A Zã koe‑noogo 5

Koams paama maagr Betɛsda

1Dẽ poore, Zʋɩf-rãmbã tigr n zĩndi, la a Zeezi kẽnga Zeruzalɛm. 2Bãk a ye n dag n be Zeruzalɛm, piisã dignoor#5.2 Piisã rig-noore: Yaa Zeruzalɛm tẽngã noor a yembr sẽn be rɩtgo, n tees piisã raaga. sɛɛgẽ, tɩ b boond ne Ebre goam tɩ Betɛsda, la zãn a nu n dag n be be. 3Bãad-dãmb wʋsg n dag n gãe zãnã tẽngre: zoense, wobse, ki-boaga. [B dag n bee be n gũud koomã rãmbgo. 4Bala, malɛɛk n sigd bãkã pʋgẽ wakat wakat n dãmbd koomã. La koomã sã n dãmb n sa, ned ning sẽn yɩ-a pipi n lʋɩ koomẽ wã paamda maagre, baa bãagã sẽn yaa bũmb ninga.] 5Dao a yembr n dag n be beenẽ n ka keemẽ, la a bãagã taa yʋʋm pis-tã la a nii. 6A Zeezi yãnda a sẽn gãe, la b sẽn mi t'a bee be hal daar zãrã, b sok-a lame yaa: «Fo rat n paama laafɩ bɩ?» 7Bãadã leoka bãmb yaa: «Zu‑soaba, mam ka tar ned sẽn na n kẽes maam bãkẽ wã koomã lengr wakat ye. La mam sã n dabd be, ned n dengd maam n lʋɩ be.» 8A Zeezi yeel-a lame yaa: «Yik n dɩk f gãagã n kẽne.» 9Wakat-kãng bala, dao wã paama laafɩ. A rɩka a gãag n sɩng kẽna.

10 # Neem 13.19, Zer 17.21 Badaar dag n yaa Zʋɩf-rãmbã vʋʋsg daare. Dẽ, Zʋɩf-rãmbã yeela rao ning sẽn paam-a maagrã yaa: «Yaa vʋʋsg daare, fo ka tar noor tɩ tʋk f gãagã ye.» 11La a leoka bãmba: «Ned ning sẽn kõ-a maam laafɩ wã yeela maam tɩ m rɩk m gãagã n kẽne.» 12Zʋɩf-rãmbã soka dao wã tɩ yaa ãnda soab n yeel foom tɩ f rɩk f gãagã n kẽna?» 13La rao ning sẽn paam-a maagrã dag n ka mi sẽn yaa ned ning ye. Bala, a Zeezi dag n kẽe nebã sẽn dag n be beenẽ wã sʋk n meneme. 14Dẽ poore, a Zeezi yãnda raoã wẽnd doogẽ wã n yeel-a: Gese, fo paama laafɩ. Da leb n maan yel-wẽn ye, tɩ yell sẽn yɩɩd a woto da wa n paam foom ye. 15Raoã kẽngame n tɩ yeel Zʋɩf-rãmbã tɩ yaa a Zeezi la sẽn maag yẽnda wã. 16Rẽnda n kɩt tɩ Zʋɩf-rãmbã rag n namsd a Zeezi, b sẽn maand bõn-kãng vʋʋsg daarã yĩngã.

17La a Zeezi leoka bãmb n yeele: M ba tʋmda hal tɩ ta moasã. Mam me tʋmdame. 18Gom-kãng yĩnga, Zʋɩf-rãmbã rag n baooda a Zeezi n yɩɩd pĩnd n dat n kʋ. Ka b sẽn kɩɩs bãmb vʋʋsg daar tõogã yĩng bal ye, la yaa b sẽn boond Wẽnnaam tɩ b meng ba, n wilgd tɩ bãmb ne Wẽnnaam yaa yembrã yĩnga.

Wẽnnaam Bi-riblã noore

19Dẽ, a Zeezi leoka bãmb n yeele: Mam yeta yãmb sɩd-sɩd tɩ Bi-riblã ka tõe n maan baa fɩ a toor ye, yaa bũmb nins a ba sẽn maand t'a yãtẽ wã bal la a maanda. Bũmb nins fãa ba wã sẽn maanda, Bi-riblã me maanda rẽ me. 20Bala, ba wã nonga Bi-riblã, n wilgd-a bũmb nins fãa b sẽn maandã, la b na n leb n wilg-a-la tʋʋm sẽn yaa kãsems n yɩɩd a woto, tɩ yãmb yɛɛse. 21Sɩd me, a wa ba wã sẽn vʋʋgd kũum, n kɩtdẽ tɩ b leb n vɩ wã, woto me, Bi-riblã kɩtdame tɩ bãmb sẽn dat t'a soab vɩɩmdã vɩɩmde. 22Sẽn paase, ba wã ka kaood ned baa a yembr bʋʋd ye, b basa bʋʋdã fãa ne Bi-riblã, 23tɩ nebã fãa na waoog-a wa b sẽn waoogd ba wã. Ned ning sẽn ka waoogd Bi-riblã ka waoogd ned ning sẽn tʋm-a wã me ye.

24Mam yeta yãmb sɩd-sɩd tɩ ned ning fãa sẽn kelgd mam goamã, la a tẽed sẽn tʋm-a maamã a tara vɩɩm sẽn kõn sa. B ka na n sɩbg-a ye. A yii kũumẽ n kẽ vɩɩmẽ. 25Mam yeta yãmb sɩd-sɩd tɩ wakat watame, la yaa moasã bala, tɩ sẽn ki-bã na n wʋm Wẽnnaam Bi-riblã koɛɛga. La neb nins sẽn wʋm-bã na n vɩɩmdame. 26Sɩd me, a wa vɩɩmã sẽn be ba wã nugẽ wã, ba wã kõo Bi-riblã pãn-tõog tɩ b tar vɩɩmã b nugẽ, 27la b kõ-a-la noor tɩ kao bʋʋdo, bala, a yaa Ninsaal Bi-ribla. 28Da sak-y tɩ rẽ yɛɛs yãmb ye. Bala, wakat n wat tɩ neb nins fãa sẽn be yaadẽ na n wʋm bãmb koɛɛga. 29#Dãn 12.2Neb nins sẽn maan neerã na n yiime n paam vʋʋgr la vɩɩm. Neb nins sẽn maan wẽngã na n yiime n paam vʋʋgr la bʋʋdo.

30Mam ka tõe n maan baa fɩ m toor ye. Mam bʋʋda bʋʋdã n zemsd m sẽn wʋmdã, la mam bʋʋdã yaa tɩrga, bala, mam ka baood tɩ maan m daab ye, la yaa sẽn tʋm-a maamã raabo. 31Sã n yaa maam n kɩt m meng kaseto, mam kasetã ka sɩd ye. 32Yaa ned a to n kɩt mam kaseto, la mam miime tɩ kaset ning a soab sẽn kɩt mam wɛɛngẽ wã yaa sɩda. 33#Zã 1.19-27, 3.27-30Yãmb tʋma koe-toagsedb a Zã nengẽ, la a Zã kɩsa sɩdã kaseto. 34Ne maam, mam kasetã ka yit ninsaal nengẽ ye, la mam gomda a woto tɩ yãmb tõe n paam fãagre. 35A Zã dag n yaa fɩtl sẽn wita, n yãgda, la yãmb tʋlgame n maan sũ-noog wakat bilf bal yẽnda vẽenemẽ wã.

36La maam, mam tara kaset sẽn yɩɩd a Zã rẽndã. Bala, tʋʋm nins m ba sẽn kõ maam tɩ m maana, tʋʋm-kãens meng mam sẽn maandã n kɩt mam kaseto, n wilgdẽ tɩ m ba n tʋm maam. 37#Mat 3.17, Mark 1.11, Luk 3.22La m ba sẽn tʋm maamã, bãmb meng kɩsa mam kaseto. Yãmb zɩ n wʋm b koɛɛga, wall y yãnd b neng ye, 38la bãmb goamã ka be yãmb pʋgẽ ye, yãmb sẽn ka tẽed bãmb sẽn tʋm a soabã yĩnga. 39Yãmb feesda Wẽnnaam gʋls-sõamyã pʋse, bala, yãmb sẽn tẽed tɩ yãmb na n paama vɩɩm sẽn kõn sɛ, b maasem yĩngã. Yaa gʋls-sõamy-kãens n kɩt mam kaseto. 40La yãmb yaool n ka rat n wa mam nengẽ n paam vɩɩmã ye.

41Mam ka reegd ziir sẽn yit ninsaalb nengẽ ye. 42La mam mii yãmba: Wẽnnaam nonglmã ka be yãmb pʋsẽ ye. 43Mam waa m ba yʋʋr yĩnga, la yãmb ka reegd maam ye. Ned a to sã n wa ne a meng yʋʋre, yãmb deegda yẽnda. 44Yãmb sẽn paamd pẽgr taab nengẽ, la y ka baood pẽgr sẽn yit Wẽnnaam b yembr tãa nengẽ wã, yãmb tõe n yɩɩ wãn n tẽ?

45Da tags-y tɩ mam na n yeela m ba tɩ yãmb ka maan neer ye. Sẽn na n yeel-a tɩ yãmb beegame wã, yaa a Moyiisi, yãmb teegr sẽn be ne a soabã. 46Bala, yãmb sã n dag n tẽedẽ a Moyiisi, yãmb dag n na tẽ maam, bala, a gʋlsame n gom mam yelle. 47La yãmb sã n ka tẽed bũmb nins a sẽn gʋlsã, yãmb na n tẽe mam goamã wãn-wãna?

Currently Selected:

A Zã koe‑noogo 5: MPBU

Highlight

Copy