Levitɩ mɩnɛ 27
27
Yel-dɔwlɩ: a nɔ-koni samɛ
1A Sore tɩ yel'ɩ a Moyiir 2k'ʋʋ tɛr wulu á ŋá a Ɩsɩrayɛl nɩbɛ zie:
«Nɩr wa kõ nʋɔr yel k'ʋʋ na de nɩ nɩr kʋ̀ a Sore a, ʋ na tʋ̃ɔ́ na tɩr libie ír'ɩ a ʋ nʋɔr. 3Nyɛ̃ a libie nʋɔr:
Yome lɩzɛr tɩ ta yome lɩz'a ata nɩr ƴãw a: dɛb wa n'ʋ a, salm-pla libie lɩz'a ayi nɩ pie — a libie na dɩrɛ a zi-sõw pʋɔ a — 4pɔw wa n'ʋ a, salm-pla libie lɩzɛr'ɩ pie.
5Yome anũu tɩ ta yome lɩzɛr pɔl ƴãw a: dɛble wa n'ʋ a, salm-pla libie lɩzɛr, ɛ́ ʋlɛ wa ɩ powle a, salm-pla libie pie.
6Cuw-been tɩ ta yome anũu bibile ƴãw a: dɛble wa n'ʋ a, salm-pla libie anũu, ɛ́ ʋlɛ wa ɩ powle a, salm-pla libie ata.
7Nɩr na tɛr yome lɩz'a ata nɩ dɔwlɛ a ƴãw a: dɛb wa n'ʋ a, salm-pla libie pie nɩ anũu, ɛ́ ʋlɛ wa ɩ pɔw a, salm-pla libie pie.
8Nɩr wa ɩ nã́w sob zuo, kʋ̃ tʋ̃ɔ́ ya a libie nʋɔr na ƴãw a, ʋ na tɛr'ɩ a sob nɛ ƴãw ʋ na kõ a nʋɔr a wa n a bàwr-maalɛ niŋé. A bàwr-maalɛ na ŋmãa nɩ a san man nɩ a sob nɛ na kõ a nʋɔr a fãw.
9Nɩr wa kõ nʋɔr ƴãw dʋ̃w ƴãw bɛ na na tʋ̃ɔ́ de kʋ̀ a Sore a, a Sore so a dʋ̃w ʋl: 10bɛ bɛ lɩɛrɛ ʋ nɩ dʋ̃-yũo na vɩɛl zuo bɩɩ bɛ maal vɩɛl a ɩ. Bɛlɛ wa cãà lɩɛrɩ a, a Sore so a dʋn a za ayi.»
11«Bɛlɛ wa kõ nʋɔr ƴãw dʋ̃-dɛwr ƴãw bɛ na kʋ̃ tʋ̃ɔ́ de kʋ̀ a Sore a, bɛ na tɛr'ɩ a dʋ̃w wa n a bàwr-maalɛ niŋé: 12a bàwr-maalɛ na bɛl'ɩ a dʋ̃w vɩɛlʋ nɩ a ʋ faalʋ, ɛ́ jieli a ʋ daarʋ. A lɛ ʋ na yel a n'a bɛ na tu. 13A sob nɛ na kõ a nʋɔr wa bɔbr k'ʋʋ ya de a dʋ̃w a, ʋ na ya n a libie nʋɔr a bàwr-maalɛ na ƴãw a, ɛ́ dɔwlɩ a libie á ŋá na põ ziir anũu a zi-been sob ƴãw pʋɔ.
14Nɩr wa de a ʋ yir kʋ̀ a Sore a, a bàwr-maalɛ na bɛl'ɩ a yir vɩɛlʋ nɩ a ʋ faalʋ, ɛ́ jieli a ʋ daarʋ. A lɛ ʋ na yel a n'a bɛ na tu. 15A yir sob wa bɔbr k'ʋʋ ya de a ʋ yir a, ʋ na ya n a libie nʋɔr a bàwr-maalɛ na ƴãw a, ɛ́ dɔwlɩ a libie á ŋá na põ ziir anũu a zi-been sob ƴãw pʋɔ, ɛ́ so a ʋ yir.
16Nɩr wa de a ʋ púo kãw kʋ̀ a Sore a, bɛ na jiel'ɩ a púo daarʋ tu n a bʋ̃-bʋʋrɛ bɛ na na bʋ̀r ʋ a zɛ̃a: salm-pla libie lɩz'a ayi nɩ pie ɔɔzʋ bie kilo#27:16 Nyɛ̃ 5.11 nɩ a manʋ. kɔbr ata (300) ƴãw. 17A “Pʋ-pɩɛlʋ yũon” wa n'a bɛ de a púo kʋ̀ a Sore a, bɛ na ya n a lɛ a daarʋ na ƴãw a. 18A “Pʋ-pɩɛlʋ yũon” pùorí wa n'a a, a bàwr-maalɛ na bɛl'ɩ a yome nʋɔr na cãà cɛ nɩ a “Pʋ-pɩɛlʋ yũon” na waar a, ɛ́ ƴãw a daarʋ ʋ siwri.
19A púo sob wa bɔbr k'ʋʋ ya de a ʋ púo a, ʋ na ya n a libie nʋɔr a bàwr-maalɛ na ƴãw a, ɛ́ dɔwlɩ a libie á ŋá na põ ziir anũu a zi-been sob ƴãw pʋɔ, ɛ́ lɛb so a ʋ púo.
20Ʋlɛ bɛ wa ya de a ʋ púo ɛ́ wa kʋɔr'ʋ kʋ̀ nɩ-yũo a, ʋl mɩŋa kʋ̃ tʋ̃ɔ́ lɛb ya de ʋ ɛ: 21A “Pʋ-pɩɛlʋ yũon” a, bɛ na de nɩ a púo ŋa kʋ̀ a Sore, a bàwr-maalbɛ na so ʋ, mɛ̃ púo bɛ na de kʋ̀ a Sore a nʋɔr kʋ a.
22Nɩr wa de púo ʋ na dà a, púo na bɛ ɩ a ʋ gbã-dɩ-bom a, kʋ̀ a Sore a, 23a bàwr-maalɛ na jiel'ɩ a daarʋ man nɩ a “Pʋ-pɩɛlʋ yũon” na waar a yome nʋɔr na cãà cɛ a, ɛ́ a sob nɛ na ya n a libie nʋɔr a ʋlɩ bibir nɛ tɔr za. Bɛ na de nɩ a libie kʋ̀ a Sore. 24Ɛcɛ a “Pʋ-pɩɛlʋ yũon” a, a sob nɛ na tɩ de niwn so a púo ʋ ɩ a ʋ gbã-dɩ-bom a na lɛb'a so ʋ.
25A libir ʋl na dɩrɛ a zi-sõw pʋɔ, a salm-pla libi-been tɩbrʋ mɩ́ ɩ gɩram#27:25 Gɩram: Farsɩ ƴɛ̀r-bir'ʋ mɛ̃ a kilo a, ɛ́ ɩ tɩbrʋ bʋ̃-mána. A gɩram ɩ n a kilo na põ ziir túr a zi-been sob. Nyɛ̃ Ety 30:13. pie a, ʋlɛ n'ʋ bɛ na mɩ́ man nɩ bom za daarʋ.»
De-kʋ̀b bome a mɩnɛ
26«Nɩr kʋ̃ tʋ̃ɔ́ de a ʋ dʋ̃w kãw bil-dãw-dɔwra kʋ̀ a Sore ɩ, bʋ̃ʋ n'ʋ vɛ̃, a bil-dãw-dɔwrɩ za a, a náli, a bʋli bɩɩ a péli a, a Sore so a baarɩ. 27Dʋ̃-dɛwr bil-dãw wa n'ʋ a, a dʋ̃w sob na tʋ̃ɔ́ na ya de ʋ, ʋ na ya n a libie nʋɔr a bàwr-maalɛ na ƴãw a, ɛ́ dɔwlɩ a libie á ŋá na põ ziir anũu a zi-been sob ƴãw pʋɔ. Ʋlɛ bɛ wa yarɛ dier ʋ a, a bàwr-maalɛ na tʋ̃ɔ́ na kʋɔrɩ a dʋ̃w a lɛ bɛ na man a daarʋ a ɩ a.
28Lɛb waar, nɩr wa de nɩr, dʋ̃w bɩɩ púo ʋ na dɩ gbãw de a kʋ̀ a Sore a nʋɔr kʋ a, bɛ kʋ̃ tʋ̃ɔ́ de ʋ kʋɔrɩ bɩɩ ya de ʋ ɛ. Bom za bɛ na de kʋ̀ a Sore a nʋɔr kʋ̀ a lɩɛb'ɩ bʋ̃-sõw yaga, a Sore yõ tẽtẽ so ʋ. 29Nɩsaal mɩ̀ saa n'ʋ a, bɛ kʋ̃ tʋ̃ɔ́ ya de ʋ ɛ, a fɛr'a kɛ́ bɛ kʋ ʋ.
30Bɛ na mɩ́ de nɩ a tẽsɔw bʋ̃-kʋ́ɔrɩ nɩ a tɩ-wɔmɛ ziir pie sob kʋ̀ a Sore. A al ʋ na so a n'a. 31Nɩr wa bɔbr k'ʋʋ ya de a ŋmãa a, ʋ na ya n a daarʋ libie nʋɔr kʋ̀ a bàwr-maalɛ, ɛ́ dɔwlɩ a libie á ŋá na põ ziir anũu a zi-been sob ƴãw pʋɔ. 32A nĩi, a píir nɩ a bʋʋr ƴãw a, dʋ̃-been n'ʋ bɛ na mɩ́ ƴãw bãwfʋ#27:32 Dʋ̃-been n'ʋ bɛ na mɩ́ ƴãw bãwfʋ dʋn pie pʋɔ: A bãwfʋ ƴãwfʋ ƴãw a, dabɔl'ʋ bɛ mɩ́ tɛr, ɛ́ sɔrɛ a dʋn waar'ɩ, bɛlɛ wa ta a pie sob a, bɛ̃ɛ tɔ n ʋ a dabɔl na ƴãw bʋ̃-zɩɛ a. dʋn pie pʋɔ, de ʋ kʋ̀ a Sore. 33A dʋn sob bɛ kaarɛ íre a dʋn pʋɔ a vɩɛlɩ bɩɩ a faar ɛ. Ʋlɛ wa cãà ɩ mɛ̃ ʋ de nɩ dʋ̃w lɩɛr'ɩ dʋ̃-yũo a, a Sore na so a dʋn a za ayi, ʋʋ kʋ̃ tʋ̃ɔ́ ya de a kãw za ɩ.»
34A nɛ-ƴãwnɩ n'ɩ à á ŋá a Sore na tɩ ƴãw a Moyiir kʋ̀ a Ɩsɩrayɛl nɩbɛ, a Sinayi tãw zu a.
Currently Selected:
Levitɩ mɩnɛ 27: DBDC
Highlight
Share
Copy
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Levitɩ mɩnɛ 27
27
Yel-dɔwlɩ: a nɔ-koni samɛ
1A Sore tɩ yel'ɩ a Moyiir 2k'ʋʋ tɛr wulu á ŋá a Ɩsɩrayɛl nɩbɛ zie:
«Nɩr wa kõ nʋɔr yel k'ʋʋ na de nɩ nɩr kʋ̀ a Sore a, ʋ na tʋ̃ɔ́ na tɩr libie ír'ɩ a ʋ nʋɔr. 3Nyɛ̃ a libie nʋɔr:
Yome lɩzɛr tɩ ta yome lɩz'a ata nɩr ƴãw a: dɛb wa n'ʋ a, salm-pla libie lɩz'a ayi nɩ pie — a libie na dɩrɛ a zi-sõw pʋɔ a — 4pɔw wa n'ʋ a, salm-pla libie lɩzɛr'ɩ pie.
5Yome anũu tɩ ta yome lɩzɛr pɔl ƴãw a: dɛble wa n'ʋ a, salm-pla libie lɩzɛr, ɛ́ ʋlɛ wa ɩ powle a, salm-pla libie pie.
6Cuw-been tɩ ta yome anũu bibile ƴãw a: dɛble wa n'ʋ a, salm-pla libie anũu, ɛ́ ʋlɛ wa ɩ powle a, salm-pla libie ata.
7Nɩr na tɛr yome lɩz'a ata nɩ dɔwlɛ a ƴãw a: dɛb wa n'ʋ a, salm-pla libie pie nɩ anũu, ɛ́ ʋlɛ wa ɩ pɔw a, salm-pla libie pie.
8Nɩr wa ɩ nã́w sob zuo, kʋ̃ tʋ̃ɔ́ ya a libie nʋɔr na ƴãw a, ʋ na tɛr'ɩ a sob nɛ ƴãw ʋ na kõ a nʋɔr a wa n a bàwr-maalɛ niŋé. A bàwr-maalɛ na ŋmãa nɩ a san man nɩ a sob nɛ na kõ a nʋɔr a fãw.
9Nɩr wa kõ nʋɔr ƴãw dʋ̃w ƴãw bɛ na na tʋ̃ɔ́ de kʋ̀ a Sore a, a Sore so a dʋ̃w ʋl: 10bɛ bɛ lɩɛrɛ ʋ nɩ dʋ̃-yũo na vɩɛl zuo bɩɩ bɛ maal vɩɛl a ɩ. Bɛlɛ wa cãà lɩɛrɩ a, a Sore so a dʋn a za ayi.»
11«Bɛlɛ wa kõ nʋɔr ƴãw dʋ̃-dɛwr ƴãw bɛ na kʋ̃ tʋ̃ɔ́ de kʋ̀ a Sore a, bɛ na tɛr'ɩ a dʋ̃w wa n a bàwr-maalɛ niŋé: 12a bàwr-maalɛ na bɛl'ɩ a dʋ̃w vɩɛlʋ nɩ a ʋ faalʋ, ɛ́ jieli a ʋ daarʋ. A lɛ ʋ na yel a n'a bɛ na tu. 13A sob nɛ na kõ a nʋɔr wa bɔbr k'ʋʋ ya de a dʋ̃w a, ʋ na ya n a libie nʋɔr a bàwr-maalɛ na ƴãw a, ɛ́ dɔwlɩ a libie á ŋá na põ ziir anũu a zi-been sob ƴãw pʋɔ.
14Nɩr wa de a ʋ yir kʋ̀ a Sore a, a bàwr-maalɛ na bɛl'ɩ a yir vɩɛlʋ nɩ a ʋ faalʋ, ɛ́ jieli a ʋ daarʋ. A lɛ ʋ na yel a n'a bɛ na tu. 15A yir sob wa bɔbr k'ʋʋ ya de a ʋ yir a, ʋ na ya n a libie nʋɔr a bàwr-maalɛ na ƴãw a, ɛ́ dɔwlɩ a libie á ŋá na põ ziir anũu a zi-been sob ƴãw pʋɔ, ɛ́ so a ʋ yir.
16Nɩr wa de a ʋ púo kãw kʋ̀ a Sore a, bɛ na jiel'ɩ a púo daarʋ tu n a bʋ̃-bʋʋrɛ bɛ na na bʋ̀r ʋ a zɛ̃a: salm-pla libie lɩz'a ayi nɩ pie ɔɔzʋ bie kilo#27:16 Nyɛ̃ 5.11 nɩ a manʋ. kɔbr ata (300) ƴãw. 17A “Pʋ-pɩɛlʋ yũon” wa n'a bɛ de a púo kʋ̀ a Sore a, bɛ na ya n a lɛ a daarʋ na ƴãw a. 18A “Pʋ-pɩɛlʋ yũon” pùorí wa n'a a, a bàwr-maalɛ na bɛl'ɩ a yome nʋɔr na cãà cɛ nɩ a “Pʋ-pɩɛlʋ yũon” na waar a, ɛ́ ƴãw a daarʋ ʋ siwri.
19A púo sob wa bɔbr k'ʋʋ ya de a ʋ púo a, ʋ na ya n a libie nʋɔr a bàwr-maalɛ na ƴãw a, ɛ́ dɔwlɩ a libie á ŋá na põ ziir anũu a zi-been sob ƴãw pʋɔ, ɛ́ lɛb so a ʋ púo.
20Ʋlɛ bɛ wa ya de a ʋ púo ɛ́ wa kʋɔr'ʋ kʋ̀ nɩ-yũo a, ʋl mɩŋa kʋ̃ tʋ̃ɔ́ lɛb ya de ʋ ɛ: 21A “Pʋ-pɩɛlʋ yũon” a, bɛ na de nɩ a púo ŋa kʋ̀ a Sore, a bàwr-maalbɛ na so ʋ, mɛ̃ púo bɛ na de kʋ̀ a Sore a nʋɔr kʋ a.
22Nɩr wa de púo ʋ na dà a, púo na bɛ ɩ a ʋ gbã-dɩ-bom a, kʋ̀ a Sore a, 23a bàwr-maalɛ na jiel'ɩ a daarʋ man nɩ a “Pʋ-pɩɛlʋ yũon” na waar a yome nʋɔr na cãà cɛ a, ɛ́ a sob nɛ na ya n a libie nʋɔr a ʋlɩ bibir nɛ tɔr za. Bɛ na de nɩ a libie kʋ̀ a Sore. 24Ɛcɛ a “Pʋ-pɩɛlʋ yũon” a, a sob nɛ na tɩ de niwn so a púo ʋ ɩ a ʋ gbã-dɩ-bom a na lɛb'a so ʋ.
25A libir ʋl na dɩrɛ a zi-sõw pʋɔ, a salm-pla libi-been tɩbrʋ mɩ́ ɩ gɩram#27:25 Gɩram: Farsɩ ƴɛ̀r-bir'ʋ mɛ̃ a kilo a, ɛ́ ɩ tɩbrʋ bʋ̃-mána. A gɩram ɩ n a kilo na põ ziir túr a zi-been sob. Nyɛ̃ Ety 30:13. pie a, ʋlɛ n'ʋ bɛ na mɩ́ man nɩ bom za daarʋ.»
De-kʋ̀b bome a mɩnɛ
26«Nɩr kʋ̃ tʋ̃ɔ́ de a ʋ dʋ̃w kãw bil-dãw-dɔwra kʋ̀ a Sore ɩ, bʋ̃ʋ n'ʋ vɛ̃, a bil-dãw-dɔwrɩ za a, a náli, a bʋli bɩɩ a péli a, a Sore so a baarɩ. 27Dʋ̃-dɛwr bil-dãw wa n'ʋ a, a dʋ̃w sob na tʋ̃ɔ́ na ya de ʋ, ʋ na ya n a libie nʋɔr a bàwr-maalɛ na ƴãw a, ɛ́ dɔwlɩ a libie á ŋá na põ ziir anũu a zi-been sob ƴãw pʋɔ. Ʋlɛ bɛ wa yarɛ dier ʋ a, a bàwr-maalɛ na tʋ̃ɔ́ na kʋɔrɩ a dʋ̃w a lɛ bɛ na man a daarʋ a ɩ a.
28Lɛb waar, nɩr wa de nɩr, dʋ̃w bɩɩ púo ʋ na dɩ gbãw de a kʋ̀ a Sore a nʋɔr kʋ a, bɛ kʋ̃ tʋ̃ɔ́ de ʋ kʋɔrɩ bɩɩ ya de ʋ ɛ. Bom za bɛ na de kʋ̀ a Sore a nʋɔr kʋ̀ a lɩɛb'ɩ bʋ̃-sõw yaga, a Sore yõ tẽtẽ so ʋ. 29Nɩsaal mɩ̀ saa n'ʋ a, bɛ kʋ̃ tʋ̃ɔ́ ya de ʋ ɛ, a fɛr'a kɛ́ bɛ kʋ ʋ.
30Bɛ na mɩ́ de nɩ a tẽsɔw bʋ̃-kʋ́ɔrɩ nɩ a tɩ-wɔmɛ ziir pie sob kʋ̀ a Sore. A al ʋ na so a n'a. 31Nɩr wa bɔbr k'ʋʋ ya de a ŋmãa a, ʋ na ya n a daarʋ libie nʋɔr kʋ̀ a bàwr-maalɛ, ɛ́ dɔwlɩ a libie á ŋá na põ ziir anũu a zi-been sob ƴãw pʋɔ. 32A nĩi, a píir nɩ a bʋʋr ƴãw a, dʋ̃-been n'ʋ bɛ na mɩ́ ƴãw bãwfʋ#27:32 Dʋ̃-been n'ʋ bɛ na mɩ́ ƴãw bãwfʋ dʋn pie pʋɔ: A bãwfʋ ƴãwfʋ ƴãw a, dabɔl'ʋ bɛ mɩ́ tɛr, ɛ́ sɔrɛ a dʋn waar'ɩ, bɛlɛ wa ta a pie sob a, bɛ̃ɛ tɔ n ʋ a dabɔl na ƴãw bʋ̃-zɩɛ a. dʋn pie pʋɔ, de ʋ kʋ̀ a Sore. 33A dʋn sob bɛ kaarɛ íre a dʋn pʋɔ a vɩɛlɩ bɩɩ a faar ɛ. Ʋlɛ wa cãà ɩ mɛ̃ ʋ de nɩ dʋ̃w lɩɛr'ɩ dʋ̃-yũo a, a Sore na so a dʋn a za ayi, ʋʋ kʋ̃ tʋ̃ɔ́ ya de a kãw za ɩ.»
34A nɛ-ƴãwnɩ n'ɩ à á ŋá a Sore na tɩ ƴãw a Moyiir kʋ̀ a Ɩsɩrayɛl nɩbɛ, a Sinayi tãw zu a.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.