Yele-za-pɛr-tib 37
37
ZUZƐB
(37:1—50:26)
A Zuzɛb zánʋ
1A Zakɔb tɩ zɩ̃ n a Kanãa tẽw, a ʋ sãà na tɩ zɔ wa kpɩɛr a. 2Nyɛ̃ a Zakɔb bidɛbr yele. A Zuzɛb tɩ tɛr'ɩ yome pie nɩ ayopõi. Ʋlɛ nɩ a ʋ yɛbr, a ʋ sãà pɔwbɛ Bilha nɩ Zilipa bidɛbr, tɩ àrɛ nɩ nɩ a píir nɩ a bʋʋr. Ʋ mɩ́ tɩ manɛ nɩ a bɛ yel-faar a nɩbɛ na manɛ a kʋ̀rɛ a ʋ sãà. 3A Zakɔb tɩ nɔnɛ nɩ a Zuzɛb zuo a ʋ bidɛbr bɛl na cɛ a, ʋ na tɩ kor baarɩ ɛ́ dɔw ʋ a ƴãw. Ʋ tɩ ƴãw na bɛ sɛ kpali-vla kãw kʋ̀ ʋ. 4A Zuzɛb yɛbr tɩ nyɛ̃ na k'aa bɛ sãà nɔnɛ ʋ na zuo a bɛ za. Lɛ so bɛ tɩ hɩ̃ɛn ʋ, ɛ́ mɩ̀ bɛ lɛb cãà tʋ́ɔr ƴɛ̀rɛ ƴɛ̀r-vla sɔwr ʋ ɛ.
5A Zuzɛb tɩ gã na zanɩ bibir kãw ɛ́ manɩ kʋ̀ a ʋ yɛbr, ɛ̀ bɛ lɛb bãw hɩ̃ɛn ʋ dɔwlɩ. 6Ʋ tɩ yel bɛ na: «Nyɩ bɛr wõ a zánʋ ɩ̃ na zánɩ a. 7Tɩ tɩ be n a pu-pʋɔ 'lene ble ɓanɛ taa, wa bere a ɩ̃ dem ìr àr. A nyɩ dem za tɩ wa na wa viiri koli ʋ, ɛ́ lo vɔblɩ muru a ʋ niŋé.» 8A ʋ yɛbr tɩ sowr'ʋ na: «Fʋ bɔbr'a kɛ́ fʋ wa ɩ a tɩ nãà dɩrɛ naalʋ a tɩ zu bɩɩ?» Bɛ tɩ lɛb'a bãw hɩ̃ɛn ʋ, a ʋ zánʋ nɩ a manʋ ʋ na mɩ́ tɩ manɛ kʋ̀rɛ bɛ a ƴãw.
9A Zuzɛb tɩ lɛb'a zánɩ zánʋ kãw, mɩ̀ lɛb man ʋ kʋ̀ a ʋ yɛbr. Ʋ tɩ yel'a: «Ɩ̃ lɛb'a zánɩ zánʋ kãw: a mʋ̃tɔ̃w, a cuw nɩ ŋmar-bie pie nɩ been tɩ wa na wa vɔblɩ muru a ɩ̃ niŋé.» 10Ʋ mɩ̀ tɩ man nɩ a zánʋ ŋa kʋ̀ a ʋ sãà, ʋ nyɔw ʋ yere ɛ́ sowr'ʋ: «Bʋnʋ zánʋ n'ɩ à à ŋá fʋ na zánɩ a? A na fɛr'a mãa nɩ a fʋ mã nɩ a fʋ yɛbr wa gbĩ dume gũu tɩ tɔ tẽw a fʋ niŋé bɩɩ?» 11A ʋ yɛbr tɩ nyùur'ɩ ʋ na#37:11 Nyɛ̃ Nɩ-t 7.9., ɛcɛ a ʋ sãà tɩ tɛr'ɩ a ʋ zánʋ ŋa tɩ́ɛrɛ.
A Zuzɛb yɛbr nyɔw ʋ na da
12A Zuzɛb yɛbr tɩ cen nɩ Sɩsɛm tɩ àr'ɩ a bɛ sãà dʋn. 13Bibir kãw, a Zakɔb tɩ yel'ɩ a Zuzɛb: «A fʋ yɛbr àr'ɩ nɩ a dʋn a Sɩsɛm. Wa ɩ̃ tõ b a bɛ zie.» Ʋ sɔw: «Mãa n'ɩ ŋan.» 14A Zakɔb yel ʋ: «Cen tɩ nyɛ̃, ŋmɩŋmɩn n'a a ŋmɛ̃ a bɛ zie nɩ a dʋn zie, ɛ́ lɛb wa yel kʋ̀ m.»
À ŋá n'a a Zakɔb tɩ be a Ebrɔ̃ fʋɔla pʋɔ, ɛ́ tõ ʋ. A Zuzɛb na tɩ ta pɩɛlɩ a Sɩsɛm a, 15nɩr kãw tɩ nyɛ̃ ʋ na ʋ na bɔrɛ gʋɔr a wɩ̀ɛ pʋɔ a, ɛ́ sowr'ʋ: «Bʋ̃ʋ n'ʋ fʋ bɔbr?» 16A Zuzɛb sɔw: «A ɩ̃ yɛbr nɛbɛ ɩ̃ bɔbr. Yel a ʋlɩ zie nɛ bɛ na cen nɩ a dʋn a kʋ̀ m.» 17A nɩr nɛ yel ʋ: «Bɛ yi n a ka cen. Ɩ̃ wõ na bɛ yere: “Nyɩ ɩ tɩ cen Dotan.”» A Zuzɛb tɩ bɩɛr'ɩ a ʋ yɛbr tɩ nyɛ̃ bɛ a Dotan.
18Bɛ tɩ nyɛ̃ ʋ na ʋ na cãà zãá a. Bɛ tɩ bʋ n taa kɛ́ bɛ kʋ ʋ, ʋʋ bɛ ta a bɛ zie sɛr ɛ. 19Bɛ tɩ yere na kʋ̀rɛ taa: «A zánʋ sob'ɩ ŋa waar! 20Ƴɛrɛŋa ʋl a, nyɩ wa tɩ kʋ ʋ lɔb ƴãw a sa-bie-kʋ̃ɔ-bɔwrɩ á ŋá kãw pʋɔ, ɛ́ yel kɛ́ wɛ-dʋ̃-faa kãw nyɔw ʋ na 'wɔb. Tɩ na nyɛ̃ nɩ a lɛ a na na ŋmɛ̃ a ʋ zánʋ ƴãw a.» 21Ɛcɛ Urubɛn tɩ wõ a na, ɛ́ bɔbr k'ʋʋ faa ʋ a bɛ nuru pʋɔ. Ʋ tɩ yel'a: «Tɩ ta kʋ ʋ ɛ!» 22Ʋ tɩ cãà na lɛb yel: «Nyɩ taa kʋrɛ ʋ ɛ, nyɩ lɔb ʋ ƴãw a wɛja-kpalɛ pʋɔ sa-bie-kʋ̃ɔ-bɔw ŋa pʋɔ, ɛ́ taa kʋrɛ ʋ ɛ.» Ʋ tɩ bɔbr'a k'ʋʋ faa a Zuzɛb a bɛ nuru pʋɔ, lɛb tɛr ʋ tɩ kʋ̀ a ʋ sãà.
23A Zuzɛb na wa ta a ʋ yɛbr zie a, bɛ yaa nɩ a kpali-vla ʋ na su a, 24ɛ́ nyɔw ʋ lɔb ƴãw a sa-bie-kʋ̃ɔ-bɔw pʋɔ. A sa-bie-kʋ̃ɔ-bɔw tɩ ɩ n zawla, kʋ̃ɔ bɛ tɩ ka be ɩ. 25Al pùorí bɛ zɩ̃ kɛ́ bɛ dɩ. Bɛ tɩ dʋɔ nɩ a zuru nyɛ̃ Ɩsɩmayɛl bʋʋrɛ nɩbɛ na tɩ yi Galaadɩ tẽw cɔrɩ waar, ɛ́ cere Eziptɩ tẽw a. A bɛ nyɔ̃wmɩ tɩ tuo nɩ gɔm, adɩragãtɩ, boom nɩ ladanum#37:25 Gɔm, Adɩragãtɩ, Boom, Ladanum: A bʋ̃-nyuure vɩɛlɩ á ŋá a, bɛ mɩ́ tɩ sanɛ nɩ nɩ nɩbɛ, bɩɩ zɩɛr a kũuni k'aa ƴã-gamɛ ta sãw ɛ.. 26Zuda tɩ yel'ɩ a ʋ yɛbr: «Bʋ̃ʋ n'ʋ tɩ na kʋ a tɩ yɛb sɔwlɩ bɛr ɛ́ de? 27Tɩ nɩ̃ɛ kʋ̀ɔr'ʋ kʋ̀ a Ɩsɩmayɛl bʋʋrɛ bɛ ŋa, ɛ́ taa íre a ʋ nyɔ-vʋʋrʋ ɛ. Tɩ yɛb'ʋ, zɩ̃ɩ-been n'ɩ tɩ.» A ʋ yɛbr tɩ sàw nɩ a lɛ. 28Madian tẽw yɛ-yɛrbɛ kãw na tɩ tɔlɛ a be a tɩ ír'ɩ a Zuzɛb a sa-bie-kʋ̃ɔ-bɔw pʋɔ, kʋ̀ɔr'ʋ salm-pla libie lɩzɛr kʋ̀ a Ɩsɩmayɛl bʋʋrɛ, bɛ tɛr ʋ cen nɩ a Eziptɩ. 29A Urubɛn na tɩ lɛb wa a sa-bie-kʋ̃ɔ-bɔw pɛr a, a Zuzɛb bɛ tɩ cãà be ɩ. Ʋ tɩ taw nɩ a ʋ kparɩ cɩɛrɩ, 30ɛ́ lɛb cen a ʋ yɛbr zie tɩ yel bɛ: «A bie bɛ cãà be ɩ! Nyɩnɛ n'a ɩ̃ na kpɛ, a mãa?»
31A yɛbr tɩ nyɔw nɩ bʋrale kʋ, tõ a Zuzɛb kparʋ a zɩ̃ɩ pʋɔ. 32Bɛ tɩ tɩr'ɩ a kparʋ bɛ tɩ kʋ̀ a bɛ sãà, ɛ́ yel ʋ: «Bom ŋa n'ʋ tɩ nyɛ̃. Bɛl nyɛ̃, a fʋ bidɛb kparʋ n'ʋ bɩɩ ʋlɛ bɛ n'ʋ.» 33A Zakɔb tɩ bɛl'a bãw, ɛ́ ŋmɛ cɛl: «A ɩ̃ bidɛb kparʋ mɩŋa n'ʋ! Wɛ-dʋ̃-faa kãw nyɔw nɩ a Zuzɛb, ʋ taw ʋ na cɩɛrɩ!» 34Lɛ n'a ʋ tɩ taw a ʋ kparɩ cɩɛrɩ, ɛ́ ƴãw ko-tuolu bome kõ n a ʋ bidɛb kuor a tɩ cɛlɩ. 35A ʋ bidɛbr za nɩ a ʋ pɔwyaar za tɩ wa na kɛ́ bɛ wa mɔwl'ʋ, ɛcɛ ʋ bɛ tɩ sàw bɛ mɔwl'ʋ ɛ, ʋ tɩ yere na: «A wahala n'a ɩ̃ na tɛr tɩ páw nɩ a ɩ̃ bidɛb a kpɩmɛ tẽw.» Lɛ n'a ʋ tɩ cãà tɛr a kon.
36A Madian tẽw dem tɩ kʋ̀ɔr'ɩ a Zuzɛb kʋ̀ Potifaar, a Eziptɩ tẽw. A Potifaar tɩ ɩ n a Faarawɔ̃ dɛ-vár nɩ a sojarɩ na gùre ʋ a nɩ-kpɛ̃ɛ.
Currently Selected:
Yele-za-pɛr-tib 37: DBDC
Highlight
Share
Copy
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Yele-za-pɛr-tib 37
37
ZUZƐB
(37:1—50:26)
A Zuzɛb zánʋ
1A Zakɔb tɩ zɩ̃ n a Kanãa tẽw, a ʋ sãà na tɩ zɔ wa kpɩɛr a. 2Nyɛ̃ a Zakɔb bidɛbr yele. A Zuzɛb tɩ tɛr'ɩ yome pie nɩ ayopõi. Ʋlɛ nɩ a ʋ yɛbr, a ʋ sãà pɔwbɛ Bilha nɩ Zilipa bidɛbr, tɩ àrɛ nɩ nɩ a píir nɩ a bʋʋr. Ʋ mɩ́ tɩ manɛ nɩ a bɛ yel-faar a nɩbɛ na manɛ a kʋ̀rɛ a ʋ sãà. 3A Zakɔb tɩ nɔnɛ nɩ a Zuzɛb zuo a ʋ bidɛbr bɛl na cɛ a, ʋ na tɩ kor baarɩ ɛ́ dɔw ʋ a ƴãw. Ʋ tɩ ƴãw na bɛ sɛ kpali-vla kãw kʋ̀ ʋ. 4A Zuzɛb yɛbr tɩ nyɛ̃ na k'aa bɛ sãà nɔnɛ ʋ na zuo a bɛ za. Lɛ so bɛ tɩ hɩ̃ɛn ʋ, ɛ́ mɩ̀ bɛ lɛb cãà tʋ́ɔr ƴɛ̀rɛ ƴɛ̀r-vla sɔwr ʋ ɛ.
5A Zuzɛb tɩ gã na zanɩ bibir kãw ɛ́ manɩ kʋ̀ a ʋ yɛbr, ɛ̀ bɛ lɛb bãw hɩ̃ɛn ʋ dɔwlɩ. 6Ʋ tɩ yel bɛ na: «Nyɩ bɛr wõ a zánʋ ɩ̃ na zánɩ a. 7Tɩ tɩ be n a pu-pʋɔ 'lene ble ɓanɛ taa, wa bere a ɩ̃ dem ìr àr. A nyɩ dem za tɩ wa na wa viiri koli ʋ, ɛ́ lo vɔblɩ muru a ʋ niŋé.» 8A ʋ yɛbr tɩ sowr'ʋ na: «Fʋ bɔbr'a kɛ́ fʋ wa ɩ a tɩ nãà dɩrɛ naalʋ a tɩ zu bɩɩ?» Bɛ tɩ lɛb'a bãw hɩ̃ɛn ʋ, a ʋ zánʋ nɩ a manʋ ʋ na mɩ́ tɩ manɛ kʋ̀rɛ bɛ a ƴãw.
9A Zuzɛb tɩ lɛb'a zánɩ zánʋ kãw, mɩ̀ lɛb man ʋ kʋ̀ a ʋ yɛbr. Ʋ tɩ yel'a: «Ɩ̃ lɛb'a zánɩ zánʋ kãw: a mʋ̃tɔ̃w, a cuw nɩ ŋmar-bie pie nɩ been tɩ wa na wa vɔblɩ muru a ɩ̃ niŋé.» 10Ʋ mɩ̀ tɩ man nɩ a zánʋ ŋa kʋ̀ a ʋ sãà, ʋ nyɔw ʋ yere ɛ́ sowr'ʋ: «Bʋnʋ zánʋ n'ɩ à à ŋá fʋ na zánɩ a? A na fɛr'a mãa nɩ a fʋ mã nɩ a fʋ yɛbr wa gbĩ dume gũu tɩ tɔ tẽw a fʋ niŋé bɩɩ?» 11A ʋ yɛbr tɩ nyùur'ɩ ʋ na#37:11 Nyɛ̃ Nɩ-t 7.9., ɛcɛ a ʋ sãà tɩ tɛr'ɩ a ʋ zánʋ ŋa tɩ́ɛrɛ.
A Zuzɛb yɛbr nyɔw ʋ na da
12A Zuzɛb yɛbr tɩ cen nɩ Sɩsɛm tɩ àr'ɩ a bɛ sãà dʋn. 13Bibir kãw, a Zakɔb tɩ yel'ɩ a Zuzɛb: «A fʋ yɛbr àr'ɩ nɩ a dʋn a Sɩsɛm. Wa ɩ̃ tõ b a bɛ zie.» Ʋ sɔw: «Mãa n'ɩ ŋan.» 14A Zakɔb yel ʋ: «Cen tɩ nyɛ̃, ŋmɩŋmɩn n'a a ŋmɛ̃ a bɛ zie nɩ a dʋn zie, ɛ́ lɛb wa yel kʋ̀ m.»
À ŋá n'a a Zakɔb tɩ be a Ebrɔ̃ fʋɔla pʋɔ, ɛ́ tõ ʋ. A Zuzɛb na tɩ ta pɩɛlɩ a Sɩsɛm a, 15nɩr kãw tɩ nyɛ̃ ʋ na ʋ na bɔrɛ gʋɔr a wɩ̀ɛ pʋɔ a, ɛ́ sowr'ʋ: «Bʋ̃ʋ n'ʋ fʋ bɔbr?» 16A Zuzɛb sɔw: «A ɩ̃ yɛbr nɛbɛ ɩ̃ bɔbr. Yel a ʋlɩ zie nɛ bɛ na cen nɩ a dʋn a kʋ̀ m.» 17A nɩr nɛ yel ʋ: «Bɛ yi n a ka cen. Ɩ̃ wõ na bɛ yere: “Nyɩ ɩ tɩ cen Dotan.”» A Zuzɛb tɩ bɩɛr'ɩ a ʋ yɛbr tɩ nyɛ̃ bɛ a Dotan.
18Bɛ tɩ nyɛ̃ ʋ na ʋ na cãà zãá a. Bɛ tɩ bʋ n taa kɛ́ bɛ kʋ ʋ, ʋʋ bɛ ta a bɛ zie sɛr ɛ. 19Bɛ tɩ yere na kʋ̀rɛ taa: «A zánʋ sob'ɩ ŋa waar! 20Ƴɛrɛŋa ʋl a, nyɩ wa tɩ kʋ ʋ lɔb ƴãw a sa-bie-kʋ̃ɔ-bɔwrɩ á ŋá kãw pʋɔ, ɛ́ yel kɛ́ wɛ-dʋ̃-faa kãw nyɔw ʋ na 'wɔb. Tɩ na nyɛ̃ nɩ a lɛ a na na ŋmɛ̃ a ʋ zánʋ ƴãw a.» 21Ɛcɛ Urubɛn tɩ wõ a na, ɛ́ bɔbr k'ʋʋ faa ʋ a bɛ nuru pʋɔ. Ʋ tɩ yel'a: «Tɩ ta kʋ ʋ ɛ!» 22Ʋ tɩ cãà na lɛb yel: «Nyɩ taa kʋrɛ ʋ ɛ, nyɩ lɔb ʋ ƴãw a wɛja-kpalɛ pʋɔ sa-bie-kʋ̃ɔ-bɔw ŋa pʋɔ, ɛ́ taa kʋrɛ ʋ ɛ.» Ʋ tɩ bɔbr'a k'ʋʋ faa a Zuzɛb a bɛ nuru pʋɔ, lɛb tɛr ʋ tɩ kʋ̀ a ʋ sãà.
23A Zuzɛb na wa ta a ʋ yɛbr zie a, bɛ yaa nɩ a kpali-vla ʋ na su a, 24ɛ́ nyɔw ʋ lɔb ƴãw a sa-bie-kʋ̃ɔ-bɔw pʋɔ. A sa-bie-kʋ̃ɔ-bɔw tɩ ɩ n zawla, kʋ̃ɔ bɛ tɩ ka be ɩ. 25Al pùorí bɛ zɩ̃ kɛ́ bɛ dɩ. Bɛ tɩ dʋɔ nɩ a zuru nyɛ̃ Ɩsɩmayɛl bʋʋrɛ nɩbɛ na tɩ yi Galaadɩ tẽw cɔrɩ waar, ɛ́ cere Eziptɩ tẽw a. A bɛ nyɔ̃wmɩ tɩ tuo nɩ gɔm, adɩragãtɩ, boom nɩ ladanum#37:25 Gɔm, Adɩragãtɩ, Boom, Ladanum: A bʋ̃-nyuure vɩɛlɩ á ŋá a, bɛ mɩ́ tɩ sanɛ nɩ nɩ nɩbɛ, bɩɩ zɩɛr a kũuni k'aa ƴã-gamɛ ta sãw ɛ.. 26Zuda tɩ yel'ɩ a ʋ yɛbr: «Bʋ̃ʋ n'ʋ tɩ na kʋ a tɩ yɛb sɔwlɩ bɛr ɛ́ de? 27Tɩ nɩ̃ɛ kʋ̀ɔr'ʋ kʋ̀ a Ɩsɩmayɛl bʋʋrɛ bɛ ŋa, ɛ́ taa íre a ʋ nyɔ-vʋʋrʋ ɛ. Tɩ yɛb'ʋ, zɩ̃ɩ-been n'ɩ tɩ.» A ʋ yɛbr tɩ sàw nɩ a lɛ. 28Madian tẽw yɛ-yɛrbɛ kãw na tɩ tɔlɛ a be a tɩ ír'ɩ a Zuzɛb a sa-bie-kʋ̃ɔ-bɔw pʋɔ, kʋ̀ɔr'ʋ salm-pla libie lɩzɛr kʋ̀ a Ɩsɩmayɛl bʋʋrɛ, bɛ tɛr ʋ cen nɩ a Eziptɩ. 29A Urubɛn na tɩ lɛb wa a sa-bie-kʋ̃ɔ-bɔw pɛr a, a Zuzɛb bɛ tɩ cãà be ɩ. Ʋ tɩ taw nɩ a ʋ kparɩ cɩɛrɩ, 30ɛ́ lɛb cen a ʋ yɛbr zie tɩ yel bɛ: «A bie bɛ cãà be ɩ! Nyɩnɛ n'a ɩ̃ na kpɛ, a mãa?»
31A yɛbr tɩ nyɔw nɩ bʋrale kʋ, tõ a Zuzɛb kparʋ a zɩ̃ɩ pʋɔ. 32Bɛ tɩ tɩr'ɩ a kparʋ bɛ tɩ kʋ̀ a bɛ sãà, ɛ́ yel ʋ: «Bom ŋa n'ʋ tɩ nyɛ̃. Bɛl nyɛ̃, a fʋ bidɛb kparʋ n'ʋ bɩɩ ʋlɛ bɛ n'ʋ.» 33A Zakɔb tɩ bɛl'a bãw, ɛ́ ŋmɛ cɛl: «A ɩ̃ bidɛb kparʋ mɩŋa n'ʋ! Wɛ-dʋ̃-faa kãw nyɔw nɩ a Zuzɛb, ʋ taw ʋ na cɩɛrɩ!» 34Lɛ n'a ʋ tɩ taw a ʋ kparɩ cɩɛrɩ, ɛ́ ƴãw ko-tuolu bome kõ n a ʋ bidɛb kuor a tɩ cɛlɩ. 35A ʋ bidɛbr za nɩ a ʋ pɔwyaar za tɩ wa na kɛ́ bɛ wa mɔwl'ʋ, ɛcɛ ʋ bɛ tɩ sàw bɛ mɔwl'ʋ ɛ, ʋ tɩ yere na: «A wahala n'a ɩ̃ na tɛr tɩ páw nɩ a ɩ̃ bidɛb a kpɩmɛ tẽw.» Lɛ n'a ʋ tɩ cãà tɛr a kon.
36A Madian tẽw dem tɩ kʋ̀ɔr'ɩ a Zuzɛb kʋ̀ Potifaar, a Eziptɩ tẽw. A Potifaar tɩ ɩ n a Faarawɔ̃ dɛ-vár nɩ a sojarɩ na gùre ʋ a nɩ-kpɛ̃ɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.