Jan 6
6
Jesu dini niba tudamuu
(Mat 14.13-21; Mrk 6.30-44; Luk 9.10-17)
1Lani n pendi, Jesu den duodi yaa ñincianma n yi Galile ki go yi Tiberiadi. 2Ku niligu boncianla den ŋua o kelima bi den laadi wan tiendi yaa bancianma ki paagidi a yiama. 3Jesu den doni ki kali li juali po leni o ŋoadikaaba.
4Jufinba jaanma yaama n tie mi Pendima jaanma den kuli.
5Jesu n den yaadi ki laa ke yaa niligu n yabi kpendi o kani, o den yedi Filipi: «Ti baa da mi jiema hali le ke bine n baa ki je?» 6O den yedi yeni ki bua ki biigi o. Wani o ba den bani wan baa tieni yaala. 7Filipi den guani ki yedi o: «Kujapiena kobilie dupen kan dagidi bikuli n baa waamu waamu.» 8O ŋoadikaaba siiga nitoa, Simon Pieli waalo Andre, den yedi o: 9«O jawaalo ye ne ki pia dupen bonbimuu leni jamilie, ama line nan baa tieni ku naa niligu be?» 10Jesu den yedi: «Teni mani bi niba kuli n kali.» Li sua ke ti moasoangidi ye likani boncianla, ke bi kali ti po. Bi jaba den bua ki pundi niba tudamuu (5 000). 11Jesu den taa bi dupenmuudiba ki tuondi U Tienu, ki boagidi yaaba n kaa yeni kuli. O go den boagidi i jami, ke yuakuli baa wan bua yaa bianu. 12Ban den dini ki guo, o den yedi o ŋoadikaaba: «Gandi gandi mani yaa boncaba n sieni, ke liba n da bia.» 13Lani, bi den gandi gandi ki gbieni piiga n baabuodilie bi dupenmuudiba yeni boncaba, ban den dini ki guo ki sieni yaa.
14Bi niba yeni n den laa Jesu n tieni yaa bancianma, bi den yedi: «Moamoani wani n tie o saawalipualo yua n den baa cua ŋanduna nni yeni.» 15Jesu den bani ke bi bua ki cuo o paalu, ki dini o li bali wan tua bi bado. Lani yaa po, o den fii bi kani ki guani ki gedi li juali po wani obebe.
Jesu cuoni u ñingbanu po
(Mat 14.22-23; Mrk 6.45-52)
16Ku yenjuaboandigu o ŋoadikaaba den jiidi li juali po ki gedi mi ñincianma jaali kani. 17Bi den kua ku ñinbiagu nni ki fii ki baa duodi ki gedi Kafarnawum. Ku ñiagu den bii ba, ke Jesu daa cua bi kani. 18Ku faaciangu den figi ke mi ñincianma langidi. 19Ban den kudi ki cuoni kilo dajenamuu, yaa ka dajenaluoba, bi den laa Jesu ke o cuoni u ñingbanu po ki nagindi ku ñinbiagu kani. Ti jawaandi den cuo ba. 20O den yedi ba: «Mine, yin da jie mani!» 21Bi den bua wan kua ku ñinbiagu nni, ama lanyogu liga ku ñinbiagu den pundi ban caa yaa jaali kani.
Ku niligu lingi Jesu
22Lan den fii ki faa, yaa niligu n den sieni li jaali kani den sua ke ñinbiatoagu ki ye likani kali Jesu ŋoadikaaba n den kua yaagu. Jesu wani o ba mo naa den kua leni o ŋoadikaaba, ama o ŋoadikaaba bebe n kua ki gedi. 23Ama ñinbiatoadi den ñani Tiberiadi dogu po ki duodi ki nagini Jesu n den tuondi U Tienu mi jiema po ke bi dini naani. 24Lanwani, ku niligu yeni n den laa ke Jesu ki ye likani, ke o ŋoadikaaba moko ki ye likani, bi den kua ti ñinbiadi yeni niinni, ki duodi ki gedi Kafarnawum ki baa n lingi Jesu.
Jesu n tie li miali yaa jiema
25Bi den laa o mi ñincianma boanduoli kani ki yedi o: «Canbaa, a cua nekanba beyogunu?» 26Jesu den guani ki yedi ba: «N yedi yi i moamoani, yii lingi nni kelima yin den laa yaa bancianma ka, li tie ke yi den dini dupen ki guo. 27Yin da tuuni mani ki baadi yaa jiema n pendi ka. Yin yaa tuuni mani ki baadi yaa jiema n baa ye hali yaa yogunu kuli ki puuni yaa miali n kan gbeni. O Joa Bijua n baa pa yi laa jiema kelima Baa U Tienu n tieni o po o maalima.»
28Lanwani, bi den buali o: «Ti baa tieni lede ki soani U Tienu n bua yaa tuona?» 29Jesu den guani ki yedi ba: «U Tienu n bua yin soani yaa tuonli tie ke yin daani wan soani yua yeni.»
30Bi den buali o: «A baa tieni be bancianma, tin le ki nan daani a? A baa tieni be? 31Ti yaajanba den di manni mi fanpienma nni, nani lan diani maama: ‹O den puni ba yaa jiema n ñani tanpoli po ke bi di.› » #Ñam 16.4,15; Ps 78.24.
32Lani yaa po, Jesu den yedi ba: «N yedi yi i moamoani ke Musa ka den puni yi yaa jiema n ñani tanpoli po, ama n Baa n puuni yi yaa jemoanma n ña tanpoli po, 33kelima U Tienu n puuni yaa jiema tie yaama n ñani tanpoli po ki jiidi ki puuni ŋanduna li miali.»
34Bi den yedi o: «Canbaa, yaa puuni ti laa jiema yogunu kuli.»
35Jesu den yedi ba: «Mini n tie li miali jiema. Yua n cua n kani, mi koma kan go gbadi o, yua n daani nni mo, u ñuñuunu kan go cuo o abada. 36N den waani yi la, ama ba ke yi laa nni, yii tuo ki daani nni. 37Baa U Tienu n puni nni yaaba kuli baa cua n kani. N kan deli yua n cua n kani kuli. 38Mii ñani tanpoli po ki jiidi ki baa yaa tiendi n yanbuama ka, kali yua n soani nni yaa yanbuama. 39Yua n soani nni yanbuama yeni tie line: Min da biani wan puni nni yaa niba kuli siiga ba niyendo, ama ke min fiini ba bi tinkpiba siiga, li juodidaali. 40N Baa yanbuama go tie line, ke yua n nuali Bijua ki daani o kuli, n baa yaa miali n kan gbeni, ke min fiini o bi tinkpiba siiga, li juodidaali.»
41Lani yaa po, Jufinba den yenbidi Jesu po, kelima o den yedi: «Mini n tie yaa jiema n ñani tanpoli.» 42Bi den tua: «Wani ka tie Jesu, Josefi bijua, tin bani yua yaa naa leni o baa kuli yeni? Li nan gaa lede ke o yedi moala ke o ñani tanpoli po, ki jiidi?»
43Jesu den guani ki yedi ba: «Da go yenbidi mani yi siiga. 44Oba kuli kan fidi ki cua n kani, li yàá tie Baa yua n soani nni n dadi yua yaa yama yaa ka. Yua n cua n kani, n baa fiini o bi tinkpiba siiga, li juodidaali. 45Li diani bi saawalipuaba tila nni:
U Tienu baa bangi o niba kuli.
Yua n cengi Baa, ki gaa o bangima kuli, wani n baa cua n kani. #Esa 54.13. 46Niloba kuli daa laa Baa, se yua n ñani U Tienu kani. Wani bebe n laa Baa. 47N yedi yi i moamoani, yua n tuo ki daani nni pia yaa miali n kan gbeni. 48Mini, n tie li mali jiema. 49Yi yaajanba den dini manni mi fanpienma nni ki nan kpe. 50Ama min maadi yaa jiema maama yeni, tie yaama n ñani tanpoli po ki jiidi, ke yua n di ma kuli kan kpe. 51Mini n tie yaa jiema n fo, ki ñani tanpoli po ki jiidi ki puuni li miali. Yua n di laa jiema kuli, baa yaa ye hali yaa yogunu kuli. Min baa pa o yaa jiema yeni tie n gbanandi, min baa pa yaadi ŋanduna yaaba kuli po, ke ban baa li miali.»
52Lani yaa po, Jufinba den nia leni biyaba ki tua: «O naa nilo baa gaa lede ki pa ti o gbanandi tin ŋmani?» 53Jesu den yedi ba: «N yedi yi i moamoani, yi yàá ŋmani o Joa Bijua gbanandi ki go ñuni o soama, yi kan yaa pia li miali yi niinni. 54Yua n ŋmani n gbanandi ki ñuni n soama kuli, o pia yaa miali n kan gbeni. N baa fiini o bi tinkpiba siiga, li juodidaali. 55N gbanandi tie jemoanma, n soama mo tie bonñokamoanla. 56Yua n ŋmani n gbanandi, ki ñuni n soama kuli, ye n niinni, ke nmo ye o niinni. 57Baa yua n soani nni fo, nmoko fo, kelima wani yaa po. Li go tie yeni leni yua n di nni, omo baa yaa fo, kelima n yaa po. 58Mine n tie yaa jiema n ñani tanpoli po, ki jiidi. Maa taa leni yi yaajanba n den dini yaama. Bi den kpe. Yua n di mi naa jiema baa yaa ye hali yaa yogunu kuli.»
59Jesu den maadi lani wan den bangi li bali maama bangima dieli nni, Kafarnawum.
Yaa miali n kan gbeni maama
60O ŋoadikaaba siiga boncianla n den gbadi laa maama, bi den yedi: «Mi naa maama pa, ŋme n baa fidi ki gaa ma?» 61Jesu den bandi o pali nni ke o ŋoadikaaba yenbidi laa maama po, ki o yedi ba: «Naani laa maama biidi yi pala, ke yi baa ŋaa nni? 62Yi yaa ti laa ke o Joa Bijua guani ki do, ki caa wan den kpa ye naani mo te? 63U Tienu Fuoma Yua n puuni li miali, ti gbanandi ki pia fuoma. Min maadi yi yaa maama tie mi Fuoma yaa maama leni li miali yaa maama. 64Ama yi siiga nni, nitianba ki tuo ki ŋoadi ma.» Jesu den yedi yeni, kelima o den bani hali mi cilima yaaba n ki daani o leni yua n baa janbi o n tie yua. 65O go den yedi: «Li tie lani yaa po ke n yedi yi, ke oba kuli kan cua n kani, li yàá tie ke Baa puni o wan cua.»
66Lanyogunu liiga, o ŋoadikaaba siiga boncianla den ŋaa o ki guani puoli, kaa go yegi leni o.
67Jesu den buali bi piiga n niliediba: «Yimoko bua ki ŋaa nni ki gedi yo?» 68Simon Pieli den guani ki yedi o: «N Daano, ti baa gedi ŋme yaa kani? Fini n pia yaa miali n kan gbeni yaa maama. #Mat 16.16; Mrk 8.29; Luk 9.20. 69Tinba wani daani ki bani cain ke fini n tie U Tienu Nigagidika.» 70Jesu den guani ki yedi ba: «Naani mini ka den gandi yinba bi piiga n niliediba? Ama yi siiga nni yendo tie cicibiadiga.» 71O den bagi Judasi Isikarioti, Simon bijua, kelima ba ke wani Juda n den tie bi piiga n niliediba siiga nni yua, o den baa janbi o.
Currently Selected:
Jan 6: BGP
Highlight
Share
Copy
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Jan 6
6
Jesu dini niba tudamuu
(Mat 14.13-21; Mrk 6.30-44; Luk 9.10-17)
1Lani n pendi, Jesu den duodi yaa ñincianma n yi Galile ki go yi Tiberiadi. 2Ku niligu boncianla den ŋua o kelima bi den laadi wan tiendi yaa bancianma ki paagidi a yiama. 3Jesu den doni ki kali li juali po leni o ŋoadikaaba.
4Jufinba jaanma yaama n tie mi Pendima jaanma den kuli.
5Jesu n den yaadi ki laa ke yaa niligu n yabi kpendi o kani, o den yedi Filipi: «Ti baa da mi jiema hali le ke bine n baa ki je?» 6O den yedi yeni ki bua ki biigi o. Wani o ba den bani wan baa tieni yaala. 7Filipi den guani ki yedi o: «Kujapiena kobilie dupen kan dagidi bikuli n baa waamu waamu.» 8O ŋoadikaaba siiga nitoa, Simon Pieli waalo Andre, den yedi o: 9«O jawaalo ye ne ki pia dupen bonbimuu leni jamilie, ama line nan baa tieni ku naa niligu be?» 10Jesu den yedi: «Teni mani bi niba kuli n kali.» Li sua ke ti moasoangidi ye likani boncianla, ke bi kali ti po. Bi jaba den bua ki pundi niba tudamuu (5 000). 11Jesu den taa bi dupenmuudiba ki tuondi U Tienu, ki boagidi yaaba n kaa yeni kuli. O go den boagidi i jami, ke yuakuli baa wan bua yaa bianu. 12Ban den dini ki guo, o den yedi o ŋoadikaaba: «Gandi gandi mani yaa boncaba n sieni, ke liba n da bia.» 13Lani, bi den gandi gandi ki gbieni piiga n baabuodilie bi dupenmuudiba yeni boncaba, ban den dini ki guo ki sieni yaa.
14Bi niba yeni n den laa Jesu n tieni yaa bancianma, bi den yedi: «Moamoani wani n tie o saawalipualo yua n den baa cua ŋanduna nni yeni.» 15Jesu den bani ke bi bua ki cuo o paalu, ki dini o li bali wan tua bi bado. Lani yaa po, o den fii bi kani ki guani ki gedi li juali po wani obebe.
Jesu cuoni u ñingbanu po
(Mat 14.22-23; Mrk 6.45-52)
16Ku yenjuaboandigu o ŋoadikaaba den jiidi li juali po ki gedi mi ñincianma jaali kani. 17Bi den kua ku ñinbiagu nni ki fii ki baa duodi ki gedi Kafarnawum. Ku ñiagu den bii ba, ke Jesu daa cua bi kani. 18Ku faaciangu den figi ke mi ñincianma langidi. 19Ban den kudi ki cuoni kilo dajenamuu, yaa ka dajenaluoba, bi den laa Jesu ke o cuoni u ñingbanu po ki nagindi ku ñinbiagu kani. Ti jawaandi den cuo ba. 20O den yedi ba: «Mine, yin da jie mani!» 21Bi den bua wan kua ku ñinbiagu nni, ama lanyogu liga ku ñinbiagu den pundi ban caa yaa jaali kani.
Ku niligu lingi Jesu
22Lan den fii ki faa, yaa niligu n den sieni li jaali kani den sua ke ñinbiatoagu ki ye likani kali Jesu ŋoadikaaba n den kua yaagu. Jesu wani o ba mo naa den kua leni o ŋoadikaaba, ama o ŋoadikaaba bebe n kua ki gedi. 23Ama ñinbiatoadi den ñani Tiberiadi dogu po ki duodi ki nagini Jesu n den tuondi U Tienu mi jiema po ke bi dini naani. 24Lanwani, ku niligu yeni n den laa ke Jesu ki ye likani, ke o ŋoadikaaba moko ki ye likani, bi den kua ti ñinbiadi yeni niinni, ki duodi ki gedi Kafarnawum ki baa n lingi Jesu.
Jesu n tie li miali yaa jiema
25Bi den laa o mi ñincianma boanduoli kani ki yedi o: «Canbaa, a cua nekanba beyogunu?» 26Jesu den guani ki yedi ba: «N yedi yi i moamoani, yii lingi nni kelima yin den laa yaa bancianma ka, li tie ke yi den dini dupen ki guo. 27Yin da tuuni mani ki baadi yaa jiema n pendi ka. Yin yaa tuuni mani ki baadi yaa jiema n baa ye hali yaa yogunu kuli ki puuni yaa miali n kan gbeni. O Joa Bijua n baa pa yi laa jiema kelima Baa U Tienu n tieni o po o maalima.»
28Lanwani, bi den buali o: «Ti baa tieni lede ki soani U Tienu n bua yaa tuona?» 29Jesu den guani ki yedi ba: «U Tienu n bua yin soani yaa tuonli tie ke yin daani wan soani yua yeni.»
30Bi den buali o: «A baa tieni be bancianma, tin le ki nan daani a? A baa tieni be? 31Ti yaajanba den di manni mi fanpienma nni, nani lan diani maama: ‹O den puni ba yaa jiema n ñani tanpoli po ke bi di.› » #Ñam 16.4,15; Ps 78.24.
32Lani yaa po, Jesu den yedi ba: «N yedi yi i moamoani ke Musa ka den puni yi yaa jiema n ñani tanpoli po, ama n Baa n puuni yi yaa jemoanma n ña tanpoli po, 33kelima U Tienu n puuni yaa jiema tie yaama n ñani tanpoli po ki jiidi ki puuni ŋanduna li miali.»
34Bi den yedi o: «Canbaa, yaa puuni ti laa jiema yogunu kuli.»
35Jesu den yedi ba: «Mini n tie li miali jiema. Yua n cua n kani, mi koma kan go gbadi o, yua n daani nni mo, u ñuñuunu kan go cuo o abada. 36N den waani yi la, ama ba ke yi laa nni, yii tuo ki daani nni. 37Baa U Tienu n puni nni yaaba kuli baa cua n kani. N kan deli yua n cua n kani kuli. 38Mii ñani tanpoli po ki jiidi ki baa yaa tiendi n yanbuama ka, kali yua n soani nni yaa yanbuama. 39Yua n soani nni yanbuama yeni tie line: Min da biani wan puni nni yaa niba kuli siiga ba niyendo, ama ke min fiini ba bi tinkpiba siiga, li juodidaali. 40N Baa yanbuama go tie line, ke yua n nuali Bijua ki daani o kuli, n baa yaa miali n kan gbeni, ke min fiini o bi tinkpiba siiga, li juodidaali.»
41Lani yaa po, Jufinba den yenbidi Jesu po, kelima o den yedi: «Mini n tie yaa jiema n ñani tanpoli.» 42Bi den tua: «Wani ka tie Jesu, Josefi bijua, tin bani yua yaa naa leni o baa kuli yeni? Li nan gaa lede ke o yedi moala ke o ñani tanpoli po, ki jiidi?»
43Jesu den guani ki yedi ba: «Da go yenbidi mani yi siiga. 44Oba kuli kan fidi ki cua n kani, li yàá tie Baa yua n soani nni n dadi yua yaa yama yaa ka. Yua n cua n kani, n baa fiini o bi tinkpiba siiga, li juodidaali. 45Li diani bi saawalipuaba tila nni:
U Tienu baa bangi o niba kuli.
Yua n cengi Baa, ki gaa o bangima kuli, wani n baa cua n kani. #Esa 54.13. 46Niloba kuli daa laa Baa, se yua n ñani U Tienu kani. Wani bebe n laa Baa. 47N yedi yi i moamoani, yua n tuo ki daani nni pia yaa miali n kan gbeni. 48Mini, n tie li mali jiema. 49Yi yaajanba den dini manni mi fanpienma nni ki nan kpe. 50Ama min maadi yaa jiema maama yeni, tie yaama n ñani tanpoli po ki jiidi, ke yua n di ma kuli kan kpe. 51Mini n tie yaa jiema n fo, ki ñani tanpoli po ki jiidi ki puuni li miali. Yua n di laa jiema kuli, baa yaa ye hali yaa yogunu kuli. Min baa pa o yaa jiema yeni tie n gbanandi, min baa pa yaadi ŋanduna yaaba kuli po, ke ban baa li miali.»
52Lani yaa po, Jufinba den nia leni biyaba ki tua: «O naa nilo baa gaa lede ki pa ti o gbanandi tin ŋmani?» 53Jesu den yedi ba: «N yedi yi i moamoani, yi yàá ŋmani o Joa Bijua gbanandi ki go ñuni o soama, yi kan yaa pia li miali yi niinni. 54Yua n ŋmani n gbanandi ki ñuni n soama kuli, o pia yaa miali n kan gbeni. N baa fiini o bi tinkpiba siiga, li juodidaali. 55N gbanandi tie jemoanma, n soama mo tie bonñokamoanla. 56Yua n ŋmani n gbanandi, ki ñuni n soama kuli, ye n niinni, ke nmo ye o niinni. 57Baa yua n soani nni fo, nmoko fo, kelima wani yaa po. Li go tie yeni leni yua n di nni, omo baa yaa fo, kelima n yaa po. 58Mine n tie yaa jiema n ñani tanpoli po, ki jiidi. Maa taa leni yi yaajanba n den dini yaama. Bi den kpe. Yua n di mi naa jiema baa yaa ye hali yaa yogunu kuli.»
59Jesu den maadi lani wan den bangi li bali maama bangima dieli nni, Kafarnawum.
Yaa miali n kan gbeni maama
60O ŋoadikaaba siiga boncianla n den gbadi laa maama, bi den yedi: «Mi naa maama pa, ŋme n baa fidi ki gaa ma?» 61Jesu den bandi o pali nni ke o ŋoadikaaba yenbidi laa maama po, ki o yedi ba: «Naani laa maama biidi yi pala, ke yi baa ŋaa nni? 62Yi yaa ti laa ke o Joa Bijua guani ki do, ki caa wan den kpa ye naani mo te? 63U Tienu Fuoma Yua n puuni li miali, ti gbanandi ki pia fuoma. Min maadi yi yaa maama tie mi Fuoma yaa maama leni li miali yaa maama. 64Ama yi siiga nni, nitianba ki tuo ki ŋoadi ma.» Jesu den yedi yeni, kelima o den bani hali mi cilima yaaba n ki daani o leni yua n baa janbi o n tie yua. 65O go den yedi: «Li tie lani yaa po ke n yedi yi, ke oba kuli kan cua n kani, li yàá tie ke Baa puni o wan cua.»
66Lanyogunu liiga, o ŋoadikaaba siiga boncianla den ŋaa o ki guani puoli, kaa go yegi leni o.
67Jesu den buali bi piiga n niliediba: «Yimoko bua ki ŋaa nni ki gedi yo?» 68Simon Pieli den guani ki yedi o: «N Daano, ti baa gedi ŋme yaa kani? Fini n pia yaa miali n kan gbeni yaa maama. #Mat 16.16; Mrk 8.29; Luk 9.20. 69Tinba wani daani ki bani cain ke fini n tie U Tienu Nigagidika.» 70Jesu den guani ki yedi ba: «Naani mini ka den gandi yinba bi piiga n niliediba? Ama yi siiga nni yendo tie cicibiadiga.» 71O den bagi Judasi Isikarioti, Simon bijua, kelima ba ke wani Juda n den tie bi piiga n niliediba siiga nni yua, o den baa janbi o.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.