Mi cilima 12
12
Abalahama togida
12—25
U Tienu yini Abalama
1O Diedo den yedi Abalama: «Ña a diema nni. Ŋan fii a baadogu nni leni a baadiegu nni, ki gedi min baa waani a yaa diema nni.#JTT 7.2-3; Heb 11.8.
2N baa teni ŋan tua nibuociamu,
N go baa seligi a mo.
N baa teni a yeli n ña,
Ŋan go tua li seli, yaa niba n sieni po.
3N baa seligi yaaba n seligi a,
Ki soli yaaba n soli a mo.
Ki tinga nibuoli kuli baa baa li seli kelima a yaa po.»#Gal 3.8.
4Abalama den fii ki gedi nani o Diedo n den yedi o maama. Loti den fii ki yegi leni o. 5Abalama den pia piilele n binamuu, wan den ñani Harani dogu nni yaa yogunu. Abalama den taa o pua Sarayi, o waalo bijua Loti, ban den baa yaa naacenba leni yaa piama kuli Harani dogu nni. Lani, bi den fii ki taa Kanana diema sanu, ki ban pundi.
Abalama gedi Kanana leni Ejipiti diema nni
6Abalama den goandi mi diema hali ki pundi Sikemi, hali seni tiidi kaanu yuu n ye Mole dogu nni. Lanyogunu, Kanana yaaba n den ye mi diema nni.
7O Diedo den doagidi Abalama kani ki yedi o: «N baa pa a puoliŋuani mi naa diema.» Lane Abalama den maa li padibinbinli o Diedo po, wani yua n den doagidi o po yeni.#JTT 7.5; Gal 3.16. 8O den fii ki fuadi lankani, ki gedi yaa juali n ye Beteli puoli po. O den tii o gbandiena lankani, ke Beteli ye o nintuali, ke Ayi mo ye o puoli. O go den maa li padibinbinli lankani, ki jaandi ki kpiagi Li Miali Diedo yeli. 9Abalama go den suagi liiga ki goadi goadi ki teli Kanana ganu po.
10Mi koma den tieni mi diema nni, ke Abalama den jiidi ki kua Ejipiti diema nni, ki ye lankani, kelima mi koma den bia Kanana diema nni hali boncianla. 11Wan den caa ki baa kua Ejipiti diema nni yaa yogunu, Abalama den yedi o pua Sarayi: «Diidi, n bani ke a tie yaa pua n ŋani hali boncianla. 12Ejipiti yaaba yaa laa ŋa, bi baa yedi: ‹O tie o pua yo!› Lani, bi baa kpa nni ki ŋaa ŋa leni a miali. 13N mia ŋa ŋan yedi ba ke a tie n waalo yo. Lani n tie ban gaa n cangu bonŋanla kelima a yaa po. Lani n tie min baa ki yaa ye, ke bi kan kpa nni.»#Cil 20.2; 26.7.
14Abalama n den kua Ejipiti diema nni yaa yogunu, Ejipiti yaaba den laa ke o pua ŋani hali boncianla. 15Ejipiti bado koanbala mo n den laa o yeni, bi den pagi o ŋamu o bado kani. Bi den taa o pua ki gedini o badidiegu. 16O bado den tieni Abalama po mi ŋanma. Ejipiti bado den puni o i pe, i ŋuabi leni i ne, a jatuada leni a puotuada, a ŋunjala, i ŋunñoe leni ti yuoyuodi. 17Ama o Diedo den luni Faraon leni o diegu yaaba kuli po i yianbiadi, kelima Abalama pua Sarayi po. 18Lanwani, o bado den yini Abalama ki yedi o: «A tieni nni be mo n yeni? Be yaa po yo ke a naa den waani nni ke o tie a pua? 19Be yaa po yo ke a den yedi ke o tie a waalo? Lani n teni ke n den taa o ke wan tua n pua. Moala, gaa a pua. Cua ki taa o ki gedi yi kaanu.»
20 Faraon den ñani li ñoamabonli o niba po, ke ban cabi Abalama, wan fii, wani, o pua leni wan den pia yaala kuli.
Currently Selected:
Mi cilima 12: BGP
Highlight
Share
Copy
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Mi cilima 12
12
Abalahama togida
12—25
U Tienu yini Abalama
1O Diedo den yedi Abalama: «Ña a diema nni. Ŋan fii a baadogu nni leni a baadiegu nni, ki gedi min baa waani a yaa diema nni.#JTT 7.2-3; Heb 11.8.
2N baa teni ŋan tua nibuociamu,
N go baa seligi a mo.
N baa teni a yeli n ña,
Ŋan go tua li seli, yaa niba n sieni po.
3N baa seligi yaaba n seligi a,
Ki soli yaaba n soli a mo.
Ki tinga nibuoli kuli baa baa li seli kelima a yaa po.»#Gal 3.8.
4Abalama den fii ki gedi nani o Diedo n den yedi o maama. Loti den fii ki yegi leni o. 5Abalama den pia piilele n binamuu, wan den ñani Harani dogu nni yaa yogunu. Abalama den taa o pua Sarayi, o waalo bijua Loti, ban den baa yaa naacenba leni yaa piama kuli Harani dogu nni. Lani, bi den fii ki taa Kanana diema sanu, ki ban pundi.
Abalama gedi Kanana leni Ejipiti diema nni
6Abalama den goandi mi diema hali ki pundi Sikemi, hali seni tiidi kaanu yuu n ye Mole dogu nni. Lanyogunu, Kanana yaaba n den ye mi diema nni.
7O Diedo den doagidi Abalama kani ki yedi o: «N baa pa a puoliŋuani mi naa diema.» Lane Abalama den maa li padibinbinli o Diedo po, wani yua n den doagidi o po yeni.#JTT 7.5; Gal 3.16. 8O den fii ki fuadi lankani, ki gedi yaa juali n ye Beteli puoli po. O den tii o gbandiena lankani, ke Beteli ye o nintuali, ke Ayi mo ye o puoli. O go den maa li padibinbinli lankani, ki jaandi ki kpiagi Li Miali Diedo yeli. 9Abalama go den suagi liiga ki goadi goadi ki teli Kanana ganu po.
10Mi koma den tieni mi diema nni, ke Abalama den jiidi ki kua Ejipiti diema nni, ki ye lankani, kelima mi koma den bia Kanana diema nni hali boncianla. 11Wan den caa ki baa kua Ejipiti diema nni yaa yogunu, Abalama den yedi o pua Sarayi: «Diidi, n bani ke a tie yaa pua n ŋani hali boncianla. 12Ejipiti yaaba yaa laa ŋa, bi baa yedi: ‹O tie o pua yo!› Lani, bi baa kpa nni ki ŋaa ŋa leni a miali. 13N mia ŋa ŋan yedi ba ke a tie n waalo yo. Lani n tie ban gaa n cangu bonŋanla kelima a yaa po. Lani n tie min baa ki yaa ye, ke bi kan kpa nni.»#Cil 20.2; 26.7.
14Abalama n den kua Ejipiti diema nni yaa yogunu, Ejipiti yaaba den laa ke o pua ŋani hali boncianla. 15Ejipiti bado koanbala mo n den laa o yeni, bi den pagi o ŋamu o bado kani. Bi den taa o pua ki gedini o badidiegu. 16O bado den tieni Abalama po mi ŋanma. Ejipiti bado den puni o i pe, i ŋuabi leni i ne, a jatuada leni a puotuada, a ŋunjala, i ŋunñoe leni ti yuoyuodi. 17Ama o Diedo den luni Faraon leni o diegu yaaba kuli po i yianbiadi, kelima Abalama pua Sarayi po. 18Lanwani, o bado den yini Abalama ki yedi o: «A tieni nni be mo n yeni? Be yaa po yo ke a naa den waani nni ke o tie a pua? 19Be yaa po yo ke a den yedi ke o tie a waalo? Lani n teni ke n den taa o ke wan tua n pua. Moala, gaa a pua. Cua ki taa o ki gedi yi kaanu.»
20 Faraon den ñani li ñoamabonli o niba po, ke ban cabi Abalama, wan fii, wani, o pua leni wan den pia yaala kuli.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.