MAKA 14
14
1Mi *Pendima jaanma leni yaa dupen n ki pia *dabinli jaanma n den sieni dana lie, bi kopadicianba yudanba leni li *bali maama bangikaaba den moandi ban baa tieni maama ki cuo Jesu leni bu nunfanbu ki kpa o.#Ñam 12.1-27 2Bi den tua: «Lan da tieni mi jaanma dana nni, ke ku fuugu n da ti fii bi niba siiga.»
O pua wuli tulale Jesu yuli po
(Mat 26.6-13; Jan 12.1-8)
3Jesu den ye Betani o *gbaado Simono deni. Wan den ka ki di, o pua den cua ki kubi yaa tiagu n tie alibati tanli, ke ku gbie leni *naadi-moanmoano yaa tulale ke o dunga yaba hali boncianla. O den jobidi ku tiagu yeni ki wuli laa tulale Jesu yuli po.#Luk 7.37-38 4Yaaba n den ye likani siiga bi nitianba den maadi leni biyaba leni li pabienli ki yedi: «Be yaa po ke o biani yaa tulale n tie na? 5Bi bi baa fidi ki kuadi o yaa ligi n cie kujapiena kobitaa, ki taa yi ki pa a luoda.» Bi pala den fii o pua yeni po. 6Jesu den yedi ba: «Cedi mani o, be yaa po ke yi yagini o yama? Wan tieni npo yaala na ŋani. 7Kelima a luoda ye leni yi yogunu kuli, yi yaa bua yaa yogunu kuli yi baa fidi ki ŋanbi bipo, ama mini wani kan yaa ye leni yi yogunu kuli.#Tia 15.11 8O pua na tieni npo wan paani maama. Wan wuli npo tulale yeni, o tuodi ki bogini n gbanandi mi piinma po yo. 9N waani yi i moamoani, ban baa waani o Laabaaliŋamo ŋanduna nni naankani kuli, bi baa tiadi ki togidi o pua na n tieni yaala.»
Judasa tuo ke o baa janbi Jesu
(Mat 26.14-16; Luk 22.3-6)
10Bi piiga n niliediba siiga yendo ke bi yi o Judasa Isikalioto den gedi bi kopadicianba yudanba po ki bua ki janbi Jesu ki teni o ba ban cuo o. 11Ban den gbadi o maama bi pala den mangi, ke bi niani o ke bi baa suu o i ligi. Judasa den cili ki lingi wan baa baa yaa folu ki janbi Jesu ki teni ba.
Jesu dini mi Pendima jaanjiema leni o ŋoadikaaba
(Mat 26.17-25; Luk 22.7-23; Jan 13.21-30)
12Yaa dupen n ki pia dabinli jaanma cilidaali, ban yen kodi mi Pendima jaanma pebiga yaa daali yeni, Jesu ŋoadikaaba den buali o: «A bua tin gedi lepo ki ban ŋanbi mi Pendima jaanjiema ŋan je?» 13O den soani o ŋoadikaaba siiga niba lie ki yedi ba: «Kua mani u dogu nni, yi baa tuogi o ja ke o bugi li ñincuali, yin ŋoadi mani o. 14Wan baan kua naankani yin yedi likani diedaano: ‹Canbaa yedi daa: Mini leni n ŋoadikaaba n baa je mi Pendima jaanjiema yaa candieli nni ye le?› 15O baa waani yi li dietuadili yaali n yaba ki ŋanbi, ke yaala n dagidi kuli ye lienni. Yin ŋanbi mani tipo lankani.» 16O ŋoadikaaba den fii ki kua u dogu nni ki ban sua ke li bonla kuli tie nani wan waani ba maama. Bi den ŋanbi mi Pendima jaanjiema.
17Ku juogu n den baa, Jesu leni bi piiga n niliediba den cua likani. 18Ban den ka u saajekaanu kani ki di yaa yogunu, Jesu den yedi ba: «N waani yi i moamoani, yi siiga nni yendo yua n di leni nni baa janbi nni ki teni ban cuo nni.»#Pis 41.9 19Bi ŋoadikaaba pala den cili ki biidi ke yendo yendo kuli den yedi o: «Li tie mini yo?» 20O den yedi ba: «Li tie yinba bi piiga n niliediba siiga yendo, yua n taagi ki tungi leni nni ku saatiagu nni na. 21O *Ja Bijua caa nani lan diani ki bili opo maama. Ama fala baa ye leni yaa nilo n baa janbi o Ja Bijua. Li den baa tu laa ja po bi yaa den mali o.»
O Diedo jiema
(Mat 26.26-30; Luk 22.14-20; 1Kol 11.23-25)
22Ban den di yaa yogunu Jesu den taa dupen, ki tuondi ki cabidi ki teni ba, ki yedi: «Ga mani, line tie n gbanandi.» 23O go den taa ki tadiñokaaga ki den tuondi U Tienu ki teni ba ke bikuli ñuni. 24O den yedi ba: «Yaa bonñokaala n tie na tie n soama, yaama n teni ke U Tienu *ŋantaado kua, yaama n baa wuli bi niba boncianla po.#Ñam 24.8; Jel 31.31-34 25N waani yi i moamoani, n kan go ño duven, hali min go baa ti ño o o bonpaano *U Tienu diema nni yaa daali.»
Pieli baa ti nia Jesu
(Mat 26.31-35; Luk 22.31-34; Jan 13.36-38)
26Ban den yini Pisominba,#14.26 Jufinba yaa den dini mi Pendima jaanjiema ki gbeni, bi den maani ki yiini Pisominba 113 hali 118. bi den ñani ki gedi *Olifie Tiidi juali po. 27Jesu den yedi ba: «Yikuli baa ŋa nni, kelima li diani: ‹N baa pua o yankpaalo, i pe mo n yadi.›#Sak 13.7 28Ama n yaa ti fii bi tinkpiba siiga, n baa ga yi liiga ki gedi *Galile.»#Mat 28.16 29Pieli den yedi o: «Yaaba n sieni kuli yaa pala yaa baa biidi ban ŋa ŋa, mini wani n kan ŋa ŋa.» 30Jesu den yedi o: «N waani a i moamoani, dinla ñiagu na liga, hali ke ku kootongu daa mua milie, a baa nia taalima taa ke ŋaa bani nni.» 31Ama Pieli den nia hali boncianla ki yedi: «Baa li yaa tie tiladi ke min taani ki kpe leni a, n kan nia ke mii bani a.» Bikuli den yedi yeni.
Jesu jaandi Jetesemane sadinga nni
(Mat 26.36-46; Luk 22.39-46)
32Jesu leni o ŋoadikaaba den gedi yaa kaanu n yi Jetesemane nni. O den yedi ba: «Kali mani ne hali min baa jaandi.» 33O den taa Pieli, Jaka leni Jan ke bi yegi leni o. I jeje leni li paboanli den cili ki cuo o. 34O den yedi ba: «Li paboanli cuo nni hali ke li naani n baa kpe yeni, sedi mani ne ki yaa guu.» 35Lani, o den suagi liiga waamu ki baa ki labini, ki jaandi ke li yaa baa tuo, yaa yogunu n kpendi na n lagidi ki ŋa o. 36O den tua: «N Baa, n Baa, a fidi li bonla kuli, ŋan ñani n kani yaa tadiñokaaga n tie na min da ño. Die lan da tua mini ka n bua yaala, ama fine n bua yaala.» 37O den guani o ŋoadikaaba kani ki sua ke bi goa, ke o yedi Pieli: «Simono, a goa yo? Ŋaa fidi ki guudi baa waamu? 38Yaa guu mani ki jaandi ke yin da ti kua mi tulinma nni. Li pali bua, ama ti gbanandi nan tadi.» 39O go den piadi, ki go jaandi nani mi kpiama yeni. 40O go den guani bikani ki sua ke bi goagoa, kelima mi guama den gbadi ba. Baa den bani ban baa goa ki yedi o yaala. 41O go den guani mi tataama ki yedi ba: «Yi baa goa ki fuodi mani yo? Li dagidi. U yogunu pundi. Bi janbi o Ja Bijua, ki baa teni nni ti *tuonbiadi danba nuu nni. 42Fii mani tin gedi. Diidi mani, yua n baa janbi nni kpendi na.»
Bi cuo Jesu
(Mat 26.47-56; Luk 22.47-53; Jan 18.3-12)
43Jesu n da den maadi yaa yogunu, Judasa, yua n tie bi piiga n niliediba siiga yendo, den pundi o kani. Bi kopadicianba yudanba leni li bali maama bangikaaba leni Jufinba *nikpeliba n den soani yaa niligu ke bi kukubi mu jugisiemu leni i gbiami den yegi leni o. 44Wani o jajanbido yeni den tuodi ki waani ku niligu yaa maalima n tie na: «Min baa gobini yua yeni, wani n yeni, yin cuo o mani ki gedini o wan da cia.» 45Wani Judasa n pundi likani, lanyogunu liga o den nagini Jesu kani ki yedi o: «Canbaa,» ki gobini o. 46Lani bi niba yeni den bibi Jesu ki cuo o. 47Yaaba n den ye likani siiga yendo den noadi o jugisiega, ki pedi ki joandi bi kopadicianba bado naacemo tubili. 48Jesu den yedi ku niligu: «Yi cua ki kukubi mu jugisiemu leni i gbiami nani yi lingi o sanjialo yeni ki baa cuo nni bii? 49N den ye leni yi U Tienu diegu nni daali kuli ki bangi yi U Tienu maama, ama yii den cuo nni. Li tua yeni ke yaala n diani i Diani nni n tieni ki dudi.»#Luk 19.47; 21.37 50Lani bi ŋoadikaaba kuli den ŋa o ki sani.
51O jawaalo den ŋua Jesu ki goli bu kpalibu bebe. Ban den cuo o, 52o den ŋmadi ki ŋa o kpalibu yeni ki sani mubili.
Jesu sedi bi cancannikpeliba nintuali
(Mat 26.57-68; Luk 22.54,63-71; Jan 18.12-14,19-24)
53Bi den gedini Jesu bi kopadicianba bado kani. Bi kopadicianba yudanba leni bi nikpeliba leni li bali maama bangikaaba den taani lankani. 54Pieli den ŋua Jesu foagima hali ki ban pundi bi kopadicianba bado luolu nni. O den ka leni bi naacenba ki yie mi fantama. 55Bi kopadicianba yudanba leni Jufinba *cancannikpeliba taancianli kuli den lingi yaa siedi n baa pa ba u sanu ban teni ban kpa Jesu. Ama baa den baa. 56Bi niba boncianla den tieni Jesu po mi siedi-faama, ama bi siedi yeni ki den taa yenma. 57Bi tianba den fii ki sedi ki tieni opo yaa siedi-faama n tie na ki yedi: 58«Ti den gbadi ke o yedi: ‹N baa mudi U Tienu diegu na, o nisaalo nuu n maa yaala, ki go maa U Tienu diegu toagu dana taa, nisaalo nuu n kaa maa yaagu.› »#Jan 2.19 59Baa laa maama po bi siedi naa den taa yenma. 60Lani bi kopadicianba bado den fii ki sedi bi kukuli siiga ki buali Jesu: «A kan guani maamaba kuli? Yaa niba n ye ne tiendi apo be siedo nna?» 61Jesu den ŋmini suo, waa guani liba kuli. Bi kopadicianba bado go den buali o: «A tie *U Tienu n Gandi Yua, U Tienu yua n pia ti kpiagidi yaa Bijua bi?» 62Jesu den yedi o: «N tie wani. Yi baa ti le ke o Ja Bijua ka U Paaciamu Kuli Daano jienu po, ki go le ke o ñani tanpoli ki kpendi ti tawadi nni.»#Dan 7.13 63Lane bi kopadicianba bado den cuo wani oba yaa tiayiekaadi ki padi ki yedi: «Ti go bua siedinba ki tieni be? 64Yi gbadi ke o sugi U Tienu. Yi jagi be?» Bikuli den taani ki yedi ke li pundi wan kpe.#Lef 24.16 65Lani bi tianba den cili ki siini opo ti ñinsandi, ki pini o nunga li cabili ki kudi o a nukula ki tua o: «Ŋme pua ŋa? Bandi o.» Bi naacenba den taa o ki pabidi o i tanpabi.
Pieli nia ke waa bani Jesu
(Mat 26.69-75; Luk 22.54-62; Jan 18.15-18,25-27)
66Pieli den ye tiipo#14.66 tiipo: Tiipo yeni doagidi ke bi den gedini Jesu li dietuadilieli po ki bu leni o. bi kopadicianba bado luolu nni yeni, ke yaa jafanba n tuuni ku diegu yeni niinni siiga yendo den cua likani. 67Wan den laa Pieli ke o yie mi fantama, o den noanli o ki yedi o: «A moko den ye leni Nasaleti yua Jesu.» 68Pieli den nia ki yedi: «Mii bani ŋan bua ki yedi yaala, mii ga.» Lani o den ñani u luolu nni ki tagi ki caa bu buliñoajabu po ke ku kootongu mua. 69O jafaano yeni den laa o ki go yedi yaaba n se likani: «One moko tie bi jaba yeni siiga yua de.» Pieli go den nia. 70Lan yen waamu yaaba n ye likani den yedi Pieli: «Moamoani lige, a moko tie laa niba siiga yua, kelima a tie Galile yua.» 71Lanwani Pieli den cili ki solini o yuli ki go polini ki tua: «Mii bani yin maadi yaa ja yeni yaa maama yeni.» 72Lanyogunu ku kootongu go den mua mi liema, ke Pieli di den tiadi Jesu n bi maadi o yaama ki yedi: «Hali ke ku kootongu daa mua mi liema, a baa nia taalima taa ke ŋaa bani nni.» Lani o den ñani ki ban buudi.
Bi gedini Jesu Pilata bujiali kani
(Mat 27.1-2,11-14; Luk 23.1-5; Jan 18.28-38)
Currently Selected:
MAKA 14: GUX03
Highlight
Share
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.
MAKA 14
14
1Mi *Pendima jaanma leni yaa dupen n ki pia *dabinli jaanma n den sieni dana lie, bi kopadicianba yudanba leni li *bali maama bangikaaba den moandi ban baa tieni maama ki cuo Jesu leni bu nunfanbu ki kpa o.#Ñam 12.1-27 2Bi den tua: «Lan da tieni mi jaanma dana nni, ke ku fuugu n da ti fii bi niba siiga.»
O pua wuli tulale Jesu yuli po
(Mat 26.6-13; Jan 12.1-8)
3Jesu den ye Betani o *gbaado Simono deni. Wan den ka ki di, o pua den cua ki kubi yaa tiagu n tie alibati tanli, ke ku gbie leni *naadi-moanmoano yaa tulale ke o dunga yaba hali boncianla. O den jobidi ku tiagu yeni ki wuli laa tulale Jesu yuli po.#Luk 7.37-38 4Yaaba n den ye likani siiga bi nitianba den maadi leni biyaba leni li pabienli ki yedi: «Be yaa po ke o biani yaa tulale n tie na? 5Bi bi baa fidi ki kuadi o yaa ligi n cie kujapiena kobitaa, ki taa yi ki pa a luoda.» Bi pala den fii o pua yeni po. 6Jesu den yedi ba: «Cedi mani o, be yaa po ke yi yagini o yama? Wan tieni npo yaala na ŋani. 7Kelima a luoda ye leni yi yogunu kuli, yi yaa bua yaa yogunu kuli yi baa fidi ki ŋanbi bipo, ama mini wani kan yaa ye leni yi yogunu kuli.#Tia 15.11 8O pua na tieni npo wan paani maama. Wan wuli npo tulale yeni, o tuodi ki bogini n gbanandi mi piinma po yo. 9N waani yi i moamoani, ban baa waani o Laabaaliŋamo ŋanduna nni naankani kuli, bi baa tiadi ki togidi o pua na n tieni yaala.»
Judasa tuo ke o baa janbi Jesu
(Mat 26.14-16; Luk 22.3-6)
10Bi piiga n niliediba siiga yendo ke bi yi o Judasa Isikalioto den gedi bi kopadicianba yudanba po ki bua ki janbi Jesu ki teni o ba ban cuo o. 11Ban den gbadi o maama bi pala den mangi, ke bi niani o ke bi baa suu o i ligi. Judasa den cili ki lingi wan baa baa yaa folu ki janbi Jesu ki teni ba.
Jesu dini mi Pendima jaanjiema leni o ŋoadikaaba
(Mat 26.17-25; Luk 22.7-23; Jan 13.21-30)
12Yaa dupen n ki pia dabinli jaanma cilidaali, ban yen kodi mi Pendima jaanma pebiga yaa daali yeni, Jesu ŋoadikaaba den buali o: «A bua tin gedi lepo ki ban ŋanbi mi Pendima jaanjiema ŋan je?» 13O den soani o ŋoadikaaba siiga niba lie ki yedi ba: «Kua mani u dogu nni, yi baa tuogi o ja ke o bugi li ñincuali, yin ŋoadi mani o. 14Wan baan kua naankani yin yedi likani diedaano: ‹Canbaa yedi daa: Mini leni n ŋoadikaaba n baa je mi Pendima jaanjiema yaa candieli nni ye le?› 15O baa waani yi li dietuadili yaali n yaba ki ŋanbi, ke yaala n dagidi kuli ye lienni. Yin ŋanbi mani tipo lankani.» 16O ŋoadikaaba den fii ki kua u dogu nni ki ban sua ke li bonla kuli tie nani wan waani ba maama. Bi den ŋanbi mi Pendima jaanjiema.
17Ku juogu n den baa, Jesu leni bi piiga n niliediba den cua likani. 18Ban den ka u saajekaanu kani ki di yaa yogunu, Jesu den yedi ba: «N waani yi i moamoani, yi siiga nni yendo yua n di leni nni baa janbi nni ki teni ban cuo nni.»#Pis 41.9 19Bi ŋoadikaaba pala den cili ki biidi ke yendo yendo kuli den yedi o: «Li tie mini yo?» 20O den yedi ba: «Li tie yinba bi piiga n niliediba siiga yendo, yua n taagi ki tungi leni nni ku saatiagu nni na. 21O *Ja Bijua caa nani lan diani ki bili opo maama. Ama fala baa ye leni yaa nilo n baa janbi o Ja Bijua. Li den baa tu laa ja po bi yaa den mali o.»
O Diedo jiema
(Mat 26.26-30; Luk 22.14-20; 1Kol 11.23-25)
22Ban den di yaa yogunu Jesu den taa dupen, ki tuondi ki cabidi ki teni ba, ki yedi: «Ga mani, line tie n gbanandi.» 23O go den taa ki tadiñokaaga ki den tuondi U Tienu ki teni ba ke bikuli ñuni. 24O den yedi ba: «Yaa bonñokaala n tie na tie n soama, yaama n teni ke U Tienu *ŋantaado kua, yaama n baa wuli bi niba boncianla po.#Ñam 24.8; Jel 31.31-34 25N waani yi i moamoani, n kan go ño duven, hali min go baa ti ño o o bonpaano *U Tienu diema nni yaa daali.»
Pieli baa ti nia Jesu
(Mat 26.31-35; Luk 22.31-34; Jan 13.36-38)
26Ban den yini Pisominba,#14.26 Jufinba yaa den dini mi Pendima jaanjiema ki gbeni, bi den maani ki yiini Pisominba 113 hali 118. bi den ñani ki gedi *Olifie Tiidi juali po. 27Jesu den yedi ba: «Yikuli baa ŋa nni, kelima li diani: ‹N baa pua o yankpaalo, i pe mo n yadi.›#Sak 13.7 28Ama n yaa ti fii bi tinkpiba siiga, n baa ga yi liiga ki gedi *Galile.»#Mat 28.16 29Pieli den yedi o: «Yaaba n sieni kuli yaa pala yaa baa biidi ban ŋa ŋa, mini wani n kan ŋa ŋa.» 30Jesu den yedi o: «N waani a i moamoani, dinla ñiagu na liga, hali ke ku kootongu daa mua milie, a baa nia taalima taa ke ŋaa bani nni.» 31Ama Pieli den nia hali boncianla ki yedi: «Baa li yaa tie tiladi ke min taani ki kpe leni a, n kan nia ke mii bani a.» Bikuli den yedi yeni.
Jesu jaandi Jetesemane sadinga nni
(Mat 26.36-46; Luk 22.39-46)
32Jesu leni o ŋoadikaaba den gedi yaa kaanu n yi Jetesemane nni. O den yedi ba: «Kali mani ne hali min baa jaandi.» 33O den taa Pieli, Jaka leni Jan ke bi yegi leni o. I jeje leni li paboanli den cili ki cuo o. 34O den yedi ba: «Li paboanli cuo nni hali ke li naani n baa kpe yeni, sedi mani ne ki yaa guu.» 35Lani, o den suagi liiga waamu ki baa ki labini, ki jaandi ke li yaa baa tuo, yaa yogunu n kpendi na n lagidi ki ŋa o. 36O den tua: «N Baa, n Baa, a fidi li bonla kuli, ŋan ñani n kani yaa tadiñokaaga n tie na min da ño. Die lan da tua mini ka n bua yaala, ama fine n bua yaala.» 37O den guani o ŋoadikaaba kani ki sua ke bi goa, ke o yedi Pieli: «Simono, a goa yo? Ŋaa fidi ki guudi baa waamu? 38Yaa guu mani ki jaandi ke yin da ti kua mi tulinma nni. Li pali bua, ama ti gbanandi nan tadi.» 39O go den piadi, ki go jaandi nani mi kpiama yeni. 40O go den guani bikani ki sua ke bi goagoa, kelima mi guama den gbadi ba. Baa den bani ban baa goa ki yedi o yaala. 41O go den guani mi tataama ki yedi ba: «Yi baa goa ki fuodi mani yo? Li dagidi. U yogunu pundi. Bi janbi o Ja Bijua, ki baa teni nni ti *tuonbiadi danba nuu nni. 42Fii mani tin gedi. Diidi mani, yua n baa janbi nni kpendi na.»
Bi cuo Jesu
(Mat 26.47-56; Luk 22.47-53; Jan 18.3-12)
43Jesu n da den maadi yaa yogunu, Judasa, yua n tie bi piiga n niliediba siiga yendo, den pundi o kani. Bi kopadicianba yudanba leni li bali maama bangikaaba leni Jufinba *nikpeliba n den soani yaa niligu ke bi kukubi mu jugisiemu leni i gbiami den yegi leni o. 44Wani o jajanbido yeni den tuodi ki waani ku niligu yaa maalima n tie na: «Min baa gobini yua yeni, wani n yeni, yin cuo o mani ki gedini o wan da cia.» 45Wani Judasa n pundi likani, lanyogunu liga o den nagini Jesu kani ki yedi o: «Canbaa,» ki gobini o. 46Lani bi niba yeni den bibi Jesu ki cuo o. 47Yaaba n den ye likani siiga yendo den noadi o jugisiega, ki pedi ki joandi bi kopadicianba bado naacemo tubili. 48Jesu den yedi ku niligu: «Yi cua ki kukubi mu jugisiemu leni i gbiami nani yi lingi o sanjialo yeni ki baa cuo nni bii? 49N den ye leni yi U Tienu diegu nni daali kuli ki bangi yi U Tienu maama, ama yii den cuo nni. Li tua yeni ke yaala n diani i Diani nni n tieni ki dudi.»#Luk 19.47; 21.37 50Lani bi ŋoadikaaba kuli den ŋa o ki sani.
51O jawaalo den ŋua Jesu ki goli bu kpalibu bebe. Ban den cuo o, 52o den ŋmadi ki ŋa o kpalibu yeni ki sani mubili.
Jesu sedi bi cancannikpeliba nintuali
(Mat 26.57-68; Luk 22.54,63-71; Jan 18.12-14,19-24)
53Bi den gedini Jesu bi kopadicianba bado kani. Bi kopadicianba yudanba leni bi nikpeliba leni li bali maama bangikaaba den taani lankani. 54Pieli den ŋua Jesu foagima hali ki ban pundi bi kopadicianba bado luolu nni. O den ka leni bi naacenba ki yie mi fantama. 55Bi kopadicianba yudanba leni Jufinba *cancannikpeliba taancianli kuli den lingi yaa siedi n baa pa ba u sanu ban teni ban kpa Jesu. Ama baa den baa. 56Bi niba boncianla den tieni Jesu po mi siedi-faama, ama bi siedi yeni ki den taa yenma. 57Bi tianba den fii ki sedi ki tieni opo yaa siedi-faama n tie na ki yedi: 58«Ti den gbadi ke o yedi: ‹N baa mudi U Tienu diegu na, o nisaalo nuu n maa yaala, ki go maa U Tienu diegu toagu dana taa, nisaalo nuu n kaa maa yaagu.› »#Jan 2.19 59Baa laa maama po bi siedi naa den taa yenma. 60Lani bi kopadicianba bado den fii ki sedi bi kukuli siiga ki buali Jesu: «A kan guani maamaba kuli? Yaa niba n ye ne tiendi apo be siedo nna?» 61Jesu den ŋmini suo, waa guani liba kuli. Bi kopadicianba bado go den buali o: «A tie *U Tienu n Gandi Yua, U Tienu yua n pia ti kpiagidi yaa Bijua bi?» 62Jesu den yedi o: «N tie wani. Yi baa ti le ke o Ja Bijua ka U Paaciamu Kuli Daano jienu po, ki go le ke o ñani tanpoli ki kpendi ti tawadi nni.»#Dan 7.13 63Lane bi kopadicianba bado den cuo wani oba yaa tiayiekaadi ki padi ki yedi: «Ti go bua siedinba ki tieni be? 64Yi gbadi ke o sugi U Tienu. Yi jagi be?» Bikuli den taani ki yedi ke li pundi wan kpe.#Lef 24.16 65Lani bi tianba den cili ki siini opo ti ñinsandi, ki pini o nunga li cabili ki kudi o a nukula ki tua o: «Ŋme pua ŋa? Bandi o.» Bi naacenba den taa o ki pabidi o i tanpabi.
Pieli nia ke waa bani Jesu
(Mat 26.69-75; Luk 22.54-62; Jan 18.15-18,25-27)
66Pieli den ye tiipo#14.66 tiipo: Tiipo yeni doagidi ke bi den gedini Jesu li dietuadilieli po ki bu leni o. bi kopadicianba bado luolu nni yeni, ke yaa jafanba n tuuni ku diegu yeni niinni siiga yendo den cua likani. 67Wan den laa Pieli ke o yie mi fantama, o den noanli o ki yedi o: «A moko den ye leni Nasaleti yua Jesu.» 68Pieli den nia ki yedi: «Mii bani ŋan bua ki yedi yaala, mii ga.» Lani o den ñani u luolu nni ki tagi ki caa bu buliñoajabu po ke ku kootongu mua. 69O jafaano yeni den laa o ki go yedi yaaba n se likani: «One moko tie bi jaba yeni siiga yua de.» Pieli go den nia. 70Lan yen waamu yaaba n ye likani den yedi Pieli: «Moamoani lige, a moko tie laa niba siiga yua, kelima a tie Galile yua.» 71Lanwani Pieli den cili ki solini o yuli ki go polini ki tua: «Mii bani yin maadi yaa ja yeni yaa maama yeni.» 72Lanyogunu ku kootongu go den mua mi liema, ke Pieli di den tiadi Jesu n bi maadi o yaama ki yedi: «Hali ke ku kootongu daa mua mi liema, a baa nia taalima taa ke ŋaa bani nni.» Lani o den ñani ki ban buudi.
Bi gedini Jesu Pilata bujiali kani
(Mat 27.1-2,11-14; Luk 23.1-5; Jan 18.28-38)
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.