SNS 13
13
Tɔɔ màn paa boo
1 #
Dan 7.3; SNS 17.3,7-12 Bɛ lɛ ganaa, má tɔ́n Tɔɔ goon yɛ soe yìsi mu gole lɛ li. A bɛn nə fù, a mìi n sɔbaa. Kiibaa ǹ bafolo n we ne a bɛn gogoonmaa tumaa ganaa, sɔ kɔ Lawa ganaa ǹ boo n kiɛ̃ nɛ a mìi gogoonmaa tumaa ganaa. 2#Dan 7.4-6 Ma Tɔɔ mɛn yɛ, a na á kɔnbɔ ka goe ne, a gòãn man nə́ kɔnbɔ ka gòon màn gole gòãn nɛ, a lɛ na á kɔnbɔ ka yàra lɛ nɛ. Tɔɔ babaraa piɛ̃-wole kɛ ná a din pàã kɔ la, ka a kii dankan nɛ ka boo sii la gole ne. 3A mìin lɛn goon ne ka maǹ nə mà bɔ a ganaa lɛlɛ ká a daa a gã, sɛnɛ, a busu lɛ lɛ nya. Tán min din tumaa goã giɛ a ganaa ka kaãbaa nɛ, bɛ̀ ǹ kɔ lɛ. 4Ǹ tumaa yoo, ǹ nə́ tɔɔ babaraa piɛ̃ wole kɛ guguru koe, a giala a ná a din pàã kɔ Tɔɔ goon kɛ la. Maǹ bɛa Tɔɔ lɛ dɔ guguru koe ka a dɔ wɔ bɛ́ lɔn, ǹ nə́ pii: «Min kɔ́n ba n zoɛ̃ kɔn ka Tɔɔ kɛ-n wa. Min kɔ́n dɔ a boe la a zia baa a ganaa wa.»
5 #
Dan 7.8,25; 11.36 Tɔɔ babaraa piɛ̃ wole lɛ na á lɛ kɔ la, mà a din-koa ǹ boon da, ka sɔ kaa Lawa la ǹ boon ne. Á pàã kɔ la, mà a goã la yǎa mui pusiwenpaa. 6Bɛ lɛ ganaa gɔrɔ, á yoo a n sɔ kiɛ Lawa la, a n Lawa tɔ ziziɛ̃, a n boo baraa diɛ a giã ǹ bǎã kɛ ganaa, ka lon màn tumaa nɛ. 7#Dan 7.21 Lawa na á lɛ kɔ la, mà a zia baa a din a minin ganaa, a boo ǹ la. Gána tumaa, zaman tumaa, bɔlɔ totoro pɛle tumaa, tɔrɔ din tumaa ná a lɛ si. 8#Loe 69.29 Tán mànan tumaa tá re a guguru koe, a saa kanaa giala kɔ waáraa ganaa, min mɛnɛn tumaa bɛ́ ǹ tɔ goã kiɛ̃-n Lawa a yiikoonaabaa ǹ sɛ́wɔ kɛ-n wa, bɛn tumaa á re a guguru koe. Sère Nɛ mɛn bɛ́ ǹ nə́ dɛ lɛlɛ, bɛ wɔ-n ka bɛa sɛ́wɔ kɛ lɛ nɛ.
9Kasɛn mɛnɛn bɛ́ sii doɛ̃, ka n too kɔ ka boo kɛ ma. 10#Zer 15.2; 43.11 Min mɛnɛn doamaa bɛ́ nɛ ǹ bɛ̀rɛn baa, bɛn tá re woe bɛ̀rɛbaa ǹ bǎã nɛ. Gɔya gɛ̀ doamaa bɛ́ nɛ a min mɛnɛn dɛ, bɛn tá re gɔya gɛ̀ we. Bɛ lɛ a lɛa nɛ, kasɛn mɛnɛn bɛ́ tɔn Lawa a minin lɛa, ka doamaa-n ka n foo kũ, ka sii si ka ganaa.
11Má tɔ́n wusoo doo, má Tɔɔ kɔsɔ yɛ soe tán. A bɛn nə paa ka sère nɛ wɔ bɛ́ lɔn, sɛnɛ, a n boo diɛ ka tɔɔ babaraa piɛ̃ wole kɛ wɔ bɛ́ lɔn. 12Tɔɔ bibinaa lɛ na á pàã kɔ la, mà a sii tumaa zɛnaa ka asɛ din wɔ bɛ́ lɔn. Tɔɔ bibinaa mɛn bɛ́ ǹ ná a mìi yaga, ká a daa a gã, sɛnɛ, a busu lɛ lɛ nya, Tɔɔ paabaa ǹ wɔ kɛ lɛ na á goã tán minin tumaa kiɛ bɛ lɛ guguru kɔ ganaa ka pàã nɛ. 13Bɛa Tɔɔ paabaa ǹ wɔ lɛ na á goã kaãbaa ǹ sii dadaran zɛnɛɛ, á goã tɛ gisĩ lon kiɛ tán la, min din tumaa yii ni. 14Tɔɔ bibinaa lɛ pàã mɛn kɔ la, a na á goã tán minin yiri siɛ̃, ka bɛa kaãbaa ǹ siin lɛn nɛ, Tɔɔ lɛ yɔrɔ-a. Á pɛ tán minin manɛ, mà Tɔɔ bibinaa mɛn bɛ́ ǹ ná a mìi yaga, sɛnɛ, a ná a gã wa, mà ǹ nyín goon zɛnaa ka bɛ tɔ nɛ. 15Ǹ nə́ pàã din kɔ Tɔɔ paabaa ǹ wɔ lɛ la, mà a boo la a yiikoonaabaa ǹ piɛ̃ da Tɔɔ bibinaa lɛ nyín lɛ nɛ, ń giɛ nyín lɛ á boe la a boo da doɛ̃. Min mɛn tumaa bɛ́ a goã a nyín lɛ guguru koe wa, á pɛ, mà ǹ bɛ tumaa dɛ a gã. 16Minbuiin din tumaa, a bɔnboɛɛnɛn laanka a dadaran nɛ, pàãman laanka doobaan nɛ, bɛ̀rɛn laanka tá ma din gɔn wìi a lɛa wolen ne, a na á goã bɛn tumaa kuĩ ka pàã nɛ, bɛ̀ a nyaǹ kiɛ̃ ǹ gusin a gɔn ganaa hinlaa ǹ nyanlɛ ganaa. 17Bɛ̀ bɛa nyaǹ lɛ ba min woo min ganaa wa, a ba boe la a tá màn kɔ́n pii wa, a boe la a màn kɔ́n dɔ sã wa. Bɛa nyaǹ lɛ n Tɔɔ lɛ din tɔ lɛa, hinlaa màn-nimii mɛn bɛ́ kɔnpii ka a tɔ lɛ nɛ.
18Sii-doɛ̃ sii n ke kanna. Bɛ̀ min mɛn yiri tan, bɛ n boe la a Tɔɔ lɛ a màn-nimii lɛ lɛ dɔ̃. A giala bɛa màn-nimii lɛ lɛ n kɔnpii ka min tɔ nɛ. A màn-nimii lɛ lɛ n biɛsɔrɔ ka pɔsɔrɔwensɔrɔ (666).
Currently Selected:
SNS 13: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
SNS 13
13
Tɔɔ màn paa boo
1 #
Dan 7.3; SNS 17.3,7-12 Bɛ lɛ ganaa, má tɔ́n Tɔɔ goon yɛ soe yìsi mu gole lɛ li. A bɛn nə fù, a mìi n sɔbaa. Kiibaa ǹ bafolo n we ne a bɛn gogoonmaa tumaa ganaa, sɔ kɔ Lawa ganaa ǹ boo n kiɛ̃ nɛ a mìi gogoonmaa tumaa ganaa. 2#Dan 7.4-6 Ma Tɔɔ mɛn yɛ, a na á kɔnbɔ ka goe ne, a gòãn man nə́ kɔnbɔ ka gòon màn gole gòãn nɛ, a lɛ na á kɔnbɔ ka yàra lɛ nɛ. Tɔɔ babaraa piɛ̃-wole kɛ ná a din pàã kɔ la, ka a kii dankan nɛ ka boo sii la gole ne. 3A mìin lɛn goon ne ka maǹ nə mà bɔ a ganaa lɛlɛ ká a daa a gã, sɛnɛ, a busu lɛ lɛ nya. Tán min din tumaa goã giɛ a ganaa ka kaãbaa nɛ, bɛ̀ ǹ kɔ lɛ. 4Ǹ tumaa yoo, ǹ nə́ tɔɔ babaraa piɛ̃ wole kɛ guguru koe, a giala a ná a din pàã kɔ Tɔɔ goon kɛ la. Maǹ bɛa Tɔɔ lɛ dɔ guguru koe ka a dɔ wɔ bɛ́ lɔn, ǹ nə́ pii: «Min kɔ́n ba n zoɛ̃ kɔn ka Tɔɔ kɛ-n wa. Min kɔ́n dɔ a boe la a zia baa a ganaa wa.»
5 #
Dan 7.8,25; 11.36 Tɔɔ babaraa piɛ̃ wole lɛ na á lɛ kɔ la, mà a din-koa ǹ boon da, ka sɔ kaa Lawa la ǹ boon ne. Á pàã kɔ la, mà a goã la yǎa mui pusiwenpaa. 6Bɛ lɛ ganaa gɔrɔ, á yoo a n sɔ kiɛ Lawa la, a n Lawa tɔ ziziɛ̃, a n boo baraa diɛ a giã ǹ bǎã kɛ ganaa, ka lon màn tumaa nɛ. 7#Dan 7.21 Lawa na á lɛ kɔ la, mà a zia baa a din a minin ganaa, a boo ǹ la. Gána tumaa, zaman tumaa, bɔlɔ totoro pɛle tumaa, tɔrɔ din tumaa ná a lɛ si. 8#Loe 69.29 Tán mànan tumaa tá re a guguru koe, a saa kanaa giala kɔ waáraa ganaa, min mɛnɛn tumaa bɛ́ ǹ tɔ goã kiɛ̃-n Lawa a yiikoonaabaa ǹ sɛ́wɔ kɛ-n wa, bɛn tumaa á re a guguru koe. Sère Nɛ mɛn bɛ́ ǹ nə́ dɛ lɛlɛ, bɛ wɔ-n ka bɛa sɛ́wɔ kɛ lɛ nɛ.
9Kasɛn mɛnɛn bɛ́ sii doɛ̃, ka n too kɔ ka boo kɛ ma. 10#Zer 15.2; 43.11 Min mɛnɛn doamaa bɛ́ nɛ ǹ bɛ̀rɛn baa, bɛn tá re woe bɛ̀rɛbaa ǹ bǎã nɛ. Gɔya gɛ̀ doamaa bɛ́ nɛ a min mɛnɛn dɛ, bɛn tá re gɔya gɛ̀ we. Bɛ lɛ a lɛa nɛ, kasɛn mɛnɛn bɛ́ tɔn Lawa a minin lɛa, ka doamaa-n ka n foo kũ, ka sii si ka ganaa.
11Má tɔ́n wusoo doo, má Tɔɔ kɔsɔ yɛ soe tán. A bɛn nə paa ka sère nɛ wɔ bɛ́ lɔn, sɛnɛ, a n boo diɛ ka tɔɔ babaraa piɛ̃ wole kɛ wɔ bɛ́ lɔn. 12Tɔɔ bibinaa lɛ na á pàã kɔ la, mà a sii tumaa zɛnaa ka asɛ din wɔ bɛ́ lɔn. Tɔɔ bibinaa mɛn bɛ́ ǹ ná a mìi yaga, ká a daa a gã, sɛnɛ, a busu lɛ lɛ nya, Tɔɔ paabaa ǹ wɔ kɛ lɛ na á goã tán minin tumaa kiɛ bɛ lɛ guguru kɔ ganaa ka pàã nɛ. 13Bɛa Tɔɔ paabaa ǹ wɔ lɛ na á goã kaãbaa ǹ sii dadaran zɛnɛɛ, á goã tɛ gisĩ lon kiɛ tán la, min din tumaa yii ni. 14Tɔɔ bibinaa lɛ pàã mɛn kɔ la, a na á goã tán minin yiri siɛ̃, ka bɛa kaãbaa ǹ siin lɛn nɛ, Tɔɔ lɛ yɔrɔ-a. Á pɛ tán minin manɛ, mà Tɔɔ bibinaa mɛn bɛ́ ǹ ná a mìi yaga, sɛnɛ, a ná a gã wa, mà ǹ nyín goon zɛnaa ka bɛ tɔ nɛ. 15Ǹ nə́ pàã din kɔ Tɔɔ paabaa ǹ wɔ lɛ la, mà a boo la a yiikoonaabaa ǹ piɛ̃ da Tɔɔ bibinaa lɛ nyín lɛ nɛ, ń giɛ nyín lɛ á boe la a boo da doɛ̃. Min mɛn tumaa bɛ́ a goã a nyín lɛ guguru koe wa, á pɛ, mà ǹ bɛ tumaa dɛ a gã. 16Minbuiin din tumaa, a bɔnboɛɛnɛn laanka a dadaran nɛ, pàãman laanka doobaan nɛ, bɛ̀rɛn laanka tá ma din gɔn wìi a lɛa wolen ne, a na á goã bɛn tumaa kuĩ ka pàã nɛ, bɛ̀ a nyaǹ kiɛ̃ ǹ gusin a gɔn ganaa hinlaa ǹ nyanlɛ ganaa. 17Bɛ̀ bɛa nyaǹ lɛ ba min woo min ganaa wa, a ba boe la a tá màn kɔ́n pii wa, a boe la a màn kɔ́n dɔ sã wa. Bɛa nyaǹ lɛ n Tɔɔ lɛ din tɔ lɛa, hinlaa màn-nimii mɛn bɛ́ kɔnpii ka a tɔ lɛ nɛ.
18Sii-doɛ̃ sii n ke kanna. Bɛ̀ min mɛn yiri tan, bɛ n boe la a Tɔɔ lɛ a màn-nimii lɛ lɛ dɔ̃. A giala bɛa màn-nimii lɛ lɛ n kɔnpii ka min tɔ nɛ. A màn-nimii lɛ lɛ n biɛsɔrɔ ka pɔsɔrɔwensɔrɔ (666).
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.