SNS 16
16
Sana kaaran sɔbaa kɛ boo
1Má lɛn gole ma boe Lawa a kion, a n pii lon a dia dí-a wole sɔbaa kɛ nɛ: «Ka wo Lawa a foo-yoo paan sɔbaa kɛ binyəə tán la.»
2 #
BBN 9.10
Lon a dia dí-a wole lɛ a bibinaa woo a wɔ binyəə tán. Bɛ ganaa, Tɔɔ lɛ a nyaǹ-kiɛ̃ goã min mɛnɛn tumaa ganaa, ǹ na a nyín dɔ guguru koe, baayɛrɛ babaraa bɔ ǹ tumaa ganaa, a n busi taãn-tãnɛ.
3A paabaa ǹ wɔ ná a wɔ binyəə yìsi mu gole li. Mu lɛ nə́ n baa ka gere mà bɛ́ lɔn, màn yiikoonaan mɛnɛn tumaa bɛ́ kɔ̀ mu li, ǹ tumaa gã.
4 #
BBN 7.17-21; Loe 78.44 A sɔɔbaa ǹ wɔ woo a wɔ binyə tàn nɛ, ka mu yalan nɛ, ǹ mu nə́ n bɔyaa á mà baa. 5Lon a dia dí-a wole mɛn bɛ́ mun tumaa lɛduĩ, má tɔ́n bɛ lɛ ma pii: «Lawa sonbore, nsɛ mɛn bɛ́ n tan, n goã n tan, n kiri kuru ǹ gɔn kɛ á pepere. 6Minin lɛn bɛ́ ǹ nə́ n min sonboren laanka n boo gii-dalin mà kaa tán, bɛ lɛ nɛ, ma dɔ mà kɔ ǹ la, máa ǹ mi. Ǹ tá kɔnboe ka bɛ nɛ!» 7Má lɛn goon ma boe wúlu bɔ Lawa ganaa ǹ bǎã genli, a n pii: «Hiĩ, Dɛnaa Lawa Pàãyiidɛnaa, n kiri-kuru ǹ yɔrɔn kɛn tá taãnɛ, ǹ nə́ pepere dɔn!»
8Lon a dia dí-a wole siibaa ǹ wɔ tɔ́n a wɔ binyə wasa ganaa. Ǹ nə́ lɛ kɔ la, mà a tɛ bɔ a minbuiinin tã nɛ. 9Tɛ fuu gole bɛ́ á minbuiinin tã, Lawa mɛn bɛ́ koe kɛ a bɔ ǹ pàã ná a lon, ǹ nə́ n tã la, ǹ nə́ sɔ kiɛ la, ǹ wusoo ǹ sii-zɛnaan kio ǹ nə́ gugurubaa kɔ Lawa la duduu wa.
10 #
BBN 10.21
Lon a dia dí-a wole lɛ a soorobaa ǹ wɔ ná a wɔ binyəə Tɔɔ lɛ a kii dankan ganaa. A pàã giulun minin tumaa papaã wɔlɔ tì li. Min tumaa goã sɔn doe a din lɛwɔn ganaa là-paparɛɛ gɔn. 11Ǹ là-paparɛɛ kɛ laanka ǹ baayɛrɛn kɛn lɛa, ǹ nə́ goã sɔ kiɛ lon a Lawa la, sɛnɛ, ǹ nə n taasɛ ǹ nə́ wusoo ǹ sii-zɛnaan kio wa.
12 #
Iza 11.15
Lon a dia dí-a wole sɔrɔbaa ǹ wɔ kɛ ná a wɔ binyəə Efrati tà gole mu li. Tà mu lɛ piɛ̃, á boo la á zii kɔ lɛ̀giala a kiin la mà ǹ kiɛ̃. 13Má nɔ̀ɔn baraa màn sɔɔ yɛ, ǹ nə́ kɔnbɔ ka sɔmɔnɔn nɛ. Ǹ nə́ soo tɔɔ babaraa piɛ̃ wole kɛ lɛ nɛ, ka Tɔɔ kɔsɔ dɔ lɛ nɛ, ka ǹ boo gii-dali soɛ-bɔle kɛ lɛ nɛ. 14*Sɛtaan yirin manɛ, ǹ nə́ kaãbaa ǹ siin zɛnɛɛ. Bɛa nɔ̀ɔn babaraa màn sɔɔ kɛ lɛ n woe tán paǹ tumaa a kiin li, ń giɛ, ǹ tá n lɛ soekɔn, ǹ die ǹ zia baa Lawa Pàãyiidɛnaa a lɛawaa gole kɛ a pinaa.
15 #
Mat 24.43,44; Luk 12.39,40; SNS 3.3 Á ke, Dɛnaa boo mɛn da: «Man die ka tɔwɛɛ ka wurumu wɔ bɛ́ lɔn. Min mɛn bɛ́ n yiri koɛ a din li, a ná a mɔnaan we, bɛa dɛnaa wɔ á bǐɛ̃ koe, a re woe ka a gɔ̀nɔn kooro ne, ǹ na a sìi yɛ kanaa wa.»
16 #
Kiin2 23.29; Zak 12.11 Nɔ̀ɔn baraa sɔɔ lɛ kiin tumaa lɛ sɔkɔn bǎã goon ne, ǹ nə́ bíi ka *Ebrəə bɔlɔ nɛ, mà "Harmagedɔn"#16.16 Harmagedɔn lɛ n Megidoo kiwi a kele goon tɔ lɛa. A n kunu Karmɛli kele ganaa..
17Lon a dia dí-a wole sɔbaabaa ǹ wɔ dɔ tɔ́n a kaaran kɛ pɛsɛ̃ piɛ̃ li. Lɛn gole goon bɔ Lawa a Kion, a n boe kii dankan paǹ li, a n pii: «A n zɛnaa kəni!» 18#SNS 8.5; 11.13,19 La a tɛ-pɛn nə́ yɛ, màn wuun nə́ bɔ, la a paraa wuu bɔ ka yɔrɔ kɔ́n nɛ, tán bìn da parsiini. A saa minbuiin a zɛnaa waáraa ganaa, bɛa tán bìn-diɛ kɛ miã tɔrɔ tɔn yɛ wa, a na á baraa kɔ ka yɔrɔ kɔ́n nɛ! 19#Iza 51.17 Kiwi gole lɛ nə́ n talakɔn sɔɔ, gánan tumaa a kiwin nə́ bɔ ǹ nə́ kaa. Lawa nə́ n yiri koa *Baabilonii kiwi gole kɛ a zɛnaa ǹ sii ni, á da Lawa a foo-yoo ǹ duvɛ̃ mii ganaa, ǹ mɛn lɛ bɛ́ Lawa a foo-yoo gole paan kɛ nɛ. 20#SNS 6.14 Mu li ǹ kelen nə́ papaã, min tán a kele kɔ́n dɔ yɛ bii-a doo wa. 21#BBN 9.23; SNS 11.19 La gii mɛn bɛ́, a gugurubaa n doe kilo pusi, bɛ na á goã boe lon minbuiin lɛ dii tán. Minbuiin lɛ goã sɔ kiɛ Lawa la, mà wàa na á baa á koe bɔ ǹsɛn ganaa ka la gii kɛ tɔrɔ nɛ, a giala mà koe lɛ bɔbɔnɛɛ kɔ á la yii ni.
Currently Selected:
SNS 16: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
SNS 16
16
Sana kaaran sɔbaa kɛ boo
1Má lɛn gole ma boe Lawa a kion, a n pii lon a dia dí-a wole sɔbaa kɛ nɛ: «Ka wo Lawa a foo-yoo paan sɔbaa kɛ binyəə tán la.»
2 #
BBN 9.10
Lon a dia dí-a wole lɛ a bibinaa woo a wɔ binyəə tán. Bɛ ganaa, Tɔɔ lɛ a nyaǹ-kiɛ̃ goã min mɛnɛn tumaa ganaa, ǹ na a nyín dɔ guguru koe, baayɛrɛ babaraa bɔ ǹ tumaa ganaa, a n busi taãn-tãnɛ.
3A paabaa ǹ wɔ ná a wɔ binyəə yìsi mu gole li. Mu lɛ nə́ n baa ka gere mà bɛ́ lɔn, màn yiikoonaan mɛnɛn tumaa bɛ́ kɔ̀ mu li, ǹ tumaa gã.
4 #
BBN 7.17-21; Loe 78.44 A sɔɔbaa ǹ wɔ woo a wɔ binyə tàn nɛ, ka mu yalan nɛ, ǹ mu nə́ n bɔyaa á mà baa. 5Lon a dia dí-a wole mɛn bɛ́ mun tumaa lɛduĩ, má tɔ́n bɛ lɛ ma pii: «Lawa sonbore, nsɛ mɛn bɛ́ n tan, n goã n tan, n kiri kuru ǹ gɔn kɛ á pepere. 6Minin lɛn bɛ́ ǹ nə́ n min sonboren laanka n boo gii-dalin mà kaa tán, bɛ lɛ nɛ, ma dɔ mà kɔ ǹ la, máa ǹ mi. Ǹ tá kɔnboe ka bɛ nɛ!» 7Má lɛn goon ma boe wúlu bɔ Lawa ganaa ǹ bǎã genli, a n pii: «Hiĩ, Dɛnaa Lawa Pàãyiidɛnaa, n kiri-kuru ǹ yɔrɔn kɛn tá taãnɛ, ǹ nə́ pepere dɔn!»
8Lon a dia dí-a wole siibaa ǹ wɔ tɔ́n a wɔ binyə wasa ganaa. Ǹ nə́ lɛ kɔ la, mà a tɛ bɔ a minbuiinin tã nɛ. 9Tɛ fuu gole bɛ́ á minbuiinin tã, Lawa mɛn bɛ́ koe kɛ a bɔ ǹ pàã ná a lon, ǹ nə́ n tã la, ǹ nə́ sɔ kiɛ la, ǹ wusoo ǹ sii-zɛnaan kio ǹ nə́ gugurubaa kɔ Lawa la duduu wa.
10 #
BBN 10.21
Lon a dia dí-a wole lɛ a soorobaa ǹ wɔ ná a wɔ binyəə Tɔɔ lɛ a kii dankan ganaa. A pàã giulun minin tumaa papaã wɔlɔ tì li. Min tumaa goã sɔn doe a din lɛwɔn ganaa là-paparɛɛ gɔn. 11Ǹ là-paparɛɛ kɛ laanka ǹ baayɛrɛn kɛn lɛa, ǹ nə́ goã sɔ kiɛ lon a Lawa la, sɛnɛ, ǹ nə n taasɛ ǹ nə́ wusoo ǹ sii-zɛnaan kio wa.
12 #
Iza 11.15
Lon a dia dí-a wole sɔrɔbaa ǹ wɔ kɛ ná a wɔ binyəə Efrati tà gole mu li. Tà mu lɛ piɛ̃, á boo la á zii kɔ lɛ̀giala a kiin la mà ǹ kiɛ̃. 13Má nɔ̀ɔn baraa màn sɔɔ yɛ, ǹ nə́ kɔnbɔ ka sɔmɔnɔn nɛ. Ǹ nə́ soo tɔɔ babaraa piɛ̃ wole kɛ lɛ nɛ, ka Tɔɔ kɔsɔ dɔ lɛ nɛ, ka ǹ boo gii-dali soɛ-bɔle kɛ lɛ nɛ. 14*Sɛtaan yirin manɛ, ǹ nə́ kaãbaa ǹ siin zɛnɛɛ. Bɛa nɔ̀ɔn babaraa màn sɔɔ kɛ lɛ n woe tán paǹ tumaa a kiin li, ń giɛ, ǹ tá n lɛ soekɔn, ǹ die ǹ zia baa Lawa Pàãyiidɛnaa a lɛawaa gole kɛ a pinaa.
15 #
Mat 24.43,44; Luk 12.39,40; SNS 3.3 Á ke, Dɛnaa boo mɛn da: «Man die ka tɔwɛɛ ka wurumu wɔ bɛ́ lɔn. Min mɛn bɛ́ n yiri koɛ a din li, a ná a mɔnaan we, bɛa dɛnaa wɔ á bǐɛ̃ koe, a re woe ka a gɔ̀nɔn kooro ne, ǹ na a sìi yɛ kanaa wa.»
16 #
Kiin2 23.29; Zak 12.11 Nɔ̀ɔn baraa sɔɔ lɛ kiin tumaa lɛ sɔkɔn bǎã goon ne, ǹ nə́ bíi ka *Ebrəə bɔlɔ nɛ, mà "Harmagedɔn"#16.16 Harmagedɔn lɛ n Megidoo kiwi a kele goon tɔ lɛa. A n kunu Karmɛli kele ganaa..
17Lon a dia dí-a wole sɔbaabaa ǹ wɔ dɔ tɔ́n a kaaran kɛ pɛsɛ̃ piɛ̃ li. Lɛn gole goon bɔ Lawa a Kion, a n boe kii dankan paǹ li, a n pii: «A n zɛnaa kəni!» 18#SNS 8.5; 11.13,19 La a tɛ-pɛn nə́ yɛ, màn wuun nə́ bɔ, la a paraa wuu bɔ ka yɔrɔ kɔ́n nɛ, tán bìn da parsiini. A saa minbuiin a zɛnaa waáraa ganaa, bɛa tán bìn-diɛ kɛ miã tɔrɔ tɔn yɛ wa, a na á baraa kɔ ka yɔrɔ kɔ́n nɛ! 19#Iza 51.17 Kiwi gole lɛ nə́ n talakɔn sɔɔ, gánan tumaa a kiwin nə́ bɔ ǹ nə́ kaa. Lawa nə́ n yiri koa *Baabilonii kiwi gole kɛ a zɛnaa ǹ sii ni, á da Lawa a foo-yoo ǹ duvɛ̃ mii ganaa, ǹ mɛn lɛ bɛ́ Lawa a foo-yoo gole paan kɛ nɛ. 20#SNS 6.14 Mu li ǹ kelen nə́ papaã, min tán a kele kɔ́n dɔ yɛ bii-a doo wa. 21#BBN 9.23; SNS 11.19 La gii mɛn bɛ́, a gugurubaa n doe kilo pusi, bɛ na á goã boe lon minbuiin lɛ dii tán. Minbuiin lɛ goã sɔ kiɛ Lawa la, mà wàa na á baa á koe bɔ ǹsɛn ganaa ka la gii kɛ tɔrɔ nɛ, a giala mà koe lɛ bɔbɔnɛɛ kɔ á la yii ni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.