Levitɩ mɩnɛ 20
20
A puoru ɩ-ɩrɩ al na ciir a
1A Sore tɩ yel'ɩ a Moyiir 2k'ʋʋ tɛr wulu á ŋá a Ɩsɩrayɛl nɩbɛ zie:
«Ɩsɩrayɛl nɩr bɩɩ nʋʋra na kpɩɛr a Ɩsɩrayɛl tẽw pʋɔ a wa de a ʋ bie kãw maal'ɩ bàwr#20:2 A nyɔw a bibile maal'ɩ bàwr ciir'ɩ a Naaŋmɩn nɛ-ƴãwnɩ pʋɔ. Nyɛ̃ Wl-ayi 12.31, 18.10. kʋ̀ a ŋmɩn Molɛkɩ a, a fɛr'a kɛ́ bɛ kʋ ʋ. A tẽw dem na lɔb'ɩ ʋ nɩ kʋsɛbɛ kʋ, 3bʋ̃ʋ n'ʋ vɛ̃, mãa mɩŋa na ìr'ɩ a nɩr ŋa ƴãw. Ɩ̃ na ír ʋ na bɛr a Ɩsɩrayɛl nɩbɛ pʋɔ, ʋ na de a ʋ bie kʋ̀ a Molɛkɩ a ƴãw, nɩ ʋ na dɛw a ɩ̃ zi-sõw bɛr ɛ́ sãw a ɩ̃ yo-sõw a ƴãw. 4A tẽw dem wa pàw a bɛ mimie a nɩr ŋa ɩ-ɩrɩ ƴãw kɛ́ bɛ taa wa kʋrɛ ʋ a, 5mãa mɩŋa na ìr'ɩ a nɩr ŋa nɩ a ʋ yir dem ƴãw. Ɩ̃ na ír bɛ na bɛr a Ɩsɩrayɛl nɩbɛ pʋɔ, ʋlɛ nɩ a bɛlɩ dem za na na lãw nɩ ʋ puori a Molɛkɩ, a ɩ tɩɩb'ʋ bɛ maalɩ a.»
6«Nɩr wa sowre kpɩ̃ɩn, sowru bʋʋrɛ kãw za a, tɩbɛ maalʋ kãw n'a, ɩ̃ na ìr'ɩ a sob ƴãw, ír ʋ bɛr a Ɩsɩrayɛl bʋʋrɛ pʋɔ.»
7«Nyɩ ɩrɛ nɩ-son ɩb, ɩ̃ na ɩ a Sore nyɩ Naaŋmɩn a ƴãw.»
A sãwna al na waar'ɩ dɔwrʋ na tɩbrɛ a
8«Nyɩ maal tɛr a ɩ̃ nɛ́ɛ ɛ́ sàwr a. Mãa n'ɩ a Sore na ɩrɛ nyɩ ɩ nɩ-son a.»
9«Nɩr wa tʋ a ʋ sãà bɩɩ a ʋ mã a, bɛ na kʋ ʋ na. Ʋl yõ so a ʋ kũu, ʋ na tʋ a ʋ sãà bɩɩ a ʋ mã a ƴãw.»
10«Nɩr wa maalɩ pɩ̃ɔ-yele nɩ a ʋ tɔ pɔw a, bɛ na kʋ n a dɛb nɩ a pɔw za.»
11«Dɛb wa gã nɩ a ʋ sãà pɔw kãw a, ʋ ƴãw nɩ a ʋ sãà vĩ. Bɛ na kʋ n a sãwna dem bɛ za ayi. Bɛl yõ so a bɛ kũu.»
12«Dɛb wa gã nɩ a ʋ bie-pɔw a, bɛ na kʋ n bɛ za ayi, bɛ na tõ tõ-faa na bɛ sɛw a ƴãw. Bɛl yõ so a bɛ kũu.»
13«Dɛb wa gã nɩ a ʋ dɛb-tɔ, mɛ̃ a lɛ bɛ na mɩ́ gã nɩ pɔw a, bɛ tõ n tõ-faa na bɛ maal'ɩ wob a, a fɛr'a kɛ́ bɛ kʋ bɛ. Bɛl yõ so a bɛ kũu.»
14«Dɛb wa lãw kul pɔwyaa nɩ a ʋ mã a, vĩ-yel'ʋ. Bɛ na nyɩw nɩ a dɛb nɩ a pɔwbɛ bɛ za ayi. À ŋá n'a a vĩ-yel ŋa kʋ̃ be a nyɩ sɔgɔ ɩ.»
15«Dɛb wa do dʋ̃w a, bɛ na kʋ ʋ na, ɛ́ kʋ a dʋ̃w.»
16«Pɔw wa ɩ dʋ̃w do ʋ a, bɛ na kʋ n a pɔw nɩ a dʋ̃w za, bɛl yõ so a bɛ kũu.»
17«Dɛb wa kul a ʋ yeepuule, a ʋ sãà bɩɩ a ʋ mã pɔwyaa kãw, ɛ́ bɛ gã nɩ taa a, vĩ-yel'ʋ, bɛ na ƴãw bɛ nɩ dɔwrʋ a Ɩsɩrayɛl nɩbɛ na cɛ a niŋé. A dɛb ŋa gã nɩ nɩ a ʋ yeepuule, ʋlɛ na so a ʋ sãwna.»
18«Dɛb wa gã nɩ pɔw na lo sɩɛ a, bɛ na ír'ɩ bɛ za ayi bɛr a Ɩsɩrayɛl nɩbɛ pʋɔ, bɛ na wõ taa nyɛ̃ a zɩ̃ɩ yib zie a ƴãw.»
19«Nyɩ bɛ ganɛ nɩ a nyɩ mã yɛb kãw bɩɩ a nyɩ pùre kãw ɛ. Nɩr wa gã nɩ a ʋ nɩr kãw a, bɛ za ayi na so nɩ a bɛ sãwna.»
20«Dɛb wa gã nɩ a ʋ sãà yɛb pɔw a, a ʋ sãà yɛb'ʋ ʋ ƴãw vĩ. A sãwna dem bɛ ŋa ayi na so nɩ a bɛ yel-bier, ɛ́ bɛ na kpi na ɛ́ bɛ tɛr bibiir ɛ.»
21«Dɛb wa kul a ʋ yɛb pɔw a, dɛwr'a. Bɛ kʋ̃ tɛr bibiir ɛ, ʋ na ƴãw a ʋ yɛb vĩ a ƴãw.»
22«Nyɩ maal tɛr a ɩ̃ nɛ́ɛ nɩ a ɩ̃ tub, ɛ́ sàwr a. Lɛ n'a a tẽw ʋl ɩ̃ na tɛr nyɩ cere nɩ na tɩ ƴãw nyɩ kpɩɛr a kʋ̃ zawrɩ nyɩ bɛr ɛ. 23Nyɩ taa tuur a nɩ-bʋʋrɛ ɩ̃ na diwr bɛrɛ a nyɩ niŋé a ɩ-ɩrɩ ɛ. A bɛ ɩ-ɩrɩ á ŋá n'a so ɩ̃ bɛ nɔ̃w a bɛ yele ɩ, 24ɛ́ yel nyɩ à ŋá:
“Nyɩmɛ nɛbɛ na so a bɛ tẽw,
ɩ̃ dier ʋ na kʋ̀rɛ nyɩ kɛ́ nyɩ so ʋ,
tẽw bʋ̀rʋ nɩ sɩwr na gbɔlɛ a n'ʋ!”
Mãa n'ɩ a Sore nyɩ Naaŋmɩn na ɩ nyɩ ɩ nyɩ tʋɔra a nɩ-bʋʋr-yoru sɔgɔ a. 25Alɛ n'a so a fɛr kɛ́ nyɩ bãwnɩ a dʋ̃-vɩɛlɩ nɩ a dʋ̃-dɛgɛ, a bʋ̃-pɩw-vɩɛlɩ nɩ a bʋ̃-pɩw-dɛgɛ. Nyɩ bɛ ƴãwnɛ dɛwr nyɩ tʋɔra, tʋɔr a al na tɛr dɛwr a ɩ: a dʋn, a bʋ̃-pɩgɛ, a dʋ̃-cãcãpili na vure a tẽw a. Ɩ̃ ƴãw nɩ a owru ŋa kɛ́ nyɩ tʋ̃ɔ́ mɩ́ bãw a al na ɩ a dʋ̃-dɛgɛ a.»
26«Nyɩ ɩ nɩ-son, be a ɩ̃ tome ƴãw, ɩ̃ na ɩ sõw a ƴãw, a mãa, a Sore. Ɩ̃ ɩ na nyɩ ɩ nyɩ tʋɔra a nɩ-bʋʋr-yoru sɔgɔ, k'ɩ̃ɩ tʋ̃ɔ́ so nyɩ.»
27«Dɛb bɩɩ pɔw wa sowre a kpɩmɛ a, a fɛr'a kɛ́ bɛ kʋ bɛ: bɛ na lɔb'ɩ bɛ nɩ kʋsɛbɛ kʋ. Bɛl yõ na so a bɛ kũu.»
Currently Selected:
Levitɩ mɩnɛ 20: DBDC
Highlight
Share
Copy
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Levitɩ mɩnɛ 20
20
A puoru ɩ-ɩrɩ al na ciir a
1A Sore tɩ yel'ɩ a Moyiir 2k'ʋʋ tɛr wulu á ŋá a Ɩsɩrayɛl nɩbɛ zie:
«Ɩsɩrayɛl nɩr bɩɩ nʋʋra na kpɩɛr a Ɩsɩrayɛl tẽw pʋɔ a wa de a ʋ bie kãw maal'ɩ bàwr#20:2 A nyɔw a bibile maal'ɩ bàwr ciir'ɩ a Naaŋmɩn nɛ-ƴãwnɩ pʋɔ. Nyɛ̃ Wl-ayi 12.31, 18.10. kʋ̀ a ŋmɩn Molɛkɩ a, a fɛr'a kɛ́ bɛ kʋ ʋ. A tẽw dem na lɔb'ɩ ʋ nɩ kʋsɛbɛ kʋ, 3bʋ̃ʋ n'ʋ vɛ̃, mãa mɩŋa na ìr'ɩ a nɩr ŋa ƴãw. Ɩ̃ na ír ʋ na bɛr a Ɩsɩrayɛl nɩbɛ pʋɔ, ʋ na de a ʋ bie kʋ̀ a Molɛkɩ a ƴãw, nɩ ʋ na dɛw a ɩ̃ zi-sõw bɛr ɛ́ sãw a ɩ̃ yo-sõw a ƴãw. 4A tẽw dem wa pàw a bɛ mimie a nɩr ŋa ɩ-ɩrɩ ƴãw kɛ́ bɛ taa wa kʋrɛ ʋ a, 5mãa mɩŋa na ìr'ɩ a nɩr ŋa nɩ a ʋ yir dem ƴãw. Ɩ̃ na ír bɛ na bɛr a Ɩsɩrayɛl nɩbɛ pʋɔ, ʋlɛ nɩ a bɛlɩ dem za na na lãw nɩ ʋ puori a Molɛkɩ, a ɩ tɩɩb'ʋ bɛ maalɩ a.»
6«Nɩr wa sowre kpɩ̃ɩn, sowru bʋʋrɛ kãw za a, tɩbɛ maalʋ kãw n'a, ɩ̃ na ìr'ɩ a sob ƴãw, ír ʋ bɛr a Ɩsɩrayɛl bʋʋrɛ pʋɔ.»
7«Nyɩ ɩrɛ nɩ-son ɩb, ɩ̃ na ɩ a Sore nyɩ Naaŋmɩn a ƴãw.»
A sãwna al na waar'ɩ dɔwrʋ na tɩbrɛ a
8«Nyɩ maal tɛr a ɩ̃ nɛ́ɛ ɛ́ sàwr a. Mãa n'ɩ a Sore na ɩrɛ nyɩ ɩ nɩ-son a.»
9«Nɩr wa tʋ a ʋ sãà bɩɩ a ʋ mã a, bɛ na kʋ ʋ na. Ʋl yõ so a ʋ kũu, ʋ na tʋ a ʋ sãà bɩɩ a ʋ mã a ƴãw.»
10«Nɩr wa maalɩ pɩ̃ɔ-yele nɩ a ʋ tɔ pɔw a, bɛ na kʋ n a dɛb nɩ a pɔw za.»
11«Dɛb wa gã nɩ a ʋ sãà pɔw kãw a, ʋ ƴãw nɩ a ʋ sãà vĩ. Bɛ na kʋ n a sãwna dem bɛ za ayi. Bɛl yõ so a bɛ kũu.»
12«Dɛb wa gã nɩ a ʋ bie-pɔw a, bɛ na kʋ n bɛ za ayi, bɛ na tõ tõ-faa na bɛ sɛw a ƴãw. Bɛl yõ so a bɛ kũu.»
13«Dɛb wa gã nɩ a ʋ dɛb-tɔ, mɛ̃ a lɛ bɛ na mɩ́ gã nɩ pɔw a, bɛ tõ n tõ-faa na bɛ maal'ɩ wob a, a fɛr'a kɛ́ bɛ kʋ bɛ. Bɛl yõ so a bɛ kũu.»
14«Dɛb wa lãw kul pɔwyaa nɩ a ʋ mã a, vĩ-yel'ʋ. Bɛ na nyɩw nɩ a dɛb nɩ a pɔwbɛ bɛ za ayi. À ŋá n'a a vĩ-yel ŋa kʋ̃ be a nyɩ sɔgɔ ɩ.»
15«Dɛb wa do dʋ̃w a, bɛ na kʋ ʋ na, ɛ́ kʋ a dʋ̃w.»
16«Pɔw wa ɩ dʋ̃w do ʋ a, bɛ na kʋ n a pɔw nɩ a dʋ̃w za, bɛl yõ so a bɛ kũu.»
17«Dɛb wa kul a ʋ yeepuule, a ʋ sãà bɩɩ a ʋ mã pɔwyaa kãw, ɛ́ bɛ gã nɩ taa a, vĩ-yel'ʋ, bɛ na ƴãw bɛ nɩ dɔwrʋ a Ɩsɩrayɛl nɩbɛ na cɛ a niŋé. A dɛb ŋa gã nɩ nɩ a ʋ yeepuule, ʋlɛ na so a ʋ sãwna.»
18«Dɛb wa gã nɩ pɔw na lo sɩɛ a, bɛ na ír'ɩ bɛ za ayi bɛr a Ɩsɩrayɛl nɩbɛ pʋɔ, bɛ na wõ taa nyɛ̃ a zɩ̃ɩ yib zie a ƴãw.»
19«Nyɩ bɛ ganɛ nɩ a nyɩ mã yɛb kãw bɩɩ a nyɩ pùre kãw ɛ. Nɩr wa gã nɩ a ʋ nɩr kãw a, bɛ za ayi na so nɩ a bɛ sãwna.»
20«Dɛb wa gã nɩ a ʋ sãà yɛb pɔw a, a ʋ sãà yɛb'ʋ ʋ ƴãw vĩ. A sãwna dem bɛ ŋa ayi na so nɩ a bɛ yel-bier, ɛ́ bɛ na kpi na ɛ́ bɛ tɛr bibiir ɛ.»
21«Dɛb wa kul a ʋ yɛb pɔw a, dɛwr'a. Bɛ kʋ̃ tɛr bibiir ɛ, ʋ na ƴãw a ʋ yɛb vĩ a ƴãw.»
22«Nyɩ maal tɛr a ɩ̃ nɛ́ɛ nɩ a ɩ̃ tub, ɛ́ sàwr a. Lɛ n'a a tẽw ʋl ɩ̃ na tɛr nyɩ cere nɩ na tɩ ƴãw nyɩ kpɩɛr a kʋ̃ zawrɩ nyɩ bɛr ɛ. 23Nyɩ taa tuur a nɩ-bʋʋrɛ ɩ̃ na diwr bɛrɛ a nyɩ niŋé a ɩ-ɩrɩ ɛ. A bɛ ɩ-ɩrɩ á ŋá n'a so ɩ̃ bɛ nɔ̃w a bɛ yele ɩ, 24ɛ́ yel nyɩ à ŋá:
“Nyɩmɛ nɛbɛ na so a bɛ tẽw,
ɩ̃ dier ʋ na kʋ̀rɛ nyɩ kɛ́ nyɩ so ʋ,
tẽw bʋ̀rʋ nɩ sɩwr na gbɔlɛ a n'ʋ!”
Mãa n'ɩ a Sore nyɩ Naaŋmɩn na ɩ nyɩ ɩ nyɩ tʋɔra a nɩ-bʋʋr-yoru sɔgɔ a. 25Alɛ n'a so a fɛr kɛ́ nyɩ bãwnɩ a dʋ̃-vɩɛlɩ nɩ a dʋ̃-dɛgɛ, a bʋ̃-pɩw-vɩɛlɩ nɩ a bʋ̃-pɩw-dɛgɛ. Nyɩ bɛ ƴãwnɛ dɛwr nyɩ tʋɔra, tʋɔr a al na tɛr dɛwr a ɩ: a dʋn, a bʋ̃-pɩgɛ, a dʋ̃-cãcãpili na vure a tẽw a. Ɩ̃ ƴãw nɩ a owru ŋa kɛ́ nyɩ tʋ̃ɔ́ mɩ́ bãw a al na ɩ a dʋ̃-dɛgɛ a.»
26«Nyɩ ɩ nɩ-son, be a ɩ̃ tome ƴãw, ɩ̃ na ɩ sõw a ƴãw, a mãa, a Sore. Ɩ̃ ɩ na nyɩ ɩ nyɩ tʋɔra a nɩ-bʋʋr-yoru sɔgɔ, k'ɩ̃ɩ tʋ̃ɔ́ so nyɩ.»
27«Dɛb bɩɩ pɔw wa sowre a kpɩmɛ a, a fɛr'a kɛ́ bɛ kʋ bɛ: bɛ na lɔb'ɩ bɛ nɩ kʋsɛbɛ kʋ. Bɛl yõ na so a bɛ kũu.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.