Yele-za-pɛr-tib 43
43
A Zakɔb bɛr'ɩ a Bɛ̃zamɛ ʋ cen a Eziptɩ
1A kɔ̃ tɩ cãà na fɛrɛ a Kanãa tẽw. 2A Zakɔb yir dem na wa dɩ a ble bɛ na yi n a Eziptɩ wa n a baar'ɩ a, a Zakɔb yel'ɩ a ʋ bidɛbr: «Nyɩ lɛb cen tɩ dà bʋ̃-dɩrɩ blã wa kʋ̀ tɩ.» 3Zuda tɩ sɔw ʋ na: «A Eziptɩ tẽw kaarɛ yel'ɩ cãàmɩ́ kʋ̀ tɩ: “A nyɩ yɛb bɛ wa páw nyɩ wa a, ɩ̃ bɛ nyɛrɛ nyɩ a ɩ̃ niŋé ɩ!” 4Fʋ̃ʋ wa sàw a Bɛ̃zamɛ páw tɩ a, tɩ na cen na tɩ dà a bʋ̃-dɩrɩ wa kʋ̀ b. 5Ɛcɛ fʋ̃ʋ bɛ wa sàwr a, tɩ bɛ cere ɩ, bʋ̃ʋ n'ʋ vɛ̃, a nɩr ʋl yel'a kʋ̀ tɩ: “A nyɩ yɛb bɛ wa páw nyɩ wa a, ɩ̃ bɛ nyɛrɛ nyɩ a ɩ̃ niŋé ɩ!”» 6A Zakɔb lɛb yel: «Bʋ̃ʋ n'ʋ so nyɩ yel kʋ̀ a nɩr ŋa kɛ́ nyɩ cãà na tɛr yɛb. Nyɩ màl mɛ̃ nɩ a ka.» 7Bɛ tɩ sɔw na: «A nɩr ŋa sowri tɩ nɩ sowr-yaga na càarɩ tɩ, ɛ́ càarɩ a tɩ yir dem a. Ʋ sowri tɩ na: “A nyɩ sãà cãà na a? A nyɩ yɛb kãw cãà nɩ be e?” A sowru á ŋá tɛwr'a tɩ sɔw. Tɩ nãá tʋ̃ɔ́ na bãw k'ʋʋ na yel'a kɛ́ tɩ tɛr a tɩ yɛb wa n bɩɩ”?»
8Zuda tɩ yel a ƴãw pʋɔ: «Ɩ̃ sãà a, bɛr a Bɛ̃zamɛ ʋ páw mɛ̃ cen. Tɩmɛ wa bɔbr kɛ́ tɩ cãà vʋʋrɛ, a fʋ̃ʋ nɩ a tɩɩm nɩ a tɩ yie dem a, a fɛr'a kɛ́ tɩ cen. Tɩ dɛ bɛ bɔbr kɛ́ tɩ kpi ɛ. 9Ɩ̃ na kaarɛ nɩ a ʋ zie. Mãa bɛ wa tɛr ʋ lɛb wa n a, fʋ na tʋ̃ɔ́ na sowri mɛ̃ bom. Mãa bɛ wa tɛr ʋ lɛb wa kʋ̀ b a, ɩ̃ na ɩ n sãwna sob a fʋ zie kʋralɛ. 10Tɩmɛ bɛ tɩ nɩɩnɩ wa tɔ ka a, tɩ nãá yi n a Eziptɩ lɛb wa a gb'a ayi sob ƴãw.» 11A Zakɔb tɩ yel bɛ na: «A na faa ɩ fɛrʋ a, nyɩ nyɛ̃ a lɛ nyɩ na na ɩ a: nyɩ de a tɩ tẽw bʋ̃-vɩɛlɩ vɩɛlɩ ƴãw a nyɩ tuor pʋɔ tɩ kʋ̀ a Eziptɩ tẽw nɩr ŋa. Nyɩ tɛr tɩ-suur-zɔ̃-na-nyùur-vla-vla-a blã, sɩwr blã de nɩ gɔm, ladanum#43:11 Ladanum: Nyɛ̃ 37.25 nɩ a manʋ., pɩsɩtasɩ nɩ amãdɩ. 12Nyɩ lɛb cen nɩ a libie, nyɩ na yuo a nyɩ vʋɔrɩ nyɛ̃ a tɩ tɩr: tulu tɔ̃w n'a bɛ tuli. Nyɩ mɩ̀ de libi-yoru ƴãw pʋɔ cen nɩ. 13Nyɩ tɛr a nyɩ yɛb cen nɩ, nyɩ lɛb cen a nɩr ŋa zie. 14A Naaŋmɩn kpɛnʋ-za-sob, ʋ ɩ a nɩr ŋa zɔ nyɩ nɩbaalʋ, ɛ́ bɛr a Bɛ̃zamɛ nɩ a Sɩmɩ̃ɔ bɛ páw nyɩ lɛb wa! Mãa ƴãw a, ɩ̃ na zɩ̃ na bɛ tɛr bie ɩ, mɛ̃ ɩ̃ bɛ dãw tɛr ʋ a.»
A Zuzɛb nɩ a ʋ yɛbr na lãw dɩ a
15A nɩbɛ bɛ ŋa tɩ cɔbr'ɩ a bome bɛ na na kʋ̀ a Zuzɛb a, nɩ a libie ziir ayi. Bɛ tɩ ìr'a tɛr a Bɛ̃zamɛ siw nɩ a Eziptɩ, tɩ cen nɩ a Zuzɛb niŋé. 16A Zuzɛb na tɩ nyɛ̃ a Bɛ̃zamɛ ʋ pʋɔ a bɛ pʋɔ a, ʋ yel'ɩ a ʋ bʋ̃-kaarɛ: «Tɛr a nɩbɛ bɛ ŋa kul'ɩ a ɩ̃ yir. Ƴãw bɛ kʋ dʋ̃w ɩ n bʋ̃-dɩrɩ. Mãa nɩ bɛl na lãw na dɩ a mʋ̃tɔ̃-tuo.» 17A bʋ̃-kaarɛ tɩ tu n a lɛ a Zuzɛb na yel a, ɛ́ tɛr a nɩbɛ bɛ ŋa kul'ɩ a ʋ nɩ-kpɛ̃ɛ yir. 18Dɛ̃bɩ̃ɛ tɩ ɩrɛ bɛ na, bɛ na tɩ tɛr bɛ cere nɩ a Zuzɛb yir a. Bɛ tɩ yere na: «A libie bɛ na tɩ lɛb ƴãw a tɩ vʋɔrɩ pʋɔ, tɩ na tɩ wa a dãw-niwn sob a, al ƴãw n'a. Bɛ tɛr tɩ na cere nɩ na tɩ lo tɩ zu, ɩ tɩ, de a tɩ bòn, ɛ́ ɩ tɩ ɩ gbãgbaar.» 19Bɛ na tɩ ta a yir cɛ na kpɛ a, bɛ tɩ taw na ta a Zuzɛb bʋ̃-kaarɛ zie yel ʋ: 20«Bʋ̃-kaarɛ ɛ, fʋ gaafara! Tɩ tɩ dãw na siw wa dà bʋ̃-dɩrɩ. 21Tɩ na tɩ lɛb kule tɩ tɛw kɛ́ tɩ gã ìr a, tɩ yuo nɩ a tɩ vʋɔrɩ, ŋa za lɛb nyɛ̃ a ʋ libie a ʋ vʋɔra nʋɔrɩ́, a lɛ nʋɔr tɔr za tɩ na tɩ ya a. A libie á ŋá n'a tɩ lɛb tɛr wa n. 22Tɩ tɛr'ɩ libi-yũo wa n a bʋ̃-dɩrɩ dàb. Tɩ bɛ bãw ãa n'ʋ tɩ lɛb ƴãw a libie a tɩ vʋɔrɩ pʋɔ a ɩ.» 23A bʋ̃-kaarɛ tɩ sɔw na: «Nyɩ ɓãá ƴãw ɛ́ bɛr dɛ̃bɩ̃ɛ. A nyɩ Naaŋmɩn, a nyɩ sãà Naaŋmɩn n'ʋ ƴãw bʋ̃-vla kãw a nyɩ vʋɔrɩ pʋɔ. A nyɩ libie ƴãw a, a ta m'a.»
Al pùorí ʋ yuo a Sɩmɩ̃ɔ bɛr, 24ɛ́ ƴãw bɛ za kpɛ a Zuzɛb yir. Ʋ tɩ wa n nɩ kʋ̃ɔ bɛ wa pɛ́w a gbɛ́ɛ, ʋʋ kʋ̀ mʋ̃ɔ a bɛ bòn. 25Bɛ tɩ cɔbrɩ nɩ a bɛ bʋ̃-kʋ̀rɩ gù n a Zuzɛb na na wa a mʋ̃tɔ̃-tuo a. Bʋ̃ʋ n'ʋ vɛ̃, bɛ tɩ wõ na kɛ́ ʋlɛ nɩ a bɛl na lãw na dɩ a be. 26A Zuzɛb na wa ta a, bɛ kʋ̀ ʋ nɩ a bome bɛ na wa n a, ɛ́ gbĩ dume gũu tɩ tɔ tẽw a ʋ niŋé. 27A Zuzɛb tɩ sowri bɛ nɩ a bɛ ƴã-ɓaarʋ yele, al pùorí ʋ yel: «A nyɩ sãà-nyãw ƴɛ̀rʋ nyɩ na tɩ ƴɛ̀r a, ʋ kpɛmɛ na a? Ʋ nɩ̃ɛ na cãà a?» 28Bɛ tɩ sɔw na: «Ʋ̃ʋ, a fʋ tõ-tõ-bie, a tɩ sãà, ʋ kpɛmɛ na, ʋ cãà na.» Bɛ tɩ lɛb'a maal gbĩ dume gũu tɩ tɔ tẽw. 29A Zuzɛb tɩ jɩ́r'a nyɛ̃ a ʋ yɛb Bɛ̃zamɛ, a ʋ mã bie, ɛ́ sowri: «A nyɩ yɛ-bil-pʋrɩ za ƴɛ̀rʋ nyɩ na tɩ ƴɛ̀r a, ʋlɛ n'ɩ à ŋá a?» Al pùorí ʋ yel: «A Naaŋmɩn, ʋ maalɩ fʋ, ɩ̃ bie e!»
30A Zuzɛb na tɩ nyɛ̃ a ʋ yɛb a, a tɩ dam'ʋ nɩ yaga, ɛ́ mʋta-kʋ̃ɔ waar ʋ. Ʋ tɩ yi n fɔ̃wlɛ kpɛ a ʋ di-gana pʋɔ tɩ kõ. 31Ʋ na wa pɛ́w a niwn baar'a, ʋ lɛb'a wa, wa nyɔw ʋ tʋɔra ɛ́ yel: «Nyɩ wa n a bʋ̃-dɩrɩ!» 32Bɛ tɩ kʋ̀ n a bʋ̃-dɩrɩ a Zuzɛb, ʋ yõ zie, ɛ́ mɩ̀ kʋ̀ a ʋ yɛbr bɛ tɛwr zie. A Eziptɩ tẽw dem a Zuzɛb na tɩ bʋɔlɩ a, mɩ̀ tɩ dɩrɛ nɩ bɛ yõ zie, bʋ̃ʋ n'ʋ vɛ̃, a Eziptɩ tẽw dem bɛ tɩ tɛr sɔ́r na lãw dɩ n a ebre ɩ: ciir-kpɛ̃ɛ tɩ n'ʋ a bɛ zie. 33A Zuzɛb yɛbr tɩ zɩ̃ n a ʋ niŋé. Bɛ tɩ ƴãw na bɛ zɩ̃ a lɛ a dɔwfʋ na dɔw tu taa a: a dãw-dɔw tɩ tɔ a bile. A tɩ ur bɛ na, bɛ jɩ́rɛ taa. 34A Zuzɛb tɩ ƴãw na bɛ kʋ̀ bɛ a bʋ̃-dɩrɩ na bin a ʋ zie a. A Bɛ̃zamɛ dem tɩ yãwmɛ nɩ gb'a anũu zuo a ʋ yɛbr za dem. Bɛlɛ nɩ a Zuzɛb tɩ lãw na nyũ divɛ̃ tɩ bur bɛ za.
Currently Selected:
Yele-za-pɛr-tib 43: DBDC
Highlight
Share
Copy
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Yele-za-pɛr-tib 43
43
A Zakɔb bɛr'ɩ a Bɛ̃zamɛ ʋ cen a Eziptɩ
1A kɔ̃ tɩ cãà na fɛrɛ a Kanãa tẽw. 2A Zakɔb yir dem na wa dɩ a ble bɛ na yi n a Eziptɩ wa n a baar'ɩ a, a Zakɔb yel'ɩ a ʋ bidɛbr: «Nyɩ lɛb cen tɩ dà bʋ̃-dɩrɩ blã wa kʋ̀ tɩ.» 3Zuda tɩ sɔw ʋ na: «A Eziptɩ tẽw kaarɛ yel'ɩ cãàmɩ́ kʋ̀ tɩ: “A nyɩ yɛb bɛ wa páw nyɩ wa a, ɩ̃ bɛ nyɛrɛ nyɩ a ɩ̃ niŋé ɩ!” 4Fʋ̃ʋ wa sàw a Bɛ̃zamɛ páw tɩ a, tɩ na cen na tɩ dà a bʋ̃-dɩrɩ wa kʋ̀ b. 5Ɛcɛ fʋ̃ʋ bɛ wa sàwr a, tɩ bɛ cere ɩ, bʋ̃ʋ n'ʋ vɛ̃, a nɩr ʋl yel'a kʋ̀ tɩ: “A nyɩ yɛb bɛ wa páw nyɩ wa a, ɩ̃ bɛ nyɛrɛ nyɩ a ɩ̃ niŋé ɩ!”» 6A Zakɔb lɛb yel: «Bʋ̃ʋ n'ʋ so nyɩ yel kʋ̀ a nɩr ŋa kɛ́ nyɩ cãà na tɛr yɛb. Nyɩ màl mɛ̃ nɩ a ka.» 7Bɛ tɩ sɔw na: «A nɩr ŋa sowri tɩ nɩ sowr-yaga na càarɩ tɩ, ɛ́ càarɩ a tɩ yir dem a. Ʋ sowri tɩ na: “A nyɩ sãà cãà na a? A nyɩ yɛb kãw cãà nɩ be e?” A sowru á ŋá tɛwr'a tɩ sɔw. Tɩ nãá tʋ̃ɔ́ na bãw k'ʋʋ na yel'a kɛ́ tɩ tɛr a tɩ yɛb wa n bɩɩ”?»
8Zuda tɩ yel a ƴãw pʋɔ: «Ɩ̃ sãà a, bɛr a Bɛ̃zamɛ ʋ páw mɛ̃ cen. Tɩmɛ wa bɔbr kɛ́ tɩ cãà vʋʋrɛ, a fʋ̃ʋ nɩ a tɩɩm nɩ a tɩ yie dem a, a fɛr'a kɛ́ tɩ cen. Tɩ dɛ bɛ bɔbr kɛ́ tɩ kpi ɛ. 9Ɩ̃ na kaarɛ nɩ a ʋ zie. Mãa bɛ wa tɛr ʋ lɛb wa n a, fʋ na tʋ̃ɔ́ na sowri mɛ̃ bom. Mãa bɛ wa tɛr ʋ lɛb wa kʋ̀ b a, ɩ̃ na ɩ n sãwna sob a fʋ zie kʋralɛ. 10Tɩmɛ bɛ tɩ nɩɩnɩ wa tɔ ka a, tɩ nãá yi n a Eziptɩ lɛb wa a gb'a ayi sob ƴãw.» 11A Zakɔb tɩ yel bɛ na: «A na faa ɩ fɛrʋ a, nyɩ nyɛ̃ a lɛ nyɩ na na ɩ a: nyɩ de a tɩ tẽw bʋ̃-vɩɛlɩ vɩɛlɩ ƴãw a nyɩ tuor pʋɔ tɩ kʋ̀ a Eziptɩ tẽw nɩr ŋa. Nyɩ tɛr tɩ-suur-zɔ̃-na-nyùur-vla-vla-a blã, sɩwr blã de nɩ gɔm, ladanum#43:11 Ladanum: Nyɛ̃ 37.25 nɩ a manʋ., pɩsɩtasɩ nɩ amãdɩ. 12Nyɩ lɛb cen nɩ a libie, nyɩ na yuo a nyɩ vʋɔrɩ nyɛ̃ a tɩ tɩr: tulu tɔ̃w n'a bɛ tuli. Nyɩ mɩ̀ de libi-yoru ƴãw pʋɔ cen nɩ. 13Nyɩ tɛr a nyɩ yɛb cen nɩ, nyɩ lɛb cen a nɩr ŋa zie. 14A Naaŋmɩn kpɛnʋ-za-sob, ʋ ɩ a nɩr ŋa zɔ nyɩ nɩbaalʋ, ɛ́ bɛr a Bɛ̃zamɛ nɩ a Sɩmɩ̃ɔ bɛ páw nyɩ lɛb wa! Mãa ƴãw a, ɩ̃ na zɩ̃ na bɛ tɛr bie ɩ, mɛ̃ ɩ̃ bɛ dãw tɛr ʋ a.»
A Zuzɛb nɩ a ʋ yɛbr na lãw dɩ a
15A nɩbɛ bɛ ŋa tɩ cɔbr'ɩ a bome bɛ na na kʋ̀ a Zuzɛb a, nɩ a libie ziir ayi. Bɛ tɩ ìr'a tɛr a Bɛ̃zamɛ siw nɩ a Eziptɩ, tɩ cen nɩ a Zuzɛb niŋé. 16A Zuzɛb na tɩ nyɛ̃ a Bɛ̃zamɛ ʋ pʋɔ a bɛ pʋɔ a, ʋ yel'ɩ a ʋ bʋ̃-kaarɛ: «Tɛr a nɩbɛ bɛ ŋa kul'ɩ a ɩ̃ yir. Ƴãw bɛ kʋ dʋ̃w ɩ n bʋ̃-dɩrɩ. Mãa nɩ bɛl na lãw na dɩ a mʋ̃tɔ̃-tuo.» 17A bʋ̃-kaarɛ tɩ tu n a lɛ a Zuzɛb na yel a, ɛ́ tɛr a nɩbɛ bɛ ŋa kul'ɩ a ʋ nɩ-kpɛ̃ɛ yir. 18Dɛ̃bɩ̃ɛ tɩ ɩrɛ bɛ na, bɛ na tɩ tɛr bɛ cere nɩ a Zuzɛb yir a. Bɛ tɩ yere na: «A libie bɛ na tɩ lɛb ƴãw a tɩ vʋɔrɩ pʋɔ, tɩ na tɩ wa a dãw-niwn sob a, al ƴãw n'a. Bɛ tɛr tɩ na cere nɩ na tɩ lo tɩ zu, ɩ tɩ, de a tɩ bòn, ɛ́ ɩ tɩ ɩ gbãgbaar.» 19Bɛ na tɩ ta a yir cɛ na kpɛ a, bɛ tɩ taw na ta a Zuzɛb bʋ̃-kaarɛ zie yel ʋ: 20«Bʋ̃-kaarɛ ɛ, fʋ gaafara! Tɩ tɩ dãw na siw wa dà bʋ̃-dɩrɩ. 21Tɩ na tɩ lɛb kule tɩ tɛw kɛ́ tɩ gã ìr a, tɩ yuo nɩ a tɩ vʋɔrɩ, ŋa za lɛb nyɛ̃ a ʋ libie a ʋ vʋɔra nʋɔrɩ́, a lɛ nʋɔr tɔr za tɩ na tɩ ya a. A libie á ŋá n'a tɩ lɛb tɛr wa n. 22Tɩ tɛr'ɩ libi-yũo wa n a bʋ̃-dɩrɩ dàb. Tɩ bɛ bãw ãa n'ʋ tɩ lɛb ƴãw a libie a tɩ vʋɔrɩ pʋɔ a ɩ.» 23A bʋ̃-kaarɛ tɩ sɔw na: «Nyɩ ɓãá ƴãw ɛ́ bɛr dɛ̃bɩ̃ɛ. A nyɩ Naaŋmɩn, a nyɩ sãà Naaŋmɩn n'ʋ ƴãw bʋ̃-vla kãw a nyɩ vʋɔrɩ pʋɔ. A nyɩ libie ƴãw a, a ta m'a.»
Al pùorí ʋ yuo a Sɩmɩ̃ɔ bɛr, 24ɛ́ ƴãw bɛ za kpɛ a Zuzɛb yir. Ʋ tɩ wa n nɩ kʋ̃ɔ bɛ wa pɛ́w a gbɛ́ɛ, ʋʋ kʋ̀ mʋ̃ɔ a bɛ bòn. 25Bɛ tɩ cɔbrɩ nɩ a bɛ bʋ̃-kʋ̀rɩ gù n a Zuzɛb na na wa a mʋ̃tɔ̃-tuo a. Bʋ̃ʋ n'ʋ vɛ̃, bɛ tɩ wõ na kɛ́ ʋlɛ nɩ a bɛl na lãw na dɩ a be. 26A Zuzɛb na wa ta a, bɛ kʋ̀ ʋ nɩ a bome bɛ na wa n a, ɛ́ gbĩ dume gũu tɩ tɔ tẽw a ʋ niŋé. 27A Zuzɛb tɩ sowri bɛ nɩ a bɛ ƴã-ɓaarʋ yele, al pùorí ʋ yel: «A nyɩ sãà-nyãw ƴɛ̀rʋ nyɩ na tɩ ƴɛ̀r a, ʋ kpɛmɛ na a? Ʋ nɩ̃ɛ na cãà a?» 28Bɛ tɩ sɔw na: «Ʋ̃ʋ, a fʋ tõ-tõ-bie, a tɩ sãà, ʋ kpɛmɛ na, ʋ cãà na.» Bɛ tɩ lɛb'a maal gbĩ dume gũu tɩ tɔ tẽw. 29A Zuzɛb tɩ jɩ́r'a nyɛ̃ a ʋ yɛb Bɛ̃zamɛ, a ʋ mã bie, ɛ́ sowri: «A nyɩ yɛ-bil-pʋrɩ za ƴɛ̀rʋ nyɩ na tɩ ƴɛ̀r a, ʋlɛ n'ɩ à ŋá a?» Al pùorí ʋ yel: «A Naaŋmɩn, ʋ maalɩ fʋ, ɩ̃ bie e!»
30A Zuzɛb na tɩ nyɛ̃ a ʋ yɛb a, a tɩ dam'ʋ nɩ yaga, ɛ́ mʋta-kʋ̃ɔ waar ʋ. Ʋ tɩ yi n fɔ̃wlɛ kpɛ a ʋ di-gana pʋɔ tɩ kõ. 31Ʋ na wa pɛ́w a niwn baar'a, ʋ lɛb'a wa, wa nyɔw ʋ tʋɔra ɛ́ yel: «Nyɩ wa n a bʋ̃-dɩrɩ!» 32Bɛ tɩ kʋ̀ n a bʋ̃-dɩrɩ a Zuzɛb, ʋ yõ zie, ɛ́ mɩ̀ kʋ̀ a ʋ yɛbr bɛ tɛwr zie. A Eziptɩ tẽw dem a Zuzɛb na tɩ bʋɔlɩ a, mɩ̀ tɩ dɩrɛ nɩ bɛ yõ zie, bʋ̃ʋ n'ʋ vɛ̃, a Eziptɩ tẽw dem bɛ tɩ tɛr sɔ́r na lãw dɩ n a ebre ɩ: ciir-kpɛ̃ɛ tɩ n'ʋ a bɛ zie. 33A Zuzɛb yɛbr tɩ zɩ̃ n a ʋ niŋé. Bɛ tɩ ƴãw na bɛ zɩ̃ a lɛ a dɔwfʋ na dɔw tu taa a: a dãw-dɔw tɩ tɔ a bile. A tɩ ur bɛ na, bɛ jɩ́rɛ taa. 34A Zuzɛb tɩ ƴãw na bɛ kʋ̀ bɛ a bʋ̃-dɩrɩ na bin a ʋ zie a. A Bɛ̃zamɛ dem tɩ yãwmɛ nɩ gb'a anũu zuo a ʋ yɛbr za dem. Bɛlɛ nɩ a Zuzɛb tɩ lãw na nyũ divɛ̃ tɩ bur bɛ za.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.