MI CILIMA 46
46
1Jakobo den fii ki gedi leni wan den pia yaala kuli. O den pundi Beli-Seba dogu nni ki padi a pada o baa Isaaka yaa Tienu po. 2U Tienu den maadi leni Jakobo li bonlekaala nni ku ñiagu ki yedi o: «Jakobo, Jakobo.» Jakobo den goa ki yedi o: «Mini nna.» 3U Tienu den yedi o: «N tie U Tienu, a baa yaa Tienu. Ŋan gedi Ejipiti diema nni ki da jie, kelima n baa teni ŋan tua u nibociamu lankani. 4Mini nba n baa yegi leni a Ejipiti diema nni. Mini nba n baa teni ŋan ña likani, Josefi baa mubini a ŋan kpe.»
5Jakobo den fii Beli-Seba kani. Isalele bijaba den teni ke bi baa Jakobo leni bi bila leni bi puoba jagini ti teliti, *Falono n den soani yaadi ki baa tugi ba. 6Bi go den gedini bi yangola leni ban den baa yaa piama kuli Kanana diema nni. Jakobo den gedi Ejipiti diema nni yeni, wani leni o diegu nni yaaba kuli.#JTT 7.15 7O den taa o bijaba leni o bijaba yaa bila, o bisiaba leni o bijaba yaa bisiaba leni o diegu nni yaaba kuli ke bi yegi leni o ki kua Ejipiti diema nni.
Jakobo diegu yaaba
8Bine n tie Jakobo bijaba yaa yela yaaba n den gedi Ejipiti po: Jakobo leni o bijaba.
Jakobo bijakpelo n den tie Lubena. 9Lubena mo yaa bijaba n den tie Enoka, Palu, Hetisiloni leni Kalimi. 10Simeyono mo yaa bijaba den tie Yemuela, Jamina, Ohada, Jakina, Tisokala leni Kanana yaa pua yaa bijua Tisoala. 11Lefi mo yaa bijaba den tie Gelisoni, Kehati leni Melali. 12Juda mo yaa bijaba den tie Ela, Onana, Sela, Peletisa leni Sela. Ama Ela leni Onana den kpe Kanana diema nni. Peletisa mo yaa bijaba den tie Hetisiloni leni Hamula. 13Isakala mo yaa bijaba den tie Tola, Pufa, Joba leni Similoni. 14Sabulono mo yaa bijaba den tie Seledi, Elona leni Jaleela. 15Bani n tie Lea n den mali yaa bonjala Jakobo po Padana-Alama dogu nni ki taani leni o bisalo Dina. O bijaba leni o bisiaba kuli den taani ki tua piitaa n niba taa.
16Gada mo yaa bijaba den tie Tisifiyona, Hagi, Suni, Etisibona, Eli, Alodi leni Aleeli. 17Asela mo yaa bijaba den tie Jimina, Jisifa, Jifisi, Belia leni bi naataanpuoga Sela. Belia mo yaa bijaba den tie Hebeli leni Malikieli. 18Bani n tie Silipa yaa bijaba, Labana n den puni Lea yua. O den mali laa bonjala Jakobo po. Bikuli den tie piiga n niba luoba.
19Jakobo pua Lasela mo yaa bijaba den tie Josefi leni Benjamina. 20Josefi den mali Manase leni Efilayima Ejipiti diema nni, o pua Asinata yua n den tie Ona dogu nni yaa kopadiciamo Poti-Fela yaa bisalo n den mali opo yaaba.#Cil 41.50-52 21Benjamina mo yaa bijaba den tie Bela, Bekeli, Asibela, Gela, Naamana, Ehi, Losa, Mupima, Hupima leni Alidi. 22Bani n tie Lasela yaa bijaba wan den mali yaaba Jakobo po. Bikuli den tie piiga n niba naa.
23Dana mo yaa bijua den tie Husima. 24Nefitali mo yaa bijaba den tie Jatiseela, Guni, Jetisela leni Silema. 25Bani n tie Biliha yaa bijaba, Labana n den puni o bisalo Lasela yua. O den mali laa bonjala Jakobo po ke bikuli taani ki tie niba lele.
26Yaa niba n den yegi leni Jakobo ki kua Ejipiti diema nni, yaaba n den ñani o yaa tugu nni, bikuli den taani ki tie piiluoba n niba luoba ki daa taani Jakobo yaa bijaba yaa puoba. 27Josefi den pia bijaba lie ke bi den mali ba Ejipiti diema nni. Lanwani Jakobo yaa diegu yaaba kuli, yaaba n den kua Ejipiti diema nni den tie niba piilele.#JTT 7.14
Jakobo gedi Ejipiti diema nni
28Jakobo den soani Juda ke o ga o liiga ki gedi Josefi kani ki waani o ke o cua ki jiidi Gosena diema nni. 29Josefi den doali o taami o teligu ki kua ki gedi Gosena, ki tuogi o baa Jakobo. Wan den laa o yaa yogunu o den sani ki bibi o ki buudi ke li waagi. 30Isalele den yedi Josefi: «Moala min kpe kelima n laa a nunga ke a baa ye.» 31Josefi den yedi o kpeliba leni o baa niba kuli: «N baa gedi ki waani Falono ki yedi o yaama n tie na: ‹N kpeliba leni n baa niba kuli yaaba n den ye Kanana diema nni cua n kani. 32Laa jaba tie bi yankpaaba kelima bi kubi a yangola. Bi cuani bi pe leni bi ne leni ban pia yaala kuli.› 33Lanwani Falono yaa yini yi ki buali yi yin tuuni yaa tuonli, 34yin yedi o: ‹A naacenba li tie yankpaabe hali yaa yogu. Ti li baa tie bane hali moala nani ti baanba n den tie maama yeni.› Yi yaa tieni yeni yi baa yaa ye Gosena diema nni kelima bi yankpaaba kuli tie nani ti niyuodi yene Ejipiti yaaba po.»
Currently Selected:
MI CILIMA 46: GUX03
Highlight
Share
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.
MI CILIMA 46
46
1Jakobo den fii ki gedi leni wan den pia yaala kuli. O den pundi Beli-Seba dogu nni ki padi a pada o baa Isaaka yaa Tienu po. 2U Tienu den maadi leni Jakobo li bonlekaala nni ku ñiagu ki yedi o: «Jakobo, Jakobo.» Jakobo den goa ki yedi o: «Mini nna.» 3U Tienu den yedi o: «N tie U Tienu, a baa yaa Tienu. Ŋan gedi Ejipiti diema nni ki da jie, kelima n baa teni ŋan tua u nibociamu lankani. 4Mini nba n baa yegi leni a Ejipiti diema nni. Mini nba n baa teni ŋan ña likani, Josefi baa mubini a ŋan kpe.»
5Jakobo den fii Beli-Seba kani. Isalele bijaba den teni ke bi baa Jakobo leni bi bila leni bi puoba jagini ti teliti, *Falono n den soani yaadi ki baa tugi ba. 6Bi go den gedini bi yangola leni ban den baa yaa piama kuli Kanana diema nni. Jakobo den gedi Ejipiti diema nni yeni, wani leni o diegu nni yaaba kuli.#JTT 7.15 7O den taa o bijaba leni o bijaba yaa bila, o bisiaba leni o bijaba yaa bisiaba leni o diegu nni yaaba kuli ke bi yegi leni o ki kua Ejipiti diema nni.
Jakobo diegu yaaba
8Bine n tie Jakobo bijaba yaa yela yaaba n den gedi Ejipiti po: Jakobo leni o bijaba.
Jakobo bijakpelo n den tie Lubena. 9Lubena mo yaa bijaba n den tie Enoka, Palu, Hetisiloni leni Kalimi. 10Simeyono mo yaa bijaba den tie Yemuela, Jamina, Ohada, Jakina, Tisokala leni Kanana yaa pua yaa bijua Tisoala. 11Lefi mo yaa bijaba den tie Gelisoni, Kehati leni Melali. 12Juda mo yaa bijaba den tie Ela, Onana, Sela, Peletisa leni Sela. Ama Ela leni Onana den kpe Kanana diema nni. Peletisa mo yaa bijaba den tie Hetisiloni leni Hamula. 13Isakala mo yaa bijaba den tie Tola, Pufa, Joba leni Similoni. 14Sabulono mo yaa bijaba den tie Seledi, Elona leni Jaleela. 15Bani n tie Lea n den mali yaa bonjala Jakobo po Padana-Alama dogu nni ki taani leni o bisalo Dina. O bijaba leni o bisiaba kuli den taani ki tua piitaa n niba taa.
16Gada mo yaa bijaba den tie Tisifiyona, Hagi, Suni, Etisibona, Eli, Alodi leni Aleeli. 17Asela mo yaa bijaba den tie Jimina, Jisifa, Jifisi, Belia leni bi naataanpuoga Sela. Belia mo yaa bijaba den tie Hebeli leni Malikieli. 18Bani n tie Silipa yaa bijaba, Labana n den puni Lea yua. O den mali laa bonjala Jakobo po. Bikuli den tie piiga n niba luoba.
19Jakobo pua Lasela mo yaa bijaba den tie Josefi leni Benjamina. 20Josefi den mali Manase leni Efilayima Ejipiti diema nni, o pua Asinata yua n den tie Ona dogu nni yaa kopadiciamo Poti-Fela yaa bisalo n den mali opo yaaba.#Cil 41.50-52 21Benjamina mo yaa bijaba den tie Bela, Bekeli, Asibela, Gela, Naamana, Ehi, Losa, Mupima, Hupima leni Alidi. 22Bani n tie Lasela yaa bijaba wan den mali yaaba Jakobo po. Bikuli den tie piiga n niba naa.
23Dana mo yaa bijua den tie Husima. 24Nefitali mo yaa bijaba den tie Jatiseela, Guni, Jetisela leni Silema. 25Bani n tie Biliha yaa bijaba, Labana n den puni o bisalo Lasela yua. O den mali laa bonjala Jakobo po ke bikuli taani ki tie niba lele.
26Yaa niba n den yegi leni Jakobo ki kua Ejipiti diema nni, yaaba n den ñani o yaa tugu nni, bikuli den taani ki tie piiluoba n niba luoba ki daa taani Jakobo yaa bijaba yaa puoba. 27Josefi den pia bijaba lie ke bi den mali ba Ejipiti diema nni. Lanwani Jakobo yaa diegu yaaba kuli, yaaba n den kua Ejipiti diema nni den tie niba piilele.#JTT 7.14
Jakobo gedi Ejipiti diema nni
28Jakobo den soani Juda ke o ga o liiga ki gedi Josefi kani ki waani o ke o cua ki jiidi Gosena diema nni. 29Josefi den doali o taami o teligu ki kua ki gedi Gosena, ki tuogi o baa Jakobo. Wan den laa o yaa yogunu o den sani ki bibi o ki buudi ke li waagi. 30Isalele den yedi Josefi: «Moala min kpe kelima n laa a nunga ke a baa ye.» 31Josefi den yedi o kpeliba leni o baa niba kuli: «N baa gedi ki waani Falono ki yedi o yaama n tie na: ‹N kpeliba leni n baa niba kuli yaaba n den ye Kanana diema nni cua n kani. 32Laa jaba tie bi yankpaaba kelima bi kubi a yangola. Bi cuani bi pe leni bi ne leni ban pia yaala kuli.› 33Lanwani Falono yaa yini yi ki buali yi yin tuuni yaa tuonli, 34yin yedi o: ‹A naacenba li tie yankpaabe hali yaa yogu. Ti li baa tie bane hali moala nani ti baanba n den tie maama yeni.› Yi yaa tieni yeni yi baa yaa ye Gosena diema nni kelima bi yankpaaba kuli tie nani ti niyuodi yene Ejipiti yaaba po.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.