TDP 20
20
Ziabaa
1Bɛ̀ ká soo ká woo zia baa kaa zɔ́ɔn ganaa, bɛ̀ ká sùin laanka wotoron yɛ, ka zaman nɛ mɔnaa nɛ ǹ nə́ la ka nɛ, ka baran nyɛ́ɛ baa wa. A giala, kaa Lawa, Dɛnaa Lawa lɛ tá kun ka nɛ. A din lɛ na á ka waa á ka bɔ Ezipti gána nɛ.
2Bɛ̀ ká n yɔrɔ bɔ ka á die zia lɛ giala koe, Lawa a wúlu-bɔle nə n zɔ̃ a dɔ, a boo da ka zia nɛn lɛn nɛ. 3A pɛ ǹ nɛ: «Izirayeli minin lɛn, ka n too kɔ! Ka á ke ká n yɔrɔ bɔ pelo, ka n die zia biɛ kaa zɔ́ɔn ganaa. Ka foo baran biɛ na wa, ka baran nyɛ́ɛ baa wa, ka nyin baran soo wa, ka gɔ̀nɔn baran bìn da ǹ nyɛɛn wa. 4A giala, kaa Lawa, Dɛnaa Lawa din nə die miɛ kun ka nɛ, a n dɔ ka lɛ, a zia baa kaa zɔ́ɔn lɛn ganaa, a gɔ̀lɔ̀baa kɔ ka la.» 5Zaman-lɛduə̃lin nə nɔ̀n da zia-baalin lɛn la, ǹ pɛ ǹ nɛ: «Giĩ tá ka bii á kion dii dɔ sisia, a ná a tɔn wɔ a-n bɔrɔ wa? Ǹ dɛnaa wusoo a wo piɛ, màn mɛn bɛ́ toɛ, a baran gã zia la, n giĩ kɔsɔ yǎa kiɛ̃ giɛ̃ a kion lɛ-n wa. 6Giĩ tá ka bii á *rezɛ̃ da wuru bɔ, a ná a tɔn na a nɛ bibinaa na bɔrɔ wa? Ǹ dɛnaa wusoo a wo piɛ, màn mɛn bɛ́ toɛ, a baran gã zia la, n giĩ kɔsɔ yaa kiɛ̃ woe a nɛ bibinaa niɛ wa. 7Giĩ tá ka bii á nɛniɛ bɔ, a ná a tɔn wɔ lɔ lɛa bɔrɔ wa? Ǹ dɛnaa wusoo a wo piɛ, màn mɛn bɛ́ toɛ, a baran gã zia la, n giĩ kɔsɔ yǎa kiɛ̃ a nɛniɛ lɛ we lɔ lɛa wa.» 8Zaman-lɛduə̃lin lɛn nə wusoo ǹ nɔ̀n da doo ǹ pɛ: «Min tá ka bii nyɛ́ɛ ná a ganaa, a foo n biɛ niɛ ya? Bɛa dɛnaa wusoo a wo piɛ, màn mɛn bɛ́ toɛ, a baran ǹ dɔɔ̃nɔn lɛn gù dɛ ka a din wɔ bɛ́ lɔn wa.» 9Bɛ̀ zaman-lɛduə̃li lɛn nə́ boo da ka zia-baalin lɛn nɛ ǹ nə́ nya, ǹ zia-baalin goledɛnan bɔ, ǹ nə ǹ koa zia-baalin lɛn mìi la.
10Bɛ̀ ka á re woe zia biɛ kiwi mɛn ganaa, ka pɛ ǹ nɛ mà bɛ̀ ǹ tá giɛ là nyantoro li, mà ǹ nə n dinin kɔ kiĩni. 11Bɛ̀ ǹ nə́ pɛ ka nɛ mà ǹsɛn nə́ lɛ kɔ, bɛ̀ ǹ nə́ ǹ kiwi lɛ lɛ bũ ka nɛ, zaman mɛn tumaa bɛ́ a nɛ, ka ǹ kaa pàã dí ganaa, ǹ dí nya ka nɛ. 12Sɛnɛ bɛ̀ ǹ lɛ kɔ ka la wa, bɛ̀ ǹ nə́ yoo ka zia nɛ, ka kiwi lɛ lɛnpɛnɛ. 13Bɛ̀ kaa Lawa, Dɛnaa Lawa kiwi lɛ wɔ ka gɔn, ka a giĩn tumaa dɛ. 14Sɛnɛ, lɔn nɛ, nɛnyaanan nɛ ka tɔɔn nɛ, màn mɛn tumaa bɛ́ kiwi lɛ nɛ, a gɔ́ɔ̃gɔ́ɔ̃ ǹ mànan tumaa, ka nɔmɔ bɛn ganaa, bɔ zia la ǹ mànan lɛa. Kaa Lawa, Dɛnaa Lawa bɛ́ re kaa zɔ́ɔn lɛn koe ka la, ka bɛ́ re mànan mɛnɛn sii ǹ la, ka á boe la ka n dinin too ka bɛn nɛ. 15Kiwin mɛnɛn wɔlɔ bɛ́ lui ni, ka bɛ́ re giɛ̃ gána mɛn nɛ ǹ nə́ ǹ bie bɛa kiwin lɛa wa, ka die ka zɛnaa bɛn lɛn man miɛ̃.
16Sɛnɛ, tɔrɔn kɛn lɛn, kiwin mɛnɛn bɛ́ kaa Lawa, Dɛnaa Lawa nə́ ǹ koe ka la kaa wɔ lɛa, ka nyan màn kɔn toa walan á n fɔfoã sii wa. 17Ɛti tɔrɔn kɛn, Amɔɔrɔ tɔrɔn nɛ, Kanaan minin ni, Perɛzi tɔrɔn nɛ, tɔrɔn kɛn ǹ nə́ bíi Evitin, Zebuzu tɔrɔn nɛ, ka die ka bɛn tumaa dɛ lenlen, ka kaa Lawa, Dɛnaa Lawa á ke á pɛ ka-n lɔn. 18Ka zɛnaa miɛ̃, màn mɛn bɛ́ toɛ, ǹ bɛ́ sii bɔbɔnɛɛn mɛnɛn zɛnɛɛ ǹ dìn wɔ lɛa, ǹ nyan toa ǹ ka daraa bɛn lɛn zoɛ̃ ganaa wa. Bɛ bie wa, ka n die sii liɛ kaa Lawa, Dɛnaa Lawa lɛ la.
19Bɛ̀ ká woo kiwi mɛn lɛnpɛnɛ, ká n zia biɛ a ganaa mà ka kũ, bɛ̀ á belebɔ á la yii ni, ka nyan sɛ̀miɛ̃ saa ka a dan kukuru wa. A giala, ka á boe la ka ǹ nɛ bii. Ka baran ǹ kuru wa. A giala, da bie minbuiin nɛ lɛa, min tɔn yoo a ganaa ka zia-n wa. 20Sɛnɛ, ka dinin bɛ́ doɛ̃ mà da mɛn a nɛ ba n bii wa, ka bɛ kuru ka kakã. Kiwi mɛn lɛ á ke zia biɛ ka ganaa, ka ziabaa ǹ bǎãn zɛnaa ka bɛa gɔn lɛ nɛ ka a lɛnpɛnɛ nɛ, yǎa a kiɛ.
Currently Selected:
TDP 20: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
TDP 20
20
Ziabaa
1Bɛ̀ ká soo ká woo zia baa kaa zɔ́ɔn ganaa, bɛ̀ ká sùin laanka wotoron yɛ, ka zaman nɛ mɔnaa nɛ ǹ nə́ la ka nɛ, ka baran nyɛ́ɛ baa wa. A giala, kaa Lawa, Dɛnaa Lawa lɛ tá kun ka nɛ. A din lɛ na á ka waa á ka bɔ Ezipti gána nɛ.
2Bɛ̀ ká n yɔrɔ bɔ ka á die zia lɛ giala koe, Lawa a wúlu-bɔle nə n zɔ̃ a dɔ, a boo da ka zia nɛn lɛn nɛ. 3A pɛ ǹ nɛ: «Izirayeli minin lɛn, ka n too kɔ! Ka á ke ká n yɔrɔ bɔ pelo, ka n die zia biɛ kaa zɔ́ɔn ganaa. Ka foo baran biɛ na wa, ka baran nyɛ́ɛ baa wa, ka nyin baran soo wa, ka gɔ̀nɔn baran bìn da ǹ nyɛɛn wa. 4A giala, kaa Lawa, Dɛnaa Lawa din nə die miɛ kun ka nɛ, a n dɔ ka lɛ, a zia baa kaa zɔ́ɔn lɛn ganaa, a gɔ̀lɔ̀baa kɔ ka la.» 5Zaman-lɛduə̃lin nə nɔ̀n da zia-baalin lɛn la, ǹ pɛ ǹ nɛ: «Giĩ tá ka bii á kion dii dɔ sisia, a ná a tɔn wɔ a-n bɔrɔ wa? Ǹ dɛnaa wusoo a wo piɛ, màn mɛn bɛ́ toɛ, a baran gã zia la, n giĩ kɔsɔ yǎa kiɛ̃ giɛ̃ a kion lɛ-n wa. 6Giĩ tá ka bii á *rezɛ̃ da wuru bɔ, a ná a tɔn na a nɛ bibinaa na bɔrɔ wa? Ǹ dɛnaa wusoo a wo piɛ, màn mɛn bɛ́ toɛ, a baran gã zia la, n giĩ kɔsɔ yaa kiɛ̃ woe a nɛ bibinaa niɛ wa. 7Giĩ tá ka bii á nɛniɛ bɔ, a ná a tɔn wɔ lɔ lɛa bɔrɔ wa? Ǹ dɛnaa wusoo a wo piɛ, màn mɛn bɛ́ toɛ, a baran gã zia la, n giĩ kɔsɔ yǎa kiɛ̃ a nɛniɛ lɛ we lɔ lɛa wa.» 8Zaman-lɛduə̃lin lɛn nə wusoo ǹ nɔ̀n da doo ǹ pɛ: «Min tá ka bii nyɛ́ɛ ná a ganaa, a foo n biɛ niɛ ya? Bɛa dɛnaa wusoo a wo piɛ, màn mɛn bɛ́ toɛ, a baran ǹ dɔɔ̃nɔn lɛn gù dɛ ka a din wɔ bɛ́ lɔn wa.» 9Bɛ̀ zaman-lɛduə̃li lɛn nə́ boo da ka zia-baalin lɛn nɛ ǹ nə́ nya, ǹ zia-baalin goledɛnan bɔ, ǹ nə ǹ koa zia-baalin lɛn mìi la.
10Bɛ̀ ka á re woe zia biɛ kiwi mɛn ganaa, ka pɛ ǹ nɛ mà bɛ̀ ǹ tá giɛ là nyantoro li, mà ǹ nə n dinin kɔ kiĩni. 11Bɛ̀ ǹ nə́ pɛ ka nɛ mà ǹsɛn nə́ lɛ kɔ, bɛ̀ ǹ nə́ ǹ kiwi lɛ lɛ bũ ka nɛ, zaman mɛn tumaa bɛ́ a nɛ, ka ǹ kaa pàã dí ganaa, ǹ dí nya ka nɛ. 12Sɛnɛ bɛ̀ ǹ lɛ kɔ ka la wa, bɛ̀ ǹ nə́ yoo ka zia nɛ, ka kiwi lɛ lɛnpɛnɛ. 13Bɛ̀ kaa Lawa, Dɛnaa Lawa kiwi lɛ wɔ ka gɔn, ka a giĩn tumaa dɛ. 14Sɛnɛ, lɔn nɛ, nɛnyaanan nɛ ka tɔɔn nɛ, màn mɛn tumaa bɛ́ kiwi lɛ nɛ, a gɔ́ɔ̃gɔ́ɔ̃ ǹ mànan tumaa, ka nɔmɔ bɛn ganaa, bɔ zia la ǹ mànan lɛa. Kaa Lawa, Dɛnaa Lawa bɛ́ re kaa zɔ́ɔn lɛn koe ka la, ka bɛ́ re mànan mɛnɛn sii ǹ la, ka á boe la ka n dinin too ka bɛn nɛ. 15Kiwin mɛnɛn wɔlɔ bɛ́ lui ni, ka bɛ́ re giɛ̃ gána mɛn nɛ ǹ nə́ ǹ bie bɛa kiwin lɛa wa, ka die ka zɛnaa bɛn lɛn man miɛ̃.
16Sɛnɛ, tɔrɔn kɛn lɛn, kiwin mɛnɛn bɛ́ kaa Lawa, Dɛnaa Lawa nə́ ǹ koe ka la kaa wɔ lɛa, ka nyan màn kɔn toa walan á n fɔfoã sii wa. 17Ɛti tɔrɔn kɛn, Amɔɔrɔ tɔrɔn nɛ, Kanaan minin ni, Perɛzi tɔrɔn nɛ, tɔrɔn kɛn ǹ nə́ bíi Evitin, Zebuzu tɔrɔn nɛ, ka die ka bɛn tumaa dɛ lenlen, ka kaa Lawa, Dɛnaa Lawa á ke á pɛ ka-n lɔn. 18Ka zɛnaa miɛ̃, màn mɛn bɛ́ toɛ, ǹ bɛ́ sii bɔbɔnɛɛn mɛnɛn zɛnɛɛ ǹ dìn wɔ lɛa, ǹ nyan toa ǹ ka daraa bɛn lɛn zoɛ̃ ganaa wa. Bɛ bie wa, ka n die sii liɛ kaa Lawa, Dɛnaa Lawa lɛ la.
19Bɛ̀ ká woo kiwi mɛn lɛnpɛnɛ, ká n zia biɛ a ganaa mà ka kũ, bɛ̀ á belebɔ á la yii ni, ka nyan sɛ̀miɛ̃ saa ka a dan kukuru wa. A giala, ka á boe la ka ǹ nɛ bii. Ka baran ǹ kuru wa. A giala, da bie minbuiin nɛ lɛa, min tɔn yoo a ganaa ka zia-n wa. 20Sɛnɛ, ka dinin bɛ́ doɛ̃ mà da mɛn a nɛ ba n bii wa, ka bɛ kuru ka kakã. Kiwi mɛn lɛ á ke zia biɛ ka ganaa, ka ziabaa ǹ bǎãn zɛnaa ka bɛa gɔn lɛ nɛ ka a lɛnpɛnɛ nɛ, yǎa a kiɛ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.