SGK 20
20
Abrahamu laanka Abimelɛki
1Abrahamu yoo walan á woo gusin a lɛ̀gɔn la, á giã Kadɛsi laanka Suuru gána bii ni. Bɛ kio, á woo giã Geraara kiwi bɔrɔ. 2#SGK 12.13; 26.7 Abrahamu na á goã pii a lɔ Saaraa wɔ paǹ li, mà asɛ miãnɛn nɛ. Bɛ lɛ nɛ, Geraaran kii Abimelɛki minin dia, ǹ nə́ woo Saaraa kũ ǹ nə́ daa nɛ. 3Sɛnɛ, Lawa daa Abimelɛki la ka narɛɛ nɛ, á pɛ nɛ kɛnɛn: «Lɔ ke ń bɔ, n tá re giɛ̃ bɛ lɛ taman yii, a giala, a n zuũ li.»
4Bɛ á zɛnɛɛ, bɛ̀ Abimelɛki tɔn nə n mɔrɔ lɔ lɛ-a bɔrɔ wa. Á tɔ́n pɛ kɛnɛn: «E, maa Dɛnaa! Ma n die masɛ laanka maa gána minin dii kooro, a da yaa wɔ sii la wa? 5Abrahamu din bie á pɛ ma nɛ, mà ǹ miãnɛn nɛ wa ya? Lɔ lɛ dinmaa dɔ́ pɛ, mà asɛ miãgiĩ n ka Abrahamu ni. Man má zɛnaa ka gɔ́ɔ̃ fubaa nɛ, ma sii kɔ́n la wa.»
6Lawa tɔ́n pɛ nɛ a din narɛɛ lɛ nɛ: «Masɛ dɔ á doɛ̃, máa n nə́ n zɛnaa ka gɔ́ɔ̃ fubaa nɛ, ma dinmaa lɛ dɔ n man kurəə wɔ masɛ lon ganaa. Bɛ lɛ nɛ, ma toa ń nə́ n mɔrɔ lɔ lɛ-a wa. 7Sisia, giĩ lɛ a lɔ lɛ kɔ la. A giala, Lawa a boo gii-dali ni, á die Lawa nyankoe n lɛa, màn mɛn bɛ́ toɛ n nyin goã. Bɛ̀ n kɔ la wa, a dɔ̃ mà n din laanka n minin tumaa á re giɛ̃, sàabaa ná a ba la wa.»
8Abimelɛki yoo baayɛlɛ yiisoone, a ná a dí-nyalin tumaa bíi, á bɛa siin lɛn tumaa laakalaa ǹ nɛ. Nyɛ́ɛ bɛn kũ parsiini. 9Bɛ kio, Abimelɛki Abrahamu bíi, á pɛ nɛ: «Wàa mɛn sii n ke, ń zɛnaa wɔsɛn nɛ? Man má wàa sii la n la, sii baraa lɛa, n nə́ yui sii baraa gole kɛ diɛ ma laanka maa gána minin mìi ni? Zɛnaa ǹ sii bie ka kɛ nɛ ń zɛnaa masɛ-n wa dɛ. 10Wàa mɛn sii na á n da kɛ miã zɛnaa ganaa?»
11Abrahamu ná a lɛ si á pɛ:
– Masɛ n taasɛ, máa nyɛ́ɛ baa Lawa-n ba bǎã kɛ lɛ-n wa. Bɛ lɛ a lɛa, máa ǹ tá re ma dii, ǹ maa lɔ lɛ si ma la, a siĩnbaa taman yii. 12Bɛ yii nə n tiləə, masɛ miãnɛn nɛ sonbore. Wɔ n di goon, dan na á wɔsɛn sawaa kɔn, a na á masɛ a lɔ baa. 13Lawa bɛ́ á masɛ bíi, á ma bɔ wɔ dikion, a masɛ baa bibiə̃ wole lɛa lɔn, má pɛ Saaraa-n kɛnɛn: «Wɔ bɛ́ re woe bǎã woo bǎã nɛ, ma bɛ́ n nyankoe, máa n sii sonbore mɛn zɛnaa ma nɛ, bɛ n ka kɛ nɛ: A pɛ, mà n miãgiĩ n ka masɛ nɛ.»
14Abimelɛki sèren kũ, ka bòen laanka diin ni, á ǹ kɔ Abrahamu la, á bɛ̀rɛgiĩn laanka bɛ̀rɛlɔn kɔ la, a ná a lɔ Saaraa dɔ kɔ la. 15Á pɛ nɛ: «Maa gána lɛ á ke n yɔrɔ-a, bǎã mɛn bɛ́ kɔɔ̃nɛ n ganaa, giã walan.»
16Bɛ kio, á pɛ Saaraa nɛ: «Á ke, man die wɔrɔ we duu goon koe n miãgiĩ lɛ la. Bɛ n die goɛ̃ sii a kɔnboe lɛa, nyɛɛ n tá kun wolen tumaa nɛ, mà n zɛ̀rɛ bie ka sii kɛ lɛ-n wa.»
17-18N dɔ̃, lɔ mɛn tumaa bɛ́ á goã Abimelɛki a kion, Lawa na á goã á n tumaa baa lɔ nɛ-yele baãnaan lɛa, Abrahamu a lɔ Saaraa taman yii. Sɛnɛ, Abrahamu Lawa nyankɔ Abimelɛki a lɛa, ka a lɔ nɛ, ka a bɛ̀rɛlɔn nɛ. Bɛ kio, lɔn lɛn nə́ tɔ́n nɛnyaanan yɛ.
Currently Selected:
SGK 20: SBPE2011
Highlight
Share
Copy
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
SGK 20
20
Abrahamu laanka Abimelɛki
1Abrahamu yoo walan á woo gusin a lɛ̀gɔn la, á giã Kadɛsi laanka Suuru gána bii ni. Bɛ kio, á woo giã Geraara kiwi bɔrɔ. 2#SGK 12.13; 26.7 Abrahamu na á goã pii a lɔ Saaraa wɔ paǹ li, mà asɛ miãnɛn nɛ. Bɛ lɛ nɛ, Geraaran kii Abimelɛki minin dia, ǹ nə́ woo Saaraa kũ ǹ nə́ daa nɛ. 3Sɛnɛ, Lawa daa Abimelɛki la ka narɛɛ nɛ, á pɛ nɛ kɛnɛn: «Lɔ ke ń bɔ, n tá re giɛ̃ bɛ lɛ taman yii, a giala, a n zuũ li.»
4Bɛ á zɛnɛɛ, bɛ̀ Abimelɛki tɔn nə n mɔrɔ lɔ lɛ-a bɔrɔ wa. Á tɔ́n pɛ kɛnɛn: «E, maa Dɛnaa! Ma n die masɛ laanka maa gána minin dii kooro, a da yaa wɔ sii la wa? 5Abrahamu din bie á pɛ ma nɛ, mà ǹ miãnɛn nɛ wa ya? Lɔ lɛ dinmaa dɔ́ pɛ, mà asɛ miãgiĩ n ka Abrahamu ni. Man má zɛnaa ka gɔ́ɔ̃ fubaa nɛ, ma sii kɔ́n la wa.»
6Lawa tɔ́n pɛ nɛ a din narɛɛ lɛ nɛ: «Masɛ dɔ á doɛ̃, máa n nə́ n zɛnaa ka gɔ́ɔ̃ fubaa nɛ, ma dinmaa lɛ dɔ n man kurəə wɔ masɛ lon ganaa. Bɛ lɛ nɛ, ma toa ń nə́ n mɔrɔ lɔ lɛ-a wa. 7Sisia, giĩ lɛ a lɔ lɛ kɔ la. A giala, Lawa a boo gii-dali ni, á die Lawa nyankoe n lɛa, màn mɛn bɛ́ toɛ n nyin goã. Bɛ̀ n kɔ la wa, a dɔ̃ mà n din laanka n minin tumaa á re giɛ̃, sàabaa ná a ba la wa.»
8Abimelɛki yoo baayɛlɛ yiisoone, a ná a dí-nyalin tumaa bíi, á bɛa siin lɛn tumaa laakalaa ǹ nɛ. Nyɛ́ɛ bɛn kũ parsiini. 9Bɛ kio, Abimelɛki Abrahamu bíi, á pɛ nɛ: «Wàa mɛn sii n ke, ń zɛnaa wɔsɛn nɛ? Man má wàa sii la n la, sii baraa lɛa, n nə́ yui sii baraa gole kɛ diɛ ma laanka maa gána minin mìi ni? Zɛnaa ǹ sii bie ka kɛ nɛ ń zɛnaa masɛ-n wa dɛ. 10Wàa mɛn sii na á n da kɛ miã zɛnaa ganaa?»
11Abrahamu ná a lɛ si á pɛ:
– Masɛ n taasɛ, máa nyɛ́ɛ baa Lawa-n ba bǎã kɛ lɛ-n wa. Bɛ lɛ a lɛa, máa ǹ tá re ma dii, ǹ maa lɔ lɛ si ma la, a siĩnbaa taman yii. 12Bɛ yii nə n tiləə, masɛ miãnɛn nɛ sonbore. Wɔ n di goon, dan na á wɔsɛn sawaa kɔn, a na á masɛ a lɔ baa. 13Lawa bɛ́ á masɛ bíi, á ma bɔ wɔ dikion, a masɛ baa bibiə̃ wole lɛa lɔn, má pɛ Saaraa-n kɛnɛn: «Wɔ bɛ́ re woe bǎã woo bǎã nɛ, ma bɛ́ n nyankoe, máa n sii sonbore mɛn zɛnaa ma nɛ, bɛ n ka kɛ nɛ: A pɛ, mà n miãgiĩ n ka masɛ nɛ.»
14Abimelɛki sèren kũ, ka bòen laanka diin ni, á ǹ kɔ Abrahamu la, á bɛ̀rɛgiĩn laanka bɛ̀rɛlɔn kɔ la, a ná a lɔ Saaraa dɔ kɔ la. 15Á pɛ nɛ: «Maa gána lɛ á ke n yɔrɔ-a, bǎã mɛn bɛ́ kɔɔ̃nɛ n ganaa, giã walan.»
16Bɛ kio, á pɛ Saaraa nɛ: «Á ke, man die wɔrɔ we duu goon koe n miãgiĩ lɛ la. Bɛ n die goɛ̃ sii a kɔnboe lɛa, nyɛɛ n tá kun wolen tumaa nɛ, mà n zɛ̀rɛ bie ka sii kɛ lɛ-n wa.»
17-18N dɔ̃, lɔ mɛn tumaa bɛ́ á goã Abimelɛki a kion, Lawa na á goã á n tumaa baa lɔ nɛ-yele baãnaan lɛa, Abrahamu a lɔ Saaraa taman yii. Sɛnɛ, Abrahamu Lawa nyankɔ Abimelɛki a lɛa, ka a lɔ nɛ, ka a bɛ̀rɛlɔn nɛ. Bɛ kio, lɔn lɛn nə́ tɔ́n nɛnyaanan yɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.