यूहन्ना 15
15
अङ्गूरिक ब्वाँट ओ हङ्ग्या
1येशू कल, “सत्य अङ्गूरिक ब्वाँट मै हुइटुँ, ओ म्वार बाबा किसान हुइट। 2म्वारम रहल फारा नैफरैना हङ्ग्या सब उहाँ छाँट्देठ, तर फारा फरैना हङ्ग्यम झन् धेर फारा लागी कैक उहाँ सफा कर्ठ। 3किसान हङ्गेह सफा करअस मै टुँहन कहल वचनले टुह्र पैल्हहेँ शुद्ध होरलो। 4म्वारम रहो, ओ मै टुन्हकम रहम। जसहेँक हङ्ग्या अङ्गूरिक ब्वाँटिम नैरहल कलसे उ अपन्हे फारा फराइ नैस्याकट्, ओसहेँक टुह्र म्वारम नैरबो कलसे टुह्र फे फारा फराइ नैसेक्बो।
5“अङ्गूरिक ब्वाँट मै हुइटुँ, ओ टुह्रजुन हङ्ग्या हुइटो। यदि कुई म्वारम रहल, ओ मै वाकरम रनु कलसे, ऊ धेर फारा फरैठा। महीसे अल्ग रह्क टुह्र कुछु कर नैसेक्टो। 6यदि कौनो मनैया म्वारम नैरहल कलसे, ऊ काट्गैल् हङ्ग्याअस बाहर लब्डाजैठा, ओ उ सुखजैठा। असिन हङ्ग्या मनै बिटोर्क आगीम फाँकदेठ, ओ उ जरजैठा। 7यदि टुह्र म्वारम रबो ओ म्वार कहल वचन टुन्हकम रही कलसे, टुह्र आपन मन लागल चिज माँगसेक्ठो, ओ टुह्र आपन माङ्गल चिज पैबो। 8टुह्र धेर फारा फरैबो त म्वार बाबक महिमा प्रकट हुइनेबा ओ टुह्र म्वार चेला रलक बात देखपरी।
9“जसहेँक म्वार बाबा महीह प्रेम कर्ल, ओसहेँक मै फे टुँहन प्रेम कैरख्नु। आब टुह्र म्वार प्रेमम पलरहो। 10मै आपन बाबक आज्ञापालन कैक उहाँक प्रेमम पलरठुँ। ओसहेँक टुह्र म्वार आज्ञापालन कर्बो कलसे, टुह्र फे म्वार प्रेमम पलरबो। 11म्वार आनन्द टुन्हकम रही ओ टुन्हक आनन्द पूरा हुई कैक मै टुँहन यी बात कनहुँ।
12“म्वार आज्ञा यिह हो: जसहेँक मै टुँहन प्रेम कर्नु, ओसहेँक टुह्र फे एक-औरजहन प्रेम करो।#यूह १३:३४; १५:१७; १ यूह ३:२३; २ यूह ५ 13सबसे महान प्रेम कलक आपन सङ्घारीक लाग आपन प्राण देना हो, यहीसे महान प्रेम और कुछु नैहो। 14यदि टुह्र म्वार आज्ञापालन कर्टीरबो कलसे, टुह्र म्वार सङ्घरेन हुइटो। 15आबठेसे मै टुँहन कमारा नैकहम, काकरकि मालिक का कर्टिबाट कना बात कमारह कुछु जानकारी नैरटस। तर मै टुँहन सङ्घरेन कनु, काकरकि मै आपन बाबसे सुनल बात सब टुँहन जनादेरख्नु। 16महीह टुह्र नैरोज्लो, तर मै टुँहन रोज्नु। टुह्र जाओ, ओ सड्डभर पलरना फारा फराओ कैक टुँहन नियुक्त कर्नु। तब टुह्र म्वार नाउँम बाबसे ज्या मङ्ग्लसे फे उहाँ टुँहन देनेबाट। 17मै टुँहन यी आज्ञा देहटुँ: एक-औरजहन प्रेम करो।
मनै चेलन हेल्हा कर्ना बात
18“यदि संसारक मनै टुँहन हेल्हा करहीँ कलसे, टुँहनसे आघ हुँक्र महीह हेल्हा कर्ल कना बात याद करो। 19यदि टुह्र यी संसारक रटो कलसे, संसारक मनै टुँहन आपन मनै मान्क प्रेम कर्नेरलह। तर टुह्र यी संसारक नैहुइटो। टुँहन संसारमसे मै रोज्नु, उहओर्से संसारक मनै टुँहन हेल्हा कर्ठ। 20‘नोकर मालिकसे महान नैरहट्’ कैक म्वार कहल वचन सम्झो। हुँक्र महीह सँतैल कलसे, टुँहन फे सँतैहीँ। यदि हुँक्र म्वार कहल मनहीँ कलसे, टुन्हक कहल फे मनहीँ।#मत्ती १०:२४; लूक ६:४०; यूह १३:१६ 21टुह्र म्वार नाउँम विश्वास कर्लक कारण हुँक्र टुँहन ओसिन व्यवहार करहीँ, काकरकि हुँक्र महीह पठुइयह नैचिह्न्ट। 22यदि मै आक हुँकन कुछु नैकटुँ कलसे, हुँक्र पापक दोषी नैहुइनेरलह। तर आब हुँकन आपन पापक बहाना बनैना कुछु ठाउँ नैहुइटन। 23महीह हेल्हा करुइया म्वार बाबह फे हेल्हा कर्ठा। 24यदि और कुई फे नैकरल अचम्मक काम मै हुँकन्हक बीचम नैकर्टुं कलसे, हुँक्र पापक दोषी नैहुइनेरलह। तर हुँक्र म्वार करल अचम्मक काम देख्क फे महीह ओ म्वार बाबह हेल्हा कर्ठ। 25तर, हुँकन्हक व्यवस्थम लिखल ‘हुँक्र महीह विनसेँटिक हेल्हा कर्ल’ कना यी वचन पूरा हुइक लाग यी हुइल् हो।#भज ३५:१९; ६९:४
26“मै बाबक तर्फसे सहायता देहुइयह टुन्हकठे पठादेहम, उहाँ बाबकठेसे अइना सत्य आत्मा हुइट। उहाँ जो म्वार बारेम साक्षी देहुइयाबाट। 27ओ टुह्रजुन सुरुसे म्वारसँग रलक कारण टुह्र फे म्वार साक्षी हुइबो।”
Currently Selected:
यूहन्ना 15: thl
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
यूहन्ना 15
15
अङ्गूरिक ब्वाँट ओ हङ्ग्या
1येशू कल, “सत्य अङ्गूरिक ब्वाँट मै हुइटुँ, ओ म्वार बाबा किसान हुइट। 2म्वारम रहल फारा नैफरैना हङ्ग्या सब उहाँ छाँट्देठ, तर फारा फरैना हङ्ग्यम झन् धेर फारा लागी कैक उहाँ सफा कर्ठ। 3किसान हङ्गेह सफा करअस मै टुँहन कहल वचनले टुह्र पैल्हहेँ शुद्ध होरलो। 4म्वारम रहो, ओ मै टुन्हकम रहम। जसहेँक हङ्ग्या अङ्गूरिक ब्वाँटिम नैरहल कलसे उ अपन्हे फारा फराइ नैस्याकट्, ओसहेँक टुह्र म्वारम नैरबो कलसे टुह्र फे फारा फराइ नैसेक्बो।
5“अङ्गूरिक ब्वाँट मै हुइटुँ, ओ टुह्रजुन हङ्ग्या हुइटो। यदि कुई म्वारम रहल, ओ मै वाकरम रनु कलसे, ऊ धेर फारा फरैठा। महीसे अल्ग रह्क टुह्र कुछु कर नैसेक्टो। 6यदि कौनो मनैया म्वारम नैरहल कलसे, ऊ काट्गैल् हङ्ग्याअस बाहर लब्डाजैठा, ओ उ सुखजैठा। असिन हङ्ग्या मनै बिटोर्क आगीम फाँकदेठ, ओ उ जरजैठा। 7यदि टुह्र म्वारम रबो ओ म्वार कहल वचन टुन्हकम रही कलसे, टुह्र आपन मन लागल चिज माँगसेक्ठो, ओ टुह्र आपन माङ्गल चिज पैबो। 8टुह्र धेर फारा फरैबो त म्वार बाबक महिमा प्रकट हुइनेबा ओ टुह्र म्वार चेला रलक बात देखपरी।
9“जसहेँक म्वार बाबा महीह प्रेम कर्ल, ओसहेँक मै फे टुँहन प्रेम कैरख्नु। आब टुह्र म्वार प्रेमम पलरहो। 10मै आपन बाबक आज्ञापालन कैक उहाँक प्रेमम पलरठुँ। ओसहेँक टुह्र म्वार आज्ञापालन कर्बो कलसे, टुह्र फे म्वार प्रेमम पलरबो। 11म्वार आनन्द टुन्हकम रही ओ टुन्हक आनन्द पूरा हुई कैक मै टुँहन यी बात कनहुँ।
12“म्वार आज्ञा यिह हो: जसहेँक मै टुँहन प्रेम कर्नु, ओसहेँक टुह्र फे एक-औरजहन प्रेम करो।#यूह १३:३४; १५:१७; १ यूह ३:२३; २ यूह ५ 13सबसे महान प्रेम कलक आपन सङ्घारीक लाग आपन प्राण देना हो, यहीसे महान प्रेम और कुछु नैहो। 14यदि टुह्र म्वार आज्ञापालन कर्टीरबो कलसे, टुह्र म्वार सङ्घरेन हुइटो। 15आबठेसे मै टुँहन कमारा नैकहम, काकरकि मालिक का कर्टिबाट कना बात कमारह कुछु जानकारी नैरटस। तर मै टुँहन सङ्घरेन कनु, काकरकि मै आपन बाबसे सुनल बात सब टुँहन जनादेरख्नु। 16महीह टुह्र नैरोज्लो, तर मै टुँहन रोज्नु। टुह्र जाओ, ओ सड्डभर पलरना फारा फराओ कैक टुँहन नियुक्त कर्नु। तब टुह्र म्वार नाउँम बाबसे ज्या मङ्ग्लसे फे उहाँ टुँहन देनेबाट। 17मै टुँहन यी आज्ञा देहटुँ: एक-औरजहन प्रेम करो।
मनै चेलन हेल्हा कर्ना बात
18“यदि संसारक मनै टुँहन हेल्हा करहीँ कलसे, टुँहनसे आघ हुँक्र महीह हेल्हा कर्ल कना बात याद करो। 19यदि टुह्र यी संसारक रटो कलसे, संसारक मनै टुँहन आपन मनै मान्क प्रेम कर्नेरलह। तर टुह्र यी संसारक नैहुइटो। टुँहन संसारमसे मै रोज्नु, उहओर्से संसारक मनै टुँहन हेल्हा कर्ठ। 20‘नोकर मालिकसे महान नैरहट्’ कैक म्वार कहल वचन सम्झो। हुँक्र महीह सँतैल कलसे, टुँहन फे सँतैहीँ। यदि हुँक्र म्वार कहल मनहीँ कलसे, टुन्हक कहल फे मनहीँ।#मत्ती १०:२४; लूक ६:४०; यूह १३:१६ 21टुह्र म्वार नाउँम विश्वास कर्लक कारण हुँक्र टुँहन ओसिन व्यवहार करहीँ, काकरकि हुँक्र महीह पठुइयह नैचिह्न्ट। 22यदि मै आक हुँकन कुछु नैकटुँ कलसे, हुँक्र पापक दोषी नैहुइनेरलह। तर आब हुँकन आपन पापक बहाना बनैना कुछु ठाउँ नैहुइटन। 23महीह हेल्हा करुइया म्वार बाबह फे हेल्हा कर्ठा। 24यदि और कुई फे नैकरल अचम्मक काम मै हुँकन्हक बीचम नैकर्टुं कलसे, हुँक्र पापक दोषी नैहुइनेरलह। तर हुँक्र म्वार करल अचम्मक काम देख्क फे महीह ओ म्वार बाबह हेल्हा कर्ठ। 25तर, हुँकन्हक व्यवस्थम लिखल ‘हुँक्र महीह विनसेँटिक हेल्हा कर्ल’ कना यी वचन पूरा हुइक लाग यी हुइल् हो।#भज ३५:१९; ६९:४
26“मै बाबक तर्फसे सहायता देहुइयह टुन्हकठे पठादेहम, उहाँ बाबकठेसे अइना सत्य आत्मा हुइट। उहाँ जो म्वार बारेम साक्षी देहुइयाबाट। 27ओ टुह्रजुन सुरुसे म्वारसँग रलक कारण टुह्र फे म्वार साक्षी हुइबो।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.