛ a Naaŋmɩn tɩ ɩ na a Aram tẽw dɔɔ Labã nyɛ̃ ʋ a tɩ̃ɩsɔw zánʋ pʋɔ, ʋʋ yel ʋ: «Taa wa ƴɛ̀rɛ ƴɛ̀rʋ za, ƴɛ̀r-vla bɩɩ ƴɛ̀r-faa, a Zakɔb zie ɩ.»
25A Labã tɩ ta na páw a Zakɔb na maalɩ a ʋ pɛn-sɛw a Galaadɩ tan pʋɔ a. A Labã nɩ a ʋ nɩbɛ mɩ̀ tɩ ɩ a lɛ. 26A Labã tɩ sowr'ɩ a Zakɔb: «Bʋ̃ʋ n'ʋ fʋ ɩ à à ŋá? Fʋ zu m'a, fʋ na tɛr a ɩ̃ pɔwyaar zɔ n mɛ̃ gbãgbaar fʋ na nyɔw zɛbr zie a. 27Bʋ̃ʋ n'ʋ so fʋ sɔwlɩ zɔ, bɛlɩ mɛ̃ à ŋá? Fʋ̃ʋ tɩ yel kʋ̀ m a, ɩ̃ nãá tɩ bɩɛlɩ fʋ na nɩ nʋ̃ɔ̀ yielu, yielu bɛ na ŋmɛ kʋɔr nɩ korijom ƴãw a. 28Fʋ mɩ̀ bɛ bɛr mɛ̃ ɩ̃ weri a ɩ̃ pɔwyaar nɩ a ɩ̃ yan ɛ. Yel-mɩŋa sa ziri, fʋ ɩ n a ɩb mɛ̃ dãbol a! 29Ɩ̃ tɛr'ɩ fãw na ɩ a kpɛ nyɩ, ɛcɛ a nyɩ sãà mɩnɛ Naaŋmɩn yel mɛ̃ nɩ a tɩ̃ɩsɔw: “Taa wa ƴɛ̀rɛ ƴɛ̀rʋ za, ƴɛ̀r-vla bɩɩ ƴɛ̀r-faa, a Zakɔb zie ɩ.” 30A vɩɛl'a fʋ na yi kule, a fʋ sãà yir vʋla na kʋrɛ fʋ a ƴãw. Ɛcɛ bʋnʋ ƴãw n'a fʋ zu a ɩ̃ ŋmɩmɛ?» 31A Zakɔb tɩ sɔw nɩ a Labã: «Ɩ̃ zɔ n dɛ̃bɩ̃ɛ, ɛ́ tɩ́ɛr'ɩ ɩ̃ pʋɔ: “Ʋ na faa nɩ a ʋ pɔwyaar.” 32Ɛcɛ fʋ̃ʋ wa nyɛ̃ a fʋ ŋmɩmɛ nɩr zie a, a sob kpiir'a! Bɛ́l a bome za na be a ɩ̃ zie a kaa, a tɩ nɩbɛ niŋé, ɛ́ de a fʋ dem.» Bʋ̃ʋ n'ʋ vɛ̃, a Zakɔb bɛ tɩ bãw k'aa Arasɛl zu n a ŋmɩmɛ ɩ.
33A Labã tɩ kpɛ n a Zakɔb pɛn-sɛw pʋɔ, kpɛ a Leya dem pʋɔ, ɛ́ kpɛ a tõ-tõ-bi-pɔwbɛ ayi dem pʋɔ, ɛ́ bɛ tɩ nyɛ̃ bom za ɩ. Ʋ tɩ yi n a Leya pɛn-sɛw pʋɔ kpɛ a Arasɛl dem pʋɔ. 34Zɩ̃ k'aa Arasɛl tɩ de nɩ a tɩbɛ ƴãw nyɔ̃wmɛ kɔw pʋɔ ɛ́ do zɩ̃, ɛ́ a Labã bɔ a pɛn-sɛw ziir za bɛ nyɛ̃ bom ɛ. 35A Arasɛl tɩ yel'ɩ a sãà: «Ɩ̃ sãà a, ta nyɛ̃ nɩ mɛ̃ suur mãa bɛ wa tʋ́ɔr ìre a fʋ niŋé a ɩ, ɩ̃ sɛ n váar#31:35 Ɩ̃ sɛ n váar: A ƴɛ̀rʋ ŋa pɛr'ɩ k'ɩ̃ɩ lo n sɩɛ..»
A Labã tɩ bɔ na bɛ nyɛ̃ a tɩbɛ ɩ. 36A Zakɔb tɩ nyɛ̃ nɩ suur, ɛ́ nyɔw a Labã yere. Ʋ tɩ yel ʋ na: «A ɩ̃ sãwna n'ɩ buor? A ɩ̃ yel-bier'ɩ buor fʋ ìr ta tu m? 37Fʋ na jɛl a ɩ̃ bome za a, fʋ nyɛ̃ nɩ a fʋ yir bʋ̃-been yõ a pʋɔ ɔ? Wul ʋ a ɩ̃ nɩbɛ nɩ a fʋ nɩbɛ, bɛ bãw a yel a tɩɩm ayi cara pʋɔ. 38Yome lɩzɛr'ɩ à ŋá ɩ̃ na be a fʋ zie a, ɛ́ a fʋ pi-nyan nɩ a fʋ bʋ-nyan bɛ dãw dɔw cɔr ɛ! Ɩ̃ bɛ dãw 'wɔb a pʋ́rɩ na be a fʋ dʋn pʋɔ a ɩ! 39Ɩ̃ bɛ dãw wa n dʋ̃w wɛ-dʋ̃-faa na kʋ a wa kʋ̀ b ɛ, mãa n'ʋ mɩ́ ya ʋ#31:39 A koro za a, a dʋ̃-cɩ̃ɩnɛ mɩ́ tɩ ya n a dʋ̃w na bɔr a san. Ɛcɛ, ʋlɛ wa tʋ̃ɔ́ wa n a dʋ̃w zarmɛ wa wul kɛ́ wɛ-dʋ̃w n'ʋ nyɔw a, alɛ pʋɔ a, ʋ bɛ yarɛ bom za ɩ. Nyɛ̃ Ety 22.12 nɩ Am 3.12.. Fʋ mɩ́ tɩ sowri mɛ̃ nɩ a dʋn bɛ na zu a san, alɛ saa ɩ mʋ̃tɔ̃w n'a bɛ zu bɩɩ tɩ̃ɩsɔw n'a a. 40A tʋlʋ mɩ́ tɩ kʋrɛ mɛ̃ nɩ a mʋ̃tɔ̃w, ɛ́ a tɩ̃ɩsɔw a ƴawr bɛ bɛrɛ mɛ̃ ɩ, ɩ̃ bɛ mɩ́ tɩ bãw gʋ̃ɔ ɩ. 41Yome lɩzɛr'ɩ à ŋá ɩ̃ na kpɛ a fʋ yir a: ɩ̃ tõ n a fʋ tome yome pie nɩ anaar, a fʋ pɔwyaar ayi ƴãw, ɛ́ tõ yome ayʋɔb, a dʋn páwfʋ ƴãw. Ɛcɛ a fʋ̃ʋ a, gb'aa pie n'a fʋ lɩɛbɩ a ɩ̃ sã-ya bɛr! 42A ɩ̃ sãàkʋm Abraham Naaŋmɩn, a Naaŋmɩn na tɩ ɩ a ɩ̃ sãà Ɩzaakɩ ʋ màwr a, ʋlɛ bɛ tɩ sõw mɛ̃ a, fʋ nãá bɛr mɛ̃ na ɩ̃ lɛb kul nũ-zawlɛ. Ɛcɛ a Naaŋmɩn nyɛ̃ nɩ a ɩ̃ kpɩɛrʋ nɩ a tome ɩ̃ na tõ wõ tuo a. A tɩ̃ɩsɔw a, ʋ ƴɛ̀r'a kpɛ m.» 43A Labã tɩ sɔw nɩ a Zakɔb yel: «A powli bɛ ŋa ɩ n a ɩ̃ pɔwyaar, a bɛ bibiir ɩ n a ɩ̃ bibiir, a dʋn á ŋá ɩ n a ɩ̃ dʋn, ɛ́ a bome á ŋá za fʋ na nyɛ̃ a, mãa so a. Ɛcɛ dɩ̃a na ta a, ɩ̃ kʋ̃ lɛb tʋ̃ɔ́ ɩ bom za a ɩ̃ pɔwyaar ƴãw, bɩɩ a bibiir bɛ na dɔw a ƴãw ɛ. 44Pãa wa tɩ maalɩ wõ-taa, mãa nɩ a fʋ̃ʋ, ɛ́ dãsɩɛ sob be a tɩ cara pʋɔ.»
45Lɛ n'a a Zakɔb tɩ ɓáw kʋsɩɛr bin teli. 46Al pùorí ʋ yel a ʋ nɩbɛ: «Nyɩ wob kʋsɛbɛ.» Bɛ tɩ wob'ɩ kʋsɛbɛ gbõ taa, ɛ́ dɩ a kʋsɛbɛ na gbõ taa a zu. 47A Labã tɩ por'ɩ a zie ʋl yúor Yegaar Sahaduta, ɛ́ a Zakɔb por ʋ Galɛdɩ. 48A Labã tɩ yel'a: «A dɩ̃a a, a kʋsɛbɛ á ŋá na gbõ taa a ɩ n dãsɩɛ bom mãa nɩ a fʋ̃ʋ cará.» Al ƴãw n'a bɛ bʋɔlɛ ʋ Galɛdɩ, a pɛr lɛ kɛ́ “kʋsɛbɛ na gbõ taa ɩ dãsɩɛ bom a”. 49Bɛ mɩ̀ tɩ bʋɔlɛ ʋ nɩ Misɩpa, a pɛr lɛ kɛ́ “Àr-piwru-zie”. Bʋ̃ʋ n'ʋ vɛ̃, a Labã tɩ yel'ɩ à ŋá mɩ̀: «A Sore, ʋ piwre tɩ, tɩmɛ bɛ wa cãà nyɛrɛ taa a. 50Fʋ̃ʋ wa dɔwrɛ a ɩ̃ pɔwyaar a, fʋ̃ʋ wa de pɔwbɛ dɔwlɩ a bɛ zu a, bãwnɩ a, nɩsaal bɛ n'ʋ ɩ a dãsɩɛ sob a tɩ cara pʋɔ ɩ, a Naaŋmɩn mɩŋa n'ʋ.»
51A Labã tɩ cãà na yel a Zakɔb: «Jɩ́r a kʋsɛbɛ á ŋá ɩ̃ na gbõ taa a tɩ cara pʋɔ a, jɩ́r a kʋsɩɛr ŋa na teli a. 52A kʋsɛbɛ á ŋá na gbõ taa a nɩ a kʋsɩɛr ŋa na teli a ɩ n dãsɩɛ bome a tɩ zie. Ɩ̃ kʋ̃ gãw a bɛr, ɛ́ tɛr tɩɛr-faa waar'ɩ a fʋ zie ɩ. Fʋ mɩ̀ kʋ̃ gãw a bɛr ɛ́ waar a ɩ̃ zie ɩ, alɛ bɛ ɩ lɛ, faa na páw tɩ na. 53A Abraham Naaŋmɩn nɩ a Nahɔɔr#31:53 Nahɔɔr: Ʋ tɩ ɩ n a Abraham yɛb (11.26) ɛ́ ɩ a Labã sãàkʋm (24.24,29). Naaŋmɩn, bɛ bãw a yel a tɩ cara pʋɔ.»
Lɛ n'a a Zakɔb tɩ pɔ n a Naaŋmɩn na tɩ ɩrɛ a ʋ sãà Ɩzaakɩ ʋ màwr a. 54Al pùorí, ʋ tɩ maal'ɩ bàwr a tãw zu, ɛ́ bʋɔlɩ a ʋ nɩbɛ a dɩb ƴãw. Bɛ tɩ dɩ na ɛ́ gã a tãw zu be ìr.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.