LUKA 6
6
Yezu ye min fɔ lafinyɛlon koo la
(Mat 12.1-8; Mar 2.23-28)
1Lafinyɛlon dɔ la, Yezu n'a ka kalandenw tun bɛ tɛmɛna foro dɔw kɔnɔ. A ka kalandenw ye suman dɔw tigɛ k'u tereke u tigɛ la k'u nyimi. 2Farizinyɛ dɔw y'a fɔ u ye ko: “Koo min daganin tɛ lafinyɛlon na, mun na aw b'o kɛ?”
3Yezu y'u jaabi ko: “Kɔngɔ ye Dawuda n'a kɔmɔgɔw minɛ tuma min na, a ye min kɛ, aw m'o kalan ka ye wa? 4A donna Ala ka soo kɔnɔ, burukun minw tun bilanin bɛ Ala ye ni mɔgɔ si man kan k'olu dumu fɔɔ sarakalasebagaw dɔrɔn, a ye olu ta ka dɔ dumu ka tila ka dɔ di a kɔmɔgɔw ma.”
5Yezu y'a fɔ u ye fana ko: “Mɔgɔ Dencɛ ye lafinyɛlon kuntigi ye.”
Yezu bɛ cɛɛ bolo sanin dɔ kɛnɛya
(Mat 12.9-14; Mar 3.1-6)
6Lafinyɛlon dɔ wɛrɛ la, Yezu donna Alabatoso kɔnɔ k'a daminɛ ka mɔgɔw kalan. O y'a sɔrɔ cɛɛ dɔ tun bɛ yen min kinibolo sanin lo. 7Sariya karamɔgɔw ni Farizinyɛw tun bɛ Yezu kɔlɔsira yala n'a bɛna mɔgɔ dɔ kɛnɛya lafinyɛlon na, waasa u ka se k'a jalaki. 8Nga Yezu tun y'u ka miiriya lɔn, o la, a y'a fɔ cɛɛ bolo sanin ye ko: “Wili ka lɔ mɔgɔw cɛma yan.” A wilila ka lɔ. 9O kɔ, Yezu y'a fɔ u ye ko: “Ne b'aw nyininga, a daganin bɛ ka konyuman kɛ lafinyɛlon na wa, walima ka kojugu kɛ? Ka mɔgɔ kisi wa, walima k'a faga?” 10A y'u bɛɛ filɛfilɛ ka sɔrɔ k'a fɔ cɛɛ ye ko: “I bolo jan.” A y'a jan, a bolo kɛnɛyara.
11U dimina kosɛbɛ, u tora ka nyɔgɔn nyininga ko yala u bɛna se ka mun le kɛ Yezu la.
Yezu bɛ ciden tan ni fila woloma
(Mat 10.1-4; Mar 3.13-19)
12Loon dɔ la, Yezu taara kulu dɔ kan ka Ala dali. A sira nyana Ala dalili la. 13Dugu gwɛra tuma min na, a y'a ka kalandenw wele, ka mɔgɔ tan ni fila woloma u cɛma k'olu tɔgɔ la ko cidenw. 14O cidenw tɔgɔ filɛ: Simɔn, Yezu ye min tɔgɔ la ko Piyɛri, an'a dɔgɔcɛ Andere, Zaki ni Zan, Filipi ni Baritelemi, 15Matiyo ni Toma, Alife dencɛ Zaki ni Simɔn u bɛ min wele Zelɔti, 16Zaki dencɛ Zuda ani Zuda Isikariyɔti min ye Yezu don a juguw bolo la.
Yezu bɛ jama kalan ka banabagatɔw kɛnɛya
(Mat 4.24-25; Mar 3.7-11)
17Yezu jigitɔ n'a ka kalanden tan ni fila ye ka bɔ kulu kan, a sera kɛnɛba dɔ la ka lɔ yen. Jamaba tun bɛ o yɔrɔ la. A ka kalandenw tun ka ca u cɛma. Dɔw tun bɔra Zeruzalɛmu ni Zude mara bɛɛ la. Dɔw fana tun bɔra kɔgɔjida la dugubaw la, Tiri ani Sidɔn. 18U tun nana waasa ka Yezu ka kuma lamɛn ani a ka u kɛnɛya. Minw tɔɔrɔnin tun bɛ jinaw bolo, olu fana kɛnɛyara. 19Jama bɛɛ tun bɛ cogo nyini ka maga Yezu la, bari sebagaya dɔ tun bɛ bɔ a la k'u bɛɛ kɛnɛya.
Jon ye dubaden ye?
(Mat 5.1-12)
20O tuma na, Yezu y'a ka kalandenw filɛ, k'a fɔ ko:
“Aw minw ye faantanw ye, aw ye dubadenw ye,
bari Ala ye aw ka masa ye.
21Kɔngɔ bɛ aw minw na sisan, aw ye dubadenw ye,
bari aw bɛna fa.
Aw minw dusu kasinin bɛ sisan, aw ye dubadenw ye
bari aw dusu bɛna diya.
22Ni mɔgɔw b'aw kɔniya tuma min na,
ka ban aw la, k'aw nɛni
ani k'aw tɔgɔjugu fɔ Mɔgɔ Dencɛ kɔsɔn,
o tuma na, aw ye dubadenw ye.
23N'o bɛ kɛ tuma min na,
aw ka nyanagwɛ ka panpan nisɔndiya fɛ,
bari aw bɛna tɔnɔba sɔrɔ sankolo la.
U faaw fana tun ye kiraw tɔɔrɔ ten.
24Nga bɔnɛ ye aw nafolotigiw ta ye,
bari aw ye aw ka nyasuma sɔrɔ ka ban.
25Aw minw bɛ dumuni kɛ ka fa sisan,
bɔnɛ ye aw ta ye sini,
bari kɔngɔ bɛna aw minɛ.
Aw minw bɛ yɛlɛ sisan,
bɔnɛ ye aw ta ye sini,
bari aw nyaa bɛna sisi ka kasi.
26Ni mɔgɔ bɛɛ bɛ aw tɔgɔnyuman fɔ tuma min na,
bɔnɛ ye aw ta ye,
bari u faaw tun bɛ kira galontigɛlaw bonya o cogo la.
An juguw kanucogo
(Mat 5.39-47)
27“Nga aw minw bɛ n lamɛnna, ne b'a fɔ aw ye ko aw k'aw juguw kanu, aw ka konyuman kɛ aw kɔniyabagaw ye. 28Aw ka duba kɛ aw dangabagaw ye, ka Ala dali aw tɔɔrɔbagaw ye. 29Ni mɔgɔ dɔ y'i tulo kelen ci, i ka tɔ kelen nin sin a ma fana. Ni dɔ y'i ka foroca bɔsi i la, i kan'a bali k'i ka dulokidennin fana ta. 30Ni mɔgɔ o mɔgɔ ye fɛɛn dɔ dali i fɛ, i k'o d'a ma. Ni mɔgɔ dɔ y'i ka fɛɛn dɔ minɛ i fɛ, i kan'a koo nyininga. 31Aw b'a fɛ mɔgɔ tɔw ka koo min kɛ aw ye, aw k'o nyɔgɔn kɛ u ye.
32“N'aw b'aw nyiinw dɔrɔn kanu, aw bɛna mun tɔnɔ sɔrɔ o la? Bari, kojugukɛlaw fana b'o nyɔgɔn kɛ. 33Mɔgɔ minw bɛ konyuman kɛ aw ye, ni aw bɛ konyuman kɛ olu dɔrɔn ye, aw bɛna mun tɔnɔ sɔrɔ o la? Bari, kojugukɛlaw fana b'o nyɔgɔn kɛ. 34Aw jigi bɛ mɔgɔ minw kan ko u bɛna aw ka juru sara, ni aw bɛ juru don olu dɔrɔn na, aw bɛna mun tɔnɔ sɔrɔ o la? Bari, kojugukɛlaw fana bɛ juru don nyɔgɔn na k'u hakili to u ta nyɔgɔn sɔrɔli la kɔfɛ. 35Nga, aw juguw koo ka diya aw ye, aw ka konyuman kɛ u ye. Aw ka juru don mɔgɔw la, ka nyinɛ o kɔ. O la, aw bɛna tɔnɔba sɔrɔ. Aw bɛna kɛ Setigi Ala deenw ye, bari, ale bɛ nyumanya kɛ nyumanlɔnbaliw ni mɔgɔjuguw ye. 36Aw ka makari mɔgɔw la i n'a fɔ an Faa bɛ makari u la cogo min na.
Aw kana nyɔgɔn jalaki
(Mat 5.48; 7.1-2; 15.15; 10.24-25; 7.3-5)
37“Aw kana tɔw kiti, o la, Ala tɛna aw kiti. Aw kana tɔw jalaki, o la, Ala tɛna aw jalaki. Aw ka yafa tɔw ma, o la, Ala bɛna yafa aw ma. 38Aw ka tɔw sɔn. O la, Ala bɛna aw sɔn. A bɛna minan nyanaman ta k'aw ta suma k'a digidigi k'a yuguyugu k'a fa fɔɔ a ka bɔn, k'o yɛlɛma aw ka fani daa la cogo min na, aw ka tɔw ta kɛ ten. Bari aw bɛ tɔw ta suma ni minan min ye, a bɛna aw ta suma n'o minan le ye.”
39Yezu ye talen la u ye fana ko: “Finyɛntɔ bɛ se ka finyɛntɔ wɛrɛ ka bere minɛ wa? U fila bɛɛ tɛna ben dingɛ kɔnɔ wa? 40Kalanden si man fisa n'a ka karamɔgɔ ye. Nga kalanden o kalanden kalanna ka se a daan na, o bɛna kɛ i n'a fɔ a ka karamɔgɔ.
41“Kalafitini min b'i balima nyaa na, mun na i b'o filɛ k'a sɔrɔ lɔgɔkuru min bɛ i yɛrɛ nyaa na, i t'o miiri? 42I do bɛ se k'a fɔ i balima ye cogo di ko: ‘Kala b'i nyaa na, a to n k'a bɔ.’ Nanbaranmɔgɔ, lɔgɔkuru min bɛ i nyaa na, o bɔ fɔlɔ. O la, i bɛna yeli kɛ ka nya, k'i balima ka kala bɔ a nyaa na.
Yiri bɛ lɔn a deen fɛ
(Mat 12.33-35; 7.16-21)
43“Yirinyuman si tɛ denjugu kɛ, yirijugu si fana tɛ dennyuman kɛ. 44Yiri bɛ lɔn a deen fɛ. Toro tɛ bɔ ;nɔniyiri kan, kunan fana tɛ bɔ sɛgɛnɛyiri kan. 45Mɔgɔnyuman bɛ kɛwalinyumanw kɛ bari a dusu ka nyi. Mɔgɔjugu fana bɛ kɛwalijuguw kɛ bari a dusu man nyi. Mɔgɔ dusu fanin bɛ fɛɛn min na, a daa b'o le fɔ.
Bonlɔla min y'a ka boon juu sigi fara kan
46“Mun na aw bɛ ne wele Matigi, Matigi, k'a sɔrɔ ne bɛ min fɔ aw ye, aw t'o kɛ?
(Mat 7.24-27)
47“Mɔgɔ o mɔgɔ bɛ na ne fɛ ka ne ka kuma lamɛn k'a labato, o bɔnin bɛ min fɛ, ne bɛna o fɔ aw ye. 48O bɔnin bɛ bonlɔla dɔ fɛ min ye dugukolo sogi k'a dunya fɔɔ ka se fara ma, k'a ka boon juu sigi o kan. Baa nana fa jii la tuma min na, a karila, jii woyora ka taa gosi o boon nin na, nga a ma se k'a yuguyugu, bari cɛɛ nin tun y'a ka boon lɔ ka nya. 49Nga mɔgɔ min bɛ ne ka kuma lamɛn n'a tɛ o labato, o tigi bɔnin bɛ bonlɔla dɔ fɛ min ma dugukolo sogi ka sɔrɔ k'a ka boon juu sigi. Baji sera o boon nin ma tuma min na, a benna o yɔrɔnin bɛ, a bɛɛ mugumugura.”
Currently Selected:
LUKA 6: JULNT94
Highlight
Share
Copy
Want to have your highlights saved across all your devices? Sign up or sign in
Jula New Testament © Bible Society of Burkina Faso, 1994.
LUKA 6
6
Yezu ye min fɔ lafinyɛlon koo la
(Mat 12.1-8; Mar 2.23-28)
1Lafinyɛlon dɔ la, Yezu n'a ka kalandenw tun bɛ tɛmɛna foro dɔw kɔnɔ. A ka kalandenw ye suman dɔw tigɛ k'u tereke u tigɛ la k'u nyimi. 2Farizinyɛ dɔw y'a fɔ u ye ko: “Koo min daganin tɛ lafinyɛlon na, mun na aw b'o kɛ?”
3Yezu y'u jaabi ko: “Kɔngɔ ye Dawuda n'a kɔmɔgɔw minɛ tuma min na, a ye min kɛ, aw m'o kalan ka ye wa? 4A donna Ala ka soo kɔnɔ, burukun minw tun bilanin bɛ Ala ye ni mɔgɔ si man kan k'olu dumu fɔɔ sarakalasebagaw dɔrɔn, a ye olu ta ka dɔ dumu ka tila ka dɔ di a kɔmɔgɔw ma.”
5Yezu y'a fɔ u ye fana ko: “Mɔgɔ Dencɛ ye lafinyɛlon kuntigi ye.”
Yezu bɛ cɛɛ bolo sanin dɔ kɛnɛya
(Mat 12.9-14; Mar 3.1-6)
6Lafinyɛlon dɔ wɛrɛ la, Yezu donna Alabatoso kɔnɔ k'a daminɛ ka mɔgɔw kalan. O y'a sɔrɔ cɛɛ dɔ tun bɛ yen min kinibolo sanin lo. 7Sariya karamɔgɔw ni Farizinyɛw tun bɛ Yezu kɔlɔsira yala n'a bɛna mɔgɔ dɔ kɛnɛya lafinyɛlon na, waasa u ka se k'a jalaki. 8Nga Yezu tun y'u ka miiriya lɔn, o la, a y'a fɔ cɛɛ bolo sanin ye ko: “Wili ka lɔ mɔgɔw cɛma yan.” A wilila ka lɔ. 9O kɔ, Yezu y'a fɔ u ye ko: “Ne b'aw nyininga, a daganin bɛ ka konyuman kɛ lafinyɛlon na wa, walima ka kojugu kɛ? Ka mɔgɔ kisi wa, walima k'a faga?” 10A y'u bɛɛ filɛfilɛ ka sɔrɔ k'a fɔ cɛɛ ye ko: “I bolo jan.” A y'a jan, a bolo kɛnɛyara.
11U dimina kosɛbɛ, u tora ka nyɔgɔn nyininga ko yala u bɛna se ka mun le kɛ Yezu la.
Yezu bɛ ciden tan ni fila woloma
(Mat 10.1-4; Mar 3.13-19)
12Loon dɔ la, Yezu taara kulu dɔ kan ka Ala dali. A sira nyana Ala dalili la. 13Dugu gwɛra tuma min na, a y'a ka kalandenw wele, ka mɔgɔ tan ni fila woloma u cɛma k'olu tɔgɔ la ko cidenw. 14O cidenw tɔgɔ filɛ: Simɔn, Yezu ye min tɔgɔ la ko Piyɛri, an'a dɔgɔcɛ Andere, Zaki ni Zan, Filipi ni Baritelemi, 15Matiyo ni Toma, Alife dencɛ Zaki ni Simɔn u bɛ min wele Zelɔti, 16Zaki dencɛ Zuda ani Zuda Isikariyɔti min ye Yezu don a juguw bolo la.
Yezu bɛ jama kalan ka banabagatɔw kɛnɛya
(Mat 4.24-25; Mar 3.7-11)
17Yezu jigitɔ n'a ka kalanden tan ni fila ye ka bɔ kulu kan, a sera kɛnɛba dɔ la ka lɔ yen. Jamaba tun bɛ o yɔrɔ la. A ka kalandenw tun ka ca u cɛma. Dɔw tun bɔra Zeruzalɛmu ni Zude mara bɛɛ la. Dɔw fana tun bɔra kɔgɔjida la dugubaw la, Tiri ani Sidɔn. 18U tun nana waasa ka Yezu ka kuma lamɛn ani a ka u kɛnɛya. Minw tɔɔrɔnin tun bɛ jinaw bolo, olu fana kɛnɛyara. 19Jama bɛɛ tun bɛ cogo nyini ka maga Yezu la, bari sebagaya dɔ tun bɛ bɔ a la k'u bɛɛ kɛnɛya.
Jon ye dubaden ye?
(Mat 5.1-12)
20O tuma na, Yezu y'a ka kalandenw filɛ, k'a fɔ ko:
“Aw minw ye faantanw ye, aw ye dubadenw ye,
bari Ala ye aw ka masa ye.
21Kɔngɔ bɛ aw minw na sisan, aw ye dubadenw ye,
bari aw bɛna fa.
Aw minw dusu kasinin bɛ sisan, aw ye dubadenw ye
bari aw dusu bɛna diya.
22Ni mɔgɔw b'aw kɔniya tuma min na,
ka ban aw la, k'aw nɛni
ani k'aw tɔgɔjugu fɔ Mɔgɔ Dencɛ kɔsɔn,
o tuma na, aw ye dubadenw ye.
23N'o bɛ kɛ tuma min na,
aw ka nyanagwɛ ka panpan nisɔndiya fɛ,
bari aw bɛna tɔnɔba sɔrɔ sankolo la.
U faaw fana tun ye kiraw tɔɔrɔ ten.
24Nga bɔnɛ ye aw nafolotigiw ta ye,
bari aw ye aw ka nyasuma sɔrɔ ka ban.
25Aw minw bɛ dumuni kɛ ka fa sisan,
bɔnɛ ye aw ta ye sini,
bari kɔngɔ bɛna aw minɛ.
Aw minw bɛ yɛlɛ sisan,
bɔnɛ ye aw ta ye sini,
bari aw nyaa bɛna sisi ka kasi.
26Ni mɔgɔ bɛɛ bɛ aw tɔgɔnyuman fɔ tuma min na,
bɔnɛ ye aw ta ye,
bari u faaw tun bɛ kira galontigɛlaw bonya o cogo la.
An juguw kanucogo
(Mat 5.39-47)
27“Nga aw minw bɛ n lamɛnna, ne b'a fɔ aw ye ko aw k'aw juguw kanu, aw ka konyuman kɛ aw kɔniyabagaw ye. 28Aw ka duba kɛ aw dangabagaw ye, ka Ala dali aw tɔɔrɔbagaw ye. 29Ni mɔgɔ dɔ y'i tulo kelen ci, i ka tɔ kelen nin sin a ma fana. Ni dɔ y'i ka foroca bɔsi i la, i kan'a bali k'i ka dulokidennin fana ta. 30Ni mɔgɔ o mɔgɔ ye fɛɛn dɔ dali i fɛ, i k'o d'a ma. Ni mɔgɔ dɔ y'i ka fɛɛn dɔ minɛ i fɛ, i kan'a koo nyininga. 31Aw b'a fɛ mɔgɔ tɔw ka koo min kɛ aw ye, aw k'o nyɔgɔn kɛ u ye.
32“N'aw b'aw nyiinw dɔrɔn kanu, aw bɛna mun tɔnɔ sɔrɔ o la? Bari, kojugukɛlaw fana b'o nyɔgɔn kɛ. 33Mɔgɔ minw bɛ konyuman kɛ aw ye, ni aw bɛ konyuman kɛ olu dɔrɔn ye, aw bɛna mun tɔnɔ sɔrɔ o la? Bari, kojugukɛlaw fana b'o nyɔgɔn kɛ. 34Aw jigi bɛ mɔgɔ minw kan ko u bɛna aw ka juru sara, ni aw bɛ juru don olu dɔrɔn na, aw bɛna mun tɔnɔ sɔrɔ o la? Bari, kojugukɛlaw fana bɛ juru don nyɔgɔn na k'u hakili to u ta nyɔgɔn sɔrɔli la kɔfɛ. 35Nga, aw juguw koo ka diya aw ye, aw ka konyuman kɛ u ye. Aw ka juru don mɔgɔw la, ka nyinɛ o kɔ. O la, aw bɛna tɔnɔba sɔrɔ. Aw bɛna kɛ Setigi Ala deenw ye, bari, ale bɛ nyumanya kɛ nyumanlɔnbaliw ni mɔgɔjuguw ye. 36Aw ka makari mɔgɔw la i n'a fɔ an Faa bɛ makari u la cogo min na.
Aw kana nyɔgɔn jalaki
(Mat 5.48; 7.1-2; 15.15; 10.24-25; 7.3-5)
37“Aw kana tɔw kiti, o la, Ala tɛna aw kiti. Aw kana tɔw jalaki, o la, Ala tɛna aw jalaki. Aw ka yafa tɔw ma, o la, Ala bɛna yafa aw ma. 38Aw ka tɔw sɔn. O la, Ala bɛna aw sɔn. A bɛna minan nyanaman ta k'aw ta suma k'a digidigi k'a yuguyugu k'a fa fɔɔ a ka bɔn, k'o yɛlɛma aw ka fani daa la cogo min na, aw ka tɔw ta kɛ ten. Bari aw bɛ tɔw ta suma ni minan min ye, a bɛna aw ta suma n'o minan le ye.”
39Yezu ye talen la u ye fana ko: “Finyɛntɔ bɛ se ka finyɛntɔ wɛrɛ ka bere minɛ wa? U fila bɛɛ tɛna ben dingɛ kɔnɔ wa? 40Kalanden si man fisa n'a ka karamɔgɔ ye. Nga kalanden o kalanden kalanna ka se a daan na, o bɛna kɛ i n'a fɔ a ka karamɔgɔ.
41“Kalafitini min b'i balima nyaa na, mun na i b'o filɛ k'a sɔrɔ lɔgɔkuru min bɛ i yɛrɛ nyaa na, i t'o miiri? 42I do bɛ se k'a fɔ i balima ye cogo di ko: ‘Kala b'i nyaa na, a to n k'a bɔ.’ Nanbaranmɔgɔ, lɔgɔkuru min bɛ i nyaa na, o bɔ fɔlɔ. O la, i bɛna yeli kɛ ka nya, k'i balima ka kala bɔ a nyaa na.
Yiri bɛ lɔn a deen fɛ
(Mat 12.33-35; 7.16-21)
43“Yirinyuman si tɛ denjugu kɛ, yirijugu si fana tɛ dennyuman kɛ. 44Yiri bɛ lɔn a deen fɛ. Toro tɛ bɔ ;nɔniyiri kan, kunan fana tɛ bɔ sɛgɛnɛyiri kan. 45Mɔgɔnyuman bɛ kɛwalinyumanw kɛ bari a dusu ka nyi. Mɔgɔjugu fana bɛ kɛwalijuguw kɛ bari a dusu man nyi. Mɔgɔ dusu fanin bɛ fɛɛn min na, a daa b'o le fɔ.
Bonlɔla min y'a ka boon juu sigi fara kan
46“Mun na aw bɛ ne wele Matigi, Matigi, k'a sɔrɔ ne bɛ min fɔ aw ye, aw t'o kɛ?
(Mat 7.24-27)
47“Mɔgɔ o mɔgɔ bɛ na ne fɛ ka ne ka kuma lamɛn k'a labato, o bɔnin bɛ min fɛ, ne bɛna o fɔ aw ye. 48O bɔnin bɛ bonlɔla dɔ fɛ min ye dugukolo sogi k'a dunya fɔɔ ka se fara ma, k'a ka boon juu sigi o kan. Baa nana fa jii la tuma min na, a karila, jii woyora ka taa gosi o boon nin na, nga a ma se k'a yuguyugu, bari cɛɛ nin tun y'a ka boon lɔ ka nya. 49Nga mɔgɔ min bɛ ne ka kuma lamɛn n'a tɛ o labato, o tigi bɔnin bɛ bonlɔla dɔ fɛ min ma dugukolo sogi ka sɔrɔ k'a ka boon juu sigi. Baji sera o boon nin ma tuma min na, a benna o yɔrɔnin bɛ, a bɛɛ mugumugura.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Jula New Testament © Bible Society of Burkina Faso, 1994.