A Matye koe‑noogo 27
27
B talla a Zeezi n kẽng a Pilat nengẽ
(Mark 15.1, Luk 23.1-2, Zã 18.28-32)
1Beoogã sẽn vẽege, maan-kʋʋdbã kãsem-dãmbã ne tẽngã nin-kẽemb yẽsa ne taab a Zeezi yellã poorẽ n dat n kʋ-ba. 2La b sẽba bãmb n tall n tɩ kɩs Gʋvɛrneer a Pilate.
A Zʋdaas sũ-sãang la a luulgu
(Tʋʋm 1.18-19)
3 #
Tʋʋm 1.18,19 A Zʋdaase, soab ning sẽn yõk a Zeezi n kõ wã sẽn yã tɩ b kaoo a Zeezi bʋʋd tɩ na n yɩ kũumã, a sũurã sãamame, la a talla wanzuri ligd pis-tã wã n wa n na n lebs maan-kʋʋdbã kãsem-dãmbã ne tẽngã nin-kẽembã la a yeel-ba: 4«Mam beegame, mam sẽn zãmb rao-kãng sẽn ka tar yellã tɩ b yõk-a wã yĩnga.» La b leoka yẽnda n yeele: «Tõnd toogo? Paka foom.» 5Woto, a Zʋdaas loba ligdã wẽnd doogẽ wã la a yi n kẽng n tɩ sãrg a menga. 6Dẽ, Maan-kʋʋdbã kãsem-dãmbã wʋka ligdã, la b yeel tɩ bãmb ka tar noor tɩ lebs-a wẽnd doogã ligdẽ ye. Bala, a yaa zɩɩm ligdi. 7La b sẽn yẽs ne taaba, b rɩka ligdã n da yagbã pʋʋg n maan sãamb yaad zĩiga. 8Yaa rẽnda n kɩt tɩ b boond pʋ-kãng tɩ zɩɩm pʋʋg hal tɩ ta rũndã. 9#Zaka 11.12,13Woto, gomd ning Wẽnnaam no-rɛɛs a Zeremi sẽn gomã pidsame. A yeelame:
«B rɩka wanzuri ligd pis-tã,
ligd ning Israyɛll nebã sẽn tall n da bãmbã,
10n kɩs n deeg yagbã pʋʋgo,
wa Zu-soabã sẽn dag n yeel maam tɩ m maanã.»
A Pilat bʋ a Zeezi
11A Zeezi yalsa Gʋvɛrneerã taoore. Gʋvɛrneerã soka bãmb yaa: «Yaa yãmb la Zʋɩf‑rãmbã dĩmã bɩ?» T'a Zeezi leok-a: «yaa wa yãmb sẽn yeelã.» 12La maan-kʋʋdbã kãsem-dãmb ne nin-kẽembã sẽn dõt bãmbã, bãmb ka leok gomd baa a yembre. 13Dẽ, a Pilat soka bãmba: «Yãmb ka wʋmd bũmb nins fãa b sẽn gomd n dõt yãmbã la?» 14La a Zeezi ka leok yẽnd a gomd baa a yembr ye, la rẽ yɛɛsa Gʋvɛrneerã wʋsgo.
B kaoo a Zeezi bʋʋd tɩ yaa kũum
(Mark 15.6-20, Luk 23.13-25, Zã 18.38—19.16)
15Tigr fãa, Gʋvɛrneerã minim n yiisda bi-bɛɛg a yembre, neb kʋʋngã sẽn kot a soabã n base. 16Bãmb dag n tara bi-bɛɛg a yembr nebã sẽn mi a yell sõama, n boond t'a Barabaase. 17Dẽ, nebã sẽn tigmã, a Pilat sok-b lame yaa: «Nin‑bʋg la yãmb dat tɩ mam yiis n base? A Barabaas bɩ, bɩ a Zeezi b sẽn boond tɩ Kirisã?» 18Bala, a rag n miime tɩ yaa sũ-kiir yĩng la b sẽn yõk a Zeezi n wa kõ yẽnda wã. 19La yẽnda sẽn wa n zĩ bʋʋdã zĩigẽ wã, a pagã tʋma ned t'a wa yeel-a yaa: «Da kẽes f toog nin-tɩr-kãngã yellẽ wã ye. Bala, rũndã, mam namsa wʋsg zãmsd pʋgẽ dao‑kãnga poorẽ.»
20Maan-kʋʋdbã kãsem-dãmbã sagla nebã n tõog tɩ b kos a Barabaas la b kɩt tɩ b kʋ a Zeezi. 21Gʋvɛrneerã sok‑b lame yaa: «Bãmb b yiibã sʋka, bʋg la yãmb dat tɩ mam yiis n base?» Bãmb leokame: «A Barabaase.» 22A Pilat leb n sok-b lame: «La woto wã, mam na n maana a Zeezi b sẽn boond tɩ Kirisã wã bõe?» La b fãa leokame: «Ka-y‑b da-pɩk zugu.» 23Dẽ, Gʋvɛrneerã leb n sokame: «Yaa bõe yel-wẽnd la b maan‑yã?» La nebã leb n kelma ne pãng n yɩɩd pĩnd n yeele: «Ka-y‑b da-pɩk zugu.» 24#Tõ 21.6-9A Pilat sẽn mik tɩ yẽ maooda zaalem balã, la tɩ bʋrgã paasdame wã, a reega koom n nudg a nus neb kʋʋngã taoor n yeel yaa: «Nin-tɩr-kãngã zɩɩm ka be mam zug ye. Rẽndã bee ne yãmba.» 25La nebã fãa leokame n yeel yaa: «Bɩ b zɩɩmã zĩnd tõnd ne d kambã zutu.»
26Woto, a Pilat yiisa a Barabaas n bas n kõ-ba. La yẽnda sẽn kɩt tɩ b pãb a Zeezi ne kalwaase, yẽnda rɩka bãmb n kõ nebã tɩ b tɩ ka-b da-pɩk zugu.
27Gʋvɛrneerã sodaas talla a Zeezi n kẽng sodaas naabã zakẽ, n tigs sodaasã fãa tɩ b gũbg bãmba. 28B yeesa a Zeezi futã, n lebs fu-miuug n yeelg bãmba. 29Bãmb wʋga gõos maanf n fõgen a Zeezi zugã, la b bao tãnwĩig n ning b nug-rɩtgã, n yaool n wõgemded bãmb taoor n paoogd bãmb n yetẽ yaa: «Hobragi! Zʋɩf-rãmb dĩmã, tõnd pʋʋsda yãmba!» 30B tʋbsa a Zeezi kolkoodo, la b reegd tãnwĩigã bãmb nugẽ wã n wẽed b zugã. 31Bãmb sẽn yaal a Zeezi woto n sɛ, b yeega fuugã n lebs b futã n yeelg-ba, la b tall-b n na n tɩ ka ra-pɩk zugu.
B kaa a Zeezi da-pɩk zugu
(Mark 15.21-41, Luk 23.26-49, Zã 19.17-30)
32Bãmb sẽn yita, b yãnda Sirɛn dao a yembr sẽn boond t'a Sɩmo, la b modga yẽnda t'a tʋk a Zeezi da-pɩkã. 33Bãmb sẽn ta zĩig ning b sẽn boond tɩ Golgota, sẽn dat n togs tɩ zu-wang zĩigã, 34#Yɩɩn 69.22b kõo a Zeezi reezẽ rãam sẽn kalem ne tɩɩm sẽn yaa toog wa yam tɩ b yũ. La a Zeezi sẽn lembe, b ka sak n na n yũ ye. 35#Yɩɩn 22.19Sodaasã sẽn ka a Zeezi da-pɩkã zug n sɛ, b pʋɩɩ bãmb futã ne taaba, n maan poeer n na n bãng ned fãa sẽn na n paame, [tɩ Wẽnnaam no-rɛɛsã gomd pidsi. A yeelame yaa:
«B pʋɩɩ mam futã ne taaba,
la b maana bãnd n na n bãng
ned ning sẽn na n soog-a
mam fuug sẽn ka tar sẽnesmã.»]
36Dẽ zugẽ, sodaasã zĩndame n gũ a Zeezi. 37B ninga gʋlsem bãmb zugẽ n wilgd bãmb kʋʋbã võore: «Rao-kãngã yaa a Zeezi, Zʋɩf-rãmbã rĩma.» 38B kaa fãadb a yiib ne bãmba: a yembr bãmb dɩtgo, a to wã bãmb goabga. 39#Yɩɩn 22.8, 109.25So-loaagdbã dag n paoogda bãmba, n gõmsd b zut 40#Mat 26.61, Zã 2.19n yetẽ: «Fo soab sẽn tõe n sãam wẽnd doogã n lebs-a n me rasem a tãab pʋgẽ wã, bɩ f fãag f meng wɛ! Fo sã n yaa Wẽnnaam Bi-ribla, bɩ f sig da-pɩkã zugu.» 41Maan-kʋʋdbã kãsem-dãmbã ne tõog karen-saam-dãmbã, la nin-kẽembã me yaala bãmb n yetẽ: 42«Yẽnda fãaga neb a taaba, la a yaool n ka tõe n fãag a meng ye. Yẽnda ka Zʋɩf-rãmb dĩm la! A wa sig da-pɩkã zug la tõnd na tẽ-a.» 43#Yɩɩn 22.9Yẽnda teega Wẽnnaam: bɩ Wẽnnaam fãag-a moasã, sã n yaa tɩ b nong-a lame. Bala, a yetame: «Mam yaa Wẽnnaam Bi-ribla.» 44Fãadbã me b sẽn ka ne bãmbã me rag n tʋʋda bãmb a woto bala. 45Sẽn sɩng ne wĩnto-sʋk hal tɩ ta wẽn-kaoore, zĩigã fãa lebga lika. 46#Yɩɩn 22.2La wẽn-kaoorã wakate, a Zeezi zẽka b koɛɛg n gom ne pãng n yeele:
«Eli! Eli! Lama sabaktani?»
Sẽn dat n yeel tɩ: ‹Mam Wẽnnaam! Mam Wẽnnaam! Yaa bõe tɩ yãmb bas maam?› 47Neb nins sẽn dag n be-b be wã, kẽer wʋma bãmb goamã n yeel tɩ b boonda a Eli. 48#Yɩɩn 69.22Tao-tao bala, bãmb ned a yembr wudgame n dɩk neoodg n los reezẽ rã‑miisgẽ, n sel tãnwĩig n tees bãmb n yeel tɩ b fõose. 49La neb a taabã yeelame tɩ b bas n gese, a Eli sã n na wa n fãag-a.
50A Zeezi leb n zẽka b koɛɛg n kelem ne pãnga, la b bas b sɩɩga. 51#Yik 26.31-33La gese, wẽnd doogã fu-lilldgã sɩnga yĩngr n pãrg n tãag tẽnga, n pasg a yiibu. Tẽngã rigimdame, pĩisã pusame, 52yaad pagsame, la nin-sõamyã wʋsg sẽn dag n ki wã vʋʋgame. 53Bãmb yii yaadẽ wã n kẽ tẽn-sõngã pʋgẽ, a Zeezi vʋʋgrã zugẽ. La b puka b mens ne neb wʋsgo.
54Sodaas koabg naabã ne neb nins sẽn dag be ne yẽnda n gũud a Zeezi wã sẽn yã tẽn-digimdgã ne bũmb ning sẽn maanã, rabeem kãseng yõka bãmb tɩ b yeele: «Hakɩɩka, dao-kãngã yaa Wẽnnaam Bi-ribla.»
55 #
Luk 8.2,3 Pagb wʋsg n dag n yas yɩɩg n getẽ. Yaa pagb nins sẽn yi hal Galɩle n yãag a Zeezi n na n ges b yellã: 56Yaa a Maari sẽn yit Magdala, la a Zak ne a Zozɛf ma a Maari, la a Zebde kom-dibli wã ma rag n bee pʋg-kãens sʋka.
A Zeezi mumbu
(Mark 15.42-47, Luk 23.50-56, Zã 19.38-42)
57Zaabr sẽn ta, Arimate dao a yembr sẽn yaa arzɛk soab t'a yʋʋr boondẽ t'a Zozɛf waame. Yẽnda me dag n yaa a Zeezi karen-biiga. 58Yẽnda kẽnga a Pilat nengẽ n tɩ kos a Zeezi kũumã. Dẽ, a Pilat yeelame tɩ b kõ-a. 59A Zozɛf dɩka kũumã, n vil-a ne lamd gĩs-bãaneg peend sẽn yaa sõama, 60n gãneg-a yao-paalg pʋgẽ. Yẽnda dag n kɩtame tɩ b tuk yao-kãng pĩig pʋgẽ a meng yĩnga. La a bilma kug-bedr n yẽd yaoogã noor la a looge. 61A Maari sẽn yit Magdala ne Maari a to wã dag n zĩi be tɩ b nensã tees yaoogã.
Sodaas gũu yaoogã
62Vẽkembeoogo, seglg daarã yɩ tɩ zaamẽ, maan-kʋʋdbã kãsem-dãmbã ne Fariizẽ-dãmbã tũu taab n tɩ yã a Pilat 63#Mat 16.21, 17.23, 20.19, Mark 8.31, 9.31, 10.33,34, Luk 9.22, 18.31-33n yeel-a yaa: «N na! Tõnd tẽrame tɩ bɛlgd-kãngã dag n yeela a sẽn wa n ket n vɩ wã wakat t'a na n vʋʋga rasem a tãabẽ daare. 64Dẽ wã, bɩ y kɩt tɩ b gũ yaoogã hal tɩ ta dasem a tãab daarã, t'a karen-biisã da wa n zuk a kũumã la b yeel nebã tɩ b vʋʋg n basa kũum ye. Yaoolem belg-kãng na n yɩɩ wẽng n yɩɩg pipi soabã.» 65A Pilat yeel-b lame yaa: «Yãmb tara gũudba. Bɩ y kẽng n tɩ gũ-a wa yãmb sẽn datã.» 66La b kẽngame n tɩ sog yaoogã noor kugrã, la b ning gũudb tɩ b gũ yaoogã.
Currently Selected:
A Matye koe‑noogo 27: MPBU
Highlight
Share
Copy
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
A Matye koe‑noogo 27
27
B talla a Zeezi n kẽng a Pilat nengẽ
(Mark 15.1, Luk 23.1-2, Zã 18.28-32)
1Beoogã sẽn vẽege, maan-kʋʋdbã kãsem-dãmbã ne tẽngã nin-kẽemb yẽsa ne taab a Zeezi yellã poorẽ n dat n kʋ-ba. 2La b sẽba bãmb n tall n tɩ kɩs Gʋvɛrneer a Pilate.
A Zʋdaas sũ-sãang la a luulgu
(Tʋʋm 1.18-19)
3 #
Tʋʋm 1.18,19 A Zʋdaase, soab ning sẽn yõk a Zeezi n kõ wã sẽn yã tɩ b kaoo a Zeezi bʋʋd tɩ na n yɩ kũumã, a sũurã sãamame, la a talla wanzuri ligd pis-tã wã n wa n na n lebs maan-kʋʋdbã kãsem-dãmbã ne tẽngã nin-kẽembã la a yeel-ba: 4«Mam beegame, mam sẽn zãmb rao-kãng sẽn ka tar yellã tɩ b yõk-a wã yĩnga.» La b leoka yẽnda n yeele: «Tõnd toogo? Paka foom.» 5Woto, a Zʋdaas loba ligdã wẽnd doogẽ wã la a yi n kẽng n tɩ sãrg a menga. 6Dẽ, Maan-kʋʋdbã kãsem-dãmbã wʋka ligdã, la b yeel tɩ bãmb ka tar noor tɩ lebs-a wẽnd doogã ligdẽ ye. Bala, a yaa zɩɩm ligdi. 7La b sẽn yẽs ne taaba, b rɩka ligdã n da yagbã pʋʋg n maan sãamb yaad zĩiga. 8Yaa rẽnda n kɩt tɩ b boond pʋ-kãng tɩ zɩɩm pʋʋg hal tɩ ta rũndã. 9#Zaka 11.12,13Woto, gomd ning Wẽnnaam no-rɛɛs a Zeremi sẽn gomã pidsame. A yeelame:
«B rɩka wanzuri ligd pis-tã,
ligd ning Israyɛll nebã sẽn tall n da bãmbã,
10n kɩs n deeg yagbã pʋʋgo,
wa Zu-soabã sẽn dag n yeel maam tɩ m maanã.»
A Pilat bʋ a Zeezi
11A Zeezi yalsa Gʋvɛrneerã taoore. Gʋvɛrneerã soka bãmb yaa: «Yaa yãmb la Zʋɩf‑rãmbã dĩmã bɩ?» T'a Zeezi leok-a: «yaa wa yãmb sẽn yeelã.» 12La maan-kʋʋdbã kãsem-dãmb ne nin-kẽembã sẽn dõt bãmbã, bãmb ka leok gomd baa a yembre. 13Dẽ, a Pilat soka bãmba: «Yãmb ka wʋmd bũmb nins fãa b sẽn gomd n dõt yãmbã la?» 14La a Zeezi ka leok yẽnd a gomd baa a yembr ye, la rẽ yɛɛsa Gʋvɛrneerã wʋsgo.
B kaoo a Zeezi bʋʋd tɩ yaa kũum
(Mark 15.6-20, Luk 23.13-25, Zã 18.38—19.16)
15Tigr fãa, Gʋvɛrneerã minim n yiisda bi-bɛɛg a yembre, neb kʋʋngã sẽn kot a soabã n base. 16Bãmb dag n tara bi-bɛɛg a yembr nebã sẽn mi a yell sõama, n boond t'a Barabaase. 17Dẽ, nebã sẽn tigmã, a Pilat sok-b lame yaa: «Nin‑bʋg la yãmb dat tɩ mam yiis n base? A Barabaas bɩ, bɩ a Zeezi b sẽn boond tɩ Kirisã?» 18Bala, a rag n miime tɩ yaa sũ-kiir yĩng la b sẽn yõk a Zeezi n wa kõ yẽnda wã. 19La yẽnda sẽn wa n zĩ bʋʋdã zĩigẽ wã, a pagã tʋma ned t'a wa yeel-a yaa: «Da kẽes f toog nin-tɩr-kãngã yellẽ wã ye. Bala, rũndã, mam namsa wʋsg zãmsd pʋgẽ dao‑kãnga poorẽ.»
20Maan-kʋʋdbã kãsem-dãmbã sagla nebã n tõog tɩ b kos a Barabaas la b kɩt tɩ b kʋ a Zeezi. 21Gʋvɛrneerã sok‑b lame yaa: «Bãmb b yiibã sʋka, bʋg la yãmb dat tɩ mam yiis n base?» Bãmb leokame: «A Barabaase.» 22A Pilat leb n sok-b lame: «La woto wã, mam na n maana a Zeezi b sẽn boond tɩ Kirisã wã bõe?» La b fãa leokame: «Ka-y‑b da-pɩk zugu.» 23Dẽ, Gʋvɛrneerã leb n sokame: «Yaa bõe yel-wẽnd la b maan‑yã?» La nebã leb n kelma ne pãng n yɩɩd pĩnd n yeele: «Ka-y‑b da-pɩk zugu.» 24#Tõ 21.6-9A Pilat sẽn mik tɩ yẽ maooda zaalem balã, la tɩ bʋrgã paasdame wã, a reega koom n nudg a nus neb kʋʋngã taoor n yeel yaa: «Nin-tɩr-kãngã zɩɩm ka be mam zug ye. Rẽndã bee ne yãmba.» 25La nebã fãa leokame n yeel yaa: «Bɩ b zɩɩmã zĩnd tõnd ne d kambã zutu.»
26Woto, a Pilat yiisa a Barabaas n bas n kõ-ba. La yẽnda sẽn kɩt tɩ b pãb a Zeezi ne kalwaase, yẽnda rɩka bãmb n kõ nebã tɩ b tɩ ka-b da-pɩk zugu.
27Gʋvɛrneerã sodaas talla a Zeezi n kẽng sodaas naabã zakẽ, n tigs sodaasã fãa tɩ b gũbg bãmba. 28B yeesa a Zeezi futã, n lebs fu-miuug n yeelg bãmba. 29Bãmb wʋga gõos maanf n fõgen a Zeezi zugã, la b bao tãnwĩig n ning b nug-rɩtgã, n yaool n wõgemded bãmb taoor n paoogd bãmb n yetẽ yaa: «Hobragi! Zʋɩf-rãmb dĩmã, tõnd pʋʋsda yãmba!» 30B tʋbsa a Zeezi kolkoodo, la b reegd tãnwĩigã bãmb nugẽ wã n wẽed b zugã. 31Bãmb sẽn yaal a Zeezi woto n sɛ, b yeega fuugã n lebs b futã n yeelg-ba, la b tall-b n na n tɩ ka ra-pɩk zugu.
B kaa a Zeezi da-pɩk zugu
(Mark 15.21-41, Luk 23.26-49, Zã 19.17-30)
32Bãmb sẽn yita, b yãnda Sirɛn dao a yembr sẽn boond t'a Sɩmo, la b modga yẽnda t'a tʋk a Zeezi da-pɩkã. 33Bãmb sẽn ta zĩig ning b sẽn boond tɩ Golgota, sẽn dat n togs tɩ zu-wang zĩigã, 34#Yɩɩn 69.22b kõo a Zeezi reezẽ rãam sẽn kalem ne tɩɩm sẽn yaa toog wa yam tɩ b yũ. La a Zeezi sẽn lembe, b ka sak n na n yũ ye. 35#Yɩɩn 22.19Sodaasã sẽn ka a Zeezi da-pɩkã zug n sɛ, b pʋɩɩ bãmb futã ne taaba, n maan poeer n na n bãng ned fãa sẽn na n paame, [tɩ Wẽnnaam no-rɛɛsã gomd pidsi. A yeelame yaa:
«B pʋɩɩ mam futã ne taaba,
la b maana bãnd n na n bãng
ned ning sẽn na n soog-a
mam fuug sẽn ka tar sẽnesmã.»]
36Dẽ zugẽ, sodaasã zĩndame n gũ a Zeezi. 37B ninga gʋlsem bãmb zugẽ n wilgd bãmb kʋʋbã võore: «Rao-kãngã yaa a Zeezi, Zʋɩf-rãmbã rĩma.» 38B kaa fãadb a yiib ne bãmba: a yembr bãmb dɩtgo, a to wã bãmb goabga. 39#Yɩɩn 22.8, 109.25So-loaagdbã dag n paoogda bãmba, n gõmsd b zut 40#Mat 26.61, Zã 2.19n yetẽ: «Fo soab sẽn tõe n sãam wẽnd doogã n lebs-a n me rasem a tãab pʋgẽ wã, bɩ f fãag f meng wɛ! Fo sã n yaa Wẽnnaam Bi-ribla, bɩ f sig da-pɩkã zugu.» 41Maan-kʋʋdbã kãsem-dãmbã ne tõog karen-saam-dãmbã, la nin-kẽembã me yaala bãmb n yetẽ: 42«Yẽnda fãaga neb a taaba, la a yaool n ka tõe n fãag a meng ye. Yẽnda ka Zʋɩf-rãmb dĩm la! A wa sig da-pɩkã zug la tõnd na tẽ-a.» 43#Yɩɩn 22.9Yẽnda teega Wẽnnaam: bɩ Wẽnnaam fãag-a moasã, sã n yaa tɩ b nong-a lame. Bala, a yetame: «Mam yaa Wẽnnaam Bi-ribla.» 44Fãadbã me b sẽn ka ne bãmbã me rag n tʋʋda bãmb a woto bala. 45Sẽn sɩng ne wĩnto-sʋk hal tɩ ta wẽn-kaoore, zĩigã fãa lebga lika. 46#Yɩɩn 22.2La wẽn-kaoorã wakate, a Zeezi zẽka b koɛɛg n gom ne pãng n yeele:
«Eli! Eli! Lama sabaktani?»
Sẽn dat n yeel tɩ: ‹Mam Wẽnnaam! Mam Wẽnnaam! Yaa bõe tɩ yãmb bas maam?› 47Neb nins sẽn dag n be-b be wã, kẽer wʋma bãmb goamã n yeel tɩ b boonda a Eli. 48#Yɩɩn 69.22Tao-tao bala, bãmb ned a yembr wudgame n dɩk neoodg n los reezẽ rã‑miisgẽ, n sel tãnwĩig n tees bãmb n yeel tɩ b fõose. 49La neb a taabã yeelame tɩ b bas n gese, a Eli sã n na wa n fãag-a.
50A Zeezi leb n zẽka b koɛɛg n kelem ne pãnga, la b bas b sɩɩga. 51#Yik 26.31-33La gese, wẽnd doogã fu-lilldgã sɩnga yĩngr n pãrg n tãag tẽnga, n pasg a yiibu. Tẽngã rigimdame, pĩisã pusame, 52yaad pagsame, la nin-sõamyã wʋsg sẽn dag n ki wã vʋʋgame. 53Bãmb yii yaadẽ wã n kẽ tẽn-sõngã pʋgẽ, a Zeezi vʋʋgrã zugẽ. La b puka b mens ne neb wʋsgo.
54Sodaas koabg naabã ne neb nins sẽn dag be ne yẽnda n gũud a Zeezi wã sẽn yã tẽn-digimdgã ne bũmb ning sẽn maanã, rabeem kãseng yõka bãmb tɩ b yeele: «Hakɩɩka, dao-kãngã yaa Wẽnnaam Bi-ribla.»
55 #
Luk 8.2,3 Pagb wʋsg n dag n yas yɩɩg n getẽ. Yaa pagb nins sẽn yi hal Galɩle n yãag a Zeezi n na n ges b yellã: 56Yaa a Maari sẽn yit Magdala, la a Zak ne a Zozɛf ma a Maari, la a Zebde kom-dibli wã ma rag n bee pʋg-kãens sʋka.
A Zeezi mumbu
(Mark 15.42-47, Luk 23.50-56, Zã 19.38-42)
57Zaabr sẽn ta, Arimate dao a yembr sẽn yaa arzɛk soab t'a yʋʋr boondẽ t'a Zozɛf waame. Yẽnda me dag n yaa a Zeezi karen-biiga. 58Yẽnda kẽnga a Pilat nengẽ n tɩ kos a Zeezi kũumã. Dẽ, a Pilat yeelame tɩ b kõ-a. 59A Zozɛf dɩka kũumã, n vil-a ne lamd gĩs-bãaneg peend sẽn yaa sõama, 60n gãneg-a yao-paalg pʋgẽ. Yẽnda dag n kɩtame tɩ b tuk yao-kãng pĩig pʋgẽ a meng yĩnga. La a bilma kug-bedr n yẽd yaoogã noor la a looge. 61A Maari sẽn yit Magdala ne Maari a to wã dag n zĩi be tɩ b nensã tees yaoogã.
Sodaas gũu yaoogã
62Vẽkembeoogo, seglg daarã yɩ tɩ zaamẽ, maan-kʋʋdbã kãsem-dãmbã ne Fariizẽ-dãmbã tũu taab n tɩ yã a Pilat 63#Mat 16.21, 17.23, 20.19, Mark 8.31, 9.31, 10.33,34, Luk 9.22, 18.31-33n yeel-a yaa: «N na! Tõnd tẽrame tɩ bɛlgd-kãngã dag n yeela a sẽn wa n ket n vɩ wã wakat t'a na n vʋʋga rasem a tãabẽ daare. 64Dẽ wã, bɩ y kɩt tɩ b gũ yaoogã hal tɩ ta dasem a tãab daarã, t'a karen-biisã da wa n zuk a kũumã la b yeel nebã tɩ b vʋʋg n basa kũum ye. Yaoolem belg-kãng na n yɩɩ wẽng n yɩɩg pipi soabã.» 65A Pilat yeel-b lame yaa: «Yãmb tara gũudba. Bɩ y kẽng n tɩ gũ-a wa yãmb sẽn datã.» 66La b kẽngame n tɩ sog yaoogã noor kugrã, la b ning gũudb tɩ b gũ yaoogã.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.