Markɩ 13
13
A Yeezu na yel a Ŋmɩn-yir-kpɛ̃ɛ loba yele a
(Mat 24:1-2, Luk 21:5-6)
1A Yeezu na tɩ yi a Ŋmɩn-yir-kpɛ̃ɛ pʋɔ cere a, a ʋ po-tuure kãw tɩ yel ʋ na: «Wul-wul-kara a, jɩ́r nyɛ̃! Nyɛ̃ kʋsɛbɛ na vɩɛl a! Nyɛ̃ yir na ŋmãa nɩ dɛpaalʋ a!» 2A Yeezu tɩ yel ʋ na: «Fʋ nyɛ̃ nɩ a yir ŋa na ŋmãa nɩ dɛpaalʋ a? Kʋsɛ-been kʋ̃ʋ wa cãà dɔwlɩ kʋsɩɛr zu ɛ, bɛ na ŋmɛ n ʋ za lɔb.»
Kpɩɛrʋ nɩ dɔwrʋ na tarɛ a
(Mat 24:3-14, Luk 21:7-19)
3A Yeezu na tɩ zɩ̃ a Olivʋ tɩɩr tãw zu tori a Ŋmɩn-yir-kpɛ̃ɛ a, Pɩɛr nɩ Zakɩ nɩ Zã nɩ Ãdere tɩ sowr'ʋ nɩ a bɛ tɛwr zie: 4«Yel kʋ̀ tɩ, debor'a a yele á ŋá na ta? Ɛ́ bãwfʋ buor'ʋ na wul kɛ́ a yele á ŋá ta na?» 5A Yeezu tɩ yere na kʋ̀rɛ bɛ: «Nyɩ gù nyɩ tʋɔra vla, nɩr za taa wa bɛlɛ nyɩ nyɔwr ɛ. 6Nɩ-yaga na de nɩ a ɩ̃ yúor wa yere nɩ: “Mãa n'ɩ a Nɩ-kabra.” Ɛ́ bɛ na bɛlɩ nɩ nɩ-yaga nyɔw. 7Nyɩmɛ wa wone zɛbr na zɛbr pɩɛlɩ a gɔmɛ a, ɛ́ mɩ̀ wone bɛ ƴɛ̀rɛ zi-zãána zɛbr ƴɛ̀rʋ a, nyɩ ta zɔrɛ dɛ̃bɩ̃ɛ ɩ, a fɛr'a kɛ́ à á ŋá za ta, ɛcɛ a cãà kʋ̃ ɩ a tẽw baarʋ n'a ɩ. 8Tẽw ŋa na mɩ́ ìr'a lo tẽw ŋa zu, nãà ŋa nɩbɛ nɩ nãà ŋa nɩbɛ na mɩ́ ìr'a taw tuori taa. A ziir a mɩnɛ a, a tẽsɔw kɔbr na dam'a, ɛ́ kɔ̃ lo. A na ɩ na mɛ̃ pɔw pʋɔ na tĩ 'wɔbr ʋ a. 9A nyɩɩm a, nyɩ gù nyɩ tʋɔra vla. Bɛ na nyɔw nyɩ na cen nɩ a ƴɛ̀rʋ-dɩb-lãw nɩbɛ niŋé nɩ a bɛ puoru-dirú, bɛ na ŋmɛ nyɩ nɩ faa faa, bɛ na tɛr nyɩ na cen nɩ na-kpɛ̃ɛ-lɩɛrbɛ nɩ na-mɩnɛ niŋé, a ɩ a mãa ƴãw, kɛ́ nyɩ tɩ dɩ a ɩ̃ dãsɩɛ a bɛ zie. 10Ɛcɛ a fɛr'a kɛ́ a Yel-nʋ̃ɔ̀ ƴɛ̀rʋ ta a ten za baarɩ. 11Bɛlɛ wa nyɔw nyɩ cere nɩ a ƴɛ̀rʋ zie a, nyɩ ta dɩ tuo bɔbr a lɛ nyɩ na na yel a ɩ, nyɩ yel a ƴɛ̀r-bie al nãà wa be a nyɩ nʋɔrɩ́ a lɛn daar a. Nyɩmɛ bɛ nɛbɛ na ƴɛ̀rɛ ɩ, Vʋʋrʋ Sõw n'ʋ. 12Yɛb na mɩ́ nyɔw nɩ a ʋ yɛb tɩr bɛ kʋ, ɛ́ sãà nyɔw a ʋ bie tɩr, a bibiir na zɛbr'ɩ nɩ a bɛ dɔwrbɛ, ɛ́ ƴãw bɛ ŋmãa kũu dɔwrʋ ƴãw bɛ. 13Nɩbɛ za na hɩ̃ɛn nyɩ na, a mãa ƴãw. Ɛcɛ ʋlɩ sob wa dɩ kanyir tɩ ta n a baarʋ daar a, ʋ na nyɛ̃ nɩ a faafʋ.»
A kpɩɛrʋ kpɛ̃ɛ yele
(Mat 24:15-28, Luk 21:20-24)
14«Nyɩmɛ wa nyɛ̃ a Faalʋ-na-bɛ-maal'ɩ-wob'a, ʋ be a be a na bɛ tɛr sɔ́r k'ʋʋ be a, (a kã-kanɛ, ʋ bãw a pɛr), a bɛl nãà wa be a Zude tẽw pʋɔ a, bɛ zɔ do a tan pʋɔ. 15Ɛ́ ʋlɩ sob nɛ nãà wa be gàrʋ́ a, ʋ taa siwr kpɩɛr dĩó k'ʋʋ de bom ɛ. 16Ʋlɩ sob nɛ wa be wɩ̀ɛ pʋɔ a, ʋ taa lɛbr pùor k'ʋʋ tɩ de a ʋ kpar-kpɛ̃ɛ ɩ. 17Baw-bio dem n'ɩ a bɛlɩ pɔwbɛ nãà wa tɛr pʋɔ, bɩɩ ƴɛnɛ bibiir a alɩ bibie nɛ pʋɔ a. 18Nyɩ puore a yele á ŋá taa wa tarɛ sa-kʋ̃ɔ zi-faa daar ɛ. 19Bʋ̃ʋ n'ʋ vɛ̃, a bibie al na ɩ n kpɩɛrʋ bibie, kpɩɛrʋ bɛ na bɛ nyɛ̃ a ʋ tɔ, a lɛ a Naaŋmɩn na tĩ ír a tẽ-daa ɛ́ wa tɩ tɔ a dɩ̃a a ɩ. 20A Sore bɛ tɩ ŋmãa a bibie á ŋá bɛr a, nɩr za kʋ̃ʋ nyɛ̃ a faafʋ ɛ. Ɛcɛ ʋ ŋmãa a na bɛr, a ʋ nɩ-kaa-íri ʋ na kaa ír a ƴãw. 21Alɛ so, nɩr wa yel kʋ̀ nyɩ: “Nyɩ nyɛ̃, a Nɩ-kabra be n ka”, bɩɩ “Nyɩ nyɛ̃ ʋ ka lowr a”, nyɩ taa sàwr dier a ʋ ƴɛ̀rʋ ɛ. 22A lɛn daar, Naaŋmɩn nɩ-kabr-bɛlɛbɛlɛ nɩ naaŋmɩn-ƴɛ̀r-man-bɛlɛbɛlɛ na yi na, mɩ́ maalɩ nɔ-ɓãa-yele nɩ yel-bãw-guuri, kɛ́ alɛ tɩ tʋ̃ɔ́ a, bɛ̃ɛ tuli a Naaŋmɩn nɩ-kaa-íri. 23A na ɩ lɛ a, a nyɩɩm a, nyɩ gù nyɩ tʋɔra vla, ɩ̃ yel'ɩ à á ŋá za kʋ̀ nyɩ ɛ́ a bɛ ta sɛr ɛ.»
A Nɩsaal Bie waa yele
(Mat 24:29-31, Luk 21:25-28)
24«Ɛcɛ a alɩ bibie nɛ pʋɔ, a kpɩɛrʋ á ŋá pùorí, a mʋ̃tɔ̃w na lɩɛb'ɩ lige, a cuw kʋ̃ cãà caalɛ ɩ, 25a ŋmar-bie na yi n a salom zu pɔrɛ lore, ɛ́ a salom zu kpɛnʋ dam. 26Lɛ n'a bɛ pãa na nyɛ̃ a Nɩsaal Bie ʋ be a zũzuwe pʋɔ waar nɩ fãw na bɛ tɛr vuo a, nɩ yúor-vɩɛlʋ-danʋ za. 27Ʋ na tõ n a malkɩ mɩnɛ a tẽ-daa lõbowe za, a tẽw pɛrɩ́ tɩ tɔ a tẽw zũú, bɛ tɩ bʋɔlɩ a ʋ nɩ-kaa-íri ɓã taa.»
A kãkã-tɩɛ zʋkpar
(Mat 24:32-35, Luk 21:29-33)
28«Nyɩ wõ a wulu na be a kãkã-tɩɛ zʋkpar pʋɔ a. Ʋlɛ wa vore wuli ɛ́ lɛb tɔmnɛ váar a, nyɩ mɩ́ bãw kɛ́ a nyĩi tarɛ na. 29Lɛ n'a, a nyɩɩm mɩ̀ a, nyɩmɛ wa nyɛ̃ a yele á ŋá a tarɛ a, nyɩɩm bãw kɛ́ a Nɩsaal Bie pɩɛl'ɩ yɩ̃ɛlɛ, ʋ be n a nyɩ dɩ̃dɛ̃ɛ́. 30Yel-mɩŋa sɩza n'a ɩ̃ yere kʋ̀rɛ nyɩ, a dɩ̃a nɩbɛ bɛ ŋa kʋ̃ kpi baarɩ sɛr ɛ, ɛcɛ a yele á ŋá ta. 31A salom nɩ a tẽw na tɔl'a, ɛcɛ a ɩ̃ ƴɛ̀rʋ bɛ be na tɔl ɛ.»
Naaŋmɩn yõ n'ʋ bãw a yele za baarʋ daar
(Mat 24:36-44)
32«Ɛcɛ a ʋlɩ bibir nɩ a tɛm nɛ a yele á ŋá na na ta a, nɩr za bɛ bãw a ɩ, a tẽ-vla pʋɔ malkɩ mɩnɛ nɩ a Naaŋmɩn Bie tɛɛ za bɛ bãw ɛ. A Naaŋmɩn Sãà yõ n'ʋ bãw. 33Nyɩ gù nyɩ tʋɔra ɛ́ bɛr gʋ̃ɔ, nyɩ na bɛ bãw a daar a ƴãw. 34A na ŋmɛ̃ na mɛ̃ nɩr na yire yɔb a: ʋ yi na ɛ́ de a yir kʋ̀ a ʋ tõ-tõ-biir, ɛ́ wul a bɛ za been been a bɛ tome, ɛ́ ƴãw nʋɔr kʋ̀ a dɩ̃dɔ-gùre k'ʋʋ bɛr gʋ̃ɔ. 35A na ɩ lɛ a, nyɩ bɛr gʋ̃ɔ, nyɩ na bɛ bãw debor'a a yir sob nãà wa a ƴãw: zaanʋɔra n'a bɩɩ, zi-põ-zɛ̃-taa n'a bɩɩ, nʋrɩ kon daar'a bɩɩ, biɓaara n'a bɩɩ. 36Nyɩ ta sàw ʋ wa ùr ta nyɛ̃ nyɩ gúre ɩ. 37À á ŋá ɩ̃ na yere kʋ̀rɛ nyɩ a, ɩ̃ yere na kʋ̀rɛ a nɩbɛ za: nyɩ bɛr gʋ̃ɔ!»
Currently Selected:
Markɩ 13: DBDC
Highlight
Share
Copy
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Markɩ 13
13
A Yeezu na yel a Ŋmɩn-yir-kpɛ̃ɛ loba yele a
(Mat 24:1-2, Luk 21:5-6)
1A Yeezu na tɩ yi a Ŋmɩn-yir-kpɛ̃ɛ pʋɔ cere a, a ʋ po-tuure kãw tɩ yel ʋ na: «Wul-wul-kara a, jɩ́r nyɛ̃! Nyɛ̃ kʋsɛbɛ na vɩɛl a! Nyɛ̃ yir na ŋmãa nɩ dɛpaalʋ a!» 2A Yeezu tɩ yel ʋ na: «Fʋ nyɛ̃ nɩ a yir ŋa na ŋmãa nɩ dɛpaalʋ a? Kʋsɛ-been kʋ̃ʋ wa cãà dɔwlɩ kʋsɩɛr zu ɛ, bɛ na ŋmɛ n ʋ za lɔb.»
Kpɩɛrʋ nɩ dɔwrʋ na tarɛ a
(Mat 24:3-14, Luk 21:7-19)
3A Yeezu na tɩ zɩ̃ a Olivʋ tɩɩr tãw zu tori a Ŋmɩn-yir-kpɛ̃ɛ a, Pɩɛr nɩ Zakɩ nɩ Zã nɩ Ãdere tɩ sowr'ʋ nɩ a bɛ tɛwr zie: 4«Yel kʋ̀ tɩ, debor'a a yele á ŋá na ta? Ɛ́ bãwfʋ buor'ʋ na wul kɛ́ a yele á ŋá ta na?» 5A Yeezu tɩ yere na kʋ̀rɛ bɛ: «Nyɩ gù nyɩ tʋɔra vla, nɩr za taa wa bɛlɛ nyɩ nyɔwr ɛ. 6Nɩ-yaga na de nɩ a ɩ̃ yúor wa yere nɩ: “Mãa n'ɩ a Nɩ-kabra.” Ɛ́ bɛ na bɛlɩ nɩ nɩ-yaga nyɔw. 7Nyɩmɛ wa wone zɛbr na zɛbr pɩɛlɩ a gɔmɛ a, ɛ́ mɩ̀ wone bɛ ƴɛ̀rɛ zi-zãána zɛbr ƴɛ̀rʋ a, nyɩ ta zɔrɛ dɛ̃bɩ̃ɛ ɩ, a fɛr'a kɛ́ à á ŋá za ta, ɛcɛ a cãà kʋ̃ ɩ a tẽw baarʋ n'a ɩ. 8Tẽw ŋa na mɩ́ ìr'a lo tẽw ŋa zu, nãà ŋa nɩbɛ nɩ nãà ŋa nɩbɛ na mɩ́ ìr'a taw tuori taa. A ziir a mɩnɛ a, a tẽsɔw kɔbr na dam'a, ɛ́ kɔ̃ lo. A na ɩ na mɛ̃ pɔw pʋɔ na tĩ 'wɔbr ʋ a. 9A nyɩɩm a, nyɩ gù nyɩ tʋɔra vla. Bɛ na nyɔw nyɩ na cen nɩ a ƴɛ̀rʋ-dɩb-lãw nɩbɛ niŋé nɩ a bɛ puoru-dirú, bɛ na ŋmɛ nyɩ nɩ faa faa, bɛ na tɛr nyɩ na cen nɩ na-kpɛ̃ɛ-lɩɛrbɛ nɩ na-mɩnɛ niŋé, a ɩ a mãa ƴãw, kɛ́ nyɩ tɩ dɩ a ɩ̃ dãsɩɛ a bɛ zie. 10Ɛcɛ a fɛr'a kɛ́ a Yel-nʋ̃ɔ̀ ƴɛ̀rʋ ta a ten za baarɩ. 11Bɛlɛ wa nyɔw nyɩ cere nɩ a ƴɛ̀rʋ zie a, nyɩ ta dɩ tuo bɔbr a lɛ nyɩ na na yel a ɩ, nyɩ yel a ƴɛ̀r-bie al nãà wa be a nyɩ nʋɔrɩ́ a lɛn daar a. Nyɩmɛ bɛ nɛbɛ na ƴɛ̀rɛ ɩ, Vʋʋrʋ Sõw n'ʋ. 12Yɛb na mɩ́ nyɔw nɩ a ʋ yɛb tɩr bɛ kʋ, ɛ́ sãà nyɔw a ʋ bie tɩr, a bibiir na zɛbr'ɩ nɩ a bɛ dɔwrbɛ, ɛ́ ƴãw bɛ ŋmãa kũu dɔwrʋ ƴãw bɛ. 13Nɩbɛ za na hɩ̃ɛn nyɩ na, a mãa ƴãw. Ɛcɛ ʋlɩ sob wa dɩ kanyir tɩ ta n a baarʋ daar a, ʋ na nyɛ̃ nɩ a faafʋ.»
A kpɩɛrʋ kpɛ̃ɛ yele
(Mat 24:15-28, Luk 21:20-24)
14«Nyɩmɛ wa nyɛ̃ a Faalʋ-na-bɛ-maal'ɩ-wob'a, ʋ be a be a na bɛ tɛr sɔ́r k'ʋʋ be a, (a kã-kanɛ, ʋ bãw a pɛr), a bɛl nãà wa be a Zude tẽw pʋɔ a, bɛ zɔ do a tan pʋɔ. 15Ɛ́ ʋlɩ sob nɛ nãà wa be gàrʋ́ a, ʋ taa siwr kpɩɛr dĩó k'ʋʋ de bom ɛ. 16Ʋlɩ sob nɛ wa be wɩ̀ɛ pʋɔ a, ʋ taa lɛbr pùor k'ʋʋ tɩ de a ʋ kpar-kpɛ̃ɛ ɩ. 17Baw-bio dem n'ɩ a bɛlɩ pɔwbɛ nãà wa tɛr pʋɔ, bɩɩ ƴɛnɛ bibiir a alɩ bibie nɛ pʋɔ a. 18Nyɩ puore a yele á ŋá taa wa tarɛ sa-kʋ̃ɔ zi-faa daar ɛ. 19Bʋ̃ʋ n'ʋ vɛ̃, a bibie al na ɩ n kpɩɛrʋ bibie, kpɩɛrʋ bɛ na bɛ nyɛ̃ a ʋ tɔ, a lɛ a Naaŋmɩn na tĩ ír a tẽ-daa ɛ́ wa tɩ tɔ a dɩ̃a a ɩ. 20A Sore bɛ tɩ ŋmãa a bibie á ŋá bɛr a, nɩr za kʋ̃ʋ nyɛ̃ a faafʋ ɛ. Ɛcɛ ʋ ŋmãa a na bɛr, a ʋ nɩ-kaa-íri ʋ na kaa ír a ƴãw. 21Alɛ so, nɩr wa yel kʋ̀ nyɩ: “Nyɩ nyɛ̃, a Nɩ-kabra be n ka”, bɩɩ “Nyɩ nyɛ̃ ʋ ka lowr a”, nyɩ taa sàwr dier a ʋ ƴɛ̀rʋ ɛ. 22A lɛn daar, Naaŋmɩn nɩ-kabr-bɛlɛbɛlɛ nɩ naaŋmɩn-ƴɛ̀r-man-bɛlɛbɛlɛ na yi na, mɩ́ maalɩ nɔ-ɓãa-yele nɩ yel-bãw-guuri, kɛ́ alɛ tɩ tʋ̃ɔ́ a, bɛ̃ɛ tuli a Naaŋmɩn nɩ-kaa-íri. 23A na ɩ lɛ a, a nyɩɩm a, nyɩ gù nyɩ tʋɔra vla, ɩ̃ yel'ɩ à á ŋá za kʋ̀ nyɩ ɛ́ a bɛ ta sɛr ɛ.»
A Nɩsaal Bie waa yele
(Mat 24:29-31, Luk 21:25-28)
24«Ɛcɛ a alɩ bibie nɛ pʋɔ, a kpɩɛrʋ á ŋá pùorí, a mʋ̃tɔ̃w na lɩɛb'ɩ lige, a cuw kʋ̃ cãà caalɛ ɩ, 25a ŋmar-bie na yi n a salom zu pɔrɛ lore, ɛ́ a salom zu kpɛnʋ dam. 26Lɛ n'a bɛ pãa na nyɛ̃ a Nɩsaal Bie ʋ be a zũzuwe pʋɔ waar nɩ fãw na bɛ tɛr vuo a, nɩ yúor-vɩɛlʋ-danʋ za. 27Ʋ na tõ n a malkɩ mɩnɛ a tẽ-daa lõbowe za, a tẽw pɛrɩ́ tɩ tɔ a tẽw zũú, bɛ tɩ bʋɔlɩ a ʋ nɩ-kaa-íri ɓã taa.»
A kãkã-tɩɛ zʋkpar
(Mat 24:32-35, Luk 21:29-33)
28«Nyɩ wõ a wulu na be a kãkã-tɩɛ zʋkpar pʋɔ a. Ʋlɛ wa vore wuli ɛ́ lɛb tɔmnɛ váar a, nyɩ mɩ́ bãw kɛ́ a nyĩi tarɛ na. 29Lɛ n'a, a nyɩɩm mɩ̀ a, nyɩmɛ wa nyɛ̃ a yele á ŋá a tarɛ a, nyɩɩm bãw kɛ́ a Nɩsaal Bie pɩɛl'ɩ yɩ̃ɛlɛ, ʋ be n a nyɩ dɩ̃dɛ̃ɛ́. 30Yel-mɩŋa sɩza n'a ɩ̃ yere kʋ̀rɛ nyɩ, a dɩ̃a nɩbɛ bɛ ŋa kʋ̃ kpi baarɩ sɛr ɛ, ɛcɛ a yele á ŋá ta. 31A salom nɩ a tẽw na tɔl'a, ɛcɛ a ɩ̃ ƴɛ̀rʋ bɛ be na tɔl ɛ.»
Naaŋmɩn yõ n'ʋ bãw a yele za baarʋ daar
(Mat 24:36-44)
32«Ɛcɛ a ʋlɩ bibir nɩ a tɛm nɛ a yele á ŋá na na ta a, nɩr za bɛ bãw a ɩ, a tẽ-vla pʋɔ malkɩ mɩnɛ nɩ a Naaŋmɩn Bie tɛɛ za bɛ bãw ɛ. A Naaŋmɩn Sãà yõ n'ʋ bãw. 33Nyɩ gù nyɩ tʋɔra ɛ́ bɛr gʋ̃ɔ, nyɩ na bɛ bãw a daar a ƴãw. 34A na ŋmɛ̃ na mɛ̃ nɩr na yire yɔb a: ʋ yi na ɛ́ de a yir kʋ̀ a ʋ tõ-tõ-biir, ɛ́ wul a bɛ za been been a bɛ tome, ɛ́ ƴãw nʋɔr kʋ̀ a dɩ̃dɔ-gùre k'ʋʋ bɛr gʋ̃ɔ. 35A na ɩ lɛ a, nyɩ bɛr gʋ̃ɔ, nyɩ na bɛ bãw debor'a a yir sob nãà wa a ƴãw: zaanʋɔra n'a bɩɩ, zi-põ-zɛ̃-taa n'a bɩɩ, nʋrɩ kon daar'a bɩɩ, biɓaara n'a bɩɩ. 36Nyɩ ta sàw ʋ wa ùr ta nyɛ̃ nyɩ gúre ɩ. 37À á ŋá ɩ̃ na yere kʋ̀rɛ nyɩ a, ɩ̃ yere na kʋ̀rɛ a nɩbɛ za: nyɩ bɛr gʋ̃ɔ!»
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.