Luka 19
19
A Zase yele
1A Yeezu tɩ kpɛ na tɔlɛ a Zeriko tẽw pʋɔ. 2Dɛb kãw tɩ be n be, a yúor dɩ kɛ́ Zase. Ʋ tɩ ɩ n zuru-yar-dierbɛ nɩ-kpɛ̃ɛ, ɛ́ tɩ kpɛ naalʋ. 3Ʋ tɩ bɔbr'a k'ʋʋ nyɛ̃ ãa n'ɩ a Yeezu, ɛ́ bɛ tɩ tʋɔr ɛ, a zu-sɛbla na bɛ tɩ dɩ vuo, ʋʋ ɩ nɩ-ŋmãa a. 4Lɛ so ʋ tɩ zɔ tɔl nidaa tɩ do sɩkomɔɔr tɩɛ zu, k'ʋʋ tʋ̃ɔ́ nyɛ̃ a Yeezu na na tɔl a be a. 5A Yeezu na wa ta a be a, ʋ dʋɔ nɩ zu úori kaa ɛ́ yel ʋ: «Zase e, siw fɔ̃w, a fɛr'a k'ɩ̃ɩ gã a fʋ yir a dɩ̃a.» 6A Zase tɩ siw nɩ fɔ̃wlɛ, ɛ́ de a Yeezu sãanʋ nɩ nʋ̃ɔ̀. 7A nɩbɛ na tɩ nyɛ̃ a lɛ a, bɛ tɩ zɛbr'ɩ bɛ za yere nɩ: «Yel-bier-maalɛ yir'a ʋ cen.» 8Ɛcɛ a Zase tɩ àr'ɩ a Sore niŋé ɛ́ yel ʋ: «Sore e, nyɛ̃, ɩ̃ na de nɩ a ɩ̃ bʋ̃-tɛrɩ põ-zɛ̃-taa zie kʋ̀ nan dem, ɛ́ mãa wa dãw sãw nɩr a, ɩ̃ na lɛb'a maal'ʋ gb'a anaar dɔwlɩ.» 9Lɛ n'a a Yeezu tɩ yel a ʋ ƴãw: «A dɩ̃a a, a faafʋ wa n a yir ŋa ƴãw, a sob ŋa mɩ̀ na ɩ Abraham bie a ƴãw. 10Bʋ̃ʋ n'ʋ vɛ̃, a Nɩsaal Bie wa na k'ʋʋ wa bɔ, ɛ́ faa a bɛl na tɩ bɔr a.»
A salm-zɩɛ libie zʋkpar
(Mat 25:14-30)
11A nɩbɛ na tɩ bɛrɛ wone a ƴɛ̀r-bie á ŋá a, a Yeezu tɩ lɔb'ɩ zʋkpar ƴãw pʋɔ, ʋ na tɩ pɩɛlɛ a Zerizalɛm, ɛ́ a nɩbɛ tɩ manɛ kɛ́ a Naaŋmɩn Naalʋ na sãá nɩ a pɛr nɛ pʋɔ a. 12Ʋ tɩ yel'a: «Nãà yir nɩr kãw tɩ cen nɩ tẽ-zãána, k'aa na-kpɛ̃ɛ tɩ kʋ̀ ʋ a naalʋ ʋ lɛb wa n a ʋ tẽw pʋɔ. 13Ʋ na tɩ yire a, ʋ bʋɔl'ɩ nɩbɛ pie a ʋ tõ-tõ-biir pʋɔ, wa põ bɛ salm-zɩɛ libi-be-ƴeni ɛ́ yel bɛ: “Nyɩ yɛ̀rɛ nɩ ɛ́ gù a ɩ̃ lɛb-waa daar.” 14Ɛcɛ a ʋ tẽw dem bɛ tɩ nɔnɛ ʋ ɛ, ɛ́ tɩ tõ nɩbɛ a ʋ pùorí kɛ́ bɛ tɩ yel a na-kpɛ̃ɛ: “Tɩ bɛ bɔbr k'ʋʋ dɩrɛ naalʋ a tɩ zu ɛ.” 15Ɛcɛ, ʋ na wa de a naalʋ baarɩ lɛb wa a, ʋ ƴãw na bɛ bʋɔlɩ a tõ-tõ-biir bɛl ʋ na tɩ põ a libie a, k'ʋʋ wa bãw a lɛ ŋa za na páw a. 16A dãw-niwn sob tɩ taw na ta yel: “Zu-sob i, a libir ʋl fʋ na kʋ̀ m a, ɩ̃ páw nɩ nɩ salm-zɩɛ libie pie.” 17A nãà tɩ yel ʋ na: “A vɩɛl'a, tõ-tõ-bi-vla nɛ b! Fʋ na tu yel-cãpile pùor vla a, dɩ naalʋ ten pie zu.” 18A ayi sob tɩ wa na wa yel: “Zu-sob i, a libir ʋl fʋ na kʋ̀ m a, ɩ̃ páw nɩ nɩ salm-zɩɛ libie anũu.” 19A nãà mɩ̀ tɩ yel'ɩ a ayi sob ŋa mɛ̃ a dãw-niwn sob a: “Só ten anũu.” 20A kãw tɩ wa na wa yel: “Zu-sob i, nyɛ̃ a fʋ libir, ɩ̃ tɩ 'lẽ nɩ nɩ pɛn bin. 21Ɩ̃ tɩ zɔrɛ fʋ na, a fʋ yele na kpɛmɛ a ƴãw: fʋ mɩ́ de nɩ bom fʋ na bɛ bin a, ɛ́ de bʋ̃-dieri be fʋ na bɛ bʋ̀r a.” 22A nãà tɩ yel ʋ na: “Tõ-tõ-bi-faa ŋa, fʋ lɛb'a ŋmɛlɩ ƴɛ̀r nyɔw fʋ tʋɔra. Fʋ tɩ bãwnɩ a na a ɩ̃ yele na kpɛmɛ a, ɩ̃ mɩ́ de bom ɩ̃ na bɛ bin a, ɛ́ de bʋ̃-dieri be ɩ̃ na bɛ bʋ̀r a, 23ɛ́ bʋ̃ʋ n'ʋ so fʋ bɛ ƴãw a ɩ̃ libir ban pʋɔ? Ɩ̃ na tɩ lɛb wa a, ɩ̃ nãá de ʋ na lãwnɩ dɔwlɛ.” 24Al pùorí, ʋ tɩ yel'ɩ a nɩbɛ na tɩ be a be a: “Nyɩ faa a ʋ salm-zɩɛ libir kʋ̀ a sob nɛ na tɛr a pie a.” 25Bɛ tɩ yel ʋ na: “Zu-sob i, ʋ tɛr'ɩ pie wɛ!” 26A nãà tɩ sɔw na: “Ɩ̃ yere na kʋ̀rɛ nyɩ: a sob nɛ na tɛr a a, bɛ na kʋ̀ ʋ na dɔwlɩ, ɛ́ a sob nɛ na bɛ tɛr a a, bɛ na faa nɩ a blã al ʋ na tɛr a. 27Ɛ́ a ɩ̃ dɔ̃ dem bɛl a, a nɩbɛ bɛl na bɛ tɩ bɔbr k'ɩ̃ɩ dɩ naalʋ a bɛ zu a, nyɩ nyɔw bɛ wa n a ɩ̃ niŋé ka wa ŋmaarɩ bɛ kɔkɛɛ.”»
A Yeezu kpɛ n a Zerizalɛm tẽw pʋɔ nɩ dɛpaalʋ
(Mat 21:1-11, Mark 11:1-11, Zã 12:12-19)
28A Yeezu na wa ƴɛ̀r à ŋá baar'a, ʋ tɔl'a de a zu-sɛbla niwn dúor a Zerizalɛm. 29Ʋ na tɩ tarɛ a Bɛtɩfaze nɩ a Betani a, pɩɛlɩ a tãw ʋl bɛ na bʋɔlɛ a Olivʋ tɩɩr tãw a, ʋ tõ n a ʋ po-tuurbɛ ayi 30ɛ́ yel bɛ: «Nyɩ cen a tẽw ŋa na be a nyɩ nidaa a pʋɔ. Nyɩmɛ wa tɩ kpɩɛr a tẽw pʋɔ a, nyɩ na nyɛ̃ nɩ bõw bile na 'lẽ a, nɩr za bɛ zɔm ʋ sɛr ɛ, nyɩ cɛ̀r ʋ wa n. 31Ɛ́ nɩr wa sowre nyɩ: “Bʋnʋ ƴãw n'a nyɩ cɛrɛ a bõw bile a?” Nyɩɩm sɔw: “A Sore tɛr'ɩ ʋ yel-ɩra.”»
32A nɩbɛ ayi bɛl bɛ na tɩ tõ a, tɩ cen na tɩ nyɛ̃ a ɩ mɛ̃ a lɛ a Yeezu na tɩ yel kʋ̀ bɛ a. 33Bɛ na tɩ cɛrɛ a bõw bile a, a bõw bile dem tɩ sowri bɛ na: «Bʋnʋ ƴãw n'a nyɩ cɛrɛ a bõw bile ŋa?» 34Bɛ tɩ sɔw na: «A Sore tɛr'ɩ ʋ yel-ɩra.» 35Bɛ tɩ kpa n a bõw bile wa n a Yeezu zie, wa de a bɛ kparɩ yɛ́r pàw ʋ, ɛ́ ƴãw a Yeezu do zɔm. 36A Yeezu tɩ zɔm'ɩ a bõw bile cere nɩ, ɛ́ a nɩbɛ de niwn yɛ́rɛ a bɛ kparɩ pàwr a sɔ́r. 37A Yeezu tɩ cɛ nɩ blã na siw a Olivʋ tɩɩr tãw, ɛ́ bɛ wa bere a ʋ po-tuurbɛ za nɩ bɛ pɛr, cɩlɛ cɛ n a Naaŋmɩn danʋ, a nɔ-ɓãa-yele ʋ na tɩ maalɩ bɛ nyɛ̃ a ƴãw. 38Bɛ tɩ yere na: «A Naaŋmɩn, ʋ maalɩ a nãà na waar a Sore yúor ƴãw a! Ƴã-ɓaarʋ, a be a salom zu, bɛ cɛ a Naaŋmɩn danʋ a saa-zu za!»
39 Faarizɩ̃ɛ bɛ mɩnɛ kãw na tɩ be a zu-sɛbla pʋɔ a, tɩ yel'ɩ a Yeezu: «Wul-wul-kara a, kpãa a fʋ po-tuurbɛ!» 40A Yeezu tɩ sɔw na: «Ɩ̃ yere na kʋ̀rɛ nyɩ, bɛlɛ wa ɩ gbili a, a kʋsɛbɛ na cáarɛ na.»
A Yeezu na kone a Zerizalɛm a
41A Yeezu na tɩ pɩɛlɩ a Zerizalɛm, nyɛ̃ a tẽw a, ʋ kõ n a ʋ ƴãw. 42Ʋ tɩ yere na: «A fʋ̃ʋ mɩ̀ a, fʋ̃ʋ tɩ ɩ mɛ̃ fʋ bãw nɩ a dɩ̃a bibir a lɛ fʋ na na ɩ páw a ƴã-ɓaarʋ a! Ɛcɛ we! A yel ŋa sɔwl'ɩ a fʋ zie, fʋ kʋ̃ tʋ̃ɔ́ nyɛ̃ ʋ ɛ. 43Sɩza, bibie na vɩɛ nɩ a fʋ zu, a fʋ dɔ̃ dem na mɛ dacin viiri koli fʋ, bɛ na ŋmãa na jil fʋ ɛ́ gbʋnɛ fʋ a lõbowe za. 44Bɛ na ŋmɛr fʋ na bɛr ɛ́ kʋ a fʋ nɩbɛ, ɛ́ bɛ kʋ̃ bɛr kʋsɩɛr ʋ cãà dɔwlɩ kʋsɩɛr zu ɛ, fʋ na bɛ sàw bãw a daar ʋl a Naaŋmɩn na wa k'ʋʋ wa faa fʋ a ƴãw.»
A Yeezu na diw a yɛ-yɛrbɛ a Ŋmɩn-yir-kpɛ̃ɛ pʋɔ a
(Mat 21:12-17, Mark 11:15-19, Zã 2:13-22)
45Al pùorí, a Yeezu tɩ kpɛ n a Ŋmɩn-yir-kpɛ̃ɛ pʋɔ tɩ diw a yɛ-yɛrbɛ. 46Ʋ tɩ yere na kʋ̀rɛ bɛ: «Bɛ sɛb'a yel: “A ɩ̃ yir na ɩ n puoru yir”, ɛ́ nyɩɩm wa de ʋ ɩ nyãnyuwr sɔwlʋ zie#19:46 Nyɛ̃ Ɩza 56.7 nɩ Zer 7.11..» 47Bibir za, a Yeezu mɩ́ tɩ be n a Ŋmɩn-yir-kpɛ̃ɛ pʋɔ kanɛ nɩ a nɩbɛ. A bàwr-maal-nɩ-bɛrɛ, nɩ a Naaŋmɩn wulu sɛ-sɛbrbɛ, nɩ a Zifʋ nɩbɛ nɩ-kore, tɩ bɔbr'ɩ a ʋ kʋb. 48Ɛcɛ bɛ bɛ tɩ bãw lɛ bɛ na na ɩ a ɩ, bʋ̃ʋ n'ʋ vɛ̃, a nɩbɛ za tɩ sɛr'a kpa a ʋ ƴɛ̀rʋ bɛr-wob ƴãw.
Currently Selected:
Luka 19: DBDC
Highlight
Share
Copy
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Luka 19
19
A Zase yele
1A Yeezu tɩ kpɛ na tɔlɛ a Zeriko tẽw pʋɔ. 2Dɛb kãw tɩ be n be, a yúor dɩ kɛ́ Zase. Ʋ tɩ ɩ n zuru-yar-dierbɛ nɩ-kpɛ̃ɛ, ɛ́ tɩ kpɛ naalʋ. 3Ʋ tɩ bɔbr'a k'ʋʋ nyɛ̃ ãa n'ɩ a Yeezu, ɛ́ bɛ tɩ tʋɔr ɛ, a zu-sɛbla na bɛ tɩ dɩ vuo, ʋʋ ɩ nɩ-ŋmãa a. 4Lɛ so ʋ tɩ zɔ tɔl nidaa tɩ do sɩkomɔɔr tɩɛ zu, k'ʋʋ tʋ̃ɔ́ nyɛ̃ a Yeezu na na tɔl a be a. 5A Yeezu na wa ta a be a, ʋ dʋɔ nɩ zu úori kaa ɛ́ yel ʋ: «Zase e, siw fɔ̃w, a fɛr'a k'ɩ̃ɩ gã a fʋ yir a dɩ̃a.» 6A Zase tɩ siw nɩ fɔ̃wlɛ, ɛ́ de a Yeezu sãanʋ nɩ nʋ̃ɔ̀. 7A nɩbɛ na tɩ nyɛ̃ a lɛ a, bɛ tɩ zɛbr'ɩ bɛ za yere nɩ: «Yel-bier-maalɛ yir'a ʋ cen.» 8Ɛcɛ a Zase tɩ àr'ɩ a Sore niŋé ɛ́ yel ʋ: «Sore e, nyɛ̃, ɩ̃ na de nɩ a ɩ̃ bʋ̃-tɛrɩ põ-zɛ̃-taa zie kʋ̀ nan dem, ɛ́ mãa wa dãw sãw nɩr a, ɩ̃ na lɛb'a maal'ʋ gb'a anaar dɔwlɩ.» 9Lɛ n'a a Yeezu tɩ yel a ʋ ƴãw: «A dɩ̃a a, a faafʋ wa n a yir ŋa ƴãw, a sob ŋa mɩ̀ na ɩ Abraham bie a ƴãw. 10Bʋ̃ʋ n'ʋ vɛ̃, a Nɩsaal Bie wa na k'ʋʋ wa bɔ, ɛ́ faa a bɛl na tɩ bɔr a.»
A salm-zɩɛ libie zʋkpar
(Mat 25:14-30)
11A nɩbɛ na tɩ bɛrɛ wone a ƴɛ̀r-bie á ŋá a, a Yeezu tɩ lɔb'ɩ zʋkpar ƴãw pʋɔ, ʋ na tɩ pɩɛlɛ a Zerizalɛm, ɛ́ a nɩbɛ tɩ manɛ kɛ́ a Naaŋmɩn Naalʋ na sãá nɩ a pɛr nɛ pʋɔ a. 12Ʋ tɩ yel'a: «Nãà yir nɩr kãw tɩ cen nɩ tẽ-zãána, k'aa na-kpɛ̃ɛ tɩ kʋ̀ ʋ a naalʋ ʋ lɛb wa n a ʋ tẽw pʋɔ. 13Ʋ na tɩ yire a, ʋ bʋɔl'ɩ nɩbɛ pie a ʋ tõ-tõ-biir pʋɔ, wa põ bɛ salm-zɩɛ libi-be-ƴeni ɛ́ yel bɛ: “Nyɩ yɛ̀rɛ nɩ ɛ́ gù a ɩ̃ lɛb-waa daar.” 14Ɛcɛ a ʋ tẽw dem bɛ tɩ nɔnɛ ʋ ɛ, ɛ́ tɩ tõ nɩbɛ a ʋ pùorí kɛ́ bɛ tɩ yel a na-kpɛ̃ɛ: “Tɩ bɛ bɔbr k'ʋʋ dɩrɛ naalʋ a tɩ zu ɛ.” 15Ɛcɛ, ʋ na wa de a naalʋ baarɩ lɛb wa a, ʋ ƴãw na bɛ bʋɔlɩ a tõ-tõ-biir bɛl ʋ na tɩ põ a libie a, k'ʋʋ wa bãw a lɛ ŋa za na páw a. 16A dãw-niwn sob tɩ taw na ta yel: “Zu-sob i, a libir ʋl fʋ na kʋ̀ m a, ɩ̃ páw nɩ nɩ salm-zɩɛ libie pie.” 17A nãà tɩ yel ʋ na: “A vɩɛl'a, tõ-tõ-bi-vla nɛ b! Fʋ na tu yel-cãpile pùor vla a, dɩ naalʋ ten pie zu.” 18A ayi sob tɩ wa na wa yel: “Zu-sob i, a libir ʋl fʋ na kʋ̀ m a, ɩ̃ páw nɩ nɩ salm-zɩɛ libie anũu.” 19A nãà mɩ̀ tɩ yel'ɩ a ayi sob ŋa mɛ̃ a dãw-niwn sob a: “Só ten anũu.” 20A kãw tɩ wa na wa yel: “Zu-sob i, nyɛ̃ a fʋ libir, ɩ̃ tɩ 'lẽ nɩ nɩ pɛn bin. 21Ɩ̃ tɩ zɔrɛ fʋ na, a fʋ yele na kpɛmɛ a ƴãw: fʋ mɩ́ de nɩ bom fʋ na bɛ bin a, ɛ́ de bʋ̃-dieri be fʋ na bɛ bʋ̀r a.” 22A nãà tɩ yel ʋ na: “Tõ-tõ-bi-faa ŋa, fʋ lɛb'a ŋmɛlɩ ƴɛ̀r nyɔw fʋ tʋɔra. Fʋ tɩ bãwnɩ a na a ɩ̃ yele na kpɛmɛ a, ɩ̃ mɩ́ de bom ɩ̃ na bɛ bin a, ɛ́ de bʋ̃-dieri be ɩ̃ na bɛ bʋ̀r a, 23ɛ́ bʋ̃ʋ n'ʋ so fʋ bɛ ƴãw a ɩ̃ libir ban pʋɔ? Ɩ̃ na tɩ lɛb wa a, ɩ̃ nãá de ʋ na lãwnɩ dɔwlɛ.” 24Al pùorí, ʋ tɩ yel'ɩ a nɩbɛ na tɩ be a be a: “Nyɩ faa a ʋ salm-zɩɛ libir kʋ̀ a sob nɛ na tɛr a pie a.” 25Bɛ tɩ yel ʋ na: “Zu-sob i, ʋ tɛr'ɩ pie wɛ!” 26A nãà tɩ sɔw na: “Ɩ̃ yere na kʋ̀rɛ nyɩ: a sob nɛ na tɛr a a, bɛ na kʋ̀ ʋ na dɔwlɩ, ɛ́ a sob nɛ na bɛ tɛr a a, bɛ na faa nɩ a blã al ʋ na tɛr a. 27Ɛ́ a ɩ̃ dɔ̃ dem bɛl a, a nɩbɛ bɛl na bɛ tɩ bɔbr k'ɩ̃ɩ dɩ naalʋ a bɛ zu a, nyɩ nyɔw bɛ wa n a ɩ̃ niŋé ka wa ŋmaarɩ bɛ kɔkɛɛ.”»
A Yeezu kpɛ n a Zerizalɛm tẽw pʋɔ nɩ dɛpaalʋ
(Mat 21:1-11, Mark 11:1-11, Zã 12:12-19)
28A Yeezu na wa ƴɛ̀r à ŋá baar'a, ʋ tɔl'a de a zu-sɛbla niwn dúor a Zerizalɛm. 29Ʋ na tɩ tarɛ a Bɛtɩfaze nɩ a Betani a, pɩɛlɩ a tãw ʋl bɛ na bʋɔlɛ a Olivʋ tɩɩr tãw a, ʋ tõ n a ʋ po-tuurbɛ ayi 30ɛ́ yel bɛ: «Nyɩ cen a tẽw ŋa na be a nyɩ nidaa a pʋɔ. Nyɩmɛ wa tɩ kpɩɛr a tẽw pʋɔ a, nyɩ na nyɛ̃ nɩ bõw bile na 'lẽ a, nɩr za bɛ zɔm ʋ sɛr ɛ, nyɩ cɛ̀r ʋ wa n. 31Ɛ́ nɩr wa sowre nyɩ: “Bʋnʋ ƴãw n'a nyɩ cɛrɛ a bõw bile a?” Nyɩɩm sɔw: “A Sore tɛr'ɩ ʋ yel-ɩra.”»
32A nɩbɛ ayi bɛl bɛ na tɩ tõ a, tɩ cen na tɩ nyɛ̃ a ɩ mɛ̃ a lɛ a Yeezu na tɩ yel kʋ̀ bɛ a. 33Bɛ na tɩ cɛrɛ a bõw bile a, a bõw bile dem tɩ sowri bɛ na: «Bʋnʋ ƴãw n'a nyɩ cɛrɛ a bõw bile ŋa?» 34Bɛ tɩ sɔw na: «A Sore tɛr'ɩ ʋ yel-ɩra.» 35Bɛ tɩ kpa n a bõw bile wa n a Yeezu zie, wa de a bɛ kparɩ yɛ́r pàw ʋ, ɛ́ ƴãw a Yeezu do zɔm. 36A Yeezu tɩ zɔm'ɩ a bõw bile cere nɩ, ɛ́ a nɩbɛ de niwn yɛ́rɛ a bɛ kparɩ pàwr a sɔ́r. 37A Yeezu tɩ cɛ nɩ blã na siw a Olivʋ tɩɩr tãw, ɛ́ bɛ wa bere a ʋ po-tuurbɛ za nɩ bɛ pɛr, cɩlɛ cɛ n a Naaŋmɩn danʋ, a nɔ-ɓãa-yele ʋ na tɩ maalɩ bɛ nyɛ̃ a ƴãw. 38Bɛ tɩ yere na: «A Naaŋmɩn, ʋ maalɩ a nãà na waar a Sore yúor ƴãw a! Ƴã-ɓaarʋ, a be a salom zu, bɛ cɛ a Naaŋmɩn danʋ a saa-zu za!»
39 Faarizɩ̃ɛ bɛ mɩnɛ kãw na tɩ be a zu-sɛbla pʋɔ a, tɩ yel'ɩ a Yeezu: «Wul-wul-kara a, kpãa a fʋ po-tuurbɛ!» 40A Yeezu tɩ sɔw na: «Ɩ̃ yere na kʋ̀rɛ nyɩ, bɛlɛ wa ɩ gbili a, a kʋsɛbɛ na cáarɛ na.»
A Yeezu na kone a Zerizalɛm a
41A Yeezu na tɩ pɩɛlɩ a Zerizalɛm, nyɛ̃ a tẽw a, ʋ kõ n a ʋ ƴãw. 42Ʋ tɩ yere na: «A fʋ̃ʋ mɩ̀ a, fʋ̃ʋ tɩ ɩ mɛ̃ fʋ bãw nɩ a dɩ̃a bibir a lɛ fʋ na na ɩ páw a ƴã-ɓaarʋ a! Ɛcɛ we! A yel ŋa sɔwl'ɩ a fʋ zie, fʋ kʋ̃ tʋ̃ɔ́ nyɛ̃ ʋ ɛ. 43Sɩza, bibie na vɩɛ nɩ a fʋ zu, a fʋ dɔ̃ dem na mɛ dacin viiri koli fʋ, bɛ na ŋmãa na jil fʋ ɛ́ gbʋnɛ fʋ a lõbowe za. 44Bɛ na ŋmɛr fʋ na bɛr ɛ́ kʋ a fʋ nɩbɛ, ɛ́ bɛ kʋ̃ bɛr kʋsɩɛr ʋ cãà dɔwlɩ kʋsɩɛr zu ɛ, fʋ na bɛ sàw bãw a daar ʋl a Naaŋmɩn na wa k'ʋʋ wa faa fʋ a ƴãw.»
A Yeezu na diw a yɛ-yɛrbɛ a Ŋmɩn-yir-kpɛ̃ɛ pʋɔ a
(Mat 21:12-17, Mark 11:15-19, Zã 2:13-22)
45Al pùorí, a Yeezu tɩ kpɛ n a Ŋmɩn-yir-kpɛ̃ɛ pʋɔ tɩ diw a yɛ-yɛrbɛ. 46Ʋ tɩ yere na kʋ̀rɛ bɛ: «Bɛ sɛb'a yel: “A ɩ̃ yir na ɩ n puoru yir”, ɛ́ nyɩɩm wa de ʋ ɩ nyãnyuwr sɔwlʋ zie#19:46 Nyɛ̃ Ɩza 56.7 nɩ Zer 7.11..» 47Bibir za, a Yeezu mɩ́ tɩ be n a Ŋmɩn-yir-kpɛ̃ɛ pʋɔ kanɛ nɩ a nɩbɛ. A bàwr-maal-nɩ-bɛrɛ, nɩ a Naaŋmɩn wulu sɛ-sɛbrbɛ, nɩ a Zifʋ nɩbɛ nɩ-kore, tɩ bɔbr'ɩ a ʋ kʋb. 48Ɛcɛ bɛ bɛ tɩ bãw lɛ bɛ na na ɩ a ɩ, bʋ̃ʋ n'ʋ vɛ̃, a nɩbɛ za tɩ sɛr'a kpa a ʋ ƴɛ̀rʋ bɛr-wob ƴãw.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.