A Zã koe‑noogo 8
8
Pʋg-yoodre
1A Zeezi kẽnga oliiv tɩɩs tãngẽ wã. 2La yibeoog bala, b leb n kẽnga wẽnd doogẽ wã, la nebã fãa waa bãmb nengẽ. Bãmb zĩndame n zãmsd nebã.
3Dẽ, tõog karen-saam-dãmbã ne Fariizẽ-dãmbã talla pag b sẽn yõk yoodem zug n wa ne-a 4a Zeezi taoore, n yals-a nebã fãa sʋk n yeel a Zeezi yaa: Karen-saamba, b linga pʋg-kãngã t'a maand yoobo. 5#Mk 20.10, Tõ 22.22-24A Moyiis yeela tõnd a tõogã pʋgẽ tɩ d lob pagb a woto kuga. La yãmba, yãmb yetame tɩ bõe? 6B goma a woto n na n bẽd a Zeezi n paam n dõd-ba. La a Zeezi zõondame n sɩng n gʋls tomã pʋgẽ ne b nug-bila. 7La nebã sẽn dag n ket n pẽdgd bãmb ne b sokrã, b roogame n yeel-b yaa: Sẽn be-a yãmb sʋk n ka tar yel-wẽnde, bɩ a reng n lobg pagã kugri. 8A Zeezi leb n zõondame n gʋlsd tomẽ wã. 9Tõog karen-saam-dãmbã ne Fariizẽ-dãmbã sẽn wʋm gom-kãngã, tɩ b sũyã kaset kao b bʋʋdo, b yii yembr yembre, sẽn sɩng ne kãsem hal tɩ ta yaoolem soaba. La a Zeezi paa b yembr ne pagã sẽn dag n yɛs nebã sʋkã. 10Dẽ, a Zeezi roogame n yeel pagã yaa: Paga, sẽn dõt-b foomã bee yɛ? Baa a yembr ka kao fo bʋʋd la? 11Pagã leokame tɩ: Zu-soaba, ned baa a yembre. La a Zeezi yeel-a lame yaa: Mam me ka kaood fo bʋʋd ye. Kẽnge, la f ra leb n saag n maan yel-wẽn ye.]
A Zeezi yaa dũni vẽenem
12 #
Mat 5.14, Zã 9.5 A Zeezi leb n goma ne bãmb n yeele: Mam yaa dũni vẽenem. Ned ning sẽn tũud maam kõn kẽn lik pʋgẽ ye, la a na n paama vɩɩm vẽenem. 13#Zã 5.31Dẽ, Fariizẽ-dãmbã yeela bãmb yaa: Fo kɩta f meng kaseto, fo kaset ka sɩd ye. 14A Zeezi leoka bãmb n yeele: Baa ne mam sẽn kɩt m meng kasetã, mam kasetã yaa sɩda. Bala, mam mii m sẽn yiẽ, la m sẽn dabdẽ. La yãmb ka mi mam sẽn yiẽ, wall m sẽn dabdẽ ye. 15Yãmb bʋʋda wa ninsaalb sẽn data. La maam, mam ka bʋʋd ned baa a yembr bʋʋd ye. 16La mam sã n bʋʋdẽ me, mam bʋʋdã tũuda sɩda, bala mam ka m yembr ye. M ba, sẽn tʋm-a maamã bee ne maam. 17#Tõ 19.15B gʋlsa yãmb tõogã pʋgẽ tɩ neb a yiib kaset yaa sɩda. 18Mam kɩta m meng kaseto, la m ba, sẽn tʋm-a maamã kɩta mam kaseto. 19Dẽ, b yeela a Zeezi yaa: F ba bee yɛ? A Zeezi leokame n yeele: Yãmb zɩ mam sẽn yaa a soaba, la y zɩ m ba sẽn yaa a soab me. Yãmb sã n dag n miẽ-la maam, y dag n na bãng m ba me. 20A Zeezi goma woto, wakat ning b sẽn dag n zãmsd nebã wẽnd doogẽ wã, ligd lobrã koglg sɛɛgẽ, la ned baa a yembr ka yõk bãmb ye, bãmb wakatã sẽn ket n nan ka ta wã yĩnga.
Yãmb ka tõe n kẽng mam sẽn dabdẽ wã ye
21A Zeezi leb n yeela bãmb yaa: Mam loogdame, la yãmb na n baoo maam, la yãmb na n kii y yel-wẽndã pʋgẽ. Yãmb ka tõe n wa mam sẽn kẽndẽ wã ye. 22Zʋɩf-rãmbã yeelame yaa: A sẽn yet tɩ tõnd ka tõe n wa zĩig ning a sẽn kẽndẽ wã, a na n kʋʋ a meng la? 23La a Zeezi yeela bãmb yaa: Yãmb yaa tẽngr ka nebã, la mam yaa yĩngr neda. Yãmb yaa dũni‑kãngã nebã, la mam ka dũni‑kãngã ned ye. 24Dẽnda n kɩt tɩ mam yeel yãmb tɩ y na n kii y yel-wẽnã pʋgẽ wã. Bala, yãmb sã n ka tẽed tɩ mam yaa m sẽn yaa a soabã, yãmb na n kii y yel-wẽnã pʋgẽ. 25B soka a Zeezi b sẽn yaa a soaba. A Zeezi leoka bãmb n yeele: Pipi, bõe yĩng tɩ m na n gom ne yãmba? 26Mam tara bũmb wʋsg n na n gome, sẽn kẽed ne yãmb yelle, la m bʋ b bʋʋdo. La sẽn tʋm-a maamã yaa sɩd soaba, la mam togsda dũni wã bũmb ning m sẽn wʋm bãmb nengẽ. 27Nebã ka wʋm tɩ yaa b ba a Wẽnnaam yell la a Zeezi sẽn gomd ne bãmbã ye. 28Dẽ, a Zeezi yeel-b lame yaa: Yãmb sã n wa n zẽk#8.28 B sẽn na n wa ka Ninsaal Bi-riblã da-pɩkã zugu. Ninsaal Bi-riblã n sa, y na yaool n bãng tɩ mam yaa m sẽn yaa a soaba, la tɩ mam ka maand baa fɩ m toor ye, la tɩ mam gomda wa m ba sẽn zãms maamã. 29Sẽn tʋm-a maamã bee ne maam. B ka bas maam m yembr ye, bala, wakat fãa, mam maanda sẽn noom bãmba.
Burkĩmba, la yembse
30A Zeezi sẽn gom a woto wã, neb wʋsg tẽe bãmba. 31Dẽ, a Zeezi yeela Zʋɩf-rãmb nins sẽn tẽ bãmbã yaa: Yãmb sã n tall mam goamã, yãmb sɩd yaa mam karen-biisi. 32Yãmb na bãng sɩdã, la sɩdã na kɩt tɩ yãmb lebg burkĩmba. 33#Mat 3.9, Luk 3.8Bãmb leoka a Zeezi n yeele: Tõnd yaa a Abrahaam yagense, la tõnd zɩ n yɩ ned yamb ye. Bõe tɩ yãmb yetẽ tɩ tõnd na n lebga burkĩmba? 34A Zeezi leoka bãmb n yeele: Mam yeta yãmb sɩd-sɩd tɩ ned ning fãa sẽn maand yel-wẽnd yaa yel-wẽn yamba. 35La yamb ka paad yir wakat fãa ye. La yirã bi-ribl paada be wakat fãa. 36Dẽ, Bi-riblã sã n yols yãmba, yãmb na n yɩɩ burkĩmb meng-menga. 37Mam miime tɩ yãmb yaa a Abrahaam yagense. La yãmb yaool n dat n kʋʋ maam, yãmb sẽn ka reegd mam goamã yĩnga. 38Mam togsda bũmb ning m sẽn yã m ba wã nengẽ wã. La yãmba, yãmb maanda bũmb ning y sẽn wʋm y ba wã nengẽ. 39Nebã leoka a Zeezi n yeele: Tõnd ba la a Abrahaam. A Zeezi yeela bãmb yaa: «Yãmb sã n yaa a Abrahaam kamba, bɩ y tʋm y ba a Abrahaam tʋʋmã. 40La moasã, maam, soab ning sẽn togs yãmb sɩd m sẽn wʋm Wẽnnaam nengẽ wã, yãmb baooda maam n na n kʋ. A Abrahaam zɩ n maan bõn-kãngã buud ye. 41Yãmb tʋmda y ba tʋʋma.» Bãmb yeela a Zeezi yaa: «Tõnd ka tãmpĩib ye. Tõnd ba yaa a yembr tãa: Yaa Wẽnnaam.» 42A Zeezi yeela bãmb yaa: «Wẽnnaam sã n dag n yaẽ yãmb ba, yãmb dag n na n nongẽ-la maam, bala, mam yii Wẽnnaam pʋgẽ, la m yii Wẽnnaam nengẽ n wa. Mam ka wa m toor ye, la yaa bãmb n tʋm maam. 43Bõe tɩ yãmb ka wʋmd mam goamã võore? Yaa tɩ yãmb ka tõe n kelg mam gomd ye. 44Yãmb ba la Sʋtãanã, la yãmb dat n pidsa y ba wã raabo. A yɩɩ nin-kʋʋd hal sɩngr wẽndẽ tɩ ta moasã, la a ka pa sɩd pʋgẽ ye, sɩd sẽn ka be yẽnda pʋgẽ wã yĩnga. A sã n yagd zĩrẽ, yaa a pʋga fãa la rẽnda, bala, a yaa zĩrẽ-yagda, la zĩrẽ wã ba. 45La mam sẽn togsd sɩdã, yãmb ka tẽed maam ye. 46Ãnda yãmb sʋkã n na n wilg maam tɩ m maana yel-wẽnde? Mam sã n togsda sɩda, bõe tɩ yãmb ka tẽed maam? 47Wẽnnaam biig kelgda Wẽnnaam goamã. Yãmb ka kelgda, yãmb sẽn ka Wẽnnaam kambã yĩnga.»
A Zeezi ne a Abrahaam
48Zʋɩf-rãmbã leoka a Zeezi n yeele: «Tõnd ka tar bʋʋm tɩ yeel tɩ fo yaa Samaari neda, la tɩ zĩn n tar foom sɩda?» 49A Zeezi leokame n yeele: «Zĩn ka tar maam ye. Mam waoogda m ba, la yãmb paoogda maam. 50Mam yẽ ka baood m meng waoogr ye. Ned a yembr tãa n baood waoogrã, la a bʋʋd bʋʋdã. 51Mam yeta yãmb sɩd-sɩd tɩ ned sã n tall mam gomdã, a kõn tol n ki ye.» 52Zʋɩf-rãmbã yeela bãmb yaa: «Moasã wã yẽ, tõnd miime tɩ zĩn n tar foom. A Abrahaam kiime, Wẽnnaam no-rɛɛsdbã me kiime, tɩ fo yaool n yetẽ tɩ ned sã n tall fo goamã a kõn tol n ki ye. 53Dẽ yĩnga, fo yɩɩda tõnd ba a Abrahaam, sẽn ki wã la? Wẽnnaam no-rɛɛsdbã me kiime. Fo tẽedame tɩ fo yaa ãnda?» 54A Zeezi leokame n yeele: Mam sã n waoogd m menga, mam waoogrã yaa zaalem. Yaa m ba, soab ning yãmb sẽn boond tɩ y Wẽnnaamã n waoogd maam. 55La yãmb ka mi bãmb ye. Mam yẽ mii bãmba. Mam sã n yeel tɩ m ka mi bãmba, mam na n yɩɩ zĩrẽ-yagd wa yãmba. La mam mii bãmba, n sakd bãmb noore. 56Yãmb ba a Abrahaam dag n kɩdma ne sũ-noogo, a sẽn dag n tagsd t'a na n yãnda mam daarã yĩnga. A yãnd-a lame, n maan sũ-noogo. 57Zʋɩf-rãmbã yeela a Zeezi yaa: Fo nan ka ta yʋʋm pis-nu, n yaool n yãnd a Abrahaam? 58A Zeezi yeela bãmb yaa: «Mam yeta yãmb sɩd-sɩd tɩ sẽn deng a Abrahaam dogem, mam dag n beeme.» 59Gom-kãng poorẽ, Zʋɩf-rãmbã wʋka kug n na n lob a Zeezi, la a Zeezi soondame, la b yii wẽnd doogẽ wã.
Currently Selected:
A Zã koe‑noogo 8: MPBU
Highlight
Share
Copy
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
A Zã koe‑noogo 8
8
Pʋg-yoodre
1A Zeezi kẽnga oliiv tɩɩs tãngẽ wã. 2La yibeoog bala, b leb n kẽnga wẽnd doogẽ wã, la nebã fãa waa bãmb nengẽ. Bãmb zĩndame n zãmsd nebã.
3Dẽ, tõog karen-saam-dãmbã ne Fariizẽ-dãmbã talla pag b sẽn yõk yoodem zug n wa ne-a 4a Zeezi taoore, n yals-a nebã fãa sʋk n yeel a Zeezi yaa: Karen-saamba, b linga pʋg-kãngã t'a maand yoobo. 5#Mk 20.10, Tõ 22.22-24A Moyiis yeela tõnd a tõogã pʋgẽ tɩ d lob pagb a woto kuga. La yãmba, yãmb yetame tɩ bõe? 6B goma a woto n na n bẽd a Zeezi n paam n dõd-ba. La a Zeezi zõondame n sɩng n gʋls tomã pʋgẽ ne b nug-bila. 7La nebã sẽn dag n ket n pẽdgd bãmb ne b sokrã, b roogame n yeel-b yaa: Sẽn be-a yãmb sʋk n ka tar yel-wẽnde, bɩ a reng n lobg pagã kugri. 8A Zeezi leb n zõondame n gʋlsd tomẽ wã. 9Tõog karen-saam-dãmbã ne Fariizẽ-dãmbã sẽn wʋm gom-kãngã, tɩ b sũyã kaset kao b bʋʋdo, b yii yembr yembre, sẽn sɩng ne kãsem hal tɩ ta yaoolem soaba. La a Zeezi paa b yembr ne pagã sẽn dag n yɛs nebã sʋkã. 10Dẽ, a Zeezi roogame n yeel pagã yaa: Paga, sẽn dõt-b foomã bee yɛ? Baa a yembr ka kao fo bʋʋd la? 11Pagã leokame tɩ: Zu-soaba, ned baa a yembre. La a Zeezi yeel-a lame yaa: Mam me ka kaood fo bʋʋd ye. Kẽnge, la f ra leb n saag n maan yel-wẽn ye.]
A Zeezi yaa dũni vẽenem
12 #
Mat 5.14, Zã 9.5 A Zeezi leb n goma ne bãmb n yeele: Mam yaa dũni vẽenem. Ned ning sẽn tũud maam kõn kẽn lik pʋgẽ ye, la a na n paama vɩɩm vẽenem. 13#Zã 5.31Dẽ, Fariizẽ-dãmbã yeela bãmb yaa: Fo kɩta f meng kaseto, fo kaset ka sɩd ye. 14A Zeezi leoka bãmb n yeele: Baa ne mam sẽn kɩt m meng kasetã, mam kasetã yaa sɩda. Bala, mam mii m sẽn yiẽ, la m sẽn dabdẽ. La yãmb ka mi mam sẽn yiẽ, wall m sẽn dabdẽ ye. 15Yãmb bʋʋda wa ninsaalb sẽn data. La maam, mam ka bʋʋd ned baa a yembr bʋʋd ye. 16La mam sã n bʋʋdẽ me, mam bʋʋdã tũuda sɩda, bala mam ka m yembr ye. M ba, sẽn tʋm-a maamã bee ne maam. 17#Tõ 19.15B gʋlsa yãmb tõogã pʋgẽ tɩ neb a yiib kaset yaa sɩda. 18Mam kɩta m meng kaseto, la m ba, sẽn tʋm-a maamã kɩta mam kaseto. 19Dẽ, b yeela a Zeezi yaa: F ba bee yɛ? A Zeezi leokame n yeele: Yãmb zɩ mam sẽn yaa a soaba, la y zɩ m ba sẽn yaa a soab me. Yãmb sã n dag n miẽ-la maam, y dag n na bãng m ba me. 20A Zeezi goma woto, wakat ning b sẽn dag n zãmsd nebã wẽnd doogẽ wã, ligd lobrã koglg sɛɛgẽ, la ned baa a yembr ka yõk bãmb ye, bãmb wakatã sẽn ket n nan ka ta wã yĩnga.
Yãmb ka tõe n kẽng mam sẽn dabdẽ wã ye
21A Zeezi leb n yeela bãmb yaa: Mam loogdame, la yãmb na n baoo maam, la yãmb na n kii y yel-wẽndã pʋgẽ. Yãmb ka tõe n wa mam sẽn kẽndẽ wã ye. 22Zʋɩf-rãmbã yeelame yaa: A sẽn yet tɩ tõnd ka tõe n wa zĩig ning a sẽn kẽndẽ wã, a na n kʋʋ a meng la? 23La a Zeezi yeela bãmb yaa: Yãmb yaa tẽngr ka nebã, la mam yaa yĩngr neda. Yãmb yaa dũni‑kãngã nebã, la mam ka dũni‑kãngã ned ye. 24Dẽnda n kɩt tɩ mam yeel yãmb tɩ y na n kii y yel-wẽnã pʋgẽ wã. Bala, yãmb sã n ka tẽed tɩ mam yaa m sẽn yaa a soabã, yãmb na n kii y yel-wẽnã pʋgẽ. 25B soka a Zeezi b sẽn yaa a soaba. A Zeezi leoka bãmb n yeele: Pipi, bõe yĩng tɩ m na n gom ne yãmba? 26Mam tara bũmb wʋsg n na n gome, sẽn kẽed ne yãmb yelle, la m bʋ b bʋʋdo. La sẽn tʋm-a maamã yaa sɩd soaba, la mam togsda dũni wã bũmb ning m sẽn wʋm bãmb nengẽ. 27Nebã ka wʋm tɩ yaa b ba a Wẽnnaam yell la a Zeezi sẽn gomd ne bãmbã ye. 28Dẽ, a Zeezi yeel-b lame yaa: Yãmb sã n wa n zẽk#8.28 B sẽn na n wa ka Ninsaal Bi-riblã da-pɩkã zugu. Ninsaal Bi-riblã n sa, y na yaool n bãng tɩ mam yaa m sẽn yaa a soaba, la tɩ mam ka maand baa fɩ m toor ye, la tɩ mam gomda wa m ba sẽn zãms maamã. 29Sẽn tʋm-a maamã bee ne maam. B ka bas maam m yembr ye, bala, wakat fãa, mam maanda sẽn noom bãmba.
Burkĩmba, la yembse
30A Zeezi sẽn gom a woto wã, neb wʋsg tẽe bãmba. 31Dẽ, a Zeezi yeela Zʋɩf-rãmb nins sẽn tẽ bãmbã yaa: Yãmb sã n tall mam goamã, yãmb sɩd yaa mam karen-biisi. 32Yãmb na bãng sɩdã, la sɩdã na kɩt tɩ yãmb lebg burkĩmba. 33#Mat 3.9, Luk 3.8Bãmb leoka a Zeezi n yeele: Tõnd yaa a Abrahaam yagense, la tõnd zɩ n yɩ ned yamb ye. Bõe tɩ yãmb yetẽ tɩ tõnd na n lebga burkĩmba? 34A Zeezi leoka bãmb n yeele: Mam yeta yãmb sɩd-sɩd tɩ ned ning fãa sẽn maand yel-wẽnd yaa yel-wẽn yamba. 35La yamb ka paad yir wakat fãa ye. La yirã bi-ribl paada be wakat fãa. 36Dẽ, Bi-riblã sã n yols yãmba, yãmb na n yɩɩ burkĩmb meng-menga. 37Mam miime tɩ yãmb yaa a Abrahaam yagense. La yãmb yaool n dat n kʋʋ maam, yãmb sẽn ka reegd mam goamã yĩnga. 38Mam togsda bũmb ning m sẽn yã m ba wã nengẽ wã. La yãmba, yãmb maanda bũmb ning y sẽn wʋm y ba wã nengẽ. 39Nebã leoka a Zeezi n yeele: Tõnd ba la a Abrahaam. A Zeezi yeela bãmb yaa: «Yãmb sã n yaa a Abrahaam kamba, bɩ y tʋm y ba a Abrahaam tʋʋmã. 40La moasã, maam, soab ning sẽn togs yãmb sɩd m sẽn wʋm Wẽnnaam nengẽ wã, yãmb baooda maam n na n kʋ. A Abrahaam zɩ n maan bõn-kãngã buud ye. 41Yãmb tʋmda y ba tʋʋma.» Bãmb yeela a Zeezi yaa: «Tõnd ka tãmpĩib ye. Tõnd ba yaa a yembr tãa: Yaa Wẽnnaam.» 42A Zeezi yeela bãmb yaa: «Wẽnnaam sã n dag n yaẽ yãmb ba, yãmb dag n na n nongẽ-la maam, bala, mam yii Wẽnnaam pʋgẽ, la m yii Wẽnnaam nengẽ n wa. Mam ka wa m toor ye, la yaa bãmb n tʋm maam. 43Bõe tɩ yãmb ka wʋmd mam goamã võore? Yaa tɩ yãmb ka tõe n kelg mam gomd ye. 44Yãmb ba la Sʋtãanã, la yãmb dat n pidsa y ba wã raabo. A yɩɩ nin-kʋʋd hal sɩngr wẽndẽ tɩ ta moasã, la a ka pa sɩd pʋgẽ ye, sɩd sẽn ka be yẽnda pʋgẽ wã yĩnga. A sã n yagd zĩrẽ, yaa a pʋga fãa la rẽnda, bala, a yaa zĩrẽ-yagda, la zĩrẽ wã ba. 45La mam sẽn togsd sɩdã, yãmb ka tẽed maam ye. 46Ãnda yãmb sʋkã n na n wilg maam tɩ m maana yel-wẽnde? Mam sã n togsda sɩda, bõe tɩ yãmb ka tẽed maam? 47Wẽnnaam biig kelgda Wẽnnaam goamã. Yãmb ka kelgda, yãmb sẽn ka Wẽnnaam kambã yĩnga.»
A Zeezi ne a Abrahaam
48Zʋɩf-rãmbã leoka a Zeezi n yeele: «Tõnd ka tar bʋʋm tɩ yeel tɩ fo yaa Samaari neda, la tɩ zĩn n tar foom sɩda?» 49A Zeezi leokame n yeele: «Zĩn ka tar maam ye. Mam waoogda m ba, la yãmb paoogda maam. 50Mam yẽ ka baood m meng waoogr ye. Ned a yembr tãa n baood waoogrã, la a bʋʋd bʋʋdã. 51Mam yeta yãmb sɩd-sɩd tɩ ned sã n tall mam gomdã, a kõn tol n ki ye.» 52Zʋɩf-rãmbã yeela bãmb yaa: «Moasã wã yẽ, tõnd miime tɩ zĩn n tar foom. A Abrahaam kiime, Wẽnnaam no-rɛɛsdbã me kiime, tɩ fo yaool n yetẽ tɩ ned sã n tall fo goamã a kõn tol n ki ye. 53Dẽ yĩnga, fo yɩɩda tõnd ba a Abrahaam, sẽn ki wã la? Wẽnnaam no-rɛɛsdbã me kiime. Fo tẽedame tɩ fo yaa ãnda?» 54A Zeezi leokame n yeele: Mam sã n waoogd m menga, mam waoogrã yaa zaalem. Yaa m ba, soab ning yãmb sẽn boond tɩ y Wẽnnaamã n waoogd maam. 55La yãmb ka mi bãmb ye. Mam yẽ mii bãmba. Mam sã n yeel tɩ m ka mi bãmba, mam na n yɩɩ zĩrẽ-yagd wa yãmba. La mam mii bãmba, n sakd bãmb noore. 56Yãmb ba a Abrahaam dag n kɩdma ne sũ-noogo, a sẽn dag n tagsd t'a na n yãnda mam daarã yĩnga. A yãnd-a lame, n maan sũ-noogo. 57Zʋɩf-rãmbã yeela a Zeezi yaa: Fo nan ka ta yʋʋm pis-nu, n yaool n yãnd a Abrahaam? 58A Zeezi yeela bãmb yaa: «Mam yeta yãmb sɩd-sɩd tɩ sẽn deng a Abrahaam dogem, mam dag n beeme.» 59Gom-kãng poorẽ, Zʋɩf-rãmbã wʋka kug n na n lob a Zeezi, la a Zeezi soondame, la b yii wẽnd doogẽ wã.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.