Yele-za-pɛr-tib 34
34
A Sɩmɩ̃ɔ nɩ a Levi yáa nɩ a bɛ yeepuule nɩbɛ na ƴãw vĩ a san
1Bibir kãw, a Zakɔb nɩ a Leya pɔwyaa, Dina, tɩ cen na k'ʋʋ tɩ nyɛ̃ a tẽw powli. 2A Hamɔɔr na tɩ ɩ a Hivitɩ#34:2 Hivitɩ mɩnɛ: A Kanãa tẽw nɩ-bʋʋrɛ bɛ mɩnɛ nɛbɛ. mɩnɛ nãà a vuo ʋl pʋɔ a bidɛb na dɩ kɛ́ Sɩsɛm a tɩ nyɛ̃ nɩ a Dina. Ʋ tɩ nyɔw ʋ na fɛr gã nɩ. 3Ɛcɛ ʋ tɩ tu n a Zakɔb pɔwyaa Dina nɩ ʋ pʋɔ za, nɔ̃w a powle ɛ́ waalɛ nɩ ʋ. 4Ʋ tɩ yel'ɩ a ʋ sãà Hamɔɔr: «Zɛlɩ a powle ŋa kʋ̀ m ɩ̃ kul.» 5A Zakɔb tɩ wõ n a Sɩsɛm na sãw a ʋ pɔwyaa Dina bɛr a. Ɛcɛ a ʋ bidɛbr na tɩ be a wɩ̀ɛ pʋɔ nɩ a dʋn a, ʋ tɩ ɩ n gbili tɩ ta n a bɛ kul-waa. 6A Sɩsɛm sãà Hamɔɔr tɩ yi na cen k'ʋʋ tɩ ƴɛ̀r sɔw a Zakɔb. 7A Zakɔb bidɛbr na tɩ yi a wɩ̀ɛ pʋɔ wa ta a, bɛ wõ n a yel. Bɛ tɩ nyɛ̃ na a ɩ zʋm'ʋ bɛ tʋ bɛ, ɛ́ nyɛ̃ suur faa faa. Bʋ̃ʋ n'ʋ vɛ̃, a Sɩsɛm tɩ tõ n ton na bɛ sɛw a, ʋ na fɛr gã nɩ a Zakɔb pɔwyaa a. Sɔ́r bɛ ka be, a ɩb á ŋá taabɛ ɩrɛ a Ɩsɩrayɛl tẽw pʋɔ ɩ. 8Ɛcɛ a Hamɔɔr tɩ yel bɛ na: «A ɩ̃ bidɛb Sɩsɛm nɔnɛ nɩ a pɔwsɩrale ŋa, nyɩ kʋ̀ ʋ k'ʋ kul. 9Nyɩ ɩ tɩ maalɩ wõ-taa: nyɩ kʋ̀rɛ tɩ a nyɩ pɔwyaar tɩ kule, ɛ́ nyɩ mɩ̀ kule a tɩ pɔwyaar. 10Nyɩ na kpɩɛr'ɩ a tɩ zie. A tẽw na gã nɩ a nyɩ ƴãw: nyɩ kpɩɛr ʋ, nyɩ maalɛ a nyɩ yele a ʋ pʋɔ, nyɩ so ziir a ʋ pʋɔ.»
11A Sɩsɛm tɛɛ za tɩ wa na wa yel a pɔwsɩrale sãà nɩ a ʋ yɛ-dɛbr: «Nyɩ ɓãá suur a ɩ̃ ƴãw, ɩ̃ɩ na kʋ̀ nyɩ nɩ a ʋlɩ bom nɛ nyɩ na na yel k'ɩ̃ɩ kʋ̀ nyɩ a. 12Nyɩ ŋmãa a san kʋ̀ m ʋ tɩbrɛ, a dɛɛ ƴãw nɩ a powle bʋ̃-kʋ̀rɩ ƴãw, ɩ̃ na ya n a lɛ za nyɩ na na yel a, ɛcɛ nyɩ kʋ̀ m a powle ɩ̃ kul.» 13A Zakɔb bidɛbr tɩ sɔw nɩ a Sɩsɛm nɩ a ʋ sãà Hamɔɔr, ɛ́ bɛ tɩ 'lor a bɛ pʋʋr ɛ, a Sɩsɛm na tɩ sãw a bɛ yeepuule Dina bɛr a ƴãw. 14Bɛ tɩ yel bɛ na: «Tɩ kʋ̃ tʋ̃ɔ́ kʋ̀ a tɩ yeepuule dɛb na bɛ ŋmãa yʋ̀ɔr a, ʋ kul ɛ. A na ɩ n vĩ a tɩ zie. 15Tɩ na sàw nɩ a nyɩ zɛlʋ, a nyɩ dɛbr za wa ŋma a yɛɛ mɛ̃ a tɩɩm a. 16Lɛ n'a tɩ na mɩ́ kʋ̀ nyɩ a tɩ pɔwyaar, ɛ́ mɩ̀ de a nyɩ pɔwyaar. Tɩ na kpɩɛr'ɩ a nyɩ zie ɛ́ lãw ɩ nɩ-bʋʋr-been. 17Nyɩmɛ bɛ wa sàw a yɛɛ ŋmab a, tɩ na lɛb'a de tɩ a yeepuule kule nɩ.»
18A bɛ ƴɛ̀rʋ tɩ vɩɛl'ɩ a Hamɔɔr nɩ a ʋ bidɛb Sɩsɛm zie. 19A pɔlbile tɩ tu n a lɛ bɛ na yel a fɔ̃wlɛ, ʋ na tɩ bɔbr a Zakɔb pɔwyaa a ƴãw. Ʋ tɩ ɩ n nɩ-tɩbrʋ a ʋ sãà yir pʋɔ. 20A Hamɔɔr nɩ a Sɩsɛm tɩ wa n a tẽw dɩ̃dɔr nʋɔr wa ƴɛ̀r à ŋá a bɛ tẽw dem zie: 21«A nɩbɛ bɛ ŋa tɩ́ɛrʋ vɩɛl'ɩ a tɩ ƴãw. Bɛ kpɩɛr a tɩ tẽw ɛ́ maalɛ yɛ̀rʋ́, ɛ́ a tẽw gã cere a bɛ niŋé. Tɩ mɩ́ kul a bɛ pɔwyaar, ɛ́ kʋ̀ bɛ a tɩ pɔwyaar bɛ kul. 22Ɛcɛ a nɩbɛ bɛ ŋa na sàw na lãw kpɩɛr'ɩ tɩ, ɛ́ tɩ ɩ nɩ-bʋʋr-been, a tɩ dɛbr za wa ŋma a yɛɛ mɛ̃ a bɛl a. 23Tɩmɛ wa sàw a lɛ bɛ na yel a, bɛ na wa na wa kpɩɛr a tɩ zie ka, ɛ́ a lɛ a, tɩ na so nɩ a bɛ dʋn nɩ a bɛ bʋ̃-tɛrɩ.» 24A bɛlɩ dem za na tɩ be a tẽw dɩ̃dɔr nʋɔr a tɩ sàw nɩ a Hamɔɔr nɩ a ʋ bidɛb Sɩsɛm ƴɛ̀rʋ, ɛ́ a tẽw dɛbr za ƴãw bɛ ŋma bɛ a yɛɛ.
25Zɩ̃ kɛ́ a bibie ata sob, a na tɩ cãà wone bɛ a, a Zakɔb bidɛbr ayi kãw, Sɩmɩ̃ɔ nɩ Levi, a Dina yɛ-dɛbr, tɩ de nɩ a bɛ zɛbr-sɔ-bɛrɛ tɩ ɓãá ƴãw kpɛ n a tẽw pʋɔ kʋ a dɛbr za. 26Bɛ tɩ kʋ n a Hamɔɔr nɩ a ʋ bidɛb Sɩsɛm, ɛ́ tɛr a Dina a Sɩsɛm yir wa yi n. 27A Zakɔb bidɛbr bɛl na cɛ a tɩ wob'ɩ a kũuni bome ɛ́ za a tẽw, a bɛ yeepuule bɛ na tɩ sãw bɛr a ƴãw. 28Bɛ tɩ diw nɩ a bɛ píir nɩ a bʋʋr, a nĩi nɩ a bòn, ɛ́ de a alɩ bome nɛ za na be a tẽw pʋɔ nɩ a wɩ̀ɛ pʋɔ a. 29Bɛ tɩ wob'ɩ a bɛ na-bome za, nyɔw a bɛ bibiir za nɩ a bɛ pɔwbɛ, ɛ́ pɩɩrɩ a bome za na be a yie pʋɔ a.
30A Zakɔb tɩ yel'ɩ a Sɩmɩ̃ɔ nɩ a Levi: «Yel'ʋ nyɩ bɔ kʋ̀ m ƴãw a tẽw dem hɩ̃ɛn mɛ̃, a Kanãa tẽw dem nɩ a Perizitɩ#34:30 Kanãa tẽw dem nɩ Perizitɩ mɩnɛ: A Kanãa tẽw nɩ-bʋʋrɛ bɛ mɩnɛ nɛbɛ. Bɛ tɩ kpɩɛr'ɩ a Zurdɛ̃ man nɩ a Mediterane kʋ̃ɔ-kpɛ̃ɛ cará. mɩnɛ. Bɛ na ɓã n taa wa a ɩ̃ ƴãw. Bɛ na tʋ̃ɔ́ mɛ̃ na ɛ́ kʋ mãa nɩ a ɩ̃ yir dem pàw pɛr, a ɩ̃ nɩbɛ na bɛ saalɩ a ƴãw.» 31Ɛcɛ a Sɩmɩ̃ɔ nɩ a Levi tɩ sɔw na: «A nɩr ŋa tɩ tɛr'ɩ sɔ́r na de a tɩ yeepuule bʋɔlɛ pɔw-yɛm bɩɩ?»
Currently Selected:
Yele-za-pɛr-tib 34: DBDC
Highlight
Share
Copy
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Yele-za-pɛr-tib 34
34
A Sɩmɩ̃ɔ nɩ a Levi yáa nɩ a bɛ yeepuule nɩbɛ na ƴãw vĩ a san
1Bibir kãw, a Zakɔb nɩ a Leya pɔwyaa, Dina, tɩ cen na k'ʋʋ tɩ nyɛ̃ a tẽw powli. 2A Hamɔɔr na tɩ ɩ a Hivitɩ#34:2 Hivitɩ mɩnɛ: A Kanãa tẽw nɩ-bʋʋrɛ bɛ mɩnɛ nɛbɛ. mɩnɛ nãà a vuo ʋl pʋɔ a bidɛb na dɩ kɛ́ Sɩsɛm a tɩ nyɛ̃ nɩ a Dina. Ʋ tɩ nyɔw ʋ na fɛr gã nɩ. 3Ɛcɛ ʋ tɩ tu n a Zakɔb pɔwyaa Dina nɩ ʋ pʋɔ za, nɔ̃w a powle ɛ́ waalɛ nɩ ʋ. 4Ʋ tɩ yel'ɩ a ʋ sãà Hamɔɔr: «Zɛlɩ a powle ŋa kʋ̀ m ɩ̃ kul.» 5A Zakɔb tɩ wõ n a Sɩsɛm na sãw a ʋ pɔwyaa Dina bɛr a. Ɛcɛ a ʋ bidɛbr na tɩ be a wɩ̀ɛ pʋɔ nɩ a dʋn a, ʋ tɩ ɩ n gbili tɩ ta n a bɛ kul-waa. 6A Sɩsɛm sãà Hamɔɔr tɩ yi na cen k'ʋʋ tɩ ƴɛ̀r sɔw a Zakɔb. 7A Zakɔb bidɛbr na tɩ yi a wɩ̀ɛ pʋɔ wa ta a, bɛ wõ n a yel. Bɛ tɩ nyɛ̃ na a ɩ zʋm'ʋ bɛ tʋ bɛ, ɛ́ nyɛ̃ suur faa faa. Bʋ̃ʋ n'ʋ vɛ̃, a Sɩsɛm tɩ tõ n ton na bɛ sɛw a, ʋ na fɛr gã nɩ a Zakɔb pɔwyaa a. Sɔ́r bɛ ka be, a ɩb á ŋá taabɛ ɩrɛ a Ɩsɩrayɛl tẽw pʋɔ ɩ. 8Ɛcɛ a Hamɔɔr tɩ yel bɛ na: «A ɩ̃ bidɛb Sɩsɛm nɔnɛ nɩ a pɔwsɩrale ŋa, nyɩ kʋ̀ ʋ k'ʋ kul. 9Nyɩ ɩ tɩ maalɩ wõ-taa: nyɩ kʋ̀rɛ tɩ a nyɩ pɔwyaar tɩ kule, ɛ́ nyɩ mɩ̀ kule a tɩ pɔwyaar. 10Nyɩ na kpɩɛr'ɩ a tɩ zie. A tẽw na gã nɩ a nyɩ ƴãw: nyɩ kpɩɛr ʋ, nyɩ maalɛ a nyɩ yele a ʋ pʋɔ, nyɩ so ziir a ʋ pʋɔ.»
11A Sɩsɛm tɛɛ za tɩ wa na wa yel a pɔwsɩrale sãà nɩ a ʋ yɛ-dɛbr: «Nyɩ ɓãá suur a ɩ̃ ƴãw, ɩ̃ɩ na kʋ̀ nyɩ nɩ a ʋlɩ bom nɛ nyɩ na na yel k'ɩ̃ɩ kʋ̀ nyɩ a. 12Nyɩ ŋmãa a san kʋ̀ m ʋ tɩbrɛ, a dɛɛ ƴãw nɩ a powle bʋ̃-kʋ̀rɩ ƴãw, ɩ̃ na ya n a lɛ za nyɩ na na yel a, ɛcɛ nyɩ kʋ̀ m a powle ɩ̃ kul.» 13A Zakɔb bidɛbr tɩ sɔw nɩ a Sɩsɛm nɩ a ʋ sãà Hamɔɔr, ɛ́ bɛ tɩ 'lor a bɛ pʋʋr ɛ, a Sɩsɛm na tɩ sãw a bɛ yeepuule Dina bɛr a ƴãw. 14Bɛ tɩ yel bɛ na: «Tɩ kʋ̃ tʋ̃ɔ́ kʋ̀ a tɩ yeepuule dɛb na bɛ ŋmãa yʋ̀ɔr a, ʋ kul ɛ. A na ɩ n vĩ a tɩ zie. 15Tɩ na sàw nɩ a nyɩ zɛlʋ, a nyɩ dɛbr za wa ŋma a yɛɛ mɛ̃ a tɩɩm a. 16Lɛ n'a tɩ na mɩ́ kʋ̀ nyɩ a tɩ pɔwyaar, ɛ́ mɩ̀ de a nyɩ pɔwyaar. Tɩ na kpɩɛr'ɩ a nyɩ zie ɛ́ lãw ɩ nɩ-bʋʋr-been. 17Nyɩmɛ bɛ wa sàw a yɛɛ ŋmab a, tɩ na lɛb'a de tɩ a yeepuule kule nɩ.»
18A bɛ ƴɛ̀rʋ tɩ vɩɛl'ɩ a Hamɔɔr nɩ a ʋ bidɛb Sɩsɛm zie. 19A pɔlbile tɩ tu n a lɛ bɛ na yel a fɔ̃wlɛ, ʋ na tɩ bɔbr a Zakɔb pɔwyaa a ƴãw. Ʋ tɩ ɩ n nɩ-tɩbrʋ a ʋ sãà yir pʋɔ. 20A Hamɔɔr nɩ a Sɩsɛm tɩ wa n a tẽw dɩ̃dɔr nʋɔr wa ƴɛ̀r à ŋá a bɛ tẽw dem zie: 21«A nɩbɛ bɛ ŋa tɩ́ɛrʋ vɩɛl'ɩ a tɩ ƴãw. Bɛ kpɩɛr a tɩ tẽw ɛ́ maalɛ yɛ̀rʋ́, ɛ́ a tẽw gã cere a bɛ niŋé. Tɩ mɩ́ kul a bɛ pɔwyaar, ɛ́ kʋ̀ bɛ a tɩ pɔwyaar bɛ kul. 22Ɛcɛ a nɩbɛ bɛ ŋa na sàw na lãw kpɩɛr'ɩ tɩ, ɛ́ tɩ ɩ nɩ-bʋʋr-been, a tɩ dɛbr za wa ŋma a yɛɛ mɛ̃ a bɛl a. 23Tɩmɛ wa sàw a lɛ bɛ na yel a, bɛ na wa na wa kpɩɛr a tɩ zie ka, ɛ́ a lɛ a, tɩ na so nɩ a bɛ dʋn nɩ a bɛ bʋ̃-tɛrɩ.» 24A bɛlɩ dem za na tɩ be a tẽw dɩ̃dɔr nʋɔr a tɩ sàw nɩ a Hamɔɔr nɩ a ʋ bidɛb Sɩsɛm ƴɛ̀rʋ, ɛ́ a tẽw dɛbr za ƴãw bɛ ŋma bɛ a yɛɛ.
25Zɩ̃ kɛ́ a bibie ata sob, a na tɩ cãà wone bɛ a, a Zakɔb bidɛbr ayi kãw, Sɩmɩ̃ɔ nɩ Levi, a Dina yɛ-dɛbr, tɩ de nɩ a bɛ zɛbr-sɔ-bɛrɛ tɩ ɓãá ƴãw kpɛ n a tẽw pʋɔ kʋ a dɛbr za. 26Bɛ tɩ kʋ n a Hamɔɔr nɩ a ʋ bidɛb Sɩsɛm, ɛ́ tɛr a Dina a Sɩsɛm yir wa yi n. 27A Zakɔb bidɛbr bɛl na cɛ a tɩ wob'ɩ a kũuni bome ɛ́ za a tẽw, a bɛ yeepuule bɛ na tɩ sãw bɛr a ƴãw. 28Bɛ tɩ diw nɩ a bɛ píir nɩ a bʋʋr, a nĩi nɩ a bòn, ɛ́ de a alɩ bome nɛ za na be a tẽw pʋɔ nɩ a wɩ̀ɛ pʋɔ a. 29Bɛ tɩ wob'ɩ a bɛ na-bome za, nyɔw a bɛ bibiir za nɩ a bɛ pɔwbɛ, ɛ́ pɩɩrɩ a bome za na be a yie pʋɔ a.
30A Zakɔb tɩ yel'ɩ a Sɩmɩ̃ɔ nɩ a Levi: «Yel'ʋ nyɩ bɔ kʋ̀ m ƴãw a tẽw dem hɩ̃ɛn mɛ̃, a Kanãa tẽw dem nɩ a Perizitɩ#34:30 Kanãa tẽw dem nɩ Perizitɩ mɩnɛ: A Kanãa tẽw nɩ-bʋʋrɛ bɛ mɩnɛ nɛbɛ. Bɛ tɩ kpɩɛr'ɩ a Zurdɛ̃ man nɩ a Mediterane kʋ̃ɔ-kpɛ̃ɛ cará. mɩnɛ. Bɛ na ɓã n taa wa a ɩ̃ ƴãw. Bɛ na tʋ̃ɔ́ mɛ̃ na ɛ́ kʋ mãa nɩ a ɩ̃ yir dem pàw pɛr, a ɩ̃ nɩbɛ na bɛ saalɩ a ƴãw.» 31Ɛcɛ a Sɩmɩ̃ɔ nɩ a Levi tɩ sɔw na: «A nɩr ŋa tɩ tɛr'ɩ sɔ́r na de a tɩ yeepuule bʋɔlɛ pɔw-yɛm bɩɩ?»
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.