Tiiti 3
3
Lawa-nyankɔle a giã ǹ gɔn
1Lawa-nyankɔlen tumaa yiri da a nɛ, mà ǹ doamaa nɛ, ǹ nə n doroo nyɛɛnaan-bɔlen laanka pàãdɛnan manɛ. Mà ǹ doamaa nɛ ǹ nə ǹ lɛ si, ǹ goã dí sonbore tumaa nya a lɛa. 2Mà ǹ nyan boo baraa da min kɔ́n ganaa wa, ǹ nə n bɔ zia wɔlɔ li. A pɛ ǹ nɛ, mà ǹ nə n dinin nyaa yiri koa minin li wolen lɛa, ǹ nə ǹ min basiɛ̃baa nyaa min tumaa wɔ paǹ li biikoo tumaa li. 3A giala, lɛlɛ, wɔsɛn dɔn man wɔ goã yiri wɛɛnaan lɛa, lɛ-tiilin lɛa, sã wolen lɛa. Wɔ dɔn man wɔ́ goã taasiɛn laanka foo sii baraa tɔrɔ gigiã a bɛ̀rɛn lɛa. Wɔ ǹ wɔ́ goã wɔa yiikoonaabaa zɛnɛɛ baraabaa gɔ́ɔ̃ nɛ, ka yiri koa sii ganaa nɛ. Wɔ goã bɔnɛɛ taãn-taãnɛ, wɔ n kɔn biɛ zɔ́ɔ.
4Sɛnɛ, wɔ Kirisibaali Lawa bɛ́ a ná a sonborebaa laanka a minin narɛ ǹ sii zɛnaa minbuiinin ni, 5a na á wɔ kirisibaa ka bɛ nɛ. A bie á zɛnaa mà wɔ ǹ wɔ́ dí peperen nya wa, sɛnɛ, a na á zɛnaa a giala, mà wɔ makara na á bɔ a ganaa. Wɔ bɛ́ wɔ́ *batɛmu mɛn yɛ, Lawa a Yiri Fu bɛ́ n toɛ bɛ gɔ́ɔ̃ nɛ, a wusoo a yɛ ka nyin dii-n mɛn kɔ wɔ la, a na á wɔ kirisibaa bɛa lɛa. 6Lawa na á bɛa Yiri Fu lɛ gisĩ wɔ la gigiã, wɔ Nyin-sili Yezu *Krita barka nɛ. 7Bɛ na á n zɛnaa, màn mɛn bɛ́ toɛ, a bǐɛ̃ kɛ wɔ baa min peperen lɛa a din yɔrɔ-a. Wɔ bɛ́ n yiri koɛ nyin-nyabaã wole mɛn ganaa, wɔ boo la wɔ bɛ yɛ. 8Bɛ lɛ n boo taãn lɛa, min nə́ boe la, a n foo doa a ganaa.
Man giɛ li, máa n bɛ lɛ pɛ n laa parsiini, ń giɛ golee Lawa li wolen tá n tele, ǹ dí sonboren nyali taãnan baa. Màn mɛn bɛ́ siĩni, a là n minbuiinin ganaa, bɛ lɛ n ka bɛ nɛ. 9Sɛnɛ, ga sii giala li kooron kɛn, ka digolo damata boo diɛ nɛ, ka zian nɛ, ka yɔ-bɔ landa siin lɛa nɛ, n die n nə n bɔ bɛn tumaa wɔlɔ li. Bɛn kɔ́n là banban, sii kooron manɛ. 10Min mɛn bɛ́ na kɔn-a ǹ dí nyɛɛ, n nə n dan da bɛ nɛ a dɔ gunyin paa, n tɔn yɛ n toa. 11N tá doɛ̃, mà bɛa min kɛ lɛ miã na á n dɔ̀ɔ̃ kɔ zii pepere ne, mà a n sii baraa-zɛnaali lɛa, mà a n dɔlɔ diɛ a din mìi ni.
Dí kɔ giala-nyɔmɔɔn boo
12 #
NDS 20.4; Efɛ 6.21-22; Kol 4.7-8; Tim2 4.12 Bɛ̀ má Artemaasi hinlaa Tisiki dia n li biikoo mɛn li, n doa, n da ma yaa Nikopolisi kiwi. Sonbore má n yɔrɔ bɔ, man die bɔ̀nɔn zɛnɛɛ walan. 13#NDS 18.24; Kor1 16.12N doa, n nə n dɔ boo da minin lɛa wole Zenaasi lɛ ka Apolɔɔsi ni, ǹ zii tɔ wɔ kɛ a lɛa, ń giɛ màn kɔ́n baran nyaabaa ǹ ganaa wa. 14Wɔ dɔn Lawa-nyankɔlen lɛn doamaa nɛ ǹ nə n daraa dí sonbore nyali taãnbaa lɛ ganaa. Màn mɛn bɛ́ toɛ, ǹ boo la ǹ laadoo taãnan saa ǹ bɔ kɔn la. Bɛa yɔrɔ kɛ la, ǹ tá kanaa ba re goɛ̃ là ná a ba a ganaa wa.
15Min mɛnɛn tumaa bɛ́ kun ka ma nɛ, ǹ tá fòo diɛ n nɛ. Min mɛnɛn bɛ́ wɔa giaáran lɛa goleemali gɔ́ɔ̃ nɛ, n dɔ maa fòo da bɛn manɛ.
Lawa a bǐɛ̃ die a goã ka tumaa li.
Currently Selected:
Tiiti 3: SBPE2011
Highlight
Share
Compare
Copy
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
Tiiti 3
3
Lawa-nyankɔle a giã ǹ gɔn
1Lawa-nyankɔlen tumaa yiri da a nɛ, mà ǹ doamaa nɛ, ǹ nə n doroo nyɛɛnaan-bɔlen laanka pàãdɛnan manɛ. Mà ǹ doamaa nɛ ǹ nə ǹ lɛ si, ǹ goã dí sonbore tumaa nya a lɛa. 2Mà ǹ nyan boo baraa da min kɔ́n ganaa wa, ǹ nə n bɔ zia wɔlɔ li. A pɛ ǹ nɛ, mà ǹ nə n dinin nyaa yiri koa minin li wolen lɛa, ǹ nə ǹ min basiɛ̃baa nyaa min tumaa wɔ paǹ li biikoo tumaa li. 3A giala, lɛlɛ, wɔsɛn dɔn man wɔ goã yiri wɛɛnaan lɛa, lɛ-tiilin lɛa, sã wolen lɛa. Wɔ dɔn man wɔ́ goã taasiɛn laanka foo sii baraa tɔrɔ gigiã a bɛ̀rɛn lɛa. Wɔ ǹ wɔ́ goã wɔa yiikoonaabaa zɛnɛɛ baraabaa gɔ́ɔ̃ nɛ, ka yiri koa sii ganaa nɛ. Wɔ goã bɔnɛɛ taãn-taãnɛ, wɔ n kɔn biɛ zɔ́ɔ.
4Sɛnɛ, wɔ Kirisibaali Lawa bɛ́ a ná a sonborebaa laanka a minin narɛ ǹ sii zɛnaa minbuiinin ni, 5a na á wɔ kirisibaa ka bɛ nɛ. A bie á zɛnaa mà wɔ ǹ wɔ́ dí peperen nya wa, sɛnɛ, a na á zɛnaa a giala, mà wɔ makara na á bɔ a ganaa. Wɔ bɛ́ wɔ́ *batɛmu mɛn yɛ, Lawa a Yiri Fu bɛ́ n toɛ bɛ gɔ́ɔ̃ nɛ, a wusoo a yɛ ka nyin dii-n mɛn kɔ wɔ la, a na á wɔ kirisibaa bɛa lɛa. 6Lawa na á bɛa Yiri Fu lɛ gisĩ wɔ la gigiã, wɔ Nyin-sili Yezu *Krita barka nɛ. 7Bɛ na á n zɛnaa, màn mɛn bɛ́ toɛ, a bǐɛ̃ kɛ wɔ baa min peperen lɛa a din yɔrɔ-a. Wɔ bɛ́ n yiri koɛ nyin-nyabaã wole mɛn ganaa, wɔ boo la wɔ bɛ yɛ. 8Bɛ lɛ n boo taãn lɛa, min nə́ boe la, a n foo doa a ganaa.
Man giɛ li, máa n bɛ lɛ pɛ n laa parsiini, ń giɛ golee Lawa li wolen tá n tele, ǹ dí sonboren nyali taãnan baa. Màn mɛn bɛ́ siĩni, a là n minbuiinin ganaa, bɛ lɛ n ka bɛ nɛ. 9Sɛnɛ, ga sii giala li kooron kɛn, ka digolo damata boo diɛ nɛ, ka zian nɛ, ka yɔ-bɔ landa siin lɛa nɛ, n die n nə n bɔ bɛn tumaa wɔlɔ li. Bɛn kɔ́n là banban, sii kooron manɛ. 10Min mɛn bɛ́ na kɔn-a ǹ dí nyɛɛ, n nə n dan da bɛ nɛ a dɔ gunyin paa, n tɔn yɛ n toa. 11N tá doɛ̃, mà bɛa min kɛ lɛ miã na á n dɔ̀ɔ̃ kɔ zii pepere ne, mà a n sii baraa-zɛnaali lɛa, mà a n dɔlɔ diɛ a din mìi ni.
Dí kɔ giala-nyɔmɔɔn boo
12 #
NDS 20.4; Efɛ 6.21-22; Kol 4.7-8; Tim2 4.12 Bɛ̀ má Artemaasi hinlaa Tisiki dia n li biikoo mɛn li, n doa, n da ma yaa Nikopolisi kiwi. Sonbore má n yɔrɔ bɔ, man die bɔ̀nɔn zɛnɛɛ walan. 13#NDS 18.24; Kor1 16.12N doa, n nə n dɔ boo da minin lɛa wole Zenaasi lɛ ka Apolɔɔsi ni, ǹ zii tɔ wɔ kɛ a lɛa, ń giɛ màn kɔ́n baran nyaabaa ǹ ganaa wa. 14Wɔ dɔn Lawa-nyankɔlen lɛn doamaa nɛ ǹ nə n daraa dí sonbore nyali taãnbaa lɛ ganaa. Màn mɛn bɛ́ toɛ, ǹ boo la ǹ laadoo taãnan saa ǹ bɔ kɔn la. Bɛa yɔrɔ kɛ la, ǹ tá kanaa ba re goɛ̃ là ná a ba a ganaa wa.
15Min mɛnɛn tumaa bɛ́ kun ka ma nɛ, ǹ tá fòo diɛ n nɛ. Min mɛnɛn bɛ́ wɔa giaáran lɛa goleemali gɔ́ɔ̃ nɛ, n dɔ maa fòo da bɛn manɛ.
Lawa a bǐɛ̃ die a goã ka tumaa li.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.