Yele-za-pɛr-tib 40
40
1A yele tɩ cen na tɔl. Bibir kãw, a Eziptɩ tẽw nãà tõ-tõ-bi-bɛrɛ ayi kãw tɩ sãw ʋ na. A nãà dã-nyúuri kaarbɛ nɩ-kpɛ̃ɛ nɩ a ʋ dipɛ̃-maalbɛ nɩ-kpɛ̃ɛ tɩ nɛbɛ. 2A nãà Faarawɔ̃ tɩ nyɛ̃ nɩ bɛ nɩ suur, 3ɛ́ ƴãw bɛ nyɔw bɛ pàw a sojarɩ na gùre ʋ a nɩ-kpɛ̃ɛ gaso pʋɔ, a be tɔr za bɛ na tɩ pàw a Zuzɛb a. 4A sojarɩ na gùre a nãà a nɩ-kpɛ̃ɛ tɩ de bɛ na kʋ̀ a Zuzɛb ʋ kaarɛ a bɛ zie. Bɛ tɩ be n a gaso pʋɔ tɩ cɛlɩ blã.
A Zuzɛb na ír a Faarawɔ̃ tõ-tõ-bi-bɛrɛ zánʋ pɛr a
5Tɩ̃ɩsɔw kãw, a Eziptɩ tẽw nãà dã-nyúuri kaarbɛ nɩ-kpɛ̃ɛ nɩ a ʋ dipɛ̃-maalbɛ nɩ-kpɛ̃ɛ tɩ zanɩ nɩ a bɛ gaso pʋɔ. Zánʋ ŋa mɩ́ tɩ tɛr'ɩ a ʋ pɛr. 6A Zuzɛb na tɩ wa a biɓaara wa nyɛ̃ bɛ a, ʋ tɩ nyɛ̃ na bɛ sãw sãw niŋe. 7Lɛ n'a ʋ tɩ sowri bɛ: «Bʋ̃ʋ n'ʋ ɩ nyɩ sãw niŋe a dɩ̃a à ŋá?» 8Bɛ tɩ sɔw na: «Tɩ za ayi zanɩ na, ɛ́ nɩr bɛ ka be na ír a pɛr kʋ̀ tɩ ɛ.» Lɛ n'a a Zuzɛb tɩ yel bɛ: «Naaŋmɩn bɛ n'ʋ mɩ́ ír a zánʋ pɛr ɛ? Ɛcɛ nyɩ manɩ a nyɩ zánʋ kʋ̀ m ɩ̃ nyɛ̃.»
9A dã-nyúuri kaarbɛ nɩ-kpɛ̃ɛ tɩ man nɩ a ʋ zánʋ yel: «Ɩ̃ zanɩ na nyɛ̃ divɛ̃ tɩɛ a ɩ̃ niŋé. 10Ʋ tɩ tɛr'ɩ wuli ata. Ʋ na dɛ wa tɛbr a pɩrmɛ wa báarɛ a, ʋ ɩ n puuru cafʋʋ, al pùorí a ɩ divɛ̃-cãacule na mʋ̃ɔ a. 11Ɩ̃ tɩ tɛr'ɩ a Faarawɔ̃ koli-nyúura a ɩ̃ nũú. Lɛ n'a ɩ̃ tɩ pɔr a divɛ̃ tɩɛ wɔmɛ, ŋmɔwrɩ a kʋ̃ɔ ƴãw a kole pʋɔ tur ʋ.» 12A Zuzɛb tɩ yel ʋ na: «Nyɛ̃ a fʋ zánʋ pɛr: A wuli ata ɩ n bibie ata. 13Ka nɩ bibie ata a, a Faarawɔ̃ na zɛw fʋ na: ʋ na lɛb'a de a fʋ tõ-nʋɔr kʋ̀ b. Fʋ na mɩ́ lɛb'a tur ʋ a koli-nyúura mɛ̃ a dãwdãw a. 14A yele za wa ɩ vla a fʋ zie a, fʋ̃ʋ ƴãw fãw taa yiire mɛ̃ bɛrɛ ɩ. Ɩ nɔ̃wfʋ ɩb a ɩ̃ zie ƴɛ̀r a ɩ̃ ƴɛ̀rʋ kʋ̀ a Faarawɔ̃, ɛ́ ɩ ɩ̃ yi a gaso ŋa pʋɔ. 15Fãw n'a bɛ yi n mɛ̃ a ebre mɩnɛ tẽw wa n, ɛ́ a ka a, ɩ̃ bɛ ɩ bom na sɛw nɩ kɛ́ bɛ ƴãw mɛ̃ a gaso pʋɔ a ɩ.»
16A dipɛ̃-maalbɛ nɩ-kpɛ̃ɛ na tɩ nyɛ̃ a Zuzɛb ʋ ír a zánʋ pɛr ʋ ɩ zán-vla a, ʋ yel ʋ na: «Ɩ̃ mɩ̀ zanɩ na nyɛ̃ ɩ̃ tuo gato nɩ zãkparɩ ata cori taa. 17A zãkpa ʋl na tɩ be a saa-zu a pʋɔ a, a gato al a nãà na nɔnɛ a tɩ be n be, ɛ́ lili tɩ waar wa dɩrɛ a a pèlé pʋɔ, a ɩ̃ zũú.» 18A Zuzɛb tɩ de nɩ a ƴɛ̀rʋ yel: «Nyɛ̃ a fʋ zánʋ pɛr: A zãkparɩ ata ɩ n bibie ata. 19Ka nɩ bibie ata a, a Faarawɔ̃ na zɛw fʋ na, zɛw fʋ zuo a lɛ fʋ nãá bɔbr a: bɛ na yawlɩ fʋ nɩ tɩɛ zu, ɛ́ a lili wa vobr a fʋ ƴã-gã-nɛn.»
20Bibie ata pùorí, a Faarawɔ̃ tɩ maalɛ nɩ a ʋ dɔwfʋ yũon cuw, cɔbrɩ cuw-kpɛ̃ɛ dɩb a ʋ tõ-tõ-biir za ƴãw, ɛ́ a bɛ za niŋé ʋ zɛw a dã-nyúuri kaarbɛ nɩ-kpɛ̃ɛ nɩ a dipɛ̃-maalbɛ nɩ-kpɛ̃ɛ: 21ʋ tɩ lɛb'a de a dã-nyúuri kaarbɛ nɩ-kpɛ̃ɛ a ʋ tome pʋɔ, ʋ mɩ́ lɛb de a koli-nyúura ƴãw ʋ a nũú, 22ɛ́ ƴãw bɛ yawlɩ a dipɛ̃-maalbɛ nɩ-kpɛ̃ɛ, mɛ̃ a lɛ a Zuzɛb na tɩ ír a zánʋ pɛr a. 23Ɛcɛ a dã-nyúuri kaarbɛ nɩ-kpɛ̃ɛ bɛ tɩ tɛr a Zuzɛb tɩɛrʋ ɛ, ʋ tɩ yiir ʋ na bɛr.
Currently Selected:
Yele-za-pɛr-tib 40: DBDC
Highlight
Share
Copy
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Yele-za-pɛr-tib 40
40
1A yele tɩ cen na tɔl. Bibir kãw, a Eziptɩ tẽw nãà tõ-tõ-bi-bɛrɛ ayi kãw tɩ sãw ʋ na. A nãà dã-nyúuri kaarbɛ nɩ-kpɛ̃ɛ nɩ a ʋ dipɛ̃-maalbɛ nɩ-kpɛ̃ɛ tɩ nɛbɛ. 2A nãà Faarawɔ̃ tɩ nyɛ̃ nɩ bɛ nɩ suur, 3ɛ́ ƴãw bɛ nyɔw bɛ pàw a sojarɩ na gùre ʋ a nɩ-kpɛ̃ɛ gaso pʋɔ, a be tɔr za bɛ na tɩ pàw a Zuzɛb a. 4A sojarɩ na gùre a nãà a nɩ-kpɛ̃ɛ tɩ de bɛ na kʋ̀ a Zuzɛb ʋ kaarɛ a bɛ zie. Bɛ tɩ be n a gaso pʋɔ tɩ cɛlɩ blã.
A Zuzɛb na ír a Faarawɔ̃ tõ-tõ-bi-bɛrɛ zánʋ pɛr a
5Tɩ̃ɩsɔw kãw, a Eziptɩ tẽw nãà dã-nyúuri kaarbɛ nɩ-kpɛ̃ɛ nɩ a ʋ dipɛ̃-maalbɛ nɩ-kpɛ̃ɛ tɩ zanɩ nɩ a bɛ gaso pʋɔ. Zánʋ ŋa mɩ́ tɩ tɛr'ɩ a ʋ pɛr. 6A Zuzɛb na tɩ wa a biɓaara wa nyɛ̃ bɛ a, ʋ tɩ nyɛ̃ na bɛ sãw sãw niŋe. 7Lɛ n'a ʋ tɩ sowri bɛ: «Bʋ̃ʋ n'ʋ ɩ nyɩ sãw niŋe a dɩ̃a à ŋá?» 8Bɛ tɩ sɔw na: «Tɩ za ayi zanɩ na, ɛ́ nɩr bɛ ka be na ír a pɛr kʋ̀ tɩ ɛ.» Lɛ n'a a Zuzɛb tɩ yel bɛ: «Naaŋmɩn bɛ n'ʋ mɩ́ ír a zánʋ pɛr ɛ? Ɛcɛ nyɩ manɩ a nyɩ zánʋ kʋ̀ m ɩ̃ nyɛ̃.»
9A dã-nyúuri kaarbɛ nɩ-kpɛ̃ɛ tɩ man nɩ a ʋ zánʋ yel: «Ɩ̃ zanɩ na nyɛ̃ divɛ̃ tɩɛ a ɩ̃ niŋé. 10Ʋ tɩ tɛr'ɩ wuli ata. Ʋ na dɛ wa tɛbr a pɩrmɛ wa báarɛ a, ʋ ɩ n puuru cafʋʋ, al pùorí a ɩ divɛ̃-cãacule na mʋ̃ɔ a. 11Ɩ̃ tɩ tɛr'ɩ a Faarawɔ̃ koli-nyúura a ɩ̃ nũú. Lɛ n'a ɩ̃ tɩ pɔr a divɛ̃ tɩɛ wɔmɛ, ŋmɔwrɩ a kʋ̃ɔ ƴãw a kole pʋɔ tur ʋ.» 12A Zuzɛb tɩ yel ʋ na: «Nyɛ̃ a fʋ zánʋ pɛr: A wuli ata ɩ n bibie ata. 13Ka nɩ bibie ata a, a Faarawɔ̃ na zɛw fʋ na: ʋ na lɛb'a de a fʋ tõ-nʋɔr kʋ̀ b. Fʋ na mɩ́ lɛb'a tur ʋ a koli-nyúura mɛ̃ a dãwdãw a. 14A yele za wa ɩ vla a fʋ zie a, fʋ̃ʋ ƴãw fãw taa yiire mɛ̃ bɛrɛ ɩ. Ɩ nɔ̃wfʋ ɩb a ɩ̃ zie ƴɛ̀r a ɩ̃ ƴɛ̀rʋ kʋ̀ a Faarawɔ̃, ɛ́ ɩ ɩ̃ yi a gaso ŋa pʋɔ. 15Fãw n'a bɛ yi n mɛ̃ a ebre mɩnɛ tẽw wa n, ɛ́ a ka a, ɩ̃ bɛ ɩ bom na sɛw nɩ kɛ́ bɛ ƴãw mɛ̃ a gaso pʋɔ a ɩ.»
16A dipɛ̃-maalbɛ nɩ-kpɛ̃ɛ na tɩ nyɛ̃ a Zuzɛb ʋ ír a zánʋ pɛr ʋ ɩ zán-vla a, ʋ yel ʋ na: «Ɩ̃ mɩ̀ zanɩ na nyɛ̃ ɩ̃ tuo gato nɩ zãkparɩ ata cori taa. 17A zãkpa ʋl na tɩ be a saa-zu a pʋɔ a, a gato al a nãà na nɔnɛ a tɩ be n be, ɛ́ lili tɩ waar wa dɩrɛ a a pèlé pʋɔ, a ɩ̃ zũú.» 18A Zuzɛb tɩ de nɩ a ƴɛ̀rʋ yel: «Nyɛ̃ a fʋ zánʋ pɛr: A zãkparɩ ata ɩ n bibie ata. 19Ka nɩ bibie ata a, a Faarawɔ̃ na zɛw fʋ na, zɛw fʋ zuo a lɛ fʋ nãá bɔbr a: bɛ na yawlɩ fʋ nɩ tɩɛ zu, ɛ́ a lili wa vobr a fʋ ƴã-gã-nɛn.»
20Bibie ata pùorí, a Faarawɔ̃ tɩ maalɛ nɩ a ʋ dɔwfʋ yũon cuw, cɔbrɩ cuw-kpɛ̃ɛ dɩb a ʋ tõ-tõ-biir za ƴãw, ɛ́ a bɛ za niŋé ʋ zɛw a dã-nyúuri kaarbɛ nɩ-kpɛ̃ɛ nɩ a dipɛ̃-maalbɛ nɩ-kpɛ̃ɛ: 21ʋ tɩ lɛb'a de a dã-nyúuri kaarbɛ nɩ-kpɛ̃ɛ a ʋ tome pʋɔ, ʋ mɩ́ lɛb de a koli-nyúura ƴãw ʋ a nũú, 22ɛ́ ƴãw bɛ yawlɩ a dipɛ̃-maalbɛ nɩ-kpɛ̃ɛ, mɛ̃ a lɛ a Zuzɛb na tɩ ír a zánʋ pɛr a. 23Ɛcɛ a dã-nyúuri kaarbɛ nɩ-kpɛ̃ɛ bɛ tɩ tɛr a Zuzɛb tɩɛrʋ ɛ, ʋ tɩ yiir ʋ na bɛr.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.