MNS 34
34
Kanaan gána gèlè
1Dɛnaa Lawa boo da Muizu ni á pɛ 2mà a boo da Izirayeli minin lɛn nɛ, a pɛ ǹ nɛ: «Bɛ̀ ka wɔ Kanaan gána lɛ nɛ, bǎã lɛ a kɛ n die kaawɔ biɛ, a n lɛ doa ka gèlèn kɛn nɛ: 3gusin a lɛ̀gɔn la, kaa bǎã gèlè n die n doɛ ka Sini diə gole laanka Edɔmu gána nɛ. Lɛ̀giala gɔn la, kaa gèlè lɛ n die siɛ tán Yìsi mu kɔsɛ kɔsɛ kɛa lɛ doa ǹ bǎã nɛ gusin a lɛ̀gɔn la, 4a kiɛ̃ a n pusu a bɔ tonən kele kɛa gusin a lɛ̀gɔn la, a kiɛ̃ a bɔ Sini, a wo bɔ Kadɛsi-Barneya a gusin a lɛ̀gɔn la, a wusoo a wo Hasara-Adaara li, a kiɛ̃ a bɔ Asimɔn. 5Gèlè lɛ n die n toɛ Asimɔn, a n pusu a wo Ezipti a lɛ̀giala gɔn la tà kɛ ganaa, a kiɛ̃ a n doa yìsi mu ganaa. 6Lɛ̀ nyɛɛngɔn la, yìsi mu kɛ n die n biɛ ka gèlè lɛa. 7Gɔsɛ a lɛ̀gɔn la, ka die ka kaa gèlè lɛ bɔ tán yìsi mu kɛ laanka Hɔrɔ kele kɛ biin ni. 8Ka die ka n toa ka gèlè lɛ nɛ Hɔrɔ kele lɛ li, ka bɔ ka wo ne yǎa Lebo-Amaati. Gèlè lɛ die a n lɛ doa Sedaa ganaa, 9Bɛ kio, a wusoo a n yɔrɔ dia Zifrɔn li, a kiɛ̃ a wo n lɛ doa Hasaara-Eyinan ganaa. Ka gèlè n die goɛ̃ miɛ̃ gɔsɛ a lɛ̀gɔn la. 10Lɛ̀giala gɔn la, ka n toa Hasaara Eyinan, ka gèlè lɛ bɔ ka wo ne Sefan li. 11Gèlè lɛ die a n toa Sefan a wo Ribla li Ayini a lɛ̀giala gɔn la, bɛ kio, a wo n lɔ tentenen kɛn ganaa Kinerɛti yìsi mu a lɛ̀giala gɔn la. 12Gèlè lɛ die a da yǎa Zurdɛ̃ tà li, a kiɛ̃ a wo n lɛ doa yìsi mu kɔsɛ kɔsɛ kɛ ganaa. Kaa gána lɛ n die goɛ̃ miɛ̃, ka a gèlèn ne.»
13 #
MNS 26.52-56
#
Zoz 14.1-5
Muizu wusoo á boo da Izirayeli minin lɛn nɛ, á pɛ: «Gána lɛ din nə ke, kɛ lɛ ka n die n piɛ̃ a ganaa ka didie wɔ gii kɔ la. Dɛnaa Lawa na á pɛ mà asɛ n die bɛa gána lɛ koe tɔrɔ manangɔrɔ ka talɛɛ kɛ la. 14A giala, Urubɛn tɔrɔn kion minin ni, Gaadi tɔrɔn kion minin ni, ka Manaasee tɔrɔn talɛɛ nɛ, bɛn nə́ saa lɛlɛ ǹ nə́ ǹ bǎã yɛ. 15Bɛa tɔrɔ paa ka talɛɛ kɛ lɛ ná a bǎã yɛ Zurdɛ̃ tà kio, Zerikoo kiwi yɔrɔ-a, dia-n woe lɛ̀giala li.»
Min mɛnɛn bɛ́ bǎã lɛ a gii mìi la
16Dɛnaa Lawa boo da Muizu ni, á pɛ: 17«Giĩn mɛnɛn bɛ́ re gána lɛ gii ǹ ni, bɛn tɔn nə́ ke: Lawa a wúlu-bɔle Eleyazaara nɛ, ka Nunu a nɛgiĩ Zozoe ne. 18Ka die ka nyɛɛnaandɛnaa goon bɔ tɔrɔ lɛ gogoonmaa bii, ka a gòɛ̃ wɔ gána lɛ a gii ni. 19Bɛa minin lɛn tɔn nə́ ke:
Zudaa tɔrɔn bii: Zefunee a nɛgiĩ Kalɛbu ni.
20Simiɔn tɔrɔn bii: Amiwudu a nɛgiĩ Semuweli ni.
21Bɛnzamɛn tɔrɔn bii: Kislɔn a nɛgiĩ Elidaadi ni.
22Dan tɔrɔn bii: Zɔgli a nɛgiĩ Bukii ni.
23Zozɛfu a nɛgiĩ Manaasee tɔrɔn bii: Efodi a nɛgiĩ Aniyeli ni.
24Zozɛfu a nɛgiĩ Efrayimu tɔrɔn bii: Siftan a nɛgiĩ Kemuyeli ni.
25Zabulɔn tɔrɔn bii: Parnaaki a nɛgiĩ Elisafan nɛ.
26Isakaara tɔrɔn bii: Azan a nɛgiĩ Paltiyeli ni.
27Asɛɛrɛ tɔrɔn bii: Selomi a nɛgiĩ Ayiwudu ni.
28Nɛfutalii tɔrɔn bii: Amiwudu a nɛgiĩ Pedayele ne.»
29Dɛnaa Lawa min mɛnɛn bɔ mà ǹ Kanaan gána lɛ gii Izirayeli tɔrɔn lɛn bii, ǹ dinin man ka kɛn nɛ.
Currently Selected:
MNS 34: SBPE2011
Highlight
Share
Compare
Copy
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
MNS 34
34
Kanaan gána gèlè
1Dɛnaa Lawa boo da Muizu ni á pɛ 2mà a boo da Izirayeli minin lɛn nɛ, a pɛ ǹ nɛ: «Bɛ̀ ka wɔ Kanaan gána lɛ nɛ, bǎã lɛ a kɛ n die kaawɔ biɛ, a n lɛ doa ka gèlèn kɛn nɛ: 3gusin a lɛ̀gɔn la, kaa bǎã gèlè n die n doɛ ka Sini diə gole laanka Edɔmu gána nɛ. Lɛ̀giala gɔn la, kaa gèlè lɛ n die siɛ tán Yìsi mu kɔsɛ kɔsɛ kɛa lɛ doa ǹ bǎã nɛ gusin a lɛ̀gɔn la, 4a kiɛ̃ a n pusu a bɔ tonən kele kɛa gusin a lɛ̀gɔn la, a kiɛ̃ a bɔ Sini, a wo bɔ Kadɛsi-Barneya a gusin a lɛ̀gɔn la, a wusoo a wo Hasara-Adaara li, a kiɛ̃ a bɔ Asimɔn. 5Gèlè lɛ n die n toɛ Asimɔn, a n pusu a wo Ezipti a lɛ̀giala gɔn la tà kɛ ganaa, a kiɛ̃ a n doa yìsi mu ganaa. 6Lɛ̀ nyɛɛngɔn la, yìsi mu kɛ n die n biɛ ka gèlè lɛa. 7Gɔsɛ a lɛ̀gɔn la, ka die ka kaa gèlè lɛ bɔ tán yìsi mu kɛ laanka Hɔrɔ kele kɛ biin ni. 8Ka die ka n toa ka gèlè lɛ nɛ Hɔrɔ kele lɛ li, ka bɔ ka wo ne yǎa Lebo-Amaati. Gèlè lɛ die a n lɛ doa Sedaa ganaa, 9Bɛ kio, a wusoo a n yɔrɔ dia Zifrɔn li, a kiɛ̃ a wo n lɛ doa Hasaara-Eyinan ganaa. Ka gèlè n die goɛ̃ miɛ̃ gɔsɛ a lɛ̀gɔn la. 10Lɛ̀giala gɔn la, ka n toa Hasaara Eyinan, ka gèlè lɛ bɔ ka wo ne Sefan li. 11Gèlè lɛ die a n toa Sefan a wo Ribla li Ayini a lɛ̀giala gɔn la, bɛ kio, a wo n lɔ tentenen kɛn ganaa Kinerɛti yìsi mu a lɛ̀giala gɔn la. 12Gèlè lɛ die a da yǎa Zurdɛ̃ tà li, a kiɛ̃ a wo n lɛ doa yìsi mu kɔsɛ kɔsɛ kɛ ganaa. Kaa gána lɛ n die goɛ̃ miɛ̃, ka a gèlèn ne.»
13 #
MNS 26.52-56
#
Zoz 14.1-5
Muizu wusoo á boo da Izirayeli minin lɛn nɛ, á pɛ: «Gána lɛ din nə ke, kɛ lɛ ka n die n piɛ̃ a ganaa ka didie wɔ gii kɔ la. Dɛnaa Lawa na á pɛ mà asɛ n die bɛa gána lɛ koe tɔrɔ manangɔrɔ ka talɛɛ kɛ la. 14A giala, Urubɛn tɔrɔn kion minin ni, Gaadi tɔrɔn kion minin ni, ka Manaasee tɔrɔn talɛɛ nɛ, bɛn nə́ saa lɛlɛ ǹ nə́ ǹ bǎã yɛ. 15Bɛa tɔrɔ paa ka talɛɛ kɛ lɛ ná a bǎã yɛ Zurdɛ̃ tà kio, Zerikoo kiwi yɔrɔ-a, dia-n woe lɛ̀giala li.»
Min mɛnɛn bɛ́ bǎã lɛ a gii mìi la
16Dɛnaa Lawa boo da Muizu ni, á pɛ: 17«Giĩn mɛnɛn bɛ́ re gána lɛ gii ǹ ni, bɛn tɔn nə́ ke: Lawa a wúlu-bɔle Eleyazaara nɛ, ka Nunu a nɛgiĩ Zozoe ne. 18Ka die ka nyɛɛnaandɛnaa goon bɔ tɔrɔ lɛ gogoonmaa bii, ka a gòɛ̃ wɔ gána lɛ a gii ni. 19Bɛa minin lɛn tɔn nə́ ke:
Zudaa tɔrɔn bii: Zefunee a nɛgiĩ Kalɛbu ni.
20Simiɔn tɔrɔn bii: Amiwudu a nɛgiĩ Semuweli ni.
21Bɛnzamɛn tɔrɔn bii: Kislɔn a nɛgiĩ Elidaadi ni.
22Dan tɔrɔn bii: Zɔgli a nɛgiĩ Bukii ni.
23Zozɛfu a nɛgiĩ Manaasee tɔrɔn bii: Efodi a nɛgiĩ Aniyeli ni.
24Zozɛfu a nɛgiĩ Efrayimu tɔrɔn bii: Siftan a nɛgiĩ Kemuyeli ni.
25Zabulɔn tɔrɔn bii: Parnaaki a nɛgiĩ Elisafan nɛ.
26Isakaara tɔrɔn bii: Azan a nɛgiĩ Paltiyeli ni.
27Asɛɛrɛ tɔrɔn bii: Selomi a nɛgiĩ Ayiwudu ni.
28Nɛfutalii tɔrɔn bii: Amiwudu a nɛgiĩ Pedayele ne.»
29Dɛnaa Lawa min mɛnɛn bɔ mà ǹ Kanaan gána lɛ gii Izirayeli tɔrɔn lɛn bii, ǹ dinin man ka kɛn nɛ.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.